Matié 22
22
Insap i putɔ́mbí pú nuɔ́ndɔ́n
(Lúk 14.15-24)
1Yésuse waand kuond á kukálan pɔ́ kí insap ukanyi kɔ́ɔ́p ɛ́ɛ́: 2«Pufuŋ pú mɛnɛ́mɛnɛ́ɛ nyɛ ɛlɛɛ́ efuŋ umaátán putɔ́mbí pú nuɔ́ndɔ́n nú kinɔ́k kíɛ́yɛ́. 3Watɔ́m peelímoólí pɛ́ɛ́yɛ́ á kuup kúpílán pɛɛnd umaápílán ɔ́ putɔ́mbí. Maná pɔ patimamba kuɔl. 4Waand atɔ́m peelímoólí pólotí ɛ́ɛ́ páátíán pɛɛnd ɛ́ɛ́: ɛ́nuɛ́nɛ́nɛ, imámaná ɛtɛ́kɛ múkunya; inyak siámɛ ne melúk mamɛ me mekut nyɛ mesiké, puum kanyi kɔ́ɔk, ónuólon ɔ́ putɔ́mbí. 5Pɔ́ kɔk, tɛ ɛ́ɛ́ pɔ́kɔ́l kisikilɛ, pááyuukan, ewe kɛ́ɛ́yɛ́ ɔ́ kuɔ́m, ewe kɛ́ɛ́yɛ́ ó nionyí; 6pólotí pɛ́ɛ́tikɛn peelímoólí, péésésitenyi pɔ́ póond pɔ́ɔ́n pɔ. 7Efuŋ wɔɔ́p kutɛɛ; waatɔ́m melúse mɛ́ɛ́yɛ́, ɛ́ pɔ́ɔ́n poónonín pakáánɛ́ póond pépiki pálɛ́k wɔɔpɔ́. 8Ukanyi kɔk é peelímoólí pɛ́ɛ́yɛ́ ɛ́ɛ́: Putɔ́mbí kanyɛ putélímét, maná pɛɛnd pásiápilan timáápá panimíkánán. 9Ánuupán kɔk ké elumen yí iŋilí núond núpílan ɔ́ putɔ́mbí epé kitikit nukaánɛ́ ekééki. 10Peelímoólí pɛ́ɛ́yɛ́ pááyɔɔk kí iŋilí páákúsikan kɔ́ɔk epé kitikit pémeékééki, ne pépeseé nɔ pɔ́kilɔk. Kitáŋá kí putɔ́mbí kíówóon nɛ pɛɛnd. 11Upíken kɔk ó kuoyoósín pɛɛnd, wɛɛ́n mɔɔnd umɛɛ́l utipián kilaá kí putɔ́mbí. wɔ́ kɛ́ɛ́yɛ́ ɛ́ɛ́: 12Ekúlam, tiɛkiɛ́ esiépíkin akɛ katɛ kilaá kí putɔ́mbiɛ? Ewe weefuuk niít. 13Efuŋ kanyi kɔk é peepímúkunya: Ánukútíkán wɔ́ ní imbɔ́k nɔ pikɔ́nd nutɔ́ɔt wɔ́ kí mbíne i ɔɔ́nd: kɔ́ɔk oŋónyi na kupípanda eŋíŋ áányipáánɛ́ɛ. 14Á kiákí ɛ́ɛ́ táásɛ nyí papílán, maná paayúúnán pukéti.»
Iŋondinyi í Yésus ó puónyi pú lemfúe
(Mál 12.13-17; Lúk 20.20-26)
15Pafalisiɛ́ŋ pɛ́nyɛlɛ́ kikɔs ɛ́ɛ́ Yésus kɔɔn kɔ́ɔ́p kɛ́ emfɛl ni iŋowúnin siɔ́p. 16Páátúmɛn wɔ́ pɛɛnd kɔ́ɔ́p ɔ́ kiɔ́p nɛ pɛɛnd pé Elóot, ɛ́ɛ́ pɛ́ɛl kɛ́ɛ́yɛ́ ɛ́ɛ́: «Oŋónyóonyi, tuémenyen ɛ́ɛ́ anyi indɛ́ndɛ́nɛ ond oónyonyi kémuémue aná Támbák ɔ́ɔ́yɔɔnɛ́ɛ, tɛ kupíyap ɛ́ɛ́ mɔɔnd kúaŋɛt, á kiákí atipá ɔkɔ́lɔn kisikɛl ne etényi u pɛɛnd. 17Tútían kɔk yaawɔ iŋɛ́nɛ́n: Punyi peseé ɛ́ɛ́ túnam púnyaánɛ tutinamá lemfúé u Sesáal.» 18Maná Yésus, ɛ́ɛ́nɛn kipán kíɔ́p, ukanyi ɛ́ɛ́: «Pɛɛnd pɛ́ nunɛ́m! kiákɛ́ nundámbinanɛ́ ɛmfɛl? 19Enundínyí kikɔ́ŋ panaminanɛ́ lemfúé na kɛ́ɛ.» Péétíínyi wɔ́ kikɔ́ŋ kikáánɛ́. 20wɔ́ kɔ́ɔ́p ɛ́ɛ́: «Kiéye ekie nɔ ɔmfíɔ́ŋ ewe, mányi máányi?» 21Póondinyi ɛ́ɛ́: «Me Sesáal.» Yésus kányi kɔk kɔ́ɔ́p ɛ́ɛ́: «Ónuondínyi Sesáalɛ epú púnyɛɛ́ pú Sesáal, Támbákɛ́ɛ epú púnyɛɛ́ pú Támbák.» 22Pésimile peem kɛ́ɛ́yɛ́ kí iŋondinyi, póond, pááyap wɔ́ pááyɔɔk.
Epú Yésus ɔ́ɔ́yɔɔnɛ́ɛ á kuam kú pilɔ́ŋ
(Mál 12.18-27; Lúk 20.27-38)
23Puɔ́si pukáánɛ́ pa Satuseɛ́ŋ péépísíítin wɔ. Pasatuseɛ́ŋ ɔ́kɔyɔ ɛ́ɛ́ kuám á pilɔ́ŋ tipá. Póówun wɔ́ iŋówúnín eye: 24«Oŋónyóonyi, Moyíis mɔɔyɛ́t ɛ́ɛ́: Índɛ mɔɔnd sieku kati kupia muɔ́nɔ́ na akány, andimán ányípítikɛn kisík kíɛ́yɛ́ á kuyapɛn andimán muɔ́nɔ́. 25Kuasɔ́ kɔk, paandimán pɛɛnúmɛndɔ́ pátíndatɔ́ neémue mapá. Ukutúan, umaápá na akáandɔ́, weeku; aná kɔk umɛɛ́l utipián muɔ́nɔ́, andimán wesién ukɔ́l kisík kíɛ́yɛ́; 26tɛ ukáandíɛ, ukatátúɛ, anakáánɛ́ kuám á ukátíndatɔ́ neémue. 27É kélém kúɔ́p kɔk, á mamaná, akáandɔ́ weeku. 28Akáánɛ́ kɔk! Á kuám á pilɔ́ŋ waányípá akány waányí kɔk á patíndatɔ́ neémue pakáánɛ́, ó pusíó ɛ́ɛ́ peem mapítíkɛ́n akáandɔ́ ukáánɛ́?» 29Yésuse wondinyi pɔ́ ɛ́ɛ́: «Nunyɛ á kipínanɔ́, ó pusíó ɛ́ɛ́ nutipá numenyen tɛ imfíɔ́ŋ tɛ pukaaka pú Támbák. 30Á kuám á pilɔ́ŋ kɔk, pátipá pápítikan tɛ akáandɔ́ tɛ ɛnúmɛndɔ, maná tunyi ɛlɛɛ́ Peéŋele mɛnɛ́mɛnɛ́ɛ. 31É púúpú púnyɛɛ́ á kuám é piku, nutimaláaŋ nukál Támbák maánútían: 32inyɛ Támbákɛ́ɛ u Ápilaháam, Támbákɛ́ɛ u Ísaak na Támbákɛ́ɛ u Yákɔp? Utipá Támbákɛ́ɛ u piku, maná u pɔɔkɔ́si.» 33Pɔɔ́pɔn anakáánɛ́, imbúl mapá sísimile iŋónyitonyi yɛɛyɛ́.
Kikotí kiikɔ́n ekie
(Mál 12.28-34; Lúk 10.25-28)
34Pɔɔ́pɔn ɛ́ɛ́ uméfuuk pa Satuseɛ́ŋ eŋít, pa Falisiɛ́ŋ páápíkúsíkan. 35Olotí kɔk, emenyípikotí, woówun wɔ́ ɛ́ útɔ́lik wɔ́ ɛmfɛl: 36«Oŋónyóonyi, kikotí kínín kínyɛɛ́ kiikɔ́n ó pikotí kitikit?» 37Yésus kanyi kɛ́ɛ́yɛ́ ɛ́ɛ́: «Ɔyɔ́ Ɔkɔ́n, Támbákɛ́ɛ waawɔ nɔ ɔtɛ́m wááwɔ kitikit, ne kiliínditié ni imbítáákítɛ́n síáwɔ kitikit. 38Kikotí kiikɔ́n kikáánɛ́ na kíkutúan. 39Kíkáandíɛ nyɛ kɛ́k ɛlɛɛ́ kíkutuan: Ɔyɔ́ waakúánɔ́ ɛlɛɛ́ aŋúmuɛ́t. 40Ó pikotí pikáánɛ́ píandɛ́, kɔ́ɔ́kɔ́ pikotí piim óólinonée na tukál tu Peémímekélíe má Támbák.»
Yésuse muɔ́nɔ́ u Táfit, wɔ́ Ɔkɔ́n u Táfit
(Mál 12.35-37; Lúk 20.41-44)
41Aná Pafalisiɛ́ŋ maápá papíkúsá, Yésuse woówun pɔ́ iŋówúnín eye: 42«Imbítáákítɛ́n yaanɔ́ é Kilíis inyɛɛ́ kiákí? Unyi muɔ́nɔ́ waányí?» Póondinyi wɔ́ ɛ́ɛ́: «U Tafíit.» 43Yésus kanyi kɔ́ɔ́p ɛ́ɛ́: «Tiɛkiɛ́ kɔk Tafíite, owónón ne kiliínditíe, pílanɛ́ wɔ́ ɛ́ɛ́ Ɔkɔ́n waamɛ, wɔɔyɔ ɛ́ɛ́:
44Ɔkɔ́n matíán Ɔkɔ́n waamɛ ɛ́ɛ́:
Nyɔmbɛt káámɛ kɔ́ ɔmbɔ́k wɔɔnɛm
kuám aná iŋányák pokóyikoy pááwɔ kááwɔ kí imbanapánɛ́ɛ? 45Índɛ Tafíit ápilan wɔ́ ɛ́ɛ́ Ɔkɔ́n, tiɛkiɛ́ Kilíis nyɛ́ muɔ́nɔ́ wɛɛyɛ́?» 46Tɛ mɔɔnd ukupíákɔn. Kutúm puɔ́s pukáánɛ́ tɛ mɔɔnd utimand apímakan wɔ ni iŋówúnín.
ទើបបានជ្រើសរើសហើយ៖
Matié 22: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Matié 22
22
Insap i putɔ́mbí pú nuɔ́ndɔ́n
(Lúk 14.15-24)
1Yésuse waand kuond á kukálan pɔ́ kí insap ukanyi kɔ́ɔ́p ɛ́ɛ́: 2«Pufuŋ pú mɛnɛ́mɛnɛ́ɛ nyɛ ɛlɛɛ́ efuŋ umaátán putɔ́mbí pú nuɔ́ndɔ́n nú kinɔ́k kíɛ́yɛ́. 3Watɔ́m peelímoólí pɛ́ɛ́yɛ́ á kuup kúpílán pɛɛnd umaápílán ɔ́ putɔ́mbí. Maná pɔ patimamba kuɔl. 4Waand atɔ́m peelímoólí pólotí ɛ́ɛ́ páátíán pɛɛnd ɛ́ɛ́: ɛ́nuɛ́nɛ́nɛ, imámaná ɛtɛ́kɛ múkunya; inyak siámɛ ne melúk mamɛ me mekut nyɛ mesiké, puum kanyi kɔ́ɔk, ónuólon ɔ́ putɔ́mbí. 5Pɔ́ kɔk, tɛ ɛ́ɛ́ pɔ́kɔ́l kisikilɛ, pááyuukan, ewe kɛ́ɛ́yɛ́ ɔ́ kuɔ́m, ewe kɛ́ɛ́yɛ́ ó nionyí; 6pólotí pɛ́ɛ́tikɛn peelímoólí, péésésitenyi pɔ́ póond pɔ́ɔ́n pɔ. 7Efuŋ wɔɔ́p kutɛɛ; waatɔ́m melúse mɛ́ɛ́yɛ́, ɛ́ pɔ́ɔ́n poónonín pakáánɛ́ póond pépiki pálɛ́k wɔɔpɔ́. 8Ukanyi kɔk é peelímoólí pɛ́ɛ́yɛ́ ɛ́ɛ́: Putɔ́mbí kanyɛ putélímét, maná pɛɛnd pásiápilan timáápá panimíkánán. 9Ánuupán kɔk ké elumen yí iŋilí núond núpílan ɔ́ putɔ́mbí epé kitikit nukaánɛ́ ekééki. 10Peelímoólí pɛ́ɛ́yɛ́ pááyɔɔk kí iŋilí páákúsikan kɔ́ɔk epé kitikit pémeékééki, ne pépeseé nɔ pɔ́kilɔk. Kitáŋá kí putɔ́mbí kíówóon nɛ pɛɛnd. 11Upíken kɔk ó kuoyoósín pɛɛnd, wɛɛ́n mɔɔnd umɛɛ́l utipián kilaá kí putɔ́mbí. wɔ́ kɛ́ɛ́yɛ́ ɛ́ɛ́: 12Ekúlam, tiɛkiɛ́ esiépíkin akɛ katɛ kilaá kí putɔ́mbiɛ? Ewe weefuuk niít. 13Efuŋ kanyi kɔk é peepímúkunya: Ánukútíkán wɔ́ ní imbɔ́k nɔ pikɔ́nd nutɔ́ɔt wɔ́ kí mbíne i ɔɔ́nd: kɔ́ɔk oŋónyi na kupípanda eŋíŋ áányipáánɛ́ɛ. 14Á kiákí ɛ́ɛ́ táásɛ nyí papílán, maná paayúúnán pukéti.»
Iŋondinyi í Yésus ó puónyi pú lemfúe
(Mál 12.13-17; Lúk 20.20-26)
15Pafalisiɛ́ŋ pɛ́nyɛlɛ́ kikɔs ɛ́ɛ́ Yésus kɔɔn kɔ́ɔ́p kɛ́ emfɛl ni iŋowúnin siɔ́p. 16Páátúmɛn wɔ́ pɛɛnd kɔ́ɔ́p ɔ́ kiɔ́p nɛ pɛɛnd pé Elóot, ɛ́ɛ́ pɛ́ɛl kɛ́ɛ́yɛ́ ɛ́ɛ́: «Oŋónyóonyi, tuémenyen ɛ́ɛ́ anyi indɛ́ndɛ́nɛ ond oónyonyi kémuémue aná Támbák ɔ́ɔ́yɔɔnɛ́ɛ, tɛ kupíyap ɛ́ɛ́ mɔɔnd kúaŋɛt, á kiákí atipá ɔkɔ́lɔn kisikɛl ne etényi u pɛɛnd. 17Tútían kɔk yaawɔ iŋɛ́nɛ́n: Punyi peseé ɛ́ɛ́ túnam púnyaánɛ tutinamá lemfúé u Sesáal.» 18Maná Yésus, ɛ́ɛ́nɛn kipán kíɔ́p, ukanyi ɛ́ɛ́: «Pɛɛnd pɛ́ nunɛ́m! kiákɛ́ nundámbinanɛ́ ɛmfɛl? 19Enundínyí kikɔ́ŋ panaminanɛ́ lemfúé na kɛ́ɛ.» Péétíínyi wɔ́ kikɔ́ŋ kikáánɛ́. 20wɔ́ kɔ́ɔ́p ɛ́ɛ́: «Kiéye ekie nɔ ɔmfíɔ́ŋ ewe, mányi máányi?» 21Póondinyi ɛ́ɛ́: «Me Sesáal.» Yésus kányi kɔk kɔ́ɔ́p ɛ́ɛ́: «Ónuondínyi Sesáalɛ epú púnyɛɛ́ pú Sesáal, Támbákɛ́ɛ epú púnyɛɛ́ pú Támbák.» 22Pésimile peem kɛ́ɛ́yɛ́ kí iŋondinyi, póond, pááyap wɔ́ pááyɔɔk.
Epú Yésus ɔ́ɔ́yɔɔnɛ́ɛ á kuam kú pilɔ́ŋ
(Mál 12.18-27; Lúk 20.27-38)
23Puɔ́si pukáánɛ́ pa Satuseɛ́ŋ péépísíítin wɔ. Pasatuseɛ́ŋ ɔ́kɔyɔ ɛ́ɛ́ kuám á pilɔ́ŋ tipá. Póówun wɔ́ iŋówúnín eye: 24«Oŋónyóonyi, Moyíis mɔɔyɛ́t ɛ́ɛ́: Índɛ mɔɔnd sieku kati kupia muɔ́nɔ́ na akány, andimán ányípítikɛn kisík kíɛ́yɛ́ á kuyapɛn andimán muɔ́nɔ́. 25Kuasɔ́ kɔk, paandimán pɛɛnúmɛndɔ́ pátíndatɔ́ neémue mapá. Ukutúan, umaápá na akáandɔ́, weeku; aná kɔk umɛɛ́l utipián muɔ́nɔ́, andimán wesién ukɔ́l kisík kíɛ́yɛ́; 26tɛ ukáandíɛ, ukatátúɛ, anakáánɛ́ kuám á ukátíndatɔ́ neémue. 27É kélém kúɔ́p kɔk, á mamaná, akáandɔ́ weeku. 28Akáánɛ́ kɔk! Á kuám á pilɔ́ŋ waányípá akány waányí kɔk á patíndatɔ́ neémue pakáánɛ́, ó pusíó ɛ́ɛ́ peem mapítíkɛ́n akáandɔ́ ukáánɛ́?» 29Yésuse wondinyi pɔ́ ɛ́ɛ́: «Nunyɛ á kipínanɔ́, ó pusíó ɛ́ɛ́ nutipá numenyen tɛ imfíɔ́ŋ tɛ pukaaka pú Támbák. 30Á kuám á pilɔ́ŋ kɔk, pátipá pápítikan tɛ akáandɔ́ tɛ ɛnúmɛndɔ, maná tunyi ɛlɛɛ́ Peéŋele mɛnɛ́mɛnɛ́ɛ. 31É púúpú púnyɛɛ́ á kuám é piku, nutimaláaŋ nukál Támbák maánútían: 32inyɛ Támbákɛ́ɛ u Ápilaháam, Támbákɛ́ɛ u Ísaak na Támbákɛ́ɛ u Yákɔp? Utipá Támbákɛ́ɛ u piku, maná u pɔɔkɔ́si.» 33Pɔɔ́pɔn anakáánɛ́, imbúl mapá sísimile iŋónyitonyi yɛɛyɛ́.
Kikotí kiikɔ́n ekie
(Mál 12.28-34; Lúk 10.25-28)
34Pɔɔ́pɔn ɛ́ɛ́ uméfuuk pa Satuseɛ́ŋ eŋít, pa Falisiɛ́ŋ páápíkúsíkan. 35Olotí kɔk, emenyípikotí, woówun wɔ́ ɛ́ útɔ́lik wɔ́ ɛmfɛl: 36«Oŋónyóonyi, kikotí kínín kínyɛɛ́ kiikɔ́n ó pikotí kitikit?» 37Yésus kanyi kɛ́ɛ́yɛ́ ɛ́ɛ́: «Ɔyɔ́ Ɔkɔ́n, Támbákɛ́ɛ waawɔ nɔ ɔtɛ́m wááwɔ kitikit, ne kiliínditié ni imbítáákítɛ́n síáwɔ kitikit. 38Kikotí kiikɔ́n kikáánɛ́ na kíkutúan. 39Kíkáandíɛ nyɛ kɛ́k ɛlɛɛ́ kíkutuan: Ɔyɔ́ waakúánɔ́ ɛlɛɛ́ aŋúmuɛ́t. 40Ó pikotí pikáánɛ́ píandɛ́, kɔ́ɔ́kɔ́ pikotí piim óólinonée na tukál tu Peémímekélíe má Támbák.»
Yésuse muɔ́nɔ́ u Táfit, wɔ́ Ɔkɔ́n u Táfit
(Mál 12.35-37; Lúk 20.41-44)
41Aná Pafalisiɛ́ŋ maápá papíkúsá, Yésuse woówun pɔ́ iŋówúnín eye: 42«Imbítáákítɛ́n yaanɔ́ é Kilíis inyɛɛ́ kiákí? Unyi muɔ́nɔ́ waányí?» Póondinyi wɔ́ ɛ́ɛ́: «U Tafíit.» 43Yésus kanyi kɔ́ɔ́p ɛ́ɛ́: «Tiɛkiɛ́ kɔk Tafíite, owónón ne kiliínditíe, pílanɛ́ wɔ́ ɛ́ɛ́ Ɔkɔ́n waamɛ, wɔɔyɔ ɛ́ɛ́:
44Ɔkɔ́n matíán Ɔkɔ́n waamɛ ɛ́ɛ́:
Nyɔmbɛt káámɛ kɔ́ ɔmbɔ́k wɔɔnɛm
kuám aná iŋányák pokóyikoy pááwɔ kááwɔ kí imbanapánɛ́ɛ? 45Índɛ Tafíit ápilan wɔ́ ɛ́ɛ́ Ɔkɔ́n, tiɛkiɛ́ Kilíis nyɛ́ muɔ́nɔ́ wɛɛyɛ́?» 46Tɛ mɔɔnd ukupíákɔn. Kutúm puɔ́s pukáánɛ́ tɛ mɔɔnd utimand apímakan wɔ ni iŋówúnín.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL