Matié 20
20
Peelímoólí pá lípínɛ
1«Índí pufuŋ pú mɛnɛ́mɛnɛ́ɛ nyɛ asɛ muɛ́t nuyá umaám kiɛmɛ́ɛm kiɛmɛ́ɛm á kuambá peelímoólí ó pusíó pú kisíén kíɛ́yɛ́. 2Waáminɛn ekelú ne peelímoólí ɛ́ɛ́, siki mɔɔndɛ kaná apia, ó puólí pu iŋgúme i puɔ́s, kikɔ́ŋ kí muenyí kimoómí. Waatɔ́m pɔ́ kɛ́ɛ́yɛ́ é kisíén. 3Waand kuám á puandá pú pisikɛl pínamanɛ́ neémue, waand kuɛ́n pómotí péténetene é nilumen ní pɛɛnd kɔɔ́mɔ kómoómí, kati puólíe, 4Ukanyi kɔ́ɔ́p ɛ́ɛ́: Ánuupɔ́ kákáánɔ́ káámɛ é kisíén iŋaná anúfá pinamá píɛsikɛnɛnɛ́ɛ. 5Páayɔɔk é kisíén Mɔɔnd ukáánɛ́ waand kuám á pisikɛl puandá asi ɔtímí puɔ́s, na puandá asi pisikɛl pítátɔ́, wɛɛlɛ yá puandá tíŋ púmoómí. 6Púmɛɛlɛ́ púáman puandá asɛ pisikɛl pítáán, waand kuám, waand ekítikenyi pómotí péténetene akáánɛ́, wɔ́ kɔ́ɔ́p ɛ́ɛ́: Kiákí nuténetené iŋgúme i puɔ́s kati puólíe? 7Pákanyi kɛ́ɛ́yɛ́ ɛ́ɛ́: Kɔ́ɔ́mú ɛ́ɛ́ tutimɛ́ɛ́n mɔɔnd ukutúkɔ́l ó puólí. Ukanyi kɔ́ɔ́p ɛ́ɛ́: Ánuupɔ́ kákáánɔ́ káámɛ é kisíén. 8Kuɔ́m mɛɛlɛ́ kúsɛ́ndɛn, muɛ́t kisíén kanyi kɛ́ɛ́yɛ́ ké enekí nukólópóŋ ɛ́ɛ́: Pílíkɛ́n peelímoólí, éékenyi siki mɔɔndɛ pinamá píɛ́yɛ́, étúmin é pékusúkin éésúkín á pákutúan. 9Pɔsɔ́k pá pisikɛl pítáán pí kisɛ́ndɛ póol, páapian siki mɔɔndɛ kikɔ́ŋ kí yeenyí kímoómí kímoómie. 10Pákutúan óólon kɔ́ɔ́p é kitúmu, pápítááka ɛ́ɛ́ pákaná apian kutápɔk pɔsɔ́k; páapian pɔ́ kɔ́kɔ́ɔ́pɔ́ yá kikɔ́ŋ kímoómí kímoómie. 11Pɔ́kɔ́lɔn pinamá, pépíiŋunyen muɛ́t nuya: 12Pɔ́ɔyɔ ɛ́ɛ́: Pékusúkin epe mɔ́kɔtɛ́t yá kikulɛ́ kímoómi, amánamá pɔ́ puandá púmoómí niaŋ níásɔ́, pasɔ́ epé túmɔ́nyikɔtɔ́ puɔ́súm puɔ́súm nɔ ɔɔ́nyí kitikit ɔ́ nuɔ́l. 13Woondinyi omoómí kɔ́ɔ́p ɔ́ kiɔ́p: Ekúlu aamɛ indimáákunyɛ́n, tutimɔ́ɔ́yɔ́ naawu ɛ́ɛ́ kikɔŋ kímoómí kí iŋgúme i puɔ́s á? 14Kɔ́l epú pukuɔ́pínɔnɛ́ɛ apá. Yeékekenyi kinsúkinyisúkinye puandá púmoómí niaŋ níáwɔ yá aná yɔɔyɔnɛ́ɛ. 15Ɛ́nyɛ́ unyɛɛ́ kukányi naamɛ ɛ́ɛ́ indiapá punɛ́m púámɛ? Aákimbindikanɛn eŋís káámɛ ó nupoo á? 16Yésuse wɔɔ́yikɛn ɛ́ɛ́, anakáánɛ́ púányípáánɛ́ Pékusúkin ányípá pákutúan, pákutúan óond pékusúkin.»
Yésus météékí kúkátátúɛ́ nikú níɛ́yí na kuám kúɛ́yɛ́ á pilɔ́ŋ
(Mál 10.32; Lúk 18.31-34)
17Yésus mɛɛlɛ́ úkayuúkan Yelúsalɛm, wɔɔkɔ́l á masiá pá páát na páandiɛ́ woond ó kuól kúɔ́yɔ́n pɔ́ kí iŋilí: 18«Pasɔ́ epe tuyuukanɛ́ Yelúsalɛm, pɛ́kɛsɛm muɔ́nɔ u mɔɔnd á pafunɔ́fɔn pɔɔkɔ́n ne pemenyí pikotí; póond pásúmb kiansɛ́ ɛ́ɛ́ pɔ́ɔ́n wɔ́. 19Póond pɛ́sɛm wɔ́ kí imbɔk sí pindiátápɛ́ɛ pɔ́kɔ́sɔ wɔ́, pónyókolonyi wɔ́, pɔ́tɔndɛn wɔ́ ó kolóse; wóond ɔ́ puɔ́s pú kátátúɛ, wɛ́ɛnyɔk á pilɔ́ŋ.»
Iŋówúníní i yóótí isáak ní isáaŋ
20Kúúkɔ́ yóótí u pinɔ́k pí Sépeté meépísíítín yésuse, nɔ pinɔ́k píɛ́yɛ́ píandɛ́ waakɔɔn wɔ́ iŋɔlɔpɛ ɛ́ɛ́ wɔ́ɔŋɛn puandá. 21Yésuse kɛ́ɛ́yɛ́ ɛ́ɛ́: «Kiákí ambanɛ́ɛ?» «Ukanyi kɛ́ɛ́yɛ́ ɛ́ɛ́: síkoli Íŋátápɛ́n ɛ́ɛ́, é pufuŋ púáwɔ pinɔ́k píámɛ epie píandɛ́ páá ewe ɔnyɔ́mbítɔ́n káawɔ kɔ́ ɔmbɔ́k wɔɔnɛm olotí kɔ́ ɔmbɔ́k waakányí.» 22Yésuse woondinyi wɔ́ ɛ́ɛ́: «Nutipá numenyen epú nuówonée. Nunyikupúwá ikɔ́pɔ í muyú iŋaányípúwáa?» Póondinyi wɔ́ ɛ́ɛ́: «tunyi kuɔt.» 23Yésus kanyi kɔ́ɔ́p ɛ́ɛ́ «muyú muámɛ nuányípúwá muɔ, ɔ́ kunyɔmbɛt káámɛ kɔ́ ɔmbɔ́k wɔɔnɛ́m kúnyaánɛ waakányí, indipá niŋúɛ inyɛɛ́ kunuátapɛn puɔ, péényéeki epé Taatá mɛɛ́yinɛ́n pɔ́ ɔnyɔ́l yakáánɛ́!» 24Popíónyí Pápáatɛ́ pólotí pɔ́mɔɔ́p, pɔ́ɔ́pɛn paandimán pá páandiɛ́ kutɛ́ɛ́. 25Maná yésuse waapílikɛn pɔ́ peem páát na páandɛ́, wɔ́ kɔ́ɔ́p ɛ́ɛ́: «nuémenyen, pɔkɔ́n pɔ́ kitɔŋ ámiánsinan pɔ́, pimfuŋá maatan pɔ́. 26Pútiápa anakáánɛ́ káánɔ́ ɛ́ kikɛtɛ́kɛtɛ́ɛ. Akáánɛ́ kɔk índɛ mɔɔnd áákaamba ɛ́ɛ́ úpá ɔkɔ́n káánɔ́ ɛ́ kikɛtɛ́kɛtɛ́ɛ, wɛ́ɛ́yi eŋelí masɔ́m waanɔ́, 27Índɛ mɔɔnd ákamba ɛ́ɛ́ úpá u kutuána káánɔ́ ɛ́ kikɛtɛ́kɛtɛ́ɛ, úpá kiɔ́lí kíánɔ́. 28Yá anakáánɛ́ púnyɛɛ́ niŋúɛ muɔ́nɔ́ u mɔɔnd indimoól ɛ́ɛ́ pɛ́kɛnɛkɛn naamɛ, maná imoól ɔ́ kukɔtɔn ne kueki kusɔ́t kúámɛ á kuáŋɔn puólíkóoli pú pɛɛnd.»
Pepútepute páandɛ́ pé yelíko
(Mál 10.46-52; Lúk 18.35-43)
29Ne Yésus no popíónyí mɛɛlɛ́ páátukan Yelíko, kitɔɔt kí pɛɛnd kíɔŋ é Yésus. 30Pepútepute páandɛ́, pɔnyɔ́lí á masía mí iŋilí, mɛɛlɛ́ nɔ kuɔ́p ɛ́ɛ́ Yésuse ukáánɛ́ utápukanɛ́, póond ó kupókokonyonyi: «Ɔkɔ́n, Muɔ́nɔ́ u Tafíit, túɛ́n ɔsɔk!» 31Embúlu áánsan pɔ́ ɛ́ɛ́ peluŋ. Péeliŋ kupókokonyonyi mɔkúnúkɔ́kɔn: «Ɔkɔ́n, Muɔ́nɔ́ u Tafíit, túɛ́n ɔsɔk!» 32Yésuse weetélimit, waapílikɛn pɔ́, ukanyi kɔ́ɔ́p ɛ́ɛ́: «Kiákí nuambanɛ́ɛ ɛ́ɛ́ ínúɛ́lɛn?» 33Pɔ́ kɛ́ɛ́yɛ́ ɛ́ɛ́: «Ɔkɔ́n, tuákaamba ɛ́ɛ́ eŋis yáásɔ́ fuunuk!» 34Yésuse wɛɛ́n pɔ́ ɔsɔ́k, wɔɔpíkɔ́ɔ́tɛn eŋís yɔ́ɔ́p. Yá akáánɛ́ nɔ niɔ́kɔ́tɔ́n, eŋis yɔ́ɔ́p yéépífuun, póond ɛ́ kuɛ́nɛn. Pɔ́ɔ́kɔɔŋ é Yésus.
ទើបបានជ្រើសរើសហើយ៖
Matié 20: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Matié 20
20
Peelímoólí pá lípínɛ
1«Índí pufuŋ pú mɛnɛ́mɛnɛ́ɛ nyɛ asɛ muɛ́t nuyá umaám kiɛmɛ́ɛm kiɛmɛ́ɛm á kuambá peelímoólí ó pusíó pú kisíén kíɛ́yɛ́. 2Waáminɛn ekelú ne peelímoólí ɛ́ɛ́, siki mɔɔndɛ kaná apia, ó puólí pu iŋgúme i puɔ́s, kikɔ́ŋ kí muenyí kimoómí. Waatɔ́m pɔ́ kɛ́ɛ́yɛ́ é kisíén. 3Waand kuám á puandá pú pisikɛl pínamanɛ́ neémue, waand kuɛ́n pómotí péténetene é nilumen ní pɛɛnd kɔɔ́mɔ kómoómí, kati puólíe, 4Ukanyi kɔ́ɔ́p ɛ́ɛ́: Ánuupɔ́ kákáánɔ́ káámɛ é kisíén iŋaná anúfá pinamá píɛsikɛnɛnɛ́ɛ. 5Páayɔɔk é kisíén Mɔɔnd ukáánɛ́ waand kuám á pisikɛl puandá asi ɔtímí puɔ́s, na puandá asi pisikɛl pítátɔ́, wɛɛlɛ yá puandá tíŋ púmoómí. 6Púmɛɛlɛ́ púáman puandá asɛ pisikɛl pítáán, waand kuám, waand ekítikenyi pómotí péténetene akáánɛ́, wɔ́ kɔ́ɔ́p ɛ́ɛ́: Kiákí nuténetené iŋgúme i puɔ́s kati puólíe? 7Pákanyi kɛ́ɛ́yɛ́ ɛ́ɛ́: Kɔ́ɔ́mú ɛ́ɛ́ tutimɛ́ɛ́n mɔɔnd ukutúkɔ́l ó puólí. Ukanyi kɔ́ɔ́p ɛ́ɛ́: Ánuupɔ́ kákáánɔ́ káámɛ é kisíén. 8Kuɔ́m mɛɛlɛ́ kúsɛ́ndɛn, muɛ́t kisíén kanyi kɛ́ɛ́yɛ́ ké enekí nukólópóŋ ɛ́ɛ́: Pílíkɛ́n peelímoólí, éékenyi siki mɔɔndɛ pinamá píɛ́yɛ́, étúmin é pékusúkin éésúkín á pákutúan. 9Pɔsɔ́k pá pisikɛl pítáán pí kisɛ́ndɛ póol, páapian siki mɔɔndɛ kikɔ́ŋ kí yeenyí kímoómí kímoómie. 10Pákutúan óólon kɔ́ɔ́p é kitúmu, pápítááka ɛ́ɛ́ pákaná apian kutápɔk pɔsɔ́k; páapian pɔ́ kɔ́kɔ́ɔ́pɔ́ yá kikɔ́ŋ kímoómí kímoómie. 11Pɔ́kɔ́lɔn pinamá, pépíiŋunyen muɛ́t nuya: 12Pɔ́ɔyɔ ɛ́ɛ́: Pékusúkin epe mɔ́kɔtɛ́t yá kikulɛ́ kímoómi, amánamá pɔ́ puandá púmoómí niaŋ níásɔ́, pasɔ́ epé túmɔ́nyikɔtɔ́ puɔ́súm puɔ́súm nɔ ɔɔ́nyí kitikit ɔ́ nuɔ́l. 13Woondinyi omoómí kɔ́ɔ́p ɔ́ kiɔ́p: Ekúlu aamɛ indimáákunyɛ́n, tutimɔ́ɔ́yɔ́ naawu ɛ́ɛ́ kikɔŋ kímoómí kí iŋgúme i puɔ́s á? 14Kɔ́l epú pukuɔ́pínɔnɛ́ɛ apá. Yeékekenyi kinsúkinyisúkinye puandá púmoómí niaŋ níáwɔ yá aná yɔɔyɔnɛ́ɛ. 15Ɛ́nyɛ́ unyɛɛ́ kukányi naamɛ ɛ́ɛ́ indiapá punɛ́m púámɛ? Aákimbindikanɛn eŋís káámɛ ó nupoo á? 16Yésuse wɔɔ́yikɛn ɛ́ɛ́, anakáánɛ́ púányípáánɛ́ Pékusúkin ányípá pákutúan, pákutúan óond pékusúkin.»
Yésus météékí kúkátátúɛ́ nikú níɛ́yí na kuám kúɛ́yɛ́ á pilɔ́ŋ
(Mál 10.32; Lúk 18.31-34)
17Yésus mɛɛlɛ́ úkayuúkan Yelúsalɛm, wɔɔkɔ́l á masiá pá páát na páandiɛ́ woond ó kuól kúɔ́yɔ́n pɔ́ kí iŋilí: 18«Pasɔ́ epe tuyuukanɛ́ Yelúsalɛm, pɛ́kɛsɛm muɔ́nɔ u mɔɔnd á pafunɔ́fɔn pɔɔkɔ́n ne pemenyí pikotí; póond pásúmb kiansɛ́ ɛ́ɛ́ pɔ́ɔ́n wɔ́. 19Póond pɛ́sɛm wɔ́ kí imbɔk sí pindiátápɛ́ɛ pɔ́kɔ́sɔ wɔ́, pónyókolonyi wɔ́, pɔ́tɔndɛn wɔ́ ó kolóse; wóond ɔ́ puɔ́s pú kátátúɛ, wɛ́ɛnyɔk á pilɔ́ŋ.»
Iŋówúníní i yóótí isáak ní isáaŋ
20Kúúkɔ́ yóótí u pinɔ́k pí Sépeté meépísíítín yésuse, nɔ pinɔ́k píɛ́yɛ́ píandɛ́ waakɔɔn wɔ́ iŋɔlɔpɛ ɛ́ɛ́ wɔ́ɔŋɛn puandá. 21Yésuse kɛ́ɛ́yɛ́ ɛ́ɛ́: «Kiákí ambanɛ́ɛ?» «Ukanyi kɛ́ɛ́yɛ́ ɛ́ɛ́: síkoli Íŋátápɛ́n ɛ́ɛ́, é pufuŋ púáwɔ pinɔ́k píámɛ epie píandɛ́ páá ewe ɔnyɔ́mbítɔ́n káawɔ kɔ́ ɔmbɔ́k wɔɔnɛm olotí kɔ́ ɔmbɔ́k waakányí.» 22Yésuse woondinyi wɔ́ ɛ́ɛ́: «Nutipá numenyen epú nuówonée. Nunyikupúwá ikɔ́pɔ í muyú iŋaányípúwáa?» Póondinyi wɔ́ ɛ́ɛ́: «tunyi kuɔt.» 23Yésus kanyi kɔ́ɔ́p ɛ́ɛ́ «muyú muámɛ nuányípúwá muɔ, ɔ́ kunyɔmbɛt káámɛ kɔ́ ɔmbɔ́k wɔɔnɛ́m kúnyaánɛ waakányí, indipá niŋúɛ inyɛɛ́ kunuátapɛn puɔ, péényéeki epé Taatá mɛɛ́yinɛ́n pɔ́ ɔnyɔ́l yakáánɛ́!» 24Popíónyí Pápáatɛ́ pólotí pɔ́mɔɔ́p, pɔ́ɔ́pɛn paandimán pá páandiɛ́ kutɛ́ɛ́. 25Maná yésuse waapílikɛn pɔ́ peem páát na páandɛ́, wɔ́ kɔ́ɔ́p ɛ́ɛ́: «nuémenyen, pɔkɔ́n pɔ́ kitɔŋ ámiánsinan pɔ́, pimfuŋá maatan pɔ́. 26Pútiápa anakáánɛ́ káánɔ́ ɛ́ kikɛtɛ́kɛtɛ́ɛ. Akáánɛ́ kɔk índɛ mɔɔnd áákaamba ɛ́ɛ́ úpá ɔkɔ́n káánɔ́ ɛ́ kikɛtɛ́kɛtɛ́ɛ, wɛ́ɛ́yi eŋelí masɔ́m waanɔ́, 27Índɛ mɔɔnd ákamba ɛ́ɛ́ úpá u kutuána káánɔ́ ɛ́ kikɛtɛ́kɛtɛ́ɛ, úpá kiɔ́lí kíánɔ́. 28Yá anakáánɛ́ púnyɛɛ́ niŋúɛ muɔ́nɔ́ u mɔɔnd indimoól ɛ́ɛ́ pɛ́kɛnɛkɛn naamɛ, maná imoól ɔ́ kukɔtɔn ne kueki kusɔ́t kúámɛ á kuáŋɔn puólíkóoli pú pɛɛnd.»
Pepútepute páandɛ́ pé yelíko
(Mál 10.46-52; Lúk 18.35-43)
29Ne Yésus no popíónyí mɛɛlɛ́ páátukan Yelíko, kitɔɔt kí pɛɛnd kíɔŋ é Yésus. 30Pepútepute páandɛ́, pɔnyɔ́lí á masía mí iŋilí, mɛɛlɛ́ nɔ kuɔ́p ɛ́ɛ́ Yésuse ukáánɛ́ utápukanɛ́, póond ó kupókokonyonyi: «Ɔkɔ́n, Muɔ́nɔ́ u Tafíit, túɛ́n ɔsɔk!» 31Embúlu áánsan pɔ́ ɛ́ɛ́ peluŋ. Péeliŋ kupókokonyonyi mɔkúnúkɔ́kɔn: «Ɔkɔ́n, Muɔ́nɔ́ u Tafíit, túɛ́n ɔsɔk!» 32Yésuse weetélimit, waapílikɛn pɔ́, ukanyi kɔ́ɔ́p ɛ́ɛ́: «Kiákí nuambanɛ́ɛ ɛ́ɛ́ ínúɛ́lɛn?» 33Pɔ́ kɛ́ɛ́yɛ́ ɛ́ɛ́: «Ɔkɔ́n, tuákaamba ɛ́ɛ́ eŋis yáásɔ́ fuunuk!» 34Yésuse wɛɛ́n pɔ́ ɔsɔ́k, wɔɔpíkɔ́ɔ́tɛn eŋís yɔ́ɔ́p. Yá akáánɛ́ nɔ niɔ́kɔ́tɔ́n, eŋis yɔ́ɔ́p yéépífuun, póond ɛ́ kuɛ́nɛn. Pɔ́ɔ́kɔɔŋ é Yésus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL