Genesis 11
11
Mnala wa Babeli
1Aho nk'hongo want'hu wose mwe isi wandaga wakalonga ulosi umwenga na milongele imwenga. 2Ivo want'hu weze watambe kulawa ulailo wa zuwa, wabulaga kwe isi ye nt'hindiga uko Babiloni niyo wekala uuko. 3Niyo wakegamba, “Hake nekidamanye matofali naho kiyoke vedi.” Ivo niyo wadamanya matofali hant'hu ha maiwe na kuguha lami yo kulunganyila. 4Niyo wagamba, “Kizengeni mzi wa mnala lunenengwa lwakwe lubule kwe mbingu vileke kitogolwe ni want'hu naho kise kusambala mwe isi yose.”
5Mnungu aseelaga hasi vileke akaule umzi wo mnaala uwo uzengigwe na want'hu awo, 6niyo agamba, “Want'hu awa ni wamwenga, naho walonga ulosi umwenga, naho ino niyo ink'hongelo du ya yadya wakuunga wadamanye. Naivo nawadahe kudamanya dyodyose diya nawaunge! 7Kiseeleni kikawahanganye milosi yawe vileke wasekuivana.” 8Naivo Zumbe awatendaga wasambale mwe isi yose niyo waleka kuuzenga umzi. 9Mzi wetangwagwa Babeli kwaviya nuko Mnungu auhanganyaga ulosi we si yose. Ivo kukongela aho, Zumbe auhanganyaga ulosi wa want'hu wose, niyo awatenda wasambale mwe isi yose.
Welekwa wa Shemu
10Awo nawo welekwa wa Shemu. Ize yomboke miaka miidi aho ugubiko mkulu wa mazi wize womboke mwe isi. Shemu andaga mkulu ywa miaka gana. Elekaga mwana kilume akwitangwa Alipakishadi. 11Niyo ekala naho miaka mituhu magana mashano niyo eleka wana watuhu wakike na wa kilume.
12Alipakishadi eze abule miaka milongo mitatu na mishano elekaga mwana kilume etangwagwa Sela, 13Alipakishadi aho ekalaga miaka mituhu magana mane na mitatu niyo eleka wana watuhu wakike na wa kilume.
14Sela eze abule miaka milongo mitatu elekaga mwana kilume etangagwa Ebeli. 15Akajika aho Sela ekalaga naho miaka magana mane na mitatu, elekaga wana watuhu wakike na wa kilume.
16Ebeli eze abule miaka milongo mitatu na mine, elekaga mwana kilume etangagwa Pelegi, 17Akajika aho Ebeli ekalaga naho miaka magana mane na milongo mitatu umwo elekaga wana watuhu wa kilume na wa kike. 18Pelegi eze abule miaka milongo mitatu elekaga mwana kilume etangagwa Leu. 19Akajika aho Pelegi ekalaga naho miaka magana maidi na kenda umo elekaga wana watuhu wa kilume na wa kike. 20Leu eze abule miaka milongo mitatu na miidi elekaga mwana kilume etangagwa Selugi. 21Akajika aho Leu eze amweleke Selugi ekalaga naho miaka magana maidi na mfungate umwo elekaga wana watuhu wa kilume na wa kike. 22Selugi eze abule miaka milongo mitatu elekaga mwana kilume etangagwa Naholi. 23Akajika aho Selugi eze amweleke Naholi, ekalaga miaka mituhu magana maidi, elekaga wana watuhu wa kilume na wa kike.
24Naholi eze abulize miaka milongo miidi na kenda, elekaga mwana kilume etangwagwa Tela, 25Naholi eze amweleke Tela, ekalaga miaka gana na mlongo na kenda mituhu, elekaga wana watuhu wakilume na wa kike.
26Tela eze abule miaka milongo mfungate, awelekaga Ibulamu na Naholi na Halani.
Welekwa wa Tela
27Welekwa wa Tela ni awa, Ibulamu na Naholi na Halani niye ise dya Lutu. 28Uyu Halani abanikilaga mwo mzi wa kwawe ukwitangwa Uli uko Babiloni, umwo ise andaga akei mgima. 29Ibulamu amlombaga Salai, Naholi naye amlombaga Milika mwana Halani, uyo iviya iviya andaga niye ise dya Iska. 30Salai andaga mgumba.
31Tela amguhaga mwanawe Ibulamu hamwenga na mwezukuluwe Lutu uyo mwanawe dya Halani, hamwenga salai andaga mkaza mwanawe. Alawaga nao mwo mzi wa Uli uko Babiloni niyo waita kwe isi ya Kanaani. Weze wabule Halani niyo wekala aaho. 32Tela abanikilaga uko Halani akanda na miaka magana maidi na mishano.
ទើបបានជ្រើសរើសហើយ៖
Genesis 11: OTNguuBL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.
Genesis 11
11
Mnala wa Babeli
1Aho nk'hongo want'hu wose mwe isi wandaga wakalonga ulosi umwenga na milongele imwenga. 2Ivo want'hu weze watambe kulawa ulailo wa zuwa, wabulaga kwe isi ye nt'hindiga uko Babiloni niyo wekala uuko. 3Niyo wakegamba, “Hake nekidamanye matofali naho kiyoke vedi.” Ivo niyo wadamanya matofali hant'hu ha maiwe na kuguha lami yo kulunganyila. 4Niyo wagamba, “Kizengeni mzi wa mnala lunenengwa lwakwe lubule kwe mbingu vileke kitogolwe ni want'hu naho kise kusambala mwe isi yose.”
5Mnungu aseelaga hasi vileke akaule umzi wo mnaala uwo uzengigwe na want'hu awo, 6niyo agamba, “Want'hu awa ni wamwenga, naho walonga ulosi umwenga, naho ino niyo ink'hongelo du ya yadya wakuunga wadamanye. Naivo nawadahe kudamanya dyodyose diya nawaunge! 7Kiseeleni kikawahanganye milosi yawe vileke wasekuivana.” 8Naivo Zumbe awatendaga wasambale mwe isi yose niyo waleka kuuzenga umzi. 9Mzi wetangwagwa Babeli kwaviya nuko Mnungu auhanganyaga ulosi we si yose. Ivo kukongela aho, Zumbe auhanganyaga ulosi wa want'hu wose, niyo awatenda wasambale mwe isi yose.
Welekwa wa Shemu
10Awo nawo welekwa wa Shemu. Ize yomboke miaka miidi aho ugubiko mkulu wa mazi wize womboke mwe isi. Shemu andaga mkulu ywa miaka gana. Elekaga mwana kilume akwitangwa Alipakishadi. 11Niyo ekala naho miaka mituhu magana mashano niyo eleka wana watuhu wakike na wa kilume.
12Alipakishadi eze abule miaka milongo mitatu na mishano elekaga mwana kilume etangwagwa Sela, 13Alipakishadi aho ekalaga miaka mituhu magana mane na mitatu niyo eleka wana watuhu wakike na wa kilume.
14Sela eze abule miaka milongo mitatu elekaga mwana kilume etangagwa Ebeli. 15Akajika aho Sela ekalaga naho miaka magana mane na mitatu, elekaga wana watuhu wakike na wa kilume.
16Ebeli eze abule miaka milongo mitatu na mine, elekaga mwana kilume etangagwa Pelegi, 17Akajika aho Ebeli ekalaga naho miaka magana mane na milongo mitatu umwo elekaga wana watuhu wa kilume na wa kike. 18Pelegi eze abule miaka milongo mitatu elekaga mwana kilume etangagwa Leu. 19Akajika aho Pelegi ekalaga naho miaka magana maidi na kenda umo elekaga wana watuhu wa kilume na wa kike. 20Leu eze abule miaka milongo mitatu na miidi elekaga mwana kilume etangagwa Selugi. 21Akajika aho Leu eze amweleke Selugi ekalaga naho miaka magana maidi na mfungate umwo elekaga wana watuhu wa kilume na wa kike. 22Selugi eze abule miaka milongo mitatu elekaga mwana kilume etangagwa Naholi. 23Akajika aho Selugi eze amweleke Naholi, ekalaga miaka mituhu magana maidi, elekaga wana watuhu wa kilume na wa kike.
24Naholi eze abulize miaka milongo miidi na kenda, elekaga mwana kilume etangwagwa Tela, 25Naholi eze amweleke Tela, ekalaga miaka gana na mlongo na kenda mituhu, elekaga wana watuhu wakilume na wa kike.
26Tela eze abule miaka milongo mfungate, awelekaga Ibulamu na Naholi na Halani.
Welekwa wa Tela
27Welekwa wa Tela ni awa, Ibulamu na Naholi na Halani niye ise dya Lutu. 28Uyu Halani abanikilaga mwo mzi wa kwawe ukwitangwa Uli uko Babiloni, umwo ise andaga akei mgima. 29Ibulamu amlombaga Salai, Naholi naye amlombaga Milika mwana Halani, uyo iviya iviya andaga niye ise dya Iska. 30Salai andaga mgumba.
31Tela amguhaga mwanawe Ibulamu hamwenga na mwezukuluwe Lutu uyo mwanawe dya Halani, hamwenga salai andaga mkaza mwanawe. Alawaga nao mwo mzi wa Uli uko Babiloni niyo waita kwe isi ya Kanaani. Weze wabule Halani niyo wekala aaho. 32Tela abanikilaga uko Halani akanda na miaka magana maidi na mishano.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in Nguu @The Word for The World International and the Nguu Language translation, 2025. All rights reserved.