Meelie mé Petúmí 22
22
1Pandimana ne pesíí pamɛ ɔ́nupítɔ́líkínɛ epú inutiananɛ ninuana káámɛ kí insaak. 2Pɛɛnd mɛlɛ pɔpɔnɔ ɛ́ɛ́ Póole áákala na nukál nú Pɛyúútɛn peluŋu yekúlukút. Akáánɛ́ kɔk Póol kani kɔ́ɔ́p ɛ́ɛ́. 3Inyi imbienenbiene i Pɛyúútɛn, epipienen talisi ɔ kitɔŋ kí silisi, maná akɛ yelusalɛm pemiŋelepe, yapia kamaliɛlɛ ɛlɛɛ́ oŋonyonyi. Wuŋonyitonyi kikotí kí pesíí páásɔ́ an kumɛɛ́sikɛnɛn. Ímapa indáma ó pusíó pú Támbák aná panɔ́ nunyɛ naku inanɔ. 4Imenusi kuama é niku, epí pɔmɔŋɔnɔ kí iŋili yi Ɔkɔ́n. Poloti yɛtikɛn pɔ indutana pɔ á kiansi kí imbíne na paakáandɔ́ nɛ pɛɛnúmɛndɔ́. 5Ɔkɔ́n u pɔkɔ́n pá pafunɔ́fɔn nɔ ɔlɔŋ uposiosio nyɛ imboŋ pemenyene ɛ́ɛ́ indipa imbule. Imapia imbɔp símolinono kɔ́ɔ́p kí imbɔk ékuekí paandimán páásɔ́ Pɛyúútɛn pɛ́nyɛɛ́ tamas. Yayukɔ á palikɛ ukáánɛ́ ɛkuɛtikinɛ peétépí ɛ́ɛ́ pesisesitenyi pɔ Yelúsalɛm.
Póol ɔ́kɔyɔ kupíkúŋɔn kúɛyí
6Imasuŋuna kí iŋilí, imɛlɛ iŋanyi mekuye na tamas, kitíkítíkiɛ puandá pú ɔtɛ́m puɔ́si, kiandákand kí kisie kiólini mɛnɛ́mɛnɛ́ɛ kíŋéŋeliti. 7Yakua é kúúsí yɔkɔɔ́pɔ ekelú wúndíánan ɛ́ɛ́: Sóol, Sóol kiákí iŋénesíé iŋɛ́n? 8Yokoówunu ɛ́ɛ́: Aŋú ɛ́nyɛ́ wɔ́ Ɔkɔ́n? Ekelú wókondinyi ɛ́ɛ́: Inyɛ Yésuse u Náásalɛt ewú iŋénesíé iŋɛ́n. 9Pákúásɔ pɛ́ ɛŋɛnd mɛɛ́nɛnɛ́ kisie, maná pɔ́timɔɔ́pɔ ekelú umiŋalan. 10Yokoyunu ɛ́ɛ́ yɛ́lɛ kiɛkiɛ Ɔkɔ́n? Ɔkɔ́n wokiŋondini ɛ́ɛ́: Atúkínɛ apá Támás akáánɛ́ pákakutían puándá kitikit epú Támbák pílɔ́ŋɔnɛ́ ɛ́ɛ́ ɛ́lɛ. 11Aná kufɔɔ́m kú kisie kikáaní miíŋaká pipúte, pákúásɔ pɛ́ ɛŋɛnd pɔ́miíŋɔ́lɔ́ kɔ́ ɔmbɔ́k ɛ́ɛ́ yámá Tamas. 12Mɔɔnd omotí mapá Tamás pápílana wɔ́ ɛ́ɛ́ Ananíasɛ umapá upíekenyi á kuátap, wɔ́ andíkíkɛ nulátáta ó kikotí kí Moyíis, ewú Pɛyúútɛn kitikit maápá pɛtɛtɛn kisiɛ́n kíɛ́yɛ́ é peseé. 13Wokoól wɛkɛsiŋɛ́n wɔ́ káamɛ ɛ́ Sóol andimán aam, andúkuondo ɛ́kuɛ́nɛn. Kaátakání eŋis yáámɛ yépifuunu yɛkɛɛ́n wɔ́. 14wɔ́ káami ɛ́ɛ́: Támbákɛ́ɛ u pesíí pásɔ́ máakuyúúnɔ ɛ́ émenyi kilɔ́ŋɛt kíɛ́yɛ́ ɛ́ɛ́ ɛ́nɛ ewú unyɛ́ indɛ́ndɛ́nɛ óndo ɔ́pɔ́ ekelú wɛ́yɛ́ wɛ́yɛ́. 15Á kiakí ɛ́ɛ́ ɛkɛsikɛnɛn kúɛ́yɛ́ etétúnyí wɛɛyɛ́ ó pusíó pú mɔɔnd kitikit é púupú ɛkɛ́ɛ́nyɛ́nɛ ondo ɔɔp. 16Nínúána kiákí andɛɛ́ epétenyi atukínɛ, sáámbana kisiɛ́n kí Yésus táŋáp induén, Támbák kusukɔn pifala píáwɔ. 17Yoond Yelúsalɛm, imbísókólonyi puosi pumotí á kitamba, yapia iŋɛninɛ. 18Yɛkɛn Ɔkɔ́n wu indian ɛ́ɛ́ atukɔ Yelúsalɛm pɛkɛtɛpɛkɛt, á kiákí ɛ́ɛ́ patianyatap kutetunenyi kuawɔ káámɛ ó pusíó. 19Yokondini ɛ́ɛ́: Ɔkɔ́n, pemenyen peseéképese ɛ́ɛ́ imapa iyukana á piansi pi imbisikoli yɛtikɛn peétépí pawɔ, yekenyi pukaaka ɛ́ɛ́ patutana pɔ á kiansi kí imbíne póond pekite pólotí ni iŋás. 20Kisikɛl pɔmɔ́nɔ́ etétúnyí wawɔ Ítiene imapa ekelú ne pepe pɔmɔnɔ wɔ kɔk, iŋika pisɔnɔ piɔp. 21Ɔkɔ́n wokiŋondinyi ɛ́ɛ́: apá á kiákí ɛ́ɛ́ iŋakutumɔ kayɛ ɔ pitɔŋ pitianipa Pɛyúútɛn.
Póole nɔ ɔkɔ́n u pisimbi pí Lóma
22Pɛyúútɛn pɔ́mɔɔ́pítɔ́líkɔ́nɔ Póole kuáma akáánɛ́ póond ákuákan tukokó pɔ́yɔ ɛ́ɛ́. Ɔnuɔn nunamá nú mɔɔnd enue, utipá wɛɛsikɛnɛn nɔ kusɔ́t akɛ e kúúsí ekue. 23Pamapa pakana tukoko péŋenyi pinyuŋa piɔpɔ pɔmbo, póond pakasana kine mɛnɛ́mɛnɛ́ɛ, 24Ɔkɔ́n u pa saŋtuliɔ́ŋ pó Lóma weeki pukaaka ɛ́ɛ́: Pɛ́pikini Póole kí ikak í pisimbi, pesupiti wɔ kitakatak ɛ́ɛ́ ukalɛt, wɔyɛt ó pusío pu kiákí pɛɛnd maniakana punsayi kɛ́ɛ́yɛ́ ó pusíó. 25Pɛmɛlɛ pamáakutikan Póole ni imbɔ́k nɔ pikɔ́nd ékusupiti wɔ pole wowunu saŋtuliɔ́ŋ ɛ́ɛ́: «nuapiana pukaaka pukusupiti mɔɔnd ewú pikotí pí Loma kíkanɛ́ kati ɛ́ɛ́ numosositi wa?» 26Santuliɔ́ŋ mɛlɛ umɔpɔ anakanɛ waayɔɔk ɔkuɔyitinɛ ɔkɔ́n wɛɛyɛ́ kiaki ɛmɛnyɛlɛ ɛlɛɛ́? Mɔɔnd ukáánɛ́ nyɛ ewú pikotí pí Loma kíkanɛ! 27Ɔkɔ́n u pasaŋtuliɔ́ŋ waayɔɔk ó kuowunu Pole ɛ́ɛ́: anyi kémuémue mɔnɔ́ Loma? Pole woondinyi ɛ́: ɛ́ɛ́ɛ. 28Ɔkɔ́n u pasaŋtuliɔ́ŋ kanyi kɛ́ɛ́yɛ́ ɛ́: niŋuɛ imanama muenyí puólíkoli ɛ́ɛ́ imbia étenyi ukáanɛ ɛnyɛ́ awɔ. Pole woondinyi ɛ́ɛ́: Niŋuɛ ini naawɔ kuetumu enupiene. 29Pɛndu pámaápá ɛ́ɛ́ pekite wɔ ɛ́ɛ́ ukálɛt payapa wɔ nɔ niɔ́kɔ́tɔ́n; puwaá puɛtikini ɔkɔ́n u pasaŋtuliɔ́ŋ ukáánɛ́, aná umemenyi ɛ́ɛ́ umakutikana pole mesuŋ wɔ mɔnɔ pó Lóma.
Pole ke etulu wɔkɔn
30Kuapala aná ɔkɔ́n u pɔkɔ́n pé pisimbi ukáánɛ́ maámbá kumenyi puandá epú Pɛyúútɛn sɔmɔnɔnɛ pole, wokolunu wɔ mesuŋ. Maná wapilikini pafunúfɔn pɔɔkɔn, na pasanetelɛ́ŋ ké etúl wɔkɔn, waayɔɔk nɛɛyɛ́ ɛ́ɛ́ pósóósosi wɔ.
ទើបបានជ្រើសរើសហើយ៖
Meelie mé Petúmí 22: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 22
22
1Pandimana ne pesíí pamɛ ɔ́nupítɔ́líkínɛ epú inutiananɛ ninuana káámɛ kí insaak. 2Pɛɛnd mɛlɛ pɔpɔnɔ ɛ́ɛ́ Póole áákala na nukál nú Pɛyúútɛn peluŋu yekúlukút. Akáánɛ́ kɔk Póol kani kɔ́ɔ́p ɛ́ɛ́. 3Inyi imbienenbiene i Pɛyúútɛn, epipienen talisi ɔ kitɔŋ kí silisi, maná akɛ yelusalɛm pemiŋelepe, yapia kamaliɛlɛ ɛlɛɛ́ oŋonyonyi. Wuŋonyitonyi kikotí kí pesíí páásɔ́ an kumɛɛ́sikɛnɛn. Ímapa indáma ó pusíó pú Támbák aná panɔ́ nunyɛ naku inanɔ. 4Imenusi kuama é niku, epí pɔmɔŋɔnɔ kí iŋili yi Ɔkɔ́n. Poloti yɛtikɛn pɔ indutana pɔ á kiansi kí imbíne na paakáandɔ́ nɛ pɛɛnúmɛndɔ́. 5Ɔkɔ́n u pɔkɔ́n pá pafunɔ́fɔn nɔ ɔlɔŋ uposiosio nyɛ imboŋ pemenyene ɛ́ɛ́ indipa imbule. Imapia imbɔp símolinono kɔ́ɔ́p kí imbɔk ékuekí paandimán páásɔ́ Pɛyúútɛn pɛ́nyɛɛ́ tamas. Yayukɔ á palikɛ ukáánɛ́ ɛkuɛtikinɛ peétépí ɛ́ɛ́ pesisesitenyi pɔ Yelúsalɛm.
Póol ɔ́kɔyɔ kupíkúŋɔn kúɛyí
6Imasuŋuna kí iŋilí, imɛlɛ iŋanyi mekuye na tamas, kitíkítíkiɛ puandá pú ɔtɛ́m puɔ́si, kiandákand kí kisie kiólini mɛnɛ́mɛnɛ́ɛ kíŋéŋeliti. 7Yakua é kúúsí yɔkɔɔ́pɔ ekelú wúndíánan ɛ́ɛ́: Sóol, Sóol kiákí iŋénesíé iŋɛ́n? 8Yokoówunu ɛ́ɛ́: Aŋú ɛ́nyɛ́ wɔ́ Ɔkɔ́n? Ekelú wókondinyi ɛ́ɛ́: Inyɛ Yésuse u Náásalɛt ewú iŋénesíé iŋɛ́n. 9Pákúásɔ pɛ́ ɛŋɛnd mɛɛ́nɛnɛ́ kisie, maná pɔ́timɔɔ́pɔ ekelú umiŋalan. 10Yokoyunu ɛ́ɛ́ yɛ́lɛ kiɛkiɛ Ɔkɔ́n? Ɔkɔ́n wokiŋondini ɛ́ɛ́: Atúkínɛ apá Támás akáánɛ́ pákakutían puándá kitikit epú Támbák pílɔ́ŋɔnɛ́ ɛ́ɛ́ ɛ́lɛ. 11Aná kufɔɔ́m kú kisie kikáaní miíŋaká pipúte, pákúásɔ pɛ́ ɛŋɛnd pɔ́miíŋɔ́lɔ́ kɔ́ ɔmbɔ́k ɛ́ɛ́ yámá Tamas. 12Mɔɔnd omotí mapá Tamás pápílana wɔ́ ɛ́ɛ́ Ananíasɛ umapá upíekenyi á kuátap, wɔ́ andíkíkɛ nulátáta ó kikotí kí Moyíis, ewú Pɛyúútɛn kitikit maápá pɛtɛtɛn kisiɛ́n kíɛ́yɛ́ é peseé. 13Wokoól wɛkɛsiŋɛ́n wɔ́ káamɛ ɛ́ Sóol andimán aam, andúkuondo ɛ́kuɛ́nɛn. Kaátakání eŋis yáámɛ yépifuunu yɛkɛɛ́n wɔ́. 14wɔ́ káami ɛ́ɛ́: Támbákɛ́ɛ u pesíí pásɔ́ máakuyúúnɔ ɛ́ émenyi kilɔ́ŋɛt kíɛ́yɛ́ ɛ́ɛ́ ɛ́nɛ ewú unyɛ́ indɛ́ndɛ́nɛ óndo ɔ́pɔ́ ekelú wɛ́yɛ́ wɛ́yɛ́. 15Á kiakí ɛ́ɛ́ ɛkɛsikɛnɛn kúɛ́yɛ́ etétúnyí wɛɛyɛ́ ó pusíó pú mɔɔnd kitikit é púupú ɛkɛ́ɛ́nyɛ́nɛ ondo ɔɔp. 16Nínúána kiákí andɛɛ́ epétenyi atukínɛ, sáámbana kisiɛ́n kí Yésus táŋáp induén, Támbák kusukɔn pifala píáwɔ. 17Yoond Yelúsalɛm, imbísókólonyi puosi pumotí á kitamba, yapia iŋɛninɛ. 18Yɛkɛn Ɔkɔ́n wu indian ɛ́ɛ́ atukɔ Yelúsalɛm pɛkɛtɛpɛkɛt, á kiákí ɛ́ɛ́ patianyatap kutetunenyi kuawɔ káámɛ ó pusíó. 19Yokondini ɛ́ɛ́: Ɔkɔ́n, pemenyen peseéképese ɛ́ɛ́ imapa iyukana á piansi pi imbisikoli yɛtikɛn peétépí pawɔ, yekenyi pukaaka ɛ́ɛ́ patutana pɔ á kiansi kí imbíne póond pekite pólotí ni iŋás. 20Kisikɛl pɔmɔ́nɔ́ etétúnyí wawɔ Ítiene imapa ekelú ne pepe pɔmɔnɔ wɔ kɔk, iŋika pisɔnɔ piɔp. 21Ɔkɔ́n wokiŋondinyi ɛ́ɛ́: apá á kiákí ɛ́ɛ́ iŋakutumɔ kayɛ ɔ pitɔŋ pitianipa Pɛyúútɛn.
Póole nɔ ɔkɔ́n u pisimbi pí Lóma
22Pɛyúútɛn pɔ́mɔɔ́pítɔ́líkɔ́nɔ Póole kuáma akáánɛ́ póond ákuákan tukokó pɔ́yɔ ɛ́ɛ́. Ɔnuɔn nunamá nú mɔɔnd enue, utipá wɛɛsikɛnɛn nɔ kusɔ́t akɛ e kúúsí ekue. 23Pamapa pakana tukoko péŋenyi pinyuŋa piɔpɔ pɔmbo, póond pakasana kine mɛnɛ́mɛnɛ́ɛ, 24Ɔkɔ́n u pa saŋtuliɔ́ŋ pó Lóma weeki pukaaka ɛ́ɛ́: Pɛ́pikini Póole kí ikak í pisimbi, pesupiti wɔ kitakatak ɛ́ɛ́ ukalɛt, wɔyɛt ó pusío pu kiákí pɛɛnd maniakana punsayi kɛ́ɛ́yɛ́ ó pusíó. 25Pɛmɛlɛ pamáakutikan Póole ni imbɔ́k nɔ pikɔ́nd ékusupiti wɔ pole wowunu saŋtuliɔ́ŋ ɛ́ɛ́: «nuapiana pukaaka pukusupiti mɔɔnd ewú pikotí pí Loma kíkanɛ́ kati ɛ́ɛ́ numosositi wa?» 26Santuliɔ́ŋ mɛlɛ umɔpɔ anakanɛ waayɔɔk ɔkuɔyitinɛ ɔkɔ́n wɛɛyɛ́ kiaki ɛmɛnyɛlɛ ɛlɛɛ́? Mɔɔnd ukáánɛ́ nyɛ ewú pikotí pí Loma kíkanɛ! 27Ɔkɔ́n u pasaŋtuliɔ́ŋ waayɔɔk ó kuowunu Pole ɛ́ɛ́: anyi kémuémue mɔnɔ́ Loma? Pole woondinyi ɛ́: ɛ́ɛ́ɛ. 28Ɔkɔ́n u pasaŋtuliɔ́ŋ kanyi kɛ́ɛ́yɛ́ ɛ́: niŋuɛ imanama muenyí puólíkoli ɛ́ɛ́ imbia étenyi ukáanɛ ɛnyɛ́ awɔ. Pole woondinyi ɛ́ɛ́: Niŋuɛ ini naawɔ kuetumu enupiene. 29Pɛndu pámaápá ɛ́ɛ́ pekite wɔ ɛ́ɛ́ ukálɛt payapa wɔ nɔ niɔ́kɔ́tɔ́n; puwaá puɛtikini ɔkɔ́n u pasaŋtuliɔ́ŋ ukáánɛ́, aná umemenyi ɛ́ɛ́ umakutikana pole mesuŋ wɔ mɔnɔ pó Lóma.
Pole ke etulu wɔkɔn
30Kuapala aná ɔkɔ́n u pɔkɔ́n pé pisimbi ukáánɛ́ maámbá kumenyi puandá epú Pɛyúútɛn sɔmɔnɔnɛ pole, wokolunu wɔ mesuŋ. Maná wapilikini pafunúfɔn pɔɔkɔn, na pasanetelɛ́ŋ ké etúl wɔkɔn, waayɔɔk nɛɛyɛ́ ɛ́ɛ́ pósóósosi wɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL