Genesis 13
13
Ibulamu wapangana na Lutu
1Ibulamu akwelaga kulawa Misili na kuuya Negebu akanda na mkaziwe na kila kint'hu chakwe hamwenga na Lutu mwana nduguye. 2Ibulamu andaga mgoli vitendese ywa mifugwa hamwenga na matundu na zahabu. 3Agendeelaga no utafi kuita Negebu mpaka Beseli, hadya hant'hu azengaga nk'hambi indaga ni hagati ya Beseli na Ai. 4Aho niho azengaga kilingo cha kutambikila ha nk'hongo, niyo Ibulamu amvika Zumbe eketanga zina dyakwe.
5Naho Lutu uyo atambaga na Ibulamu andaga na ngoto na mbuzi na ng'ombe hamwenga ne mp'huga yakwe na mahema. 6Kwaivo hawadahaga kukint'ha wose kwa udimi kwaviya kila yumwenga andaga na mafyo makulu yalekaga wasekudaha kwikala hamwenga. 7Ivo kwalailaga nk'humbizi kwa wadimi wa Ibulamu na wadimi wa Lutu. Mwo lupisi ulo Wakanani na Wapelizi wandaga wakaya mwe isi iyo.
8Ibulamu niyo amgamba Lutu, “Suwe kindugu, elo kisekugomba miye na weye, hegu wadimi wako na wadimi wangu. 9Kaula isi yose ino ukwiiona, Ivo kipangane. Sagula hant'hu hohose mwe isi ukuunga. Ukahinga kulume miye nenihinge kumoso.”
10Lutu akaulaga no kuwona kolongo dyose dya Yolidani mpaka Zoali kwandaga na mazi mengi enga kiunga cha Zumbe, hegu enga ni isi ya Misili. Ino yandaga umwo Zumbe akei kuibananga mizi ya Sodoma na Gomola. 11Ivo Lutu akesaguilaga dikolongo dyose dya Yolidani no kugendeela kuhinga ulailo wa zuwa. Ivo nivo want'hu awa waidi wapanganaga. 12Ibulamu ekalaga mwe isi ya Kanani, Lutu naye ekalaga mwe mizi imwe dikolongo niyo asamiza nk'hambi yakwe Sodoma. 13Mna want'hu wa Sodoma wandaga waihile vitendese wamtendelaga Zumbe wavu mkulu.
Ibulamu alagiswa isi
14Lutu eze ahalawe, Zumbe amgambaga Ibulamu, “Kaula vedi mwe zint'hendelo zose kukongela aho wili kaula Kasikazini na Kusini. 15Nohwink'he isi ino yose ukuiona, weye hamwenga na welekwa wako, naho neinde yenyu mazuwa yose. 16Nohwink'he welekwa wabindile ingi hekwiina mnt'hu yeyose akudaha kuwawaza, enga viya hevikudahika kuwaza luvumbi mwe isi. 17Ita, uigendele isi kwo utali wakwe no uzangalamu wakwe kwaviya nakwik'ha weye.” 18Ivo Ibulamu amolaga mahema yakwe niyo agenda kwikala hagihi ne miti mikulu ya Mamle uko Hebuloni, naho uko niyo azenga kilingo cha kutambikila kwa Zumbe.
ទើបបានជ្រើសរើសហើយ៖
Genesis 13: OTNguuBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.
Genesis 13
13
Ibulamu wapangana na Lutu
1Ibulamu akwelaga kulawa Misili na kuuya Negebu akanda na mkaziwe na kila kint'hu chakwe hamwenga na Lutu mwana nduguye. 2Ibulamu andaga mgoli vitendese ywa mifugwa hamwenga na matundu na zahabu. 3Agendeelaga no utafi kuita Negebu mpaka Beseli, hadya hant'hu azengaga nk'hambi indaga ni hagati ya Beseli na Ai. 4Aho niho azengaga kilingo cha kutambikila ha nk'hongo, niyo Ibulamu amvika Zumbe eketanga zina dyakwe.
5Naho Lutu uyo atambaga na Ibulamu andaga na ngoto na mbuzi na ng'ombe hamwenga ne mp'huga yakwe na mahema. 6Kwaivo hawadahaga kukint'ha wose kwa udimi kwaviya kila yumwenga andaga na mafyo makulu yalekaga wasekudaha kwikala hamwenga. 7Ivo kwalailaga nk'humbizi kwa wadimi wa Ibulamu na wadimi wa Lutu. Mwo lupisi ulo Wakanani na Wapelizi wandaga wakaya mwe isi iyo.
8Ibulamu niyo amgamba Lutu, “Suwe kindugu, elo kisekugomba miye na weye, hegu wadimi wako na wadimi wangu. 9Kaula isi yose ino ukwiiona, Ivo kipangane. Sagula hant'hu hohose mwe isi ukuunga. Ukahinga kulume miye nenihinge kumoso.”
10Lutu akaulaga no kuwona kolongo dyose dya Yolidani mpaka Zoali kwandaga na mazi mengi enga kiunga cha Zumbe, hegu enga ni isi ya Misili. Ino yandaga umwo Zumbe akei kuibananga mizi ya Sodoma na Gomola. 11Ivo Lutu akesaguilaga dikolongo dyose dya Yolidani no kugendeela kuhinga ulailo wa zuwa. Ivo nivo want'hu awa waidi wapanganaga. 12Ibulamu ekalaga mwe isi ya Kanani, Lutu naye ekalaga mwe mizi imwe dikolongo niyo asamiza nk'hambi yakwe Sodoma. 13Mna want'hu wa Sodoma wandaga waihile vitendese wamtendelaga Zumbe wavu mkulu.
Ibulamu alagiswa isi
14Lutu eze ahalawe, Zumbe amgambaga Ibulamu, “Kaula vedi mwe zint'hendelo zose kukongela aho wili kaula Kasikazini na Kusini. 15Nohwink'he isi ino yose ukuiona, weye hamwenga na welekwa wako, naho neinde yenyu mazuwa yose. 16Nohwink'he welekwa wabindile ingi hekwiina mnt'hu yeyose akudaha kuwawaza, enga viya hevikudahika kuwaza luvumbi mwe isi. 17Ita, uigendele isi kwo utali wakwe no uzangalamu wakwe kwaviya nakwik'ha weye.” 18Ivo Ibulamu amolaga mahema yakwe niyo agenda kwikala hagihi ne miti mikulu ya Mamle uko Hebuloni, naho uko niyo azenga kilingo cha kutambikila kwa Zumbe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.