Isáaŋ 21
21
Kipítíínye kí Yésus á masíá mé kiimb
1É kélém kúɛ́yɛ́, Yésuse waand epítíínyi ó popíónyí á masíá má asaá ú Tipeliyáat. Índɛ́, yá anɛ umeépítíínyi. 2Ne Símun Píɛ́l, na Túmas pápílanɛ́ wɔ́ ɛ́ɛ́ ɛpɛ́sɛpɛsɛ, na Natanayɛ́l u Káná é kiénsi kí kúúsí kí Kalilée, na paán pé Sépété no popíónyí pómotí páandɛ́ mapá ɔlɔŋ. 3Símun Píɛ́lɛ kɔ́ɔ́p ɛ́ɛ́: «Yíip kɔ́ ɔlɔk.» Pɔ́ kɛ́ɛ́yɛ́ ɛ́ɛ́: «Túup naawɔ.» Páakaám pɔ́ peem, páamákat ó kitóóŋ, é putúk pukáánɛ́, tɛ ɔɔŋɔ́ pátimapát. 4Kiɛmɛ́ɛm, Yésuse etényí á kiŋɛndiŋɛnd, popíónyí tɛ ɛ́ɛ́ pémenyi wɔ́. 5Wɔ́ kɔ́ɔ́p ɛ́ɛ́: «Paápayu, nutipá nɔ yɔɔpɔ́ akáánɛ́ á?» Pɔ́ kɛ́ɛ́yɛ́ ɛ́ɛ́: «Aákóo.» 6Ukanyi kɔ́ɔ́p ɛ́ɛ́: «Ánutɔ́ɔ́t puolí kiáyí kiinɛ́m kí kitóóŋ, nukaná apia.» Póombin puolí, pikɔ́ɔ́kítɛ́n faká, muɔpɔ́ múapíányɛn pɔ́ kukɔ́ɔ́kɛt. 7Opíónyí Yésus maápá usol kuɔyɔ kanyi ɛ́ Píɛ́l ɛ́ɛ́: «Ɔkɔ́n wɔ́!» Aná umɔɔ́p ɛ́ɛ́ Ɔkɔ́n wɔ́, Símun Píɛ́lɛ waapíák insunú á kiákí ɛ́ɛ́ umapá nuɔ́l kutɔɔ́; woopíómbin ó moomb. 8Popíónyí pémeésíén póósíóndó no kitóóŋ, pɔ́kɔ́ɔ́kɔ puolí puwóónón nɔ muɔpɔ́; pátimapá kaáyɛ́ na kiŋɛndiŋɛnd, púmapá puandá asɛ ambak ú pamítɛ. 9Péselen e kúúsí, póosikóókí muɔpɔ́ mutálán é yiik, kilɛ́ɛt kitɔ́píkɔ́n. 10Yésuse kɔ́ɔ́p ɛ́ɛ́: «Ónuól nɔ muɔpɔ́ númɛ́nyɛɛ́kɛ́t kuɛtikɛn.» 11Símun Píɛ́l mákatan kumákatan ó kitóóŋ, wɔɔkɔ́ɔ́kɛt puolí e kúúsí, puwóónón kuwóónon nɔ muɔpɔ́ muukɔ́n, ambak ne etín áandɛ́ na múát na mútátɔ́; tɛ aná múmeéteké mútimalaf puolí. 12Yésuse kɔ́ɔ́p ɛ́ɛ́: «Ánuasínyáan.» Tɛ opíónyí omoómí ukumak kuówun wɔ́ ɛ́ɛ́: «Aŋúɛ ɛ́nyɛ́ wɔ́?» Pémenyen pɔ́ peem ɛ́ɛ́ Ɔkɔ́n wɔ́. 13Yésuse woól; wɔɔkɔ́l kilɛ́ɛt weeki pɔ́; waand ɔkɔ́l yɔɔpɔ́ weeki pɔ́. 14Púmapá kisikɛl kí kátátúɛ́ kikáánɛ́ Yésus meépítíínyí ó popíónyí pɛ́ɛ́yɛ́ aká umɛɛ́nyɔ́k á pilɔ́ŋ.
Pusɔ́m pú Píɛ́l
15Kupíyak manana, Yésus kanyi é Símun Píɛ́l ɛ́ɛ́: «Símun, muɔ́nɔ́ u Isáaŋ, púnyɛ akɛ ɔɔ́kiŋɔyɔ á?» «Ɛ́ɛ́ɛ, Ɔkɔ́n, eémenyen ɛ́ɛ́ yɔɔ́kuɔyɔ». Yésuse kɛ́ɛ́yɛ́ ɛ́ɛ́: «Oyósí mutúúmbɛ́túúmbɛ́ɛ múámɛ.» 16Yésuse waand kuówun wɔ́ kúkándíɛ ɛ́ɛ́: «Símun, muɔ́nɔ́ u Isáaŋ, ɔɔ́kiŋɔyɔ á?» Woondinyi ɛ́ɛ́: «Ɛ́ɛ́ɛ, Ɔkɔ́n, eémenyen ɛ́ɛ́ yɔɔ́kuɔyɔ.» Yésus kanyi ɛ́ɛ́: «Kííká pitúúmbɛ́ɛ píámɛ.» 17Umáand kuówun kúkátátúɛ: «Símun, muɔ́nɔ́ u Isáaŋ, ɔɔ́kiŋɔyɔ á?» Píɛ́lɛ waapia insíkíl ɛ́ɛ́ Yésus máand kuówun kúkátátúɛ ɛ́ɛ́: «Ɔɔ́kiŋɔyɔ á?» Wɔ́ kɛ́ɛ́yɛ́ ɛ́ɛ́: «Ɔkɔ́n, puandá na puandá eleemené tipá, eémenyen wɔ́ɔ́sí ɛ́ɛ́ yɔɔ́kuɔyɔ.» Yésus kanyi kɛ́ɛ́yɛ́ ɛ́ɛ́: «Oyósí pitúúmbɛ́ɛ píámɛ. 18Yɔɔ́kuɔyɔn kémuémue ɛ́ɛ́, aká amaápá amanyi kiɔmfɔ́, apísɔɔk kiamaám kíáwɔ, tɛ naán ayɔɔk; aká ekeényílun, akaápá eetukenyi imbɔ́k sɔ́k olotí kusɔɔk kiamaám, woól úkuendesí á kɔ́ɔ́p kɔɔ́mɔ atiánípá ɔɔyɔ.» 19Yésus makálá anakáánɛ́ é kutíínyi pilɔŋ pí nikú Píɛ́l ɛ́ɛsikɛnɛnɛ́ kukú é kueki Támbákɛ́ɛ nuúmu. Yésus mɛɛl úmáákálɛt anakáánɛ́, wɔ́ ɛ́ Píɛ́l ɛ́ɛ́: «Ɔŋɔ́ káámɛ.»
Ne Yésus no opíónyí umoósól kuɔyɔ
20Píɛ́lɛ wɛɛpíkɛkɛlɛt, wɛɛ́n opíónyí Yésus moósól kuɔyɔ, ewú umɔɔ́lɔŋimitɛn wɔ́ ké etú aká pámaányáan ó kuówun ɛ́ɛ́: «Ɔkɔ́n, ɛ́nyɛ́ ukɛɛ́nyíkusɛm?» 21Píɛ́l mɛɛlɛ́ wɛɛ́nɛn wɔ́ ukanyi é Yésus ɛ́ɛ́: «Ɔkɔ́n, ewe ée, kiákí kíkaányáámɛn wɔ́?» 22Yésuse woondinyi wɔ́ ɛ́ɛ́: «Índɛ insiɔpílɔ́ŋɔ ɛ́ úpá kuám á kuand kuól kúámɛ, púkuséésitenyi á? Aŋúɛ ɔŋɔ́ káamɛ kɔ́ɔ́m.» 23Kákáánɛ́ embííŋunyi maásíák kɔ́ ɔlɔŋ ú popíónyí ɛ́ɛ́ opíónyí ukáánɛ́ tiényikú. Kí indɛ́ndɛ́nɛ, Yésus timɔɔyɛt ɛ́ɛ́ utiényikú, umɛɛlɛ́ ɛ́ɛ́: «Índɛ insiɛl ɛ́ɛ́ úpá kuám á kuand kuól kúámɛ, púkuséésitenyi á?»
24Opíónyí ukáánɛ́ utétunyenyé moónyi makáánɛ́ woond wɔɔ́ŋɔ mɔ; tuond tumenyen ɛ́ɛ́ kutetunyi kúɛ́yɛ́ nyɛ kémuémue.
25Yésus máándá kuɛl maandá puólíkóoli: índɛ pɔ́siɔ́ŋɔ mɔ́ púmoómí púmoómíe, pakálatɛ pɔ́siɔ́ŋɔnɛ́ɛ síányɛ́ɛn kúúsí kuum, yaápítááka nɔ.
ទើបបានជ្រើសរើសហើយ៖
Isáaŋ 21: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 21
21
Kipítíínye kí Yésus á masíá mé kiimb
1É kélém kúɛ́yɛ́, Yésuse waand epítíínyi ó popíónyí á masíá má asaá ú Tipeliyáat. Índɛ́, yá anɛ umeépítíínyi. 2Ne Símun Píɛ́l, na Túmas pápílanɛ́ wɔ́ ɛ́ɛ́ ɛpɛ́sɛpɛsɛ, na Natanayɛ́l u Káná é kiénsi kí kúúsí kí Kalilée, na paán pé Sépété no popíónyí pómotí páandɛ́ mapá ɔlɔŋ. 3Símun Píɛ́lɛ kɔ́ɔ́p ɛ́ɛ́: «Yíip kɔ́ ɔlɔk.» Pɔ́ kɛ́ɛ́yɛ́ ɛ́ɛ́: «Túup naawɔ.» Páakaám pɔ́ peem, páamákat ó kitóóŋ, é putúk pukáánɛ́, tɛ ɔɔŋɔ́ pátimapát. 4Kiɛmɛ́ɛm, Yésuse etényí á kiŋɛndiŋɛnd, popíónyí tɛ ɛ́ɛ́ pémenyi wɔ́. 5Wɔ́ kɔ́ɔ́p ɛ́ɛ́: «Paápayu, nutipá nɔ yɔɔpɔ́ akáánɛ́ á?» Pɔ́ kɛ́ɛ́yɛ́ ɛ́ɛ́: «Aákóo.» 6Ukanyi kɔ́ɔ́p ɛ́ɛ́: «Ánutɔ́ɔ́t puolí kiáyí kiinɛ́m kí kitóóŋ, nukaná apia.» Póombin puolí, pikɔ́ɔ́kítɛ́n faká, muɔpɔ́ múapíányɛn pɔ́ kukɔ́ɔ́kɛt. 7Opíónyí Yésus maápá usol kuɔyɔ kanyi ɛ́ Píɛ́l ɛ́ɛ́: «Ɔkɔ́n wɔ́!» Aná umɔɔ́p ɛ́ɛ́ Ɔkɔ́n wɔ́, Símun Píɛ́lɛ waapíák insunú á kiákí ɛ́ɛ́ umapá nuɔ́l kutɔɔ́; woopíómbin ó moomb. 8Popíónyí pémeésíén póósíóndó no kitóóŋ, pɔ́kɔ́ɔ́kɔ puolí puwóónón nɔ muɔpɔ́; pátimapá kaáyɛ́ na kiŋɛndiŋɛnd, púmapá puandá asɛ ambak ú pamítɛ. 9Péselen e kúúsí, póosikóókí muɔpɔ́ mutálán é yiik, kilɛ́ɛt kitɔ́píkɔ́n. 10Yésuse kɔ́ɔ́p ɛ́ɛ́: «Ónuól nɔ muɔpɔ́ númɛ́nyɛɛ́kɛ́t kuɛtikɛn.» 11Símun Píɛ́l mákatan kumákatan ó kitóóŋ, wɔɔkɔ́ɔ́kɛt puolí e kúúsí, puwóónón kuwóónon nɔ muɔpɔ́ muukɔ́n, ambak ne etín áandɛ́ na múát na mútátɔ́; tɛ aná múmeéteké mútimalaf puolí. 12Yésuse kɔ́ɔ́p ɛ́ɛ́: «Ánuasínyáan.» Tɛ opíónyí omoómí ukumak kuówun wɔ́ ɛ́ɛ́: «Aŋúɛ ɛ́nyɛ́ wɔ́?» Pémenyen pɔ́ peem ɛ́ɛ́ Ɔkɔ́n wɔ́. 13Yésuse woól; wɔɔkɔ́l kilɛ́ɛt weeki pɔ́; waand ɔkɔ́l yɔɔpɔ́ weeki pɔ́. 14Púmapá kisikɛl kí kátátúɛ́ kikáánɛ́ Yésus meépítíínyí ó popíónyí pɛ́ɛ́yɛ́ aká umɛɛ́nyɔ́k á pilɔ́ŋ.
Pusɔ́m pú Píɛ́l
15Kupíyak manana, Yésus kanyi é Símun Píɛ́l ɛ́ɛ́: «Símun, muɔ́nɔ́ u Isáaŋ, púnyɛ akɛ ɔɔ́kiŋɔyɔ á?» «Ɛ́ɛ́ɛ, Ɔkɔ́n, eémenyen ɛ́ɛ́ yɔɔ́kuɔyɔ». Yésuse kɛ́ɛ́yɛ́ ɛ́ɛ́: «Oyósí mutúúmbɛ́túúmbɛ́ɛ múámɛ.» 16Yésuse waand kuówun wɔ́ kúkándíɛ ɛ́ɛ́: «Símun, muɔ́nɔ́ u Isáaŋ, ɔɔ́kiŋɔyɔ á?» Woondinyi ɛ́ɛ́: «Ɛ́ɛ́ɛ, Ɔkɔ́n, eémenyen ɛ́ɛ́ yɔɔ́kuɔyɔ.» Yésus kanyi ɛ́ɛ́: «Kííká pitúúmbɛ́ɛ píámɛ.» 17Umáand kuówun kúkátátúɛ: «Símun, muɔ́nɔ́ u Isáaŋ, ɔɔ́kiŋɔyɔ á?» Píɛ́lɛ waapia insíkíl ɛ́ɛ́ Yésus máand kuówun kúkátátúɛ ɛ́ɛ́: «Ɔɔ́kiŋɔyɔ á?» Wɔ́ kɛ́ɛ́yɛ́ ɛ́ɛ́: «Ɔkɔ́n, puandá na puandá eleemené tipá, eémenyen wɔ́ɔ́sí ɛ́ɛ́ yɔɔ́kuɔyɔ.» Yésus kanyi kɛ́ɛ́yɛ́ ɛ́ɛ́: «Oyósí pitúúmbɛ́ɛ píámɛ. 18Yɔɔ́kuɔyɔn kémuémue ɛ́ɛ́, aká amaápá amanyi kiɔmfɔ́, apísɔɔk kiamaám kíáwɔ, tɛ naán ayɔɔk; aká ekeényílun, akaápá eetukenyi imbɔ́k sɔ́k olotí kusɔɔk kiamaám, woól úkuendesí á kɔ́ɔ́p kɔɔ́mɔ atiánípá ɔɔyɔ.» 19Yésus makálá anakáánɛ́ é kutíínyi pilɔŋ pí nikú Píɛ́l ɛ́ɛsikɛnɛnɛ́ kukú é kueki Támbákɛ́ɛ nuúmu. Yésus mɛɛl úmáákálɛt anakáánɛ́, wɔ́ ɛ́ Píɛ́l ɛ́ɛ́: «Ɔŋɔ́ káámɛ.»
Ne Yésus no opíónyí umoósól kuɔyɔ
20Píɛ́lɛ wɛɛpíkɛkɛlɛt, wɛɛ́n opíónyí Yésus moósól kuɔyɔ, ewú umɔɔ́lɔŋimitɛn wɔ́ ké etú aká pámaányáan ó kuówun ɛ́ɛ́: «Ɔkɔ́n, ɛ́nyɛ́ ukɛɛ́nyíkusɛm?» 21Píɛ́l mɛɛlɛ́ wɛɛ́nɛn wɔ́ ukanyi é Yésus ɛ́ɛ́: «Ɔkɔ́n, ewe ée, kiákí kíkaányáámɛn wɔ́?» 22Yésuse woondinyi wɔ́ ɛ́ɛ́: «Índɛ insiɔpílɔ́ŋɔ ɛ́ úpá kuám á kuand kuól kúámɛ, púkuséésitenyi á? Aŋúɛ ɔŋɔ́ káamɛ kɔ́ɔ́m.» 23Kákáánɛ́ embííŋunyi maásíák kɔ́ ɔlɔŋ ú popíónyí ɛ́ɛ́ opíónyí ukáánɛ́ tiényikú. Kí indɛ́ndɛ́nɛ, Yésus timɔɔyɛt ɛ́ɛ́ utiényikú, umɛɛlɛ́ ɛ́ɛ́: «Índɛ insiɛl ɛ́ɛ́ úpá kuám á kuand kuól kúámɛ, púkuséésitenyi á?»
24Opíónyí ukáánɛ́ utétunyenyé moónyi makáánɛ́ woond wɔɔ́ŋɔ mɔ; tuond tumenyen ɛ́ɛ́ kutetunyi kúɛ́yɛ́ nyɛ kémuémue.
25Yésus máándá kuɛl maandá puólíkóoli: índɛ pɔ́siɔ́ŋɔ mɔ́ púmoómí púmoómíe, pakálatɛ pɔ́siɔ́ŋɔnɛ́ɛ síányɛ́ɛn kúúsí kuum, yaápítááka nɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL