Matié 13
13
Pulinsí pú Pufuŋ pú mɛnɛ́mɛnɛ́ɛ
(Mál 4.1; Lúk 8.4)
1Puátakáánɛ́ puɔ́s, Yésuse waám á kiansi, wɔɔnyɔnyɔ́mbɛ́t á kiŋindiŋɛnd kí asaá. 2Piɔŋɔnyi pí pɛɛnd píápíkúsɛt kɛ́ɛ́yɛ́ á masía, wɛɛ́n nɔ́ɔ waanyamákát ó kitóóŋ wɔɔnyɔ́mbɛt; wɔ́ ó kitóóŋ pɛɛnd á kiŋindiŋɛnd.
Pulinsí ké epuúsí
(Mál 4.2-9; Lúk 8.5-8)
3Yésus mapá wɔɔyɔn pɔ́ moónyi kutek ne melinsí, yá aná epue pú epuúsí. wɔ́ ɛ́ɛ́: «Epuúsí weesík é kuepuénén imbu. 4Úképuénén imbu, esie síákɔɔn á masiá mí iŋilí; munoní múókoól múásakitan. 5Sílotí síákɔɔn ɔ́ nulɔp nú tusákáyí, nulɔp tɛ kúsolée kɔ́ɔk; síɛ́sɛɛnɔk nɔ niɔ́kɔ́tɔ́n á kiákí ɛ́ɛ́ nulɔp timapá kuyuum; 6Ɔɔ́nyí mɛɛlɛ́ úkanyɛɛ́ alaŋan, pisɔ́ɔ́kɔsɔ́ɔ́kɔ píɔ́yɔ́ɔ́yitɛn; á kati iŋaŋá kuyuum eke kuúsíe, pisɔ́ɔ́kɔsɔ́ɔ́kɔ píákɔt. 7Imbu sílotí síákɔɔn ɔ́ nulɔp númaápá ni iŋɔpukɔp; iŋɔpukɔp síányɛ́ɛn imbu. 8Sílotí síákɔɔn ɔ́ nulɔp nuutámb, síɔ́sɔ́ɔk, síopo, síomo, eye indíní insamɔ́ etín átáan, eyíné indíní etín átátɔ́, ilotí nitín na síát.» 9Yésuse wɔɔ́yikɛn ɛ́ɛ́: «Aŋúɛ ni itú ɔɔ́p!»
Kiákí Yésus kálanɛ́ɛ ne melinsí
(Mál 4.10-12; Lúk 10.9-10)
10Yésus mɛɛlɛ́ umanan á, popíónyí pɛ́ɛ́yɛ́ péépísíítin wɔ, pɔ́ kɛ́ɛ́yɛ́ ɛ́ɛ́: «Kiákí akálanɛ́ kɔ́ɔ́p ne melinsí?» 11Woondinyi pɔ́ ɛ́ɛ́: «Á kiákí ɛ́ɛ́ panɔ́ Támbák ɛ́ɛ́lɛ́ ɛ́ɛ́ núményi maandá mɔɔŋɔsíkɔ́n mé Pufuŋ pú mɛnɛ́mɛnɛ́ɛ, pɔsɔ́k pakáánɛ́, pɔ́, utiɛ́l nɔ́ɔ. 12Á kiákí ɛ́ɛ́ ewú upianɛ́, pákatálɛn wɔ́ wóond úpia kutekekétek; ewú utiányípá upian, pákasúkat kɛ́ɛ́yɛ́ tɛ epú upítáákanɛ́ɛ ɛ́ɛ́ waápian. 13Yaákála kɔ́ɔ́p ne melinsí á kiákí ɛ́ɛ́: póoyooson pɛ́tiɛ́n, póond pɔ́pítɔ́likɔn pɔ́tiɔ́p; 14epú Isayíe, eŋémímekélíe má Támbák, mɔɔ́yɛ́t tɔɔmɔkɔ́tɔɔm píwóónyi kɔ́ɔ́p; Isayí kanyi ɛ́ɛ́:
Nuɔ́nyítɔ nupítɔ́likɔn nutiɔ́nyɔ́p;
nuɔ́nyítɔ nuyooson nutiɛ́nyɛ́n.
15Á kiákí ɛ́ɛ́ pulukú epue kanyi itɛ́m kulal,
péépíkíte itú,
péépúnyikenen eŋís,
ɛ́ɛ́ pɛ́tiɛ́nɛ́n ne iŋís yɔ́ɔ́p,
pɔ́tipítɔ́líkɔn ni itú síɔ́p, itɛ́m síɔ́p tiɛlɛ́ tɛpitɛp
ɛ́ɛ́ pétitúm kusɔ́t kúɔ́p kú insúá kélém ɔ́ kuɔŋ á Támbák.
Insíósóti pɔ́ɔ!
16«Panúɛ, peseé ne iŋís yáánɔ́ ó pusíó ɛ́ɛ́ yɛɛ́kɛɛ́nɛn, peseé ni itú síánɔ́ ó pusíó ɛ́ɛ́ símɔ́ɔ́p. 17Yɔɔ́núɔ́yɔn kémuémue ɛ́ɛ́ peémímekélíe má Támbák puólíkóoli ne epé pámaápá nulátát na Támbák maambá ɛ́ɛ́ insí pɛ́mɛ́ɛ́n epú nuɛ́nɛnɛ́ɛ, tɛ ɛ́ɛ́ pɛ́mɛ́ɛ́nɛ́ɛ, ɛ́ɛ́ insí pɔ́mɔ́ɔ́p epú nuɔ́pɔnɛ́ɛ, tɛ ɛ́ɛ́ pɔ́mɔ́ɔ́pɛ́ɛ.
Yésus ɛ́ɛ́sɛɛkunɛ pulinsí pú epuúsi
(Mál 4.13-20; Lúk 8.11-15)
18«Panɔ́ kɔk, ɔ́nupítɔ́líkɛ́n epú pulinsí pú epuúsí ɔ́ɔ́yɔɔnɛ́ɛ. 19Masíá mí iŋilí embu siákɔɔn á mɔ́ɔ, mɔ́ mányi mɔɔnd úmɔ́nyipítɔ́líkɔ́n Mekélíe mé Pufuŋ pú mɛnɛ́mɛnɛ́ɛ tɛ ɛ́ɛ́ wɔ́ɔ́pɛ, Yɛɛ́nduɛ óólo ulákɔn mɔ́ kɛ́ɛ́yɛ́ kɔ́ ɔtɛ́m. 20Nulɔp núnyɛɛ́ na tusákáyí embu siákɔɔn á nɔ́ɔ, nú núnyi mɔɔnd úmɔ́nyipítɔ́líkɔn Mekélíe, waátap mɔ́ kuɛ́kɛt na anyamɔ́. 21Unyɛ mɔɔnd utiányípá upíékenyi, utiátáp ɛ́ɛ́ Mekélíe píkin wɔ: muyú ni inséésítényí nakuasiám ó pusíó pú Mekélíe, utúm kélém. 22Maná embu úsiákɔɔn kí iŋɔpukɔp nyɛ mɔɔnd úmɔ́nyipítɔ́líkɔ́n Mekélíe, maná imfika sí maandá mé kúúsí na nulíkalíka nú punɛ́m nyími Mekélíe kɛ́ɛ́yɛ́ kɔ́ ɔtɛ́m, kusɔ́t kúɛ́yɛ́ tinúki. 23Embu úsiákɔɔn ɔ́ nulɔp nuutámb, nyɛ mɔɔnd úmɔ́nyipítɔ́líkɔ́n Mekélíe wɔɔp: meelíe maatámb óond é kupítíínyenyi kɛ́ɛ́yɛ́ ɔ́ kusɔ́t ɛlɛɛ́ indín sikáánɛ́ síómonée insamɔ́; eyeé etín átáan, eyinée etín átátɔ́, ilotí nitín na síát.»
Pulinsí ɔ́ kilɔk kí kikuti
24Waakand etíínyi pɔ́ pulinsí púlotí. wɔ́ kɔ́ɔ́p ɛ́ɛ́: «Pufuŋ pú mɛnɛ́mɛnɛ́ɛ nyɛ asɛ mɔɔnd umeépuú embu waatámb kɛ́ɛ́yɛ́ é kisíén. 25Pɛɛnd mɛɛlɛ́ pámaápítíman, okóyikoyi wɛɛyɛ́ woól weesipuú kilɔk kí kikuti kɛ́ɛ́yɛ́ é kisíén kí ɔsíkɔ, waayɔɔk. 26Ɔsíkɔ mɛɛlɛ́ nɛ kusɛɛnɔk, wóond á kukuman wóópo, kilɔk kí kikuti kíɛ́sɛɛnɔk káká kɛ́ɛ. 27Peelímoólí mɛɛlɛ́ nɛ kuɛ́n kilɔk kí kikuti é kisíén, pɔ́ɔ́nyɔɔyítɛ́n muɛ́t kisíén, pɔ́ kɛ́ɛ́yɛ́ ɛ́ɛ́: Ɔkɔ́n, útipá embu waatámb ényípuénén kááwɔ é kisíén á? Tiɛkiɛ́ kɔk kilɔk kí kikuti nyɛɛ́ kɔ́ɔk?» 28Wɛɛ́pí kɔ́ɔ́p ɛ́ɛ́: Okóyikoyi wɛ́ɛ́nyɛ́lɛ́ pɔ. Peelímoólí kɛ́ɛ́yɛ́ ɛ́ɛ́: Kúúkɔ́ ambanɛ́ ɛ́ɛ́ túápálá píí á? 29wɔ́ kɔ́ɔ́p ɛ́ɛ́: Aákóo, emenyí nupála ɔsíkɔ ɔlɔŋ nɔ kilɔk kí kikuti. 30Ánuyapá meem kuman ɔlɔŋ kuám á kisikɛl kí nikayi, ɛ́ kiɛ́tɛ kisikɛl yɛɛ́nyɛ́ɛl ɛ́ pɛɛnd páányíkáyanɛ́ɛ ɛ́ɛ́: Ánupalá, nútúánɛn ɔ́ kilɔk kí kikuti, núkúta kíí é piítí é piítée é kupikesi kɛ́ɛ; núɛ́lɛ́ númááman, núkáya ɔsíkɔ núnɛkɛn wɔ́ káámɛ á kisasá.
Ansamɔ́ weekétíkétie mɛ́ɛ́yɛ́ kiandá kí putɛ́
(Mál 4.30-32; Lúk 13.18-19)
31Waand ɔkɔ́lɛn pɔ́ pulinsí púlotí. wɔ́ kɔ́ɔ́p ɛ́ɛ́: «Pufuŋ pú mɛnɛ́mɛnɛ́ɛ nyɛ asɛ pusamúsám puukétíkétie mɔɔnd mɔ́nyikɔ́l umákɔ́n púú kɛ́ɛ́yɛ́ é kisíén.» 32Ansamɔ́ ólotí tipá pukétíkétie ɛlɛɛ́ wɔ; maná kɔk wɔ́ nɔ kusɔ́ɔk, wáátápukan pisɔ́ɔ́kɔsɔ́ɔ́kɔ kitikit pínyɛɛ́ é kisíén: wɛ́ɛ́yɛ́ kiandákáand kí putɛ́, kuám ɛ́ɛ́ munoní asiwááká aŋana yɔ́ɔ́pɔ́ kɛ́ɛ́yɛ́ á pikasi.
Yésus mɔ́kɔ́l pulinsí é kinyútukie
(Lúk 13.20-21)
33Waand ɔkɔ́lɛn pɔ́ pulinsí púlotí, wɔ́ ɛ́ɛ́: «Pufuŋ pú mɛnɛ́mɛnɛ́ɛ nyɛ ɛlɛɛ́ kinyútukie akáandɔ́ mɔ́nyikɔ́l umépúéŋítényí ne ekuŋ puólíkóoli, woond ɔ́ kutɔ́pɔ. Á kuamaná kitɔ́pinɔ óónsukuko.»
Kiákí Yésus óónyonyé ne melinsí
(Mál 4.33-34)
34Maandá makáání kitikit Yésus óónyonyi pɛɛnd ne melinsí, utimɔɔyɔn pɔ́ puandá kati pulinsíe, 35ɛ́ɛ́ epú eŋémímekélíe má Támbák mɔ́ɔ́yɛ́t píwóónyi; umɛɛlɛ́ ɛ́ɛ́: «Támbák ɛ́ɛ́pí ɛ́ɛ́: ɛ́ɛ́ɛ yɔɔ́yɔ́n pɔ́ moónyi mɛɛnɛmbɛ́n kuetúm á nipundɛ́n ní kúúsí, yaányíkála kɔ́ɔ́p ne melinsí.»
Yésus ɛ́ɛ́sɛɛkunɛ pulinsí pú kílɔk kí kikuti
36Yésuse waapíátɔn pɛɛnd woond á nuya; popíónyí pɛ́ɛ́yɛ́ péépísíítin wɔ́, pɔ́ kɛ́ɛ́yɛ́ ɛ́ɛ́: «Túsɛ́ɛ́kúnín pulinsí pú kílɔk kí kikuti kí mɔɔ́sɔ́ɔ́k é kísién.» 37Woondinyi pɔ́ ɛ́ɛ́: «Ewú ukúnanɛ́ ansamɔ́ waatámb; wɔ́ unyɛɛ́ Muɔ́nɔ́ u mɔɔnd» 38kisíén kínyɛɛ́ Kúúsí; ansamɔ́ waatámb wɔ́ únyɛɛ́ pɛɛnd pɔ́ɔ́pɔninɛ́ Pufuŋ pú mɛnɛ́mɛnɛ́ɛ; kilɔk kí kikuti kínyɛɛ́ epé pɔ́ɔ́pɔninɛ́ Yɛ́nduɛ. 39Okóyikoy umaásikɔ́n kɛ́ɛ wɔ́ unyɛɛ́ Yɛ́nduɛ; kisikɛl kí nikayi kí kinyɛɛ́ kuman kú kúúsí; peelímoólí pákayanɛ́, pɔ́ɔ pɛ́nyɛɛ́ Peéŋele. 40Yá aná pákúsanɛ́ kilɔk kí kikuti é kupikesi kíí, yá aná púányípáánɛ́ nɔ́ ɛ́ pɛɛnd á kuman kú kúúsí: 41Muɔ́nɔ́ u mɔɔnd áányítɔ́m Peéŋele pɛ́ɛ́yɛ́ ɛ́ɛ́ péémenyi kɛ́ɛ́yɛ́ é Pufuŋ pɛɛnd peem pɛ́ɛ́lɛnɛ́ ɛ́ɛ́ pɔsɔ́k ɛ́ɛlɛ pilɔk pí maandá na pafalfál, 42póond pátúútɔ pɔ́ é yiik yiikɔ́n; páányípaŋa, pápípanda eŋíŋ kɔ́ɔ́k. 43Píindɛ́ndɛ́nɛ pɔ́, páányípúnya ɛlɛɛ́ ɔɔ́nyí é Pufuŋ pú Síí wɔɔpɔ́. Yésuse wɔɔ́yikɛn ɛ́ɛ́: «Ewú unyɛɛ́ ni itú wɔɔp.»
Punɛm puutámb nɛ pulɛŋ
44Yésuse andá ɛ́ɛ́: «Pufuŋ pú mɛnɛ́mɛnɛ́ɛ nyɛ ɛlɛɛ́ punɛ́m puutámb punyɛɛ́ punɛmbɛ́n é kisíén mɔɔnd mɔ́nyɔɔsɔ́n: umɔ́kɔ́l púú wáand ɛnɛmb kɔ́ɔ́k; na anyamɔ́ kitikit umáyɔɔ́k, umétú puandá kitikit upianɛ́, umɔ́ɔ́ndɔ́ kisíén kikáánɛ́. 45Pufuŋ pú mɛnɛ́mɛnɛ́ɛ nyɛ andíkɛ́k ɛlɛɛ́ mɔɔnd wɛɛlɛnɛ́ endunyée umaámbá mɛlɛŋ maatámb ɔ́ kuɔ́nd. 46Umɛɛlɛ́ wɛɛ́nɛn pulɛŋ púmɔɔ́ŋúnɔ muenyí kutek, weenyetú puandá kitikit umaápian wɔɔkɔɔ́nd puɔ.
Pulinsí ó puolí
47«Pufuŋ pú mɛnɛ́mɛnɛ́ɛ nyɛ andíkɛ́k asi puolí pámányitúútɔ́ ká asaá, púmɛ́ɛ́tíkín muɔpɔ́ á tunamá á tunamɛ́ɛ. 48Puolí no kuwóón, pɔ́kɔ́ɔ́kɛt púɔ á kiŋindiŋɛnd, polókí muɔpɔ́ nyɔ́mbɛt é kueye mú peseé, páákan á musáŋ, mútiányipá ni indɛ́ŋúnɛ́n póóndonyi ó moomb. 49Yá aná púányípáánɛ́ á kuman kú kúúsí: Peéŋele óónyóól páátuna pí itɛ́m kilɔk nɛ pí indɛ́ndɛ́nɛ, 50pátúútan pí itɛ́m kilɔk é yiik yiikɔ́n; kɔ́ɔk pɛɛnd áányípaŋanɛ́, pápípanda eŋíŋ.»
Kiákí túɛtikinɛ́ kí iŋónyítónyí sí Yésus
51Yésus mɛɛlɛ́ úmááman kuónyonyi pɛɛnd, wɔ́ kɔ́ɔ́p ɛ́ɛ́: «Númɔ́ɔ́p iŋónyítónyí sikáání kitikit á?» Póóndinyi wɔ́ ɛ́ɛ́: «Ɛ́ɛ́ɛ.» 52wɔ́ kɔ́ɔ́p ɛ́ɛ́: «Kúúkɔ́ púnyɛɛ́, emenyí pikotí kitikit úmányaátáp iŋónyítónyí i Pufuŋ pú mɛnɛ́mɛnɛ́ɛ nyɛ ɛlɛɛ́ muɛ́t nuyá ukɔ́lɔnɛ́ maandá na mí insuá nɔ mɔɔkɔ́si kɛ́ɛ́yɛ́ á punɛ́m puutámb.»
Pɛɛnd pá Násalɛt métúm Yésuse kélém
(Mál 6.1-6; Lúk 4.16-24)
53Umɛɛlɛ́ úmááman kuónyonyi pɛɛnd ne melinsí, Yésuse waatɔk akáánɛ́. 54Waayɔɔk kɔɔ́mɔ pémeélépé wɔ́, woond ó kuónyonyi pɔtɔŋtɔ́ŋ á kiansi kíɔ́p kí imbísókólí; pɛɛnd pɔ́mɔɔ́pítɔ́líkɔ́n wɔ́ símile táásɛ, pɛ́ɛ́lɛɛ́: «Náánɛ́ otúnó tutáátú ne epíné pisey wɛɛlɛnɛ́ óólinonée wɔ? 55Utipá muɔ́nɔ́ u kápindɛ wɔ́ á? Utipá yóótíe unyɛɛ́ Malíá á? Pátipá paandimán pɛ́ɛ́yɛ́ pɛɛnúmɛndɔ́ pɛ́nyɛɛ́ Sáakɛ, Yúsipɛ, Símune ne Yúut á? 56Paandimán pɛ́ɛ́yɛ́ paakáandɔ́ peem tipá akɛ naasɔ́ á? Naánɛ́ kɔk maandá makáánɛ́ kitikit wɛɛlɛnɛ́ óólinonée wɔ́?» 57Maandá makáánɛ́ kitikit mɛmɛɛ́lɛ́ ɛ́ɛ́ pótipíóndí ɔtɛ́m ne Yésus. wɔ́ kɔ́ɔ́p ɛ́ɛ́: «Péékeekenyi eŋémímekélíe má Támbák nukanyi kɔɔ́mɔ kitikit ɛsiɛ́ ɔ́ kitɔŋ kíɛ́yɛ́ ne nikúli níɛ́yɛ́ pɛ́yɛɛnɛnɛ́ wɔ́.» 58Púɛ́kɛlɛ ɛ́ɛ́ utiɛlɛ́ piseye puólíkóoli kɔ́ɔk. Á kíákí ɛ́ɛ́ pátimapian pipíóndínyí ɔtɛ́m nɛ́ɛ́yɛ́.
ទើបបានជ្រើសរើសហើយ៖
Matié 13: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Matié 13
13
Pulinsí pú Pufuŋ pú mɛnɛ́mɛnɛ́ɛ
(Mál 4.1; Lúk 8.4)
1Puátakáánɛ́ puɔ́s, Yésuse waám á kiansi, wɔɔnyɔnyɔ́mbɛ́t á kiŋindiŋɛnd kí asaá. 2Piɔŋɔnyi pí pɛɛnd píápíkúsɛt kɛ́ɛ́yɛ́ á masía, wɛɛ́n nɔ́ɔ waanyamákát ó kitóóŋ wɔɔnyɔ́mbɛt; wɔ́ ó kitóóŋ pɛɛnd á kiŋindiŋɛnd.
Pulinsí ké epuúsí
(Mál 4.2-9; Lúk 8.5-8)
3Yésus mapá wɔɔyɔn pɔ́ moónyi kutek ne melinsí, yá aná epue pú epuúsí. wɔ́ ɛ́ɛ́: «Epuúsí weesík é kuepuénén imbu. 4Úképuénén imbu, esie síákɔɔn á masiá mí iŋilí; munoní múókoól múásakitan. 5Sílotí síákɔɔn ɔ́ nulɔp nú tusákáyí, nulɔp tɛ kúsolée kɔ́ɔk; síɛ́sɛɛnɔk nɔ niɔ́kɔ́tɔ́n á kiákí ɛ́ɛ́ nulɔp timapá kuyuum; 6Ɔɔ́nyí mɛɛlɛ́ úkanyɛɛ́ alaŋan, pisɔ́ɔ́kɔsɔ́ɔ́kɔ píɔ́yɔ́ɔ́yitɛn; á kati iŋaŋá kuyuum eke kuúsíe, pisɔ́ɔ́kɔsɔ́ɔ́kɔ píákɔt. 7Imbu sílotí síákɔɔn ɔ́ nulɔp númaápá ni iŋɔpukɔp; iŋɔpukɔp síányɛ́ɛn imbu. 8Sílotí síákɔɔn ɔ́ nulɔp nuutámb, síɔ́sɔ́ɔk, síopo, síomo, eye indíní insamɔ́ etín átáan, eyíné indíní etín átátɔ́, ilotí nitín na síát.» 9Yésuse wɔɔ́yikɛn ɛ́ɛ́: «Aŋúɛ ni itú ɔɔ́p!»
Kiákí Yésus kálanɛ́ɛ ne melinsí
(Mál 4.10-12; Lúk 10.9-10)
10Yésus mɛɛlɛ́ umanan á, popíónyí pɛ́ɛ́yɛ́ péépísíítin wɔ, pɔ́ kɛ́ɛ́yɛ́ ɛ́ɛ́: «Kiákí akálanɛ́ kɔ́ɔ́p ne melinsí?» 11Woondinyi pɔ́ ɛ́ɛ́: «Á kiákí ɛ́ɛ́ panɔ́ Támbák ɛ́ɛ́lɛ́ ɛ́ɛ́ núményi maandá mɔɔŋɔsíkɔ́n mé Pufuŋ pú mɛnɛ́mɛnɛ́ɛ, pɔsɔ́k pakáánɛ́, pɔ́, utiɛ́l nɔ́ɔ. 12Á kiákí ɛ́ɛ́ ewú upianɛ́, pákatálɛn wɔ́ wóond úpia kutekekétek; ewú utiányípá upian, pákasúkat kɛ́ɛ́yɛ́ tɛ epú upítáákanɛ́ɛ ɛ́ɛ́ waápian. 13Yaákála kɔ́ɔ́p ne melinsí á kiákí ɛ́ɛ́: póoyooson pɛ́tiɛ́n, póond pɔ́pítɔ́likɔn pɔ́tiɔ́p; 14epú Isayíe, eŋémímekélíe má Támbák, mɔɔ́yɛ́t tɔɔmɔkɔ́tɔɔm píwóónyi kɔ́ɔ́p; Isayí kanyi ɛ́ɛ́:
Nuɔ́nyítɔ nupítɔ́likɔn nutiɔ́nyɔ́p;
nuɔ́nyítɔ nuyooson nutiɛ́nyɛ́n.
15Á kiákí ɛ́ɛ́ pulukú epue kanyi itɛ́m kulal,
péépíkíte itú,
péépúnyikenen eŋís,
ɛ́ɛ́ pɛ́tiɛ́nɛ́n ne iŋís yɔ́ɔ́p,
pɔ́tipítɔ́líkɔn ni itú síɔ́p, itɛ́m síɔ́p tiɛlɛ́ tɛpitɛp
ɛ́ɛ́ pétitúm kusɔ́t kúɔ́p kú insúá kélém ɔ́ kuɔŋ á Támbák.
Insíósóti pɔ́ɔ!
16«Panúɛ, peseé ne iŋís yáánɔ́ ó pusíó ɛ́ɛ́ yɛɛ́kɛɛ́nɛn, peseé ni itú síánɔ́ ó pusíó ɛ́ɛ́ símɔ́ɔ́p. 17Yɔɔ́núɔ́yɔn kémuémue ɛ́ɛ́ peémímekélíe má Támbák puólíkóoli ne epé pámaápá nulátát na Támbák maambá ɛ́ɛ́ insí pɛ́mɛ́ɛ́n epú nuɛ́nɛnɛ́ɛ, tɛ ɛ́ɛ́ pɛ́mɛ́ɛ́nɛ́ɛ, ɛ́ɛ́ insí pɔ́mɔ́ɔ́p epú nuɔ́pɔnɛ́ɛ, tɛ ɛ́ɛ́ pɔ́mɔ́ɔ́pɛ́ɛ.
Yésus ɛ́ɛ́sɛɛkunɛ pulinsí pú epuúsi
(Mál 4.13-20; Lúk 8.11-15)
18«Panɔ́ kɔk, ɔ́nupítɔ́líkɛ́n epú pulinsí pú epuúsí ɔ́ɔ́yɔɔnɛ́ɛ. 19Masíá mí iŋilí embu siákɔɔn á mɔ́ɔ, mɔ́ mányi mɔɔnd úmɔ́nyipítɔ́líkɔ́n Mekélíe mé Pufuŋ pú mɛnɛ́mɛnɛ́ɛ tɛ ɛ́ɛ́ wɔ́ɔ́pɛ, Yɛɛ́nduɛ óólo ulákɔn mɔ́ kɛ́ɛ́yɛ́ kɔ́ ɔtɛ́m. 20Nulɔp núnyɛɛ́ na tusákáyí embu siákɔɔn á nɔ́ɔ, nú núnyi mɔɔnd úmɔ́nyipítɔ́líkɔn Mekélíe, waátap mɔ́ kuɛ́kɛt na anyamɔ́. 21Unyɛ mɔɔnd utiányípá upíékenyi, utiátáp ɛ́ɛ́ Mekélíe píkin wɔ: muyú ni inséésítényí nakuasiám ó pusíó pú Mekélíe, utúm kélém. 22Maná embu úsiákɔɔn kí iŋɔpukɔp nyɛ mɔɔnd úmɔ́nyipítɔ́líkɔ́n Mekélíe, maná imfika sí maandá mé kúúsí na nulíkalíka nú punɛ́m nyími Mekélíe kɛ́ɛ́yɛ́ kɔ́ ɔtɛ́m, kusɔ́t kúɛ́yɛ́ tinúki. 23Embu úsiákɔɔn ɔ́ nulɔp nuutámb, nyɛ mɔɔnd úmɔ́nyipítɔ́líkɔ́n Mekélíe wɔɔp: meelíe maatámb óond é kupítíínyenyi kɛ́ɛ́yɛ́ ɔ́ kusɔ́t ɛlɛɛ́ indín sikáánɛ́ síómonée insamɔ́; eyeé etín átáan, eyinée etín átátɔ́, ilotí nitín na síát.»
Pulinsí ɔ́ kilɔk kí kikuti
24Waakand etíínyi pɔ́ pulinsí púlotí. wɔ́ kɔ́ɔ́p ɛ́ɛ́: «Pufuŋ pú mɛnɛ́mɛnɛ́ɛ nyɛ asɛ mɔɔnd umeépuú embu waatámb kɛ́ɛ́yɛ́ é kisíén. 25Pɛɛnd mɛɛlɛ́ pámaápítíman, okóyikoyi wɛɛyɛ́ woól weesipuú kilɔk kí kikuti kɛ́ɛ́yɛ́ é kisíén kí ɔsíkɔ, waayɔɔk. 26Ɔsíkɔ mɛɛlɛ́ nɛ kusɛɛnɔk, wóond á kukuman wóópo, kilɔk kí kikuti kíɛ́sɛɛnɔk káká kɛ́ɛ. 27Peelímoólí mɛɛlɛ́ nɛ kuɛ́n kilɔk kí kikuti é kisíén, pɔ́ɔ́nyɔɔyítɛ́n muɛ́t kisíén, pɔ́ kɛ́ɛ́yɛ́ ɛ́ɛ́: Ɔkɔ́n, útipá embu waatámb ényípuénén kááwɔ é kisíén á? Tiɛkiɛ́ kɔk kilɔk kí kikuti nyɛɛ́ kɔ́ɔk?» 28Wɛɛ́pí kɔ́ɔ́p ɛ́ɛ́: Okóyikoyi wɛ́ɛ́nyɛ́lɛ́ pɔ. Peelímoólí kɛ́ɛ́yɛ́ ɛ́ɛ́: Kúúkɔ́ ambanɛ́ ɛ́ɛ́ túápálá píí á? 29wɔ́ kɔ́ɔ́p ɛ́ɛ́: Aákóo, emenyí nupála ɔsíkɔ ɔlɔŋ nɔ kilɔk kí kikuti. 30Ánuyapá meem kuman ɔlɔŋ kuám á kisikɛl kí nikayi, ɛ́ kiɛ́tɛ kisikɛl yɛɛ́nyɛ́ɛl ɛ́ pɛɛnd páányíkáyanɛ́ɛ ɛ́ɛ́: Ánupalá, nútúánɛn ɔ́ kilɔk kí kikuti, núkúta kíí é piítí é piítée é kupikesi kɛ́ɛ; núɛ́lɛ́ númááman, núkáya ɔsíkɔ núnɛkɛn wɔ́ káámɛ á kisasá.
Ansamɔ́ weekétíkétie mɛ́ɛ́yɛ́ kiandá kí putɛ́
(Mál 4.30-32; Lúk 13.18-19)
31Waand ɔkɔ́lɛn pɔ́ pulinsí púlotí. wɔ́ kɔ́ɔ́p ɛ́ɛ́: «Pufuŋ pú mɛnɛ́mɛnɛ́ɛ nyɛ asɛ pusamúsám puukétíkétie mɔɔnd mɔ́nyikɔ́l umákɔ́n púú kɛ́ɛ́yɛ́ é kisíén.» 32Ansamɔ́ ólotí tipá pukétíkétie ɛlɛɛ́ wɔ; maná kɔk wɔ́ nɔ kusɔ́ɔk, wáátápukan pisɔ́ɔ́kɔsɔ́ɔ́kɔ kitikit pínyɛɛ́ é kisíén: wɛ́ɛ́yɛ́ kiandákáand kí putɛ́, kuám ɛ́ɛ́ munoní asiwááká aŋana yɔ́ɔ́pɔ́ kɛ́ɛ́yɛ́ á pikasi.
Yésus mɔ́kɔ́l pulinsí é kinyútukie
(Lúk 13.20-21)
33Waand ɔkɔ́lɛn pɔ́ pulinsí púlotí, wɔ́ ɛ́ɛ́: «Pufuŋ pú mɛnɛ́mɛnɛ́ɛ nyɛ ɛlɛɛ́ kinyútukie akáandɔ́ mɔ́nyikɔ́l umépúéŋítényí ne ekuŋ puólíkóoli, woond ɔ́ kutɔ́pɔ. Á kuamaná kitɔ́pinɔ óónsukuko.»
Kiákí Yésus óónyonyé ne melinsí
(Mál 4.33-34)
34Maandá makáání kitikit Yésus óónyonyi pɛɛnd ne melinsí, utimɔɔyɔn pɔ́ puandá kati pulinsíe, 35ɛ́ɛ́ epú eŋémímekélíe má Támbák mɔ́ɔ́yɛ́t píwóónyi; umɛɛlɛ́ ɛ́ɛ́: «Támbák ɛ́ɛ́pí ɛ́ɛ́: ɛ́ɛ́ɛ yɔɔ́yɔ́n pɔ́ moónyi mɛɛnɛmbɛ́n kuetúm á nipundɛ́n ní kúúsí, yaányíkála kɔ́ɔ́p ne melinsí.»
Yésus ɛ́ɛ́sɛɛkunɛ pulinsí pú kílɔk kí kikuti
36Yésuse waapíátɔn pɛɛnd woond á nuya; popíónyí pɛ́ɛ́yɛ́ péépísíítin wɔ́, pɔ́ kɛ́ɛ́yɛ́ ɛ́ɛ́: «Túsɛ́ɛ́kúnín pulinsí pú kílɔk kí kikuti kí mɔɔ́sɔ́ɔ́k é kísién.» 37Woondinyi pɔ́ ɛ́ɛ́: «Ewú ukúnanɛ́ ansamɔ́ waatámb; wɔ́ unyɛɛ́ Muɔ́nɔ́ u mɔɔnd» 38kisíén kínyɛɛ́ Kúúsí; ansamɔ́ waatámb wɔ́ únyɛɛ́ pɛɛnd pɔ́ɔ́pɔninɛ́ Pufuŋ pú mɛnɛ́mɛnɛ́ɛ; kilɔk kí kikuti kínyɛɛ́ epé pɔ́ɔ́pɔninɛ́ Yɛ́nduɛ. 39Okóyikoy umaásikɔ́n kɛ́ɛ wɔ́ unyɛɛ́ Yɛ́nduɛ; kisikɛl kí nikayi kí kinyɛɛ́ kuman kú kúúsí; peelímoólí pákayanɛ́, pɔ́ɔ pɛ́nyɛɛ́ Peéŋele. 40Yá aná pákúsanɛ́ kilɔk kí kikuti é kupikesi kíí, yá aná púányípáánɛ́ nɔ́ ɛ́ pɛɛnd á kuman kú kúúsí: 41Muɔ́nɔ́ u mɔɔnd áányítɔ́m Peéŋele pɛ́ɛ́yɛ́ ɛ́ɛ́ péémenyi kɛ́ɛ́yɛ́ é Pufuŋ pɛɛnd peem pɛ́ɛ́lɛnɛ́ ɛ́ɛ́ pɔsɔ́k ɛ́ɛlɛ pilɔk pí maandá na pafalfál, 42póond pátúútɔ pɔ́ é yiik yiikɔ́n; páányípaŋa, pápípanda eŋíŋ kɔ́ɔ́k. 43Píindɛ́ndɛ́nɛ pɔ́, páányípúnya ɛlɛɛ́ ɔɔ́nyí é Pufuŋ pú Síí wɔɔpɔ́. Yésuse wɔɔ́yikɛn ɛ́ɛ́: «Ewú unyɛɛ́ ni itú wɔɔp.»
Punɛm puutámb nɛ pulɛŋ
44Yésuse andá ɛ́ɛ́: «Pufuŋ pú mɛnɛ́mɛnɛ́ɛ nyɛ ɛlɛɛ́ punɛ́m puutámb punyɛɛ́ punɛmbɛ́n é kisíén mɔɔnd mɔ́nyɔɔsɔ́n: umɔ́kɔ́l púú wáand ɛnɛmb kɔ́ɔ́k; na anyamɔ́ kitikit umáyɔɔ́k, umétú puandá kitikit upianɛ́, umɔ́ɔ́ndɔ́ kisíén kikáánɛ́. 45Pufuŋ pú mɛnɛ́mɛnɛ́ɛ nyɛ andíkɛ́k ɛlɛɛ́ mɔɔnd wɛɛlɛnɛ́ endunyée umaámbá mɛlɛŋ maatámb ɔ́ kuɔ́nd. 46Umɛɛlɛ́ wɛɛ́nɛn pulɛŋ púmɔɔ́ŋúnɔ muenyí kutek, weenyetú puandá kitikit umaápian wɔɔkɔɔ́nd puɔ.
Pulinsí ó puolí
47«Pufuŋ pú mɛnɛ́mɛnɛ́ɛ nyɛ andíkɛ́k asi puolí pámányitúútɔ́ ká asaá, púmɛ́ɛ́tíkín muɔpɔ́ á tunamá á tunamɛ́ɛ. 48Puolí no kuwóón, pɔ́kɔ́ɔ́kɛt púɔ á kiŋindiŋɛnd, polókí muɔpɔ́ nyɔ́mbɛt é kueye mú peseé, páákan á musáŋ, mútiányipá ni indɛ́ŋúnɛ́n póóndonyi ó moomb. 49Yá aná púányípáánɛ́ á kuman kú kúúsí: Peéŋele óónyóól páátuna pí itɛ́m kilɔk nɛ pí indɛ́ndɛ́nɛ, 50pátúútan pí itɛ́m kilɔk é yiik yiikɔ́n; kɔ́ɔk pɛɛnd áányípaŋanɛ́, pápípanda eŋíŋ.»
Kiákí túɛtikinɛ́ kí iŋónyítónyí sí Yésus
51Yésus mɛɛlɛ́ úmááman kuónyonyi pɛɛnd, wɔ́ kɔ́ɔ́p ɛ́ɛ́: «Númɔ́ɔ́p iŋónyítónyí sikáání kitikit á?» Póóndinyi wɔ́ ɛ́ɛ́: «Ɛ́ɛ́ɛ.» 52wɔ́ kɔ́ɔ́p ɛ́ɛ́: «Kúúkɔ́ púnyɛɛ́, emenyí pikotí kitikit úmányaátáp iŋónyítónyí i Pufuŋ pú mɛnɛ́mɛnɛ́ɛ nyɛ ɛlɛɛ́ muɛ́t nuyá ukɔ́lɔnɛ́ maandá na mí insuá nɔ mɔɔkɔ́si kɛ́ɛ́yɛ́ á punɛ́m puutámb.»
Pɛɛnd pá Násalɛt métúm Yésuse kélém
(Mál 6.1-6; Lúk 4.16-24)
53Umɛɛlɛ́ úmááman kuónyonyi pɛɛnd ne melinsí, Yésuse waatɔk akáánɛ́. 54Waayɔɔk kɔɔ́mɔ pémeélépé wɔ́, woond ó kuónyonyi pɔtɔŋtɔ́ŋ á kiansi kíɔ́p kí imbísókólí; pɛɛnd pɔ́mɔɔ́pítɔ́líkɔ́n wɔ́ símile táásɛ, pɛ́ɛ́lɛɛ́: «Náánɛ́ otúnó tutáátú ne epíné pisey wɛɛlɛnɛ́ óólinonée wɔ? 55Utipá muɔ́nɔ́ u kápindɛ wɔ́ á? Utipá yóótíe unyɛɛ́ Malíá á? Pátipá paandimán pɛ́ɛ́yɛ́ pɛɛnúmɛndɔ́ pɛ́nyɛɛ́ Sáakɛ, Yúsipɛ, Símune ne Yúut á? 56Paandimán pɛ́ɛ́yɛ́ paakáandɔ́ peem tipá akɛ naasɔ́ á? Naánɛ́ kɔk maandá makáánɛ́ kitikit wɛɛlɛnɛ́ óólinonée wɔ́?» 57Maandá makáánɛ́ kitikit mɛmɛɛ́lɛ́ ɛ́ɛ́ pótipíóndí ɔtɛ́m ne Yésus. wɔ́ kɔ́ɔ́p ɛ́ɛ́: «Péékeekenyi eŋémímekélíe má Támbák nukanyi kɔɔ́mɔ kitikit ɛsiɛ́ ɔ́ kitɔŋ kíɛ́yɛ́ ne nikúli níɛ́yɛ́ pɛ́yɛɛnɛnɛ́ wɔ́.» 58Púɛ́kɛlɛ ɛ́ɛ́ utiɛlɛ́ piseye puólíkóoli kɔ́ɔk. Á kíákí ɛ́ɛ́ pátimapian pipíóndínyí ɔtɛ́m nɛ́ɛ́yɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL