Genesis 17
17
Eshishebo neshilolelo shieindakano
1Ne olwa Aburamu yali owemiyika amakhumi shienda nende shienda, OMWAMI yaloleshela Aburamu namusunjila mbu Isie nisie Nyasaye Ounyala-biosi; wichendelesie imbeli wanje, noba habwene. 2Nasi ndalakhola indakano yanje hakari wanje ninawe, khandi ndalakhwinjiyia okhushila muno. 3Naye Aburamu nasikama namwinamila; ne Nyasaye nasungana ninaye, ari 4Lola, khulwanje, indakano yanje oli ninayo, ne oliba omwibuli wamahanga amanji. 5Kata eliiralio shililalangungwa mbu Aburamu khandi tawe, ne eliiralio lilaba Aburahamu; shichila ekhukholile okhuba omwibuli wamahanga amanji. 6Ndilikhunyalila okhwibulana muno, nikhukhola iwe obe amahanga, ne abaruchi balirula mwiwe. 7Khandi ndalaraho indakano yanje hakari wanje ninawe nende olwibulolwo inyumawo, khandi khunzibulo tsiabwe tsiosi, mbu yibe indakano eyiralihwaho ta, mbu embe Nyasayewo nende owolwibulolwo inyumawo. 8Ndilikhuheelesia iwe nende olwibulolwo inyumawo eshialo shino eshia omenyangamwo shinga omucheni, nishio eshialo shiosi shiaKanaani, shibe eshishio inziayo; nasi ndiliba Nyasaye wabwe.
9Nyasaye namuboolela Aburahamu ari Nawe, olalindanga indakano yanje, iwe omwene, nende olwibulolwo inyumawo munzibulo tsiabwe tsiosi. 10Indakano yanje eya mulalindanga, hakari wanje nineenywe nende olwibulolwo inyumawo njieyino; mbu buli musaatsa ouli mwinywe ashebwe. 11Mulashebungwa likhoba lielifunga lieenywe, ne nishio eshiliba eshilolelo shieindakano hakari wanje nineenywe. 12Oumalile tsindaalo munaane mwinywe alashebwe, buli mwana omusiani munzibulo tsieenywe tsiosi, oyo kata owibuulwe mwitaalalio, kata omukula owakulwa amapeesa nende omurende yesi, ourali owomulwibulolwo ta. 13Oyo owibuulwe mwitaala, kata oyo owakulwa obukusi bwamapeesako, okhuula olwa ashebwa; ne indakano yanje yilabeetsanga khunyama yemibili chieenywe, kho yibe indakano yeinziayo. 14Ne omusaatsa omusinde, ourashebwa likhoba lielifungalie tawe, omundu oyo waarilwe okhurula mubandu babwe; asasiye indakano yanje.
15Nyasaye namusunjila Aburahamu mbu Ne Sarai omukhasiwo, shiolamulanganga eliiralie mbu Sarai tawe, ne eliiralie alakulikhwa mbu Sara. 16Ndalamuha ikhabi, khandi muye ndilikhuha omwana omusiani; toto, ndalamuha ikhabi, naye aliba nyina amahanga; abaruchi babandu balirula muye. 17Kho Aburahamu niyeenama, natsekha, naboola mumwoyokwe ari Mana aliibula omwana, omundu ouli owemiyika eshikhumi? Kata Sara naye, olwa ali owemiyika amakhumi shienda, mana aliibula? 18Aburahamu nasunjila Nyasaye mbu Shiakhuha Ishimaeli wabaho imbeliwo! 19Nyasaye nasunga ari Tawe, habula Sara omukhasiwo aliibula omwana omusiani; nawe olimukulikha eliira mbu Isaka; nasi ndilitinyisia indakano yanje ninaye, yibe indakano eyiralihwaho ta mulwibulolwe inyumawe. 20Ne khuIshimaeli, toto ekhuhuliile; lola, ndamuheelesiye ikhabi, khandi ndilimunyalila okhwibulana muno, nimwinjiyia okhushila; aliibula abakhulundu ekhumi nababili, ne ndilimukhola lihanga likhongo. 21Nebutswa indakano yanje ndilichitinyisia nende Isaka, owa Sara aliibula khunduukho shinga yino mumuyika okwitsa. 22Kho nalekha okhusungana ninaye; Nyasaye nakulukha namulekha Aburahamu.
23Aburahamu nabukula Ishimaeli omwanawe, nende abo bosi abali nibeebulilwa mwitaalalie, nende bosi abali nibakulwa amapeesake, buli musaatsa khubandu abomunzu yaAburahamu, nabasheba amakhoba kamafunga kabwe khunyanga yeneyo, shinga olwa Nyasaye yali namusunjiile. 24Aburahamu yali owemiyika amakhumi shienda nashienda olwa yashebwa likhoba lielifungalie. 25Naye Ishimaeli omwanawe yali owemiyika ekhumi nachitaru olwa yashebwa likhoba lielifungalie. 26Khunyanga yeneyo Aburahamu yashebwa, halala nende Ishimaeli omwanawe. 27Nabandu abasaatsa bosi abomwitaalalie, abo abeebulwa mwitaala, nabakulwa amapeesa nende abarende, bosi bashebwa halala ninaye.
ទើបបានជ្រើសរើសហើយ៖
Genesis 17: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Genesis 17
17
Eshishebo neshilolelo shieindakano
1Ne olwa Aburamu yali owemiyika amakhumi shienda nende shienda, OMWAMI yaloleshela Aburamu namusunjila mbu Isie nisie Nyasaye Ounyala-biosi; wichendelesie imbeli wanje, noba habwene. 2Nasi ndalakhola indakano yanje hakari wanje ninawe, khandi ndalakhwinjiyia okhushila muno. 3Naye Aburamu nasikama namwinamila; ne Nyasaye nasungana ninaye, ari 4Lola, khulwanje, indakano yanje oli ninayo, ne oliba omwibuli wamahanga amanji. 5Kata eliiralio shililalangungwa mbu Aburamu khandi tawe, ne eliiralio lilaba Aburahamu; shichila ekhukholile okhuba omwibuli wamahanga amanji. 6Ndilikhunyalila okhwibulana muno, nikhukhola iwe obe amahanga, ne abaruchi balirula mwiwe. 7Khandi ndalaraho indakano yanje hakari wanje ninawe nende olwibulolwo inyumawo, khandi khunzibulo tsiabwe tsiosi, mbu yibe indakano eyiralihwaho ta, mbu embe Nyasayewo nende owolwibulolwo inyumawo. 8Ndilikhuheelesia iwe nende olwibulolwo inyumawo eshialo shino eshia omenyangamwo shinga omucheni, nishio eshialo shiosi shiaKanaani, shibe eshishio inziayo; nasi ndiliba Nyasaye wabwe.
9Nyasaye namuboolela Aburahamu ari Nawe, olalindanga indakano yanje, iwe omwene, nende olwibulolwo inyumawo munzibulo tsiabwe tsiosi. 10Indakano yanje eya mulalindanga, hakari wanje nineenywe nende olwibulolwo inyumawo njieyino; mbu buli musaatsa ouli mwinywe ashebwe. 11Mulashebungwa likhoba lielifunga lieenywe, ne nishio eshiliba eshilolelo shieindakano hakari wanje nineenywe. 12Oumalile tsindaalo munaane mwinywe alashebwe, buli mwana omusiani munzibulo tsieenywe tsiosi, oyo kata owibuulwe mwitaalalio, kata omukula owakulwa amapeesa nende omurende yesi, ourali owomulwibulolwo ta. 13Oyo owibuulwe mwitaala, kata oyo owakulwa obukusi bwamapeesako, okhuula olwa ashebwa; ne indakano yanje yilabeetsanga khunyama yemibili chieenywe, kho yibe indakano yeinziayo. 14Ne omusaatsa omusinde, ourashebwa likhoba lielifungalie tawe, omundu oyo waarilwe okhurula mubandu babwe; asasiye indakano yanje.
15Nyasaye namusunjila Aburahamu mbu Ne Sarai omukhasiwo, shiolamulanganga eliiralie mbu Sarai tawe, ne eliiralie alakulikhwa mbu Sara. 16Ndalamuha ikhabi, khandi muye ndilikhuha omwana omusiani; toto, ndalamuha ikhabi, naye aliba nyina amahanga; abaruchi babandu balirula muye. 17Kho Aburahamu niyeenama, natsekha, naboola mumwoyokwe ari Mana aliibula omwana, omundu ouli owemiyika eshikhumi? Kata Sara naye, olwa ali owemiyika amakhumi shienda, mana aliibula? 18Aburahamu nasunjila Nyasaye mbu Shiakhuha Ishimaeli wabaho imbeliwo! 19Nyasaye nasunga ari Tawe, habula Sara omukhasiwo aliibula omwana omusiani; nawe olimukulikha eliira mbu Isaka; nasi ndilitinyisia indakano yanje ninaye, yibe indakano eyiralihwaho ta mulwibulolwe inyumawe. 20Ne khuIshimaeli, toto ekhuhuliile; lola, ndamuheelesiye ikhabi, khandi ndilimunyalila okhwibulana muno, nimwinjiyia okhushila; aliibula abakhulundu ekhumi nababili, ne ndilimukhola lihanga likhongo. 21Nebutswa indakano yanje ndilichitinyisia nende Isaka, owa Sara aliibula khunduukho shinga yino mumuyika okwitsa. 22Kho nalekha okhusungana ninaye; Nyasaye nakulukha namulekha Aburahamu.
23Aburahamu nabukula Ishimaeli omwanawe, nende abo bosi abali nibeebulilwa mwitaalalie, nende bosi abali nibakulwa amapeesake, buli musaatsa khubandu abomunzu yaAburahamu, nabasheba amakhoba kamafunga kabwe khunyanga yeneyo, shinga olwa Nyasaye yali namusunjiile. 24Aburahamu yali owemiyika amakhumi shienda nashienda olwa yashebwa likhoba lielifungalie. 25Naye Ishimaeli omwanawe yali owemiyika ekhumi nachitaru olwa yashebwa likhoba lielifungalie. 26Khunyanga yeneyo Aburahamu yashebwa, halala nende Ishimaeli omwanawe. 27Nabandu abasaatsa bosi abomwitaalalie, abo abeebulwa mwitaala, nabakulwa amapeesa nende abarende, bosi bashebwa halala ninaye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975