Meelie mé Petúmí 1
1
Yésus méékí petúmí indán i Emfúnukufúúmɛ
1Ɔkúnɔ́kɔ́n Tiófile, káámɛ kɔ́ ɔmbɔp úkutúán, yɔɔ́kɔyɔ melínyé kitikit mé Yésus ní iŋónyítónyí yɛɛyɛ́ yiim, kuatál é nitúmín 2kuám puɔ́s umaámákát mɛnɛ́mɛnɛ́ɛ. Umɛlɛ́ umanyi utimákát, waaman apítíánɛn na pukaaka pú Emfúnukufúúmɛ é petúmí umaáyɔ́ɔ́n. 3Púnyɛ ɛ́ɛ́, é kélém kú nikú ní Yésus, umepítíínyí kɔ́ɔ́p ne melinsí táásɛ ɛ́ɛ́ útíínyi pɔ́ ɛ́ɛ́ unyɛ ɔkɔ́si. É metúk etín áandɛ waáminan pɔ́, wɔɔyɔn pɔ́ maandá móóyoosoné Pufuŋ pú Támbák. 4Epué puɔ́s, Yésuse ne petúmí pɛ́ɛ́yɛ́ mapíyaka; wɔ́ kɔ́ɔ́p ɛ́ɛ́: «Nutiám Yelúsalɛm á kuyɔɔk kaáyɛ́ɛ; énupéétényí indán i Taatá eyí imɔɔ́núɔ́yɔn. 5Á kiákí ɛ́ɛ́ Isáaŋ Etuúsí metuénén induén i moomb; panɔ́, á paán pé metúk, Támbák kenútuenen induén yi Emfúnukufúúmɛ.»
Yésus mámákát mɛnɛ́mɛnɛ́ɛ
6Epé pamaápá papíkúsá ne Yésus póokoówun wɔ́ ɛ́ɛ́: «Ɔkɔ́n, á kisikɛl ekie ekeényéétukenyi pufuŋ pú Isilayɛ́ɛl á?» 7wɔ́ kɔ́ɔ́p ɛ́ɛ́: «Kisikɛl kúnyaánɛ puɔ́s pú kupiɛ́l tipá púnúyooson, á kiákí ɛ́ɛ́ Taatɛ́ɛ ú maásɔ́mb kiansɛ́ á púɔ; wééŋényí unyɛɛ́ na pukaaka. 8kúúkɔ́, panúɛ, nú kapia imbekí aká Emfúnukufúúmɛ kéényínúselin; kɔ́ɔ́kɔ́ nukaányípá petétúnyí páámɛ Yelúsalɛm, é kúúsí kú Yúte kitikit na kú Samalí kuám kí insúkie sí kúúsí.» 9Úmáaman akála, Yésuse wɛɛnyɛ́lɔk, waamákat mɛnɛ́mɛnɛ́ɛ, petúmí yooson wɔ, kuám aná umeényényím ɔ́ kilɔndɔ́. 10Pɛ́mɛɛlɛ́ pamanyi pɛmɛlímɛ́t, póyooson mɛnɛ́mɛnɛ́ɛ ewú Yésus maáyuukan á wɔ, pɛɛnd páandɛ, pɛpílɛŋɛ́ indífɔnɔ́ siimfúúmfɛ́ɛ, páákaámɛn pɔ́ waasi kɔ́ɔ́p á masia; 11pɔ́ kɔ́ɔ́p ɛ́ɛ́: «Panɔ́ pɛɛnd pá Kalilée, kiákí nusiɔ́lɔp akáánɛ kuyoosoneé kuyooson mɛnɛ́mɛnɛ́ɛ? Yésuse ukáánɛ úmányimákát mɛnɛ́mɛnɛ́ɛ óónyóond yá yá aná numɛ́nyɛɛ́n wɔ́ umákatan mɛnɛ́mɛnɛ́ɛ.»
Ɔlɔŋ ú petúmí
12Páatukan kɔ́ ɔkɛ́l ú polifié, petúmí póókond Yelúsalɛm; púmapá yá muɔ́nɔ́ u ɛŋɛnd umɛɛ́lɛ́ utitápúkán kiénsi kí kikulɛ́. 13Páámána, péépíkin kí insúmbiɛ í mɛnɛ́mɛnɛ́ɛ i kiansi pá maápá pelumenen á yɛ́ɛ kisikɛl kitikit; ɔlɔŋ wɔ́ɔp úmaápá ɛ́ɛ́: Píɛlɛ, Isáaŋɛ, Sáakɛ ne Endelée; Fílipe nɛɛyɛ́ na Túmas; Paltelemíe nɛɛyɛ́ na Matíe; Sáakɛ, kinɔ́k kí Alifée, Símune umɔɔ́yɔ kitɔŋ kíɛ́yɛ́ táásɛ nɛɛyɛ́ ne Súut, kinɔ́k kí Sáak. 14Peem mapá ɔtɛ́m ómoómí, papílúndanɛn kí imbísókólí, na paandimán pé Yésus, na nikál ní pakáandɔ; Malíɛ́ yóótí Yésus, mapá kɔ́ɔ́p kɔ́ ɔlɔŋ.
Matías mɔ́kɔ́l ninyɔ́lí ní Yútas kɔ ɔlɔŋ ú petúmí
15Epué puɔ́s, ámaátakáánɛ metúk, peétépí mapá papíkúsá; pamapá pákuam etín átíndátɔ. Píɛlɛ waatukɛn kɔ́ɔ́p ɛ́ kikɛtɛ́kɛtɛ́ɛ, wɔ́ kɔ́ɔ́p ɛ́ɛ́: 16«paandimán púɛ́síkɛ́nɛ́n ɛ́ɛ́ epú punyɛɛ́ kɔ́ ɔmfiɔ́ŋ ú kitɔ́k píwóónyi; á kiákí ɛ́ɛ́ kɔ́ɔkɔ́ Emfúnukufúúmɛ, é niít ní Tafíit, tɛɛtɛnɛ́ Yútasɛ unyɛɛ́ ewú wɔ́ɔ́nyísɔ́k ɔlɔŋ ú péepé pɛ́ɛ́nyɛ́ɛ́tikinɛ́ɛ Yésuse. 17Yútas áápá waasɔ́, nɛ níɛ́yɛ́ niap á pusɔ́m pámaátúfá.» 18Ne muenyí mú nuɔ́nɔnɔ pémeékí wɔ́, mɔɔnd ukáánɛ wɔɔkɔɔ́nd kisíén; waapítɛ́p imbílípítiɛ́nyɛ́ɛ é kisíén kikáánɛ́, nipundí níómbuk, tuna túɛ́yɛ tuum túakáam kɔ́ ɔɔ́nd. 19Pɛɛnd pé Yelúsalɛm kitikit peemenyi puónyi pukáánɛ́: paalukɔ kisíén kikáání nɔnuɔpɛ́ ɛ́ɛ́: Akɛlɛ́táma, anakáánɛ kunyɛɛ́ ɛ́ɛ́ kisíén kí manɔ́ŋ. 20Imfiɔ́ŋ kɔ ɔ́mbɔp ú pilɛ́l ɔ́ɔ́kɔyɔ ɛ́ɛ́:
Kians kíɛ́yɛ́ lɔp kiyɛkɛ́n
mɔɔnd tiandá kuɔlɔlɛt á kɛ́ɛ.
Púnyaandá puɔ́ŋɔ́n ɛ́ɛ́:
Sɔ́k oloti kɔ́l pusɔ́m púɛ́yɛ́.
21-22Kúúkɔ́ púɛsikɛnɛnɛ́ ɛ́ɛ́ mɔɔnd olotí kɔ́l ninyɔ́l ní Yútas káásɔ́ ɛ́ kikɛtɛ́kɛtɛ́ɛ ó kuól kúkémé naasɔ́ ɛ́ɛ́ Yésus ɛ́ɛ́nyɔ́k á pilɔ́ŋ. Mɔɔnd ukáánɛ ɛ́ɛ́kɛɛsikɛnɛn ɛ́ɛ́ úpá kɔ́ ɔlɔŋ ú péépé páányípá naasɔ́ á kisikɛl kitikit túɛ́nyɛ́ndɛ́ nɔ Ɔkɔ́n Yésus, kuetúm aká Isáaŋ meétuú Ɔkɔ́n Yésuse, kuám aká umaámákát mɛnɛ́mɛnɛ́ɛ. 23Póókoól nɛ pɛɛnd páándɛ; ewe kisiɛ́n ɛ́ɛ́ Yúsipɛ, papílan wɔ́ ɛ́ɛ́ Palasápasɛ, kisiɛ́n kíɛ́yɛ kí punɔ́k ɛ́ɛ́ Súsútuse, olotí ɛ́ɛ́ Matíasɛ. 24Píɛlɛ nɔ pɔ́kúɔ́p póopísókoliti Támbákɛ́ɛ, pɔ ɛ́ɛ́: «Ɔkɔ́n, aŋúɛ emenyené ɔtɛ́m ú mɔɔnd kitikit; ɛ́ pɛɛnd epe páandɛ́, tútíínyí ewú amányiyɔ́ɔn, 25á pusɔ́m éényítúekí ɛ́ɛ́ túpá petúmí, ukɔ́l ninyɔ́l Yútas áníyapá, á kuyɔɔk kɔɔ́m kɛ́ɛsikɛnɛnɛ́ɛ nɛɛyɛ́.» 26Pɛ́mɛlɛ́ pómoópísókoliti, pɛ́kɛɛl ífitefite, yáákɔɔn Matíasɛ; póósosi wɔ́ nɔ niɔ́kɔ́tɔ́n kɔ́ ɔlɔŋ ú petúmí páát no omoómí pémeésién.
ទើបបានជ្រើសរើសហើយ៖
Meelie mé Petúmí 1: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Meelie mé Petúmí 1
1
Yésus méékí petúmí indán i Emfúnukufúúmɛ
1Ɔkúnɔ́kɔ́n Tiófile, káámɛ kɔ́ ɔmbɔp úkutúán, yɔɔ́kɔyɔ melínyé kitikit mé Yésus ní iŋónyítónyí yɛɛyɛ́ yiim, kuatál é nitúmín 2kuám puɔ́s umaámákát mɛnɛ́mɛnɛ́ɛ. Umɛlɛ́ umanyi utimákát, waaman apítíánɛn na pukaaka pú Emfúnukufúúmɛ é petúmí umaáyɔ́ɔ́n. 3Púnyɛ ɛ́ɛ́, é kélém kú nikú ní Yésus, umepítíínyí kɔ́ɔ́p ne melinsí táásɛ ɛ́ɛ́ útíínyi pɔ́ ɛ́ɛ́ unyɛ ɔkɔ́si. É metúk etín áandɛ waáminan pɔ́, wɔɔyɔn pɔ́ maandá móóyoosoné Pufuŋ pú Támbák. 4Epué puɔ́s, Yésuse ne petúmí pɛ́ɛ́yɛ́ mapíyaka; wɔ́ kɔ́ɔ́p ɛ́ɛ́: «Nutiám Yelúsalɛm á kuyɔɔk kaáyɛ́ɛ; énupéétényí indán i Taatá eyí imɔɔ́núɔ́yɔn. 5Á kiákí ɛ́ɛ́ Isáaŋ Etuúsí metuénén induén i moomb; panɔ́, á paán pé metúk, Támbák kenútuenen induén yi Emfúnukufúúmɛ.»
Yésus mámákát mɛnɛ́mɛnɛ́ɛ
6Epé pamaápá papíkúsá ne Yésus póokoówun wɔ́ ɛ́ɛ́: «Ɔkɔ́n, á kisikɛl ekie ekeényéétukenyi pufuŋ pú Isilayɛ́ɛl á?» 7wɔ́ kɔ́ɔ́p ɛ́ɛ́: «Kisikɛl kúnyaánɛ puɔ́s pú kupiɛ́l tipá púnúyooson, á kiákí ɛ́ɛ́ Taatɛ́ɛ ú maásɔ́mb kiansɛ́ á púɔ; wééŋényí unyɛɛ́ na pukaaka. 8kúúkɔ́, panúɛ, nú kapia imbekí aká Emfúnukufúúmɛ kéényínúselin; kɔ́ɔ́kɔ́ nukaányípá petétúnyí páámɛ Yelúsalɛm, é kúúsí kú Yúte kitikit na kú Samalí kuám kí insúkie sí kúúsí.» 9Úmáaman akála, Yésuse wɛɛnyɛ́lɔk, waamákat mɛnɛ́mɛnɛ́ɛ, petúmí yooson wɔ, kuám aná umeényényím ɔ́ kilɔndɔ́. 10Pɛ́mɛɛlɛ́ pamanyi pɛmɛlímɛ́t, póyooson mɛnɛ́mɛnɛ́ɛ ewú Yésus maáyuukan á wɔ, pɛɛnd páandɛ, pɛpílɛŋɛ́ indífɔnɔ́ siimfúúmfɛ́ɛ, páákaámɛn pɔ́ waasi kɔ́ɔ́p á masia; 11pɔ́ kɔ́ɔ́p ɛ́ɛ́: «Panɔ́ pɛɛnd pá Kalilée, kiákí nusiɔ́lɔp akáánɛ kuyoosoneé kuyooson mɛnɛ́mɛnɛ́ɛ? Yésuse ukáánɛ úmányimákát mɛnɛ́mɛnɛ́ɛ óónyóond yá yá aná numɛ́nyɛɛ́n wɔ́ umákatan mɛnɛ́mɛnɛ́ɛ.»
Ɔlɔŋ ú petúmí
12Páatukan kɔ́ ɔkɛ́l ú polifié, petúmí póókond Yelúsalɛm; púmapá yá muɔ́nɔ́ u ɛŋɛnd umɛɛ́lɛ́ utitápúkán kiénsi kí kikulɛ́. 13Páámána, péépíkin kí insúmbiɛ í mɛnɛ́mɛnɛ́ɛ i kiansi pá maápá pelumenen á yɛ́ɛ kisikɛl kitikit; ɔlɔŋ wɔ́ɔp úmaápá ɛ́ɛ́: Píɛlɛ, Isáaŋɛ, Sáakɛ ne Endelée; Fílipe nɛɛyɛ́ na Túmas; Paltelemíe nɛɛyɛ́ na Matíe; Sáakɛ, kinɔ́k kí Alifée, Símune umɔɔ́yɔ kitɔŋ kíɛ́yɛ́ táásɛ nɛɛyɛ́ ne Súut, kinɔ́k kí Sáak. 14Peem mapá ɔtɛ́m ómoómí, papílúndanɛn kí imbísókólí, na paandimán pé Yésus, na nikál ní pakáandɔ; Malíɛ́ yóótí Yésus, mapá kɔ́ɔ́p kɔ́ ɔlɔŋ.
Matías mɔ́kɔ́l ninyɔ́lí ní Yútas kɔ ɔlɔŋ ú petúmí
15Epué puɔ́s, ámaátakáánɛ metúk, peétépí mapá papíkúsá; pamapá pákuam etín átíndátɔ. Píɛlɛ waatukɛn kɔ́ɔ́p ɛ́ kikɛtɛ́kɛtɛ́ɛ, wɔ́ kɔ́ɔ́p ɛ́ɛ́: 16«paandimán púɛ́síkɛ́nɛ́n ɛ́ɛ́ epú punyɛɛ́ kɔ́ ɔmfiɔ́ŋ ú kitɔ́k píwóónyi; á kiákí ɛ́ɛ́ kɔ́ɔkɔ́ Emfúnukufúúmɛ, é niít ní Tafíit, tɛɛtɛnɛ́ Yútasɛ unyɛɛ́ ewú wɔ́ɔ́nyísɔ́k ɔlɔŋ ú péepé pɛ́ɛ́nyɛ́ɛ́tikinɛ́ɛ Yésuse. 17Yútas áápá waasɔ́, nɛ níɛ́yɛ́ niap á pusɔ́m pámaátúfá.» 18Ne muenyí mú nuɔ́nɔnɔ pémeékí wɔ́, mɔɔnd ukáánɛ wɔɔkɔɔ́nd kisíén; waapítɛ́p imbílípítiɛ́nyɛ́ɛ é kisíén kikáánɛ́, nipundí níómbuk, tuna túɛ́yɛ tuum túakáam kɔ́ ɔɔ́nd. 19Pɛɛnd pé Yelúsalɛm kitikit peemenyi puónyi pukáánɛ́: paalukɔ kisíén kikáání nɔnuɔpɛ́ ɛ́ɛ́: Akɛlɛ́táma, anakáánɛ kunyɛɛ́ ɛ́ɛ́ kisíén kí manɔ́ŋ. 20Imfiɔ́ŋ kɔ ɔ́mbɔp ú pilɛ́l ɔ́ɔ́kɔyɔ ɛ́ɛ́:
Kians kíɛ́yɛ́ lɔp kiyɛkɛ́n
mɔɔnd tiandá kuɔlɔlɛt á kɛ́ɛ.
Púnyaandá puɔ́ŋɔ́n ɛ́ɛ́:
Sɔ́k oloti kɔ́l pusɔ́m púɛ́yɛ́.
21-22Kúúkɔ́ púɛsikɛnɛnɛ́ ɛ́ɛ́ mɔɔnd olotí kɔ́l ninyɔ́l ní Yútas káásɔ́ ɛ́ kikɛtɛ́kɛtɛ́ɛ ó kuól kúkémé naasɔ́ ɛ́ɛ́ Yésus ɛ́ɛ́nyɔ́k á pilɔ́ŋ. Mɔɔnd ukáánɛ ɛ́ɛ́kɛɛsikɛnɛn ɛ́ɛ́ úpá kɔ́ ɔlɔŋ ú péépé páányípá naasɔ́ á kisikɛl kitikit túɛ́nyɛ́ndɛ́ nɔ Ɔkɔ́n Yésus, kuetúm aká Isáaŋ meétuú Ɔkɔ́n Yésuse, kuám aká umaámákát mɛnɛ́mɛnɛ́ɛ. 23Póókoól nɛ pɛɛnd páándɛ; ewe kisiɛ́n ɛ́ɛ́ Yúsipɛ, papílan wɔ́ ɛ́ɛ́ Palasápasɛ, kisiɛ́n kíɛ́yɛ kí punɔ́k ɛ́ɛ́ Súsútuse, olotí ɛ́ɛ́ Matíasɛ. 24Píɛlɛ nɔ pɔ́kúɔ́p póopísókoliti Támbákɛ́ɛ, pɔ ɛ́ɛ́: «Ɔkɔ́n, aŋúɛ emenyené ɔtɛ́m ú mɔɔnd kitikit; ɛ́ pɛɛnd epe páandɛ́, tútíínyí ewú amányiyɔ́ɔn, 25á pusɔ́m éényítúekí ɛ́ɛ́ túpá petúmí, ukɔ́l ninyɔ́l Yútas áníyapá, á kuyɔɔk kɔɔ́m kɛ́ɛsikɛnɛnɛ́ɛ nɛɛyɛ́.» 26Pɛ́mɛlɛ́ pómoópísókoliti, pɛ́kɛɛl ífitefite, yáákɔɔn Matíasɛ; póósosi wɔ́ nɔ niɔ́kɔ́tɔ́n kɔ́ ɔlɔŋ ú petúmí páát no omoómí pémeésién.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL