Genesis 7
7
Omuyembo kwamatsi
1OMWAMI namuboolela Noa ari Yitsa winjile musafina halala nende abomunzuyo bosi; shichila niwe owa enduutsi noli omulunji imbeli wanje mwikhula lino. 2Khubuli imbia yetsisolo tsisiiyikhu wibukulile musaafu nende musaafu, mbu tsisaatsa nende tsikhasi tsiatsio; ne khusolo etsirali tsisiiyikhu ta tsibili, isaatsa nende ikhasi yayo. 3Khumanyonyi nako akokhwikulu, musaafu nende musaafu, amasaatsa nende amakhasi; olwibulo lulindwe lubeetsenje mwoyo mushibala shiosi. 4Okhuba tsishilikhwo tsindaalo musaafu, nasi ningwisia ifula khushialo tsindaalo amakhumi kane, eshiteere nende eshilo; ne shia eshili mwoyo shiosi eshia ndakhola ndakhashimulule khushialo. 5Noa nakhola kosi shinga olwa Nyasaye yamulaka.
6Noa yali owemiyika ebikhumi bisasaba omuyembo kwamatsi olwa kwalia eshibala. 7Kho Noa niyeenjila musafina, nende abaanabe, nende omukhasiwe, nende abakhasi babaanabe halala ninaye, khulwa amatsi akomuyembo okwo. 8Ne khusolo tsisiiyikhu, nende khusolo etsirali tsisiiyikhu ta, nende khumanyonyi, nende khubiosi ebimoolanga khwiloba, 9bieenjila ewa Noa yali musafina bibili bibili, eshisaatsa nende eshikhasi, shinga Nyasaye olwa yamulaka Noa. 10Mana inyuma wetsindaalo etsio musaafu amatsi akomuyembo nikabaho khushibala.
11Mumuyika kwebikhumi bisasaba kwaNoa, mumwesi kwakhabili, nikuli likhumi namusaafu, khunyanga eyo tsimoni tsiamatsi tsiosi etsiomulusiba olukali tsiarulikha, amatirisha akomwikulu nako nikeekukha. 12Ifula niyibaho khushibala tsindaalo amakhumi kane, eshiteere nende eshilo. 13Khunyanga yeneyo Noa niyeenjila musafina, nende Shemu nende Hamu nende Yafetsi abaana baNoa, nende omukhasi waNoa, nende abakhasi bataru babaanabe halala ninabo; 14bo, nende buli solo khumbia yashio, nende emiruko chiosi khumbia yachio, nende buli shindu eshimoolanga khushibala khumbia yashio, nende buli shindu shietsimbaha khumbia yashio, buli linyonyi liabuli imbia. 15Nibiinjila ewa Noa yali musafina, bibili bibili biebindu biosi ebilimwo omuuya kwobulamu. 16Nabio ebieenjilamwo, bieenjila ebisaatsa nende ebikhasi biebili mwoyo biosi shinga Nyasaye olwa yamulaka; OMWAMI namwikalilamwo.
17Omuyembo okwo nikubaho khushibala tsindaalo amakhumi kane; amatsi nikeemeeta, nikachinga isafina hekulu, nayo niyichinguukha ikulu weshibala. 18Amatsi nikashilaana tsingufu, nikeemeeta muno khushibala; isafina nayo niyichenda hekulu khumatsi. 19Amatsi nikashilaana tsingufu muno khushibala; okhuula olwa kafuunikha ebikulu ebirambi biosi ebiali hasi welikulu liosi. 20Amatsi nikashilaana tsingufu okhuula olwa kafuunikha ebikulu khuburambi bwamakhono ekhumi nakaraano. 21Ebili mwoyo biosi ebichenda khushialo nibifwa, mbu amanyonyi, nende emiruko, nende tsisolo tsiosi, nende ebiselasela khwiloba, nende buli mundu yesi; 22biosi ebialimwo omuuya kwobulamu mumoolu kabio khubiosi ebiali khushialo eshiumu, nibifwa. 23Shia eshili mwoyo shiosi shiamululwa eshiali khushialo, mbu abandu, nende tsisolo, nende ebimoolanga hasi, nende amanyonyi akokhwikulu; biosi biamululwa khushialo; Noa niye owasikala yenyene, nende aba yali ninabo musafina. 24Amatsi nikashilaana tsingufu khushibala tsindaalo eshikhumi nende amakhumi karaano.
ទើបបានជ្រើសរើសហើយ៖
Genesis 7: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 7
7
Omuyembo kwamatsi
1OMWAMI namuboolela Noa ari Yitsa winjile musafina halala nende abomunzuyo bosi; shichila niwe owa enduutsi noli omulunji imbeli wanje mwikhula lino. 2Khubuli imbia yetsisolo tsisiiyikhu wibukulile musaafu nende musaafu, mbu tsisaatsa nende tsikhasi tsiatsio; ne khusolo etsirali tsisiiyikhu ta tsibili, isaatsa nende ikhasi yayo. 3Khumanyonyi nako akokhwikulu, musaafu nende musaafu, amasaatsa nende amakhasi; olwibulo lulindwe lubeetsenje mwoyo mushibala shiosi. 4Okhuba tsishilikhwo tsindaalo musaafu, nasi ningwisia ifula khushialo tsindaalo amakhumi kane, eshiteere nende eshilo; ne shia eshili mwoyo shiosi eshia ndakhola ndakhashimulule khushialo. 5Noa nakhola kosi shinga olwa Nyasaye yamulaka.
6Noa yali owemiyika ebikhumi bisasaba omuyembo kwamatsi olwa kwalia eshibala. 7Kho Noa niyeenjila musafina, nende abaanabe, nende omukhasiwe, nende abakhasi babaanabe halala ninaye, khulwa amatsi akomuyembo okwo. 8Ne khusolo tsisiiyikhu, nende khusolo etsirali tsisiiyikhu ta, nende khumanyonyi, nende khubiosi ebimoolanga khwiloba, 9bieenjila ewa Noa yali musafina bibili bibili, eshisaatsa nende eshikhasi, shinga Nyasaye olwa yamulaka Noa. 10Mana inyuma wetsindaalo etsio musaafu amatsi akomuyembo nikabaho khushibala.
11Mumuyika kwebikhumi bisasaba kwaNoa, mumwesi kwakhabili, nikuli likhumi namusaafu, khunyanga eyo tsimoni tsiamatsi tsiosi etsiomulusiba olukali tsiarulikha, amatirisha akomwikulu nako nikeekukha. 12Ifula niyibaho khushibala tsindaalo amakhumi kane, eshiteere nende eshilo. 13Khunyanga yeneyo Noa niyeenjila musafina, nende Shemu nende Hamu nende Yafetsi abaana baNoa, nende omukhasi waNoa, nende abakhasi bataru babaanabe halala ninabo; 14bo, nende buli solo khumbia yashio, nende emiruko chiosi khumbia yachio, nende buli shindu eshimoolanga khushibala khumbia yashio, nende buli shindu shietsimbaha khumbia yashio, buli linyonyi liabuli imbia. 15Nibiinjila ewa Noa yali musafina, bibili bibili biebindu biosi ebilimwo omuuya kwobulamu. 16Nabio ebieenjilamwo, bieenjila ebisaatsa nende ebikhasi biebili mwoyo biosi shinga Nyasaye olwa yamulaka; OMWAMI namwikalilamwo.
17Omuyembo okwo nikubaho khushibala tsindaalo amakhumi kane; amatsi nikeemeeta, nikachinga isafina hekulu, nayo niyichinguukha ikulu weshibala. 18Amatsi nikashilaana tsingufu, nikeemeeta muno khushibala; isafina nayo niyichenda hekulu khumatsi. 19Amatsi nikashilaana tsingufu muno khushibala; okhuula olwa kafuunikha ebikulu ebirambi biosi ebiali hasi welikulu liosi. 20Amatsi nikashilaana tsingufu okhuula olwa kafuunikha ebikulu khuburambi bwamakhono ekhumi nakaraano. 21Ebili mwoyo biosi ebichenda khushialo nibifwa, mbu amanyonyi, nende emiruko, nende tsisolo tsiosi, nende ebiselasela khwiloba, nende buli mundu yesi; 22biosi ebialimwo omuuya kwobulamu mumoolu kabio khubiosi ebiali khushialo eshiumu, nibifwa. 23Shia eshili mwoyo shiosi shiamululwa eshiali khushialo, mbu abandu, nende tsisolo, nende ebimoolanga hasi, nende amanyonyi akokhwikulu; biosi biamululwa khushialo; Noa niye owasikala yenyene, nende aba yali ninabo musafina. 24Amatsi nikashilaana tsingufu khushibala tsindaalo eshikhumi nende amakhumi karaano.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975