Máákuusə 8
8
Yěsô zhʉyí ŋkáb pɔŋ pekwa
(Mat 15:32-39; Máá 6:30-44)
1A kɛ pe zhyémvé yéré, pɔŋ téré ŋkʉ́rʉ́ pfúŋɔ́ Yěsô kaʼatɛ ndzáá, mbé tséʼé yɔ́b ne ndzóne pó. A fú ŋgíŋgye pe, ntsɔ́ ne pɔ́b ŋgâ: 2«Mə ntséʼé tsaaghəghəŋ ŋkyé pɔŋ pɔŋ tɛ. Ŋkyé ŋgâ a ŋkhoʼyɔŋ zhyé pekyéd njʉ́ pɔ́b ne ŋgə́ ya nɛ́ mbó mbé ntséʼé yɔ́b yɛ́ pɔ́b ndzɔ́ nɛ́ pó. 3Mə nuʼɔ wɔ́b núʼú yóʼó pɔ́b, ndzyê, mbǒ pɔ́b tséʼé tʉ̌ŋ ne nyǐne pó. Ŋkyé ŋgâ pecyó twɔ̌ taŋa sesɛ.» 4ŋgíŋgye pe pɔ́rɔ́ pwó ye ŋgâ: «Piŋi pɛ́ɛ́ ghúŋkwéʼé ghaŋ. Piŋi zhʉ́ mɔ́b pɛ́ɛ́ fɛ́ ne pɔ́b, pɔ́b zó ndzód?» 5Yěsô Psírí wɔ́b ŋgâ: «Puŋ ntséʼé ntʉʼ mbré yíkɔ́?» Pɔ́b gháá: «Yísambáá.» 6Yěsô tsɔ́ pwó pɔŋ ŋgâ pɔ́b ghɔ́rɔ́ syé. A yɔ́ɔ́ mbré yísambáá yéré, ŋguʼɔ Mboʼmvé. Mbóʼ, fɛ́ pwó ŋgíŋgye pe ŋgâ pɔ́b ghób. Pɔ́b kpee ŋgɔ́bɔ́ pwó pɔŋ. 7Pɔ́ŋ ndii ssó kɛ pe. Yěsô níŋi mbúru ndúŋú, ké mbó nsó ŋgâ pɔ́b ghób. 8Pɔŋ pfód, ndzód. Pfuʼ yé yɛ́ a kɛ ntsʉʼ nɛ́ yuŋɔ́ ndzó túŋ yísambáá. 9Ntsʉʼŋgɛmbɛ mbǒ pɔŋ kɛ pɛ yóʼó yɔ́b ŋkáb yíkwa. Néré, Yěsô núʼɔ́ wɔ́b. 10Kpaʼ ŋkhoʼyéré, a ŋkuŋɔ ndzó páŋ pwɛ ŋgíŋgye pé, ndɔ́ɔ́ mɛndɔ́b pɛ́rɛ́ ŋgɔŋ Daləmanuta.
Yěsô kiri taʼ kiŋi pwó pɛ Farízya
(Mat 12:38-39; 16:1-4; Lúk 11:16-29; 12:54-56)
11Pɛ Farízya kʉ́yó pfúŋɔ́ Yěsô pú pɔ́b tsé mɛ́ʼɛ́ ntswee. Pɔ́b psirɛ́ wé ne taʼ kiŋi yɛ́ a nyóʼó ŋgâ a twɔ́ pépéé nɛ́, kɛ́ʼɛ́ ne mveréne wé. 12Yěsô zóʼ nsó wɔ́b, njʉyí ne tʉ̌ŋ, nsó ŋgâ: «Kerɛmvé ndzebé psirɛ́ taʼ kiŋi ŋkyé kɔ́? Mə sɔ́ŋɔ́ wúŋ kpaʼ sísíŋ: cyó kiŋi yɛ́ pe nyoʼ pwó kerɛmvé yɔŋ nɛ́ ghú pó.» 13Yěsô ŋáá yé pfúŋɔ́ pɔ́b, ŋkɔʼɔ ndzó páŋ, ŋgú ne yiŋ ndzaʼ nse.
Fwɔ̌ne ŋgíŋgyé pe
(Mat 16:5-12; Lúk 12:1)
14Ŋgíŋgyé Yěsô kɛ zhyɛ̌ ne ndɔ̌ne mbré, kaʼatɛ ke ntséʼé ndaʼ taʼ ntʉʼ mbré ndzó páŋ. 15Yěsô su təŋé mɔ́b ŋgâ: «Puŋ zoʼ sʉ́ʼʉ! Puŋ zhyaŋa mvuʼ#8:15 Mvuʼ yɔ́b yɛ́ pe níŋɛ nzɔ́ʼɔ́ ŋgəŋ pəbé a kɔʼɔ, pe tɔŋɔ mbré núŋ nɛ́. pɛ Farízya pú ye Erodə!» 16Ŋgíŋgyé pe zyé fiʼ tsetsɛrɛ pɔ́b ŋkyé ŋgâ pɔ́b kɛ pe ntséʼé mbré pó.
17Yěsô zé, mvirɛ wɔ́b ŋgâ: «Puŋ mɛʼɛntswee ne no mbré yɛ́ puŋ tséʼé nɛ́ pó ŋkyé kɔ́? Puŋ kɛ zyé gbáá no pɔɔ? Puŋ kɛ zyé ndzoʼo pɔɔ? Ndzɔʼ yúŋ pɛɛ ntʉ́ŋme? 18Puŋ tséʼé míí múŋ ntsé mbé zhʉ́ ywoʼ núŋ pó? Ntséʼé təŋé múŋ ntsé mbé zoʼ no núŋ pɔɔ? Tó yuŋ tsé mbó fú pɔɔ? 19Ŋkhoʼyɛ́ mə kɛ póʼ ntʉʼ mbré yítaŋ ŋgɔ́bɔ́ pwó ŋkáb ŋɔŋ yítaŋ nɛ́, puŋ kɛ ŋkyɛ́ pfuʼɔ ntiʼe pe ndzó túŋ yúŋme yíkɔ́?» Pɔ́b gháá: «Ntsɔ̌b túŋ yípáá.» 20Yěsô nsó ŋkʉ́rʉ́ ŋgâ: «Ŋkhoʼyɛ́ mə kɛ póʼ ntʉʼ mbré yísambáá ŋgɔ́bɔ́ pwó ŋkáb ŋɔŋ yíkwa nɛ́, puŋ kɛ ŋkyɛ́ pfuʼɔ ntiʼe pé ndzó túŋ yúŋme yíkɔ́?» Pɔ́b gháá: «Túŋ yísambáá.» 21Mbénére, Yěsô tsɔ́ ne pɔ́b ŋgâ: Puŋ ké mbé zoʼ pɔɔ?
Yěsô pɛ́d taʼ ffǒme Betsayida
22Yěsô pwɛ ŋgíŋgyé pe páŋ Betsayida, pe ŋkʉ́yó ne taʼ ffǒme pfuŋ ye, mbóʼmbwó pwó ye ŋgâ a ŋkébé wé. 23Yěsô gbáá pwó ffǒme wéré, pú ye ŋáá yáʼ. A núʼ ntə́ ndúŋú míí ŋɔŋ wéré, mbó ndzáb mbwó mé mbəb yé, mvirɛ wé ŋgâ: «Wo tsé njʉ́ cyó yɔ́b?» 24Ffǒme ŋáʼ míí mé, nsó ŋgâ: «Mə tsé njʉ́ pɔŋ, pɔ́b pɛ́ɛ́ njʉ́ pɛ nsó nɛ́, ntsʉʼŋgɛmbɛ ntsé nyí.» 25Yěsô ké mbó ndzáb taʼ kɛɛ mbwó mé ndúŋú míí ŋɔŋ wɛ́. A zhʉ́ ywoʼ yáŋme, ŋgɛmbɛ mbəb yé kɛ fwó. A pó njʉ́ yɔ́b, ndzé. 26Yěsô tsɔ́ pwó yé ŋgâ: «Pód ndzəb ywoʼ wo! Ndɛ mbó muwɔ ndzáʼá yáʼ!»
Pětro psyɛ ŋgâ a Yěsô mbé Kristo
(Mat 16:13-20; Lúk 9:18-21)
27Yěsô pwɛ ŋgíŋgye pé tsé ŋgú ndzó pɛ yáʼ pɛ́, pɔ́b ne gháá mbɛ́lʉ́ŋ Sezare yɛ́ Filipo kɛ sáʼá nɛ́. Mbáŋa mɛndɔ́b, a psirɛ́ ŋgíŋgye pé ŋgâ: «Pɔŋ ntsɔ̌ ŋgâ mə wɔ.» 28Ŋgíŋgyé pe pɔ́rɔ́ pwó ye ŋgâ: «Pecyó pɔŋ gháá wo Zhâŋ Ŋgaŋafɛ́ kpěnse. Pecyó gháá wo Elya. Pecyó ŋkʉ́rʉ́ tsɔ́ ŋgâ wo taʼ ŋgaŋatsɔ́kpaŋató Mboʼmvé.» 29Yěsô pó mvirɛ wɔ́b ŋgâ: «Ŋgɛmbɛ ne puŋ, mə wɔ́?» Pětro pɔ́rɔ́ pwó ye ŋgâ: «Wo Kristo wɛ́ Mboʼmvé nuʼ nɛ́!» 30Yěsô ntʉ́ʼé təŋé mɔ́b ŋgâ: «Puŋ zhyáŋá kii tsɔ̂ ŋɔŋ!»
Yěsô cʉrí vó yé ne njʉyɛ́ne mé ne vó
(Mat 16:21-23; Lúk 9:22)
31Néré, Yěsô zyé ntʉ́ʉ́ne tó yɔ́b ŋgâ: «A zɔŋɔ ŋgâ Mɔ́ŋ ŋɔŋ zhʉ́ ŋgəʼo zááme. Pɛ ghəkód, pɛ ntsɛ́ssó ghaŋáshʉ́, pwɛ ghaŋákeʼekaŋ khə́ŋɛ́ wé. Pe nɔʼ wé. Zhyémvé pékyéd záʼ, a zhʉyɛ́ ne vó.» 32Yěsô kɛ nsó yɔŋ no ne pɔ́b pe wéé. Néré, Pětro yɔ́ɔ́ Yěsô pú yé paʼ. A sáʼá wé. 33Yěsô séd mbəb yé, ndíŋí ŋgíŋgye pé, mbó mǐ Pětro ntsɔ́ pwó ye ŋgâ: «Suʼú mbəb wo! Ŋǎ ndzəb mo kɛ Sátaŋ! Yo kpaŋató pɛɛ njʉ́ yé Mboʼmvé nɛ́ pó. Ntsʉʼmbé a pɛ́ɛ́ yé pumésɔŋ.»
Mbziʼe njʉ́ mbɛwɔ̂ ndzɔ́ŋɔ Yěsô nɛ́
(Mat 16:24-28; Lúk 9:23-27)
34A kɛ pé néré, Yěsô fú pɔŋ pwɛ ŋgíŋgye pe, tsɔ́ ne pɔ́b ŋgâ: «Á pɛ́ɛ́ yɛ́ ŋɔŋ zɔŋɔ ntsʉʼɔ ndzəb mo nɛ́, á kyé mbəb yé, ŋkyɛ́ ŋgʉŋʉ yé mbzyɛ́ vó yé, ntsʉʼɔ ndzəb mo. 35Ŋɔŋ wɛ́ a ntaʼa kpéé tsómvé yé nɛ́, ŋkʉ́yó mbzyé. Ŋɔŋ wɛ́ a psyé tsómvé ŋkyé ya, kii ŋkyé Ŋkəŋ sʉ́ʼʉ nɛ́, ŋkʉ́yó ntsɛʼɛ ndzǔne. 36A yɛ́rɛ́ pfiŋi pwó ŋɔŋ ne ndzône mvé náá, ŋgɛmbɛ, ŋgɛ́ ndɔ́ɔ́ tsómvé yé mbéé núŋ? 37Tɛɛmbɛ ŋɔŋ fɛ́ɛ́ kɔ́ kaʼatɛ a kuʼu ndɔŋɔ tsómvé yé? 38A pɛ́ɛ́ yɛ́ ŋɔŋ tséʼé pfɔ́shʉ́ŋ ŋkyé ya, kii ŋkyé nsó ya tsetsɛrɛ kerɛmvé fɛ̌ŋgab yɔŋ, pwɛ ghaŋázhyɛ́ meno kəpɔŋ pɔŋ nɛ́, mbǒ Mɔ́ŋ ŋɔŋ ké náʼá ntsɛʼɛ pfɔ́shʉ́ŋ ŋkyé wé ŋkhoʼyɛ́ a ŋkʉ́yó, ŋkʉ́yó ndzɔ́ʼɔ́ ŋgúʼune Tɛd ye pwɛ pe aŋgere Yáŋme nɛ́.»
ទើបបានជ្រើសរើសហើយ៖
Máákuusə 8: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 8
8
Yěsô zhʉyí ŋkáb pɔŋ pekwa
(Mat 15:32-39; Máá 6:30-44)
1A kɛ pe zhyémvé yéré, pɔŋ téré ŋkʉ́rʉ́ pfúŋɔ́ Yěsô kaʼatɛ ndzáá, mbé tséʼé yɔ́b ne ndzóne pó. A fú ŋgíŋgye pe, ntsɔ́ ne pɔ́b ŋgâ: 2«Mə ntséʼé tsaaghəghəŋ ŋkyé pɔŋ pɔŋ tɛ. Ŋkyé ŋgâ a ŋkhoʼyɔŋ zhyé pekyéd njʉ́ pɔ́b ne ŋgə́ ya nɛ́ mbó mbé ntséʼé yɔ́b yɛ́ pɔ́b ndzɔ́ nɛ́ pó. 3Mə nuʼɔ wɔ́b núʼú yóʼó pɔ́b, ndzyê, mbǒ pɔ́b tséʼé tʉ̌ŋ ne nyǐne pó. Ŋkyé ŋgâ pecyó twɔ̌ taŋa sesɛ.» 4ŋgíŋgye pe pɔ́rɔ́ pwó ye ŋgâ: «Piŋi pɛ́ɛ́ ghúŋkwéʼé ghaŋ. Piŋi zhʉ́ mɔ́b pɛ́ɛ́ fɛ́ ne pɔ́b, pɔ́b zó ndzód?» 5Yěsô Psírí wɔ́b ŋgâ: «Puŋ ntséʼé ntʉʼ mbré yíkɔ́?» Pɔ́b gháá: «Yísambáá.» 6Yěsô tsɔ́ pwó pɔŋ ŋgâ pɔ́b ghɔ́rɔ́ syé. A yɔ́ɔ́ mbré yísambáá yéré, ŋguʼɔ Mboʼmvé. Mbóʼ, fɛ́ pwó ŋgíŋgye pe ŋgâ pɔ́b ghób. Pɔ́b kpee ŋgɔ́bɔ́ pwó pɔŋ. 7Pɔ́ŋ ndii ssó kɛ pe. Yěsô níŋi mbúru ndúŋú, ké mbó nsó ŋgâ pɔ́b ghób. 8Pɔŋ pfód, ndzód. Pfuʼ yé yɛ́ a kɛ ntsʉʼ nɛ́ yuŋɔ́ ndzó túŋ yísambáá. 9Ntsʉʼŋgɛmbɛ mbǒ pɔŋ kɛ pɛ yóʼó yɔ́b ŋkáb yíkwa. Néré, Yěsô núʼɔ́ wɔ́b. 10Kpaʼ ŋkhoʼyéré, a ŋkuŋɔ ndzó páŋ pwɛ ŋgíŋgye pé, ndɔ́ɔ́ mɛndɔ́b pɛ́rɛ́ ŋgɔŋ Daləmanuta.
Yěsô kiri taʼ kiŋi pwó pɛ Farízya
(Mat 12:38-39; 16:1-4; Lúk 11:16-29; 12:54-56)
11Pɛ Farízya kʉ́yó pfúŋɔ́ Yěsô pú pɔ́b tsé mɛ́ʼɛ́ ntswee. Pɔ́b psirɛ́ wé ne taʼ kiŋi yɛ́ a nyóʼó ŋgâ a twɔ́ pépéé nɛ́, kɛ́ʼɛ́ ne mveréne wé. 12Yěsô zóʼ nsó wɔ́b, njʉyí ne tʉ̌ŋ, nsó ŋgâ: «Kerɛmvé ndzebé psirɛ́ taʼ kiŋi ŋkyé kɔ́? Mə sɔ́ŋɔ́ wúŋ kpaʼ sísíŋ: cyó kiŋi yɛ́ pe nyoʼ pwó kerɛmvé yɔŋ nɛ́ ghú pó.» 13Yěsô ŋáá yé pfúŋɔ́ pɔ́b, ŋkɔʼɔ ndzó páŋ, ŋgú ne yiŋ ndzaʼ nse.
Fwɔ̌ne ŋgíŋgyé pe
(Mat 16:5-12; Lúk 12:1)
14Ŋgíŋgyé Yěsô kɛ zhyɛ̌ ne ndɔ̌ne mbré, kaʼatɛ ke ntséʼé ndaʼ taʼ ntʉʼ mbré ndzó páŋ. 15Yěsô su təŋé mɔ́b ŋgâ: «Puŋ zoʼ sʉ́ʼʉ! Puŋ zhyaŋa mvuʼ#8:15 Mvuʼ yɔ́b yɛ́ pe níŋɛ nzɔ́ʼɔ́ ŋgəŋ pəbé a kɔʼɔ, pe tɔŋɔ mbré núŋ nɛ́. pɛ Farízya pú ye Erodə!» 16Ŋgíŋgyé pe zyé fiʼ tsetsɛrɛ pɔ́b ŋkyé ŋgâ pɔ́b kɛ pe ntséʼé mbré pó.
17Yěsô zé, mvirɛ wɔ́b ŋgâ: «Puŋ mɛʼɛntswee ne no mbré yɛ́ puŋ tséʼé nɛ́ pó ŋkyé kɔ́? Puŋ kɛ zyé gbáá no pɔɔ? Puŋ kɛ zyé ndzoʼo pɔɔ? Ndzɔʼ yúŋ pɛɛ ntʉ́ŋme? 18Puŋ tséʼé míí múŋ ntsé mbé zhʉ́ ywoʼ núŋ pó? Ntséʼé təŋé múŋ ntsé mbé zoʼ no núŋ pɔɔ? Tó yuŋ tsé mbó fú pɔɔ? 19Ŋkhoʼyɛ́ mə kɛ póʼ ntʉʼ mbré yítaŋ ŋgɔ́bɔ́ pwó ŋkáb ŋɔŋ yítaŋ nɛ́, puŋ kɛ ŋkyɛ́ pfuʼɔ ntiʼe pe ndzó túŋ yúŋme yíkɔ́?» Pɔ́b gháá: «Ntsɔ̌b túŋ yípáá.» 20Yěsô nsó ŋkʉ́rʉ́ ŋgâ: «Ŋkhoʼyɛ́ mə kɛ póʼ ntʉʼ mbré yísambáá ŋgɔ́bɔ́ pwó ŋkáb ŋɔŋ yíkwa nɛ́, puŋ kɛ ŋkyɛ́ pfuʼɔ ntiʼe pé ndzó túŋ yúŋme yíkɔ́?» Pɔ́b gháá: «Túŋ yísambáá.» 21Mbénére, Yěsô tsɔ́ ne pɔ́b ŋgâ: Puŋ ké mbé zoʼ pɔɔ?
Yěsô pɛ́d taʼ ffǒme Betsayida
22Yěsô pwɛ ŋgíŋgyé pe páŋ Betsayida, pe ŋkʉ́yó ne taʼ ffǒme pfuŋ ye, mbóʼmbwó pwó ye ŋgâ a ŋkébé wé. 23Yěsô gbáá pwó ffǒme wéré, pú ye ŋáá yáʼ. A núʼ ntə́ ndúŋú míí ŋɔŋ wéré, mbó ndzáb mbwó mé mbəb yé, mvirɛ wé ŋgâ: «Wo tsé njʉ́ cyó yɔ́b?» 24Ffǒme ŋáʼ míí mé, nsó ŋgâ: «Mə tsé njʉ́ pɔŋ, pɔ́b pɛ́ɛ́ njʉ́ pɛ nsó nɛ́, ntsʉʼŋgɛmbɛ ntsé nyí.» 25Yěsô ké mbó ndzáb taʼ kɛɛ mbwó mé ndúŋú míí ŋɔŋ wɛ́. A zhʉ́ ywoʼ yáŋme, ŋgɛmbɛ mbəb yé kɛ fwó. A pó njʉ́ yɔ́b, ndzé. 26Yěsô tsɔ́ pwó yé ŋgâ: «Pód ndzəb ywoʼ wo! Ndɛ mbó muwɔ ndzáʼá yáʼ!»
Pětro psyɛ ŋgâ a Yěsô mbé Kristo
(Mat 16:13-20; Lúk 9:18-21)
27Yěsô pwɛ ŋgíŋgye pé tsé ŋgú ndzó pɛ yáʼ pɛ́, pɔ́b ne gháá mbɛ́lʉ́ŋ Sezare yɛ́ Filipo kɛ sáʼá nɛ́. Mbáŋa mɛndɔ́b, a psirɛ́ ŋgíŋgye pé ŋgâ: «Pɔŋ ntsɔ̌ ŋgâ mə wɔ.» 28Ŋgíŋgyé pe pɔ́rɔ́ pwó ye ŋgâ: «Pecyó pɔŋ gháá wo Zhâŋ Ŋgaŋafɛ́ kpěnse. Pecyó gháá wo Elya. Pecyó ŋkʉ́rʉ́ tsɔ́ ŋgâ wo taʼ ŋgaŋatsɔ́kpaŋató Mboʼmvé.» 29Yěsô pó mvirɛ wɔ́b ŋgâ: «Ŋgɛmbɛ ne puŋ, mə wɔ́?» Pětro pɔ́rɔ́ pwó ye ŋgâ: «Wo Kristo wɛ́ Mboʼmvé nuʼ nɛ́!» 30Yěsô ntʉ́ʼé təŋé mɔ́b ŋgâ: «Puŋ zhyáŋá kii tsɔ̂ ŋɔŋ!»
Yěsô cʉrí vó yé ne njʉyɛ́ne mé ne vó
(Mat 16:21-23; Lúk 9:22)
31Néré, Yěsô zyé ntʉ́ʉ́ne tó yɔ́b ŋgâ: «A zɔŋɔ ŋgâ Mɔ́ŋ ŋɔŋ zhʉ́ ŋgəʼo zááme. Pɛ ghəkód, pɛ ntsɛ́ssó ghaŋáshʉ́, pwɛ ghaŋákeʼekaŋ khə́ŋɛ́ wé. Pe nɔʼ wé. Zhyémvé pékyéd záʼ, a zhʉyɛ́ ne vó.» 32Yěsô kɛ nsó yɔŋ no ne pɔ́b pe wéé. Néré, Pětro yɔ́ɔ́ Yěsô pú yé paʼ. A sáʼá wé. 33Yěsô séd mbəb yé, ndíŋí ŋgíŋgye pé, mbó mǐ Pětro ntsɔ́ pwó ye ŋgâ: «Suʼú mbəb wo! Ŋǎ ndzəb mo kɛ Sátaŋ! Yo kpaŋató pɛɛ njʉ́ yé Mboʼmvé nɛ́ pó. Ntsʉʼmbé a pɛ́ɛ́ yé pumésɔŋ.»
Mbziʼe njʉ́ mbɛwɔ̂ ndzɔ́ŋɔ Yěsô nɛ́
(Mat 16:24-28; Lúk 9:23-27)
34A kɛ pé néré, Yěsô fú pɔŋ pwɛ ŋgíŋgye pe, tsɔ́ ne pɔ́b ŋgâ: «Á pɛ́ɛ́ yɛ́ ŋɔŋ zɔŋɔ ntsʉʼɔ ndzəb mo nɛ́, á kyé mbəb yé, ŋkyɛ́ ŋgʉŋʉ yé mbzyɛ́ vó yé, ntsʉʼɔ ndzəb mo. 35Ŋɔŋ wɛ́ a ntaʼa kpéé tsómvé yé nɛ́, ŋkʉ́yó mbzyé. Ŋɔŋ wɛ́ a psyé tsómvé ŋkyé ya, kii ŋkyé Ŋkəŋ sʉ́ʼʉ nɛ́, ŋkʉ́yó ntsɛʼɛ ndzǔne. 36A yɛ́rɛ́ pfiŋi pwó ŋɔŋ ne ndzône mvé náá, ŋgɛmbɛ, ŋgɛ́ ndɔ́ɔ́ tsómvé yé mbéé núŋ? 37Tɛɛmbɛ ŋɔŋ fɛ́ɛ́ kɔ́ kaʼatɛ a kuʼu ndɔŋɔ tsómvé yé? 38A pɛ́ɛ́ yɛ́ ŋɔŋ tséʼé pfɔ́shʉ́ŋ ŋkyé ya, kii ŋkyé nsó ya tsetsɛrɛ kerɛmvé fɛ̌ŋgab yɔŋ, pwɛ ghaŋázhyɛ́ meno kəpɔŋ pɔŋ nɛ́, mbǒ Mɔ́ŋ ŋɔŋ ké náʼá ntsɛʼɛ pfɔ́shʉ́ŋ ŋkyé wé ŋkhoʼyɛ́ a ŋkʉ́yó, ŋkʉ́yó ndzɔ́ʼɔ́ ŋgúʼune Tɛd ye pwɛ pe aŋgere Yáŋme nɛ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល