Isáaŋ 9
9
Yésus méŋúkí epútepute
1Yésus mɛɛlɛ́ úkatápúkan, wɛɛ́n mɔɔnd pémeépíén wɔ́ ne pipúte. 2Popíónyí pɛ́ɛ́yɛ́ póokoówun wɔ́ iŋówúnín eye: «Oŋónyóonyi, ɛ́nyɛ́ umɛɛ́lɛ́ kipínanɔ́ ɛ́ɛ́ mɔɔnd ewe pépíen wɔ́ ne pipúte, wɔ́ ééy, pepíényí pɛ́ɛ́yɛ́?» 3Yésuse woondinyi ɛ́ɛ́: «Tɛ wɔ́ tɛ pepíényí pɛ́ɛ́yɛ́, omotí tipá no puónyi kɔ́ɔk. Púnyɛ kɔ́ɔ́m ɛ́ɛ́ pukaaka pú Támbák pítíínyi kɛ́ɛ́yɛ́! 4Tuɛ́kɛɛsikɛnɛn kukɔtɔn sɔ́k umiíndɔ́m nɔ puɔ́s, mɔɔnd tipá ukɔtɔ ne putúk. 5Aná imanyɛɛ́ e kúúsí ekué, niŋúɛ inyɛɛ́ kisie kí kúúsí.» 6Yésus mɛɛlɛ́ umanan akála nɔ́, weetúun pitelu e kúúsí woond ɔ́ kutɔ́pɔ pilɛp ne pitelu píɛ́yɛ́ weewúénen pɛ́ɛ ké eŋís í epútepute. 7Wɔ́ kɛ́ɛ́yɛ́ ɛ́ɛ́: «Kaapísuká é kiimb kí Silowé» anakáánɛ́ kúnyɛɛ́ ɛ́ɛ́ Atúmánɛ́ɛ. Epútepute waayɔɔk waanyapísukɛ́t, ó kuosiondó ukanyɛɛ́ kuɛ́nɛn.
8Mufák múɛ́yɛ́ nɛ pɛɛnd pámaápá pɛ́ɛ́nɛn wɔ́ insúá ɔnyɔ́l uyɛ́pɛ, pópíówon ɛ́ɛ́: «Utipá mɔɔnd ewe wáányípá ɔnyɔ́l uyɛ́pɛ akɛ wɔ́ á?» 9Epe ɔ́ɔ́yɔ ɛ́ɛ́: «wɔ́ wɔ́ sá!» Pómotí ɔ́ɔ́yɔ ɛ́ɛ́: «Aákóo, imfuényé yɛ.» Epútepute nɔtɔ yá: «Niŋú muɛ́t wɔ́.» 10Póokoówun wɔ́ kɔk ɛ́ɛ́: «Tíɛkíɛ́ akanyɛɛ́ kuɛ́nɛn?» 11Wɔ́ kɔ́ɔ́p ɛ́ɛ́: «Mɔɔnd pápílanɛ́ ɛ́ɛ́ Yésuse siɔtɔ́pɛt pilɛp, umíŋgukúlít pɛ́ɛ ké eŋís, wɔ́ káámɛ ɛ́ɛ́: “Kaapísukɛ́t é kiimb kí Silowé.” Imɔ́kɔ́l iŋilí imányaápísukɛ́t Silowé imóóndó ɛ́ kuɛ́nɛn.» 12Póokoówun wɔ́ ɛ́ɛ́: «Wɛɛ́tɛ Yésus naánɛ́?» Wɔ́ kɔ́ɔ́p ɛ́ɛ́: «Indipá imenyen.»
13Páayɔɔk na mɔɔnd umaápá ne pipúte ku Pafalisiɛ́ŋ. 14Puɔ́sí Yésus mɔɔ́tɔ́pɔ́ pilɛp é kufuun eŋís í epútepute mapá puɔ́s pú sápat. 15Pafalisiɛ́ŋ póokoówun kɔ́kɔ́ɔ́p ɛ́ɛ́ tiɛkíɛ́ wɛ́ɛ́nyɛ́ɛ́l ɛ́ɛ́ eŋís yɛ́ɛ́yɛ́ pífuun. Wɔ́ kɔ́ɔ́p ɛ́ɛ́: «Usiŋgúkulit pilɛp ké eŋís, imápísukɛ́t, imóondó ɛ́ kuɛ́nɛn.» 16Ɛ́kikɛtɛ́kɛtɛ́ɛ kí Pafalisiɛ́ŋ, epe ɔ́ɔ́yɔ ɛ́ɛ́: «Mɔɔnd ewe tipá wɔɔŋɔn ó kikotí kí sápat, utipá mɔɔnd u Támbák.» Pólotí ɔ́ɔ́yɔ ɛ́ɛ́: «Tiɛkíɛ́ afalfál nyɛ́ pɛ́kuɛl pilɔŋ pí melinsí asɛ epie?» Póond á kupísala pɔ́ɔ nɔ pɔ́ɔ. 17pákanyi andá ké epútepute ɛ́ɛ́: «Aŋúɛ ɔɔ́kɔɔyɔ ɛ́ɛ́ kiákí ó pusíó pú sɔ́k usiékufuun eŋís?» Wɔ́ ɛ́ɛ́: «Eŋémímekélíé má Támbák wɔ́.» 18Pɔkɔ́n pɛ́ Pɛyúútɛn péen kuátap ɛ́ɛ́ waápá ne pipúte ukanyɛɛ́ kuɛ́nɛn. Páapílikɛn kɔk pepíényí pɛ́ɛ́yɛ́. 19Póokoówun pepíényí iŋówúnín eye: «Kémuémue mɔɔnd ewé nyɛ muɔ́nɔ́ waanɔ́ nuɛlɛnɛ́ɛ ɛ́ɛ́ pémepién wɔ́ epútepute á? Tiɛkíɛ́ wɛɛ́nɛnɛ́ɛ nínúan?» 20Pepíényí kɔ́ɔ́p ɛ́ɛ́: «tuémenyen ɛ́ɛ́ muɔ́nɔ́ waasɔ́ wɔ́, tumepíén wɔ́ epútepute. 21Maná tutipá tumenyen kiákí kímɛ́nyɛɛlɛ́ ɛ́ɛ́ woond ɛ́ kuɛ́nɛn. Tutipá tumenyen mɔɔnd úményeéŋúkí wɔ́. Ónuówón wɔ́, ukanyi késíkés ɛ́ únuóndinyonyi wɔ́ muɛ́t.» 22Pepíényí pɛ́ɛ́yɛ́ makálá nɔ́ á kiákí ɛ́ɛ́ pemetííné pɔkɔ́n pɛ́ Pɛyúútɛn. Pámapá pamámaná akútikan ɛ́ɛ́ ewú ne ewú utɛtɛnɛ́ ɛ́ɛ́ Yésuse unyɛɛ́ Kilíise, utiandá epíkin kɔ́ɔ́p á kiansi kí imbísókólí. 23púúpɔ́ pepíényí mɔɔ́yɛ́t ɛ́ɛ́: «Ukanyi késíkés ónuówón wɔ́ muɛ́t.»
24Pafalisiɛ́ŋ páand apílikɛn mɔɔnd umɛɛ́l kupá epútepute; pɔ́ kɛ́ɛ́yɛ́ ɛ́ɛ́: «Ekí Támbákɛ́ɛ nuúmu! Pasɔ́ tuémenyen ɛ́ɛ́ mɔɔnd ukáánɛ́ nyɛ afalfál.» 25Wɔ́ kɔ́ɔ́p ɛ́ɛ́: «Indipá imenyen índɛ unyɛ afalfál; yeémenyen puandá táŋ púmoómí: yaápá epútepute, nínúan yɛɛ́kɛɛ́nɛn.» 26Pɔ́ kɛ́ɛ́yɛ́ ɛ́ɛ́: «kiákí usiɛ́kɛl? Tiɛkíɛ́ usiékufuun eŋís?» 27Wɔ́ kɔ́ɔ́p ɛ́ɛ́: «Insiaman ɔnúɔ́yɔn wɔ́ɔ́s, tɛ ɛ́ɛ́ núpítɔ́likinɛ! kiákí nuambanɛ́ɛ kuand kuɔ́p aná insiɔ́kɔɔyɔ? Nuákamba panɔ́ kákáánɔ́ kúɛ́yɛ́ popíónyí pɛ́ɛ́yɛ́ á?» 28Pafalisiɛ́ŋ póond á kusikan wɔ́ pɔ́ɔ́yɔ ɛ́ɛ́: «Aŋúɛ ɛnyɛɛ́ opíónyí wɛɛyɛ́! Pasɔ́ tuɔ́kɔŋɔn ó Moyíis. 29Tuémenyen ɛ́ɛ́ Támbák makálá no Moyíis. Waawɔ sɔ́k ukáánɛ́ tutipá tumenyen niólín níɛ́yɛ́!» 30Mɔɔnd ukáánɛ́ woondinyi pɔ́ ɛ́ɛ́: «Kákáánɛ́ kɔk insímilené ɛ́ɛ́ nutipá numenyen niólín níɛ́yɛ́, naánɛ́ kɔk ɛ́ɛ́ usimfuun eŋís! 31Tuémenyen ɛ́ɛ́ Támbák tipá upítɔ́likɔn pafalfal, maná índɛ mɔɔnd épíekenyi kɛ́ɛ́yɛ́ woond wɛɛlɛ epú wɔɔyɔɔnɛ́ɛ, Támbák ɔ́ɔ́pítɔ́likɔn wɔ́. 32Tɛ puɔ́s tumapása tutiɔ́p ɛ́ɛ́ mɔɔnd méfuún eŋís yá mɔɔnd pémeépíén ne pipúte. 33Mɔɔnd ukáánɛ́ sɔ́tɔ utiɛlɛ́ u Támbák, utisíɛ́l tɛ puandá.» 34Pɔ́ɔpíkɔ́l wɔ́, pɔ́ kɛ́ɛ́yɛ́ ɛ́ɛ́: «Péékupíénée, anyɛ aŋúɛ wuum á kifal, aŋúɛ óositúónyónye á?» Páatɔ́ɔt wɔ́ kɔ́ ɔɔ́nd.
35Púanyaámɛ́n Yésuse kí itú ɛ́ɛ́ Pafalisiɛ́ŋ mákúŋɛ́t wɔ́. Yésuse waayɔɔk ɛ́ɛ́ wɛɛ́n wɔ́, wɔ́ kɛ́ɛ́yɛ́ ɛ́ɛ́: «Aŋúɛ oópíóndonyi ɔtɛ́m nɔ muɔ́nɔ́ u mɔɔnd á?» 36Woondinyi Yésuse ɛ́ɛ́: «Ɔkɔ́n, ɛ́nyɛ́ wɔ, ɛ́ɛ́ ímbíóndonyi ɔtɛ́m nɛɛyɛ́?» 37Yésuse kɛ́ɛ́yɛ́ ɛ́ɛ́: «Ɛmɛ́ɛ́n wɔ́, sɔ́k ewú ukukálanɛ́ɛ!» 38Mɔɔnd kanyi ɛ́ɛ́: «Ɔkɔ́n, yoópíóndonyi ɔtɛ́m.» Weesukin wɔ́ tunúú e kúúsí. 39Yésus kanyi kɔk ɛ́ɛ́: «Imoól e kúúsí ekue ó pusíó pú imbakɛ́, inyɛɛ́ ɛ́ɛ́ epé páányípá pɛ́tiɛnɛn óond ɛ́ kuɛ́nɛn, pɔsɔ́k pɛ́ɛ́nɛnɛ́ kuan pipúte.» 40Pafalisiɛ́ŋ pámaápá kɔ́ɔk pɔ́ɔ́kɔɔ́p aná Yésus maákálá, póokoówun wɔ́ ɛ́ɛ́: «Púnyakɛɛ́ pasɔ́ kákáásɔ́ tunyɛ ne pipúte á?» 41Yésuse woondinyi pɔ́ ɛ́ɛ́: «Nusɔ́tɔ nupá pepútepute, nutisiápá na pifal. Maná, nínúan nuɛ́pí ɛ́ɛ́ “tuɛ́kɛɛ́nɛn”: pifal píánɔ́ yá pɔkɔ́.»
ទើបបានជ្រើសរើសហើយ៖
Isáaŋ 9: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 9
9
Yésus méŋúkí epútepute
1Yésus mɛɛlɛ́ úkatápúkan, wɛɛ́n mɔɔnd pémeépíén wɔ́ ne pipúte. 2Popíónyí pɛ́ɛ́yɛ́ póokoówun wɔ́ iŋówúnín eye: «Oŋónyóonyi, ɛ́nyɛ́ umɛɛ́lɛ́ kipínanɔ́ ɛ́ɛ́ mɔɔnd ewe pépíen wɔ́ ne pipúte, wɔ́ ééy, pepíényí pɛ́ɛ́yɛ́?» 3Yésuse woondinyi ɛ́ɛ́: «Tɛ wɔ́ tɛ pepíényí pɛ́ɛ́yɛ́, omotí tipá no puónyi kɔ́ɔk. Púnyɛ kɔ́ɔ́m ɛ́ɛ́ pukaaka pú Támbák pítíínyi kɛ́ɛ́yɛ́! 4Tuɛ́kɛɛsikɛnɛn kukɔtɔn sɔ́k umiíndɔ́m nɔ puɔ́s, mɔɔnd tipá ukɔtɔ ne putúk. 5Aná imanyɛɛ́ e kúúsí ekué, niŋúɛ inyɛɛ́ kisie kí kúúsí.» 6Yésus mɛɛlɛ́ umanan akála nɔ́, weetúun pitelu e kúúsí woond ɔ́ kutɔ́pɔ pilɛp ne pitelu píɛ́yɛ́ weewúénen pɛ́ɛ ké eŋís í epútepute. 7Wɔ́ kɛ́ɛ́yɛ́ ɛ́ɛ́: «Kaapísuká é kiimb kí Silowé» anakáánɛ́ kúnyɛɛ́ ɛ́ɛ́ Atúmánɛ́ɛ. Epútepute waayɔɔk waanyapísukɛ́t, ó kuosiondó ukanyɛɛ́ kuɛ́nɛn.
8Mufák múɛ́yɛ́ nɛ pɛɛnd pámaápá pɛ́ɛ́nɛn wɔ́ insúá ɔnyɔ́l uyɛ́pɛ, pópíówon ɛ́ɛ́: «Utipá mɔɔnd ewe wáányípá ɔnyɔ́l uyɛ́pɛ akɛ wɔ́ á?» 9Epe ɔ́ɔ́yɔ ɛ́ɛ́: «wɔ́ wɔ́ sá!» Pómotí ɔ́ɔ́yɔ ɛ́ɛ́: «Aákóo, imfuényé yɛ.» Epútepute nɔtɔ yá: «Niŋú muɛ́t wɔ́.» 10Póokoówun wɔ́ kɔk ɛ́ɛ́: «Tíɛkíɛ́ akanyɛɛ́ kuɛ́nɛn?» 11Wɔ́ kɔ́ɔ́p ɛ́ɛ́: «Mɔɔnd pápílanɛ́ ɛ́ɛ́ Yésuse siɔtɔ́pɛt pilɛp, umíŋgukúlít pɛ́ɛ ké eŋís, wɔ́ káámɛ ɛ́ɛ́: “Kaapísukɛ́t é kiimb kí Silowé.” Imɔ́kɔ́l iŋilí imányaápísukɛ́t Silowé imóóndó ɛ́ kuɛ́nɛn.» 12Póokoówun wɔ́ ɛ́ɛ́: «Wɛɛ́tɛ Yésus naánɛ́?» Wɔ́ kɔ́ɔ́p ɛ́ɛ́: «Indipá imenyen.»
13Páayɔɔk na mɔɔnd umaápá ne pipúte ku Pafalisiɛ́ŋ. 14Puɔ́sí Yésus mɔɔ́tɔ́pɔ́ pilɛp é kufuun eŋís í epútepute mapá puɔ́s pú sápat. 15Pafalisiɛ́ŋ póokoówun kɔ́kɔ́ɔ́p ɛ́ɛ́ tiɛkíɛ́ wɛ́ɛ́nyɛ́ɛ́l ɛ́ɛ́ eŋís yɛ́ɛ́yɛ́ pífuun. Wɔ́ kɔ́ɔ́p ɛ́ɛ́: «Usiŋgúkulit pilɛp ké eŋís, imápísukɛ́t, imóondó ɛ́ kuɛ́nɛn.» 16Ɛ́kikɛtɛ́kɛtɛ́ɛ kí Pafalisiɛ́ŋ, epe ɔ́ɔ́yɔ ɛ́ɛ́: «Mɔɔnd ewe tipá wɔɔŋɔn ó kikotí kí sápat, utipá mɔɔnd u Támbák.» Pólotí ɔ́ɔ́yɔ ɛ́ɛ́: «Tiɛkíɛ́ afalfál nyɛ́ pɛ́kuɛl pilɔŋ pí melinsí asɛ epie?» Póond á kupísala pɔ́ɔ nɔ pɔ́ɔ. 17pákanyi andá ké epútepute ɛ́ɛ́: «Aŋúɛ ɔɔ́kɔɔyɔ ɛ́ɛ́ kiákí ó pusíó pú sɔ́k usiékufuun eŋís?» Wɔ́ ɛ́ɛ́: «Eŋémímekélíé má Támbák wɔ́.» 18Pɔkɔ́n pɛ́ Pɛyúútɛn péen kuátap ɛ́ɛ́ waápá ne pipúte ukanyɛɛ́ kuɛ́nɛn. Páapílikɛn kɔk pepíényí pɛ́ɛ́yɛ́. 19Póokoówun pepíényí iŋówúnín eye: «Kémuémue mɔɔnd ewé nyɛ muɔ́nɔ́ waanɔ́ nuɛlɛnɛ́ɛ ɛ́ɛ́ pémepién wɔ́ epútepute á? Tiɛkíɛ́ wɛɛ́nɛnɛ́ɛ nínúan?» 20Pepíényí kɔ́ɔ́p ɛ́ɛ́: «tuémenyen ɛ́ɛ́ muɔ́nɔ́ waasɔ́ wɔ́, tumepíén wɔ́ epútepute. 21Maná tutipá tumenyen kiákí kímɛ́nyɛɛlɛ́ ɛ́ɛ́ woond ɛ́ kuɛ́nɛn. Tutipá tumenyen mɔɔnd úményeéŋúkí wɔ́. Ónuówón wɔ́, ukanyi késíkés ɛ́ únuóndinyonyi wɔ́ muɛ́t.» 22Pepíényí pɛ́ɛ́yɛ́ makálá nɔ́ á kiákí ɛ́ɛ́ pemetííné pɔkɔ́n pɛ́ Pɛyúútɛn. Pámapá pamámaná akútikan ɛ́ɛ́ ewú ne ewú utɛtɛnɛ́ ɛ́ɛ́ Yésuse unyɛɛ́ Kilíise, utiandá epíkin kɔ́ɔ́p á kiansi kí imbísókólí. 23púúpɔ́ pepíényí mɔɔ́yɛ́t ɛ́ɛ́: «Ukanyi késíkés ónuówón wɔ́ muɛ́t.»
24Pafalisiɛ́ŋ páand apílikɛn mɔɔnd umɛɛ́l kupá epútepute; pɔ́ kɛ́ɛ́yɛ́ ɛ́ɛ́: «Ekí Támbákɛ́ɛ nuúmu! Pasɔ́ tuémenyen ɛ́ɛ́ mɔɔnd ukáánɛ́ nyɛ afalfál.» 25Wɔ́ kɔ́ɔ́p ɛ́ɛ́: «Indipá imenyen índɛ unyɛ afalfál; yeémenyen puandá táŋ púmoómí: yaápá epútepute, nínúan yɛɛ́kɛɛ́nɛn.» 26Pɔ́ kɛ́ɛ́yɛ́ ɛ́ɛ́: «kiákí usiɛ́kɛl? Tiɛkíɛ́ usiékufuun eŋís?» 27Wɔ́ kɔ́ɔ́p ɛ́ɛ́: «Insiaman ɔnúɔ́yɔn wɔ́ɔ́s, tɛ ɛ́ɛ́ núpítɔ́likinɛ! kiákí nuambanɛ́ɛ kuand kuɔ́p aná insiɔ́kɔɔyɔ? Nuákamba panɔ́ kákáánɔ́ kúɛ́yɛ́ popíónyí pɛ́ɛ́yɛ́ á?» 28Pafalisiɛ́ŋ póond á kusikan wɔ́ pɔ́ɔ́yɔ ɛ́ɛ́: «Aŋúɛ ɛnyɛɛ́ opíónyí wɛɛyɛ́! Pasɔ́ tuɔ́kɔŋɔn ó Moyíis. 29Tuémenyen ɛ́ɛ́ Támbák makálá no Moyíis. Waawɔ sɔ́k ukáánɛ́ tutipá tumenyen niólín níɛ́yɛ́!» 30Mɔɔnd ukáánɛ́ woondinyi pɔ́ ɛ́ɛ́: «Kákáánɛ́ kɔk insímilené ɛ́ɛ́ nutipá numenyen niólín níɛ́yɛ́, naánɛ́ kɔk ɛ́ɛ́ usimfuun eŋís! 31Tuémenyen ɛ́ɛ́ Támbák tipá upítɔ́likɔn pafalfal, maná índɛ mɔɔnd épíekenyi kɛ́ɛ́yɛ́ woond wɛɛlɛ epú wɔɔyɔɔnɛ́ɛ, Támbák ɔ́ɔ́pítɔ́likɔn wɔ́. 32Tɛ puɔ́s tumapása tutiɔ́p ɛ́ɛ́ mɔɔnd méfuún eŋís yá mɔɔnd pémeépíén ne pipúte. 33Mɔɔnd ukáánɛ́ sɔ́tɔ utiɛlɛ́ u Támbák, utisíɛ́l tɛ puandá.» 34Pɔ́ɔpíkɔ́l wɔ́, pɔ́ kɛ́ɛ́yɛ́ ɛ́ɛ́: «Péékupíénée, anyɛ aŋúɛ wuum á kifal, aŋúɛ óositúónyónye á?» Páatɔ́ɔt wɔ́ kɔ́ ɔɔ́nd.
35Púanyaámɛ́n Yésuse kí itú ɛ́ɛ́ Pafalisiɛ́ŋ mákúŋɛ́t wɔ́. Yésuse waayɔɔk ɛ́ɛ́ wɛɛ́n wɔ́, wɔ́ kɛ́ɛ́yɛ́ ɛ́ɛ́: «Aŋúɛ oópíóndonyi ɔtɛ́m nɔ muɔ́nɔ́ u mɔɔnd á?» 36Woondinyi Yésuse ɛ́ɛ́: «Ɔkɔ́n, ɛ́nyɛ́ wɔ, ɛ́ɛ́ ímbíóndonyi ɔtɛ́m nɛɛyɛ́?» 37Yésuse kɛ́ɛ́yɛ́ ɛ́ɛ́: «Ɛmɛ́ɛ́n wɔ́, sɔ́k ewú ukukálanɛ́ɛ!» 38Mɔɔnd kanyi ɛ́ɛ́: «Ɔkɔ́n, yoópíóndonyi ɔtɛ́m.» Weesukin wɔ́ tunúú e kúúsí. 39Yésus kanyi kɔk ɛ́ɛ́: «Imoól e kúúsí ekue ó pusíó pú imbakɛ́, inyɛɛ́ ɛ́ɛ́ epé páányípá pɛ́tiɛnɛn óond ɛ́ kuɛ́nɛn, pɔsɔ́k pɛ́ɛ́nɛnɛ́ kuan pipúte.» 40Pafalisiɛ́ŋ pámaápá kɔ́ɔk pɔ́ɔ́kɔɔ́p aná Yésus maákálá, póokoówun wɔ́ ɛ́ɛ́: «Púnyakɛɛ́ pasɔ́ kákáásɔ́ tunyɛ ne pipúte á?» 41Yésuse woondinyi pɔ́ ɛ́ɛ́: «Nusɔ́tɔ nupá pepútepute, nutisiápá na pifal. Maná, nínúan nuɛ́pí ɛ́ɛ́ “tuɛ́kɛɛ́nɛn”: pifal píánɔ́ yá pɔkɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL