Matʉyo 25
25
Fuʼno mbəb vwɔ́ pɔ́ŋɔndámɛ́
1Yěsô ke mbó ntsó ŋgâ: «Kɛ́ʼɛ́, Nofɔŋ Mboʼmvé ke náʼ mbé nɛ́ pe njʉ́ vwɔ́ pɔ́ŋdɛmɛ́ pɛ́, pɔ́b yɔ́ɔ́ lámbo pɔ́b ntwɔ́ ne ndzwə́ʼene tsefɔŋ nɛ́. 2Pɔ́ŋɔndámɛ́ petáŋ tsetsɛrɛ pɔ́b pé pɛ ghəghəŋ, petáŋ pe pɛ ghaŋázé. 3Pɔ́ŋɔndámɛ́ pɛ pɔ́b kɛ pe pɛ ghəghəŋ nɛ́, ghɛ́ ndɔ̂ lámbo pɔ́b mbé yɔ̂ kɛ́rɛsí pó. 4Pɔ́ŋɔndámɛ́ pɛ́ pɔ́b kɛ pé pɛ ghaŋázé nɛ́ ghɛ́ ndɔ̂ lámbo pɔ́b, ndɔ̂ kɛ́rɛsí ndzó pɛ tɔ́ʼ. 5Njʉ́ tsefɔŋ kɛ tsé ndɛ́ɛ́ nɛ́, yɔ́ɔ́ nzwəə ŋkɔŋɔ wɔ́b náá, pɔ́b zhyé. 6A páŋa ne ghəghóʼŋgɔŋ, ŋɔŋ yíʼe, ntsó ŋgâ: “Tsefɔŋ pé nɔŋ! Puŋ twɔ́ ntsɛ́rɛ́ wé!” 7Néré, ŋkɔŋɔ pɔ́ŋdɛmɛ́ pɛ náá zebe, nə́b lámbo pɔ́b. 8Pe ghəghəŋ ntsɔ́ pwó pɛ pɔ́b kɛ pe ghaŋázé nɛ́ ŋgâ: “Psi póʼó mbwo! Puŋ ŋɔ́ʼ kɛ́rɛsí wuŋ fɛ́ ywí! Lámbo ywí pwó pwó.” 9Pɛ pɔ́b kɛ pe ghaŋázé nɛ́ pɔ́rɔ́ pwó pe ghəghəŋ ŋgâ: “A no pó, kɛ́rɛsí záá ne psi kaʼatɛ tɛɛmbɛ wuŋ twɔ́ pó! Puŋ ke syɛ́ ŋgúú yóʼó ghaŋátáŋ ndzúŋɔ́ wúŋ.” 10Ŋkhoʼyɛ́ pɔ́b kɛ ghú zuŋɔ́ zuŋɔ́ nɛ́, tsefɔŋ páŋ. Pwɛ pɛ pɔ́b kɛ ntsuŋú mbəb yɔ́b nɛ́ ŋkúŋɔ́ ndáb ndebéne, pe fûŋ ntswěndáb. 11Mɔ́ŋtiʼa ŋkhoʼ pɛ ghəghəŋ páŋ yɔ́b kɛɛ, ntsó ŋgâ: “Ntsɛɛpɔŋ, Ntsɛɛpɔŋ, psi póʼó mbwó! Ntsɔ́ʼ ntsweendáb psi ŋkúŋ!” 12Ntsʉʼmbé a pód ŋgâ: “Kpaʼ sísíŋ, mə səŋɛ wúŋ ŋgâ, mə ndzɛ́ wúŋ pó.” 13Néré, puŋ yáʼsáŋ nɛ́, ŋkyé ŋgâ puŋ zé zhyémve kii ŋkhoʼmvé yɛ́ Nofɔŋ Mboʼmvé náʼá ŋkʉ́yó nɛ́ pó.»
Mbziʼe ŋgaŋafaʼ
(Lúk 19:12-27)
14Yěsô ke mbó ntsó ŋkʉ́rʉ́ ŋgâ: «Nofɔŋ Mboʼmvé pépéé ke mbó mbé nɛ́ pe njʉ́, taʼ ŋɔŋ wɛ́ a ghɛ́ ŋgú nsěnyi, fú ghaŋáfaʼ pé, ntéé foʼ yé ne pɔ́b ŋgâ pɔ́b tsé mbɛʼɛ nɛ́. 15Fɛ́ ntəd yítaŋ pwó sɔ́ ye, fɛ́ yípáá pwó cyó, fɛ́ ndaʼ taʼ ye pwó cyó, ŋgɛmbɛ néré, a ke fɛ́ ye ŋɔŋ pe njʉ́ a kuʼɔ pwó ye ne mbéʼene nɛ́, ŋgú ye. Fǐme nɛ́, 16ŋɔŋ wɛ́ a kɛ tséʼé ntəd yítaŋ nɛ́ ghú, mbéʼé ndzó pfiŋi yítaŋ. 17Ŋɔŋ wɛ́ a kɛ tséʼé yípáá nɛ́ ké mbó ndzó pfiŋi yípáá. 18Ntsʉʼmbé ŋɔŋ wɛ́ a kɛ tséʼé taʼ ye nɛ́ ghú, ntsú tsetsáʼ ŋgʉʼʉ mbəb ntsɛɛpɔŋ ye yóʼó. 19Ntsɛɛpɔŋ náʼ ntsó náá yóʼó, mbód ndzəb, fú wɔ́b ŋgâ pɔ́b kʉ́yó ntsɔ́ njʉ́ a záʼ nɛ́. 20Ŋɔŋ wɛ́ a kɛ fɛ́ ntəd yítaŋ pwó ye nɛ́, suʼú mbəb ye fɛ́ pfuŋ ye mbó nyoʼ cyó yítaŋ ŋkʉ́rʉ́, ntsó ŋgâ: “Ntsɛɛpɔŋ, wo kɛ ntě ntəd yítaŋ ne mo, cyó yítaŋ kiʼi mbé nɔŋ yɛ́ a pfǐ ndúŋú nɛ́.” 21Ntsɛɛpɔŋ ntsɔ́ pwó ye ŋgâ: “A mbǔ, wo ŋgaŋafaʼ sʉ́ʼʉ, wɛ́ tɛɛmbɛ mə ntii ndzɔʼ ya mbəb nɛ́. Wo nsé ŋgerɛ́ŋged ndúŋú mɔ́ŋtiʼa yɔ́b, mə ndɛ tíí wo, wo tsé ndiŋɛ́ ye zááme. Kʉ́yó puŋ Ntsɛɛpɔŋ wo yébé.” 22Wɛ́ a kɛ tséʼé ntəd yípáá nɛ́, suʼú mbəb ye fɛ́ pfuŋ ye ne ye kɛɛ, ntsó ŋgâ: “Ntsɛɛpɔŋ, wo kɛ fɛ́ ntəb yípáá ne mo, yípáá kiʼi mbé nɔŋ yɛ́ a pfǐ ndúŋú nɛ́.” 23Ntsɛɛpɔŋ ye ntsɔ́ pwó ye ŋgâ: “A mbǔ, wo ŋgaŋafaʼ sʉ́ʼʉ, wɛ́ tɛɛmbɛ mə ntii ndzɔʼ ya mbəb nɛ́. Wo nsé ŋgerɛ́ŋged ndúŋú mɔ́ŋtiʼa yɔ́b, mə ndɛ tíí wo, wo tsé ndiŋɛ́ ye zááme. Kʉ́yó puŋ Ntsɛɛpɔŋ wo yébé.” 24Wɛ́ a kɛ tséʼé ndaʼ taʼ ntəd nɛ́, ke sǔʼɔ ye mbəb ye fɛ́ pfuŋ ye, ntsɔ́ pwó ye ŋgâ: “Ntsɛɛpɔŋ, mə kɛ zé ŋgâ wo taʼ ŋɔŋ, mbziʼe wo tʉ̌ŋ ŋgáʼ: wo ndɛ ŋkaba ndzó ywoʼ yɛ́ wo pfé nɛ́ pó, sɔ́ʼɔ ndzó ywoʼ yɛ́ wo máʼ nɛ́ pó. 25Pɔ́ɔ́ kɛ zhyɛ́ mə ŋgú ntsú tsetsáʼ ŋgʉʼʉ foʼ wo yóʼó. A kiʼi mbé nɔŋ, kpéé foʼ wo.” 26Ntsʉʼmbé Ntsɛɛpɔŋ tsɔ́ pwó ye ŋgâ: “ŋkǎápwó, wo ŋgaŋafaʼ kəpɔŋ! Wo kɛ zé ŋgâ mə ŋkaba ndzó ywoʼ yɛ́ mə mvě nɛ́ pó, sɔ́ʼɔ ndzó ywoʼ yɛ́ mə máʼ nɛ́ pó. 27A kɛ zɔŋɔ nɛ́ ŋgâ wo niŋi mbəb ya mbáŋ. Mbǒ mə ŋkhú kaʼa mbé túbú foʼ ya ne pfiŋi pɔɔ? 28Puŋ kpéé ntəd yɛ́ a pwó ye nɛ́, fɛ́ pwó ŋɔŋ wɛ́ a tséʼé vwɔ́ ntəd nɛ́. 29Ŋkyé ŋgâ ŋɔŋ wɛ́ a tséʼé yɔ́b nɛ́, pé ŋkʉ́yó mvíí, a záá kaʼatɛ. Ntsʉʼmbé ŋɔŋ wɛ́ a tséʼé nɛ́ pó, mɔ́ŋtii wɛ́ a tséʼé nɛ́, pé kpéé pwó yé! 30Mbɛ ne ŋgaŋafaʼ wɔŋ wɛ́ a tséʼé cyó ghebe nɛ́ pó, puŋ máʼá wé mvé ndzɔ́ʼɔ́ ndzə́ndzə́b, ywoʼ yɛ́ yaŋ náʼá mbɛ pú pfɔrɔ́ sɔŋ nɛ́.”»
Mɔ́ŋ ŋɔŋ náʼá sabá fiʼ mvémvé
31Yěsô ke mbó ntsó ŋgâ: «Ŋkhoʼyɛ́ Mɔ́ŋ ŋɔŋ náʼá ŋkʉ́yó ndzɔ́ʼɔ́ ghɛ́ɛ́ ye nɛ́, ŋkɔŋɔ pɛ aŋgere náá tyáŋa wé. Néré, a ghɔrɔ́ ndzó ywʉ fɔŋ ye. 32Ŋkɔŋɔ mvémvé náá ŋkʉ́yó ntérɛ́ síŋ ye. A syáŋá pɔŋ mvuʼɔ yípáá, njʉ́ mvyebkɛd ndɛ syaŋa pɛ njʉyǐnjʉyî pwɛ mvə́mɛʼɛ́ nɛ́. 33A náʼá ntíí pɛ njʉyǐnjʉyî ne pwó maʼ, ntíí mvə́mɛʼɛ́ ne pwó ŋkʉbi. 34Néré, fɔŋ ntsɔ́ pwó pɛ pɔ́b ne pwó maʼ nɛ́ ŋgâ: “Puŋ, puŋ kʉ́yó! Puŋ pɛ Tɛd ya niŋi mbúru mbəb puŋ nɛ́, ŋkuŋɔ ndzó Nofɔŋ yɛ́ a kɛ tsuŋɔ ne puŋ, féré njʉ́ a kɛ poʼ mvé ye nɛ́. 35Ŋkyé ŋgâ ndzye kɛ zí ya, puŋ fɛ́ mɔ́b mə nzó, ywʉ ya zwɔ́, puŋ fɛ́ yɔ́b mə nɔ́. Mə kɛ pe ŋushʉyɛ tsetsɛrɛ puŋ, puŋ yɔ̂ ya sʉ́ʼʉ. 36Mə kɛ pé ntsiŋî, puŋ gbéé ndzwé mbəb mo. Mə kɛ tsé ŋgɔŋɔ, puŋ tíŋi ya. Mə kɛ pɛ ndátsáŋ, puŋ kʉ́yó pfuŋ mo.” 37Néré, puŋgerɛ́ŋged náʼá mbɔ́rɔ́ pwó ye ŋgâ: “Ntsɛɛpɔŋ, psi kɛ zhʉ́ wo pe ŋkhoʼkɔ́ ndzye tsé ndzi wo, psi fɛ́ mɔ́b wo zɔ̂, ywʉ wo zwɔ́, psi fɛ́ yɔ́b nɔ́ pwó wo? 38Psi kɛ zhʉ́ wo pe ŋkhoʼkɔ́ wo pé ŋushʉyɛ, psi yɔ̂ wo sʉ́ʼʉ? Wo pe ntsiŋî, psi gbéé ndzwé mbəb wo? 39Psi kɛ zhʉ́ wo pe ŋkhoʼkɔ́ wo tsé ŋgɔŋɔ kii mbɛ ndátsáŋ psi kʉ́yó ndíŋí wo?” 40Fɔŋ náʼá mbɔ́rɔ́ ne pɔ́b ŋgâ: “Kpaʼ sísíŋ mə ntsɔ́ ne puŋ ŋgâ, ŋkɔŋɔ ŋkhoʼyɛ́ puŋ zhyɛ́ néré mbəb pɔ́ŋmɛ́ páá pɔŋ, mbɛ mbəb taʼ mɔ́ŋtii Mɔ́ŋ wɛ́ a ndzɔ́ʼɔ́ pɔ́b nɛ́, mbǒ puŋ zhyɛ́ mbəb mo!” 41Néré, a náʼá sɛ́rɛ́ mbəb ye, ntsɔ́ pwó pɛ́ pɔ́b náʼá mbɛ ne pwó yé yé ŋkʉbi nɛ́ ŋgâ: “Puŋ, puŋ ŋǎ pfúŋɔ́ mo, ŋgú taŋa yuŋ sáá, ndɔŋ tó puŋ. Puŋ ghú ndzɔ́ʼɔ́ mɔ́ɔ́ wɛ́ a kpíí mbé pwó nɛ́ pó. Mɔ́ɔ́ wɛ́ Tɛd ya kɛ tsúŋu ŋkyé Sátaŋ saŋywoʼ pwɛ aŋgere pé nɛ́. 42Ŋkyé ŋgâ ndzye kɛ zí ya, puŋ pe fɛ́ mɔ́b ne mo pó. Ywʉ ya zwɔ́, puŋ pe fɛ́ yɔ́b mə nɔ́ pó. 43Mə kɛ pé ŋushʉyɛ tsetsɛrɛ puŋ, puŋ pe yɔ̂ ya sʉ́ʼʉ pó, mbé ntsiŋî, puŋ pe gbéé ndzwé mbəb mo pó. Ntsé ŋgɔ́ŋɔ kii mbɛ ndátsáŋ, puŋ pe kʉ́yó ndíŋí ya pó.” 44Néré tómbəb yɔ́b náʼá mbɔ́rɔ́ ŋgâ: “Ntsɛɛpɔŋ, psi kɛ zhʉ́ wo pe ŋkhoʼkɔ ndzye tsé zí wo, ywʉ wo zwɔ́, mbé ŋushʉyɛ, kii ntsiŋî, ntsé ŋgɔ́ŋɔ kii mbɛ ndátsáŋ, psi pe kʉ́yó ndíŋí wo pɔɔ?” 45Néré, a náʼá mbɔ́rɔ́ ne pɔ́b ŋgâ: “Kpaʼ sísíŋ, mə səŋɛ wúŋ ŋgâ ŋkɔŋɔ ŋkhoʼyɛ́ puŋ zhyɛ́ néré, mbɛ mbəb taʼ mɔ́ŋtii Mɔ́ŋ ndzɔ́ʼɔ́ pɔ́ŋ pɔŋ nɛ́ pó, mbǒ mbɛ mbəb mo, puŋ ke mbé zhyɛ́ pó!” 46Pɔ́b náʼá ŋgú, ntsʉʼmbé Mbɛwɔ̂ yɔɔ wé mɛndɔ́b, puŋgerɛ́ŋged ghú ndzó tsómvé ŋeŋáŋ, pecyó pɔŋ ghú yɔ́b ndzɔ́ʼɔ́ ŋgəʼo yɛ́ a náʼá myě nɛ́ pó.»
ទើបបានជ្រើសរើសហើយ៖
Matʉyo 25: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matʉyo 25
25
Fuʼno mbəb vwɔ́ pɔ́ŋɔndámɛ́
1Yěsô ke mbó ntsó ŋgâ: «Kɛ́ʼɛ́, Nofɔŋ Mboʼmvé ke náʼ mbé nɛ́ pe njʉ́ vwɔ́ pɔ́ŋdɛmɛ́ pɛ́, pɔ́b yɔ́ɔ́ lámbo pɔ́b ntwɔ́ ne ndzwə́ʼene tsefɔŋ nɛ́. 2Pɔ́ŋɔndámɛ́ petáŋ tsetsɛrɛ pɔ́b pé pɛ ghəghəŋ, petáŋ pe pɛ ghaŋázé. 3Pɔ́ŋɔndámɛ́ pɛ pɔ́b kɛ pe pɛ ghəghəŋ nɛ́, ghɛ́ ndɔ̂ lámbo pɔ́b mbé yɔ̂ kɛ́rɛsí pó. 4Pɔ́ŋɔndámɛ́ pɛ́ pɔ́b kɛ pé pɛ ghaŋázé nɛ́ ghɛ́ ndɔ̂ lámbo pɔ́b, ndɔ̂ kɛ́rɛsí ndzó pɛ tɔ́ʼ. 5Njʉ́ tsefɔŋ kɛ tsé ndɛ́ɛ́ nɛ́, yɔ́ɔ́ nzwəə ŋkɔŋɔ wɔ́b náá, pɔ́b zhyé. 6A páŋa ne ghəghóʼŋgɔŋ, ŋɔŋ yíʼe, ntsó ŋgâ: “Tsefɔŋ pé nɔŋ! Puŋ twɔ́ ntsɛ́rɛ́ wé!” 7Néré, ŋkɔŋɔ pɔ́ŋdɛmɛ́ pɛ náá zebe, nə́b lámbo pɔ́b. 8Pe ghəghəŋ ntsɔ́ pwó pɛ pɔ́b kɛ pe ghaŋázé nɛ́ ŋgâ: “Psi póʼó mbwo! Puŋ ŋɔ́ʼ kɛ́rɛsí wuŋ fɛ́ ywí! Lámbo ywí pwó pwó.” 9Pɛ pɔ́b kɛ pe ghaŋázé nɛ́ pɔ́rɔ́ pwó pe ghəghəŋ ŋgâ: “A no pó, kɛ́rɛsí záá ne psi kaʼatɛ tɛɛmbɛ wuŋ twɔ́ pó! Puŋ ke syɛ́ ŋgúú yóʼó ghaŋátáŋ ndzúŋɔ́ wúŋ.” 10Ŋkhoʼyɛ́ pɔ́b kɛ ghú zuŋɔ́ zuŋɔ́ nɛ́, tsefɔŋ páŋ. Pwɛ pɛ pɔ́b kɛ ntsuŋú mbəb yɔ́b nɛ́ ŋkúŋɔ́ ndáb ndebéne, pe fûŋ ntswěndáb. 11Mɔ́ŋtiʼa ŋkhoʼ pɛ ghəghəŋ páŋ yɔ́b kɛɛ, ntsó ŋgâ: “Ntsɛɛpɔŋ, Ntsɛɛpɔŋ, psi póʼó mbwó! Ntsɔ́ʼ ntsweendáb psi ŋkúŋ!” 12Ntsʉʼmbé a pód ŋgâ: “Kpaʼ sísíŋ, mə səŋɛ wúŋ ŋgâ, mə ndzɛ́ wúŋ pó.” 13Néré, puŋ yáʼsáŋ nɛ́, ŋkyé ŋgâ puŋ zé zhyémve kii ŋkhoʼmvé yɛ́ Nofɔŋ Mboʼmvé náʼá ŋkʉ́yó nɛ́ pó.»
Mbziʼe ŋgaŋafaʼ
(Lúk 19:12-27)
14Yěsô ke mbó ntsó ŋkʉ́rʉ́ ŋgâ: «Nofɔŋ Mboʼmvé pépéé ke mbó mbé nɛ́ pe njʉ́, taʼ ŋɔŋ wɛ́ a ghɛ́ ŋgú nsěnyi, fú ghaŋáfaʼ pé, ntéé foʼ yé ne pɔ́b ŋgâ pɔ́b tsé mbɛʼɛ nɛ́. 15Fɛ́ ntəd yítaŋ pwó sɔ́ ye, fɛ́ yípáá pwó cyó, fɛ́ ndaʼ taʼ ye pwó cyó, ŋgɛmbɛ néré, a ke fɛ́ ye ŋɔŋ pe njʉ́ a kuʼɔ pwó ye ne mbéʼene nɛ́, ŋgú ye. Fǐme nɛ́, 16ŋɔŋ wɛ́ a kɛ tséʼé ntəd yítaŋ nɛ́ ghú, mbéʼé ndzó pfiŋi yítaŋ. 17Ŋɔŋ wɛ́ a kɛ tséʼé yípáá nɛ́ ké mbó ndzó pfiŋi yípáá. 18Ntsʉʼmbé ŋɔŋ wɛ́ a kɛ tséʼé taʼ ye nɛ́ ghú, ntsú tsetsáʼ ŋgʉʼʉ mbəb ntsɛɛpɔŋ ye yóʼó. 19Ntsɛɛpɔŋ náʼ ntsó náá yóʼó, mbód ndzəb, fú wɔ́b ŋgâ pɔ́b kʉ́yó ntsɔ́ njʉ́ a záʼ nɛ́. 20Ŋɔŋ wɛ́ a kɛ fɛ́ ntəd yítaŋ pwó ye nɛ́, suʼú mbəb ye fɛ́ pfuŋ ye mbó nyoʼ cyó yítaŋ ŋkʉ́rʉ́, ntsó ŋgâ: “Ntsɛɛpɔŋ, wo kɛ ntě ntəd yítaŋ ne mo, cyó yítaŋ kiʼi mbé nɔŋ yɛ́ a pfǐ ndúŋú nɛ́.” 21Ntsɛɛpɔŋ ntsɔ́ pwó ye ŋgâ: “A mbǔ, wo ŋgaŋafaʼ sʉ́ʼʉ, wɛ́ tɛɛmbɛ mə ntii ndzɔʼ ya mbəb nɛ́. Wo nsé ŋgerɛ́ŋged ndúŋú mɔ́ŋtiʼa yɔ́b, mə ndɛ tíí wo, wo tsé ndiŋɛ́ ye zááme. Kʉ́yó puŋ Ntsɛɛpɔŋ wo yébé.” 22Wɛ́ a kɛ tséʼé ntəd yípáá nɛ́, suʼú mbəb ye fɛ́ pfuŋ ye ne ye kɛɛ, ntsó ŋgâ: “Ntsɛɛpɔŋ, wo kɛ fɛ́ ntəb yípáá ne mo, yípáá kiʼi mbé nɔŋ yɛ́ a pfǐ ndúŋú nɛ́.” 23Ntsɛɛpɔŋ ye ntsɔ́ pwó ye ŋgâ: “A mbǔ, wo ŋgaŋafaʼ sʉ́ʼʉ, wɛ́ tɛɛmbɛ mə ntii ndzɔʼ ya mbəb nɛ́. Wo nsé ŋgerɛ́ŋged ndúŋú mɔ́ŋtiʼa yɔ́b, mə ndɛ tíí wo, wo tsé ndiŋɛ́ ye zááme. Kʉ́yó puŋ Ntsɛɛpɔŋ wo yébé.” 24Wɛ́ a kɛ tséʼé ndaʼ taʼ ntəd nɛ́, ke sǔʼɔ ye mbəb ye fɛ́ pfuŋ ye, ntsɔ́ pwó ye ŋgâ: “Ntsɛɛpɔŋ, mə kɛ zé ŋgâ wo taʼ ŋɔŋ, mbziʼe wo tʉ̌ŋ ŋgáʼ: wo ndɛ ŋkaba ndzó ywoʼ yɛ́ wo pfé nɛ́ pó, sɔ́ʼɔ ndzó ywoʼ yɛ́ wo máʼ nɛ́ pó. 25Pɔ́ɔ́ kɛ zhyɛ́ mə ŋgú ntsú tsetsáʼ ŋgʉʼʉ foʼ wo yóʼó. A kiʼi mbé nɔŋ, kpéé foʼ wo.” 26Ntsʉʼmbé Ntsɛɛpɔŋ tsɔ́ pwó ye ŋgâ: “ŋkǎápwó, wo ŋgaŋafaʼ kəpɔŋ! Wo kɛ zé ŋgâ mə ŋkaba ndzó ywoʼ yɛ́ mə mvě nɛ́ pó, sɔ́ʼɔ ndzó ywoʼ yɛ́ mə máʼ nɛ́ pó. 27A kɛ zɔŋɔ nɛ́ ŋgâ wo niŋi mbəb ya mbáŋ. Mbǒ mə ŋkhú kaʼa mbé túbú foʼ ya ne pfiŋi pɔɔ? 28Puŋ kpéé ntəd yɛ́ a pwó ye nɛ́, fɛ́ pwó ŋɔŋ wɛ́ a tséʼé vwɔ́ ntəd nɛ́. 29Ŋkyé ŋgâ ŋɔŋ wɛ́ a tséʼé yɔ́b nɛ́, pé ŋkʉ́yó mvíí, a záá kaʼatɛ. Ntsʉʼmbé ŋɔŋ wɛ́ a tséʼé nɛ́ pó, mɔ́ŋtii wɛ́ a tséʼé nɛ́, pé kpéé pwó yé! 30Mbɛ ne ŋgaŋafaʼ wɔŋ wɛ́ a tséʼé cyó ghebe nɛ́ pó, puŋ máʼá wé mvé ndzɔ́ʼɔ́ ndzə́ndzə́b, ywoʼ yɛ́ yaŋ náʼá mbɛ pú pfɔrɔ́ sɔŋ nɛ́.”»
Mɔ́ŋ ŋɔŋ náʼá sabá fiʼ mvémvé
31Yěsô ke mbó ntsó ŋgâ: «Ŋkhoʼyɛ́ Mɔ́ŋ ŋɔŋ náʼá ŋkʉ́yó ndzɔ́ʼɔ́ ghɛ́ɛ́ ye nɛ́, ŋkɔŋɔ pɛ aŋgere náá tyáŋa wé. Néré, a ghɔrɔ́ ndzó ywʉ fɔŋ ye. 32Ŋkɔŋɔ mvémvé náá ŋkʉ́yó ntérɛ́ síŋ ye. A syáŋá pɔŋ mvuʼɔ yípáá, njʉ́ mvyebkɛd ndɛ syaŋa pɛ njʉyǐnjʉyî pwɛ mvə́mɛʼɛ́ nɛ́. 33A náʼá ntíí pɛ njʉyǐnjʉyî ne pwó maʼ, ntíí mvə́mɛʼɛ́ ne pwó ŋkʉbi. 34Néré, fɔŋ ntsɔ́ pwó pɛ pɔ́b ne pwó maʼ nɛ́ ŋgâ: “Puŋ, puŋ kʉ́yó! Puŋ pɛ Tɛd ya niŋi mbúru mbəb puŋ nɛ́, ŋkuŋɔ ndzó Nofɔŋ yɛ́ a kɛ tsuŋɔ ne puŋ, féré njʉ́ a kɛ poʼ mvé ye nɛ́. 35Ŋkyé ŋgâ ndzye kɛ zí ya, puŋ fɛ́ mɔ́b mə nzó, ywʉ ya zwɔ́, puŋ fɛ́ yɔ́b mə nɔ́. Mə kɛ pe ŋushʉyɛ tsetsɛrɛ puŋ, puŋ yɔ̂ ya sʉ́ʼʉ. 36Mə kɛ pé ntsiŋî, puŋ gbéé ndzwé mbəb mo. Mə kɛ tsé ŋgɔŋɔ, puŋ tíŋi ya. Mə kɛ pɛ ndátsáŋ, puŋ kʉ́yó pfuŋ mo.” 37Néré, puŋgerɛ́ŋged náʼá mbɔ́rɔ́ pwó ye ŋgâ: “Ntsɛɛpɔŋ, psi kɛ zhʉ́ wo pe ŋkhoʼkɔ́ ndzye tsé ndzi wo, psi fɛ́ mɔ́b wo zɔ̂, ywʉ wo zwɔ́, psi fɛ́ yɔ́b nɔ́ pwó wo? 38Psi kɛ zhʉ́ wo pe ŋkhoʼkɔ́ wo pé ŋushʉyɛ, psi yɔ̂ wo sʉ́ʼʉ? Wo pe ntsiŋî, psi gbéé ndzwé mbəb wo? 39Psi kɛ zhʉ́ wo pe ŋkhoʼkɔ́ wo tsé ŋgɔŋɔ kii mbɛ ndátsáŋ psi kʉ́yó ndíŋí wo?” 40Fɔŋ náʼá mbɔ́rɔ́ ne pɔ́b ŋgâ: “Kpaʼ sísíŋ mə ntsɔ́ ne puŋ ŋgâ, ŋkɔŋɔ ŋkhoʼyɛ́ puŋ zhyɛ́ néré mbəb pɔ́ŋmɛ́ páá pɔŋ, mbɛ mbəb taʼ mɔ́ŋtii Mɔ́ŋ wɛ́ a ndzɔ́ʼɔ́ pɔ́b nɛ́, mbǒ puŋ zhyɛ́ mbəb mo!” 41Néré, a náʼá sɛ́rɛ́ mbəb ye, ntsɔ́ pwó pɛ́ pɔ́b náʼá mbɛ ne pwó yé yé ŋkʉbi nɛ́ ŋgâ: “Puŋ, puŋ ŋǎ pfúŋɔ́ mo, ŋgú taŋa yuŋ sáá, ndɔŋ tó puŋ. Puŋ ghú ndzɔ́ʼɔ́ mɔ́ɔ́ wɛ́ a kpíí mbé pwó nɛ́ pó. Mɔ́ɔ́ wɛ́ Tɛd ya kɛ tsúŋu ŋkyé Sátaŋ saŋywoʼ pwɛ aŋgere pé nɛ́. 42Ŋkyé ŋgâ ndzye kɛ zí ya, puŋ pe fɛ́ mɔ́b ne mo pó. Ywʉ ya zwɔ́, puŋ pe fɛ́ yɔ́b mə nɔ́ pó. 43Mə kɛ pé ŋushʉyɛ tsetsɛrɛ puŋ, puŋ pe yɔ̂ ya sʉ́ʼʉ pó, mbé ntsiŋî, puŋ pe gbéé ndzwé mbəb mo pó. Ntsé ŋgɔ́ŋɔ kii mbɛ ndátsáŋ, puŋ pe kʉ́yó ndíŋí ya pó.” 44Néré tómbəb yɔ́b náʼá mbɔ́rɔ́ ŋgâ: “Ntsɛɛpɔŋ, psi kɛ zhʉ́ wo pe ŋkhoʼkɔ ndzye tsé zí wo, ywʉ wo zwɔ́, mbé ŋushʉyɛ, kii ntsiŋî, ntsé ŋgɔ́ŋɔ kii mbɛ ndátsáŋ, psi pe kʉ́yó ndíŋí wo pɔɔ?” 45Néré, a náʼá mbɔ́rɔ́ ne pɔ́b ŋgâ: “Kpaʼ sísíŋ, mə səŋɛ wúŋ ŋgâ ŋkɔŋɔ ŋkhoʼyɛ́ puŋ zhyɛ́ néré, mbɛ mbəb taʼ mɔ́ŋtii Mɔ́ŋ ndzɔ́ʼɔ́ pɔ́ŋ pɔŋ nɛ́ pó, mbǒ mbɛ mbəb mo, puŋ ke mbé zhyɛ́ pó!” 46Pɔ́b náʼá ŋgú, ntsʉʼmbé Mbɛwɔ̂ yɔɔ wé mɛndɔ́b, puŋgerɛ́ŋged ghú ndzó tsómvé ŋeŋáŋ, pecyó pɔŋ ghú yɔ́b ndzɔ́ʼɔ́ ŋgəʼo yɛ́ a náʼá myě nɛ́ pó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល