Meelie mé Petúmí 28
28
Póole kí iluá í Malte
1Tumɛɛ́lɛ́ tuámána sélélélé ó moomb tuɔkɔɔ́pɛ́ ɛ́ɛ́ ilua ikáánɛ́ tukanyɛɛ́ á yɛ́ɛ nyɛ kisiɛ́nɛ́ ɛ́ Malte. 2Pɔtɔŋutɔ́ŋ pɔ́ɔtúkɔlɔ́ peseé; Aná iŋumu maánuánana puyo óond puɛlɛ, páakumɔ kikɔnyi kí yiik, pátúpílikinɛ ɛ́ tuépiésépé ɔlɔŋɔ́ nɔɔpɔ́. 3Póole waapát tukasi tú kuák é yiik. Maná kupál kú yiik kúɛkɛlɛ́ ɛ́ imfɛny áam á tukasi tukáanɛ ísíkitɛ Póole kɔ́ ɔmbɔk, yoondo é kusuembele. 4Pɔtɔŋɔtɔ́ŋ pí ilua ikáánɛ́ ɛ́nɛnɛ inyɔ́ki suembele kɔ́ ɔmbɔ́k ú Póol póókoond ɔ́ kuɔyɔ pɔ́ɔ nɔ pɔ́ɔ ɛ́ɛ́: «Kémuémue mɔɔnd ewe nyɛ oŋónónin, á kiákí ɛ́ɛ́ tɛ aná wɔ́ɔ́nyípíɔ́k á mááŋ, indɛ́ndɛ́nɛ i Támbák tipá yaátapinan wɔ́ ɛ́ úsɔt.» 5Maná Póole weyikiti iŋɔ́ki ikáaní é yiik, tɛ puandá pú kuɛl wɔ. 6Pɔ́ péépípétenyi ɛ́ Póol kaná kuómo, kúnyi anɛ ukaná ekú yáakáaní; péepétenyi kiandá kí kisikɛl, tɛɛ́ pɛ́ɛ́nɛ puandá pú kilɔk kuɛlɛ wɔ; péeséndi kɔkɔ imbítáákítɛ́n póókoond ɔ́ kuɔyɔ́ ɛ́ɛ́: «Unyi Támbákɛ́ɛ!»
7Atambatámb olotí mapá kɔ́ɔk kisiɛ́nɛ́ ɛ́ Púpilius. Upiana kiénsi kí kúúsí akáání á masia. Wɔɔtúkɔ́l peseé wɛtúnɛkɛ kuɛyɛ metúk mátátɔ́. 8Síí u Pupílius ukáánɛ́ maapá apítímán ɔ́ kikɔkɔ́, ɔsɔ́l ne nipundí ní manɔ́ŋ núma wɔ́. Póole waayɔɔk ɛ́ kuɛ́nɛ́ wu kɔɔ́mɔ umaápá apítímán. Waatal wɔ́ imbɔ́k kɛ́ ɛtɔ́ wopísókoliti wekeéŋuki wɔ. 9É kélém akáánɛ́, epé kitikit pámaanúmá kí ilua ikáaní pókoólono ku Póol, wéŋukesi pɔ. 10Pɛɛnd pɔ́ɔtúkɔ́l ɔ́ niɔlɔ́ á puandá kitikit. Tumɛɛlɛ́ tukanyi ɛ́ túyɔɔk, pátufá epú kitikit púówoné kɛ́ ɛŋɛnd.
Póol mányaám Lóma
11É kélém kú siólí ítátɔ́, tuɔkɔ́l sitíme u pálɛ́k kisiɛ́nɛ́ ɛ́ɛ́ Alɛkɛsandilíi, pápílanɛ́ ɛ́ɛ́: «Pa támbák nipɛ́ɛ́sɛ,» sitíme ukáánɛ́ metépúkí kisikɛl kí puyo puukɔn kí ilua ikáanɛ. 12Tuanyámá á pálɛ́k u Silakús, tuɔlɔp kɔ́ɔk metúkú mátátú. 13Tuatɔk akáanɛ sitíme waasɔ́ ɔ́ɔŋɔn á kiŋidiŋidi kí mááŋ ɛ́ tuám Lésio. Puɔ́sí pú mɔɔ́ŋɔ́ŋɔ, emfúnu ú imbátɛ i kúúsí wóókoond é kufúke, tuɛkɛlɛ metúk máandɛ á kuám Pusólɛs. 14Á pálɛ́k ukáanɛ, tuekítikenyi paandimán páásɔ́ pá kuátap pótuówun ɛ́ɛ́ tútépuki sɔ́ndiɛ omoómí nɔɔpɔ́. Índɛ yá anakáanɛ tumɛ́ɛndɛ́ á kuám Lóma. 15Paandimán páásɔ́ pɛ́nyɛɛ́ Lóma mɛɛlɛ́ pɔ́ɔpɔn ɛ́ɛ́ tuókoólon. Póókoól ó kuositúkólí kɔɔm ó nionyí ní Apiúsu, nɔ kɔɔ́mɔ pápílanɛ́ ɛ́ɛ́ ɔmbíɔyítí átátɔ yé pendí. Póol mɛɛlɛ wɛ́ɛ́nɛ́n pɔ́ɔ, weelémbi Támbákɛ́ɛ, waakand apia kutáam. 16Tuámán Lóma péseŋeliti Póole ɛ́ kíɛ́yɛ́ kiansi ne kisimbi kí kukííka wɔ́.
Póol éékéme insɔ́m yi indámb Lóma
17É kélém kú metúk mátátɔ́, Póole wapílikɛn pefuŋu pé Pɛyúútɛn pá maápá Lóma kuɛyɛ. Pɛ́mɛlɛ́ pápíkúsikanan, Póol kanyi kɔ́pɛ́ ɛ́ɛ́: «Paandimán, indiɛ́lɛ kitɔŋ kíámɛ tɛ puandá, tɛ ó pusíó pú nuu pataatɛ́, tɛ nuu Pɛyúútɛn pɛ́kiŋɛtikini Yelúsalɛm, pɛ́nyisɛmɛ́ kí imbɔ́k sí pɔ ɔŋgɔ́munɛ pó po lomɛ́ŋ. 18Pɛ́mɛlɛ́ pámáamana kuŋówon iŋówúnín, pákanyi ɛ́ɛ́ pííyap, á kiákí ɛ́ɛ́ pɛ́timɛɛ́nɛn tɛ puandá káami ó pusíó pú kumbɛn ɛ́ pííŋɔn. 19Maná Pɛyúútɛn péekén. Puátakání puandá imoówunú ɛ́ɛ́ efuŋ wɔɔkɔ́n u Lóma ínsóósosi. Maná indipá imbiana imbítákitɛn i kusɔ́ɔ́mɔnɔ nikúli niámi. 20Puátakáánɛ́ puandá insiókówun ɛ́ɛ́ túlumene inúɔ́yitɛn. É kémuémue púnyɛ ó pusíó pú ewú Ísilayɛ́l píóndonyé ɔtɛ́m nɛɛyɛ́ inyɛ́ é kiluu ekie.» 21Pɔkɔ́n pɛ́ Pɛyúútɛn pókondinyi wu ɛ́ɛ́: «Tutiápia tɛ ɔmbɔp ómoómí kuólini yuté kááwɔ ó pusíó, tɛ waakúásɔ́ utiólin kɔ́ɔk ɛ́ wáasitútiána puandá pú kilɔk káwɔ ó pusíó. 22Maná tuákaamba ɛ́ átútiána aŋúmuɛ́t epú apítákanɛ́, ɛ́ kuɛlɛ́ tuémenyeneé kɔɔ́mɔ kitikit ɛ́ɛ́ pátipá pɔ́ɔyɔ kiɔpɔ kikáánɛ́ ɛnyɛɛ́ á kɛ́ɛ.» 23Pɔ́ɔkɔ́lɔ indána no Póol, puɔ́s pú indán ásiámána, pókoólo kutek kukányinɛ kú kutúan ɔ́ kɔɔ́mɔ aká umaápá upítiman; kutála kiɛmɛ́mɛ kuáká nɛkisɛ́ndɛ Póol sɛkunɛnɛ pɔ́ maandá. Ukémene pɔ́ pufuŋ pú Támbák, waamba ɛ́ɛ́ úpísinyi pɔ́ ɛ́ɛ́ pópíondi ɔtɛ́m ne Yésus na kulááŋan pɔ́ kikotí kí Moyíis nɔ ɔmbɔp ú peémímekélíe má Támbák. 24Pómotí áátapan epú umɔɔ́yɔ pómotí tiátápan. 25Ákisikili kí kuátukan, tɛ ɛ́ pámámíníni ekelú pɔ́ɔ nɔ pɔ́ɔ, Póole watiana pɔ́ kɔ́ɔm ɛ́ɛ́: «emfúnukufúúmɛ mapián ipán á kisikɛl ekí ú mɔɔ́yɔnɔ pesíí pɔkúnɛ páánɔ́ é niíti ní eŋémímekélié Isayí. 26Úmɔɔ́yɔ́ ɛ́ɛ́:
“Apá kuatián nikúli nikáánɛ́ ɛ́ɛ́:
nuɔ́nyípítɔ́likɔn maná nutiɔ́nyɔɔ́p nuónyíyooson, nutiɛ́nyɛɛ́n.
27Á kiákí ɛ́ɛ́ ɔtɛ́m ú nikúli nikáaní kanyi alúndan pémeépíkíte itú,
pepífuken eŋis, ɛ́ɛ́ pɛ́tiɛ́nɛ ne eŋis yɔ́ɔ́p, pɔ́tiɔ́p ni itú siɔ́p, nɛ kuɛlɛ́ pɔ́tiɔ́p ni itɛ́m siɔ́pɔ ɛ́ɛ́ pátipíkúŋɔn ku Támbák. Akáaní iŋeéŋuki pɔ.”
28«Póole wɔ́ɔ́yikinɛn ɛ́ɛ́: énumenyí pú kɔk, Támbák matɔ́m kisótio kikááni é péépé pátiányípá Pɛyúútɛn, pɔ́ pɔ́nyípítɔ́likɔnɛ́ wɔ.» [29] 30Póole waakanda ɔlɔp tuɔŋ túandɛ á kiansi ekí umɛɛ́lɛndɛ. Ukólosi epí kitikit páyuukanɛ kuɛyɛ́. 31Umapá ukéme pufuŋ pú Támbák, woónyonyi epú púyoosoné Ɔkɔ́n Yésus Kilíise no pipióndinyi ɔtɛ́m tɛ na puandá pú kuséésitenyi wɔ.
ទើបបានជ្រើសរើសហើយ៖
Meelie mé Petúmí 28: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 28
28
Póole kí iluá í Malte
1Tumɛɛ́lɛ́ tuámána sélélélé ó moomb tuɔkɔɔ́pɛ́ ɛ́ɛ́ ilua ikáánɛ́ tukanyɛɛ́ á yɛ́ɛ nyɛ kisiɛ́nɛ́ ɛ́ Malte. 2Pɔtɔŋutɔ́ŋ pɔ́ɔtúkɔlɔ́ peseé; Aná iŋumu maánuánana puyo óond puɛlɛ, páakumɔ kikɔnyi kí yiik, pátúpílikinɛ ɛ́ tuépiésépé ɔlɔŋɔ́ nɔɔpɔ́. 3Póole waapát tukasi tú kuák é yiik. Maná kupál kú yiik kúɛkɛlɛ́ ɛ́ imfɛny áam á tukasi tukáanɛ ísíkitɛ Póole kɔ́ ɔmbɔk, yoondo é kusuembele. 4Pɔtɔŋɔtɔ́ŋ pí ilua ikáánɛ́ ɛ́nɛnɛ inyɔ́ki suembele kɔ́ ɔmbɔ́k ú Póol póókoond ɔ́ kuɔyɔ pɔ́ɔ nɔ pɔ́ɔ ɛ́ɛ́: «Kémuémue mɔɔnd ewe nyɛ oŋónónin, á kiákí ɛ́ɛ́ tɛ aná wɔ́ɔ́nyípíɔ́k á mááŋ, indɛ́ndɛ́nɛ i Támbák tipá yaátapinan wɔ́ ɛ́ úsɔt.» 5Maná Póole weyikiti iŋɔ́ki ikáaní é yiik, tɛ puandá pú kuɛl wɔ. 6Pɔ́ péépípétenyi ɛ́ Póol kaná kuómo, kúnyi anɛ ukaná ekú yáakáaní; péepétenyi kiandá kí kisikɛl, tɛɛ́ pɛ́ɛ́nɛ puandá pú kilɔk kuɛlɛ wɔ; péeséndi kɔkɔ imbítáákítɛ́n póókoond ɔ́ kuɔyɔ́ ɛ́ɛ́: «Unyi Támbákɛ́ɛ!»
7Atambatámb olotí mapá kɔ́ɔk kisiɛ́nɛ́ ɛ́ Púpilius. Upiana kiénsi kí kúúsí akáání á masia. Wɔɔtúkɔ́l peseé wɛtúnɛkɛ kuɛyɛ metúk mátátɔ́. 8Síí u Pupílius ukáánɛ́ maapá apítímán ɔ́ kikɔkɔ́, ɔsɔ́l ne nipundí ní manɔ́ŋ núma wɔ́. Póole waayɔɔk ɛ́ kuɛ́nɛ́ wu kɔɔ́mɔ umaápá apítímán. Waatal wɔ́ imbɔ́k kɛ́ ɛtɔ́ wopísókoliti wekeéŋuki wɔ. 9É kélém akáánɛ́, epé kitikit pámaanúmá kí ilua ikáaní pókoólono ku Póol, wéŋukesi pɔ. 10Pɛɛnd pɔ́ɔtúkɔ́l ɔ́ niɔlɔ́ á puandá kitikit. Tumɛɛlɛ́ tukanyi ɛ́ túyɔɔk, pátufá epú kitikit púówoné kɛ́ ɛŋɛnd.
Póol mányaám Lóma
11É kélém kú siólí ítátɔ́, tuɔkɔ́l sitíme u pálɛ́k kisiɛ́nɛ́ ɛ́ɛ́ Alɛkɛsandilíi, pápílanɛ́ ɛ́ɛ́: «Pa támbák nipɛ́ɛ́sɛ,» sitíme ukáánɛ́ metépúkí kisikɛl kí puyo puukɔn kí ilua ikáanɛ. 12Tuanyámá á pálɛ́k u Silakús, tuɔlɔp kɔ́ɔk metúkú mátátú. 13Tuatɔk akáanɛ sitíme waasɔ́ ɔ́ɔŋɔn á kiŋidiŋidi kí mááŋ ɛ́ tuám Lésio. Puɔ́sí pú mɔɔ́ŋɔ́ŋɔ, emfúnu ú imbátɛ i kúúsí wóókoond é kufúke, tuɛkɛlɛ metúk máandɛ á kuám Pusólɛs. 14Á pálɛ́k ukáanɛ, tuekítikenyi paandimán páásɔ́ pá kuátap pótuówun ɛ́ɛ́ tútépuki sɔ́ndiɛ omoómí nɔɔpɔ́. Índɛ yá anakáanɛ tumɛ́ɛndɛ́ á kuám Lóma. 15Paandimán páásɔ́ pɛ́nyɛɛ́ Lóma mɛɛlɛ́ pɔ́ɔpɔn ɛ́ɛ́ tuókoólon. Póókoól ó kuositúkólí kɔɔm ó nionyí ní Apiúsu, nɔ kɔɔ́mɔ pápílanɛ́ ɛ́ɛ́ ɔmbíɔyítí átátɔ yé pendí. Póol mɛɛlɛ wɛ́ɛ́nɛ́n pɔ́ɔ, weelémbi Támbákɛ́ɛ, waakand apia kutáam. 16Tuámán Lóma péseŋeliti Póole ɛ́ kíɛ́yɛ́ kiansi ne kisimbi kí kukííka wɔ́.
Póol éékéme insɔ́m yi indámb Lóma
17É kélém kú metúk mátátɔ́, Póole wapílikɛn pefuŋu pé Pɛyúútɛn pá maápá Lóma kuɛyɛ. Pɛ́mɛlɛ́ pápíkúsikanan, Póol kanyi kɔ́pɛ́ ɛ́ɛ́: «Paandimán, indiɛ́lɛ kitɔŋ kíámɛ tɛ puandá, tɛ ó pusíó pú nuu pataatɛ́, tɛ nuu Pɛyúútɛn pɛ́kiŋɛtikini Yelúsalɛm, pɛ́nyisɛmɛ́ kí imbɔ́k sí pɔ ɔŋgɔ́munɛ pó po lomɛ́ŋ. 18Pɛ́mɛlɛ́ pámáamana kuŋówon iŋówúnín, pákanyi ɛ́ɛ́ pííyap, á kiákí ɛ́ɛ́ pɛ́timɛɛ́nɛn tɛ puandá káami ó pusíó pú kumbɛn ɛ́ pííŋɔn. 19Maná Pɛyúútɛn péekén. Puátakání puandá imoówunú ɛ́ɛ́ efuŋ wɔɔkɔ́n u Lóma ínsóósosi. Maná indipá imbiana imbítákitɛn i kusɔ́ɔ́mɔnɔ nikúli niámi. 20Puátakáánɛ́ puandá insiókówun ɛ́ɛ́ túlumene inúɔ́yitɛn. É kémuémue púnyɛ ó pusíó pú ewú Ísilayɛ́l píóndonyé ɔtɛ́m nɛɛyɛ́ inyɛ́ é kiluu ekie.» 21Pɔkɔ́n pɛ́ Pɛyúútɛn pókondinyi wu ɛ́ɛ́: «Tutiápia tɛ ɔmbɔp ómoómí kuólini yuté kááwɔ ó pusíó, tɛ waakúásɔ́ utiólin kɔ́ɔk ɛ́ wáasitútiána puandá pú kilɔk káwɔ ó pusíó. 22Maná tuákaamba ɛ́ átútiána aŋúmuɛ́t epú apítákanɛ́, ɛ́ kuɛlɛ́ tuémenyeneé kɔɔ́mɔ kitikit ɛ́ɛ́ pátipá pɔ́ɔyɔ kiɔpɔ kikáánɛ́ ɛnyɛɛ́ á kɛ́ɛ.» 23Pɔ́ɔkɔ́lɔ indána no Póol, puɔ́s pú indán ásiámána, pókoólo kutek kukányinɛ kú kutúan ɔ́ kɔɔ́mɔ aká umaápá upítiman; kutála kiɛmɛ́mɛ kuáká nɛkisɛ́ndɛ Póol sɛkunɛnɛ pɔ́ maandá. Ukémene pɔ́ pufuŋ pú Támbák, waamba ɛ́ɛ́ úpísinyi pɔ́ ɛ́ɛ́ pópíondi ɔtɛ́m ne Yésus na kulááŋan pɔ́ kikotí kí Moyíis nɔ ɔmbɔp ú peémímekélíe má Támbák. 24Pómotí áátapan epú umɔɔ́yɔ pómotí tiátápan. 25Ákisikili kí kuátukan, tɛ ɛ́ pámámíníni ekelú pɔ́ɔ nɔ pɔ́ɔ, Póole watiana pɔ́ kɔ́ɔm ɛ́ɛ́: «emfúnukufúúmɛ mapián ipán á kisikɛl ekí ú mɔɔ́yɔnɔ pesíí pɔkúnɛ páánɔ́ é niíti ní eŋémímekélié Isayí. 26Úmɔɔ́yɔ́ ɛ́ɛ́:
“Apá kuatián nikúli nikáánɛ́ ɛ́ɛ́:
nuɔ́nyípítɔ́likɔn maná nutiɔ́nyɔɔ́p nuónyíyooson, nutiɛ́nyɛɛ́n.
27Á kiákí ɛ́ɛ́ ɔtɛ́m ú nikúli nikáaní kanyi alúndan pémeépíkíte itú,
pepífuken eŋis, ɛ́ɛ́ pɛ́tiɛ́nɛ ne eŋis yɔ́ɔ́p, pɔ́tiɔ́p ni itú siɔ́p, nɛ kuɛlɛ́ pɔ́tiɔ́p ni itɛ́m siɔ́pɔ ɛ́ɛ́ pátipíkúŋɔn ku Támbák. Akáaní iŋeéŋuki pɔ.”
28«Póole wɔ́ɔ́yikinɛn ɛ́ɛ́: énumenyí pú kɔk, Támbák matɔ́m kisótio kikááni é péépé pátiányípá Pɛyúútɛn, pɔ́ pɔ́nyípítɔ́likɔnɛ́ wɔ.» [29] 30Póole waakanda ɔlɔp tuɔŋ túandɛ á kiansi ekí umɛɛ́lɛndɛ. Ukólosi epí kitikit páyuukanɛ kuɛyɛ́. 31Umapá ukéme pufuŋ pú Támbák, woónyonyi epú púyoosoné Ɔkɔ́n Yésus Kilíise no pipióndinyi ɔtɛ́m tɛ na puandá pú kuséésitenyi wɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL