Málúkus 12
12
Insap i kisíén kí masamɔ́ má wáány
(Mat 21.33-46; Lúk 20.9-19)
1Yésuse woond á kukálan pɔ́ kí insap. wɔ́ kɔ́ɔ́p ɛ́ɛ́: «Mɔɔndɔ omotí waapɔnd kisíén kí masamɔ má wáany. Wɔɔpɔŋ kíí nɔ ɔmindɛ́. Wɛɛyɛn nitányí ní ɔnɔ́k ú wáany woond waawáak kinyál kinyáŋímát kɔ́ ɔkɛ́ɛ́k ú kisíén. Waáminɛn ekelú nɛ pɛɛnd pómotí, waatál pɔ́ kisíén kikáánɛ́ kí imbɔk ɛ́ɛ́ pɔ́kɔtɔ. Ó niok, pɛ́nɛkɛn wɔ́ níɛ́yɛ́ niap. Umɛɛlɛ́ úmááman eyipe nɔɔpɔ́ waayɔɔk kɛ́ ɛŋɛnd. 2Kisikɛl kíasiám, waatúmɛn pekííkí kisíén eŋelípuólí wɛ́ɛ́yɛ́ omotí ɛ́ɛ́ pátúmɛn wɔ́ níɛ́yɛ́ niap ní maandá mé kisíén. 3Pekííkí kisíén páásaman eŋelípuólí ukáánɛ́, pɔ́ɔ́nɔ́kɛt wɔ́ ne mekite, póondi wɔ́ imbɔk ni imbɔk. 4Muɛ́t kisíén waand atúmɛn pɔ́ eŋelípuólí wɛ́ɛ́yɛ́ olotí. Ukáánɛ́ kɛ́kɛ́yɛ́ páálaŋan wɔ́ maandá kɛ́ ɛtɔ póond páásikan wɔ. 5Waand atúmɛn pɔ́ olotí, ukáánɛ́ pɔ́ɔ́kɔɔn. Muɛ́t kisíén waand atɔ́m peelímoólí pɛ́ɛ́yɛ́ kutek, pékite pómotí, pɔ́ɔ́nɔ pólotí. 6Mɔɔnd táŋ omoómí weesíénin wɔ, muɔ́nɔ́ wɛɛyɛ́ u ɔtɛ́m. É kuesisúkín, waatúmɛn pɔ́ wɔ, upítáka ɛ́ɛ́: (Pɔ́kɔkɔ́l muɔ́nɔ́ wɛɛyɛ́ ɔ́ niɔlɔ́.) 7Pekííkí kisíén páákál ikɔ́n, pɔ́ ɛ́ɛ́: wɔ́ usíénené á piyááya. Ɛ́nyɛɛ́ túɔ́n wɔ, kiséé kɔtúɔ́pɛn. 8Pɛ́ɛ́kɛɛtikɛn wɔ, pɔ́ɔ́kɔɔ́n wɔ, páátɔ́ɔt kikú kíɛ́yɛ́ nakúnɛ u kisíén.» 9Nuémenyen epú muɛ́t kisíén kɛɛ́nyɛ́ɛl á? Ukoól, úsɛ́lɔn pekííkí kisíén pakáánɛ́, úpítɛ́ɛn pɔsɔ́k pólotí ɔkɛ́ɛ́k ú kisíén. 10Numapási nutianɔ́n nukál enue é Mekélíe má Támbák núɔ́yɔnɛ́ ɛ́ɛ́: «Nitány pewééki mɛɛ́yɛɛ́nɛt, níí nímɛɛ́síɛ́yí ɛtɛ́n ú kiansi. 11Mukɔt mú Ɔkɔ́n mukáánɛ́: tuáyíkina kuyíkina múú ne eŋis yáásɔ tuond tusímile!» 12Pɔkɔ́n pɛ́ Pɛyúútɛn péémeny ɛ́ɛ́ insap ikáánɛ́ óyooson pɔ, kúúkɔ́ pámaámbá iŋilí i kuɛtikɛn Yésuse. Tɛ ɛ́ɛ́ pɛ́ɛ́tikɛn wɔ, á kiákí ɛ́ɛ́ pémetííné embul. Pááyap wɔ, pááyɔɔk.
Lemfúe u efuŋ wɔɔkɔ́n
(Mat 22.15-22; Lúk 20.20-26)
13Pɔkɔ́n pɛ́ Pɛyúútɛn páátɔm kitáám kí Pafalisiɛ́ŋ na kitáám kí pɛɛnd pé Elóot ku Yésus ɛ́ɛ́ pátámb wɔ, pékélesi wɔ́, úkɔɔn kɛ́ɛ́yɛ́ á tukál. 14Póol, pɔ́ kɛ́ɛ́yɛ́ ɛ́ɛ́: «Oŋónyóonyi, tuémenyen ɛ́ɛ́ anyi mɔɔnd u indɛ́ndɛnɛ, atipá puumbíla, pɛɛnd peem nyɛ puandá púmoómí kááwɔ ke eŋis, oókoónyonyi ne kémuémue púnyi peseé ké eŋíís yá Támbák. Tuókuówon ɛ́ɛ́ kikotí kíásɔ́ óótúówon ɛ́ɛ́ túpíkata éé tutipíkatá lemfúe u Sesal efuŋ u Lóma? Púnyakɛ ɛ́ɛ́ túpíkata éé tutipíkata?» 15Aná Yésus meémenyén nunɛ́m núɔ́pɔ́, wɔ́ kɔ́ɔ́p ɛ́ɛ́: «Kiákɛ́ nuŋɔ́pitɔnɛ́ɛ? Ónuŋólín na kikɔŋ yɛ́ɛ́n yá!» 16Póol na kɛ́ɛ. Yésuse weekekeliti kɛ́ɛ, woówun pɔ́ ɛ́ɛ́: «Pusíó púányɛ́ epue, kisiɛ́n kíányɛ́ ekie?» Póondinyi wɔ́ ɛ́ɛ́: «kí Sesal.» 17Wɔ́ kɔ́ɔ́p ɛ́ɛ́: «Ónuondínyí Sesalɛ epú púɔ́pinɔnɛ́ Sesalɛ, Támbákɛ́ɛ epú púɔ́pinɔnɛ́ Támbákɛ́ɛ.» Péésímile iŋondínyínyí i Yésus ikáánɛ́.
Kienye kí pilɔ́ŋ
(Mat 22.23-33; Lúk 20.27-38)
18Pasatuseɛ́ŋ pɛ́ɛlɛnɛ́ ɛ́ɛ́ kienye kí pilɔ́ŋ tipá, kitáám kímotí kíól ku Yésus. Kíosiówún wɔ́ ɛ́ɛ́: 19Oŋónyóonyi, Moyíis metuéki kikotí ɛ́ɛ́: «Índɛ mɔɔnd sieku uyap kisík katɛ muɔ́nɛ́ɛ, andimán wɛɛyɛ́ wɛɛnúmɛndɔ́ ɛ́ɛ́kɛɛsikɛnɛn kupítikɛn kisík kíɛ́yɛ́ ɛ́ɛ́ alúŋɛ́ tisúk mɔɔnd ɛ́ píɛ́yɛ́ piyááya.» 20«Pinɔ́k pítíndatɔ́ neémue mapá paán pá mɔɔnd. Ukutúan waapítikɛn akáandɔ́, weekú tɛ ɛ́ɛ́ umáyapá muɔ́nɛ́ɛ. 21Ukáandíɛ waapítikɛn kisík kí andimán, weekú kɛ́kɛ́ɛ́yɛ́ tɛ ɛ́ɛ́ úyap muɔ́nɛ́ɛ. Ukátátúɛ, yá puandá púmoómí. 22Peem pátíndatɔ́ neémue pééku tɛ ɛ́ɛ́ wɛɛ́tɛ máyapá muɔ́nɛ́ɛ. É kélém kuɔ́pɔ́ akáandɔ́ kɛ́kɛ́ɛ́yɛ́ weeku. 23É kienye kí pilɔ́ŋ, aká peem ányáámanɛ́ á pipɛ́l, unín waányípáánɛ́ ɔnɛ́m u akáandɔ́ ukáánɛ́, aná peem maápítíkɛ́n wɔ?» 24Yésuse woondinyi pɔ́ ɛ́ɛ́: «Nunyi á kipínanɔ́, nuémenyen kɔɔ́mɔ nupúpenené á? Á kiákí ɛ́ɛ́ nutipá numenyen tɛ Mekélíe má Támbák, tɛ pukaaka unyɛɛ́ na pɔ. 25Nupítíkɛ́n tipá muɛnɛ́. Aká pilɔ́ŋ mányaám á pipɛ́l, pítipá pípítikanɛn ɛlɛɛ́ Peéŋele. 26Á kiáyí kí pilɔ́ŋ píɛ́nyukɛnɛ́ɛ, numapásɛ nutianɔ́n ɔmbɔp ú Moyíis, é kisíme kí nuaŋanyɛ́ númɔɔ́kɔ́l yiik tɛ ɛ́ɛ́ núpikɛ, aná Támbák mɛɛ́l kɛ́ɛ́yɛ́ ɛ́ɛ́: Inyi Támbákɛ́ɛ u Ápilaháam, Támbákɛ́ɛ u Isaak na Támbákɛ́ɛ u Yákɔp? 27Unyi Támbákɛ́ɛ u pɔɔkɔ́siɛ utipá Támbákɛ́ɛ u pilɔ́ŋ. Kipínanɔ́ kiánɔ nyɛ kiandákáand.»
Kikotí kiikɔ́n
(Mat 22.34-40; Lúk 10.25-28; 20.39-40)
28Emenyípikotí omotí umɔɔ́pitɔlikɔn aná Yésus meépekenyipekenyi na Pasatuseɛ́ŋ, wɛɛ́n ɛ́ɛ́ Yésus móóndínyí pɔ́ peseé. Weepísíítin Yésuse, woówun wɔ́ ɛ́ɛ́: «Ó pikotí pí Moyíis piim, kínín kinyɛɛ́ kiikɔ́n?» 29Yésuse woondinyi ɛ́ɛ́: «Kikotí kiikɔ́n kínyɛɛ́ ɛ́ɛ́: Isilayɛ́l, támb itu, Támbákɛ́ɛ waasɔ́, wééŋényí unyɛɛ́ Ɔkɔ́n; 30ɔyɔ́ Ɔkɔ́n Támbákɛ́ɛ waawɔ nɔ ɔtɛ́m wááwɔ wuum, na pumuundɛ púáwɔ puum, ni imbítáákitɛ́n yaawɔ kitikit ni imbekí yaawɔ yiim. 31Kikotí kíɔ́ŋɔnɛ́ ekie: Ɔyɔ́ sɔ́k mɔɔndɛ ɛlɛɛ́ aŋɔ́ muɛ́t. Kikotí kílotí tipá, kítápukanɛ́ pikotí pikáánɛ́.» 32Emenyípikotí ɛ́pi é Yésus ɛ́ɛ́: «Ɛ́ɛ́ɛ́, Oŋónyóonyi, epú ɔɔyɔnɛ́ nyɛ kémuémue: Támbák nyɛ táŋ omoómí, olotí tipá ɛlɛɛ́ wɔ. 33Kuɔyɔ wɔ́ nɔ ɔtɛ́m wááwɔ wuum, ni imbítákítɛ́n yaawɔ kitikit, ni imbekí yaawɔ yiim, nɔ kuɔyɔ sɔ́k mɔɔndɛ ɛlɛɛ́ aŋɔ́ muɛ́t áátápukan kifunɔ́ kí pulúk epúlulesíé ó pusíó pú Támbák na kifunɔ́ kiim ɛnyɛɛ́ kupífuna Támbákɛ́ɛ.» 34Yésus ɛ́ɛ́nɛn ɛ́ɛ́ emenyípikotí móóndínyí na tutáátɔ, wɔ́ kɛ́ɛ́yɛ́ ɛ́ɛ́: «Aaa! atikápá kaáyɛ́ ne nipíkínín ni Pufuŋ pú Támbák.» Tɛ ɛ́ɛ́ mɔɔnd áand apímak kuówun Yésuse iŋówúnín.
Ne Kilíis na Tááfit
(Mat 22.41-46; Lúk 20.41-44)
35Yésuse mɛɛlɛ́ umoókoónyonyi kɔ́ ɔɔ́nd ú kitamb kí Támbák, woówun ɛ́ɛ́: «Tiɛkiɛ́ pemenyípikotí nyɛ́ pɔ́kuɔyɛt ɛ́ɛ́ Kilíis nyɛ yá kɔ́ɔ́m muɔ́nɔ́ u Tafíit? 36Tafíite wɔ́ muɛ́t, á nukál Emfúnukufúúmɛ meétúúné wɔ, wɔɔyɛt ɛ́ɛ́: Ɔkɔ́n, Támbák, ɔ́ɔ́yítɛ́n Ɔkɔ́n waamɛ ɛ́ɛ́: Nyɔ́mbɛ́t káámɛ kí inyɛ́ŋ yinɛm kuám aká iŋényéyi pokóyikoy pááwɔ putálɛn pikɔ́nd píáwɔ. 37Tafíite wɔ́ muɛ́t áápílan wɔ́ ɛ́ɛ́ Ɔkɔ́n. Tiɛkiɛ́ kɔk unyɛɛ́ kupá muɔ́nɔ́ u Tafíit?» Embúl úmaápá kɔ́ɔk pítɔ́likɔn, púɛ́lɛ pɔ́ peseé.
Melínyé mé pemenyípikotí nyɛ kilɔk
(Mat 23.1-12; Lúk 20.45-47)
38Yésus ónyonyi, wɔɔyɔn pɛɛnd ɛ́ɛ́: «Énupíkeŋényésí pemenyípikotí. Pɔ́ɔ́kɔɔyɔ kupíómbon pinyuŋa, pákáŋala na pɛ́ɛ, páamba ɛ́ɛ́ insí pémépíkélíkélí pɔ́ kɔɔ́mɔ pɛɛnd nyɛɛ́ kutek asɛ nionyí. 39Pɔ́ɔ́yɔ andíkɛ́k kunyɔ́mbitɔn kɔ́ ɔnyɔ́l yó pusíó á piansi pí Pɛyúútɛn pí imbísókólí, nɔ kɔɔ́mɔ kupíyak nyɛɛ́. 40Pányáánɛn pisík pí pakáandɔ́ póond pɛ́ɛlɛɛ́ pópísókolonyi, imbísókólí síɔ́p kuya kɔ́ɔ́m é kupúle pɛɛnd. Támbák éényísésitenyi pɔ kitáákátak.»
Nupoo nú kisík kí akáandɔ́
(Lúk 21.1-4)
41Yésuse wɔɔnyɔnyɔ́mbɛ́t ó pusíó pú nukólópóŋ nú nupoo, kɔ́ ɔɔ́nd ú kitamb kí Támbák. Uyooson aná pɛɛnd áákanɛ́ pikɔ́ŋ ó nukólópóŋ. Inɛ́m puólíkóoli áákan pikɔ́ŋ kutek. 42Ɔsúkɔsukɔ u kisík kí akáandɔ́ kíányatɔ́k, kíásiák paán pá pikɔ́ŋ páandɛ́, kitáám kí pikɔ́ŋ kimɛɛ́nukɛn á kápɛ omoómí. 43Yésuse waapílikɛn popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Yɔɔ́núɔ́yɔn kémuémue ɛ́ɛ́ ɔsúkɔsukɔ u kisík kí akáandɔ́ kikáánɛ́ máák kutápɔk pɛɛnd peem pámányaákan ó nukólópóŋ. 44Á kiákí ɛ́ɛ́ ɔsúkɔsukɔ u kisík kí akáandɔ́ mɔ́kɔ́l pipíɔ́kɛ́n píɛ́yɛ́ piim ɛ́ wɛ́ɛ́yɛ́ ɔsɔk, umáák pɛ́ɛ ó nukólópóŋ; pɔsɔ́k pólotí mɔ́tɔ́púnɔ́ kutɔ́punɔ é púúpu pápianɛ́.»
ទើបបានជ្រើសរើសហើយ៖
Málúkus 12: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 12
12
Insap i kisíén kí masamɔ́ má wáány
(Mat 21.33-46; Lúk 20.9-19)
1Yésuse woond á kukálan pɔ́ kí insap. wɔ́ kɔ́ɔ́p ɛ́ɛ́: «Mɔɔndɔ omotí waapɔnd kisíén kí masamɔ má wáany. Wɔɔpɔŋ kíí nɔ ɔmindɛ́. Wɛɛyɛn nitányí ní ɔnɔ́k ú wáany woond waawáak kinyál kinyáŋímát kɔ́ ɔkɛ́ɛ́k ú kisíén. Waáminɛn ekelú nɛ pɛɛnd pómotí, waatál pɔ́ kisíén kikáánɛ́ kí imbɔk ɛ́ɛ́ pɔ́kɔtɔ. Ó niok, pɛ́nɛkɛn wɔ́ níɛ́yɛ́ niap. Umɛɛlɛ́ úmááman eyipe nɔɔpɔ́ waayɔɔk kɛ́ ɛŋɛnd. 2Kisikɛl kíasiám, waatúmɛn pekííkí kisíén eŋelípuólí wɛ́ɛ́yɛ́ omotí ɛ́ɛ́ pátúmɛn wɔ́ níɛ́yɛ́ niap ní maandá mé kisíén. 3Pekííkí kisíén páásaman eŋelípuólí ukáánɛ́, pɔ́ɔ́nɔ́kɛt wɔ́ ne mekite, póondi wɔ́ imbɔk ni imbɔk. 4Muɛ́t kisíén waand atúmɛn pɔ́ eŋelípuólí wɛ́ɛ́yɛ́ olotí. Ukáánɛ́ kɛ́kɛ́yɛ́ páálaŋan wɔ́ maandá kɛ́ ɛtɔ póond páásikan wɔ. 5Waand atúmɛn pɔ́ olotí, ukáánɛ́ pɔ́ɔ́kɔɔn. Muɛ́t kisíén waand atɔ́m peelímoólí pɛ́ɛ́yɛ́ kutek, pékite pómotí, pɔ́ɔ́nɔ pólotí. 6Mɔɔnd táŋ omoómí weesíénin wɔ, muɔ́nɔ́ wɛɛyɛ́ u ɔtɛ́m. É kuesisúkín, waatúmɛn pɔ́ wɔ, upítáka ɛ́ɛ́: (Pɔ́kɔkɔ́l muɔ́nɔ́ wɛɛyɛ́ ɔ́ niɔlɔ́.) 7Pekííkí kisíén páákál ikɔ́n, pɔ́ ɛ́ɛ́: wɔ́ usíénené á piyááya. Ɛ́nyɛɛ́ túɔ́n wɔ, kiséé kɔtúɔ́pɛn. 8Pɛ́ɛ́kɛɛtikɛn wɔ, pɔ́ɔ́kɔɔ́n wɔ, páátɔ́ɔt kikú kíɛ́yɛ́ nakúnɛ u kisíén.» 9Nuémenyen epú muɛ́t kisíén kɛɛ́nyɛ́ɛl á? Ukoól, úsɛ́lɔn pekííkí kisíén pakáánɛ́, úpítɛ́ɛn pɔsɔ́k pólotí ɔkɛ́ɛ́k ú kisíén. 10Numapási nutianɔ́n nukál enue é Mekélíe má Támbák núɔ́yɔnɛ́ ɛ́ɛ́: «Nitány pewééki mɛɛ́yɛɛ́nɛt, níí nímɛɛ́síɛ́yí ɛtɛ́n ú kiansi. 11Mukɔt mú Ɔkɔ́n mukáánɛ́: tuáyíkina kuyíkina múú ne eŋis yáásɔ tuond tusímile!» 12Pɔkɔ́n pɛ́ Pɛyúútɛn péémeny ɛ́ɛ́ insap ikáánɛ́ óyooson pɔ, kúúkɔ́ pámaámbá iŋilí i kuɛtikɛn Yésuse. Tɛ ɛ́ɛ́ pɛ́ɛ́tikɛn wɔ, á kiákí ɛ́ɛ́ pémetííné embul. Pááyap wɔ, pááyɔɔk.
Lemfúe u efuŋ wɔɔkɔ́n
(Mat 22.15-22; Lúk 20.20-26)
13Pɔkɔ́n pɛ́ Pɛyúútɛn páátɔm kitáám kí Pafalisiɛ́ŋ na kitáám kí pɛɛnd pé Elóot ku Yésus ɛ́ɛ́ pátámb wɔ, pékélesi wɔ́, úkɔɔn kɛ́ɛ́yɛ́ á tukál. 14Póol, pɔ́ kɛ́ɛ́yɛ́ ɛ́ɛ́: «Oŋónyóonyi, tuémenyen ɛ́ɛ́ anyi mɔɔnd u indɛ́ndɛnɛ, atipá puumbíla, pɛɛnd peem nyɛ puandá púmoómí kááwɔ ke eŋis, oókoónyonyi ne kémuémue púnyi peseé ké eŋíís yá Támbák. Tuókuówon ɛ́ɛ́ kikotí kíásɔ́ óótúówon ɛ́ɛ́ túpíkata éé tutipíkatá lemfúe u Sesal efuŋ u Lóma? Púnyakɛ ɛ́ɛ́ túpíkata éé tutipíkata?» 15Aná Yésus meémenyén nunɛ́m núɔ́pɔ́, wɔ́ kɔ́ɔ́p ɛ́ɛ́: «Kiákɛ́ nuŋɔ́pitɔnɛ́ɛ? Ónuŋólín na kikɔŋ yɛ́ɛ́n yá!» 16Póol na kɛ́ɛ. Yésuse weekekeliti kɛ́ɛ, woówun pɔ́ ɛ́ɛ́: «Pusíó púányɛ́ epue, kisiɛ́n kíányɛ́ ekie?» Póondinyi wɔ́ ɛ́ɛ́: «kí Sesal.» 17Wɔ́ kɔ́ɔ́p ɛ́ɛ́: «Ónuondínyí Sesalɛ epú púɔ́pinɔnɛ́ Sesalɛ, Támbákɛ́ɛ epú púɔ́pinɔnɛ́ Támbákɛ́ɛ.» Péésímile iŋondínyínyí i Yésus ikáánɛ́.
Kienye kí pilɔ́ŋ
(Mat 22.23-33; Lúk 20.27-38)
18Pasatuseɛ́ŋ pɛ́ɛlɛnɛ́ ɛ́ɛ́ kienye kí pilɔ́ŋ tipá, kitáám kímotí kíól ku Yésus. Kíosiówún wɔ́ ɛ́ɛ́: 19Oŋónyóonyi, Moyíis metuéki kikotí ɛ́ɛ́: «Índɛ mɔɔnd sieku uyap kisík katɛ muɔ́nɛ́ɛ, andimán wɛɛyɛ́ wɛɛnúmɛndɔ́ ɛ́ɛ́kɛɛsikɛnɛn kupítikɛn kisík kíɛ́yɛ́ ɛ́ɛ́ alúŋɛ́ tisúk mɔɔnd ɛ́ píɛ́yɛ́ piyááya.» 20«Pinɔ́k pítíndatɔ́ neémue mapá paán pá mɔɔnd. Ukutúan waapítikɛn akáandɔ́, weekú tɛ ɛ́ɛ́ umáyapá muɔ́nɛ́ɛ. 21Ukáandíɛ waapítikɛn kisík kí andimán, weekú kɛ́kɛ́ɛ́yɛ́ tɛ ɛ́ɛ́ úyap muɔ́nɛ́ɛ. Ukátátúɛ, yá puandá púmoómí. 22Peem pátíndatɔ́ neémue pééku tɛ ɛ́ɛ́ wɛɛ́tɛ máyapá muɔ́nɛ́ɛ. É kélém kuɔ́pɔ́ akáandɔ́ kɛ́kɛ́ɛ́yɛ́ weeku. 23É kienye kí pilɔ́ŋ, aká peem ányáámanɛ́ á pipɛ́l, unín waányípáánɛ́ ɔnɛ́m u akáandɔ́ ukáánɛ́, aná peem maápítíkɛ́n wɔ?» 24Yésuse woondinyi pɔ́ ɛ́ɛ́: «Nunyi á kipínanɔ́, nuémenyen kɔɔ́mɔ nupúpenené á? Á kiákí ɛ́ɛ́ nutipá numenyen tɛ Mekélíe má Támbák, tɛ pukaaka unyɛɛ́ na pɔ. 25Nupítíkɛ́n tipá muɛnɛ́. Aká pilɔ́ŋ mányaám á pipɛ́l, pítipá pípítikanɛn ɛlɛɛ́ Peéŋele. 26Á kiáyí kí pilɔ́ŋ píɛ́nyukɛnɛ́ɛ, numapásɛ nutianɔ́n ɔmbɔp ú Moyíis, é kisíme kí nuaŋanyɛ́ númɔɔ́kɔ́l yiik tɛ ɛ́ɛ́ núpikɛ, aná Támbák mɛɛ́l kɛ́ɛ́yɛ́ ɛ́ɛ́: Inyi Támbákɛ́ɛ u Ápilaháam, Támbákɛ́ɛ u Isaak na Támbákɛ́ɛ u Yákɔp? 27Unyi Támbákɛ́ɛ u pɔɔkɔ́siɛ utipá Támbákɛ́ɛ u pilɔ́ŋ. Kipínanɔ́ kiánɔ nyɛ kiandákáand.»
Kikotí kiikɔ́n
(Mat 22.34-40; Lúk 10.25-28; 20.39-40)
28Emenyípikotí omotí umɔɔ́pitɔlikɔn aná Yésus meépekenyipekenyi na Pasatuseɛ́ŋ, wɛɛ́n ɛ́ɛ́ Yésus móóndínyí pɔ́ peseé. Weepísíítin Yésuse, woówun wɔ́ ɛ́ɛ́: «Ó pikotí pí Moyíis piim, kínín kinyɛɛ́ kiikɔ́n?» 29Yésuse woondinyi ɛ́ɛ́: «Kikotí kiikɔ́n kínyɛɛ́ ɛ́ɛ́: Isilayɛ́l, támb itu, Támbákɛ́ɛ waasɔ́, wééŋényí unyɛɛ́ Ɔkɔ́n; 30ɔyɔ́ Ɔkɔ́n Támbákɛ́ɛ waawɔ nɔ ɔtɛ́m wááwɔ wuum, na pumuundɛ púáwɔ puum, ni imbítáákitɛ́n yaawɔ kitikit ni imbekí yaawɔ yiim. 31Kikotí kíɔ́ŋɔnɛ́ ekie: Ɔyɔ́ sɔ́k mɔɔndɛ ɛlɛɛ́ aŋɔ́ muɛ́t. Kikotí kílotí tipá, kítápukanɛ́ pikotí pikáánɛ́.» 32Emenyípikotí ɛ́pi é Yésus ɛ́ɛ́: «Ɛ́ɛ́ɛ́, Oŋónyóonyi, epú ɔɔyɔnɛ́ nyɛ kémuémue: Támbák nyɛ táŋ omoómí, olotí tipá ɛlɛɛ́ wɔ. 33Kuɔyɔ wɔ́ nɔ ɔtɛ́m wááwɔ wuum, ni imbítákítɛ́n yaawɔ kitikit, ni imbekí yaawɔ yiim, nɔ kuɔyɔ sɔ́k mɔɔndɛ ɛlɛɛ́ aŋɔ́ muɛ́t áátápukan kifunɔ́ kí pulúk epúlulesíé ó pusíó pú Támbák na kifunɔ́ kiim ɛnyɛɛ́ kupífuna Támbákɛ́ɛ.» 34Yésus ɛ́ɛ́nɛn ɛ́ɛ́ emenyípikotí móóndínyí na tutáátɔ, wɔ́ kɛ́ɛ́yɛ́ ɛ́ɛ́: «Aaa! atikápá kaáyɛ́ ne nipíkínín ni Pufuŋ pú Támbák.» Tɛ ɛ́ɛ́ mɔɔnd áand apímak kuówun Yésuse iŋówúnín.
Ne Kilíis na Tááfit
(Mat 22.41-46; Lúk 20.41-44)
35Yésuse mɛɛlɛ́ umoókoónyonyi kɔ́ ɔɔ́nd ú kitamb kí Támbák, woówun ɛ́ɛ́: «Tiɛkiɛ́ pemenyípikotí nyɛ́ pɔ́kuɔyɛt ɛ́ɛ́ Kilíis nyɛ yá kɔ́ɔ́m muɔ́nɔ́ u Tafíit? 36Tafíite wɔ́ muɛ́t, á nukál Emfúnukufúúmɛ meétúúné wɔ, wɔɔyɛt ɛ́ɛ́: Ɔkɔ́n, Támbák, ɔ́ɔ́yítɛ́n Ɔkɔ́n waamɛ ɛ́ɛ́: Nyɔ́mbɛ́t káámɛ kí inyɛ́ŋ yinɛm kuám aká iŋényéyi pokóyikoy pááwɔ putálɛn pikɔ́nd píáwɔ. 37Tafíite wɔ́ muɛ́t áápílan wɔ́ ɛ́ɛ́ Ɔkɔ́n. Tiɛkiɛ́ kɔk unyɛɛ́ kupá muɔ́nɔ́ u Tafíit?» Embúl úmaápá kɔ́ɔk pítɔ́likɔn, púɛ́lɛ pɔ́ peseé.
Melínyé mé pemenyípikotí nyɛ kilɔk
(Mat 23.1-12; Lúk 20.45-47)
38Yésus ónyonyi, wɔɔyɔn pɛɛnd ɛ́ɛ́: «Énupíkeŋényésí pemenyípikotí. Pɔ́ɔ́kɔɔyɔ kupíómbon pinyuŋa, pákáŋala na pɛ́ɛ, páamba ɛ́ɛ́ insí pémépíkélíkélí pɔ́ kɔɔ́mɔ pɛɛnd nyɛɛ́ kutek asɛ nionyí. 39Pɔ́ɔ́yɔ andíkɛ́k kunyɔ́mbitɔn kɔ́ ɔnyɔ́l yó pusíó á piansi pí Pɛyúútɛn pí imbísókólí, nɔ kɔɔ́mɔ kupíyak nyɛɛ́. 40Pányáánɛn pisík pí pakáandɔ́ póond pɛ́ɛlɛɛ́ pópísókolonyi, imbísókólí síɔ́p kuya kɔ́ɔ́m é kupúle pɛɛnd. Támbák éényísésitenyi pɔ kitáákátak.»
Nupoo nú kisík kí akáandɔ́
(Lúk 21.1-4)
41Yésuse wɔɔnyɔnyɔ́mbɛ́t ó pusíó pú nukólópóŋ nú nupoo, kɔ́ ɔɔ́nd ú kitamb kí Támbák. Uyooson aná pɛɛnd áákanɛ́ pikɔ́ŋ ó nukólópóŋ. Inɛ́m puólíkóoli áákan pikɔ́ŋ kutek. 42Ɔsúkɔsukɔ u kisík kí akáandɔ́ kíányatɔ́k, kíásiák paán pá pikɔ́ŋ páandɛ́, kitáám kí pikɔ́ŋ kimɛɛ́nukɛn á kápɛ omoómí. 43Yésuse waapílikɛn popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Yɔɔ́núɔ́yɔn kémuémue ɛ́ɛ́ ɔsúkɔsukɔ u kisík kí akáandɔ́ kikáánɛ́ máák kutápɔk pɛɛnd peem pámányaákan ó nukólópóŋ. 44Á kiákí ɛ́ɛ́ ɔsúkɔsukɔ u kisík kí akáandɔ́ mɔ́kɔ́l pipíɔ́kɛ́n píɛ́yɛ́ piim ɛ́ wɛ́ɛ́yɛ́ ɔsɔk, umáák pɛ́ɛ ó nukólópóŋ; pɔsɔ́k pólotí mɔ́tɔ́púnɔ́ kutɔ́punɔ é púúpu pápianɛ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL