Lúúkas 9
9
Pusɔ́m pú pá Páát na páandɛ́
(Mat 10.1-9,11-14; Mál 6.6-13)
1Yésuse waakúsikan popíónyí peem páát na páandɛ́, weeki pɔ́ pukaaka na numiánsina á kukúúŋa pilɔk pí piliínditíe kitikit ne kuéŋukesi pɛɛnd pápítáyanɛ́ɛ; 2woond waatɔ́m pɔ́ ó kuól kúkémé Pufuŋ pú Támbák ne kuéŋukesi pɛɛnd pápítáyanɛ́ɛ, 3wɔ́ kɔ́ɔ́p ɛ́ɛ́: «Mɔɔnd tipíyuúkɛ́n puandá, tɛ nusume, tɛ imbalá, tɛ púkunya, tɛ yeenyí; mɔɔnd tiɛl ni indífɔnɔ́ iyáandɛ́. 4Á kiansi pósiónúkóli, ɔ́nulɔ́p á kɛ́ɛ kuám á kuatɔ́k. 5Péén kunúkóli kɔɔm, nukanyɛɛ́ núátɔk á pálɛ́k ukáánɛ́, énukitít etuúte ú pikɔ́nd píánɔ́: é kutíínyi ɛ́ɛ́ pɛ́ɛ́kɛɛlɛ kilɔk.» 6Popíónyí pááyɔɔk, póól pékémé Insɔ́m Yi indámb ɔ́ pitɔŋ ɔ́ pitɔŋɛ, pééŋukesi pɛɛnd pámaánúma.
Nuúmu nú Yésus épueŋenyi Elóote meéne
(Mat 14.1-2; Mál 6.14-16)
7Elóot mapá efuŋ u kiénsi kí kúúsí kí Kalilée. Wɔɔ́p maandá kitikit Yésus mɛɛ́lɛ. Utimenyí epú wɔ́ɔ́yitɛɛ́, á kiákí ɛ́ɛ́ pɛɛnd pómotí mapá pɔ́ɔ́yɔ ɛ́ɛ́ Isáaŋ ɛ́ɛ́nyɔ́k á pilɔ́ŋ, 8pólotí ɛ́ɛ́l ɛ́ɛ́ Elié wɔ́ wáányáám, púnyaánɛ eŋémímekélíe má Támbák omotí u insuá wɛ́ɛ́nyɛ́ɛ́nyɔ́k á pilɔ́ŋ. 9Elóot ɛ́ɛ́pí ɛ́ɛ́: «Isáaŋɛ, iŋúɛ muɛ́t imaátɔ́m pɛɛnd, péétéŋun wɔ́ ɛtɔ. Eweé mɔɔnd kɔk yɔ́ɔ́pɔnɛ́ pɔ́ɔ́yɔ maandá wɛɛlɛnɛ́ɛ, ɛ́nyɛ́ wɔ́?» Wamba ɛ́ɛ́ insí umɛ́ɛ́n Yésuse.
Yésus móoyí embúl ú pɛɛnd
(Mat 14.13-21; Mál 6.30-44)
10Petúmí póósiondó, pááman kuɔyɔn Yésuse puandá kitikit pɛ́mɛɛ́lɛ́. Wɔɔkɔ́l pɔ́ɔ waayɔɔk nɔɔpɔ́ ɔ́ kiɔ́sɔ́kɔlíɔ, kiáyí kí pálɛ́k kisiɛ́n ɛ́ɛ́ Pɛtisayíta. 11Pɛɛnd péémenyi, imbúl sí pɛɛnd síɔŋ kɔ́ɔ́p. Yésuse wokóli pɔ́ɔ; woond ó kuónyonyi pɔ́ɔ maandá móóyoosoné Pufuŋ pú Támbák, weéŋukesi epé pámaápítáyán páámba kiéŋukie.
12Kisɛ́ndɛ mɛɛlɛ́ kikanyɛɛ́ epísííten, pá Páát na páandíɛ péépísíítin wɔ́, pɔ́ kɛ́ɛ́yɛ́ ɛ́ɛ́: «Pasɔ́ epe akɛ ɔ́ kiɔ́sɔ́kɔlíɔ. Kúúkí pɛɛnd, póól páámbá ambɛ́t na puandá púkunya á tuyá túnyɛɛ́ ɛ́ mɛŋɛ́l.» 13wɔ́ kɔ́ɔ́p ɛ́ɛ́: «Panɔ́ muɛ́t ánutáŋ pɔ́ɔ.» Póókondinyi ɛ́ɛ́: «Tunyi yá nɛ pilɛ́ɛt pitáan nɔ muɔpɔ́ múandɛ́. Ɛɛlɛ aákamba ɛ́ɛ́ tuɔ́ndini embúlu ú pɛɛnd ewe múkunya.» 14Ké embúl ukáánɛ́ pɛnúmɛndɔ́ péeŋényí mapá tukɔ́n tutáan.
Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: «Ónunyómbítósi pɔ́ɔ ɔ́ piɔ́p ɔ́ piɔ́pɛ pí etín áandɛ́ na páát.» 15Popíónyí pɛ́ɛ́kɛl aná Yésus mɔɔ́yítín pɔ́ɔ; póónyómbiti mɔɔnd kitikit. 16Yésuse wɔɔkɔ́l pilɛ́ɛt piim pítáan nɔ muɔpɔ́ muum múandɛ́, wɛɛmɛlimɛt, weelémbi Támbákɛ́ɛ ó pusíó pú púkunyá pukáánɛ́, wɛɛ́nsɛ pilɛ́ɛt nɔ muɔpɔ́ weeki popíónyí á kuapan pɛɛnd. 17Pɛɛnd páánya, peem póókooy; póówóónyi musááŋ muát na múandɛ́ ne piénsi pí múkunyá pímɛɛ́pɛ́k.
Píɛl mémenyí ɛ́ɛ́ Yésuse wɔ́ unyɛɛ́ Kilíise
(Mat 16.13-21; Mál 8.27-31)
18Epué puɔ́s, Yésuse wɛɛsɛŋɛlɛt no popíónyí pɛ́ɛ́yɛ́ ó kuopísókólónyi; woówun pɔ́ɔ ɛ́ɛ́: «Kí imbítáákítɛ́n sí pɛɛnd, pɔ́ɔ pɛ́ɛ́kɛlɛɛ́ inyɛ ɛ́nyɛ?» 19Póókondinyi wɔ́ ɛ́: «Isáaŋ Etuúsíe; pómotí ɛ́ɛ́kɛlɛɛ́ Elié, kúnyaánɛ eŋémímekélíe má Támbák omotí u insuá wɛ́ɛ́nyɛ́ɛ́nyɔ́k á pilɔ́ŋ.»
20Wɔ́ kɔ́ɔ́p ɛ́ɛ́: «Panɔ́ nuɛ́kɛlɛɛ́ kiákí?» Píɛlɛ wɔɔkɔ́l nukal, wɔ́ kɛ́ɛ́yɛ́ ɛ́ɛ́: «Anyi Kilíise Támbák maák indán ɛ́ɛ́ waányítɔm.» 21Yésus ɛ́ɛ́pí kɔ́ɔ́p ni imɛ́nyi ɛ́ɛ́ pɔ́tiɔyítɛ́n mɔɔnd, 22woond wɔɔ́yikɛn ɛ́ɛ́: «Púɛ́kɛɛsikɛnɛn ɛ́ɛ́ Muɔ́nɔ́ u mɔɔnd ɛ́ɛ́n muyú táásɛ, pɔkɔ́n pɛ́ Pɛyúútɛn na pafunɔ́fɔn pɔɔkɔ́n ne pemenyí pikotí písáŋɔn wɔ́, pɔ́ɔ́n wɔ́, ká átátúɛ́ wɛɛyɛ́ wɛɛnyɔk á pilɔ́ŋ.»
Tiɛkíɛ́ pɔ́ɔ́ŋɔnɛ́ é Yésus
(Mat 16.24-28; Mál 8.34–9.1)
23Yésuse waasuŋɔn na nukal, wɔ́ kɔ́ɔ́p peem ɛ́ɛ́: «Índɛ mɔɔnd ákamba kuɔŋ káámɛ, wɛɛ́kɛɛsikɛnɛn ɛ́ɛ́ úpípísáŋɔn wúú muɛ́t, siki puɔ́siɛ́ úpítúúkɛn kolóse wɛɛyɛ́ wóond wɔ́ɔŋ káámɛ. 24Púnyɛɛ́ mɔɔnd ukáákanɛ́ kusɔ́t kúɛ́yɛ́ e kúúsí ekue, áányááyɛn kusɔ́t kú teeníík; ewú waányáátapɛ́ ɛ́ɛ́ úkú káámɛ ó pusíó, áányítáŋap kusɔ́t kú teeníík. 25Índɛ mɔɔnd siapia punɛ́m pú kúúsí kitikit, púɔ́kɔɔ́yikɔnɛn wɔ́ kiákí índɛ utipá nɔ kusɔ́t ku teeníík, púnyaánɛ índɛ kusɔ́t kɛ́ɛ́yɛ́ nyɛ punyím? 26Á kiákí ɛ́ɛ́ indɛ mɔɔnd ɔ́ɔ́kɔɔ́pɔn ɛtúkunuá naamɛ ne mekélíe máámɛ, iŋúɛ, Muɔ́nɔ́ u mɔɔnd, yɔɔ́nyɔ́ɔ́p ɛtúkunuá nɛɛyɛ́ aká yoónyóndoné é nuúmu núámɛ, na nú Taatá na pifúúmak pí Peéŋele. 27Kémuémue, yɔɔ́núɔ́yɔn ɛ́ɛ́, epé pɛ́nyɛɛ́ akɛ, pómotí tíékú pɔ́ɔ kati kuɛ́n Pufuŋ pú Támbák.»
Nuúmu nú Muɔ́nɔ́ u Támbák
(Mat 17.1-8; Mál 9.2-8)
28Yésus mɛɛlɛ́ úmáaman akála, metúk máátápɔk; pú kánamaníɛ, wɔɔkɔ́l Píɛlɛ, ni Isáaŋ na Sáak, waamákat nɔɔpɔ́ kɔ́ ɔkɛ́l ó kuopísókólónyi. 29Umɛɛlɛ́ umoópísókólonyi, pusíó púɛ́yɛ́ púénúki, indífɔnɔ́ yɛɛyɛ́ yeenúki é pufúúmfɛ́ɛ púkeliminenée. 30Pɛ́mɛɛlɛ́ pɛ́ɛ́ninɛ waa! Pɛɛnd páandɛ́, pɔ́ɔ́yɔ mayɔ́ ne Yésus: púmapá Moyíise nɛɛyɛ́ne Éli, 31pámaámín pɔ́ ne nuúmu nú mɛnɛ́mɛnɛ́ɛ; pakála maandá mómoóyóósón kupálɔk kú Yésus ekue é kúúsí kúkaányípá Yelúsalɛm. 32Nunɔ́ núɔ́kɔ́l Píɛlɛ nɔ pɔkúɔ́p, páákɔnd na nɔ; pɛ́ɛ́nyukɛn, pɛ́ɛ́kɛɛ́n nuúmu nú Yésus nɛ pɛɛnd páandɛ́ epé pámaápá petényi nɛɛyɛ́. 33Pɛɛnd pakáánɛ́ mɛɛlɛ́ pákaayuúkɔ́, Píɛl ɛ́ɛ́pí é Yésus ɛ́ɛ́: «Oŋónyóonyi, púnyi peseé ɛ́ɛ́ tupá akɛ; túnúwáákɛn musúŋ mútátɔ́: yááwɔ ímoómí, í Moyíis ímoómí, yí Éli ímoómí.» Utimemenyen epú umɔɔ́yɔ.
34Umɛɛlɛ́ umaákála anakáánɛ́, kilɔndɔ́ kíányatɔ́k kíelindik pɔ́ɔ. Puwaá púɛ́tikɛn popíónyí aká pɛ́mɛɛ́n kilɔndɔ́ pɔ́ɔ. 35Ekelú woólin ɔ́ kilɔndɔ́, wɔ́ ɛ́ɛ́: «Ewe nyɛ Muɔ́nɔ́ waamɛ yáányíyɔ́ɔ́n, ɔ́nupítɔ́líkɔ́n wɔ́!» 36Ekelú ukáánɛ́ mɔɔ́pɛ́k kɔ́ɔk Yésus kanyi wééŋényí. Popíónyí pakáánɛ́ pátátɔ́ péélúŋ, á kiátákáánɛ́ kisikɛl, tɛ ɛ́ɛ́ pátíán mɔɔnd epú pɛ́mɛɛ́n.
Yésus métúkún muúŋayɔ́ ɔ́ kilɔk kí kiliínditíe
(Mat 17.14-18; Mál 9.14-27)
37Kúépéli, pɛ́mɛɛlɛ́ péselen kɔ́ ɔkɛ́l, embúl wáányatɔ́k ó kuosikólí Yésuse. 38Mɔɔnd omotí ké embúl nɛkɛtɛ́ɛ woond á kupílan Yésuse ekelú mɔkɔ́n, wɔ́ ɛ́ɛ́: «Oŋónyóonyi, yoókupísókolonyi ɛ́ɛ́ óyoosin muɔ́nɔ́ áámɛ, indipá no olotí. 39Kilɔk kí kiliínditié nyɛ kísamánán wɔ́; nɔ niɔ́kɔ́tɔ́n waánsɛt woond á kupísata, kiɔ́ŋi ááman wɔ́ é niít; kínyókolonyi kunyókolonyi wɔ́, kítipá kíɛ́kɛt ayuukan, kíáyapan wɔ́ ukanyi akandá kukanda. 40Imópísókólítí popíónyí pááwɔ ɛ́ɛ́ pákúúŋɛt kɛ́ɛ, tɛ ɛ́ɛ́ pɔ́ɔ́tɛ.» 41Yésuse wɔɔkɔ́l nukal, wɔ́ kɔ́ɔ́p ɛ́ɛ́: «Panɔ́ pɛɛnd pí ínanɔ, nunyɛ kilɔk na katɛ pipíóndínyí ɔtɛ́m á Támbák; ímbá naanɔ́ kuám nííkí? Ínúésepenyi kuám nííkí? Óól nɔ muɔ́nɔ́ ááwɔ akɛ.» 42Umɛɛlɛ́ umeépísííten na muúŋayɔ́, kilɔk kí kiliínditíe kíátɔ́ɔt muúŋayɔ́ é kúúsí kíond á kusata wɔ́. Yésuse waánsitɛn kɛ́ɛ, weéŋuki muúŋayɔ́, woondi wɔ́ é sí. 43Pɛɛnd kitikit pámaápá kɔ́ɔk símile pukaaka pú Támbák aná púnyɛɛ́ kiandákáand.
Yésus máand etééki nikú níɛ́yɛ́ kú káandíɛ
(Mat 17.22-23; Mál 9.30-32)
Aná pɛɛnd maápá páyíkina maandá kitikit Yésus maápá wɛɛlɛ, wɔ́ ó popíónyí pɛ́ɛ́yɛ́ ɛ́ɛ́: 44«Ánutámb itu peseékese é púúpú yambanɛ́ kunúɔ́yitɛn: pɛ́kiŋɛtikɛn, iŋúɛ, Muɔ́nɔ́ u mɔɔnd, píinsɛm kí imbɔ́k sí pɛɛnd.» 45Nukál nukáánɛ́ kɔk popíónyí timɔɔ́pɔn nɔ; Támbák mɛnɛmbɛ́n pɔ́ɔ ɛ́ɛ́ pɔ́tiɔ́p nɔ; pétííne kɔk kuówun Yésuse.
Opíónyi unín utápukanɛ́ pɔsɔ́k?
(Mat 18.1-5; Mál 9.33-37)
46Popíónyí póond é kupekenyipekenyi pɔ́ɔ nɔ pɔ́ɔ é kumenyi unín kɔ́ɔ́p ɔ́ kiɔ́p utápukanɛ́ pɔsɔ́k? 47Yésuse weemenyi puandá pémeépékényípekenyi á pɔ; wɔɔkɔ́l kɔk muúŋayɔ́ weeténikenyi wɔ́ kɛ́ɛ́yɛ́ á masia, 48wɔ́ kɔ́ɔ́p ɛ́ɛ́: «Mɔɔnd úmónyikólí káámɛ ɛ́ kisiɛ́n muúŋayɔ́ asi ewe, míŋgólí iŋúɛ muɛ́t; úmónyiŋgólí, mókólí ewú wáányindɔ́m; á kiákí ɛ́ɛ́ ewú upíkɔ́lɔnɛ́ asi kinsúkinye káánɔ́ ɔ́ kiɔ́p, wɔ́ utápukanɛ́ pɔsɔ́k.»
Mɔɔndɔ utiányípá unúnuenesi nyɛ káánɔ́ á kiáyí
(Mál 9.38-41)
49Isáaŋɛ wɔɔkɔ́l nukal, wɔ́ é Yésus ɛ́ɛ́: «Oŋónyóonyí, tusiɛ́n mɔɔnd kúúŋa pilɔk pí piliínditíe kááwɔ ɛ́ kisiɛ́n, tumáámbɛt ɛ́ɛ́ tukányi nɛɛyɛ́ ɛ́ɛ́ utiandá kuɛl nɔ, á kiákí ɛ́ɛ́ utipá káásɔ́ ké embul.» 50Yésuse kanyi ɛ́ɛ́: «Nutikányi kɛ́ɛ́yɛ́, á kiákí ɛ́ɛ́ mɔɔnd utiányípá unúnuenesi nyɛ káánɔ́ á kiáyí.»
Yésus mápálɔ́k á kuyɔɔk Yelúsalɛm; pémééné kukóli wɔ́ Samalí
51Kisikɛl Támbák mɛɛ́síkɛ́nɛ́n kukɔ́l Yésuse mɛnɛ́mɛnɛ́ɛ mɛɛlɛ́ kíkepísííten, Yésuse waasúmb kiansɛ́ kí kuyɔɔk Yelúsalɛm. 52Woofooki pooyí insɔ́m. Pɛɛnd pakáánɛ́ pɔ́ɔ́kɔ́l iŋilí, péenyekíl ɔ́ kitɔŋ kímotí e kúúsí kú Samalí; péépíkin ɔ́ kitɔŋ kikáánɛ́ ɛ́ kuɛyinɛn Yésuse nipíɔ́yɛt. 53Pɔtɔŋtɔ́ŋ pééken ɛ́ɛ́ Yésus píɔ́yɛt kuɔpɔ́, á kiákí ɛ́ɛ́ umayuúkán Yelúsalɛm. 54Pɛ́ɛ́nɛn anakáánɛ́, ni Isáak ni Isáaŋ, popíónyí pé Yésus, ɛ́ɛ́pí ɛ́ɛ́: «Ɔkɔ́n, aákamba ɛ́ɛ́ tupísókoliti Támbákɛ́ɛ úkuusinyi pɔ́ɔ yiik ípikesi pɔ́ɔ á?» 55Yésuse wɛɛpíkɛkɛlɛt, waánsitɛn pɔ́ɔ. 56Pɔ́ɔ́kɔ́l iŋilí pááyɔɔk ɔ́ kitɔŋ kílotí.
Túúm puandá kitikit kélém ɔ́ kuɔŋ é Yésus
(Mat 8.19-22)
57Mɔɔnd omotí ɛ́ɛpí é Yésus kí iŋilí ɛ́ɛ́: «Kɔɔ́m kitikit akaányiyɔɔk, iŋɔɔŋ kááwɔ.» 58Yésus ɛ́ɛ́pí kɛ́ɛ́yɛ́ ɛ́ɛ́: «Pisan áápian mapɛ́l, munoní mú mɛnɛ́mɛnɛ́ɛ pian aŋana; iŋúɛ, Muɔ́nɔ́ u mɔɔnd, indipá nɔ nipíɔ́yɛt.»
59Wɔ́ ɔ́ sɔ́k olotí ɛ́ɛ́: «Ɔŋɔ́ káámɛ.» Sɔ́k ukáánɛ́ woondinyi wɔ́ ɛ́ɛ́: «Íŋátapɛ́n ɛ́ɛ́ ínsíɛlɛ́ kuonyoó taatɛ́.» 60Yésuse kɛ́ɛ́yɛ́ ɛ́ɛ́: «Yapá peekúén nyoonon pikú píɔ́p, aŋúɛ, apá ékéme Pufuŋ pú Támbák.» 61Sɔ́k olotí andá kɛ́ɛ́yɛ́ ɛ́ɛ́: «Ɔkɔ́n, yɔɔ́kɔɔŋɔn kááwɔ; maná, síɛ́lɛ́ kuŋátapɛn ɛ́ɛ́ yóókóndí nikúli níámɛ.» 62Yésuse kɛ́ɛ́yɛ́ ɛ́ɛ́: «Mɔɔnd na mɔɔnd úményitúúm puandá kélém, woond upíkɛkɛlɛt, tipá ɛŋɛsíkɛ́nɛ́n ne Pufuŋ pú Támbák.»
ទើបបានជ្រើសរើសហើយ៖
Lúúkas 9: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 9
9
Pusɔ́m pú pá Páát na páandɛ́
(Mat 10.1-9,11-14; Mál 6.6-13)
1Yésuse waakúsikan popíónyí peem páát na páandɛ́, weeki pɔ́ pukaaka na numiánsina á kukúúŋa pilɔk pí piliínditíe kitikit ne kuéŋukesi pɛɛnd pápítáyanɛ́ɛ; 2woond waatɔ́m pɔ́ ó kuól kúkémé Pufuŋ pú Támbák ne kuéŋukesi pɛɛnd pápítáyanɛ́ɛ, 3wɔ́ kɔ́ɔ́p ɛ́ɛ́: «Mɔɔnd tipíyuúkɛ́n puandá, tɛ nusume, tɛ imbalá, tɛ púkunya, tɛ yeenyí; mɔɔnd tiɛl ni indífɔnɔ́ iyáandɛ́. 4Á kiansi pósiónúkóli, ɔ́nulɔ́p á kɛ́ɛ kuám á kuatɔ́k. 5Péén kunúkóli kɔɔm, nukanyɛɛ́ núátɔk á pálɛ́k ukáánɛ́, énukitít etuúte ú pikɔ́nd píánɔ́: é kutíínyi ɛ́ɛ́ pɛ́ɛ́kɛɛlɛ kilɔk.» 6Popíónyí pááyɔɔk, póól pékémé Insɔ́m Yi indámb ɔ́ pitɔŋ ɔ́ pitɔŋɛ, pééŋukesi pɛɛnd pámaánúma.
Nuúmu nú Yésus épueŋenyi Elóote meéne
(Mat 14.1-2; Mál 6.14-16)
7Elóot mapá efuŋ u kiénsi kí kúúsí kí Kalilée. Wɔɔ́p maandá kitikit Yésus mɛɛ́lɛ. Utimenyí epú wɔ́ɔ́yitɛɛ́, á kiákí ɛ́ɛ́ pɛɛnd pómotí mapá pɔ́ɔ́yɔ ɛ́ɛ́ Isáaŋ ɛ́ɛ́nyɔ́k á pilɔ́ŋ, 8pólotí ɛ́ɛ́l ɛ́ɛ́ Elié wɔ́ wáányáám, púnyaánɛ eŋémímekélíe má Támbák omotí u insuá wɛ́ɛ́nyɛ́ɛ́nyɔ́k á pilɔ́ŋ. 9Elóot ɛ́ɛ́pí ɛ́ɛ́: «Isáaŋɛ, iŋúɛ muɛ́t imaátɔ́m pɛɛnd, péétéŋun wɔ́ ɛtɔ. Eweé mɔɔnd kɔk yɔ́ɔ́pɔnɛ́ pɔ́ɔ́yɔ maandá wɛɛlɛnɛ́ɛ, ɛ́nyɛ́ wɔ́?» Wamba ɛ́ɛ́ insí umɛ́ɛ́n Yésuse.
Yésus móoyí embúl ú pɛɛnd
(Mat 14.13-21; Mál 6.30-44)
10Petúmí póósiondó, pááman kuɔyɔn Yésuse puandá kitikit pɛ́mɛɛ́lɛ́. Wɔɔkɔ́l pɔ́ɔ waayɔɔk nɔɔpɔ́ ɔ́ kiɔ́sɔ́kɔlíɔ, kiáyí kí pálɛ́k kisiɛ́n ɛ́ɛ́ Pɛtisayíta. 11Pɛɛnd péémenyi, imbúl sí pɛɛnd síɔŋ kɔ́ɔ́p. Yésuse wokóli pɔ́ɔ; woond ó kuónyonyi pɔ́ɔ maandá móóyoosoné Pufuŋ pú Támbák, weéŋukesi epé pámaápítáyán páámba kiéŋukie.
12Kisɛ́ndɛ mɛɛlɛ́ kikanyɛɛ́ epísííten, pá Páát na páandíɛ péépísíítin wɔ́, pɔ́ kɛ́ɛ́yɛ́ ɛ́ɛ́: «Pasɔ́ epe akɛ ɔ́ kiɔ́sɔ́kɔlíɔ. Kúúkí pɛɛnd, póól páámbá ambɛ́t na puandá púkunya á tuyá túnyɛɛ́ ɛ́ mɛŋɛ́l.» 13wɔ́ kɔ́ɔ́p ɛ́ɛ́: «Panɔ́ muɛ́t ánutáŋ pɔ́ɔ.» Póókondinyi ɛ́ɛ́: «Tunyi yá nɛ pilɛ́ɛt pitáan nɔ muɔpɔ́ múandɛ́. Ɛɛlɛ aákamba ɛ́ɛ́ tuɔ́ndini embúlu ú pɛɛnd ewe múkunya.» 14Ké embúl ukáánɛ́ pɛnúmɛndɔ́ péeŋényí mapá tukɔ́n tutáan.
Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: «Ónunyómbítósi pɔ́ɔ ɔ́ piɔ́p ɔ́ piɔ́pɛ pí etín áandɛ́ na páát.» 15Popíónyí pɛ́ɛ́kɛl aná Yésus mɔɔ́yítín pɔ́ɔ; póónyómbiti mɔɔnd kitikit. 16Yésuse wɔɔkɔ́l pilɛ́ɛt piim pítáan nɔ muɔpɔ́ muum múandɛ́, wɛɛmɛlimɛt, weelémbi Támbákɛ́ɛ ó pusíó pú púkunyá pukáánɛ́, wɛɛ́nsɛ pilɛ́ɛt nɔ muɔpɔ́ weeki popíónyí á kuapan pɛɛnd. 17Pɛɛnd páánya, peem póókooy; póówóónyi musááŋ muát na múandɛ́ ne piénsi pí múkunyá pímɛɛ́pɛ́k.
Píɛl mémenyí ɛ́ɛ́ Yésuse wɔ́ unyɛɛ́ Kilíise
(Mat 16.13-21; Mál 8.27-31)
18Epué puɔ́s, Yésuse wɛɛsɛŋɛlɛt no popíónyí pɛ́ɛ́yɛ́ ó kuopísókólónyi; woówun pɔ́ɔ ɛ́ɛ́: «Kí imbítáákítɛ́n sí pɛɛnd, pɔ́ɔ pɛ́ɛ́kɛlɛɛ́ inyɛ ɛ́nyɛ?» 19Póókondinyi wɔ́ ɛ́: «Isáaŋ Etuúsíe; pómotí ɛ́ɛ́kɛlɛɛ́ Elié, kúnyaánɛ eŋémímekélíe má Támbák omotí u insuá wɛ́ɛ́nyɛ́ɛ́nyɔ́k á pilɔ́ŋ.»
20Wɔ́ kɔ́ɔ́p ɛ́ɛ́: «Panɔ́ nuɛ́kɛlɛɛ́ kiákí?» Píɛlɛ wɔɔkɔ́l nukal, wɔ́ kɛ́ɛ́yɛ́ ɛ́ɛ́: «Anyi Kilíise Támbák maák indán ɛ́ɛ́ waányítɔm.» 21Yésus ɛ́ɛ́pí kɔ́ɔ́p ni imɛ́nyi ɛ́ɛ́ pɔ́tiɔyítɛ́n mɔɔnd, 22woond wɔɔ́yikɛn ɛ́ɛ́: «Púɛ́kɛɛsikɛnɛn ɛ́ɛ́ Muɔ́nɔ́ u mɔɔnd ɛ́ɛ́n muyú táásɛ, pɔkɔ́n pɛ́ Pɛyúútɛn na pafunɔ́fɔn pɔɔkɔ́n ne pemenyí pikotí písáŋɔn wɔ́, pɔ́ɔ́n wɔ́, ká átátúɛ́ wɛɛyɛ́ wɛɛnyɔk á pilɔ́ŋ.»
Tiɛkíɛ́ pɔ́ɔ́ŋɔnɛ́ é Yésus
(Mat 16.24-28; Mál 8.34–9.1)
23Yésuse waasuŋɔn na nukal, wɔ́ kɔ́ɔ́p peem ɛ́ɛ́: «Índɛ mɔɔnd ákamba kuɔŋ káámɛ, wɛɛ́kɛɛsikɛnɛn ɛ́ɛ́ úpípísáŋɔn wúú muɛ́t, siki puɔ́siɛ́ úpítúúkɛn kolóse wɛɛyɛ́ wóond wɔ́ɔŋ káámɛ. 24Púnyɛɛ́ mɔɔnd ukáákanɛ́ kusɔ́t kúɛ́yɛ́ e kúúsí ekue, áányááyɛn kusɔ́t kú teeníík; ewú waányáátapɛ́ ɛ́ɛ́ úkú káámɛ ó pusíó, áányítáŋap kusɔ́t kú teeníík. 25Índɛ mɔɔnd siapia punɛ́m pú kúúsí kitikit, púɔ́kɔɔ́yikɔnɛn wɔ́ kiákí índɛ utipá nɔ kusɔ́t ku teeníík, púnyaánɛ índɛ kusɔ́t kɛ́ɛ́yɛ́ nyɛ punyím? 26Á kiákí ɛ́ɛ́ indɛ mɔɔnd ɔ́ɔ́kɔɔ́pɔn ɛtúkunuá naamɛ ne mekélíe máámɛ, iŋúɛ, Muɔ́nɔ́ u mɔɔnd, yɔɔ́nyɔ́ɔ́p ɛtúkunuá nɛɛyɛ́ aká yoónyóndoné é nuúmu núámɛ, na nú Taatá na pifúúmak pí Peéŋele. 27Kémuémue, yɔɔ́núɔ́yɔn ɛ́ɛ́, epé pɛ́nyɛɛ́ akɛ, pómotí tíékú pɔ́ɔ kati kuɛ́n Pufuŋ pú Támbák.»
Nuúmu nú Muɔ́nɔ́ u Támbák
(Mat 17.1-8; Mál 9.2-8)
28Yésus mɛɛlɛ́ úmáaman akála, metúk máátápɔk; pú kánamaníɛ, wɔɔkɔ́l Píɛlɛ, ni Isáaŋ na Sáak, waamákat nɔɔpɔ́ kɔ́ ɔkɛ́l ó kuopísókólónyi. 29Umɛɛlɛ́ umoópísókólonyi, pusíó púɛ́yɛ́ púénúki, indífɔnɔ́ yɛɛyɛ́ yeenúki é pufúúmfɛ́ɛ púkeliminenée. 30Pɛ́mɛɛlɛ́ pɛ́ɛ́ninɛ waa! Pɛɛnd páandɛ́, pɔ́ɔ́yɔ mayɔ́ ne Yésus: púmapá Moyíise nɛɛyɛ́ne Éli, 31pámaámín pɔ́ ne nuúmu nú mɛnɛ́mɛnɛ́ɛ; pakála maandá mómoóyóósón kupálɔk kú Yésus ekue é kúúsí kúkaányípá Yelúsalɛm. 32Nunɔ́ núɔ́kɔ́l Píɛlɛ nɔ pɔkúɔ́p, páákɔnd na nɔ; pɛ́ɛ́nyukɛn, pɛ́ɛ́kɛɛ́n nuúmu nú Yésus nɛ pɛɛnd páandɛ́ epé pámaápá petényi nɛɛyɛ́. 33Pɛɛnd pakáánɛ́ mɛɛlɛ́ pákaayuúkɔ́, Píɛl ɛ́ɛ́pí é Yésus ɛ́ɛ́: «Oŋónyóonyi, púnyi peseé ɛ́ɛ́ tupá akɛ; túnúwáákɛn musúŋ mútátɔ́: yááwɔ ímoómí, í Moyíis ímoómí, yí Éli ímoómí.» Utimemenyen epú umɔɔ́yɔ.
34Umɛɛlɛ́ umaákála anakáánɛ́, kilɔndɔ́ kíányatɔ́k kíelindik pɔ́ɔ. Puwaá púɛ́tikɛn popíónyí aká pɛ́mɛɛ́n kilɔndɔ́ pɔ́ɔ. 35Ekelú woólin ɔ́ kilɔndɔ́, wɔ́ ɛ́ɛ́: «Ewe nyɛ Muɔ́nɔ́ waamɛ yáányíyɔ́ɔ́n, ɔ́nupítɔ́líkɔ́n wɔ́!» 36Ekelú ukáánɛ́ mɔɔ́pɛ́k kɔ́ɔk Yésus kanyi wééŋényí. Popíónyí pakáánɛ́ pátátɔ́ péélúŋ, á kiátákáánɛ́ kisikɛl, tɛ ɛ́ɛ́ pátíán mɔɔnd epú pɛ́mɛɛ́n.
Yésus métúkún muúŋayɔ́ ɔ́ kilɔk kí kiliínditíe
(Mat 17.14-18; Mál 9.14-27)
37Kúépéli, pɛ́mɛɛlɛ́ péselen kɔ́ ɔkɛ́l, embúl wáányatɔ́k ó kuosikólí Yésuse. 38Mɔɔnd omotí ké embúl nɛkɛtɛ́ɛ woond á kupílan Yésuse ekelú mɔkɔ́n, wɔ́ ɛ́ɛ́: «Oŋónyóonyi, yoókupísókolonyi ɛ́ɛ́ óyoosin muɔ́nɔ́ áámɛ, indipá no olotí. 39Kilɔk kí kiliínditié nyɛ kísamánán wɔ́; nɔ niɔ́kɔ́tɔ́n waánsɛt woond á kupísata, kiɔ́ŋi ááman wɔ́ é niít; kínyókolonyi kunyókolonyi wɔ́, kítipá kíɛ́kɛt ayuukan, kíáyapan wɔ́ ukanyi akandá kukanda. 40Imópísókólítí popíónyí pááwɔ ɛ́ɛ́ pákúúŋɛt kɛ́ɛ, tɛ ɛ́ɛ́ pɔ́ɔ́tɛ.» 41Yésuse wɔɔkɔ́l nukal, wɔ́ kɔ́ɔ́p ɛ́ɛ́: «Panɔ́ pɛɛnd pí ínanɔ, nunyɛ kilɔk na katɛ pipíóndínyí ɔtɛ́m á Támbák; ímbá naanɔ́ kuám nííkí? Ínúésepenyi kuám nííkí? Óól nɔ muɔ́nɔ́ ááwɔ akɛ.» 42Umɛɛlɛ́ umeépísííten na muúŋayɔ́, kilɔk kí kiliínditíe kíátɔ́ɔt muúŋayɔ́ é kúúsí kíond á kusata wɔ́. Yésuse waánsitɛn kɛ́ɛ, weéŋuki muúŋayɔ́, woondi wɔ́ é sí. 43Pɛɛnd kitikit pámaápá kɔ́ɔk símile pukaaka pú Támbák aná púnyɛɛ́ kiandákáand.
Yésus máand etééki nikú níɛ́yɛ́ kú káandíɛ
(Mat 17.22-23; Mál 9.30-32)
Aná pɛɛnd maápá páyíkina maandá kitikit Yésus maápá wɛɛlɛ, wɔ́ ó popíónyí pɛ́ɛ́yɛ́ ɛ́ɛ́: 44«Ánutámb itu peseékese é púúpú yambanɛ́ kunúɔ́yitɛn: pɛ́kiŋɛtikɛn, iŋúɛ, Muɔ́nɔ́ u mɔɔnd, píinsɛm kí imbɔ́k sí pɛɛnd.» 45Nukál nukáánɛ́ kɔk popíónyí timɔɔ́pɔn nɔ; Támbák mɛnɛmbɛ́n pɔ́ɔ ɛ́ɛ́ pɔ́tiɔ́p nɔ; pétííne kɔk kuówun Yésuse.
Opíónyi unín utápukanɛ́ pɔsɔ́k?
(Mat 18.1-5; Mál 9.33-37)
46Popíónyí póond é kupekenyipekenyi pɔ́ɔ nɔ pɔ́ɔ é kumenyi unín kɔ́ɔ́p ɔ́ kiɔ́p utápukanɛ́ pɔsɔ́k? 47Yésuse weemenyi puandá pémeépékényípekenyi á pɔ; wɔɔkɔ́l kɔk muúŋayɔ́ weeténikenyi wɔ́ kɛ́ɛ́yɛ́ á masia, 48wɔ́ kɔ́ɔ́p ɛ́ɛ́: «Mɔɔnd úmónyikólí káámɛ ɛ́ kisiɛ́n muúŋayɔ́ asi ewe, míŋgólí iŋúɛ muɛ́t; úmónyiŋgólí, mókólí ewú wáányindɔ́m; á kiákí ɛ́ɛ́ ewú upíkɔ́lɔnɛ́ asi kinsúkinye káánɔ́ ɔ́ kiɔ́p, wɔ́ utápukanɛ́ pɔsɔ́k.»
Mɔɔndɔ utiányípá unúnuenesi nyɛ káánɔ́ á kiáyí
(Mál 9.38-41)
49Isáaŋɛ wɔɔkɔ́l nukal, wɔ́ é Yésus ɛ́ɛ́: «Oŋónyóonyí, tusiɛ́n mɔɔnd kúúŋa pilɔk pí piliínditíe kááwɔ ɛ́ kisiɛ́n, tumáámbɛt ɛ́ɛ́ tukányi nɛɛyɛ́ ɛ́ɛ́ utiandá kuɛl nɔ, á kiákí ɛ́ɛ́ utipá káásɔ́ ké embul.» 50Yésuse kanyi ɛ́ɛ́: «Nutikányi kɛ́ɛ́yɛ́, á kiákí ɛ́ɛ́ mɔɔnd utiányípá unúnuenesi nyɛ káánɔ́ á kiáyí.»
Yésus mápálɔ́k á kuyɔɔk Yelúsalɛm; pémééné kukóli wɔ́ Samalí
51Kisikɛl Támbák mɛɛ́síkɛ́nɛ́n kukɔ́l Yésuse mɛnɛ́mɛnɛ́ɛ mɛɛlɛ́ kíkepísííten, Yésuse waasúmb kiansɛ́ kí kuyɔɔk Yelúsalɛm. 52Woofooki pooyí insɔ́m. Pɛɛnd pakáánɛ́ pɔ́ɔ́kɔ́l iŋilí, péenyekíl ɔ́ kitɔŋ kímotí e kúúsí kú Samalí; péépíkin ɔ́ kitɔŋ kikáánɛ́ ɛ́ kuɛyinɛn Yésuse nipíɔ́yɛt. 53Pɔtɔŋtɔ́ŋ pééken ɛ́ɛ́ Yésus píɔ́yɛt kuɔpɔ́, á kiákí ɛ́ɛ́ umayuúkán Yelúsalɛm. 54Pɛ́ɛ́nɛn anakáánɛ́, ni Isáak ni Isáaŋ, popíónyí pé Yésus, ɛ́ɛ́pí ɛ́ɛ́: «Ɔkɔ́n, aákamba ɛ́ɛ́ tupísókoliti Támbákɛ́ɛ úkuusinyi pɔ́ɔ yiik ípikesi pɔ́ɔ á?» 55Yésuse wɛɛpíkɛkɛlɛt, waánsitɛn pɔ́ɔ. 56Pɔ́ɔ́kɔ́l iŋilí pááyɔɔk ɔ́ kitɔŋ kílotí.
Túúm puandá kitikit kélém ɔ́ kuɔŋ é Yésus
(Mat 8.19-22)
57Mɔɔnd omotí ɛ́ɛpí é Yésus kí iŋilí ɛ́ɛ́: «Kɔɔ́m kitikit akaányiyɔɔk, iŋɔɔŋ kááwɔ.» 58Yésus ɛ́ɛ́pí kɛ́ɛ́yɛ́ ɛ́ɛ́: «Pisan áápian mapɛ́l, munoní mú mɛnɛ́mɛnɛ́ɛ pian aŋana; iŋúɛ, Muɔ́nɔ́ u mɔɔnd, indipá nɔ nipíɔ́yɛt.»
59Wɔ́ ɔ́ sɔ́k olotí ɛ́ɛ́: «Ɔŋɔ́ káámɛ.» Sɔ́k ukáánɛ́ woondinyi wɔ́ ɛ́ɛ́: «Íŋátapɛ́n ɛ́ɛ́ ínsíɛlɛ́ kuonyoó taatɛ́.» 60Yésuse kɛ́ɛ́yɛ́ ɛ́ɛ́: «Yapá peekúén nyoonon pikú píɔ́p, aŋúɛ, apá ékéme Pufuŋ pú Támbák.» 61Sɔ́k olotí andá kɛ́ɛ́yɛ́ ɛ́ɛ́: «Ɔkɔ́n, yɔɔ́kɔɔŋɔn kááwɔ; maná, síɛ́lɛ́ kuŋátapɛn ɛ́ɛ́ yóókóndí nikúli níámɛ.» 62Yésuse kɛ́ɛ́yɛ́ ɛ́ɛ́: «Mɔɔnd na mɔɔnd úményitúúm puandá kélém, woond upíkɛkɛlɛt, tipá ɛŋɛsíkɛ́nɛ́n ne Pufuŋ pú Támbák.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL