Lúúkas 14
14
Yésus mééŋuki mɔɔnd puɔ́s pú sápat
1Yésuse weepíkin á kiansi kí ɔkɔ́n omotí u pafalisiɛ́ŋ umaápilikɛn wɔ́ á kuanyá; púmapá puɔ́s pú sápat. Pɛɛnd kitikit pamaápá kɔ́ɔk páátámb wɔ́ eŋis. 2Akáánɛ́ kɔk, ó pusíó pú Yésus, mɔɔnd omotí mapá ɔnyɔ́l, nuɔ́l núɛ́yɛ́ óómo. 3Yésuse wɔɔkɔ́l nukal, wɔ́ é pemenyípikotí na pafalisiɛ́ŋ ɛ́ɛ́: «Kikotí kiásɔ́ áákaátapan éy kitipá kíátapan ɛ́ɛ́ pééŋuki mɔɔnd unúmanɛ́ puɔ́s pú sápat?» 4Tɛ ɛ́ɛ́ pómóóndinyi. Yésuse wɔɔkɔ́l mɔɔnd umaánúma, weéŋuki wɔ, woond weekúúki wɔ. 5wɔ́ kɔ́ɔ́p ɛ́ɛ́: «Unín káánɔ́ kɔ́ ɔlɔŋ ukaná kuɛlɛ́ utiémí nɔ niɔ́kɔ́tɔ́n muɔ́nɔ́ wɛɛyɛ́ úmányikɔɔ́n kɔ́ ɔmbɛ́l kunyaánɛ pulúkú púɛ́yɛ́ tɛ púnyi puɔ́s pú sápat?» 6Tɛ ɛ́ɛ́ pápia iŋondínyí.
Yúúnɔ ninyɔ́l ní kusúkin
7Yésuse weetúmin pɛɛnd pamaápilán pɔ́ á kupíyak insap, á kiákí ɛ́ɛ́ umɛɛ́n aná pamaámbá kunyɔ́mbitɔn yá kɔ́ ɔnyɔ́l yá kutúan; wɔ́ kɔ́ɔ́p ɛ́ɛ́: 8«Aká pámányikupílíkɛ́n ɔ́ putɔ́mbí pú nuɔ́ndɔ́n, atiipɛ́ kuɔnyɔ́mbɛ́t ɔ́ ninyɔ́l ní pusíó, emenyí muɛ́t putɔ́mbí pilikɛn ɔ́ putɔ́mbí sɔ́k ukutápukanɛ́ɛ, 9sɔ́k ukáánɛ́ na kuasiám, muɛ́t putɔ́mbí óól wɛɛl kááwɔ ɛ́ɛ́: Ekí wɔ́ ninyɔ́l; aákaatukan akáánɛ́ nɛ ɛtɔ́ kunúá kitikit ɔ́ kuɔnyɔ́mbɛ́t ɔ́ ninyɔ́l nikusúkin. 10Aká kɔk pámányikupilikɛ́n ɔ́ putɔ́mbí, yɔɔ́k kɔɔnyɔ́mbɛ́t ɔ́ ninyɔ́l níkusúkin ɛ́ɛ́ muɛ́t putɔ́mbí ɛ́ɛl waasiáman, úkuɛ́n, wɛ́ɛl kááwɔ ɛ́ɛ́: Ekúl aamɛ, mákát ɔsikɔ́l ninyɔ́l niitámb. Púékuméketesi ké eŋis yɛ́ pɛɛnd apíyakanɛ́ tépéle omoómí nɔɔpɔ́. 11Á kiákí ɛ́ɛ́ mɔɔnd kitikit upímeketesié péényíseli wɔ; ewú úpíselesié péényíméketi wɔ.»
Pílán pɔsúkɔsukɔ
12Yésuse waandá atían mɔɔnd umaápílíkɛ́n wɔ́ á kupíyak ɛ́ɛ́: «Índɛ eékeekenyi pɛɛnd kupíyak, atipílíkɛ́n pekúl páawɔ, tɛ paandimán pááwɔ, tɛ pepíényí pááwɔ, tɛ inɛ́m sí pɛɛnd sinyɛɛ́ masíá naawɔ, kati nɔ́ɔ páányíkupílikɛn kɔ́kɔ́ɔ́p á kupíyak, pókuondinyi múkunyá múáwɔ. 13Índɛ kɔk aápílan pɛɛnd á kupíyak, pílán pɔsúkɔsukɔ, pikóndi pí pɛɛnd ne pepútepute; 14pɔ́ pátipá na puandá ɛ́ɛ́ pókuondinyi peseé ɛ́mɛ́nyɛɛlɛ́ pɔ́ɔ. Támbákɛ́ɛ woónyíkuondinyée aká weényényesíé píindɛ́ndɛ́nɛ á pilɔ́ŋ.»
Insap í kupíyak é Pufuŋ pú Támbák
(Mat 22.1-10)
15Sɔ́k omotí umaápá akáánɛ́ á kupíyak ɛ́ɛ́pí é Yésus ɛ́ɛ́: «Punyɛ peseé ne ewú waányípíyakanɛ́ é Pufuŋ pú Támbák!» 16Yésuse kɛ́ɛ́yɛ́ ɛ́ɛ́: «Mɔɔnd omotí wáányámbá múkunyá puólíkóoli; waapílan pɛɛnd puólíkóoli á kupíyak. 17Kisikɛl kí kupíyak mɛɛlɛ́ kíásiáman, waatúm eŋelípuólí wɛɛyɛ́ ɛ́ɛ́ wáátíán pɛɛnd umaápílán pɔ́ɔ á kupíyak ɛ́ɛ́: Ónuólon, kupíyak kanyɛɛ́ énúpéétenyi.
18«Peem póond siki mɔɔndɛ upíɔk, nipíɔ́kɛ́n niɛ́tɛ táŋ nímoómí. Ukutúan ɛ́ɛ́píɛ́: Imɛ́ɛ́kɛ́t kuɔ́ndɔ kisíén, púɛ́kɛsikɛnɛn ɛ́ɛ́ yáápisúmbɔ́n kɛ́ɛ; síkoli, ɔyítɛ́n muɛ́t nuya ɛ́ɛ́ indiápá. 19Olotí ɛ́ɛ́pí ɛ́ɛ́: Imɛ́ɛ́kɛ́t kuɔ́ndɔ inday síát, íyɔɔk yáápímák sɛ́ɛ; yoókupísókolonyi, ɔyitɛ́n muɛ́t nuya ɛ́ɛ́ indíápá. 20Olotí ɛ́ɛ́pí ɛ́ɛ́: Imɛ́ɛ́kɛ́t apítikɛn, púu pukáánɛ́ indiányípá pókuol. 21Eŋelípuólí mɛɛlɛ́ woosiondón, waaman kuɔyɔn muɛ́t nuya iŋondínyí sikáánɛ́. Ílópi yɛ́ɛ́tikɛn muɛ́t nuya, wɔ́ ké eŋelípuólí wɛɛyɛ́ ɛ́ɛ́: Yɔɔ́k kuɛ́kɛt kó oŋonyi, ni iŋilí sí pálɛ́k, óol ápílan pɔsúkɔsukɔ, pikóndi pí pɛɛnd ne pepútepute óól nɔɔpɔ́ akɛ. 22Eŋelípuólí woosiondó wɔ́ ɛ́ muɛ́t nuyá ɛ́ɛ́: Imɛ́ɛ́lɛ́ aná ɔsiɔ́kɔyɛt, kiási manyi kisákat. 23Muɛ́t nuyá kɔk ké eŋelípuólí ɛ́ɛ́: Yuúkan kí iŋilí ne pisíén, kútá pɛɛnd ɛ́ɛ́ pépíken kiansi kiámɛ wóon. 24Á kiákí ɛ́ɛ́, yɔɔ́núɔ́yɔn, tɛ omoómí, ɛ́ pɛɛnd imaápílan tíɔ́kɔɔ́pítɛ́n púkunyá púámɛ.»
Túm puandá kitikit kélém ɔ́ kuɔŋ é Yésus
25Kiandá kí embúl ú pɛɛnd mapá kíɔ́ŋɔn é Yésus; wɛɛpíkɛkɛlɛt wɔ́ kɔ́ɔ́p ɛ́ɛ́: 26«Mɔɔnd wɔɔŋɔnɛ́ káámɛ, utipá pakupá opíónyí waamɛ índɛ utipá wuuŋɔyɔ kutápɔk sii, yóótíe, akányí, paán pɛ́ɛ́yɛ́, paandimán pɛɛnúmɛndɔ́ na paakáandɔ́, tɛ kusɔ́t kúɛ́yɛ kúú muɛ́t. 27Ewú úmɛ́nyɛɛlɛ́ utipítúúkɛ́n kolóse wɛɛyɛ́ wɔɔŋ káámɛ tipá pákupá opíónyí waamɛ.
28«Índɛ mɔɔnd káánɔ́ kɔ́ ɔlɔŋ áákamba kuwáak kiandákáand kí kiansi, tikɛ waátúan únyɔ́mbɛt á kuanuna kitám kí muenyí nuwáák áámbanɛ́ á kuamaná, woond kɔk úyoosin índɛ unyɛ ne muenyí mú kuman nuwáák á? 29Kati nɔ, índɛ usiɛpɛnyɛk nuwáák utimaná, pɛɛnd kitikit pɛ́kɛɛ́nyɛ́nɛn wɔ́ kɔɔnɔ wɔ́ 30póond pɔ́ɔ́yɔ ɛ́ɛ́: Indɛ́ mɔɔnd owúnó wɛ́ɛ́nɛ́ɛ́l úwááka púákányɛn wɔ́!
31«Púnyaánɛ efuŋ unín uyuukanɛ́ é pitíí é kuenuénésí sɔ́k efuŋe utitúan utinyɔ́mbɛ́t á kuanɔn índɛ nɔ ɔlɔŋ ú petííti tukɔ́n túát unyɛ pékunuusi sɔ́k unyɛ́ nɔ ɔlɔŋ ú petííti tukɔ́n nitin? 32Índɛ utipá pɔ́kuɔt, peseé ɛ́ɛ́ wéétukenyi mɔɔnd utɔ́m wɔ́ ku sɔ́k pɛ́nyɛɛ́ pitíí nɛɛyɛ́ umanyɛ kaáyɛ́ ɛ́ɛ́ pɛ́píɛ́yɛn.
33«Puandá púmoómí naanɔ́, tɛ mɔɔnd káánɔ́ kɔ́ ɔlɔŋ utipá pákupá opíónyí waamɛ índɛ usiɛl utitúm kélém á puandá kitikit unyɛɛ́ na pɔ.
Masɔk mésiétuuk
(Mat 5.13; Mál 9.50)
34«Masɔk nyɛ puandá puutámb. Índɛ kɔk masuk sietuuk, na kiákí pɛnyɛɛ́ kuɛyɛn mɔ? 35mátikápá peseé tɛ ó pusíó pú kúúsí, tɛ ó pusíó pú kindoóndó; puandá púlotí pú kuɛlin kɔ́ɔk tipá ɛsiɛ́ kuot mɔ kɔ́ ɔɔ́nd. Ewú unyɛɛ́ ni itú sí kuɔ́p, wɔ́ɔp.»
ទើបបានជ្រើសរើសហើយ៖
Lúúkas 14: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 14
14
Yésus mééŋuki mɔɔnd puɔ́s pú sápat
1Yésuse weepíkin á kiansi kí ɔkɔ́n omotí u pafalisiɛ́ŋ umaápilikɛn wɔ́ á kuanyá; púmapá puɔ́s pú sápat. Pɛɛnd kitikit pamaápá kɔ́ɔk páátámb wɔ́ eŋis. 2Akáánɛ́ kɔk, ó pusíó pú Yésus, mɔɔnd omotí mapá ɔnyɔ́l, nuɔ́l núɛ́yɛ́ óómo. 3Yésuse wɔɔkɔ́l nukal, wɔ́ é pemenyípikotí na pafalisiɛ́ŋ ɛ́ɛ́: «Kikotí kiásɔ́ áákaátapan éy kitipá kíátapan ɛ́ɛ́ pééŋuki mɔɔnd unúmanɛ́ puɔ́s pú sápat?» 4Tɛ ɛ́ɛ́ pómóóndinyi. Yésuse wɔɔkɔ́l mɔɔnd umaánúma, weéŋuki wɔ, woond weekúúki wɔ. 5wɔ́ kɔ́ɔ́p ɛ́ɛ́: «Unín káánɔ́ kɔ́ ɔlɔŋ ukaná kuɛlɛ́ utiémí nɔ niɔ́kɔ́tɔ́n muɔ́nɔ́ wɛɛyɛ́ úmányikɔɔ́n kɔ́ ɔmbɛ́l kunyaánɛ pulúkú púɛ́yɛ́ tɛ púnyi puɔ́s pú sápat?» 6Tɛ ɛ́ɛ́ pápia iŋondínyí.
Yúúnɔ ninyɔ́l ní kusúkin
7Yésuse weetúmin pɛɛnd pamaápilán pɔ́ á kupíyak insap, á kiákí ɛ́ɛ́ umɛɛ́n aná pamaámbá kunyɔ́mbitɔn yá kɔ́ ɔnyɔ́l yá kutúan; wɔ́ kɔ́ɔ́p ɛ́ɛ́: 8«Aká pámányikupílíkɛ́n ɔ́ putɔ́mbí pú nuɔ́ndɔ́n, atiipɛ́ kuɔnyɔ́mbɛ́t ɔ́ ninyɔ́l ní pusíó, emenyí muɛ́t putɔ́mbí pilikɛn ɔ́ putɔ́mbí sɔ́k ukutápukanɛ́ɛ, 9sɔ́k ukáánɛ́ na kuasiám, muɛ́t putɔ́mbí óól wɛɛl kááwɔ ɛ́ɛ́: Ekí wɔ́ ninyɔ́l; aákaatukan akáánɛ́ nɛ ɛtɔ́ kunúá kitikit ɔ́ kuɔnyɔ́mbɛ́t ɔ́ ninyɔ́l nikusúkin. 10Aká kɔk pámányikupilikɛ́n ɔ́ putɔ́mbí, yɔɔ́k kɔɔnyɔ́mbɛ́t ɔ́ ninyɔ́l níkusúkin ɛ́ɛ́ muɛ́t putɔ́mbí ɛ́ɛl waasiáman, úkuɛ́n, wɛ́ɛl kááwɔ ɛ́ɛ́: Ekúl aamɛ, mákát ɔsikɔ́l ninyɔ́l niitámb. Púékuméketesi ké eŋis yɛ́ pɛɛnd apíyakanɛ́ tépéle omoómí nɔɔpɔ́. 11Á kiákí ɛ́ɛ́ mɔɔnd kitikit upímeketesié péényíseli wɔ; ewú úpíselesié péényíméketi wɔ.»
Pílán pɔsúkɔsukɔ
12Yésuse waandá atían mɔɔnd umaápílíkɛ́n wɔ́ á kupíyak ɛ́ɛ́: «Índɛ eékeekenyi pɛɛnd kupíyak, atipílíkɛ́n pekúl páawɔ, tɛ paandimán pááwɔ, tɛ pepíényí pááwɔ, tɛ inɛ́m sí pɛɛnd sinyɛɛ́ masíá naawɔ, kati nɔ́ɔ páányíkupílikɛn kɔ́kɔ́ɔ́p á kupíyak, pókuondinyi múkunyá múáwɔ. 13Índɛ kɔk aápílan pɛɛnd á kupíyak, pílán pɔsúkɔsukɔ, pikóndi pí pɛɛnd ne pepútepute; 14pɔ́ pátipá na puandá ɛ́ɛ́ pókuondinyi peseé ɛ́mɛ́nyɛɛlɛ́ pɔ́ɔ. Támbákɛ́ɛ woónyíkuondinyée aká weényényesíé píindɛ́ndɛ́nɛ á pilɔ́ŋ.»
Insap í kupíyak é Pufuŋ pú Támbák
(Mat 22.1-10)
15Sɔ́k omotí umaápá akáánɛ́ á kupíyak ɛ́ɛ́pí é Yésus ɛ́ɛ́: «Punyɛ peseé ne ewú waányípíyakanɛ́ é Pufuŋ pú Támbák!» 16Yésuse kɛ́ɛ́yɛ́ ɛ́ɛ́: «Mɔɔnd omotí wáányámbá múkunyá puólíkóoli; waapílan pɛɛnd puólíkóoli á kupíyak. 17Kisikɛl kí kupíyak mɛɛlɛ́ kíásiáman, waatúm eŋelípuólí wɛɛyɛ́ ɛ́ɛ́ wáátíán pɛɛnd umaápílán pɔ́ɔ á kupíyak ɛ́ɛ́: Ónuólon, kupíyak kanyɛɛ́ énúpéétenyi.
18«Peem póond siki mɔɔndɛ upíɔk, nipíɔ́kɛ́n niɛ́tɛ táŋ nímoómí. Ukutúan ɛ́ɛ́píɛ́: Imɛ́ɛ́kɛ́t kuɔ́ndɔ kisíén, púɛ́kɛsikɛnɛn ɛ́ɛ́ yáápisúmbɔ́n kɛ́ɛ; síkoli, ɔyítɛ́n muɛ́t nuya ɛ́ɛ́ indiápá. 19Olotí ɛ́ɛ́pí ɛ́ɛ́: Imɛ́ɛ́kɛ́t kuɔ́ndɔ inday síát, íyɔɔk yáápímák sɛ́ɛ; yoókupísókolonyi, ɔyitɛ́n muɛ́t nuya ɛ́ɛ́ indíápá. 20Olotí ɛ́ɛ́pí ɛ́ɛ́: Imɛ́ɛ́kɛ́t apítikɛn, púu pukáánɛ́ indiányípá pókuol. 21Eŋelípuólí mɛɛlɛ́ woosiondón, waaman kuɔyɔn muɛ́t nuya iŋondínyí sikáánɛ́. Ílópi yɛ́ɛ́tikɛn muɛ́t nuya, wɔ́ ké eŋelípuólí wɛɛyɛ́ ɛ́ɛ́: Yɔɔ́k kuɛ́kɛt kó oŋonyi, ni iŋilí sí pálɛ́k, óol ápílan pɔsúkɔsukɔ, pikóndi pí pɛɛnd ne pepútepute óól nɔɔpɔ́ akɛ. 22Eŋelípuólí woosiondó wɔ́ ɛ́ muɛ́t nuyá ɛ́ɛ́: Imɛ́ɛ́lɛ́ aná ɔsiɔ́kɔyɛt, kiási manyi kisákat. 23Muɛ́t nuyá kɔk ké eŋelípuólí ɛ́ɛ́: Yuúkan kí iŋilí ne pisíén, kútá pɛɛnd ɛ́ɛ́ pépíken kiansi kiámɛ wóon. 24Á kiákí ɛ́ɛ́, yɔɔ́núɔ́yɔn, tɛ omoómí, ɛ́ pɛɛnd imaápílan tíɔ́kɔɔ́pítɛ́n púkunyá púámɛ.»
Túm puandá kitikit kélém ɔ́ kuɔŋ é Yésus
25Kiandá kí embúl ú pɛɛnd mapá kíɔ́ŋɔn é Yésus; wɛɛpíkɛkɛlɛt wɔ́ kɔ́ɔ́p ɛ́ɛ́: 26«Mɔɔnd wɔɔŋɔnɛ́ káámɛ, utipá pakupá opíónyí waamɛ índɛ utipá wuuŋɔyɔ kutápɔk sii, yóótíe, akányí, paán pɛ́ɛ́yɛ́, paandimán pɛɛnúmɛndɔ́ na paakáandɔ́, tɛ kusɔ́t kúɛ́yɛ kúú muɛ́t. 27Ewú úmɛ́nyɛɛlɛ́ utipítúúkɛ́n kolóse wɛɛyɛ́ wɔɔŋ káámɛ tipá pákupá opíónyí waamɛ.
28«Índɛ mɔɔnd káánɔ́ kɔ́ ɔlɔŋ áákamba kuwáak kiandákáand kí kiansi, tikɛ waátúan únyɔ́mbɛt á kuanuna kitám kí muenyí nuwáák áámbanɛ́ á kuamaná, woond kɔk úyoosin índɛ unyɛ ne muenyí mú kuman nuwáák á? 29Kati nɔ, índɛ usiɛpɛnyɛk nuwáák utimaná, pɛɛnd kitikit pɛ́kɛɛ́nyɛ́nɛn wɔ́ kɔɔnɔ wɔ́ 30póond pɔ́ɔ́yɔ ɛ́ɛ́: Indɛ́ mɔɔnd owúnó wɛ́ɛ́nɛ́ɛ́l úwááka púákányɛn wɔ́!
31«Púnyaánɛ efuŋ unín uyuukanɛ́ é pitíí é kuenuénésí sɔ́k efuŋe utitúan utinyɔ́mbɛ́t á kuanɔn índɛ nɔ ɔlɔŋ ú petííti tukɔ́n túát unyɛ pékunuusi sɔ́k unyɛ́ nɔ ɔlɔŋ ú petííti tukɔ́n nitin? 32Índɛ utipá pɔ́kuɔt, peseé ɛ́ɛ́ wéétukenyi mɔɔnd utɔ́m wɔ́ ku sɔ́k pɛ́nyɛɛ́ pitíí nɛɛyɛ́ umanyɛ kaáyɛ́ ɛ́ɛ́ pɛ́píɛ́yɛn.
33«Puandá púmoómí naanɔ́, tɛ mɔɔnd káánɔ́ kɔ́ ɔlɔŋ utipá pákupá opíónyí waamɛ índɛ usiɛl utitúm kélém á puandá kitikit unyɛɛ́ na pɔ.
Masɔk mésiétuuk
(Mat 5.13; Mál 9.50)
34«Masɔk nyɛ puandá puutámb. Índɛ kɔk masuk sietuuk, na kiákí pɛnyɛɛ́ kuɛyɛn mɔ? 35mátikápá peseé tɛ ó pusíó pú kúúsí, tɛ ó pusíó pú kindoóndó; puandá púlotí pú kuɛlin kɔ́ɔk tipá ɛsiɛ́ kuot mɔ kɔ́ ɔɔ́nd. Ewú unyɛɛ́ ni itú sí kuɔ́p, wɔ́ɔp.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL