Roma 15
15
1Ntsʉʼmbɛ ne piŋi pɛ́, psyɛ́ndzɔʼ yiŋi tʉ̌ŋ nɛ́, a zɔŋɔ ŋgâ piŋi tuʼɔ pɔŋ pɛ́ pɔ́b tséʼé psyɛ́ndzɔʼ tʉ̌ŋme nɛ́ pó, mbé taʼa no yɛ́ a mbǔ wíŋi nɛ́ pó. 2Á tsyé ŋɔŋ ndzɔʼɔ piŋi taʼa njʉ́ a ŋgyɛ́ no yɛ́ a mbúú mɔ́ŋmɛ́ yé nɛ́, ne ŋgyɛne no sʉ́ʼʉ mbəb ye. Yânéré kɛ́ʼɛ́ ŋgâ psyɛ́ndzɔʼ ye ghú ssó. 3Kpaʼ tómbəb Kristo kɛ pe taʼa yɔ́b yɛ́ a mbúú pě nɛ́ pó. Ntsʉ́ŋtsʉ́ŋ njʉ́ á ŋwéʼeme ŋgâ: «Ntó pɛ́ a kɛ pé yo nɛ́, kɛ khú tó mo.» 4Tsʉ́ʼŋgɛmbɛ ŋkɔŋɔ no yɛ́ pe kɛ ŋwɛʼɛ səssó náá nɛ́, kɛ pɛ́ɛ́ ne ntʉ́ʉ́ne wíŋi. Kɛ́ʼɛ́ ŋgâ shʉ̌ndzɔʼ pú tsúbɔndzɔʼ yɛ́ Ŋweʼe yáŋme fɛ́ nɛ́, zhyɛ́ piŋi tséʼé shʉríne. 5Á Mboʼmvé, yé wɛ́ a tséʼé shʉ̌ndzɔʼ pú tsúbɔndzɔʼ nɛ́, zhyɛ̂ puŋ tséʼé nsóndzoʼ tsetsɛrɛ puŋ, njʉ́ Yěsô Kristo zɔŋɔ nɛ́. 6Yânéré kɛ́ʼɛ́ ŋgâ puŋ fɛ ŋgúʼune pwó Mboʼmvé, yé wɛ́ Tɛd Ntsɛɛpɔŋ wíŋi Yěsô Kristo nɛ́, ne taʼ ndzɔʼ, ne taʼ ntswéé.
Kristo kɛ ghəhɛ́ ŋkɔŋɔ pɔŋ náá
7Puŋ ghəyí mbəb yuŋ tsetsɛrɛ puŋ njʉ́ Kristo kɛ ghəhɛ́ wuŋ nɛ́, yânéré kɛ́ʼɛ́ ŋgâ pe zhʉ́ ghɛ́ɛ́ Mboʼmvé. 8Mə ntsɔ́ nɛ́ ne puŋ ŋgâ, Kristo kɛ khú ŋgaŋafaʼ pwó pú psírime pe ne nyǒʼné ŋgâ Mboʼmvé ŋgerɛ́ŋged. Kɛ́ʼɛ́ ne ndúŋne kaʼ pɛ́ pe kɛ kaʼa pwó pɛ tɛd nɛ́. 9Ŋgɛ́ ŋkhú ne pɔŋ pɛ pɔ́b pɛ Yúda nɛ́ pó, pɔ́b ghuʼɔ Mboʼmvé ŋkyé tsaaghəghəŋ yé. Ŋkyé ŋgâ a ŋweʼéme ŋgâ: «A zhyɛ́ yéré, mə ŋgɛ́ náʼá ŋguʼɔ tíí wo tsetsɛrɛ pɔŋ pɛ pɔ́b pɛ Yúda nɛ́ pó. Mə náʼá ndzɔbɔ nse ne ŋgúʼune tíí wo.» 10Á tsɔ́ ŋkʉ́rʉ́ ŋgâ: «Puŋ pɛ pǔŋ pɛ Yúda nɛ́ pó! Puŋɛ púpé yebé.» 11A ké mbó nsó ŋkʉ́rʉ́ ŋgâ: «Puŋ pɛ́ pǔŋ pɛ Yúda nɛ́ pó! Ŋkɔŋɔ wuŋ náá fɛ ŋgúʼune pwó Ntsɛɛpɔŋ, ŋkɔŋɔ pɔŋ náá kpaʼ mbwó tó yé.» 12ŋgɛ́ ŋkhú né Ezaya ŋgaŋatsɔ́ kpaŋató Mboʼmvé, a kɛ́ ké mbó ntsɔ́ yé ŋkʉ́rʉ́ ŋgâ: «Mɔ́ŋ mɔ́ŋ Zhese náʼá ŋkʉ́yó, a náʼá ŋǎ syé sáʼá mvémvé. Pɔŋ náʼa shʉ́rɛ pé yé.» 13Á Mboʼmvé, ye wɛ́ a fɛ́ shʉríne nɛ́, yǎ ndúŋú psyɛ́ndzɔʼ, fɛ́ ndebéne pwɛ mbúru ne puŋ zááme, néré kɛ́ʼɛ́ ŋgâ tʉ̌ŋ Zhʉye Yáŋme zhyɛ́ shʉ̌ndzɔʼ yuŋ záá kaʼatɛ.
Faʼ yɛ́ Pɔ́lə kɛ faʼ nɛ́
14Pɔ́ŋmɛ́ páá, ŋgɛ ŋkhú ne puŋ, mə cʉ̌yi ndzé ŋgâ puŋ ndâ pu sʉ́ʼʉ, mbó ndzé ŋgâ puŋ cʉ̌yi ndzé no yɛ́, a zɔŋɔ ŋgâ ŋɔŋ zé nɛ́. Puŋ kuʼɔ ne ntʉʉne mbəb yuŋ tsetsɛrɛ puŋ ne puŋ. 15Tsʉ́ʼŋgɛmbɛ mə gbáá ndzɔʼ ya, ŋwɛʼɛ ne puŋ ndzó pecyó pɛ ywoʼɔ́ ŋwéʼe yɔŋ, fú tó yuŋ ndúŋú meno pɛ puŋ zé nɛ́. Mbziʼe njʉ́ foʼndzəndzoʼ yɛ́ Mboʼmvé kɛ fɛ ne mo nɛ́, ŋgâ 16mə mbé ŋgaŋafaʼ Yěsô Kristo, pfúŋɔ́ pɔŋ pɛ pɔ́b pɛ Yúda nɛ́ pó. A nuʼ ya ne ncʉríne Ŋkəŋ sʉ́ʼʉ Mboʼmvé, kɛ́ʼɛ́ ŋgâ pɔŋ pɛ pɔ́b pɛ Yúda nɛ́ pó, pé taʼ shʉ́ yɛ́ Zhʉye Yáŋme sǒ, a pú Mboʼmvé nɛ́. 17A zhyɛ́ yéré nɛ́, njʉ́ psi Yěsô Kristo tə̌b mbé taʼ ye nɛ́, tɛɛmbɛ́ mə tiʼé, ŋkyé faʼ yɛ́ mə faʼa pwó Mboʼmvé nɛ́. 18Ŋkyé ŋgâ tɛɛmbɛ́ mə mbé nsó cyô no, fáá yɛ́ Kristo zhyɛ́ nɛ́ pó. A zhyɛ́ yé ne nsó, pwɛ meno pɛ mə kɛ zhyɛ́ nɛ́, pɔŋ pɛ pɔ́b pɛ Yúda nɛ́ pó, zoʼ ntswee Mboʼmvé. 19A zhyɛ́ néré pé ne tʉ̌ŋ mɛ, pɛ kiŋi pwɛ meno shʉyédme kɛ tséʼé nɛ́, ŋgyɛ́ néré pe ne tʉ̌ŋ Zhʉye Yáŋme. Néré, ndzíyene mbɛ́lʉ́ŋ Yerʉ́salɛm kaʼatɛ mbáŋa ndzó pɛrɛ ŋgɔŋ Iliri, mə tsʉ́yǐ ncʉ́rí Ŋkəŋ sʉ́ʼʉ Kristo kaʼatɛ. 20Ntsʉ́ʼmbé, mə kɛ sɛ́ɛ́ ya ke ncʉ́rí Ŋkəŋ sʉ́ʼʉ pe ndaʼ ndzó ywoʼ pɛ́, a kɛ ghɛmbɛ pɔŋ pé kɛ zoʼo tíí Kristo yoʼo nɛ́ pó. Kɛ́ʼɛ́ ŋgâ kii mə ndɛ ndzáb ndáb pé ndúŋú tsindáb yɛ́ cyó ŋɔŋ kɛ pě maʼ nɛ́. 21Néré kɛ́ʼɛ́ mə ke ŋgyɛ́ njʉ́, no yɛ́ a ndzó Ŋwéʼe yáŋme nɛ́, tsɔ́ nɛ́. No yéré pɛɛ ŋgâ: «Pɔŋ pɛ́, pé kɛ pé kɛ cʉ́rɛ no yé ne pɔ́b nɛ́ pó, pɔ́b náʼá njʉ́ wé. Pɔŋ pɛ pɔ́b kaa kɛ zoʼo pe nsó no yé nɛ́ pó, naʼ ndzoʼo.»
Meno pɛ Pɔ́lə tsɛʼɛ ne ŋgyɛne nɛ́
22A yéré nɛ́, mbé yɔ́b yɛ́ a kɛ naŋa ya kɛɛ zááme ne ŋkʉyone yoʼo puŋ nɛ́. 23Ntsʉʼmbɛ ne ŋkhoʼyɔŋ wɔŋ wɛ́, mə méé faʼ ya ndzó pɛrɛ ŋgɔŋ yɔŋ nɛ́, mbó mbɛ́ njʉ́, taŋa féré zhyémve mə ntsé ndzɔŋɔ ŋkʉ́yó yoʼo puŋ nɛ́, 24mə tse kpáŋa ŋgâ, ŋkhoʼyɛ́ mə náʼá ŋgɛ́ ŋgú Panyaa nɛ́, mə ndzáʼa pfúŋɔ́ puŋ, ne mkpééne ghebe yuŋ a tyáŋa ya ne nsényi ya wéré, ndzɔʼ ya pó ndáŋ ne mɔ́ŋtiʼa ŋkhoʼ, mbɛ a pɛɛ mbɛ njʉ́ piŋi naʼ njʉ́ nɛ́. 25Ntsʉʼmbɛ ne ŋkhoʼyɔŋ, mə ŋgǔ Yerʉ́salɛm ne fǎʼne pwó pǔkristo pɛ́ pɔ́b yoʼo nɛ́. 26Ŋkyé ŋgâ pǔkristo ndzó pɛrɛ ŋgɔŋ Makadoniya pú Akayi, tíí ŋgâ pɔ́b ŋgɛbɛ pǔkristo ndzó Mbɛ́lʉ́ŋ Yerʉ́salɛm pɛ́, pɔ́ŋ mbəb pɔ́b nɛ́. 27Ɔ́ŋɔ́ a tíí pɔ́b ne tómbəb yɔ́b. A kɛ nyí ŋgâ pɔ́b zhyɛ́ néré. Ŋkyé ŋgâ, a pɛ́ɛ́ yɛ́ pǔkristo pɛ pɔ́b pɛ́ Yúda nɛ́ pó, kɛ tséʼé mbɛd ndúŋú foʼ yɔ́b yɛ́ Zhʉye Yáŋme kɛ fɛ́ nɛ́, a kémbó ntsyɛ́ ŋgâ pɔ́b ghɛbɛ wɔ́b ne foʼ yɔ́b yé ndúŋú tsetsáʼ. 28Ŋkhoʼyɛ́ nɛ́ mə náʼá méé yéré faʼ, kaʼatɛ fɛ́ ŋkɔŋɔ mɔ́b pɛ́, pe kɛ téré náá, ne pɔ́b nɛ́, mə ŋgɛ ŋgú Panyaa, ndzáʼa yoʼo puŋ. 29Mə ndzé ŋgâ mə náʼá ŋgɛ ŋkʉ́yó yoʼo puŋ, ŋkʉ̌yo ne mbúru yɛ́ Kristo fɛ́ nɛ́.
30Ntsʉʼmbé, mə mbóʼómbwó nɛ́ ne puŋ kɛ pɔ́ŋmɛ́ páá, né tíí Ntsɛɛpɔŋ wíŋi Yěsô Kristo, ne kəŋe yɛ́ Zhʉye Yáŋme fɛ́ nɛ́, ŋgâ piŋi maʼ ntsɔ, ne tsɛʼɛ́mboʼmvé yɛ́ puŋ tsɛʼɛ ne tó ya nɛ́. 31Kɛ́ʼɛ́ ŋgâ kii mə ndɛ mvɔ ndzó mbwó pɛ Yúda pɛ́, pɔ́b tséʼé psyɛ́ndzɔʼ nɛ́ pó. Kɛ́ʼɛ́ ŋgâ, ghebe yɛ́ mə kʉ́yó nuŋ Yerʉ́salɛm nɛ́, pǔkristo ghəyɛ wé sʉ́ʼʉ. 32Néré, mə mbáŋa yoʼo puŋ ne ndebéne. Mbé yɛ́ Mboʼmvé psyɛ́ nɛ́, mə naʼ fúrú. 33Á Mboʼmvé, yé wɛ́ a fɛ́ mbúru nɛ́, pɛ́ pwó ŋkɔŋɔ wuŋ náá! Á pé néré.
ទើបបានជ្រើសរើសហើយ៖
Roma 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Roma 15
15
1Ntsʉʼmbɛ ne piŋi pɛ́, psyɛ́ndzɔʼ yiŋi tʉ̌ŋ nɛ́, a zɔŋɔ ŋgâ piŋi tuʼɔ pɔŋ pɛ́ pɔ́b tséʼé psyɛ́ndzɔʼ tʉ̌ŋme nɛ́ pó, mbé taʼa no yɛ́ a mbǔ wíŋi nɛ́ pó. 2Á tsyé ŋɔŋ ndzɔʼɔ piŋi taʼa njʉ́ a ŋgyɛ́ no yɛ́ a mbúú mɔ́ŋmɛ́ yé nɛ́, ne ŋgyɛne no sʉ́ʼʉ mbəb ye. Yânéré kɛ́ʼɛ́ ŋgâ psyɛ́ndzɔʼ ye ghú ssó. 3Kpaʼ tómbəb Kristo kɛ pe taʼa yɔ́b yɛ́ a mbúú pě nɛ́ pó. Ntsʉ́ŋtsʉ́ŋ njʉ́ á ŋwéʼeme ŋgâ: «Ntó pɛ́ a kɛ pé yo nɛ́, kɛ khú tó mo.» 4Tsʉ́ʼŋgɛmbɛ ŋkɔŋɔ no yɛ́ pe kɛ ŋwɛʼɛ səssó náá nɛ́, kɛ pɛ́ɛ́ ne ntʉ́ʉ́ne wíŋi. Kɛ́ʼɛ́ ŋgâ shʉ̌ndzɔʼ pú tsúbɔndzɔʼ yɛ́ Ŋweʼe yáŋme fɛ́ nɛ́, zhyɛ́ piŋi tséʼé shʉríne. 5Á Mboʼmvé, yé wɛ́ a tséʼé shʉ̌ndzɔʼ pú tsúbɔndzɔʼ nɛ́, zhyɛ̂ puŋ tséʼé nsóndzoʼ tsetsɛrɛ puŋ, njʉ́ Yěsô Kristo zɔŋɔ nɛ́. 6Yânéré kɛ́ʼɛ́ ŋgâ puŋ fɛ ŋgúʼune pwó Mboʼmvé, yé wɛ́ Tɛd Ntsɛɛpɔŋ wíŋi Yěsô Kristo nɛ́, ne taʼ ndzɔʼ, ne taʼ ntswéé.
Kristo kɛ ghəhɛ́ ŋkɔŋɔ pɔŋ náá
7Puŋ ghəyí mbəb yuŋ tsetsɛrɛ puŋ njʉ́ Kristo kɛ ghəhɛ́ wuŋ nɛ́, yânéré kɛ́ʼɛ́ ŋgâ pe zhʉ́ ghɛ́ɛ́ Mboʼmvé. 8Mə ntsɔ́ nɛ́ ne puŋ ŋgâ, Kristo kɛ khú ŋgaŋafaʼ pwó pú psírime pe ne nyǒʼné ŋgâ Mboʼmvé ŋgerɛ́ŋged. Kɛ́ʼɛ́ ne ndúŋne kaʼ pɛ́ pe kɛ kaʼa pwó pɛ tɛd nɛ́. 9Ŋgɛ́ ŋkhú ne pɔŋ pɛ pɔ́b pɛ Yúda nɛ́ pó, pɔ́b ghuʼɔ Mboʼmvé ŋkyé tsaaghəghəŋ yé. Ŋkyé ŋgâ a ŋweʼéme ŋgâ: «A zhyɛ́ yéré, mə ŋgɛ́ náʼá ŋguʼɔ tíí wo tsetsɛrɛ pɔŋ pɛ pɔ́b pɛ Yúda nɛ́ pó. Mə náʼá ndzɔbɔ nse ne ŋgúʼune tíí wo.» 10Á tsɔ́ ŋkʉ́rʉ́ ŋgâ: «Puŋ pɛ pǔŋ pɛ Yúda nɛ́ pó! Puŋɛ púpé yebé.» 11A ké mbó nsó ŋkʉ́rʉ́ ŋgâ: «Puŋ pɛ́ pǔŋ pɛ Yúda nɛ́ pó! Ŋkɔŋɔ wuŋ náá fɛ ŋgúʼune pwó Ntsɛɛpɔŋ, ŋkɔŋɔ pɔŋ náá kpaʼ mbwó tó yé.» 12ŋgɛ́ ŋkhú né Ezaya ŋgaŋatsɔ́ kpaŋató Mboʼmvé, a kɛ́ ké mbó ntsɔ́ yé ŋkʉ́rʉ́ ŋgâ: «Mɔ́ŋ mɔ́ŋ Zhese náʼá ŋkʉ́yó, a náʼá ŋǎ syé sáʼá mvémvé. Pɔŋ náʼa shʉ́rɛ pé yé.» 13Á Mboʼmvé, ye wɛ́ a fɛ́ shʉríne nɛ́, yǎ ndúŋú psyɛ́ndzɔʼ, fɛ́ ndebéne pwɛ mbúru ne puŋ zááme, néré kɛ́ʼɛ́ ŋgâ tʉ̌ŋ Zhʉye Yáŋme zhyɛ́ shʉ̌ndzɔʼ yuŋ záá kaʼatɛ.
Faʼ yɛ́ Pɔ́lə kɛ faʼ nɛ́
14Pɔ́ŋmɛ́ páá, ŋgɛ ŋkhú ne puŋ, mə cʉ̌yi ndzé ŋgâ puŋ ndâ pu sʉ́ʼʉ, mbó ndzé ŋgâ puŋ cʉ̌yi ndzé no yɛ́, a zɔŋɔ ŋgâ ŋɔŋ zé nɛ́. Puŋ kuʼɔ ne ntʉʉne mbəb yuŋ tsetsɛrɛ puŋ ne puŋ. 15Tsʉ́ʼŋgɛmbɛ mə gbáá ndzɔʼ ya, ŋwɛʼɛ ne puŋ ndzó pecyó pɛ ywoʼɔ́ ŋwéʼe yɔŋ, fú tó yuŋ ndúŋú meno pɛ puŋ zé nɛ́. Mbziʼe njʉ́ foʼndzəndzoʼ yɛ́ Mboʼmvé kɛ fɛ ne mo nɛ́, ŋgâ 16mə mbé ŋgaŋafaʼ Yěsô Kristo, pfúŋɔ́ pɔŋ pɛ pɔ́b pɛ Yúda nɛ́ pó. A nuʼ ya ne ncʉríne Ŋkəŋ sʉ́ʼʉ Mboʼmvé, kɛ́ʼɛ́ ŋgâ pɔŋ pɛ pɔ́b pɛ Yúda nɛ́ pó, pé taʼ shʉ́ yɛ́ Zhʉye Yáŋme sǒ, a pú Mboʼmvé nɛ́. 17A zhyɛ́ yéré nɛ́, njʉ́ psi Yěsô Kristo tə̌b mbé taʼ ye nɛ́, tɛɛmbɛ́ mə tiʼé, ŋkyé faʼ yɛ́ mə faʼa pwó Mboʼmvé nɛ́. 18Ŋkyé ŋgâ tɛɛmbɛ́ mə mbé nsó cyô no, fáá yɛ́ Kristo zhyɛ́ nɛ́ pó. A zhyɛ́ yé ne nsó, pwɛ meno pɛ mə kɛ zhyɛ́ nɛ́, pɔŋ pɛ pɔ́b pɛ Yúda nɛ́ pó, zoʼ ntswee Mboʼmvé. 19A zhyɛ́ néré pé ne tʉ̌ŋ mɛ, pɛ kiŋi pwɛ meno shʉyédme kɛ tséʼé nɛ́, ŋgyɛ́ néré pe ne tʉ̌ŋ Zhʉye Yáŋme. Néré, ndzíyene mbɛ́lʉ́ŋ Yerʉ́salɛm kaʼatɛ mbáŋa ndzó pɛrɛ ŋgɔŋ Iliri, mə tsʉ́yǐ ncʉ́rí Ŋkəŋ sʉ́ʼʉ Kristo kaʼatɛ. 20Ntsʉ́ʼmbé, mə kɛ sɛ́ɛ́ ya ke ncʉ́rí Ŋkəŋ sʉ́ʼʉ pe ndaʼ ndzó ywoʼ pɛ́, a kɛ ghɛmbɛ pɔŋ pé kɛ zoʼo tíí Kristo yoʼo nɛ́ pó. Kɛ́ʼɛ́ ŋgâ kii mə ndɛ ndzáb ndáb pé ndúŋú tsindáb yɛ́ cyó ŋɔŋ kɛ pě maʼ nɛ́. 21Néré kɛ́ʼɛ́ mə ke ŋgyɛ́ njʉ́, no yɛ́ a ndzó Ŋwéʼe yáŋme nɛ́, tsɔ́ nɛ́. No yéré pɛɛ ŋgâ: «Pɔŋ pɛ́, pé kɛ pé kɛ cʉ́rɛ no yé ne pɔ́b nɛ́ pó, pɔ́b náʼá njʉ́ wé. Pɔŋ pɛ pɔ́b kaa kɛ zoʼo pe nsó no yé nɛ́ pó, naʼ ndzoʼo.»
Meno pɛ Pɔ́lə tsɛʼɛ ne ŋgyɛne nɛ́
22A yéré nɛ́, mbé yɔ́b yɛ́ a kɛ naŋa ya kɛɛ zááme ne ŋkʉyone yoʼo puŋ nɛ́. 23Ntsʉʼmbɛ ne ŋkhoʼyɔŋ wɔŋ wɛ́, mə méé faʼ ya ndzó pɛrɛ ŋgɔŋ yɔŋ nɛ́, mbó mbɛ́ njʉ́, taŋa féré zhyémve mə ntsé ndzɔŋɔ ŋkʉ́yó yoʼo puŋ nɛ́, 24mə tse kpáŋa ŋgâ, ŋkhoʼyɛ́ mə náʼá ŋgɛ́ ŋgú Panyaa nɛ́, mə ndzáʼa pfúŋɔ́ puŋ, ne mkpééne ghebe yuŋ a tyáŋa ya ne nsényi ya wéré, ndzɔʼ ya pó ndáŋ ne mɔ́ŋtiʼa ŋkhoʼ, mbɛ a pɛɛ mbɛ njʉ́ piŋi naʼ njʉ́ nɛ́. 25Ntsʉʼmbɛ ne ŋkhoʼyɔŋ, mə ŋgǔ Yerʉ́salɛm ne fǎʼne pwó pǔkristo pɛ́ pɔ́b yoʼo nɛ́. 26Ŋkyé ŋgâ pǔkristo ndzó pɛrɛ ŋgɔŋ Makadoniya pú Akayi, tíí ŋgâ pɔ́b ŋgɛbɛ pǔkristo ndzó Mbɛ́lʉ́ŋ Yerʉ́salɛm pɛ́, pɔ́ŋ mbəb pɔ́b nɛ́. 27Ɔ́ŋɔ́ a tíí pɔ́b ne tómbəb yɔ́b. A kɛ nyí ŋgâ pɔ́b zhyɛ́ néré. Ŋkyé ŋgâ, a pɛ́ɛ́ yɛ́ pǔkristo pɛ pɔ́b pɛ́ Yúda nɛ́ pó, kɛ tséʼé mbɛd ndúŋú foʼ yɔ́b yɛ́ Zhʉye Yáŋme kɛ fɛ́ nɛ́, a kémbó ntsyɛ́ ŋgâ pɔ́b ghɛbɛ wɔ́b ne foʼ yɔ́b yé ndúŋú tsetsáʼ. 28Ŋkhoʼyɛ́ nɛ́ mə náʼá méé yéré faʼ, kaʼatɛ fɛ́ ŋkɔŋɔ mɔ́b pɛ́, pe kɛ téré náá, ne pɔ́b nɛ́, mə ŋgɛ ŋgú Panyaa, ndzáʼa yoʼo puŋ. 29Mə ndzé ŋgâ mə náʼá ŋgɛ ŋkʉ́yó yoʼo puŋ, ŋkʉ̌yo ne mbúru yɛ́ Kristo fɛ́ nɛ́.
30Ntsʉʼmbé, mə mbóʼómbwó nɛ́ ne puŋ kɛ pɔ́ŋmɛ́ páá, né tíí Ntsɛɛpɔŋ wíŋi Yěsô Kristo, ne kəŋe yɛ́ Zhʉye Yáŋme fɛ́ nɛ́, ŋgâ piŋi maʼ ntsɔ, ne tsɛʼɛ́mboʼmvé yɛ́ puŋ tsɛʼɛ ne tó ya nɛ́. 31Kɛ́ʼɛ́ ŋgâ kii mə ndɛ mvɔ ndzó mbwó pɛ Yúda pɛ́, pɔ́b tséʼé psyɛ́ndzɔʼ nɛ́ pó. Kɛ́ʼɛ́ ŋgâ, ghebe yɛ́ mə kʉ́yó nuŋ Yerʉ́salɛm nɛ́, pǔkristo ghəyɛ wé sʉ́ʼʉ. 32Néré, mə mbáŋa yoʼo puŋ ne ndebéne. Mbé yɛ́ Mboʼmvé psyɛ́ nɛ́, mə naʼ fúrú. 33Á Mboʼmvé, yé wɛ́ a fɛ́ mbúru nɛ́, pɛ́ pwó ŋkɔŋɔ wuŋ náá! Á pé néré.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល