Lúúkas 3
3
Puóli pu Isáaŋ Etuúsí
(Mat 3.1-6; Mál 1.1-6)
1-2Támbákɛ́ɛ weekeeki Isáaŋɛ, muɔ́nɔ́ u Sakalías pusɔ́m, umɔnyɔ́mbítɔ́n ɔ́ kiɔ́sɔ́kɔlíɔ. Kɔ́ɔk ɛ́ɛ́ efuŋ wɔɔkɔ́n u kitɔŋ kí Lóma, umaápá efuŋ wɔɔkɔ́n kisiɛ́n ɛ́ɛ́ Tipɛ́lɛ, kanyi tuɔŋ punyo kí indáŋa. Pefuŋ péni mapá mupɔ́mbɔ́ múɛ́yɛ́ ɔ́ kitɔŋ kí Isilayɛ́ɛl pámaápítan: Pɔnsi Pilatɛ, wɔ́ umapá efuŋ u kiénsi pámaápílán ɛ́ɛ́ Yuté; Elóote, wɔ́ umapá efuŋ u kiénsi pámaápílán ɛ́ɛ́ Kalilée; andimán wɛɛyɛ́ Fílipe, wɔ́ umapá efuŋ u kiénsi pámaápilán ɛ́ɛ́ Itulé ne kúúsí kú Talakonitíit; Lisániasɛ, wɔɔ umapá efuŋ u kiénsi pámaápílán ɛ́ɛ́ Apilɛ́ɛn, á kisikɛl kí pafunɔ́fɔn pɔɔkɔ́n pámaápílán ɛ́ɛ́ Ánɛ nɛɛyɛ́ na kayífi. 3Isáaŋɛ woond ó kuól kupɔŋɔ́ pitɔŋ kitikit pímaápá á masiá má awaŋ pápílanɛ́ ɛ́ɛ́ Sulutɛ́ɛŋ. Woól úpéké wɔɔyɔn pɛɛnd ɛ́ɛ́: «Énunúkesi, nutúme meelíe máánɔ́ mɔ́ kilɔk kélém, núólon ínútuenen ɛ́ɛ́ Támbák núyapɛn á pifal píánɔ́.» 4Yá aná eŋémímekelíé má Támbák, Isayíe, mɔɔ́ŋɔ tɔɔm kɔ́ tɔɔm kɛ́ɛ́yɛ́ kɔ́ ɔmbɔp; wɔ́ ɛ́ɛ́:
«Mɔɔnd éékéme ɔ́ kiɔ́sɔ́kɔlíɔ, wɔɔyɔ ɛ́ɛ́:
“Ɛ́nuɛyínɛn Ɔkɔ́n iŋilí yɛɛyɛ́,
énuténíkényényí piáŋ píɛ́yɛ́.
5Énukíndén imboosinyo kitikit,
núsɛ́nɛ ikɛ́l kitikit ni imbúl kitikit kuám e kúúsí;
núténikenyenyi piénsi pí iŋilí kitikit pinyɛɛ́ pipiŋílá,
núsɛ́nɛ iŋilí sí kilɔk;
6káakáánɛ́ mɔɔnd kitikit kɛɛ́nyɛɛ́n aná Támbák sótosie pɛɛnd.”»
Pisáas pí inséésítényí
(Mat 3.7-10)
7Isáaŋ ɔ́ɔ́yɔn pɛɛnd pómoólon ɛ́ɛ́ útuenen pɔ́ɔ ɛ́ɛ́: «Nisíp ni imfɛny, ɛnyɛɛ́ wéényínútíínyí aná núpíɔkɛɛ́ kí ilópi í Támbák íkanyɛɛ́ mekúye? 8Énutíínyí káánɔ́ é meelíe mé peseé ɛ́ɛ́ kémuémue numénuki. Nutiɔyɔ́ kuɔyɔ ne níítí ɛ́ɛ́: “Tunyi paán pá Ápilaháam.” Á kiákí ɛ́ɛ́ yɔɔ́núɔ́yɔn ɛ́ɛ́ Támbák nyɛ pékuéyi atányí eye paán pá Ápilaháam. 9Páámána kuetukenyi yaák á kukanan matɛ́ kí iŋaŋá; putɛ́ kitikit pútiányípá púómo ansamɔ́ waatámb, pákaa puɔ póond pátúutɔ puɔ é yiik.»
Melíé má mɔɔnd úményinúki
10Pɛɛnd ɔ́ɔ́pɔn anakáánɛ́, póówon Isáaŋɛ ɛ́ɛ́: «Kiákí tuɛsikɛnɛnɛ́ɛ kuɛl?» 11Woondinyonyi pɔ́ɔ ɛ́ɛ́: «Ewú unyɛɛ́ ni indífɔnɔ́ íyáandɛ́, weeki sɔ́k utiánipá na puandá imoómí; ewú unyɛɛ́ na púkunyá, ɛ́nyɛɛ́ upɛ́ŋɛn sɔ́k utiánipá na puandá pú kunya.» 12Petúúsi lemfue póókoól kɔ́kɔ́ɔ́p ɛ́ɛ́ Isáaŋ tuu pɔ́ɔ; póówun wɔ́ ɛ́ɛ́: «Oŋónyóonyi, kiákí tuɛsikɛnɛnɛ́ɛ kuɛl?» 13Wondinyi pɔ́ɔ ɛ́ɛ́: «Nutikɔ́l mɔɔnd muenyí kutápɔk aná kikotí ɔ́ɔ́yɔɔnɛ́ɛ.» 14Pisimbi pímotí kɔ́kɔ́ɔ́p píówun wɔ́ ɛ́ɛ́: «Pasúɛ, kiákí tuɛsikɛnɛnɛ́ɛ kuɛl?» Woondinyi pɔ́ɔ ɛ́ɛ́: «Nutinyókólítí mɔɔnd nutikɔ́l puandá pú mɔɔnd káánɔ́ á pukaaka, ɔ́nuɔ́pɔn peseé na pinamá píánɔ́ pí puóli pú pisimb.»
Isáaŋ météékí ewú woólonée
(Mat 3.11-12; Mál 1.7-8)
15Pɛɛnd mapá pépéétenyi Etúkún ewú Támbák maátán, póond pópíówon iŋówúnín kɔ́ɔ́p kí itɛ́m síyoosoné Isáaŋɛ: Isáaŋɛ ewe tíápá Etúkún á? 16Isáaŋɛ weemenyi, wondinyi pɔ́ɔ peem ɛ́ɛ́: «Iŋúɛ, yeénútuenen no moomb; maná, sɔ́k olotí óókoólon, waákimbíányinan pukaaka, indipá yeeken kɛ́ɛ́yɛ́ kí ikéŋénye ó kuolun oŋolí wɛ́ɛ́yɛ́ u kipɔ́kɔ́tɔ́. Wɔ́, ukonúólin ne Emfúnukufúúmɛ ne yiik; 17unyɛ ni isáŋ kí imbɔ́k ɛ́ kuyɛ́kɛ iŋɔndɔ́ síɛ́yɛ́; si indámb unɛk kɛ́ɛ́yɛ́ á kipɔmb, tuúnú wootin é yiik ítiányípá íwéén.» 18Ne mekélíe mólotí andíkɛ́k, Isáaŋ suŋa pɛɛnd, ukéme Insɔ́m yi indámb.
Puólí pú Isáaŋ Etuúsí mámaná
(Mat 14.3-4; Mál 6.17-18)
19Elóote, efuŋ u Kalilée mapá wɛɛlɛ pilɔk pi maandá kutek. Waapítikɛn akányi andimán wɛɛyɛ́, akáandɔ́ ukáánɛ́ kisiɛ́n ɛ́ɛ́ Elotiátɛ. Isáaŋ kálan wɔ́ é meelíe mɛ́ɛ́yɛ́ mɔ́ kilɔk makáánɛ́. 20Elóote wɔɔ́yikɛn á mɔ́ kifal kilotí: weeki pukaaka ɛ́ɛ́ pɛ́ɛ́tikɛn Isáaŋɛ, páátúut wɔ́ á kiansi kí imbíne.
Isáaŋ métuú Yésuse
(Mat 3.13-17; Mál 1.9-11)
21Kɔ́ɔk Isáaŋ manyɛ utiyɔɔ́k á kiansi kí imbíne, pɛɛnd kitikit mayuúkan kuɛyɛ́ ɛ́ɛ́ útuenen pɔ́ɔ, Yésuse waayɔɔk kɛ́kɛ́ɛ́yɛ́, weetuu wɔ́. Yésus mɛɛlɛ́ umoópísókolonyi, mɛnɛ́mɛnɛ́ɛ wɛɛ́! 22Emfúnukufúúmɛ weeselin wɔ́ asɛ kiluŋaluŋa nɔ nuɔ́l, anɛ kipa; Ekelú wóólin mɛnɛ́mɛnɛ́ɛ, wɔ́ɔ́yɔ ɛ́ɛ́: «Anyɛ Muɔ́nɔ́ áámɛ u ɔtɛ́m, wumfáanɛ́ɛ anyámɔ.»
Pesípɔkúnɛ́ɛ pé Yésus
(Mat 1.1-16)
23Yésuse wɛɛpɛnyɛk pusɔ́m umoól á puɔ, ukanyi tuɔŋ nitín na tuát. Pɛɛnd pitááka ɛ́ɛ́ Yúsipɛ umaápá síí wɛɛyɛ́. Yúsipɛ muɔ́nɔ́ u Éli, 24Élie muɔ́nɔ́ u Matat, Matatɛ muɔ́nɔ́ u Léfi, Léfie muɔ́nɔ́ u Mɛ́lɛ́ki, Mɛ́lɛ́kie muɔ́nɔ́ u Sianáyi,
Sianáyiɛ muɔ́nɔ́ u Yúsɛp, 25Yúsipɛ muɔ́nɔ́ u Matatías, Matatíasɛ muɔ́nɔ́ u Ámos, Ámose muɔ́nɔ́ u Nawúum, Nawúume muɔ́nɔ́ u Hésili, Hésilie muɔ́nɔ́ u Nakayi, 26Nakayie muɔ́nɔ́ u Mat,
Matɛ muɔ́nɔ́ u Matatías, Matatíasɛ muɔ́nɔ́ u Semeyin, Semeyine muɔ́nɔ́ u Yosɛk, Yosɛkɛ muɔnɔ́ u Yota, 27Yotɛ muɔ́nɔ́ u Yowanaŋ, Yowanaŋɛ muɔ́nɔ́ u Lésa, Lésɛ muɔ́nɔ́ u Solopápɛl,
Solopápɛlɛ muɔ́nɔ́ u Salatiɛl, Salatiɛlɛ muɔ́nɔ́ u Néli, 28Nélie muɔ́nɔ́ u Mɛ́lɛ́ki, Mɛlɛkie muɔ́nɔ́ u Atí, Atíe muɔ́nɔ́ u Kosam, Kosamɛ muɔ́nɔ́ u Ɛ́lɛmatam, Ɛ́lɛmatamɛ muɔ́nɔ́ u Ɛ́ɛl,
29Ɛ́ɛlɛ muɔ́nɔ́ u Yésus, Yésuse muɔ́nɔ́ u Eliɛsɛ́ɛl, Eliɛsɛ́ɛlɛ muɔ́nɔ́ u Yolim, Yolime muɔ́nɔ́ u Matat, Matatɛ muɔ́nɔ́ u Léfi, 30Léfie muɔ́nɔ́ u Símiyon, Símiyone muɔ́nɔ́ u Yúta,
Yútɛ muɔ́nɔ́ u Yúsɛp, Yúsipɛ muɔ́nɔ́ u Yɔnam, Yɔnamɛ muɔ́nɔ́ u Eliakim, 31Eliakíme muɔ́nɔ́ u Méleya, Méléyɛ́ muɔ́nɔ́ u Mena, Menɛ muɔ́nɔ́ Matata, Matatɛ muɔ́nɔ́ u Natáaŋ,
Natáaŋɛ muɔ́nɔ́ u Tafíit, 32Tááfite muɔ́nɔ́ u Tiese, Tiese muɔ́nɔ́ u Yopɛt, Yopɛtɛ muɔ́nɔ́ u Púus, Púuse muɔ́nɔ́ u Sala, Salɛ muɔ́nɔ́ u Naasɔn, 33Naasɔnɛ muɔ́nɔ́ u Aminatáp,
Aminatapɛ muɔ́nɔ́ u Atimín, Atimíne muɔ́nɔ́ u Aliní, Álinie muɔ́nɔ́ u Ɛ́sɛlɔm, Ɛ́sɛlɔmɛ muɔ́nɔ́ u Fálɛs, Fálɛsɛ muɔ́nɔ́ u Yúta, 34Yútɛ muɔ́nɔ́ u Yákɔp, Yákɔpɛ muɔ́nɔ́ u Ísaak,
Isáakɛ muɔ́nɔ́ u Ápilaháam, Ápilaháamɛ muɔ́nɔ́ u Tala, Talɛ muɔ́nɔ́ u Nakɔl, 35Nakɔlɛ muɔ́nɔ́ u Séluk, Séluke muɔ́nɔ́ u Lakawu, Lakawue muɔ́nɔ́ u Falɛk, Falɛkɛ muɔ́nɔ́ u Epɛl,
Epɛlɛ muɔ́nɔ́ u Sala, 36Salɛ muɔ́nɔ́ u Kayinam, Kayinamɛ muɔ́nɔ́ u Alfasat, Alfasatɛ muɔ́nɔ́ u Sɛm, Sɛmɛ muɔ́nɔ́ u Noé, Noé muɔ́nɔ́ u Lamɛk, 37Lamɛkɛ muɔ́nɔ́ u Matusala,
Matusalɛ muɔ́nɔ́ u Énok, Énoke muɔ́nɔ́ u Yalɛt, Yalɛtɛ muɔ́nɔ́ u Maléléɛl, Maléléɛlɛ muɔ́nɔ́ u Kayinam, 38Kayinamɛ muɔ́nɔ́ u Enɔs, Enɔsɛ muɔ́nɔ́ u Sɛt, Sɛtɛ muɔ́nɔ́ u Átam,
Átamɛ muɔ́nɔ́ u Támbák.
ទើបបានជ្រើសរើសហើយ៖
Lúúkas 3: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 3
3
Puóli pu Isáaŋ Etuúsí
(Mat 3.1-6; Mál 1.1-6)
1-2Támbákɛ́ɛ weekeeki Isáaŋɛ, muɔ́nɔ́ u Sakalías pusɔ́m, umɔnyɔ́mbítɔ́n ɔ́ kiɔ́sɔ́kɔlíɔ. Kɔ́ɔk ɛ́ɛ́ efuŋ wɔɔkɔ́n u kitɔŋ kí Lóma, umaápá efuŋ wɔɔkɔ́n kisiɛ́n ɛ́ɛ́ Tipɛ́lɛ, kanyi tuɔŋ punyo kí indáŋa. Pefuŋ péni mapá mupɔ́mbɔ́ múɛ́yɛ́ ɔ́ kitɔŋ kí Isilayɛ́ɛl pámaápítan: Pɔnsi Pilatɛ, wɔ́ umapá efuŋ u kiénsi pámaápílán ɛ́ɛ́ Yuté; Elóote, wɔ́ umapá efuŋ u kiénsi pámaápílán ɛ́ɛ́ Kalilée; andimán wɛɛyɛ́ Fílipe, wɔ́ umapá efuŋ u kiénsi pámaápilán ɛ́ɛ́ Itulé ne kúúsí kú Talakonitíit; Lisániasɛ, wɔɔ umapá efuŋ u kiénsi pámaápílán ɛ́ɛ́ Apilɛ́ɛn, á kisikɛl kí pafunɔ́fɔn pɔɔkɔ́n pámaápílán ɛ́ɛ́ Ánɛ nɛɛyɛ́ na kayífi. 3Isáaŋɛ woond ó kuól kupɔŋɔ́ pitɔŋ kitikit pímaápá á masiá má awaŋ pápílanɛ́ ɛ́ɛ́ Sulutɛ́ɛŋ. Woól úpéké wɔɔyɔn pɛɛnd ɛ́ɛ́: «Énunúkesi, nutúme meelíe máánɔ́ mɔ́ kilɔk kélém, núólon ínútuenen ɛ́ɛ́ Támbák núyapɛn á pifal píánɔ́.» 4Yá aná eŋémímekelíé má Támbák, Isayíe, mɔɔ́ŋɔ tɔɔm kɔ́ tɔɔm kɛ́ɛ́yɛ́ kɔ́ ɔmbɔp; wɔ́ ɛ́ɛ́:
«Mɔɔnd éékéme ɔ́ kiɔ́sɔ́kɔlíɔ, wɔɔyɔ ɛ́ɛ́:
“Ɛ́nuɛyínɛn Ɔkɔ́n iŋilí yɛɛyɛ́,
énuténíkényényí piáŋ píɛ́yɛ́.
5Énukíndén imboosinyo kitikit,
núsɛ́nɛ ikɛ́l kitikit ni imbúl kitikit kuám e kúúsí;
núténikenyenyi piénsi pí iŋilí kitikit pinyɛɛ́ pipiŋílá,
núsɛ́nɛ iŋilí sí kilɔk;
6káakáánɛ́ mɔɔnd kitikit kɛɛ́nyɛɛ́n aná Támbák sótosie pɛɛnd.”»
Pisáas pí inséésítényí
(Mat 3.7-10)
7Isáaŋ ɔ́ɔ́yɔn pɛɛnd pómoólon ɛ́ɛ́ útuenen pɔ́ɔ ɛ́ɛ́: «Nisíp ni imfɛny, ɛnyɛɛ́ wéényínútíínyí aná núpíɔkɛɛ́ kí ilópi í Támbák íkanyɛɛ́ mekúye? 8Énutíínyí káánɔ́ é meelíe mé peseé ɛ́ɛ́ kémuémue numénuki. Nutiɔyɔ́ kuɔyɔ ne níítí ɛ́ɛ́: “Tunyi paán pá Ápilaháam.” Á kiákí ɛ́ɛ́ yɔɔ́núɔ́yɔn ɛ́ɛ́ Támbák nyɛ pékuéyi atányí eye paán pá Ápilaháam. 9Páámána kuetukenyi yaák á kukanan matɛ́ kí iŋaŋá; putɛ́ kitikit pútiányípá púómo ansamɔ́ waatámb, pákaa puɔ póond pátúutɔ puɔ é yiik.»
Melíé má mɔɔnd úményinúki
10Pɛɛnd ɔ́ɔ́pɔn anakáánɛ́, póówon Isáaŋɛ ɛ́ɛ́: «Kiákí tuɛsikɛnɛnɛ́ɛ kuɛl?» 11Woondinyonyi pɔ́ɔ ɛ́ɛ́: «Ewú unyɛɛ́ ni indífɔnɔ́ íyáandɛ́, weeki sɔ́k utiánipá na puandá imoómí; ewú unyɛɛ́ na púkunyá, ɛ́nyɛɛ́ upɛ́ŋɛn sɔ́k utiánipá na puandá pú kunya.» 12Petúúsi lemfue póókoól kɔ́kɔ́ɔ́p ɛ́ɛ́ Isáaŋ tuu pɔ́ɔ; póówun wɔ́ ɛ́ɛ́: «Oŋónyóonyi, kiákí tuɛsikɛnɛnɛ́ɛ kuɛl?» 13Wondinyi pɔ́ɔ ɛ́ɛ́: «Nutikɔ́l mɔɔnd muenyí kutápɔk aná kikotí ɔ́ɔ́yɔɔnɛ́ɛ.» 14Pisimbi pímotí kɔ́kɔ́ɔ́p píówun wɔ́ ɛ́ɛ́: «Pasúɛ, kiákí tuɛsikɛnɛnɛ́ɛ kuɛl?» Woondinyi pɔ́ɔ ɛ́ɛ́: «Nutinyókólítí mɔɔnd nutikɔ́l puandá pú mɔɔnd káánɔ́ á pukaaka, ɔ́nuɔ́pɔn peseé na pinamá píánɔ́ pí puóli pú pisimb.»
Isáaŋ météékí ewú woólonée
(Mat 3.11-12; Mál 1.7-8)
15Pɛɛnd mapá pépéétenyi Etúkún ewú Támbák maátán, póond pópíówon iŋówúnín kɔ́ɔ́p kí itɛ́m síyoosoné Isáaŋɛ: Isáaŋɛ ewe tíápá Etúkún á? 16Isáaŋɛ weemenyi, wondinyi pɔ́ɔ peem ɛ́ɛ́: «Iŋúɛ, yeénútuenen no moomb; maná, sɔ́k olotí óókoólon, waákimbíányinan pukaaka, indipá yeeken kɛ́ɛ́yɛ́ kí ikéŋénye ó kuolun oŋolí wɛ́ɛ́yɛ́ u kipɔ́kɔ́tɔ́. Wɔ́, ukonúólin ne Emfúnukufúúmɛ ne yiik; 17unyɛ ni isáŋ kí imbɔ́k ɛ́ kuyɛ́kɛ iŋɔndɔ́ síɛ́yɛ́; si indámb unɛk kɛ́ɛ́yɛ́ á kipɔmb, tuúnú wootin é yiik ítiányípá íwéén.» 18Ne mekélíe mólotí andíkɛ́k, Isáaŋ suŋa pɛɛnd, ukéme Insɔ́m yi indámb.
Puólí pú Isáaŋ Etuúsí mámaná
(Mat 14.3-4; Mál 6.17-18)
19Elóote, efuŋ u Kalilée mapá wɛɛlɛ pilɔk pi maandá kutek. Waapítikɛn akányi andimán wɛɛyɛ́, akáandɔ́ ukáánɛ́ kisiɛ́n ɛ́ɛ́ Elotiátɛ. Isáaŋ kálan wɔ́ é meelíe mɛ́ɛ́yɛ́ mɔ́ kilɔk makáánɛ́. 20Elóote wɔɔ́yikɛn á mɔ́ kifal kilotí: weeki pukaaka ɛ́ɛ́ pɛ́ɛ́tikɛn Isáaŋɛ, páátúut wɔ́ á kiansi kí imbíne.
Isáaŋ métuú Yésuse
(Mat 3.13-17; Mál 1.9-11)
21Kɔ́ɔk Isáaŋ manyɛ utiyɔɔ́k á kiansi kí imbíne, pɛɛnd kitikit mayuúkan kuɛyɛ́ ɛ́ɛ́ útuenen pɔ́ɔ, Yésuse waayɔɔk kɛ́kɛ́ɛ́yɛ́, weetuu wɔ́. Yésus mɛɛlɛ́ umoópísókolonyi, mɛnɛ́mɛnɛ́ɛ wɛɛ́! 22Emfúnukufúúmɛ weeselin wɔ́ asɛ kiluŋaluŋa nɔ nuɔ́l, anɛ kipa; Ekelú wóólin mɛnɛ́mɛnɛ́ɛ, wɔ́ɔ́yɔ ɛ́ɛ́: «Anyɛ Muɔ́nɔ́ áámɛ u ɔtɛ́m, wumfáanɛ́ɛ anyámɔ.»
Pesípɔkúnɛ́ɛ pé Yésus
(Mat 1.1-16)
23Yésuse wɛɛpɛnyɛk pusɔ́m umoól á puɔ, ukanyi tuɔŋ nitín na tuát. Pɛɛnd pitááka ɛ́ɛ́ Yúsipɛ umaápá síí wɛɛyɛ́. Yúsipɛ muɔ́nɔ́ u Éli, 24Élie muɔ́nɔ́ u Matat, Matatɛ muɔ́nɔ́ u Léfi, Léfie muɔ́nɔ́ u Mɛ́lɛ́ki, Mɛ́lɛ́kie muɔ́nɔ́ u Sianáyi,
Sianáyiɛ muɔ́nɔ́ u Yúsɛp, 25Yúsipɛ muɔ́nɔ́ u Matatías, Matatíasɛ muɔ́nɔ́ u Ámos, Ámose muɔ́nɔ́ u Nawúum, Nawúume muɔ́nɔ́ u Hésili, Hésilie muɔ́nɔ́ u Nakayi, 26Nakayie muɔ́nɔ́ u Mat,
Matɛ muɔ́nɔ́ u Matatías, Matatíasɛ muɔ́nɔ́ u Semeyin, Semeyine muɔ́nɔ́ u Yosɛk, Yosɛkɛ muɔnɔ́ u Yota, 27Yotɛ muɔ́nɔ́ u Yowanaŋ, Yowanaŋɛ muɔ́nɔ́ u Lésa, Lésɛ muɔ́nɔ́ u Solopápɛl,
Solopápɛlɛ muɔ́nɔ́ u Salatiɛl, Salatiɛlɛ muɔ́nɔ́ u Néli, 28Nélie muɔ́nɔ́ u Mɛ́lɛ́ki, Mɛlɛkie muɔ́nɔ́ u Atí, Atíe muɔ́nɔ́ u Kosam, Kosamɛ muɔ́nɔ́ u Ɛ́lɛmatam, Ɛ́lɛmatamɛ muɔ́nɔ́ u Ɛ́ɛl,
29Ɛ́ɛlɛ muɔ́nɔ́ u Yésus, Yésuse muɔ́nɔ́ u Eliɛsɛ́ɛl, Eliɛsɛ́ɛlɛ muɔ́nɔ́ u Yolim, Yolime muɔ́nɔ́ u Matat, Matatɛ muɔ́nɔ́ u Léfi, 30Léfie muɔ́nɔ́ u Símiyon, Símiyone muɔ́nɔ́ u Yúta,
Yútɛ muɔ́nɔ́ u Yúsɛp, Yúsipɛ muɔ́nɔ́ u Yɔnam, Yɔnamɛ muɔ́nɔ́ u Eliakim, 31Eliakíme muɔ́nɔ́ u Méleya, Méléyɛ́ muɔ́nɔ́ u Mena, Menɛ muɔ́nɔ́ Matata, Matatɛ muɔ́nɔ́ u Natáaŋ,
Natáaŋɛ muɔ́nɔ́ u Tafíit, 32Tááfite muɔ́nɔ́ u Tiese, Tiese muɔ́nɔ́ u Yopɛt, Yopɛtɛ muɔ́nɔ́ u Púus, Púuse muɔ́nɔ́ u Sala, Salɛ muɔ́nɔ́ u Naasɔn, 33Naasɔnɛ muɔ́nɔ́ u Aminatáp,
Aminatapɛ muɔ́nɔ́ u Atimín, Atimíne muɔ́nɔ́ u Aliní, Álinie muɔ́nɔ́ u Ɛ́sɛlɔm, Ɛ́sɛlɔmɛ muɔ́nɔ́ u Fálɛs, Fálɛsɛ muɔ́nɔ́ u Yúta, 34Yútɛ muɔ́nɔ́ u Yákɔp, Yákɔpɛ muɔ́nɔ́ u Ísaak,
Isáakɛ muɔ́nɔ́ u Ápilaháam, Ápilaháamɛ muɔ́nɔ́ u Tala, Talɛ muɔ́nɔ́ u Nakɔl, 35Nakɔlɛ muɔ́nɔ́ u Séluk, Séluke muɔ́nɔ́ u Lakawu, Lakawue muɔ́nɔ́ u Falɛk, Falɛkɛ muɔ́nɔ́ u Epɛl,
Epɛlɛ muɔ́nɔ́ u Sala, 36Salɛ muɔ́nɔ́ u Kayinam, Kayinamɛ muɔ́nɔ́ u Alfasat, Alfasatɛ muɔ́nɔ́ u Sɛm, Sɛmɛ muɔ́nɔ́ u Noé, Noé muɔ́nɔ́ u Lamɛk, 37Lamɛkɛ muɔ́nɔ́ u Matusala,
Matusalɛ muɔ́nɔ́ u Énok, Énoke muɔ́nɔ́ u Yalɛt, Yalɛtɛ muɔ́nɔ́ u Maléléɛl, Maléléɛlɛ muɔ́nɔ́ u Kayinam, 38Kayinamɛ muɔ́nɔ́ u Enɔs, Enɔsɛ muɔ́nɔ́ u Sɛt, Sɛtɛ muɔ́nɔ́ u Átam,
Átamɛ muɔ́nɔ́ u Támbák.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL