Luku 21
21
1Melɛ mɔɔ Gyisɛse wɔ Asɔne Sua Kpole ne anu la, ɔdwazole ɔgyinlanle na ɔyɛle ɔ nye gyɛlɛmgbɛnye ɔnleanle azukoavolɛ ne mɔ mɔɔ ɛlɛfa bɛ ezukoa aragua ahyɛlɛndeɛ anzɛɛ kɔlɛhyɛne nlɛka ne mɔ anu la. 2Na kunlavolɛ raalɛ ehyianli bie rale ɛlɛka ne anwo na ɔradole nuhua ezukoa ngapɛlɛ nwiɔ.
3Ɔyɛle ɛhye nzonlɛ na akee ɔzele kɛ, “Nɔhalɛ nu, kunlavolɛ raalɛ ehyianli ɛhye ɛhyɛ ezukoa dɔɔnwo ɛdɛla awie biala. 4Ɔluakɛ bɛmɛ mɔɔ bɛlɛ ye mɔɔ yebu bɛ nwo zo la anu ekyi bie a bɛvale bɛraguale nu a, noko akee raalɛ ɛhye, mɔɔ ye ehyia tɛla asɔne sua nu kila la, ɛyeye ye ahonle nu ɛva debie biala mɔɔ ɔlɛ ye la ɛrado nu.”
Gyisɛse ɛha kenlebie edwɛkɛ mɔɔ bazi la
5Ye ɛdoavolɛma ne bie mɔ hanle asɔne sua ne anwo edwɛkɛ; kɛ bɛzile bɛvale awolɛ ngɛnlɛma ngɛnlɛma a bɛzile Asɔne Sua Kpole ne, ɔ nee kɛ bɛzile bɛvale ngakyelɛndeɛ bɛzieziele nuhua mbane ne mɔ anwo la.
6Na Gyisɛse zele bɛ kɛ, “Mekɛ ne ɛlɛba mɔɔ bɛbabubu ninyɛne ɛhye mɔ mɔɔ bɛnwu bɛ la amuala bɛagua bɛ aze a, na bɛnrɛgyakyi bolɛ ko bɔbɔ mɔɔ la ko anwo zo wɔ nu mɔɔ yemɔ bɛnrɛbubu bɛnrɛgua aze a.”
7Ɛdoavolɛma ne mɔ bizale ye kɛ, “Kilehilevolɛ, kenle nzu a ɛhye mɔ amuala bayɛ zɔ a? Yɛɛ duzu sɛkɛlɛndeɛ a bahile kɛ ɛhye mɔ bayɛ zɔ a?”
8Ɔbuale bɛ ɔzele kɛ, “Bɛnlea boɛ ammaa awie biala ambɛlɛbɛla bɛ. Ɔluakɛ menli dɔɔnwo ne ala bara wɔ me duma nu araze kɛ, Mame a le Ngoanedievolɛ ne a. ‘Mekɛ ne ɛdwu.’ Noko akee bɛmmadie bɛ bɛdi! 9Yɛɛ saa bɛte kɛ konle konle nee manzonle manzonle ɛbɔ ɔ bo a bɛmmamaa bɛ ahonle tu, ɔluakɛ ɛhye mɔ ɔwɔ kɛ ba, na emomu awieleɛ ne ɛnrɛdoa zo ɛkɛ ne ala. 10Ɔluakɛ maanle badwazo maanle nwo zo; arelemgbunli badwazo arelemgbunli nwo zo, 11azɛlɛkpusulɛ mgbole mgbole kpalɛ bara, na ɛhɔne nee ewule ngakyile anzɛɛ anwodolɛ ngyebangyeba ara ɛleka ɛleka, na ninyɛne ɛzulolɛ nee sɛkɛlɛndeɛ mgbole bavi anwuma anwuma ara.
12“Kolaa na ɛhye mɔ azi la, bɛbayɛ bɛ ayɛkayɛkadeɛ wɔ zɔhane mekɛ ne anu, bɛbawula bɛ ateetee bɛ nee bɛ ahɔ ayiasua ne mɔ anu ɔ nee efiade, na bɛ nee bɛ ahɔ arelemgbunli nee amɛnladoma anyunlu wɔ me duma nu ti. 13Mekɛ mɔɔ ɔwɔ kɛ bɛfa bɛka Nana Nyamenle edwɛkɛ ne la ɛne. 14Ɛhye ati bɛmmadwenle mualɛ mɔɔ bɛbava bɛamaa wɔ ɛzonle ɛhye mɔ mɔɔ bɛbado bɛ la anwo, 15ɔluakɛ mebava edwɛkɛ nɔhalɛ ne meawula bɛ nloa na meamaa bɛ nrɛlɛbɛ mɔɔ bɛ kpɔvolɛma ne mɔ biala ɛnrɛhola ɔ nyunlu gyinla bua bie la. 16Bɛdabɛ bɔbɔ mɔɔ bɛbikye bɛ la; awovolɛma, mediema, mbusua, ɔ nee agɔnwolɛma baye bɛ amaa bɛamaa bɛahye bɛ; na eza bɛamaa bɛahu bɛ nuhua bie mɔ. 17Menli kpokpoti bakpɔ bɛ wɔ me duma nu ti. 18Noko akee bɛ ti enrinli kokye bɔbɔ ɛnrɛminli ɛlɛ. 19Ɔluakɛ saa bɛgyinla kpundii a, bɛ sa baha bɛ ngɛla ne mɔ.
20“Akee saa bɛnwu kɛ ɛlɔne ɛbɔ Gyɛlusalɛm anwo ɛyia a, ɛnee bɛze kɛ ye ɛzɛkyelɛ mekɛ a ɛdwu zo la. 21Saa ɔba ye zɔhane a, yemɔ bɛze Dwudiyama bɛmaa bɛnriandi bɛhɔ awoka ne mɔ azo. Bɛmaa bɛdabɛ mɔɔ wɔ Gyɛlusalɛm noko la ɛnriandi ɛvi maanle ne anu ɛhɔvea bɛ nwo, yɛɛ bɛdabɛ noko mɔɔ bɛwɔ suakpole ne anzi wɔ maanle gyɛne zo la mmapele kɛ bɛsia bɛahɔ ɛkɛ ne bieko. 22Ɔboalekɛ mekɛ zɔhane a bayɛ Nana Nyamenle ndɛnebualɛ kenle ne a, amaa edwɛkɛ ne mɔ mɔɔ tete kapezoma ne mɔ hɛlɛle ye wɔ Ngɛlɛlera ne anu la ali munli bɔkɔɔ. 23Na mraalɛ mɔɔ bɛva ɛkolɛ, ɔ nee mrɛladane mɔɔ vievia nlɔma na bɛmaa bɛ nyɛfonlɛ wɔ zɔhane mekɛ ne anu la, bɛ gyakɔ! Ɔluakɛ anwubɛnyunlu kpole kpalɛ bara azɛlɛ ye azo, na munzule bedevinli noko ara maanle ne anu ɛleka biala. 24Bɛbawu wɔ nyane nu ala, na bɛava bɛ ngɛkɛlɛ bɛ nee bɛ ahɔ amanvoa wɔ maanle maanle kosooti azo. Maanle Gyɛne nu amra ne mɔ baho ava Gyɛlusalɛm amuala, na bɛatietia bɛ nwo zo kɔkpula kɛ Maanle Gyɛne nu amra ne mɔ bɛ konimlilɛ mekɛ ne kɛra awieleɛ kɛmɔ Nana Nyamenle ɔdaye ye ngyehyɛleɛ ne se la.
25“Akee sɛkɛlɛndeɛ ɛzulolɛ ɛzulolɛ mɔɔ le kɔkɔbɔlɛ, munzundeɛ nee ninyɛne ɛzulolɛ mɔɔ vi ewia, sɛnzɛne, nee nwɔlɛra ne mɔ anu la vi anwomanyunlu bara; na wɔ azɛlɛ ye azo ɛke bɔbɔ, maanle maanle banwu bɛ nyunlu, na bɛ adwenle bayɛ bɛ tendaanwo wɔ nyevile ne mɔ nee bɛ azɛlɛkye mgbole mgbole ne mɔ mɔɔ ɛlɛbu la anwo. 26Ɔlua gyinlabelɛ nwanwane ne mɔɔ bɛbanwu ye kɛ ɔlɛba azɛlɛ ye azo la ati, menli dɔɔnwo ne ala bɛ akɛnrazilɛ babɔ aze ɔluakɛ anwuma bakpusu. 27Akee aleɛabo amra banwu kɛ, Sonla Ra ne vi amungu ne anu ɛlɛba wɔ tumi kpole ɔ nee anyunlunyia nu. 28Ɛhye ati saa ɛhye mɔ amuala bɔ ɔ bo kɛ ɔsisi a, bɛgyinla kpundii na bɛdo bɛ nye bɛnlea anwuma! Ɔboalekɛ ɛnee ɛkpɔnenlɛ mekɛ ne ɛdwu.”
29Akee ɔbule bɛ ɛrɛlɛ ɛhye kɛ: “Bɛnlea dɔma baka ne, anzɛɛ baka biala. 30Saa ye nya ne mɔ kpole gua a, ɛnee bɛze ye wienyi kɛ wawaa mekɛ ɛbikye. 31Zɔhane ala noko, yɛɛ saa bɛnwu kɛ ninyɛne ɛhye mɔ mɔɔ meha nwolɛ edwɛkɛ mehile bɛ la bɔ ɔ bo kɛ ɔsisi a, ɛnee bɛnwu ye nɔhalɛ wienyi kɛ Nana Nyamenle Belemgbunli maanle ne ɛbikye a.
32“Nɔhalɛ nu, nɔhalɛ nu mese bɛ kɛ, saa ninyɛne ɛhye mɔ ansisi a ewiade ɛlɔnwɔne ɛhye ɛnrera ye awieleɛ ɛlɛ. 33Ɔle nɔhalɛ kɛ, Anwuma nee aze bapɛ nu aze ɛdeɛ, noko akee me edwɛkɛ ne ɛnrɛpɛ nu ɛlɛ, bɛbaboa ɛkɛ ne wɔ mekɛ mɔɔ ɔnlɛ awieleɛ la.
34-35“Bɛnlea bɛ nwo boɛ! Bɛmmamaa me arɛlevilɛ nu maleɛ ne fa bɛ aze; bɛmmamaa mebato bɛ kɛ asɛɛ ɛhane bie mɔɔ ɛvuandi la, na bɛlɛno nza bɛdielie bɛ nye, na ewiade anu adwenledwenle ɛyi bɛ ti tɛkɛɛ, kɛmɔ ewiade ne mɔɔ ɛha la de la. 36Emomu bɛhɔ zo bɛzinza dahuu, na bɛzɛlɛ ɛsesebɛ ɛsesebɛ kɛ saa ɔkɛyɛ boɛ bɔbɔ a, bɛkɛnyia tumi bie na bɛkɛhwe bɛ nwo bɛkɛvi ninyɛne ɛhye mɔ mɔɔ ɛlɛba la anwo, amaa bɛahola bɛagyinla Sonla Ra ne anyunlu.”
37-38Gyisɛse hɔle Asɔne Sua Kpole ne anu hɔhilehilele mekɛ biala, na nwonlomɔ mangyee ne ala ɛnee menli dɔɔnwo ɛwie yia kɛ bɛbadie ye, na ye nɔsolɛ biala noko ɔfi ɛkɛ ne ɔkɔtɛnla Boka Ɔlivi azo.
ទើបបានជ្រើសរើសហើយ៖
Luku 21: ONEN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Luku 21
21
1Melɛ mɔɔ Gyisɛse wɔ Asɔne Sua Kpole ne anu la, ɔdwazole ɔgyinlanle na ɔyɛle ɔ nye gyɛlɛmgbɛnye ɔnleanle azukoavolɛ ne mɔ mɔɔ ɛlɛfa bɛ ezukoa aragua ahyɛlɛndeɛ anzɛɛ kɔlɛhyɛne nlɛka ne mɔ anu la. 2Na kunlavolɛ raalɛ ehyianli bie rale ɛlɛka ne anwo na ɔradole nuhua ezukoa ngapɛlɛ nwiɔ.
3Ɔyɛle ɛhye nzonlɛ na akee ɔzele kɛ, “Nɔhalɛ nu, kunlavolɛ raalɛ ehyianli ɛhye ɛhyɛ ezukoa dɔɔnwo ɛdɛla awie biala. 4Ɔluakɛ bɛmɛ mɔɔ bɛlɛ ye mɔɔ yebu bɛ nwo zo la anu ekyi bie a bɛvale bɛraguale nu a, noko akee raalɛ ɛhye, mɔɔ ye ehyia tɛla asɔne sua nu kila la, ɛyeye ye ahonle nu ɛva debie biala mɔɔ ɔlɛ ye la ɛrado nu.”
Gyisɛse ɛha kenlebie edwɛkɛ mɔɔ bazi la
5Ye ɛdoavolɛma ne bie mɔ hanle asɔne sua ne anwo edwɛkɛ; kɛ bɛzile bɛvale awolɛ ngɛnlɛma ngɛnlɛma a bɛzile Asɔne Sua Kpole ne, ɔ nee kɛ bɛzile bɛvale ngakyelɛndeɛ bɛzieziele nuhua mbane ne mɔ anwo la.
6Na Gyisɛse zele bɛ kɛ, “Mekɛ ne ɛlɛba mɔɔ bɛbabubu ninyɛne ɛhye mɔ mɔɔ bɛnwu bɛ la amuala bɛagua bɛ aze a, na bɛnrɛgyakyi bolɛ ko bɔbɔ mɔɔ la ko anwo zo wɔ nu mɔɔ yemɔ bɛnrɛbubu bɛnrɛgua aze a.”
7Ɛdoavolɛma ne mɔ bizale ye kɛ, “Kilehilevolɛ, kenle nzu a ɛhye mɔ amuala bayɛ zɔ a? Yɛɛ duzu sɛkɛlɛndeɛ a bahile kɛ ɛhye mɔ bayɛ zɔ a?”
8Ɔbuale bɛ ɔzele kɛ, “Bɛnlea boɛ ammaa awie biala ambɛlɛbɛla bɛ. Ɔluakɛ menli dɔɔnwo ne ala bara wɔ me duma nu araze kɛ, Mame a le Ngoanedievolɛ ne a. ‘Mekɛ ne ɛdwu.’ Noko akee bɛmmadie bɛ bɛdi! 9Yɛɛ saa bɛte kɛ konle konle nee manzonle manzonle ɛbɔ ɔ bo a bɛmmamaa bɛ ahonle tu, ɔluakɛ ɛhye mɔ ɔwɔ kɛ ba, na emomu awieleɛ ne ɛnrɛdoa zo ɛkɛ ne ala. 10Ɔluakɛ maanle badwazo maanle nwo zo; arelemgbunli badwazo arelemgbunli nwo zo, 11azɛlɛkpusulɛ mgbole mgbole kpalɛ bara, na ɛhɔne nee ewule ngakyile anzɛɛ anwodolɛ ngyebangyeba ara ɛleka ɛleka, na ninyɛne ɛzulolɛ nee sɛkɛlɛndeɛ mgbole bavi anwuma anwuma ara.
12“Kolaa na ɛhye mɔ azi la, bɛbayɛ bɛ ayɛkayɛkadeɛ wɔ zɔhane mekɛ ne anu, bɛbawula bɛ ateetee bɛ nee bɛ ahɔ ayiasua ne mɔ anu ɔ nee efiade, na bɛ nee bɛ ahɔ arelemgbunli nee amɛnladoma anyunlu wɔ me duma nu ti. 13Mekɛ mɔɔ ɔwɔ kɛ bɛfa bɛka Nana Nyamenle edwɛkɛ ne la ɛne. 14Ɛhye ati bɛmmadwenle mualɛ mɔɔ bɛbava bɛamaa wɔ ɛzonle ɛhye mɔ mɔɔ bɛbado bɛ la anwo, 15ɔluakɛ mebava edwɛkɛ nɔhalɛ ne meawula bɛ nloa na meamaa bɛ nrɛlɛbɛ mɔɔ bɛ kpɔvolɛma ne mɔ biala ɛnrɛhola ɔ nyunlu gyinla bua bie la. 16Bɛdabɛ bɔbɔ mɔɔ bɛbikye bɛ la; awovolɛma, mediema, mbusua, ɔ nee agɔnwolɛma baye bɛ amaa bɛamaa bɛahye bɛ; na eza bɛamaa bɛahu bɛ nuhua bie mɔ. 17Menli kpokpoti bakpɔ bɛ wɔ me duma nu ti. 18Noko akee bɛ ti enrinli kokye bɔbɔ ɛnrɛminli ɛlɛ. 19Ɔluakɛ saa bɛgyinla kpundii a, bɛ sa baha bɛ ngɛla ne mɔ.
20“Akee saa bɛnwu kɛ ɛlɔne ɛbɔ Gyɛlusalɛm anwo ɛyia a, ɛnee bɛze kɛ ye ɛzɛkyelɛ mekɛ a ɛdwu zo la. 21Saa ɔba ye zɔhane a, yemɔ bɛze Dwudiyama bɛmaa bɛnriandi bɛhɔ awoka ne mɔ azo. Bɛmaa bɛdabɛ mɔɔ wɔ Gyɛlusalɛm noko la ɛnriandi ɛvi maanle ne anu ɛhɔvea bɛ nwo, yɛɛ bɛdabɛ noko mɔɔ bɛwɔ suakpole ne anzi wɔ maanle gyɛne zo la mmapele kɛ bɛsia bɛahɔ ɛkɛ ne bieko. 22Ɔboalekɛ mekɛ zɔhane a bayɛ Nana Nyamenle ndɛnebualɛ kenle ne a, amaa edwɛkɛ ne mɔ mɔɔ tete kapezoma ne mɔ hɛlɛle ye wɔ Ngɛlɛlera ne anu la ali munli bɔkɔɔ. 23Na mraalɛ mɔɔ bɛva ɛkolɛ, ɔ nee mrɛladane mɔɔ vievia nlɔma na bɛmaa bɛ nyɛfonlɛ wɔ zɔhane mekɛ ne anu la, bɛ gyakɔ! Ɔluakɛ anwubɛnyunlu kpole kpalɛ bara azɛlɛ ye azo, na munzule bedevinli noko ara maanle ne anu ɛleka biala. 24Bɛbawu wɔ nyane nu ala, na bɛava bɛ ngɛkɛlɛ bɛ nee bɛ ahɔ amanvoa wɔ maanle maanle kosooti azo. Maanle Gyɛne nu amra ne mɔ baho ava Gyɛlusalɛm amuala, na bɛatietia bɛ nwo zo kɔkpula kɛ Maanle Gyɛne nu amra ne mɔ bɛ konimlilɛ mekɛ ne kɛra awieleɛ kɛmɔ Nana Nyamenle ɔdaye ye ngyehyɛleɛ ne se la.
25“Akee sɛkɛlɛndeɛ ɛzulolɛ ɛzulolɛ mɔɔ le kɔkɔbɔlɛ, munzundeɛ nee ninyɛne ɛzulolɛ mɔɔ vi ewia, sɛnzɛne, nee nwɔlɛra ne mɔ anu la vi anwomanyunlu bara; na wɔ azɛlɛ ye azo ɛke bɔbɔ, maanle maanle banwu bɛ nyunlu, na bɛ adwenle bayɛ bɛ tendaanwo wɔ nyevile ne mɔ nee bɛ azɛlɛkye mgbole mgbole ne mɔ mɔɔ ɛlɛbu la anwo. 26Ɔlua gyinlabelɛ nwanwane ne mɔɔ bɛbanwu ye kɛ ɔlɛba azɛlɛ ye azo la ati, menli dɔɔnwo ne ala bɛ akɛnrazilɛ babɔ aze ɔluakɛ anwuma bakpusu. 27Akee aleɛabo amra banwu kɛ, Sonla Ra ne vi amungu ne anu ɛlɛba wɔ tumi kpole ɔ nee anyunlunyia nu. 28Ɛhye ati saa ɛhye mɔ amuala bɔ ɔ bo kɛ ɔsisi a, bɛgyinla kpundii na bɛdo bɛ nye bɛnlea anwuma! Ɔboalekɛ ɛnee ɛkpɔnenlɛ mekɛ ne ɛdwu.”
29Akee ɔbule bɛ ɛrɛlɛ ɛhye kɛ: “Bɛnlea dɔma baka ne, anzɛɛ baka biala. 30Saa ye nya ne mɔ kpole gua a, ɛnee bɛze ye wienyi kɛ wawaa mekɛ ɛbikye. 31Zɔhane ala noko, yɛɛ saa bɛnwu kɛ ninyɛne ɛhye mɔ mɔɔ meha nwolɛ edwɛkɛ mehile bɛ la bɔ ɔ bo kɛ ɔsisi a, ɛnee bɛnwu ye nɔhalɛ wienyi kɛ Nana Nyamenle Belemgbunli maanle ne ɛbikye a.
32“Nɔhalɛ nu, nɔhalɛ nu mese bɛ kɛ, saa ninyɛne ɛhye mɔ ansisi a ewiade ɛlɔnwɔne ɛhye ɛnrera ye awieleɛ ɛlɛ. 33Ɔle nɔhalɛ kɛ, Anwuma nee aze bapɛ nu aze ɛdeɛ, noko akee me edwɛkɛ ne ɛnrɛpɛ nu ɛlɛ, bɛbaboa ɛkɛ ne wɔ mekɛ mɔɔ ɔnlɛ awieleɛ la.
34-35“Bɛnlea bɛ nwo boɛ! Bɛmmamaa me arɛlevilɛ nu maleɛ ne fa bɛ aze; bɛmmamaa mebato bɛ kɛ asɛɛ ɛhane bie mɔɔ ɛvuandi la, na bɛlɛno nza bɛdielie bɛ nye, na ewiade anu adwenledwenle ɛyi bɛ ti tɛkɛɛ, kɛmɔ ewiade ne mɔɔ ɛha la de la. 36Emomu bɛhɔ zo bɛzinza dahuu, na bɛzɛlɛ ɛsesebɛ ɛsesebɛ kɛ saa ɔkɛyɛ boɛ bɔbɔ a, bɛkɛnyia tumi bie na bɛkɛhwe bɛ nwo bɛkɛvi ninyɛne ɛhye mɔ mɔɔ ɛlɛba la anwo, amaa bɛahola bɛagyinla Sonla Ra ne anyunlu.”
37-38Gyisɛse hɔle Asɔne Sua Kpole ne anu hɔhilehilele mekɛ biala, na nwonlomɔ mangyee ne ala ɛnee menli dɔɔnwo ɛwie yia kɛ bɛbadie ye, na ye nɔsolɛ biala noko ɔfi ɛkɛ ne ɔkɔtɛnla Boka Ɔlivi azo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Nzema Word of Life Gospels and Psalms™
Copyright © 1984 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.