Lúúkas 1
1
Nitúmín
1Ɔkunɔ́kɔ́n Tiófil, aná pɛɛnd kutek áányípímakan kuɔ́ŋɔ maandá mómoópíwonyí ɛ́ kikɛtɛ́kɛtɛ́ɛ kíásɔ́, 2aná pɔsɔ́k pámaápá kɔ́ɔk kuetúm é nitúmín mɔɔ́túɔ́yɔ́n, pɔ́ɔ epé pɛmɛɛ́píɛ́nínɛ́n maandá má maápítápúkán, pákanyɛɛ́ peelímoólí pé kuyuukesi mekélíe má Támbák, 3yɛɛ́n pú peseé ɛ́ɛ́ niŋúɛ kákáámɛ íŋuɔ́ŋɛn maandá makáánɛ́ kitikit yáányímaná kuup ímbité peseékése kuetúm é nitúmín, mɔpɔ́kɔ́ aná mɛ́mɛɛ́ndɛ, 4ɛ́ɛ́ émenyi kémúémúé u iŋónyítónyí amaápiá.
Éŋele météékí nupíén nú Isáaŋ Etuúsí
5Mɔɔnd omotí, kisiɛ́n ɛ́ɛ́ Sakalíásɛ, mapá Afunɔ́fɔn kɔ́ ɔlɔŋ ú pafunɔ́fɔn ú Ápia á kisikɛl kí Élóot, efuŋ u kitɔŋ kí Yúte; akányí, kisiɛ́n ɛ́ɛ́ Ilísapitɛ é nikúli ní Álɔn. 6Peem páandɛ́ indɛ́ndɛ́nɛ ké eŋís yá Támbák, pɔ́ɔ́ŋɔn ó pikotí pí Ɔkɔ́n kati kupínanúɛ. 7Pɔ́ɔ́ kɔk tɛ muɔ́nɛ́ɛ, á kiákí ɛ́ɛ́ Ilísapiti mapá kikíl, peem mapá pákanyi pilunú. 8Epué puɔ́s, Sakalíás ɛ́ɛlɛ puólí púɛ́yɛ́ á kitamb kí Támbák, kímapá kitúm kí ɔlɔŋ wɛ́ɛ́yɛ́. 9Ɔ́ nuɔpɔ́ nuu pafunúfɔnɛ, ífitefite yáákɔɔn wɔ́ ɛ́ɛ́ úpíkin é nikilí ni Ɔkɔ́n é kuepikésí pulɔ. 10Umɛɛlɛ́ umeépikesi pulɔ, nikúli ní Támbák kitikit písókolonyi kɔ́ ɔɔ́nd ú kitamb. 11Éŋele u Ɔkɔ́n waámɛn Sakilíásɛ, tené kɔ́ ɔmbɔ́k wɔɔnɛ́m ú niwuúkɛ́n pulɔ. 12Sakilías mɛɛlɛ́ wɛɛ́nɛn wɔ́, manɔ́ŋ mɛ́ɛ́yɛ́ máásúmbɛk, puwaá púɛtikɛn wɔ́. 13Maná, Éŋele kanyi kɛ́ɛ́yɛ́ ɛ́ɛ́: «Sakilíás, etitíín, Támbák mɔ́ɔ́p imbísókólí yaawɔ. Akányi ááwɔ kekupíénin mɔnɔ́ ɛ́númɛndɔ́, alɔk wɔ́ ɛ́ɛ́ Isáaŋɛ. 14Ukowóónyi ɔtɛ́m wááwɔ na anyamɔ́ ni ipali táásɛ, pɛɛnd puólíkóoli kepísiimesi ne nupíén núɛ́yɛ́. 15Á kiákí ɛ́ɛ́ ukapá kiandákáand kí mɔɔnd ké éŋís yi Ɔ́kɔ́n; utiányípuwán makɛp púúmé é púme, ukapá owóónón kuwóónon ne Emfúnukufúúmɛ umanyi é nipundí ní yóótí. 16Wɔ́ɔ wɛɛ́nyɛ́ɛlɛɛ́ paán pí Ísilayɛ́ɛl kutek óosiondó ku Ɔkɔ́n Támbákɛ́ɛ wɔɔpɔ́; 17woónyóol ɛlɛɛ́ oŋoyi insɔ́m u Támbák, ne meelínyélinyé na pukaaka pú eŋémímekélíe má Támbák Élie. Niaŋ ní Éli, muɔ́nɔ́ ááwɔ ónyóól ne kiyeéwe ɛ́ kikɛtɛ́kɛtɛ́ɛ kí pepíényi na paán pɔ́ɔ́p. Weényinúkun itɛ́m sí péépé pɛ́ɛ́lɛnɛ́ɛ Támbákɛ́ɛ pitúkɔ́l, póond á kupítááka ɛlɛɛ́ pɔsɔ́k pí indɛ́ndɛ́nɛ. Yá anakáánɛ́ waányíkúsikaninɛ́ Ɔkɔ́n nikúli nípéétenyeé kuand kuóló kúɛ́yɛ.» 18Maná, Sakilíás kanyi ké Éŋele ɛ́ɛ́: «Iŋemenyin á kiáki? Niŋúɛ ewe kilunúkélun, akányi áámɛ kɛ́kɛ́yɛ́ kanyi kiɛ́yɛ́ kisúmbak kí akáandɔ́.» 19Éŋele kɛ́ɛ́yɛ́ ɛ́ɛ́: «Niŋúɛ inyɛɛ́ Kápiliyɛ́lɛ, yeétélimet ó pusíó pú Támbák ɛ́ kuɛlɛn wɔ́ masɔ́m. Wɔ́ɔ úmányindɔ́m ɛ́ɛ́ yɔ́ɔsikuɔyítɛ́n kinɔ́k kí niɔy ekie. 20Aná aákanɛ́ imfɛ́lɔ́, oo, ɛkɛɛ́yɛ kimúke kuám aná púkɛɛ́nyípíɛl; puandá imányikutían ɛ́ɛ́nyípíɛl á kisikɛl ekí Támbák maásɔ́mb.» 21Pɛɛnd péétenyi, pópíówon kiákí kísiólopinyi wɔ́ ké etúl wɔɔkɔ́n. 22Waáman a, pikálítɛ́n faká, ukála ni imbɔk, ekelú tiám. Pɛɛnd péémenyi ɛ́ɛ́ umɛ́ɛ́n puandá ké etúl wɔɔkɔ́n; wɔɔlɔp kindikélítié. 23Umɛɛlɛ́ umanan puólí, woond kuɛ́yɛ́. 24Pútipípétípéti, akányí wɔɔkɔ́l niim. Siólí itáan upínɛmbɛn kupínɛmbɛn wɔɔyɔ ɛ́ɛ́: 25«Ɛ́nuɛ́n aná Ɔkɔ́n mɛ́nyiŋɛlɛ́. Umíŋéŋí ɛtɛnɔ́ ké éŋis yɛ́ pɛɛnd.»
Éŋele métééki nupíén nú Yésus
26Niim ní Ílisapɛt mɛɛlɛ́ níkanyi siólí ítíndát, Támbákɛ́ɛ waatɔ́m Éŋele Kápiliyɛ́lɛ Násalɛ́t, pálɛ́k u Kalilée, 27ku Malía, kiomb kiipílítíkén, kiɔŋinɔ kí Yúsɛp, mɔɔnd é nikúli ni Táfíit. 28Éŋele weepíkin kuɛ́yɛ́, wúú kɛ́ɛ́yɛ́ ɛ́ɛ́: «Yayápá, aŋúɛ ewú Támbák mɛ́nyikuɛlɛ́ peseé atiányipá ɛɛsikɛnɛn na wɔ́, Ɔkɔ́n nyɛ naawɔ.» 29Maliá ɔ́ɔ́pɔn nɔ́ɔ, manɔ́ŋ mɛ́ɛ́yɛ́ máásúmbɛk, woond ó kupíówon epú pikáánɛ́ pílɔŋ pí imbíkélie ɔ́ɔ́yɔnɛ́ɛ. 30Éŋele kɛ́ɛ́yɛ́ ɛ́ɛ́: «Malía, etitíín, á kiákí ɛ́ɛ́ Támbák mɛ́kuɛlɛ́ peseé. 31Pítɔ́líkɛ́n, ɔɔ́kɔ́lɔn niim, épíén mɔnɔ́ ɛnúmɛndɔ́, álɔk wɔ́ ɛ́ɛ́ Yésuse. 32Ukapá kiandá kí mɔɔnd póond pápílan wɔ́ ɛ́ɛ́ Muɔ́nɔ́ u Támbák u isáánupúlɛ́. Ɔkɔ́n Támbák keeki wɔ́ indáŋa i síí ɔkúnɛ́ wɛɛyɛ́ Táfíit; 33waányípá Efuŋ u paán pí Ísilayɛ́ɛl é teeníík ne níík, pufuŋ púɛ́yɛ́ tiányipá ni insúkie.» 34Malía kanyi ké Éŋele ɛ́ɛ́: «Púkɛɛndɛ tiɛkiɛ́ iŋúɛ indimenyén ɛnúmɛndɔ́?» 35Éŋele kɛ́ɛ́yɛ́ ɛ́ɛ́:
«Emfúnukufúúmɛ kokuólin
pukaaka pú Támbákɛ́ɛ u isáánupúlɛ́ɛ kokuókikon ne kiliínditie kíɛ́yɛ́;
púúpɔ́ muɔ́nɔ́ ekeényípíen kaányípá kifúúmak pápílan wɔ́ ɛ́ɛ́ Muɔ́nɔ́ u Támbák. 36Índɛ́, imbuɛ́mɛ́ ááwɔ Ilísapitɛ kɛ́kɛ́ɛ́yɛ́ ɔ́ɔ́kɔ́l niim ni mɔnɔ́ ɛnúmɛndɔ́ kɛ́ɛ́yɛ́ é pulunú, níkanyi siólí itíndátɔ́, wɔ́ ewú pányípílán ɛ́ɛ́ kikíl, 37ɛ́ kuɛlɛɛ́ puandá púkupíányɛn Támbákɛ́ɛ tipá.» 38Malía kanyi kɔk ɛ́ɛ́: «Inyɛ eŋelípuólí u Ɔkɔ́n. Ɛ́nyɛɛlɛ́ wɛ́ɛlɛ naamɛ yá aná ɔ́mɔ́nyɔyɛ́t!» Éŋele kɔk kuátukan nɛɛyɛ́.
Iyoosino i Malía ku Ilísapɛt
39Ɛ́ mɛɛ́tɛ metúk, Malíɛ waayɔɔk pɛkɛtɛpɛkɛt á pálɛ́k omótí kí ikɛ́l sí kitɔŋ kí Yúta. 40Waámána, weepíkin ku Sakalíás, weepíkéliti Ilísapitɛ. 41Ilísapɛt mɛɛlɛ́ wɔɔ́pɔn imbíkélíe i Malía, muɔ́nɔ́ weepíeyitin kɛ́ɛ́yɛ́ é nipundí na pukaaka, Ilísapitɛ woowóon ne Emfúnukufúúmɛ. 42Ukanyɛ kɛ́ɛ́yɛ́ ekelú mɛnɛ́mɛnɛ́ɛ ɛ́ɛ́: «Anyɛ ni imaak kutápɔk pakáandɔ́ kitikit, imaak andíkɛ́k nɔ muɔ́nɔ́ unyɛɛ́ kááwɔ é nipundí! 43Inyɛ ɛ́nyɛ́ ɛ́ɛ́ yóótí Ɔkɔ́n waamɛ óólo kuamɛ? 44Á kiákí ɛ́ɛ́ imɛ́ɛlɛ́ yɔɔ́pɔn imbíkélie yaawɔ, muɔ́nɔ́ mépíéyitin na anyamɔ́ káámɛ é nipundí. 45Peseé naawɔ: aátáp ɛ́ɛ́ Ɔkɔ́n wóónyi epú úmɔɔ́nyɛ́t kááwɔ ó pusío!»
Asak ú Malía
46Malía kanyɛ kɔk ɛ́ɛ́: «Pumuundɛ púámɛ óókoómokosi Ɔkɔ́n.
47Ɔtɛ́m wáámɛ mówóón ni ipali
ó pusíó pú Támbák, Osótí waamɛ,
48á kiákí umóyoosin sɛ́kísɛ́kíɛ́ wɛɛyɛ́ u eŋelípuólí.
Ɛ́ɛ́, kutúm nínúán, kuám á tupakɛ́ kitikit, pɔ́ɔ́nyɔ́ɔ́yɔ peseé waamɛ,
49Á kiákí ɛ́ɛ́ Támbákɛ́ɛ ewú unyɛɛ́ indín i pukaaka ííŋɛlɛ́n piándá pí maandá:
unyɛ kifúúmak.
50Pɛɛnd páákanɛ́ wɔ́ ɔ́ niɔlɔ́, wɛɛ́kɛɛ́nɛn pɔ́ ɔsɔ́k á tukandákánɛ́ á tukandákánɛ́ɛ.
51Wetíínyi pukaaka pú ɔmbɔ́k wɛ́ɛ́yɛ́ á piandá pí maandá wɛ́ɛ́nyɛ́ɛ́lɛ;
waasán kiɔ́p kí pɛɛnd pɔ́piɔ́yɔnɛ́ɛ;
52waatiá pefuŋ kɔ́ɔ́p kí indáŋa
waanyálɛk peepíselésí;
53weekeekí penúmí insaná punɛ́m
weekúúkí inɛm imbɔ́k ni imbɔk.
54Umésitúkún nikúli ni Isilayɛ́ɛl, eŋelí puóli wɛɛyɛ́,
tɛ ɛ́ɛ́ úpíeliti niɛ́nɔsúkɛ níɛ́yɛ́,
55yá aná umaátíán pesíí páásɔ́,
ó pusíó pú Ápilaháam ne nisíp níɛ́yɛ́ é teeníík ne nííkí.»
56Malíɛ wɛɛl puandá pú siólí ítátɔ́ ni Ilísapɛt maná woond kuɛyɛ́.
Nupíén nú Isáaŋ Etuúsí
57Kisikɛl kí kuɛl ɛ́ɛ́ Ilísapɛt píén mɛɛlɛ́ kíasiáman, weepíén mɔnɔ́ ɛnúmɛndɔ́. 58Pekúlíkuli pí ilísapɛt ne pepíényí pɛ́ɛ́yɛ́ pɔ́ɔ́p ɛ́ɛ́ Ɔkɔ́n mɛ́ɛ́l wɔ́ kiandákáand kí peseé, póond á kuyayapa nɛɛyɛ́. 59Puɔ́sí pú kánamaníɛ pámaánsá muɔ́nɔ́, pɛɛl pálukɔ wɔ́ kisiɛ́n kí síí, Sakalíásɛ. 60Yóótí kanyi ɛ́ɛ́: «Aákóo, kisiɛ́n kíɛ́yɛ́ kínyɛɛ́ Isáaŋɛ.» 61Pɔ́ɔ kɛ́ɛ́yɛ́ ɛ́ɛ́: «Mɔɔnd tipá nɛ kisiɛ́n kikáánɛ́ é nikúli níáwɔ.» 62Póond ó kuówon síí kisiɛ́n kí muɔ́nɔ́ ni imbɔk. 63Woówun ɛ́ɛ́ peeki wɔ́ ɔkɔ́k, wɔɔkɔɔ́ŋ pipúk epie: «Kisiɛ́n kíɛ́yɛ́ kinyɛɛ́ ɛ́ɛ́ Isáaŋɛ;» pɔ́ɔ peem póond é kusímile. 64Akáánɛ́ nɔ niɔ́kɔ́tɔn, Támbákɛ́ɛ wɛɛl ɛ́ɛ́ Sakalíás áand kuond á kukála, woond é kulémbesi Támbákɛ́ɛ. 65Puwaá púɛ́tikɛn kɔk pɛɛnd peem pɔ́ mɔkɔsɛ́; peem epé pámaápá kí ikɛ́l sí kitɔŋ kí Yuté áap pɔ́ɔ́yɔ́ iŋetekelík ikáánɛ́. 66Pɛɛnd peem epé pɔ́mɔɔ́pɔ́n moónyi makáánɛ́, nɛkɛn mɔ́ɔ kɔ́ɔ́p kí itɛ́m pópíówon ɛ́ɛ́: «Ukapá kasí pilɔŋ pí muɔ́nɔ́ ɛ́ɛ́?» Kémuémue ɔmbɔ́k u Ɔkɔ́n nyɛ nɛɛyɛ́.
Asak ú Sakalíás
67Síí wɛɛyɛ́, Sakalíásɛ, mapá owóónón ne Emfúnukufúúmɛ woond é kukéme mekélíe má Támbák wɔɔyɔ ɛ́ɛ́:
68«Yoókoómoosi Ɔkɔ́n, Támbákɛ́ɛ u Ísilayɛ́l,
Á kiákí ɛ́ɛ́ umétúpisíítín pasɔ́ nisípi níɛ́yɛ́, umátúáŋɔ́n,
69umáyɔ́ɔ́n kikaaka kí Osótí
é nikúli ní Tafíit, eŋelípuólí wɛɛyɛ́. 70púúpɔ́ umɔɔ́yɛ́t ké eŋíítí yá pifúúmak pí peémímekélíe mɛ́ɛ́yɛ́ pí ínsúá, ɛ́ɛ́:
71ukatútúmɛn Osótí utuáŋunanɛ́ kí imbɔ́k sí pokóyikoy páásɔ́
ne pesíŋisiŋi páásɔ́.
72Umétíínyi niɛ́nɔsúkɛ níɛ́yɛ́ ó pusíó pú pesíí páásɔ́
umóónd umápítáákɛ́t kifúúmak kíɛ́yɛ́ kí nikál,
73ne síí waasɔ́, Ápilaháamɛ, umaápílɛɛ́n
wɔ́ ɛ́ɛ́:
74waányítúáŋɔn kí imbɔ́k sí pokóyikoy páásɔ́,
akáánɛ́ tuɛlɛn wɔ́ puólí kati pumbílɛ,
75na kifúúmak kí ɔtɛ́m ni indɛ́ndɛ́nɛ
kɛ́ɛ́yɛ́ ó pusíó, kusɔ́t kúásɔ́ kuum.
76Aŋúɛ, muɔ́nɔ́ áámɛ, pákakupílan ɛ́ɛ́ eŋémímekélíe má Támbák u isáánupúlɛ́ɛ,
Á kiákí ɛ́ɛ́ okofook, ɛ́ kutɛfɛn Ɔkɔ́n iŋilí síɛ́yɛ́,
77ɛ́ɛ́ pasɔ́ nikúli níɛ́yɛ́ túmenyi ɛ́ɛ́ ukotúsóti
ɛ́ kuɛl ɛ́ɛ́ umátúyapɛ́n á pifal píásɔ́,
78á kiákí ɛ́ɛ́ Támbákɛ́ɛ waasɔ́ nyɛ ɔtɛ́m peseé táásɛ:
uketúteekenyi ne kisie kíóloniné mɛnɛ́mɛnɛ́ɛ asɛ kuapál kú ɔɔ́nyí.
79Kímáámɛ́n pɔsɔ́k pɛ́nyɛɛ́ kí imbíne ne meliíndíe mé niku,
á kunúŋuna ambaná yáásɔ́ kí iŋilí i kiyeéwe.»
Puɔmfɔ́ pú Isáaŋ
80Muúŋayɔ́ kuman, kiliínditíe kíɛ́yɛ́ kúninan; usɔ́tɔn ɔ́ piɔ́sɔ́kɔlíɔ kuám puɔ́s umeépítíínyí á paán pí isilayɛ́ɛl.
ទើបបានជ្រើសរើសហើយ៖
Lúúkas 1: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 1
1
Nitúmín
1Ɔkunɔ́kɔ́n Tiófil, aná pɛɛnd kutek áányípímakan kuɔ́ŋɔ maandá mómoópíwonyí ɛ́ kikɛtɛ́kɛtɛ́ɛ kíásɔ́, 2aná pɔsɔ́k pámaápá kɔ́ɔk kuetúm é nitúmín mɔɔ́túɔ́yɔ́n, pɔ́ɔ epé pɛmɛɛ́píɛ́nínɛ́n maandá má maápítápúkán, pákanyɛɛ́ peelímoólí pé kuyuukesi mekélíe má Támbák, 3yɛɛ́n pú peseé ɛ́ɛ́ niŋúɛ kákáámɛ íŋuɔ́ŋɛn maandá makáánɛ́ kitikit yáányímaná kuup ímbité peseékése kuetúm é nitúmín, mɔpɔ́kɔ́ aná mɛ́mɛɛ́ndɛ, 4ɛ́ɛ́ émenyi kémúémúé u iŋónyítónyí amaápiá.
Éŋele météékí nupíén nú Isáaŋ Etuúsí
5Mɔɔnd omotí, kisiɛ́n ɛ́ɛ́ Sakalíásɛ, mapá Afunɔ́fɔn kɔ́ ɔlɔŋ ú pafunɔ́fɔn ú Ápia á kisikɛl kí Élóot, efuŋ u kitɔŋ kí Yúte; akányí, kisiɛ́n ɛ́ɛ́ Ilísapitɛ é nikúli ní Álɔn. 6Peem páandɛ́ indɛ́ndɛ́nɛ ké eŋís yá Támbák, pɔ́ɔ́ŋɔn ó pikotí pí Ɔkɔ́n kati kupínanúɛ. 7Pɔ́ɔ́ kɔk tɛ muɔ́nɛ́ɛ, á kiákí ɛ́ɛ́ Ilísapiti mapá kikíl, peem mapá pákanyi pilunú. 8Epué puɔ́s, Sakalíás ɛ́ɛlɛ puólí púɛ́yɛ́ á kitamb kí Támbák, kímapá kitúm kí ɔlɔŋ wɛ́ɛ́yɛ́. 9Ɔ́ nuɔpɔ́ nuu pafunúfɔnɛ, ífitefite yáákɔɔn wɔ́ ɛ́ɛ́ úpíkin é nikilí ni Ɔkɔ́n é kuepikésí pulɔ. 10Umɛɛlɛ́ umeépikesi pulɔ, nikúli ní Támbák kitikit písókolonyi kɔ́ ɔɔ́nd ú kitamb. 11Éŋele u Ɔkɔ́n waámɛn Sakilíásɛ, tené kɔ́ ɔmbɔ́k wɔɔnɛ́m ú niwuúkɛ́n pulɔ. 12Sakilías mɛɛlɛ́ wɛɛ́nɛn wɔ́, manɔ́ŋ mɛ́ɛ́yɛ́ máásúmbɛk, puwaá púɛtikɛn wɔ́. 13Maná, Éŋele kanyi kɛ́ɛ́yɛ́ ɛ́ɛ́: «Sakilíás, etitíín, Támbák mɔ́ɔ́p imbísókólí yaawɔ. Akányi ááwɔ kekupíénin mɔnɔ́ ɛ́númɛndɔ́, alɔk wɔ́ ɛ́ɛ́ Isáaŋɛ. 14Ukowóónyi ɔtɛ́m wááwɔ na anyamɔ́ ni ipali táásɛ, pɛɛnd puólíkóoli kepísiimesi ne nupíén núɛ́yɛ́. 15Á kiákí ɛ́ɛ́ ukapá kiandákáand kí mɔɔnd ké éŋís yi Ɔ́kɔ́n; utiányípuwán makɛp púúmé é púme, ukapá owóónón kuwóónon ne Emfúnukufúúmɛ umanyi é nipundí ní yóótí. 16Wɔ́ɔ wɛɛ́nyɛ́ɛlɛɛ́ paán pí Ísilayɛ́ɛl kutek óosiondó ku Ɔkɔ́n Támbákɛ́ɛ wɔɔpɔ́; 17woónyóol ɛlɛɛ́ oŋoyi insɔ́m u Támbák, ne meelínyélinyé na pukaaka pú eŋémímekélíe má Támbák Élie. Niaŋ ní Éli, muɔ́nɔ́ ááwɔ ónyóól ne kiyeéwe ɛ́ kikɛtɛ́kɛtɛ́ɛ kí pepíényi na paán pɔ́ɔ́p. Weényinúkun itɛ́m sí péépé pɛ́ɛ́lɛnɛ́ɛ Támbákɛ́ɛ pitúkɔ́l, póond á kupítááka ɛlɛɛ́ pɔsɔ́k pí indɛ́ndɛ́nɛ. Yá anakáánɛ́ waányíkúsikaninɛ́ Ɔkɔ́n nikúli nípéétenyeé kuand kuóló kúɛ́yɛ.» 18Maná, Sakilíás kanyi ké Éŋele ɛ́ɛ́: «Iŋemenyin á kiáki? Niŋúɛ ewe kilunúkélun, akányi áámɛ kɛ́kɛ́yɛ́ kanyi kiɛ́yɛ́ kisúmbak kí akáandɔ́.» 19Éŋele kɛ́ɛ́yɛ́ ɛ́ɛ́: «Niŋúɛ inyɛɛ́ Kápiliyɛ́lɛ, yeétélimet ó pusíó pú Támbák ɛ́ kuɛlɛn wɔ́ masɔ́m. Wɔ́ɔ úmányindɔ́m ɛ́ɛ́ yɔ́ɔsikuɔyítɛ́n kinɔ́k kí niɔy ekie. 20Aná aákanɛ́ imfɛ́lɔ́, oo, ɛkɛɛ́yɛ kimúke kuám aná púkɛɛ́nyípíɛl; puandá imányikutían ɛ́ɛ́nyípíɛl á kisikɛl ekí Támbák maásɔ́mb.» 21Pɛɛnd péétenyi, pópíówon kiákí kísiólopinyi wɔ́ ké etúl wɔɔkɔ́n. 22Waáman a, pikálítɛ́n faká, ukála ni imbɔk, ekelú tiám. Pɛɛnd péémenyi ɛ́ɛ́ umɛ́ɛ́n puandá ké etúl wɔɔkɔ́n; wɔɔlɔp kindikélítié. 23Umɛɛlɛ́ umanan puólí, woond kuɛ́yɛ́. 24Pútipípétípéti, akányí wɔɔkɔ́l niim. Siólí itáan upínɛmbɛn kupínɛmbɛn wɔɔyɔ ɛ́ɛ́: 25«Ɛ́nuɛ́n aná Ɔkɔ́n mɛ́nyiŋɛlɛ́. Umíŋéŋí ɛtɛnɔ́ ké éŋis yɛ́ pɛɛnd.»
Éŋele métééki nupíén nú Yésus
26Niim ní Ílisapɛt mɛɛlɛ́ níkanyi siólí ítíndát, Támbákɛ́ɛ waatɔ́m Éŋele Kápiliyɛ́lɛ Násalɛ́t, pálɛ́k u Kalilée, 27ku Malía, kiomb kiipílítíkén, kiɔŋinɔ kí Yúsɛp, mɔɔnd é nikúli ni Táfíit. 28Éŋele weepíkin kuɛ́yɛ́, wúú kɛ́ɛ́yɛ́ ɛ́ɛ́: «Yayápá, aŋúɛ ewú Támbák mɛ́nyikuɛlɛ́ peseé atiányipá ɛɛsikɛnɛn na wɔ́, Ɔkɔ́n nyɛ naawɔ.» 29Maliá ɔ́ɔ́pɔn nɔ́ɔ, manɔ́ŋ mɛ́ɛ́yɛ́ máásúmbɛk, woond ó kupíówon epú pikáánɛ́ pílɔŋ pí imbíkélie ɔ́ɔ́yɔnɛ́ɛ. 30Éŋele kɛ́ɛ́yɛ́ ɛ́ɛ́: «Malía, etitíín, á kiákí ɛ́ɛ́ Támbák mɛ́kuɛlɛ́ peseé. 31Pítɔ́líkɛ́n, ɔɔ́kɔ́lɔn niim, épíén mɔnɔ́ ɛnúmɛndɔ́, álɔk wɔ́ ɛ́ɛ́ Yésuse. 32Ukapá kiandá kí mɔɔnd póond pápílan wɔ́ ɛ́ɛ́ Muɔ́nɔ́ u Támbák u isáánupúlɛ́. Ɔkɔ́n Támbák keeki wɔ́ indáŋa i síí ɔkúnɛ́ wɛɛyɛ́ Táfíit; 33waányípá Efuŋ u paán pí Ísilayɛ́ɛl é teeníík ne níík, pufuŋ púɛ́yɛ́ tiányipá ni insúkie.» 34Malía kanyi ké Éŋele ɛ́ɛ́: «Púkɛɛndɛ tiɛkiɛ́ iŋúɛ indimenyén ɛnúmɛndɔ́?» 35Éŋele kɛ́ɛ́yɛ́ ɛ́ɛ́:
«Emfúnukufúúmɛ kokuólin
pukaaka pú Támbákɛ́ɛ u isáánupúlɛ́ɛ kokuókikon ne kiliínditie kíɛ́yɛ́;
púúpɔ́ muɔ́nɔ́ ekeényípíen kaányípá kifúúmak pápílan wɔ́ ɛ́ɛ́ Muɔ́nɔ́ u Támbák. 36Índɛ́, imbuɛ́mɛ́ ááwɔ Ilísapitɛ kɛ́kɛ́ɛ́yɛ́ ɔ́ɔ́kɔ́l niim ni mɔnɔ́ ɛnúmɛndɔ́ kɛ́ɛ́yɛ́ é pulunú, níkanyi siólí itíndátɔ́, wɔ́ ewú pányípílán ɛ́ɛ́ kikíl, 37ɛ́ kuɛlɛɛ́ puandá púkupíányɛn Támbákɛ́ɛ tipá.» 38Malía kanyi kɔk ɛ́ɛ́: «Inyɛ eŋelípuólí u Ɔkɔ́n. Ɛ́nyɛɛlɛ́ wɛ́ɛlɛ naamɛ yá aná ɔ́mɔ́nyɔyɛ́t!» Éŋele kɔk kuátukan nɛɛyɛ́.
Iyoosino i Malía ku Ilísapɛt
39Ɛ́ mɛɛ́tɛ metúk, Malíɛ waayɔɔk pɛkɛtɛpɛkɛt á pálɛ́k omótí kí ikɛ́l sí kitɔŋ kí Yúta. 40Waámána, weepíkin ku Sakalíás, weepíkéliti Ilísapitɛ. 41Ilísapɛt mɛɛlɛ́ wɔɔ́pɔn imbíkélíe i Malía, muɔ́nɔ́ weepíeyitin kɛ́ɛ́yɛ́ é nipundí na pukaaka, Ilísapitɛ woowóon ne Emfúnukufúúmɛ. 42Ukanyɛ kɛ́ɛ́yɛ́ ekelú mɛnɛ́mɛnɛ́ɛ ɛ́ɛ́: «Anyɛ ni imaak kutápɔk pakáandɔ́ kitikit, imaak andíkɛ́k nɔ muɔ́nɔ́ unyɛɛ́ kááwɔ é nipundí! 43Inyɛ ɛ́nyɛ́ ɛ́ɛ́ yóótí Ɔkɔ́n waamɛ óólo kuamɛ? 44Á kiákí ɛ́ɛ́ imɛ́ɛlɛ́ yɔɔ́pɔn imbíkélie yaawɔ, muɔ́nɔ́ mépíéyitin na anyamɔ́ káámɛ é nipundí. 45Peseé naawɔ: aátáp ɛ́ɛ́ Ɔkɔ́n wóónyi epú úmɔɔ́nyɛ́t kááwɔ ó pusío!»
Asak ú Malía
46Malía kanyɛ kɔk ɛ́ɛ́: «Pumuundɛ púámɛ óókoómokosi Ɔkɔ́n.
47Ɔtɛ́m wáámɛ mówóón ni ipali
ó pusíó pú Támbák, Osótí waamɛ,
48á kiákí umóyoosin sɛ́kísɛ́kíɛ́ wɛɛyɛ́ u eŋelípuólí.
Ɛ́ɛ́, kutúm nínúán, kuám á tupakɛ́ kitikit, pɔ́ɔ́nyɔ́ɔ́yɔ peseé waamɛ,
49Á kiákí ɛ́ɛ́ Támbákɛ́ɛ ewú unyɛɛ́ indín i pukaaka ííŋɛlɛ́n piándá pí maandá:
unyɛ kifúúmak.
50Pɛɛnd páákanɛ́ wɔ́ ɔ́ niɔlɔ́, wɛɛ́kɛɛ́nɛn pɔ́ ɔsɔ́k á tukandákánɛ́ á tukandákánɛ́ɛ.
51Wetíínyi pukaaka pú ɔmbɔ́k wɛ́ɛ́yɛ́ á piandá pí maandá wɛ́ɛ́nyɛ́ɛ́lɛ;
waasán kiɔ́p kí pɛɛnd pɔ́piɔ́yɔnɛ́ɛ;
52waatiá pefuŋ kɔ́ɔ́p kí indáŋa
waanyálɛk peepíselésí;
53weekeekí penúmí insaná punɛ́m
weekúúkí inɛm imbɔ́k ni imbɔk.
54Umésitúkún nikúli ni Isilayɛ́ɛl, eŋelí puóli wɛɛyɛ́,
tɛ ɛ́ɛ́ úpíeliti niɛ́nɔsúkɛ níɛ́yɛ́,
55yá aná umaátíán pesíí páásɔ́,
ó pusíó pú Ápilaháam ne nisíp níɛ́yɛ́ é teeníík ne nííkí.»
56Malíɛ wɛɛl puandá pú siólí ítátɔ́ ni Ilísapɛt maná woond kuɛyɛ́.
Nupíén nú Isáaŋ Etuúsí
57Kisikɛl kí kuɛl ɛ́ɛ́ Ilísapɛt píén mɛɛlɛ́ kíasiáman, weepíén mɔnɔ́ ɛnúmɛndɔ́. 58Pekúlíkuli pí ilísapɛt ne pepíényí pɛ́ɛ́yɛ́ pɔ́ɔ́p ɛ́ɛ́ Ɔkɔ́n mɛ́ɛ́l wɔ́ kiandákáand kí peseé, póond á kuyayapa nɛɛyɛ́. 59Puɔ́sí pú kánamaníɛ pámaánsá muɔ́nɔ́, pɛɛl pálukɔ wɔ́ kisiɛ́n kí síí, Sakalíásɛ. 60Yóótí kanyi ɛ́ɛ́: «Aákóo, kisiɛ́n kíɛ́yɛ́ kínyɛɛ́ Isáaŋɛ.» 61Pɔ́ɔ kɛ́ɛ́yɛ́ ɛ́ɛ́: «Mɔɔnd tipá nɛ kisiɛ́n kikáánɛ́ é nikúli níáwɔ.» 62Póond ó kuówon síí kisiɛ́n kí muɔ́nɔ́ ni imbɔk. 63Woówun ɛ́ɛ́ peeki wɔ́ ɔkɔ́k, wɔɔkɔɔ́ŋ pipúk epie: «Kisiɛ́n kíɛ́yɛ́ kinyɛɛ́ ɛ́ɛ́ Isáaŋɛ;» pɔ́ɔ peem póond é kusímile. 64Akáánɛ́ nɔ niɔ́kɔ́tɔn, Támbákɛ́ɛ wɛɛl ɛ́ɛ́ Sakalíás áand kuond á kukála, woond é kulémbesi Támbákɛ́ɛ. 65Puwaá púɛ́tikɛn kɔk pɛɛnd peem pɔ́ mɔkɔsɛ́; peem epé pámaápá kí ikɛ́l sí kitɔŋ kí Yuté áap pɔ́ɔ́yɔ́ iŋetekelík ikáánɛ́. 66Pɛɛnd peem epé pɔ́mɔɔ́pɔ́n moónyi makáánɛ́, nɛkɛn mɔ́ɔ kɔ́ɔ́p kí itɛ́m pópíówon ɛ́ɛ́: «Ukapá kasí pilɔŋ pí muɔ́nɔ́ ɛ́ɛ́?» Kémuémue ɔmbɔ́k u Ɔkɔ́n nyɛ nɛɛyɛ́.
Asak ú Sakalíás
67Síí wɛɛyɛ́, Sakalíásɛ, mapá owóónón ne Emfúnukufúúmɛ woond é kukéme mekélíe má Támbák wɔɔyɔ ɛ́ɛ́:
68«Yoókoómoosi Ɔkɔ́n, Támbákɛ́ɛ u Ísilayɛ́l,
Á kiákí ɛ́ɛ́ umétúpisíítín pasɔ́ nisípi níɛ́yɛ́, umátúáŋɔ́n,
69umáyɔ́ɔ́n kikaaka kí Osótí
é nikúli ní Tafíit, eŋelípuólí wɛɛyɛ́. 70púúpɔ́ umɔɔ́yɛ́t ké eŋíítí yá pifúúmak pí peémímekélíe mɛ́ɛ́yɛ́ pí ínsúá, ɛ́ɛ́:
71ukatútúmɛn Osótí utuáŋunanɛ́ kí imbɔ́k sí pokóyikoy páásɔ́
ne pesíŋisiŋi páásɔ́.
72Umétíínyi niɛ́nɔsúkɛ níɛ́yɛ́ ó pusíó pú pesíí páásɔ́
umóónd umápítáákɛ́t kifúúmak kíɛ́yɛ́ kí nikál,
73ne síí waasɔ́, Ápilaháamɛ, umaápílɛɛ́n
wɔ́ ɛ́ɛ́:
74waányítúáŋɔn kí imbɔ́k sí pokóyikoy páásɔ́,
akáánɛ́ tuɛlɛn wɔ́ puólí kati pumbílɛ,
75na kifúúmak kí ɔtɛ́m ni indɛ́ndɛ́nɛ
kɛ́ɛ́yɛ́ ó pusíó, kusɔ́t kúásɔ́ kuum.
76Aŋúɛ, muɔ́nɔ́ áámɛ, pákakupílan ɛ́ɛ́ eŋémímekélíe má Támbák u isáánupúlɛ́ɛ,
Á kiákí ɛ́ɛ́ okofook, ɛ́ kutɛfɛn Ɔkɔ́n iŋilí síɛ́yɛ́,
77ɛ́ɛ́ pasɔ́ nikúli níɛ́yɛ́ túmenyi ɛ́ɛ́ ukotúsóti
ɛ́ kuɛl ɛ́ɛ́ umátúyapɛ́n á pifal píásɔ́,
78á kiákí ɛ́ɛ́ Támbákɛ́ɛ waasɔ́ nyɛ ɔtɛ́m peseé táásɛ:
uketúteekenyi ne kisie kíóloniné mɛnɛ́mɛnɛ́ɛ asɛ kuapál kú ɔɔ́nyí.
79Kímáámɛ́n pɔsɔ́k pɛ́nyɛɛ́ kí imbíne ne meliíndíe mé niku,
á kunúŋuna ambaná yáásɔ́ kí iŋilí i kiyeéwe.»
Puɔmfɔ́ pú Isáaŋ
80Muúŋayɔ́ kuman, kiliínditíe kíɛ́yɛ́ kúninan; usɔ́tɔn ɔ́ piɔ́sɔ́kɔlíɔ kuám puɔ́s umeépítíínyí á paán pí isilayɛ́ɛl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL