Máákuusə 13
13
Ndámboʼmvé ŋkʉ́yó mbɛ sǎʼme
(Mat 24:1-3; Lúk 21:5-7)
1Ŋkhoʼyɛ́ Yěsô kɛ twɔ́ ndámboʼmvé nɛ́, taʼ ŋɔŋ ndzɔ́ʼɔ́ ŋgíŋgye pé, tsɔ́ pwó yé ŋgâ: «Kéʼeyáŋ, tiŋɛ̂: ŋgɔʼ pɔŋ pú. Pe pó ŋkwód ndáb yɔŋ sʉ́ʼʉ!» 2Yěsô pɔ́rɔ́ pwó yé ŋgâ: «Wo zhʉ́ njʉ́ pé kwód a ghɛ́ɛ́ kɛ́ʼɛ́ nɛ́! Cyó ŋgɔʼ ŋkʉ́yó cʉ́ʼɔ́ ndúŋú cyó pó. Ŋkɔŋɔ yé náá naʼ mbɛ sǎʼme.»
3Yěsô kɔ́ʼɔ́ ndúŋú ŋkə́ŋ pɛ tsí nsó vód Oliivə. Ŋkə́ŋ yéré kɛ pəbe ndámboʼmvé. Pětro, Zhakə, Zhâŋ pwɛ Andéré fú wé ne mbaʼá mvirɛ wé ŋgâ: 4«Sɔ́ŋɔ́ ywí ne ŋkhoʼyɛ́ yéré no náʼá mbɛ nɛ́, ne kiŋi yɛ́ psi naʼ ndáá ndúŋú ndzɛ́ ŋgâ ŋkɔŋɔ meno péré náá myé nɛ́.»
Yɔŋ njʉ́ meno náʼá ndzyé nɛ́
(Mat 10:17-22; 24:4-14; Lúk 12:11-12; 21:8-19)
5Néré, Yěsô tsɔ́ ne pɔ́b ŋgâ: «Puŋ máʼ fǐ ndzó təŋé múŋ! Kii ŋɔŋ shʉyɛ́ wúŋ! 6Pɔ́ŋ zááme ŋkʉ́yó, ndɔ́ɔ́ tíí ya, ntsɔ́ ŋgâ: “A mo mbé Kristo!” Kɛ́ʼɛ́ ne shʉyɛ̌ne záá pɔŋ. 7Ŋkhoʼyɛ́ puŋ ŋkʉ́yó ndzóʼó pɛ ntsɔ, pwɛ nsó no ntsɔ nɛ́, kii puŋ ndɛ mbɔ́ɔ́. Ŋkyé ŋgâ a zɔŋɔ ŋgâ péré meno páŋ, ntsʉʼmbé kɛ́ʼɛ́, njʉyí pó pɛ́ɛ́ ŋkhoʼyéré pó. 8Taʼ yáʼ ŋkʉ́yó máʼá ntsɔ pú cyó, taʼ ŋgɔŋ twɔ́ ndzəb cyó. Pecyó záá pɛ́rɛ́ ywoʼ ndúŋú tsetsáʼ vɔrɔ, títî gháʼmbwo. Ntsʉʼmbé meno péré náá pɛ́ɛ́ ndaʼ ndzyé pɛ meno, njʉ́ ŋkhoʼ pfé ndɛ́ ndzyé məŋgʉ́yé nɛ́. 9Ŋgɛ́ mbɛ́ ne puŋ, puŋ zɛ́ ntsé múŋ. Pɔŋ ŋkʉ́yó fí wúŋ pwó ghaŋásábáfiʼ pwɛ ndántéré pɛ Yúda. Pe ŋkʉ́yó gbíí wúŋ kaʼatɛ. Fiʼɛ wúŋ síŋ pɛ ntsɛ́ssó pɛ ŋgɔ́bmenaʼ pwɛ péfɔŋ, ŋkyé ya. Kɛ́ʼɛ́, puŋ pe ghaŋákpééntáŋ páá síŋ pɔ́b. 10A zɔŋɔ ŋgâ yéré no ghɛ́ mbɛ, puŋ cʉrí Ŋkəŋ sʉ́ʼʉ pwó ŋkɔŋɔ mvémvé náá. 11Ŋkhoʼyɛ́ pe ŋkʉ́yó ntsé fiʼɛ wúŋ nɛ́, puŋ ndɛ ntsé kpaŋa ŋgâ puŋ kpéé mbəb yuŋ pe níŋ? Ntsʉʼmbé, a náʼá mbɛ ŋkhoʼyéré, yɔ́b yɛ́ Mboʼmvé fɛ́ ntswee puŋ nɛ́, puŋ nsó, ŋkyé ŋgâ a ŋkʉ́yó mbé ntsɔ́ puŋ pó, a ŋkʉ́yó ntsɔ́ Zhʉye Yáŋme. 12Ŋɔŋ ŋkʉ́yó fí mɔ́ŋmɛ́ yé, pe nɔ́ʼɔ́ wé. Tɛd pó fí mɔ́ŋ yé. Pɛ mɔ́ŋ tsɔʼ pɛ mímíí ndiŋɛ́ tɛd pɔ́b núŋ, kaʼatɛ ŋgyɛ́ pe nɔ́ʼɔ́ wɔ́b. 13Ŋkɔŋɔ ŋɔŋ náá ŋkʉ́yó mbáŋa wúŋ ŋkyé tíí ya. Ntsʉʼmbé ŋɔŋ wɛ́ ŋkʉ́yó sɛ́ɛ́ kaʼatɛ mbáŋa ne mê yé nɛ́, Mboʼmvé kpéé wé.»
Záá pɔŋ ŋkʉ́yó njʉ́ ŋgəʼo
(Mat 24:15-25; Lúk 21:20-24; 17:23; 21:8)
14«Ŋkhoʼyɛ́ puŋ náʼá njʉ́ Mbúbuywoʼ wé Ghoʼotó ghɔ́rɔ́ ndzó ywoʼ yɛ́ a ywoʼɔ ghɔ́rɔ́ yé nɛ́ pó. -Ŋɔŋ wɛ́ a fú nɛ́, a zoʼ!- Pɔŋ pɛ pɔ́b Zhʉde nɛ́ khí ŋkɔ́ʼɔ́ ndúŋú pɛ ŋkə́ŋ. 15Ŋɔŋ wɛ́ a ntsɔ̌ʼndáb nɛ́ ndɛ shʉyí, a ndɛ mbó ŋkuŋɔ ndáb ŋgâ a yɔ́ɔ́ cyó yɔ́b. 16Ŋɔŋ wɛ́ a pɛ́ɛ́ faʼ nɛ́, ndɛ mbó mbód ndzəb ne ndɔ̌ne ndzwéfóó. 17Ŋgəʼo ŋkʉ́yó mbɛ mbəb pěŋgyé sǔme pwɛ pɛ memɔ́ŋ ne yéré zhyémvé! 18Puŋ tséʼé Mboʼmvé ŋgâ yéré no ndɛ ŋkʉ́yó ne ŋgabmvé kəpɔŋ. 19Zhyémvé péré náʼá mbɛ zhyé ŋgəʼo zááme, njʉ́ a kâ kɛ pɛ féré njʉ́ Mboʼmvé kɛ núŋu mvé yé kaʼatɛ mbáŋ ndzebe nɛ́ pó. Cyó zhyémvé ghɛ́ náʼá mbó mbé pé, fwɛ́ɛ́ yéré ŋkʉ́rʉ́ pó. 20A ghɛmbɛ Ntsɛɛpɔŋ pe kɔ́ɔ́ ndɔŋɔ zhyémve péré pó, mbǒ cyó ŋɔŋ wɛ́, á ŋkʉ́yó ntsɛ́ʼɛ́ ndzǔne nɛ́ ghú pó. A kɔ́ɔ́ ndɔŋɔ zhyémvé péré ŋkyé pɔ́ŋ pɛ́, a kɛ fú mbó ntsɔ́ʼ nɛ́. 21A pɛ́ɛ́ yɛ́ ŋɔŋ tsɔ́ ne puŋ ŋgâ: “Zhʉ́, Kristo pɛ́ɛ́ ghaŋ!” kii ŋgâ: “Zhʉ́, a pɛ́ɛ́ ghiŋ!” nɛ́, puŋ ndɛ ndzóʼ ntswee yé. 22Pɛ kristo mbwɔ́ pwɛ ghaŋátsɔ́kpaŋató mbwɔ́ ŋkʉ́yó, ŋkʉ́yó. Pɔ́b ŋkʉ́yó ŋkɔ́ʼɔ́ ŋgyɛ́ pɛ meno shʉyédme, kɛ́ʼɛ́ ne shʉyɛ̌ne pɔŋ núŋ. Mbɛ́ ntáʼá ndzaʼ yé, ne shʉyɛ̌ne pɔŋ pɛ, Mboʼmvé kɛ tsɔ́ʼɔ́ wɔ́b nɛ́, núŋ. 23Ŋgɛ́ ŋkhú ne puŋ, puŋ Zhyáŋá! Mə ntʉ́ʉ́ tó yuŋ nɛ́ ne ŋkɔŋɔ meno náá.»
Mbziʼe yɛ́ Mɔ́ŋ ŋɔŋ náʼá ŋkʉ́yó nɛ́
(Mat 24:29-31; Lúk 21:25-28)
24«A náʼá mbɛ ne zhyémve péré, ŋkhoʼyɛ́ ŋgəʼo zááme péré náʼá ndzáʼá náá nɛ́, ménab síŋ, ménwɔtsúʼ pó mbé ké fʉ́ʉ́ ŋkʉ́rʉ́ pó. 25Pɛ saŋ twɔ́ pépéé mvɔ́ sye, tʉ̌ŋ pɛ a pépéé nɛ́ náʼá nyʉ́. 26Néré, pe zhʉ́ njʉ́ Mɔ́ŋ ŋɔŋ ŋkʉ́yó ndzɔ́ʼɔ́ pfuŋ ne ŋkɔŋɔ tʉ̌ŋ mé náá, pwɛ ŋkɔŋɔ ŋgúʼune mé náá nɛ́. 27A náʼá ntwɔ́ pɛ aŋgere pé, ké mbó ntɛ́rɛ́ púpé pɛ́ a kɛ tsɔ́ʼ ndzó sáá mvé ye yíkwa nɛ́, ndzó ŋkɔŋɔ mbǎʼmvé náá ndzyěne ndúŋ tsetsáʼ mbáŋa pépéé.»
Fuʼno ndúŋú tsi mbéé
(Mat 24:32-36; Lúk 21:29-33)
28«Puŋ cʉ̌yi ndzóʼ fuʼno ndúŋú tsi mbéé yɔŋ sʉ́ʼʉ. Ŋkhoʼyɛ́ ntâmbwó mé tʉ́ŋ, fwo pé pó séʼé nɛ́, puŋ zé ŋgâ mbuŋ kyáŋá ŋkhú. 29Á ké mbé nɛ́ ŋkhoʼyɛ́ puŋ njʉ́ péré meno nɛ́, puŋ zé ŋgâ Mɔ́ŋ Ŋɔŋ tsé ŋkʉ́yó. A kɛ pe nɛ́ ntswěndáb puŋ. 30Mə sɔ́ŋɔ́ wúŋ sísíŋ ŋgâ, ŋgɔbɔ ŋuŋmesɔŋ ndzebé náʼá pfó náá kii ŋkɔŋɔ meno péré náá páŋ pó. 31Pépéé pú tsetsáʼ náʼá ndzáʼá náá, ntsʉʼmbé nsó ya náʼá mbwó ne cyó zhyémve pó. 32Ŋgɛ ŋkhú ne zhyémvé pwɛ ŋkhoʼmvé yɛ́ péré meno ŋkʉ́yó ndzáʼá nɛ́, ŋɔŋ yóʼó ndzé pó, mbɛ pɛ aŋgere pépéé, mbɛ Mɔ́ŋ, ndii ŋɔŋ fáá Tɛd pó.»
Puŋ yáʼ sáŋ!
(Mat 24:42; 25:13-15; Lúk 12:36-38; 19:12-13)
33«Puŋ máʼ fǐ ndzó təŋé múŋ! Kii ŋɔŋ zhyé, ŋkyé ŋgâ puŋ zé yéré ŋkhoʼ pó. 34A náʼá mbɛ́ɛ́ njʉ́ ŋɔŋ ndɛ ntsé ŋgú nsěnyi, ntéé ywoʼ yé, fɛ́ tʉ̌ŋ sáʼne pwó ghaŋáfaʼ pé, fɛ́ yé ŋɔŋ yɔ́b yɛ́ a ŋgyɛ́ nɛ́. Ntsɔ́ pwó mânaŋ ŋgâ a tsé mvyɛ́bɛ. 35Puŋ yáʼ sáŋ! Ŋkyé ŋgâ puŋ zé ŋkhoʼyɛ́ ŋgaŋandáb ŋkhú nɛ́ pó. Kii mbɛ́ɛ́ ne fwɔ̌nab? Kii mbɛ́ɛ́ ne ghəghóʼŋgɔŋ? Kii a ŋkhú ŋkhoʼ ŋkêmvé? Kii mbɛ́ɛ́ ne ndzɔʼɔwáá? 36Mbɔ́ɔ́ kɛ́ʼɛ́ ŋgâ kii a ndɛ mvwɛ̂ wúŋ vwi, ntsɛ́rɛ́ wúŋ ndzɔ́ʼɔ́ yɔ́ɔ́. 37No yɛ́ mə ntsɔ́ ne puŋ nɛ́, mə ntsɔ̌ pwó ŋkɔŋɔ pɔŋ náá: puŋ yáʼ sáŋ!»
ទើបបានជ្រើសរើសហើយ៖
Máákuusə 13: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 13
13
Ndámboʼmvé ŋkʉ́yó mbɛ sǎʼme
(Mat 24:1-3; Lúk 21:5-7)
1Ŋkhoʼyɛ́ Yěsô kɛ twɔ́ ndámboʼmvé nɛ́, taʼ ŋɔŋ ndzɔ́ʼɔ́ ŋgíŋgye pé, tsɔ́ pwó yé ŋgâ: «Kéʼeyáŋ, tiŋɛ̂: ŋgɔʼ pɔŋ pú. Pe pó ŋkwód ndáb yɔŋ sʉ́ʼʉ!» 2Yěsô pɔ́rɔ́ pwó yé ŋgâ: «Wo zhʉ́ njʉ́ pé kwód a ghɛ́ɛ́ kɛ́ʼɛ́ nɛ́! Cyó ŋgɔʼ ŋkʉ́yó cʉ́ʼɔ́ ndúŋú cyó pó. Ŋkɔŋɔ yé náá naʼ mbɛ sǎʼme.»
3Yěsô kɔ́ʼɔ́ ndúŋú ŋkə́ŋ pɛ tsí nsó vód Oliivə. Ŋkə́ŋ yéré kɛ pəbe ndámboʼmvé. Pětro, Zhakə, Zhâŋ pwɛ Andéré fú wé ne mbaʼá mvirɛ wé ŋgâ: 4«Sɔ́ŋɔ́ ywí ne ŋkhoʼyɛ́ yéré no náʼá mbɛ nɛ́, ne kiŋi yɛ́ psi naʼ ndáá ndúŋú ndzɛ́ ŋgâ ŋkɔŋɔ meno péré náá myé nɛ́.»
Yɔŋ njʉ́ meno náʼá ndzyé nɛ́
(Mat 10:17-22; 24:4-14; Lúk 12:11-12; 21:8-19)
5Néré, Yěsô tsɔ́ ne pɔ́b ŋgâ: «Puŋ máʼ fǐ ndzó təŋé múŋ! Kii ŋɔŋ shʉyɛ́ wúŋ! 6Pɔ́ŋ zááme ŋkʉ́yó, ndɔ́ɔ́ tíí ya, ntsɔ́ ŋgâ: “A mo mbé Kristo!” Kɛ́ʼɛ́ ne shʉyɛ̌ne záá pɔŋ. 7Ŋkhoʼyɛ́ puŋ ŋkʉ́yó ndzóʼó pɛ ntsɔ, pwɛ nsó no ntsɔ nɛ́, kii puŋ ndɛ mbɔ́ɔ́. Ŋkyé ŋgâ a zɔŋɔ ŋgâ péré meno páŋ, ntsʉʼmbé kɛ́ʼɛ́, njʉyí pó pɛ́ɛ́ ŋkhoʼyéré pó. 8Taʼ yáʼ ŋkʉ́yó máʼá ntsɔ pú cyó, taʼ ŋgɔŋ twɔ́ ndzəb cyó. Pecyó záá pɛ́rɛ́ ywoʼ ndúŋú tsetsáʼ vɔrɔ, títî gháʼmbwo. Ntsʉʼmbé meno péré náá pɛ́ɛ́ ndaʼ ndzyé pɛ meno, njʉ́ ŋkhoʼ pfé ndɛ́ ndzyé məŋgʉ́yé nɛ́. 9Ŋgɛ́ mbɛ́ ne puŋ, puŋ zɛ́ ntsé múŋ. Pɔŋ ŋkʉ́yó fí wúŋ pwó ghaŋásábáfiʼ pwɛ ndántéré pɛ Yúda. Pe ŋkʉ́yó gbíí wúŋ kaʼatɛ. Fiʼɛ wúŋ síŋ pɛ ntsɛ́ssó pɛ ŋgɔ́bmenaʼ pwɛ péfɔŋ, ŋkyé ya. Kɛ́ʼɛ́, puŋ pe ghaŋákpééntáŋ páá síŋ pɔ́b. 10A zɔŋɔ ŋgâ yéré no ghɛ́ mbɛ, puŋ cʉrí Ŋkəŋ sʉ́ʼʉ pwó ŋkɔŋɔ mvémvé náá. 11Ŋkhoʼyɛ́ pe ŋkʉ́yó ntsé fiʼɛ wúŋ nɛ́, puŋ ndɛ ntsé kpaŋa ŋgâ puŋ kpéé mbəb yuŋ pe níŋ? Ntsʉʼmbé, a náʼá mbɛ ŋkhoʼyéré, yɔ́b yɛ́ Mboʼmvé fɛ́ ntswee puŋ nɛ́, puŋ nsó, ŋkyé ŋgâ a ŋkʉ́yó mbé ntsɔ́ puŋ pó, a ŋkʉ́yó ntsɔ́ Zhʉye Yáŋme. 12Ŋɔŋ ŋkʉ́yó fí mɔ́ŋmɛ́ yé, pe nɔ́ʼɔ́ wé. Tɛd pó fí mɔ́ŋ yé. Pɛ mɔ́ŋ tsɔʼ pɛ mímíí ndiŋɛ́ tɛd pɔ́b núŋ, kaʼatɛ ŋgyɛ́ pe nɔ́ʼɔ́ wɔ́b. 13Ŋkɔŋɔ ŋɔŋ náá ŋkʉ́yó mbáŋa wúŋ ŋkyé tíí ya. Ntsʉʼmbé ŋɔŋ wɛ́ ŋkʉ́yó sɛ́ɛ́ kaʼatɛ mbáŋa ne mê yé nɛ́, Mboʼmvé kpéé wé.»
Záá pɔŋ ŋkʉ́yó njʉ́ ŋgəʼo
(Mat 24:15-25; Lúk 21:20-24; 17:23; 21:8)
14«Ŋkhoʼyɛ́ puŋ náʼá njʉ́ Mbúbuywoʼ wé Ghoʼotó ghɔ́rɔ́ ndzó ywoʼ yɛ́ a ywoʼɔ ghɔ́rɔ́ yé nɛ́ pó. -Ŋɔŋ wɛ́ a fú nɛ́, a zoʼ!- Pɔŋ pɛ pɔ́b Zhʉde nɛ́ khí ŋkɔ́ʼɔ́ ndúŋú pɛ ŋkə́ŋ. 15Ŋɔŋ wɛ́ a ntsɔ̌ʼndáb nɛ́ ndɛ shʉyí, a ndɛ mbó ŋkuŋɔ ndáb ŋgâ a yɔ́ɔ́ cyó yɔ́b. 16Ŋɔŋ wɛ́ a pɛ́ɛ́ faʼ nɛ́, ndɛ mbó mbód ndzəb ne ndɔ̌ne ndzwéfóó. 17Ŋgəʼo ŋkʉ́yó mbɛ mbəb pěŋgyé sǔme pwɛ pɛ memɔ́ŋ ne yéré zhyémvé! 18Puŋ tséʼé Mboʼmvé ŋgâ yéré no ndɛ ŋkʉ́yó ne ŋgabmvé kəpɔŋ. 19Zhyémvé péré náʼá mbɛ zhyé ŋgəʼo zááme, njʉ́ a kâ kɛ pɛ féré njʉ́ Mboʼmvé kɛ núŋu mvé yé kaʼatɛ mbáŋ ndzebe nɛ́ pó. Cyó zhyémvé ghɛ́ náʼá mbó mbé pé, fwɛ́ɛ́ yéré ŋkʉ́rʉ́ pó. 20A ghɛmbɛ Ntsɛɛpɔŋ pe kɔ́ɔ́ ndɔŋɔ zhyémve péré pó, mbǒ cyó ŋɔŋ wɛ́, á ŋkʉ́yó ntsɛ́ʼɛ́ ndzǔne nɛ́ ghú pó. A kɔ́ɔ́ ndɔŋɔ zhyémvé péré ŋkyé pɔ́ŋ pɛ́, a kɛ fú mbó ntsɔ́ʼ nɛ́. 21A pɛ́ɛ́ yɛ́ ŋɔŋ tsɔ́ ne puŋ ŋgâ: “Zhʉ́, Kristo pɛ́ɛ́ ghaŋ!” kii ŋgâ: “Zhʉ́, a pɛ́ɛ́ ghiŋ!” nɛ́, puŋ ndɛ ndzóʼ ntswee yé. 22Pɛ kristo mbwɔ́ pwɛ ghaŋátsɔ́kpaŋató mbwɔ́ ŋkʉ́yó, ŋkʉ́yó. Pɔ́b ŋkʉ́yó ŋkɔ́ʼɔ́ ŋgyɛ́ pɛ meno shʉyédme, kɛ́ʼɛ́ ne shʉyɛ̌ne pɔŋ núŋ. Mbɛ́ ntáʼá ndzaʼ yé, ne shʉyɛ̌ne pɔŋ pɛ, Mboʼmvé kɛ tsɔ́ʼɔ́ wɔ́b nɛ́, núŋ. 23Ŋgɛ́ ŋkhú ne puŋ, puŋ Zhyáŋá! Mə ntʉ́ʉ́ tó yuŋ nɛ́ ne ŋkɔŋɔ meno náá.»
Mbziʼe yɛ́ Mɔ́ŋ ŋɔŋ náʼá ŋkʉ́yó nɛ́
(Mat 24:29-31; Lúk 21:25-28)
24«A náʼá mbɛ ne zhyémve péré, ŋkhoʼyɛ́ ŋgəʼo zááme péré náʼá ndzáʼá náá nɛ́, ménab síŋ, ménwɔtsúʼ pó mbé ké fʉ́ʉ́ ŋkʉ́rʉ́ pó. 25Pɛ saŋ twɔ́ pépéé mvɔ́ sye, tʉ̌ŋ pɛ a pépéé nɛ́ náʼá nyʉ́. 26Néré, pe zhʉ́ njʉ́ Mɔ́ŋ ŋɔŋ ŋkʉ́yó ndzɔ́ʼɔ́ pfuŋ ne ŋkɔŋɔ tʉ̌ŋ mé náá, pwɛ ŋkɔŋɔ ŋgúʼune mé náá nɛ́. 27A náʼá ntwɔ́ pɛ aŋgere pé, ké mbó ntɛ́rɛ́ púpé pɛ́ a kɛ tsɔ́ʼ ndzó sáá mvé ye yíkwa nɛ́, ndzó ŋkɔŋɔ mbǎʼmvé náá ndzyěne ndúŋ tsetsáʼ mbáŋa pépéé.»
Fuʼno ndúŋú tsi mbéé
(Mat 24:32-36; Lúk 21:29-33)
28«Puŋ cʉ̌yi ndzóʼ fuʼno ndúŋú tsi mbéé yɔŋ sʉ́ʼʉ. Ŋkhoʼyɛ́ ntâmbwó mé tʉ́ŋ, fwo pé pó séʼé nɛ́, puŋ zé ŋgâ mbuŋ kyáŋá ŋkhú. 29Á ké mbé nɛ́ ŋkhoʼyɛ́ puŋ njʉ́ péré meno nɛ́, puŋ zé ŋgâ Mɔ́ŋ Ŋɔŋ tsé ŋkʉ́yó. A kɛ pe nɛ́ ntswěndáb puŋ. 30Mə sɔ́ŋɔ́ wúŋ sísíŋ ŋgâ, ŋgɔbɔ ŋuŋmesɔŋ ndzebé náʼá pfó náá kii ŋkɔŋɔ meno péré náá páŋ pó. 31Pépéé pú tsetsáʼ náʼá ndzáʼá náá, ntsʉʼmbé nsó ya náʼá mbwó ne cyó zhyémve pó. 32Ŋgɛ ŋkhú ne zhyémvé pwɛ ŋkhoʼmvé yɛ́ péré meno ŋkʉ́yó ndzáʼá nɛ́, ŋɔŋ yóʼó ndzé pó, mbɛ pɛ aŋgere pépéé, mbɛ Mɔ́ŋ, ndii ŋɔŋ fáá Tɛd pó.»
Puŋ yáʼ sáŋ!
(Mat 24:42; 25:13-15; Lúk 12:36-38; 19:12-13)
33«Puŋ máʼ fǐ ndzó təŋé múŋ! Kii ŋɔŋ zhyé, ŋkyé ŋgâ puŋ zé yéré ŋkhoʼ pó. 34A náʼá mbɛ́ɛ́ njʉ́ ŋɔŋ ndɛ ntsé ŋgú nsěnyi, ntéé ywoʼ yé, fɛ́ tʉ̌ŋ sáʼne pwó ghaŋáfaʼ pé, fɛ́ yé ŋɔŋ yɔ́b yɛ́ a ŋgyɛ́ nɛ́. Ntsɔ́ pwó mânaŋ ŋgâ a tsé mvyɛ́bɛ. 35Puŋ yáʼ sáŋ! Ŋkyé ŋgâ puŋ zé ŋkhoʼyɛ́ ŋgaŋandáb ŋkhú nɛ́ pó. Kii mbɛ́ɛ́ ne fwɔ̌nab? Kii mbɛ́ɛ́ ne ghəghóʼŋgɔŋ? Kii a ŋkhú ŋkhoʼ ŋkêmvé? Kii mbɛ́ɛ́ ne ndzɔʼɔwáá? 36Mbɔ́ɔ́ kɛ́ʼɛ́ ŋgâ kii a ndɛ mvwɛ̂ wúŋ vwi, ntsɛ́rɛ́ wúŋ ndzɔ́ʼɔ́ yɔ́ɔ́. 37No yɛ́ mə ntsɔ́ ne puŋ nɛ́, mə ntsɔ̌ pwó ŋkɔŋɔ pɔŋ náá: puŋ yáʼ sáŋ!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល