Máákuusə 11
11
Yěsô kuŋɔ Yerʉ́salɛm
(Mat 21:1-11; Lúk 19:28-40; Zhâ 12:12-16)
1Njʉ́ Yěsô kɛ nyi kaʼatɛ ntsé mbáŋa ndzó mbɛ́lʉ́ŋ Yerʉ́salɛm, ne ndii Bɛfazhe pú Betáni, pfúŋɔ́ ŋkə́ŋ yɛ́ pe fú ne ŋkə́ŋ Nsó vód Oliivə nɛ́, a twɔ́ ŋgíŋgye pé pépáá. 2Ntsɔ́ ne pɔ́b ŋgâ: «Puŋ ghú ndzó mbɛ́lʉ́ŋ yɛ́ a síŋ puŋ nɛ́. Puŋ páŋá yóʼó njʉ́ mɔ́ŋ ŋkíŋ cʉ̌me wɛ́ ŋɔŋ kɛ kɔ́ʼɔ́ wé nɛ́ pó. Puŋ kee wé ŋkʉ́yó né yé. 3A pɛ́ɛ́ yɛ́ ŋɔŋ psirɛ́ wúŋ ŋgâ: “Puŋ zhyɛ́ kɛ́ʼɛ́ ŋkyé kɔ́?” Puŋ pɔ́rɔ́ pwó ye ŋgâ: “Ntsɛɛpɔŋ tsé ndzɔ́ŋɔ.” Mbǒ a twɔ́ wé ghaŋ ŋkhoʼyɔŋ.» 4Ŋgíŋgyé pé ghú. Njʉ́ mɔ́ŋ ŋkíŋ cʉ̌me syémasǎ, ne gháá mɛndɔ́b, ŋkéé wé. 5Pecyó pɔŋ pɛ́ pɔ́b kɛ pɛ́ yóʼó nɛ́, psirɛ́ wɔ́b ŋgâ: «A zhyɛ́ kɔ́ púŋ kéé mɔ́ŋ ŋkíŋ wé ké nɛ́?» 6Ŋgíŋgyé Yěsô ké mbɔ́rɔ́ njʉ́ Yěsô kɛ tsɔ́ ne pɔ́b nɛ́. Pé tee wɔ́b, pɔ́b ghú né yé. 7Pɔ́b kʉ́yó né mɔ́ŋ ŋkíŋ wéré fɛ́ pwó Yěsô. Pɔ́b sɔ́d ndzwé fóó pɔ́b máʼá mpfúŋ yé, Yěsô kɔ́ʼ ŋgɔ́rɔ́ ndúŋú. 8Pɔŋ zááme yéé ndzwé fóó pɔ́b mɛndɔ́b, pecyó fâ mbwónsó pɛ́ fwó pé ndúŋú nɛ́, ndzó pɛ faʼ, ndě mɛndɔ́b. 9Pɔŋ pɛ pɔ́b kɛ nyí síŋ Yěsô pwɛ pɛ́, pɔ́b kɛ cʉ́ʼɔ́ ndzəb yé nɛ́, ghéʼe ŋgâ: «Ozana#11:9 Ozana: A mbziʼe yɛ́ pɛ Yúda ndɛ ŋguʼɔ fɔŋ wɔ́b nɛ́.! Mbúru pɛ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́! 10Mboʼmvé níŋí mbúru ndúŋú Nofɔŋ yɛ́ a tsé ŋkʉ́yó nɛ́, nofɔŋ Ndavíd tɛd wíŋi! Ozana pɛ kpaʼ pépéé!» 11Yěsô paŋa Yerʉ́salɛm, ŋkuŋɔ Ndámboʼmvé. Mkpeʼe ŋkɔŋɔ yɔ́b náá ndzǒ, ntwɔ́ pwɛ ŋgíŋgyé pé ntsɔ̌bpáá ŋgú Betáni, ŋkyé ŋgâ a kɛ ghɛmbɛ ŋkhoʼfwɔ̌nab kɛ kuʼu.
Yěsô níŋi ndɔŋ tó tsi figye
(Mat 21:18-19)
12Kêmvé, pɔ́b ghɛ́ twɔ́ Betáni, ndzye tsé ndzi Yěsô. 13A zhʉ́ taʼ tsi figye taŋa sesɛ ne fwo pé ndúŋú, ŋgú ne ndíŋíne mbéyɛ́ tɛɛmbɛ a zhʉ́ yɔ́b ndúŋú nɛ́. Ŋkhoʼyɛ́ a kɛ paŋa pfúŋɔ́ tsi figye yéré nɛ́, a ké njʉ́ ndaʼ fwo pé, ŋkyé ŋgâ á kɛ ghɛmbɛ ŋgab ncʉ́ne pe kɛ kuʼɔ pó. 14Néré, Yěsô tsɔ́ pwó tsi figye ŋgâ: «Ndíí ŋɔŋ náʼ mbe zó ntáá mo pó.» Ŋgíŋgye pé kɛ zoʼ yéré no.
Yěsô zú ghaŋapɛʼɛ́táŋ Ndáb Mboʼmvé
(Mat 21:10-17; Lúk 19:45-48; Zhâ 2:13-16)
15Yěsô paŋa Yerʉ́salɛm, ŋkúŋɔ́ Ndámboʼmvé, ndzú pɔŋ pɛ pɔ́b kɛ fí mɔ́b nɛ́, pwɛ pɛ́ pɔ́b kɛ zuŋɔ nɛ́. Séd kúŋ ghaŋásɛ́rɛ mbób ne pɛ ywʉŋ ghaŋáfí péshʉŋ ŋkubɔ́ sye. 16A kɛ pé zyé zyé mbzyɛ́ ŋgâ pɔŋ yɔ́ɔ́ mɔ́b pɔ́b ndzaʼ núŋ Ndámboʼmvé pó. 17Yěsô záʼá ndúŋú, fɛ́ ntʉ́ʉ́, nsó ŋgâ: «A ŋweʼéme ŋgâ pe ŋkʉ́yó fú ndáb ya, pé ne ndáb tséʼé pwó ŋkɔŋɔ mvémvé náá. Ntsʉʼmbé puŋ pó sed a cʉ́ʼɔ́ ywoʼ ywʉ́ mɔ́b gháŋagháŋ!» 18Ntsɛ́ssó ghaŋáshʉ́ pwɛ pɛ ntsɛ́ssó ghaŋákeʼekaŋ zóʼ yéré no, ntáʼ mɛndɔ́b njʉ́ pɔ́b nɔ́ʼɔ́ wé nɛ́. Tsʉʼ ŋgɛ́mbɛ́, pɔ́b tse mbɔ́ɔ́ wé, ŋkyé ŋgâ ŋkɔŋɔ pɔŋ náá kɛ tsé ŋgóʼó meno pɛ a kɛ nyóʼó nɛ́. 19A pé ne ŋkhoʼfwɔ̂nab, Yěsô yɔ́ɔ́ ŋgíŋgyé pé, pú pɔ́b ŋáá ndzó mbɛ́lʉ́ŋ yéré.
Yěsô pú tsi figye zwɔ́me
(Mat 21:20-22)
20Pɔ́b kɛ ghɛ́ ndzáʼá ne ndzɔʼɔwáá, njʉ́ tsi figye yɛ́, mbǒ a zwɔ́ kaʼatɛ mbáŋa ndúŋú nyǐme. 21Tó Pětro fú ne no yɛ́ a kɛ záʼ nɛ́, a tsɔ pwó Yěsô ŋgâ: «Rábi tíŋí tsí figye yɛ́ wo níŋi ndɔŋ tó ye nɛ́, a zwɔ́ náá.» 22Yěsô tsɔ́ pwó ŋgíŋgyé pé ŋgâ: «Puŋ tíí ndzɔʼ yúŋ mbəb Mboʼmvé. 23Mə sɔ́ŋɔ́ wuŋ kpaʼ sísíŋ ŋgâ, a tsɔ́ ŋɔŋ pwó ŋkə́ŋ yɔŋ ŋgâ: “Ŋâ ghɛ́, ŋgú mvɔ́ nse!” Ŋgɛ́mbɛ mbé tséʼé ndzɛ̌ne ndzó ndzɔʼ ye pó, ntsɛ́ʼɛ́ psyɛ́ndzɔʼ ŋgâ yɔ́b yɛ́ a ntsɔ́ nɛ́, mbɛ́, mbǒ a ké mbɛ́ɛ́ néré. 24A zhyɛ́ yéré, mə ntsɔ́ ne puŋ ŋgâ, ŋkɔŋɔ yɔ́b yɛ́ puŋ yɔŋɔ pwó Mboʼmvé náá ndzɔ́ʼɔ́ tséʼé, mbó ntséʼé psyɛ́ndzɔʼ ŋgâ puŋ kɛ tséʼé yɔ́b yéré nɛ́, mbǒ Mboʼmvé fɛ́ ne puŋ. 25Ŋkhoʼyɛ́ puŋ tsé ndzɔ́ŋɔ ntsɛ́ʼɛ́ Mboʼmvé, mbó ntséʼé no ŋkyé ŋɔŋ nɛ́, puŋ péé máʼ vɔ̌no ŋɔŋ wéré, kɛ́ʼɛ́ ŋgâ Tɛd wúŋ wɛ́ a pépéé nɛ́ ké máʼ vɔ̌no ndɔ́ɔ́ yúŋ ywoʼ. [ 26Mbéyɛ́ puŋ máʼ vɔ̌no pecyó pɔŋ nɛ́ pó, mbǒ Tɛd wúŋ wɛ́ pépéé nɛ́, máʼ yúŋ vɔ̌no pó.]»
Tʉ̌ŋ Yěsô twɔ́ pwó wɔ́?
(Mat 21:23-27; Lúk 20:1-8)
27Yěsô pwɛ ŋgíŋgyé pé pód ndzəb Yerʉ́salɛm. Ŋkhoʼyɛ́ Yěsô kɛ nyí ndámboʼmvé nɛ́, pɛ ntsɛ́ssó ghaŋáshʉ́, ghaŋákeʼekaŋ pwɛ ŋgəkód ŋkʉ́yó pfuŋ yé, 28mbzirɛ́ wé ŋgâ: «Wo zhʉ́ yɔŋ mbziʼe tʉ̌ŋ pɛ́ɛ́ faʼa yɔŋ mbziʼe faʼ? A fɛ́ wɔ́ fɛ́ tʉ̌ŋ méré pwó wo ne fǎʼne kɛ́ʼɛ́?» 29Yěsô tsɔ́ ne pɔ́b ŋgâ: «Mə ndzɔ́ŋɔ mbzirɛ́ wuŋ ne taʼ no. Puŋ pɔ́rɔ́ ne mo! Mbǒ mə sɔ́ŋɔ́ wuŋ ne ywoʼ yɛ́ méré tʉ̌ŋ twɔ́, mə ŋgyɛ́ péré meno núŋ nɛ́. 30Kpênse yɛ́ Zhâŋ kɛ fɛ́ pwó pɔŋ nɛ́, kɛ twɔ̌ pépéé kii a kɛ twɔ̌ pwó pumésɔŋ? Puŋ pɔ́rɔ́ ne mo.» 31Néré, Pɔ́b kpáŋ tó, ntsɔ́ tsetsɛrɛ pɔ́b ŋgâ: «Piŋi pɔ́rɔ́ pɔ́rɔ́ ŋgâ: “Á kɛ twɔ̌ pépéé”, mbǒ Yěsô mbzírɛ́ wíŋi ŋgâ: “Tɛ a kɛ zhyɛ́ kɔ́ puŋ pé tséʼé psyɛ́ndzɔʼ ŋkyé nsó yé pó?” 32Piŋi pɔ́rɔ́ ntsɔ́ ŋgâ: “Pwó pumésɔŋ? Mbǒ, həŋ!”» Pɔ́b kɛ tsé mbɔ́ɔ́ míí pɔŋ, ŋkyé ŋgâ ŋkɔŋɔ ŋɔŋ náá kɛ kpaŋa ŋgâ, Zhâŋ kɛ pé ndáá ŋgaŋatsɔ́kpaŋató Mboʼmvé. 33Kɛ́ʼɛ́, pɔ́b pɔ́rɔ́ pwó Yěsô ŋgâ: «Psi zé pó.» Yěsô tsɔ́ ne pɔ́b ŋgâ: «Kɔʼɔ tó mbəb ya, mə sɔ́ŋɔ́ wúŋ ne ywoʼ yɛ́ tʉ̌ŋ máá twɔ́, mə ŋgyɛ́ meno pɔ́ŋ núŋ nɛ́ pó.»
ទើបបានជ្រើសរើសហើយ៖
Máákuusə 11: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 11
11
Yěsô kuŋɔ Yerʉ́salɛm
(Mat 21:1-11; Lúk 19:28-40; Zhâ 12:12-16)
1Njʉ́ Yěsô kɛ nyi kaʼatɛ ntsé mbáŋa ndzó mbɛ́lʉ́ŋ Yerʉ́salɛm, ne ndii Bɛfazhe pú Betáni, pfúŋɔ́ ŋkə́ŋ yɛ́ pe fú ne ŋkə́ŋ Nsó vód Oliivə nɛ́, a twɔ́ ŋgíŋgye pé pépáá. 2Ntsɔ́ ne pɔ́b ŋgâ: «Puŋ ghú ndzó mbɛ́lʉ́ŋ yɛ́ a síŋ puŋ nɛ́. Puŋ páŋá yóʼó njʉ́ mɔ́ŋ ŋkíŋ cʉ̌me wɛ́ ŋɔŋ kɛ kɔ́ʼɔ́ wé nɛ́ pó. Puŋ kee wé ŋkʉ́yó né yé. 3A pɛ́ɛ́ yɛ́ ŋɔŋ psirɛ́ wúŋ ŋgâ: “Puŋ zhyɛ́ kɛ́ʼɛ́ ŋkyé kɔ́?” Puŋ pɔ́rɔ́ pwó ye ŋgâ: “Ntsɛɛpɔŋ tsé ndzɔ́ŋɔ.” Mbǒ a twɔ́ wé ghaŋ ŋkhoʼyɔŋ.» 4Ŋgíŋgyé pé ghú. Njʉ́ mɔ́ŋ ŋkíŋ cʉ̌me syémasǎ, ne gháá mɛndɔ́b, ŋkéé wé. 5Pecyó pɔŋ pɛ́ pɔ́b kɛ pɛ́ yóʼó nɛ́, psirɛ́ wɔ́b ŋgâ: «A zhyɛ́ kɔ́ púŋ kéé mɔ́ŋ ŋkíŋ wé ké nɛ́?» 6Ŋgíŋgyé Yěsô ké mbɔ́rɔ́ njʉ́ Yěsô kɛ tsɔ́ ne pɔ́b nɛ́. Pé tee wɔ́b, pɔ́b ghú né yé. 7Pɔ́b kʉ́yó né mɔ́ŋ ŋkíŋ wéré fɛ́ pwó Yěsô. Pɔ́b sɔ́d ndzwé fóó pɔ́b máʼá mpfúŋ yé, Yěsô kɔ́ʼ ŋgɔ́rɔ́ ndúŋú. 8Pɔŋ zááme yéé ndzwé fóó pɔ́b mɛndɔ́b, pecyó fâ mbwónsó pɛ́ fwó pé ndúŋú nɛ́, ndzó pɛ faʼ, ndě mɛndɔ́b. 9Pɔŋ pɛ pɔ́b kɛ nyí síŋ Yěsô pwɛ pɛ́, pɔ́b kɛ cʉ́ʼɔ́ ndzəb yé nɛ́, ghéʼe ŋgâ: «Ozana#11:9 Ozana: A mbziʼe yɛ́ pɛ Yúda ndɛ ŋguʼɔ fɔŋ wɔ́b nɛ́.! Mbúru pɛ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́! 10Mboʼmvé níŋí mbúru ndúŋú Nofɔŋ yɛ́ a tsé ŋkʉ́yó nɛ́, nofɔŋ Ndavíd tɛd wíŋi! Ozana pɛ kpaʼ pépéé!» 11Yěsô paŋa Yerʉ́salɛm, ŋkuŋɔ Ndámboʼmvé. Mkpeʼe ŋkɔŋɔ yɔ́b náá ndzǒ, ntwɔ́ pwɛ ŋgíŋgyé pé ntsɔ̌bpáá ŋgú Betáni, ŋkyé ŋgâ a kɛ ghɛmbɛ ŋkhoʼfwɔ̌nab kɛ kuʼu.
Yěsô níŋi ndɔŋ tó tsi figye
(Mat 21:18-19)
12Kêmvé, pɔ́b ghɛ́ twɔ́ Betáni, ndzye tsé ndzi Yěsô. 13A zhʉ́ taʼ tsi figye taŋa sesɛ ne fwo pé ndúŋú, ŋgú ne ndíŋíne mbéyɛ́ tɛɛmbɛ a zhʉ́ yɔ́b ndúŋú nɛ́. Ŋkhoʼyɛ́ a kɛ paŋa pfúŋɔ́ tsi figye yéré nɛ́, a ké njʉ́ ndaʼ fwo pé, ŋkyé ŋgâ á kɛ ghɛmbɛ ŋgab ncʉ́ne pe kɛ kuʼɔ pó. 14Néré, Yěsô tsɔ́ pwó tsi figye ŋgâ: «Ndíí ŋɔŋ náʼ mbe zó ntáá mo pó.» Ŋgíŋgye pé kɛ zoʼ yéré no.
Yěsô zú ghaŋapɛʼɛ́táŋ Ndáb Mboʼmvé
(Mat 21:10-17; Lúk 19:45-48; Zhâ 2:13-16)
15Yěsô paŋa Yerʉ́salɛm, ŋkúŋɔ́ Ndámboʼmvé, ndzú pɔŋ pɛ pɔ́b kɛ fí mɔ́b nɛ́, pwɛ pɛ́ pɔ́b kɛ zuŋɔ nɛ́. Séd kúŋ ghaŋásɛ́rɛ mbób ne pɛ ywʉŋ ghaŋáfí péshʉŋ ŋkubɔ́ sye. 16A kɛ pé zyé zyé mbzyɛ́ ŋgâ pɔŋ yɔ́ɔ́ mɔ́b pɔ́b ndzaʼ núŋ Ndámboʼmvé pó. 17Yěsô záʼá ndúŋú, fɛ́ ntʉ́ʉ́, nsó ŋgâ: «A ŋweʼéme ŋgâ pe ŋkʉ́yó fú ndáb ya, pé ne ndáb tséʼé pwó ŋkɔŋɔ mvémvé náá. Ntsʉʼmbé puŋ pó sed a cʉ́ʼɔ́ ywoʼ ywʉ́ mɔ́b gháŋagháŋ!» 18Ntsɛ́ssó ghaŋáshʉ́ pwɛ pɛ ntsɛ́ssó ghaŋákeʼekaŋ zóʼ yéré no, ntáʼ mɛndɔ́b njʉ́ pɔ́b nɔ́ʼɔ́ wé nɛ́. Tsʉʼ ŋgɛ́mbɛ́, pɔ́b tse mbɔ́ɔ́ wé, ŋkyé ŋgâ ŋkɔŋɔ pɔŋ náá kɛ tsé ŋgóʼó meno pɛ a kɛ nyóʼó nɛ́. 19A pé ne ŋkhoʼfwɔ̂nab, Yěsô yɔ́ɔ́ ŋgíŋgyé pé, pú pɔ́b ŋáá ndzó mbɛ́lʉ́ŋ yéré.
Yěsô pú tsi figye zwɔ́me
(Mat 21:20-22)
20Pɔ́b kɛ ghɛ́ ndzáʼá ne ndzɔʼɔwáá, njʉ́ tsi figye yɛ́, mbǒ a zwɔ́ kaʼatɛ mbáŋa ndúŋú nyǐme. 21Tó Pětro fú ne no yɛ́ a kɛ záʼ nɛ́, a tsɔ pwó Yěsô ŋgâ: «Rábi tíŋí tsí figye yɛ́ wo níŋi ndɔŋ tó ye nɛ́, a zwɔ́ náá.» 22Yěsô tsɔ́ pwó ŋgíŋgyé pé ŋgâ: «Puŋ tíí ndzɔʼ yúŋ mbəb Mboʼmvé. 23Mə sɔ́ŋɔ́ wuŋ kpaʼ sísíŋ ŋgâ, a tsɔ́ ŋɔŋ pwó ŋkə́ŋ yɔŋ ŋgâ: “Ŋâ ghɛ́, ŋgú mvɔ́ nse!” Ŋgɛ́mbɛ mbé tséʼé ndzɛ̌ne ndzó ndzɔʼ ye pó, ntsɛ́ʼɛ́ psyɛ́ndzɔʼ ŋgâ yɔ́b yɛ́ a ntsɔ́ nɛ́, mbɛ́, mbǒ a ké mbɛ́ɛ́ néré. 24A zhyɛ́ yéré, mə ntsɔ́ ne puŋ ŋgâ, ŋkɔŋɔ yɔ́b yɛ́ puŋ yɔŋɔ pwó Mboʼmvé náá ndzɔ́ʼɔ́ tséʼé, mbó ntséʼé psyɛ́ndzɔʼ ŋgâ puŋ kɛ tséʼé yɔ́b yéré nɛ́, mbǒ Mboʼmvé fɛ́ ne puŋ. 25Ŋkhoʼyɛ́ puŋ tsé ndzɔ́ŋɔ ntsɛ́ʼɛ́ Mboʼmvé, mbó ntséʼé no ŋkyé ŋɔŋ nɛ́, puŋ péé máʼ vɔ̌no ŋɔŋ wéré, kɛ́ʼɛ́ ŋgâ Tɛd wúŋ wɛ́ a pépéé nɛ́ ké máʼ vɔ̌no ndɔ́ɔ́ yúŋ ywoʼ. [ 26Mbéyɛ́ puŋ máʼ vɔ̌no pecyó pɔŋ nɛ́ pó, mbǒ Tɛd wúŋ wɛ́ pépéé nɛ́, máʼ yúŋ vɔ̌no pó.]»
Tʉ̌ŋ Yěsô twɔ́ pwó wɔ́?
(Mat 21:23-27; Lúk 20:1-8)
27Yěsô pwɛ ŋgíŋgyé pé pód ndzəb Yerʉ́salɛm. Ŋkhoʼyɛ́ Yěsô kɛ nyí ndámboʼmvé nɛ́, pɛ ntsɛ́ssó ghaŋáshʉ́, ghaŋákeʼekaŋ pwɛ ŋgəkód ŋkʉ́yó pfuŋ yé, 28mbzirɛ́ wé ŋgâ: «Wo zhʉ́ yɔŋ mbziʼe tʉ̌ŋ pɛ́ɛ́ faʼa yɔŋ mbziʼe faʼ? A fɛ́ wɔ́ fɛ́ tʉ̌ŋ méré pwó wo ne fǎʼne kɛ́ʼɛ́?» 29Yěsô tsɔ́ ne pɔ́b ŋgâ: «Mə ndzɔ́ŋɔ mbzirɛ́ wuŋ ne taʼ no. Puŋ pɔ́rɔ́ ne mo! Mbǒ mə sɔ́ŋɔ́ wuŋ ne ywoʼ yɛ́ méré tʉ̌ŋ twɔ́, mə ŋgyɛ́ péré meno núŋ nɛ́. 30Kpênse yɛ́ Zhâŋ kɛ fɛ́ pwó pɔŋ nɛ́, kɛ twɔ̌ pépéé kii a kɛ twɔ̌ pwó pumésɔŋ? Puŋ pɔ́rɔ́ ne mo.» 31Néré, Pɔ́b kpáŋ tó, ntsɔ́ tsetsɛrɛ pɔ́b ŋgâ: «Piŋi pɔ́rɔ́ pɔ́rɔ́ ŋgâ: “Á kɛ twɔ̌ pépéé”, mbǒ Yěsô mbzírɛ́ wíŋi ŋgâ: “Tɛ a kɛ zhyɛ́ kɔ́ puŋ pé tséʼé psyɛ́ndzɔʼ ŋkyé nsó yé pó?” 32Piŋi pɔ́rɔ́ ntsɔ́ ŋgâ: “Pwó pumésɔŋ? Mbǒ, həŋ!”» Pɔ́b kɛ tsé mbɔ́ɔ́ míí pɔŋ, ŋkyé ŋgâ ŋkɔŋɔ ŋɔŋ náá kɛ kpaŋa ŋgâ, Zhâŋ kɛ pé ndáá ŋgaŋatsɔ́kpaŋató Mboʼmvé. 33Kɛ́ʼɛ́, pɔ́b pɔ́rɔ́ pwó Yěsô ŋgâ: «Psi zé pó.» Yěsô tsɔ́ ne pɔ́b ŋgâ: «Kɔʼɔ tó mbəb ya, mə sɔ́ŋɔ́ wúŋ ne ywoʼ yɛ́ tʉ̌ŋ máá twɔ́, mə ŋgyɛ́ meno pɔ́ŋ núŋ nɛ́ pó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល