Gyɔɔn 11
11
A Lazaros Kũũ Yɛlɛ
1 #
Luk 10:38-39
Dɔɔ kaŋ da bebe la a beɛrɛ, ka o yuori di Lazaros. O da yi la Bɛtani, a Maria ane o yɔɔ Maata teŋɛ. 2#Gyn 12:3 A Maria ŋa la da sɔ a Yeezu ne kãã-nyunoɔ kyɛ da de o zukɔɔloŋ meele ne a Yeezu gbɛɛ. A o yɔɔdɔɔ Lazaros da beɛrɛ la. 3Lɛ la ka a Lazaros yɔɔpuuli da toŋ ka ba te yeli a Yeezu, “Daana, a soba na fo naŋ nɔŋ beɛrɛ la.” 4#Gyn 9:3 Kyɛ a Yeezu naŋ da wa woŋ a duoro, O da yelee la, “A baaloŋ ŋa ba e o kũũ baaloŋ, kyɛ o beɛrɛ la ka Naaŋmen yuori na nyɛ puubu, ka a Naaŋmen Bie na tu a be a nyɛ puubu.” 5Aneazaa ka Yeezu da nɔŋ la Maata ane o yɔɔ Maria ane a Lazaros, 6kyɛ O naŋ da wa woŋ a Lazaros baaloŋ yɛlɛ, O da naŋ be la a be O naŋ be beri ayi.
7A ŋaa puoriŋ la ka a Yeezu da yeli ko a O potuuribo, “Yɛ e ka te la gaa a Gyudiya paaloŋ.” 8#Gyn 8:59; 10:31 A potuuribo da yeli ko O la, “Wulwullo, daare yɛŋyɛŋ ŋa naane ka a Gyuumine da boɔrɔ ka ba za fo ne kubo, kyɛ ka fo la maaleŋ gɛrɛ a be?” 9#Gyn 9:4-5 Ka a Yeezu da yelsɔge, “Gbelli pie ne ayi naane be a ŋmenaa saŋ be? Banaŋ naŋ kyɛnɛ ŋmenaa saŋ ba ŋmeɛrɛ gbɛɛ, bonso, ba maŋ nyɛrɛ la a teŋɛ ŋa zu kyaane. 10#Gyn 12:35 Kyɛ banaŋ naŋ kyɛnɛ tensogɔ saŋ maŋ ŋmeɛrɛ la gbɛɛ, bonso, a kyaane ba kye ba poɔ.” 11#Mat 9:24 A Yeezu naŋ da wa yeli a ŋaa baare, O da yeli ko ba la, “A te ba Lazaros gbiree la, kyɛ N gɛrɛ la a be ka N te seŋ o.” 12Ka a potuuribo da yeli ko O, “Daana, ka o naŋ wa gbiri, o na leɛ nyɛ la laafeɛ wɛ.” 13A Lazaros kũũ yɛlɛ la ka a Yeezu da yele korɔ a potuuribo kyɛ ka ba da teɛre ka goɔŋ la ka o sereŋ gbiri. 14Lɛ la ka Yeezu da yeli weliweli ko ba, “A Lazaros kpie la. 15Kyɛ a yɛ zuiŋ, a e ma la noɔ ne N naŋ da ba kyebe, ka a lɛ na vɛŋ ka yɛ na sage de a N yɛlɛ. Yɛ e ka te gaa o zie.” 16A Tɔmaas ba naŋ da boɔlɔ Yeebaa da yeli ko la a o potuur-taaba, “Yɛ e ka te meŋ gaa, ka te ne O te laŋ kpi.”
Yeezu La A Kuuni Poɔ Leɛ-iruu Ane Nyɔvore
17A Yeezu naŋ da wa ta, O da nyɛɛ la ka ba ũũ a Lazaros ka a ta beri anaare. 18A Bɛtani teŋɛ da peɛle la Gyeruzɛlɛm, a e ŋa mɛlɛ ayi. 19A Gyuumine yaga da yi la a Gyeruzɛlɛm a wa ka ba moore ko a Maata ane Maria a ba yɔɔdɔɔ kũũ eŋɛ. 20A Maata naŋ da wa woŋ ka a Yeezu waana la, o da yi te tuori O la, kyɛ ka Maria eŋ da be a yiri poɔ. 21A Maata da yeli ko la Yeezu, “Daana, ka fõõ da be kyɛ, a N yɔɔdɔɔ da koŋ kpi. 22Kyɛ a pampana ŋa, N baŋ ka Naaŋmen na ko fo la bonzaa fo naŋ sɔre yi O zie.” 23A Yeezu da yeli ko o la, “A fo yɔɔdɔɔ na leɛ-iri la.” 24#Gyn 5:29; 6:40; Luk 14:14 Ka a Maata da yeli ko O, “N baŋɛɛ la ka a n yɔɔdɔɔ na leɛ-iri la a kuuni leɛ-iruu poɔ a bebi-baaraa daare.” 25Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la, 26#Gyn 8:51 ka neɛzaa naŋ voorɔ kyɛ sage de N yɛlɛ daŋ koŋ kpi zaa. Fo sage de la a ŋaa bee?” 27#Gyn 6:69 Ka a Maata da yeli ko O, “Õõ, Daana, N sage deɛ la ka fõõ la a Kirista, a Naaŋmen Bie na naŋ waana a teŋɛzu.”
Yeezu Naŋ Ŋma Nentaŋ
28A Maata naŋ da wa yeli a ŋaa, o da leɛ gaa te boɔle la o yɔɔ Maria a waale yeli ko o, “A wulwullo be la kyɛ, a boɔlɔ fo.” 29A Maria naŋ da wa woŋ a ŋaa, o da vaa-iree la wieũ zaa a gaa a Yeezu zie. 30#Gyn 11:20 A Yeezu da naŋ ba kpɛ a teŋɛ poɔ sɛre. O da naŋ kyɛnɛ be la a be a Maata naŋ da tuori O. 31A Gyuumine na naŋ da be a Maria zie a yiri poɔ a moorɔ korɔ o da nyɛ o la ka o vaa-iri wieũ zaa a te yi yeŋ. Ba da iri tuuro o la, bonso, ba da teɛre ka o gɛrɛ la a yaa zie ka o te koŋ. 32A Maria naŋ da wa ta a be a Yeezu naŋ be, a da nyɛ O, o da gbi la dumo a Yeezu gbɛɛ puliŋ kyɛ da yeli ko O, “Daana, ka fõõ da be kyɛ, a N yɔɔdɔɔ da koŋ kpi.” 33#Gyn 13:21 A Yeezu naŋ da wa nyɛ a Maria ka o kono, ka a Gyuumine na naŋ da tuuro o meŋ da kono, a da dɔ̃ɔ̃ la O sukyiri yaga zaa ka O da nyɔge O meŋɛ fãã. 34A Yeezu da soore ba la, “Yeŋ la ka yɛ ũũ o?” Ka ba da yeli ko O, “Daana, wa nyɛ.” 35#Luk 19:41 A Yeezu da piili ŋmaara la nentaŋ. 36A lɛ la ka a Gyuumine da yeli, “Yɛ nyɛ O naŋ nɔŋ a Lazaros lɛ!” 37Kyɛ ka a noba mine da yeli, “Ka lɛ O naŋ da toɔ̃ yuo a dɔɔ-zɔŋ nimie, O mɔɔ da kontoɔ̃ e ka a dɔɔ ŋa da ta kpi be?”
Yeezu Naŋ E Ka Lazaros Leɛ-iri A Kuuni Poɔ
38 #
Mat 27:60
Lɛ la ka a Yeezu sukyiri da la dɔ̃ɔ̃ O, ka O da la gaa a yaa zie. A yaa da waa la taŋ bogi ka kuuri furi o noɔre. 39A Yeezu da yelee la, “Yɛ billi a kuuri bare.” Ka Maata, a kũũ yɔɔpuulee da yeli ko a Yeezu, “Daana, o faa nyuuro la, bonso, ba naŋ ũũ o a beri anaare la zenɛ.” 40#Gyn 11:4; 11:23; 11:25-26 A Yeezu da leɛ yeli ko o la, “N da ba yeli ko fo ka ka fõõ wa sage de, fo na nyɛ la a Naaŋmen puubu be?” 41Lɛ la ka ba da billi a kuuri bare. A Yeezu pãã da gbole kaa la sazu kyɛ yeli, “N Saa, N puori fo la bareka ne fo naŋ kyɛlle woŋ a N puoruu. 42#Gyn 12:30 N baŋɛɛ la ka fo maŋ kyɛlle woŋ la N puoruu tegitegilɛ, kyɛ a noba bama naŋ are a kyɛ zuiŋ la so ka N yeli a ŋaa ka ka ba na sage de ka fõõ la toŋ ma.” 43O naŋ da wa yeli a ŋaa, O da ŋmɛ la kpɛlle ne kɔkɔkpeɛŋaa a yeli, “Lazaros, iri yi wa!” 44A kũũ da iri yi waɛ la, ka pɛmɛ leŋ o gbɛɛ ne o nuuri, ka pɛne vili pɔge o niŋe. Ka a Yeezu da yeli ko ba, “Yɛ lori a pɛmɛ kyɛ bare o ka o gɛrɛ.”
Ba Naŋ Bo Ka Ba Ko Yeezu
45A Gyuumine yaga naŋ da tu a Maria wa, a da wa nyɛ bonna a Yeezu naŋ da e, da sage de la O yɛlɛ. 46Kyɛ a noba mine da leɛ gaa la a Faraziimine zie a te manne ko ba bonna a Yeezu naŋ e. 47Lɛ la ka a bagmaalkare ane a Faraziimine da boɔle a sɛrediribe lantaa a soore ba, “Wola ka te na e? A dɔɔ ŋa erɛ la yelwulii yaga. 48Ka tenee bare O ka O naŋ erɛ a ŋaa, a noba zaa na sage de la a O yɛlɛ, ka a lɛ vɛŋ ka a Rom noba wa sãã a te zisoŋ ane a te teŋɛ bare.” 49Kyɛ a ba kaŋ yuori naŋ da di Kayefa kyɛ da e a Naaŋmen bagmaalkare neŋkpoŋ a yuoni na poɔ, da yelee la, “Yɛ deɛ ba baŋ yelzaa togitogi! 50#Gyn 18:14 Yɛ ba baŋ a tɛgɛ ka a na soma la ka yɛ e ka nen-yeni kpi a noba zuiŋ a gaŋ a noba zaa naŋ na kpi.” 51#Yiib 28:30; Sɔr 27:21 O meŋɛ naane da baŋ a yeli ŋa a yele, kyɛ o naŋ da e a Naaŋmen bagmaalkare neŋkpoŋ a yuoni na poɔ la so ka o da yele a Ŋmen-yelmanna yelyelii a kyaare ne a Yeezu, ka Ona la na kpi a faa a paaloŋ noba. 52#Gyn 10:16 A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni. 53Azuiŋ, a yi a lɛ daare gɛrɛ, ba da narɛɛ la ka ba ko a Yeezu.
54A lɛ zuiŋ, Yeezu da ba la sagra kpeɛrɛ a Gyuumine poɔ. O da yi la a be gaa teŋɛ kaŋ ba naŋ boɔlɔ Efirem naŋ be a paaloŋ kaŋ naŋ peɛle a wɛgyɛŋ ka O ne a O potuuribo da te be a be.
55 #
2 Teŋ 30:17
A Gyuumine Ista tigri da peɛlɛ la, ka noba yaga da yi a tembilii poore gaa Gyeruzɛlɛm ka ba te peere bamenne kyɛ ka a tigri pãã ta. 56Ba da yɔ boɔrɔ la a Yeezu, a soorɔ taa, ba naŋ da are a Naaŋmen die poɔ, “Wola ka yɛ teɛre? Yelmeŋɛ zaa, O na wa la a tigri zie be?” 57A Naaŋmen bagmaalkare ane a Faraziimine da tere la noɔre ka neɛzaa naŋ baŋ zie na a Yeezu naŋ be, o wa yeli ko ba ka ba te nyɔge O.
ទើបបានជ្រើសរើសហើយ៖
Gyɔɔn 11: DGA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.
Gyɔɔn 11
11
A Lazaros Kũũ Yɛlɛ
1 #
Luk 10:38-39
Dɔɔ kaŋ da bebe la a beɛrɛ, ka o yuori di Lazaros. O da yi la Bɛtani, a Maria ane o yɔɔ Maata teŋɛ. 2#Gyn 12:3 A Maria ŋa la da sɔ a Yeezu ne kãã-nyunoɔ kyɛ da de o zukɔɔloŋ meele ne a Yeezu gbɛɛ. A o yɔɔdɔɔ Lazaros da beɛrɛ la. 3Lɛ la ka a Lazaros yɔɔpuuli da toŋ ka ba te yeli a Yeezu, “Daana, a soba na fo naŋ nɔŋ beɛrɛ la.” 4#Gyn 9:3 Kyɛ a Yeezu naŋ da wa woŋ a duoro, O da yelee la, “A baaloŋ ŋa ba e o kũũ baaloŋ, kyɛ o beɛrɛ la ka Naaŋmen yuori na nyɛ puubu, ka a Naaŋmen Bie na tu a be a nyɛ puubu.” 5Aneazaa ka Yeezu da nɔŋ la Maata ane o yɔɔ Maria ane a Lazaros, 6kyɛ O naŋ da wa woŋ a Lazaros baaloŋ yɛlɛ, O da naŋ be la a be O naŋ be beri ayi.
7A ŋaa puoriŋ la ka a Yeezu da yeli ko a O potuuribo, “Yɛ e ka te la gaa a Gyudiya paaloŋ.” 8#Gyn 8:59; 10:31 A potuuribo da yeli ko O la, “Wulwullo, daare yɛŋyɛŋ ŋa naane ka a Gyuumine da boɔrɔ ka ba za fo ne kubo, kyɛ ka fo la maaleŋ gɛrɛ a be?” 9#Gyn 9:4-5 Ka a Yeezu da yelsɔge, “Gbelli pie ne ayi naane be a ŋmenaa saŋ be? Banaŋ naŋ kyɛnɛ ŋmenaa saŋ ba ŋmeɛrɛ gbɛɛ, bonso, ba maŋ nyɛrɛ la a teŋɛ ŋa zu kyaane. 10#Gyn 12:35 Kyɛ banaŋ naŋ kyɛnɛ tensogɔ saŋ maŋ ŋmeɛrɛ la gbɛɛ, bonso, a kyaane ba kye ba poɔ.” 11#Mat 9:24 A Yeezu naŋ da wa yeli a ŋaa baare, O da yeli ko ba la, “A te ba Lazaros gbiree la, kyɛ N gɛrɛ la a be ka N te seŋ o.” 12Ka a potuuribo da yeli ko O, “Daana, ka o naŋ wa gbiri, o na leɛ nyɛ la laafeɛ wɛ.” 13A Lazaros kũũ yɛlɛ la ka a Yeezu da yele korɔ a potuuribo kyɛ ka ba da teɛre ka goɔŋ la ka o sereŋ gbiri. 14Lɛ la ka Yeezu da yeli weliweli ko ba, “A Lazaros kpie la. 15Kyɛ a yɛ zuiŋ, a e ma la noɔ ne N naŋ da ba kyebe, ka a lɛ na vɛŋ ka yɛ na sage de a N yɛlɛ. Yɛ e ka te gaa o zie.” 16A Tɔmaas ba naŋ da boɔlɔ Yeebaa da yeli ko la a o potuur-taaba, “Yɛ e ka te meŋ gaa, ka te ne O te laŋ kpi.”
Yeezu La A Kuuni Poɔ Leɛ-iruu Ane Nyɔvore
17A Yeezu naŋ da wa ta, O da nyɛɛ la ka ba ũũ a Lazaros ka a ta beri anaare. 18A Bɛtani teŋɛ da peɛle la Gyeruzɛlɛm, a e ŋa mɛlɛ ayi. 19A Gyuumine yaga da yi la a Gyeruzɛlɛm a wa ka ba moore ko a Maata ane Maria a ba yɔɔdɔɔ kũũ eŋɛ. 20A Maata naŋ da wa woŋ ka a Yeezu waana la, o da yi te tuori O la, kyɛ ka Maria eŋ da be a yiri poɔ. 21A Maata da yeli ko la Yeezu, “Daana, ka fõõ da be kyɛ, a N yɔɔdɔɔ da koŋ kpi. 22Kyɛ a pampana ŋa, N baŋ ka Naaŋmen na ko fo la bonzaa fo naŋ sɔre yi O zie.” 23A Yeezu da yeli ko o la, “A fo yɔɔdɔɔ na leɛ-iri la.” 24#Gyn 5:29; 6:40; Luk 14:14 Ka a Maata da yeli ko O, “N baŋɛɛ la ka a n yɔɔdɔɔ na leɛ-iri la a kuuni leɛ-iruu poɔ a bebi-baaraa daare.” 25Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la, 26#Gyn 8:51 ka neɛzaa naŋ voorɔ kyɛ sage de N yɛlɛ daŋ koŋ kpi zaa. Fo sage de la a ŋaa bee?” 27#Gyn 6:69 Ka a Maata da yeli ko O, “Õõ, Daana, N sage deɛ la ka fõõ la a Kirista, a Naaŋmen Bie na naŋ waana a teŋɛzu.”
Yeezu Naŋ Ŋma Nentaŋ
28A Maata naŋ da wa yeli a ŋaa, o da leɛ gaa te boɔle la o yɔɔ Maria a waale yeli ko o, “A wulwullo be la kyɛ, a boɔlɔ fo.” 29A Maria naŋ da wa woŋ a ŋaa, o da vaa-iree la wieũ zaa a gaa a Yeezu zie. 30#Gyn 11:20 A Yeezu da naŋ ba kpɛ a teŋɛ poɔ sɛre. O da naŋ kyɛnɛ be la a be a Maata naŋ da tuori O. 31A Gyuumine na naŋ da be a Maria zie a yiri poɔ a moorɔ korɔ o da nyɛ o la ka o vaa-iri wieũ zaa a te yi yeŋ. Ba da iri tuuro o la, bonso, ba da teɛre ka o gɛrɛ la a yaa zie ka o te koŋ. 32A Maria naŋ da wa ta a be a Yeezu naŋ be, a da nyɛ O, o da gbi la dumo a Yeezu gbɛɛ puliŋ kyɛ da yeli ko O, “Daana, ka fõõ da be kyɛ, a N yɔɔdɔɔ da koŋ kpi.” 33#Gyn 13:21 A Yeezu naŋ da wa nyɛ a Maria ka o kono, ka a Gyuumine na naŋ da tuuro o meŋ da kono, a da dɔ̃ɔ̃ la O sukyiri yaga zaa ka O da nyɔge O meŋɛ fãã. 34A Yeezu da soore ba la, “Yeŋ la ka yɛ ũũ o?” Ka ba da yeli ko O, “Daana, wa nyɛ.” 35#Luk 19:41 A Yeezu da piili ŋmaara la nentaŋ. 36A lɛ la ka a Gyuumine da yeli, “Yɛ nyɛ O naŋ nɔŋ a Lazaros lɛ!” 37Kyɛ ka a noba mine da yeli, “Ka lɛ O naŋ da toɔ̃ yuo a dɔɔ-zɔŋ nimie, O mɔɔ da kontoɔ̃ e ka a dɔɔ ŋa da ta kpi be?”
Yeezu Naŋ E Ka Lazaros Leɛ-iri A Kuuni Poɔ
38 #
Mat 27:60
Lɛ la ka a Yeezu sukyiri da la dɔ̃ɔ̃ O, ka O da la gaa a yaa zie. A yaa da waa la taŋ bogi ka kuuri furi o noɔre. 39A Yeezu da yelee la, “Yɛ billi a kuuri bare.” Ka Maata, a kũũ yɔɔpuulee da yeli ko a Yeezu, “Daana, o faa nyuuro la, bonso, ba naŋ ũũ o a beri anaare la zenɛ.” 40#Gyn 11:4; 11:23; 11:25-26 A Yeezu da leɛ yeli ko o la, “N da ba yeli ko fo ka ka fõõ wa sage de, fo na nyɛ la a Naaŋmen puubu be?” 41Lɛ la ka ba da billi a kuuri bare. A Yeezu pãã da gbole kaa la sazu kyɛ yeli, “N Saa, N puori fo la bareka ne fo naŋ kyɛlle woŋ a N puoruu. 42#Gyn 12:30 N baŋɛɛ la ka fo maŋ kyɛlle woŋ la N puoruu tegitegilɛ, kyɛ a noba bama naŋ are a kyɛ zuiŋ la so ka N yeli a ŋaa ka ka ba na sage de ka fõõ la toŋ ma.” 43O naŋ da wa yeli a ŋaa, O da ŋmɛ la kpɛlle ne kɔkɔkpeɛŋaa a yeli, “Lazaros, iri yi wa!” 44A kũũ da iri yi waɛ la, ka pɛmɛ leŋ o gbɛɛ ne o nuuri, ka pɛne vili pɔge o niŋe. Ka a Yeezu da yeli ko ba, “Yɛ lori a pɛmɛ kyɛ bare o ka o gɛrɛ.”
Ba Naŋ Bo Ka Ba Ko Yeezu
45A Gyuumine yaga naŋ da tu a Maria wa, a da wa nyɛ bonna a Yeezu naŋ da e, da sage de la O yɛlɛ. 46Kyɛ a noba mine da leɛ gaa la a Faraziimine zie a te manne ko ba bonna a Yeezu naŋ e. 47Lɛ la ka a bagmaalkare ane a Faraziimine da boɔle a sɛrediribe lantaa a soore ba, “Wola ka te na e? A dɔɔ ŋa erɛ la yelwulii yaga. 48Ka tenee bare O ka O naŋ erɛ a ŋaa, a noba zaa na sage de la a O yɛlɛ, ka a lɛ vɛŋ ka a Rom noba wa sãã a te zisoŋ ane a te teŋɛ bare.” 49Kyɛ a ba kaŋ yuori naŋ da di Kayefa kyɛ da e a Naaŋmen bagmaalkare neŋkpoŋ a yuoni na poɔ, da yelee la, “Yɛ deɛ ba baŋ yelzaa togitogi! 50#Gyn 18:14 Yɛ ba baŋ a tɛgɛ ka a na soma la ka yɛ e ka nen-yeni kpi a noba zuiŋ a gaŋ a noba zaa naŋ na kpi.” 51#Yiib 28:30; Sɔr 27:21 O meŋɛ naane da baŋ a yeli ŋa a yele, kyɛ o naŋ da e a Naaŋmen bagmaalkare neŋkpoŋ a yuoni na poɔ la so ka o da yele a Ŋmen-yelmanna yelyelii a kyaare ne a Yeezu, ka Ona la na kpi a faa a paaloŋ noba. 52#Gyn 10:16 A paaloŋ faabo yoŋ naane, kyɛ O waɛ la ka O laŋ a Naaŋmen biiri naŋ yaare ziiri zaa taa ziyeni. 53Azuiŋ, a yi a lɛ daare gɛrɛ, ba da narɛɛ la ka ba ko a Yeezu.
54A lɛ zuiŋ, Yeezu da ba la sagra kpeɛrɛ a Gyuumine poɔ. O da yi la a be gaa teŋɛ kaŋ ba naŋ boɔlɔ Efirem naŋ be a paaloŋ kaŋ naŋ peɛle a wɛgyɛŋ ka O ne a O potuuribo da te be a be.
55 #
2 Teŋ 30:17
A Gyuumine Ista tigri da peɛlɛ la, ka noba yaga da yi a tembilii poore gaa Gyeruzɛlɛm ka ba te peere bamenne kyɛ ka a tigri pãã ta. 56Ba da yɔ boɔrɔ la a Yeezu, a soorɔ taa, ba naŋ da are a Naaŋmen die poɔ, “Wola ka yɛ teɛre? Yelmeŋɛ zaa, O na wa la a tigri zie be?” 57A Naaŋmen bagmaalkare ane a Faraziimine da tere la noɔre ka neɛzaa naŋ baŋ zie na a Yeezu naŋ be, o wa yeli ko ba ka ba te nyɔge O.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dagaare First Bible © The Bible Society of Ghana, 2025.