Umak 3
3
Ujeso a mbee undi he liti-uwel Ijuus
(Mat 12:9-14; Luk 6:6-11)
1Ujeso a ma tem gye he ushọm Unim angwu Ijuus i kwu liwu. Undi ken angwu a hwo kubwo a ma yi ha. 2Bendi besuso be shi ha be maa kang he, he be nde le u mbee uhwo-kubwo ana he liti-uwel Ijuus a, he be kwu kubwo kwu Ujeso le a mbu he Iten. 3Ujeso a de undi angwu a hwo kubwo le, “Bo kinaa be he kushu bendi puu.”
4Ujeso a kung bii abe le, “Kibang Iten ityan i de le li shi he liti-uwel? I bọng le li shi kinunung a, ha li shi kibibi a, li kpan undi ikpan a, ha li gwu-e igwu?” Be ma kwu kpii puu.
5Ujeso a bel ashi shun abe kel-kel, u ngyo fe be. Ki ban he he lityam likọye be kwọm kutyung. Ujeso a ha kung de ungikye angwuna le, “nda kubwo kugang.” A nda ahwu, ku tem fel kang-kang na ku ma yi. 6Bendi Iferesis be bo gbe le ha, gye azu abibi ha bendi Uherọd. Be kọng gbe le kitaa be shi he be gwu Ujeso.
Bendi be tye kwuo pwọm Ujeso
7Ujeso a gbe le ha le bendi-utung bema gye he kidyeshọ. Bendi gbam le he Ugalili le Ujudia be tye kwuo pwọm he. 8Nyọng be gyo gbe le abi u maa shi puu, bendi gbam be be hwaa le he, le he Ujudia, Ujeruselem, Idumia, le igegem angi le he igbindi umbwo Ujọdan le Utaya le Usaidọn. 9Bendi be ma sho ha gbam. Ujeso a ha de bendi-utung bema le be le be le kinọng lishọ ndọ he kpee-kpee he u le ngwee ha teng bendi be nyii fa he. 10Ujeso a ma mbee bendi-angbam gbam. Bendi-angbam besuso be kin kuhwo he be tyọ Ujeso abwo. 11He kunyọng kuyang-ayang ahwu ikeb ibibi i ma nde-e, i tim anung he itang he kushu kuma. I gaa kaang kọng le, “Wo yi Unwaa Unim a.” 12Ujeso a ma shwa ikeb ibibi ana kubwo he kutyung le i de bendebel gbe le he ye.
Ujeso a waa bendi lihwo le be befee
(Mat 10:1-4; Luk 6:12-16)
13Ujeso a ha bo gye he ukwel, le ko bendi abe a kee. Be be hwaa le he. 14A waa kung bebwaa-kisọm bendi lihwo le be befee, le be kwu utung he ahe, he u sọm abe le be le bun kisọm kinunung. 15U mbee ke be ikeb le be ndo ikeb ibibi le ha bendi.
16Bendi lihwo le be befee aben na a ma waa:
Usaimọn (angwu Ujeso a maa ko le Ipita),
17le Ujems befe le unwaa-nam Ujọn, (Be ma yi bebwaa Uzebedi a. Ujeso a ko abe le Ubọwanejis ashi ki ze le bebwaa-itaa),
18Andru,
Ufilip,
Ubatolomi,
Umatiu,
Utọmas,
le Ujems angwu a ma yi unwaa Alfeyus,
Utadiyus,
Usaimọn angwu a ma yi Izilọt#3:18 Izilot i ma yi liwu Ijuus angi i kee le be kwa le kuhwobel
19le Ujudas Iskariyọt angwu a ma ndyeb Ujeso zi ha bendi-linaa bema.
Kikwu-lihwan Ujeso le bitisha Iten be kọng biwọm fe-e
(Mat 12:22-32; Luk 11:14-23; 12:10)
20Ujeso a bo gye he ushu. Bendi be ma mbee pwọm he gbam. Ujeso befe le bendi-utung bema be nde kunyọng zi lizi ye. 21He kunyọng ahwu kikwu-lihwan kima be gyo ashin, be bo le be la kwa he, likọye bendi be maa fel kọng le u ngyọ lityo.
22Bitisha Iten abe be ma be le he Ujeruselem be maa fel kọng le “Ubeelzebub na a ngwee he! Besuso be de le usu bibibi na a ke-e ikeb le u ndo ikeb ibibi.”
23Ujeso a ko bendi abe be yi ha. A de be ityang le: “Usu bibibi u ndeb le kuhwo-ma na a? 24Gbe kiteng kusu ki tang he abwo keb ando-ale ha kuhwo-shi, kiteng kusu kimen ana ki naa ye. 25Gbe kikwu-lihwan ki tang he abwo keb ando-ale ha bende, kikwu-lihwan kimen ana ki naa ye. 26Gbe Usu bibibi u swan fe kuhwo-ma, u tang he abwo, u ha ndu naa ye, ha umbee-likel uma a fel. 27Ki yi le undi angwu u gye he ushọm undi angwu u yi le ikeb le kung biwọm bima faale afa-ale a kwu-e bwọ indii ukpọng ye. U kwa he bwọ indii, u ha ndu kung biwọm bima le ha ushọm.” 28Ujeso a de be le, “Mi de men, biban puu le akọng-ale bia, Unim u tyang abi ka abe kigyang-kigyang. 29Ukpọ undi angwu u kọng bia Ukatia Kunyọng, Unim u ha ndu tyang ka he ye likọye a shi kiban ashi ki ngyọ igye kpam a.”
30(Ujeso a ma kọng ashin likọye besuso be ma de le ikeb ibibi i yi he ahe.)
31Anam Ujeso le bebwaa-nam abe bengikye be be naa he igye sọm undi le u ko he ke be. 32Bendi gbam be ma yi kwu kel-kel fe Ujeso, be de-e le, “Anaa le bebwaa-naa be yi ha he igye, be ko-a le wo te.”
33Ujeso a fan abe le, “Ayang u yi andagi? Beyang be yi bebwaa-ndagi?”
34A bel ashi nde bendi abe be yi kwu kel-kel fe-e, a de le, “Aben na be yi andagi le bebwaa-ndagi. 35Undi angwu u shi kiwọm ashi Unim a kee he le u shi, na u yi unwaa-ndagi le andagi.”
ទើបបានជ្រើសរើសហើយ៖
Umak 3: KUIL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 3
3
Ujeso a mbee undi he liti-uwel Ijuus
(Mat 12:9-14; Luk 6:6-11)
1Ujeso a ma tem gye he ushọm Unim angwu Ijuus i kwu liwu. Undi ken angwu a hwo kubwo a ma yi ha. 2Bendi besuso be shi ha be maa kang he, he be nde le u mbee uhwo-kubwo ana he liti-uwel Ijuus a, he be kwu kubwo kwu Ujeso le a mbu he Iten. 3Ujeso a de undi angwu a hwo kubwo le, “Bo kinaa be he kushu bendi puu.”
4Ujeso a kung bii abe le, “Kibang Iten ityan i de le li shi he liti-uwel? I bọng le li shi kinunung a, ha li shi kibibi a, li kpan undi ikpan a, ha li gwu-e igwu?” Be ma kwu kpii puu.
5Ujeso a bel ashi shun abe kel-kel, u ngyo fe be. Ki ban he he lityam likọye be kwọm kutyung. Ujeso a ha kung de ungikye angwuna le, “nda kubwo kugang.” A nda ahwu, ku tem fel kang-kang na ku ma yi. 6Bendi Iferesis be bo gbe le ha, gye azu abibi ha bendi Uherọd. Be kọng gbe le kitaa be shi he be gwu Ujeso.
Bendi be tye kwuo pwọm Ujeso
7Ujeso a gbe le ha le bendi-utung bema gye he kidyeshọ. Bendi gbam le he Ugalili le Ujudia be tye kwuo pwọm he. 8Nyọng be gyo gbe le abi u maa shi puu, bendi gbam be be hwaa le he, le he Ujudia, Ujeruselem, Idumia, le igegem angi le he igbindi umbwo Ujọdan le Utaya le Usaidọn. 9Bendi be ma sho ha gbam. Ujeso a ha de bendi-utung bema le be le be le kinọng lishọ ndọ he kpee-kpee he u le ngwee ha teng bendi be nyii fa he. 10Ujeso a ma mbee bendi-angbam gbam. Bendi-angbam besuso be kin kuhwo he be tyọ Ujeso abwo. 11He kunyọng kuyang-ayang ahwu ikeb ibibi i ma nde-e, i tim anung he itang he kushu kuma. I gaa kaang kọng le, “Wo yi Unwaa Unim a.” 12Ujeso a ma shwa ikeb ibibi ana kubwo he kutyung le i de bendebel gbe le he ye.
Ujeso a waa bendi lihwo le be befee
(Mat 10:1-4; Luk 6:12-16)
13Ujeso a ha bo gye he ukwel, le ko bendi abe a kee. Be be hwaa le he. 14A waa kung bebwaa-kisọm bendi lihwo le be befee, le be kwu utung he ahe, he u sọm abe le be le bun kisọm kinunung. 15U mbee ke be ikeb le be ndo ikeb ibibi le ha bendi.
16Bendi lihwo le be befee aben na a ma waa:
Usaimọn (angwu Ujeso a maa ko le Ipita),
17le Ujems befe le unwaa-nam Ujọn, (Be ma yi bebwaa Uzebedi a. Ujeso a ko abe le Ubọwanejis ashi ki ze le bebwaa-itaa),
18Andru,
Ufilip,
Ubatolomi,
Umatiu,
Utọmas,
le Ujems angwu a ma yi unwaa Alfeyus,
Utadiyus,
Usaimọn angwu a ma yi Izilọt#3:18 Izilot i ma yi liwu Ijuus angi i kee le be kwa le kuhwobel
19le Ujudas Iskariyọt angwu a ma ndyeb Ujeso zi ha bendi-linaa bema.
Kikwu-lihwan Ujeso le bitisha Iten be kọng biwọm fe-e
(Mat 12:22-32; Luk 11:14-23; 12:10)
20Ujeso a bo gye he ushu. Bendi be ma mbee pwọm he gbam. Ujeso befe le bendi-utung bema be nde kunyọng zi lizi ye. 21He kunyọng ahwu kikwu-lihwan kima be gyo ashin, be bo le be la kwa he, likọye bendi be maa fel kọng le u ngyọ lityo.
22Bitisha Iten abe be ma be le he Ujeruselem be maa fel kọng le “Ubeelzebub na a ngwee he! Besuso be de le usu bibibi na a ke-e ikeb le u ndo ikeb ibibi.”
23Ujeso a ko bendi abe be yi ha. A de be ityang le: “Usu bibibi u ndeb le kuhwo-ma na a? 24Gbe kiteng kusu ki tang he abwo keb ando-ale ha kuhwo-shi, kiteng kusu kimen ana ki naa ye. 25Gbe kikwu-lihwan ki tang he abwo keb ando-ale ha bende, kikwu-lihwan kimen ana ki naa ye. 26Gbe Usu bibibi u swan fe kuhwo-ma, u tang he abwo, u ha ndu naa ye, ha umbee-likel uma a fel. 27Ki yi le undi angwu u gye he ushọm undi angwu u yi le ikeb le kung biwọm bima faale afa-ale a kwu-e bwọ indii ukpọng ye. U kwa he bwọ indii, u ha ndu kung biwọm bima le ha ushọm.” 28Ujeso a de be le, “Mi de men, biban puu le akọng-ale bia, Unim u tyang abi ka abe kigyang-kigyang. 29Ukpọ undi angwu u kọng bia Ukatia Kunyọng, Unim u ha ndu tyang ka he ye likọye a shi kiban ashi ki ngyọ igye kpam a.”
30(Ujeso a ma kọng ashin likọye besuso be ma de le ikeb ibibi i yi he ahe.)
31Anam Ujeso le bebwaa-nam abe bengikye be be naa he igye sọm undi le u ko he ke be. 32Bendi gbam be ma yi kwu kel-kel fe Ujeso, be de-e le, “Anaa le bebwaa-naa be yi ha he igye, be ko-a le wo te.”
33Ujeso a fan abe le, “Ayang u yi andagi? Beyang be yi bebwaa-ndagi?”
34A bel ashi nde bendi abe be yi kwu kel-kel fe-e, a de le, “Aben na be yi andagi le bebwaa-ndagi. 35Undi angwu u shi kiwọm ashi Unim a kee he le u shi, na u yi unwaa-ndagi le andagi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.