Umak Kikwu likọng
Kikwu likọng
Kikwu likọng
Ujọn Mak, undi angwu a fee kisọm kinunung ashin, bekandi liwu bendi abọng-ale na Upapias, Irenaeus, le Uklement angwu le he Alezandria be ma kọng gbe le he. A ma yi undi-utung Ipita angwu Unim a waa sọm a. Ujọn a ma yi unwaa Umeri angwu ushọm uma na a ma yi kudyan he kipi likọng Unim li ma naa kindib. Umak a ma nde ushu he Urom a, he kipi a maa fee ashia biwọm abi Ipita a bun.
Umak a maa tan utung ha unwaa-nam anam Ubanabas gya he Antiyọk angwu he Usiria nyọng be maa teng Upọl he ukpi-kikwu litan agyam-ale kisọm kinunung he abwo lima. Ukpọ Umak a ma tyang Ubanabas befe le Upọl he Usaiprus, Upọl ufe u gbe gye he ugegem Eshia. Nyọng aze lihwo a ma gbe, Umak a ma yi utung ha Upọl he Urom. Ugim Umak a ma yi le, u gbọng ihwọ-ale gbe le kisọm kinunung Ukristi ukem he kukwo ahwu kugem-kugem.
Angwu a fee
Ujọn Mak.
Atan-lengi
He u kung Ujeso tyung, u kọng gbe le aki ama, le ihwọ-ale ima.
Kiteng
Urom.
Kunyọng
55–65 K.U.
Bendi lishi likọng
Ujeso le bendi-utung bema, Upalet, bekandi abe be teng awu bendi Ijuus.
Lishi likọng
Umak a kung Ada Ujeso tyung na unwaa-kisọm Unim, u mbee shi undi angwu u shi ashi a kọng, angwu a be he u fe sho ugim Unim.
Biwọm kukpo
Umak a kpi-kikwu le akọng-ale gbe le aki Ujeso he kugboo, le abun-ale kisọm kinunung gbe le kiteng kusu Unim. A ha gye kushu kọng gboo gbe le afele sho igie gbe le lihwu Ada Ujeso. He umbee-likel a kọng gbe le kitaa ashi be ma maa Ada Ujeso bee he kikpakpa he kuhwo biban igye, kitaa Unim a wum he le he lihwu; le igie umbee-likel ima ha bendi-utung bema.
Ibubu likọng
Aki Ujọn angwu u maa wu bendi umbwo (1:1-13)
Aki Ujeso he Ugalili (1:14–9:50)
Litan gye he Ujeruselem le biwọm abi bi kem ha (10:1–12:44)
Igie gbe le biwọm abi bi be be (13:1-37)
Lihwu le awum-ale Ujeso (14:1–16:20).
ទើបបានជ្រើសរើសហើយ៖
Umak Kikwu likọng: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak Kikwu likọng
Kikwu likọng
Kikwu likọng
Ujọn Mak, undi angwu a fee kisọm kinunung ashin, bekandi liwu bendi abọng-ale na Upapias, Irenaeus, le Uklement angwu le he Alezandria be ma kọng gbe le he. A ma yi undi-utung Ipita angwu Unim a waa sọm a. Ujọn a ma yi unwaa Umeri angwu ushọm uma na a ma yi kudyan he kipi likọng Unim li ma naa kindib. Umak a ma nde ushu he Urom a, he kipi a maa fee ashia biwọm abi Ipita a bun.
Umak a maa tan utung ha unwaa-nam anam Ubanabas gya he Antiyọk angwu he Usiria nyọng be maa teng Upọl he ukpi-kikwu litan agyam-ale kisọm kinunung he abwo lima. Ukpọ Umak a ma tyang Ubanabas befe le Upọl he Usaiprus, Upọl ufe u gbe gye he ugegem Eshia. Nyọng aze lihwo a ma gbe, Umak a ma yi utung ha Upọl he Urom. Ugim Umak a ma yi le, u gbọng ihwọ-ale gbe le kisọm kinunung Ukristi ukem he kukwo ahwu kugem-kugem.
Angwu a fee
Ujọn Mak.
Atan-lengi
He u kung Ujeso tyung, u kọng gbe le aki ama, le ihwọ-ale ima.
Kiteng
Urom.
Kunyọng
55–65 K.U.
Bendi lishi likọng
Ujeso le bendi-utung bema, Upalet, bekandi abe be teng awu bendi Ijuus.
Lishi likọng
Umak a kung Ada Ujeso tyung na unwaa-kisọm Unim, u mbee shi undi angwu u shi ashi a kọng, angwu a be he u fe sho ugim Unim.
Biwọm kukpo
Umak a kpi-kikwu le akọng-ale gbe le aki Ujeso he kugboo, le abun-ale kisọm kinunung gbe le kiteng kusu Unim. A ha gye kushu kọng gboo gbe le afele sho igie gbe le lihwu Ada Ujeso. He umbee-likel a kọng gbe le kitaa ashi be ma maa Ada Ujeso bee he kikpakpa he kuhwo biban igye, kitaa Unim a wum he le he lihwu; le igie umbee-likel ima ha bendi-utung bema.
Ibubu likọng
Aki Ujọn angwu u maa wu bendi umbwo (1:1-13)
Aki Ujeso he Ugalili (1:14–9:50)
Litan gye he Ujeruselem le biwọm abi bi kem ha (10:1–12:44)
Igie gbe le biwọm abi bi be be (13:1-37)
Lihwu le awum-ale Ujeso (14:1–16:20).
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.