Matʉyo 23
23
Puŋ ndɛ ŋgyɛ́ njʉ́ pɛ Farízya pwɛ ghaŋákeʼekaŋ nɛ́
(Máá 12:38-40; Lúk 20:45-47; 11:39-52)
1A kɛ pé néré, Yěsô tsɔ́ pwó pɔŋ pwɛ ŋgíŋgye pé ŋgâ: 2«Ghaŋákeʼekaŋ pwɛ pɛ Farízya pe nɛ́ pe njʉ́ Mǔsê nɛ́, ŋkeʼe kaŋ. 3Puŋ tɔ̌ʼ kpee múŋ mbó ŋgyɛ ŋkɔŋɔ meno pɛ nɛ́, tɛɛmbɛ pɔ́b ntsɔ́ ne puŋ nɛ́, ntsʉʼmbé kii puŋ ndɛ fuʼ ŋgyɛ́ no yɔ́b nɛ́. Ŋkyé ŋgâ pɔ́b tsɔ́ mbé zhyɛ́ néré pó. 4Pɔ́b kwɔrɔ peʼ tédme ntǐ tó pɔŋ, kii tɛɛmbɛ pɔ́b mwɔ́ ŋgébɛ wɔ́b! 5Ŋkɔŋɔ yɔ́b no náá, pɔ́b ke ŋgyɛ ŋgâ pumésɔŋ zhʉ́ wɔ́b. Ywoʼndzwé yɛ́ pé kwɔrɔ ndúŋú záŋ ne ŋweʼe kaŋ ndúŋú nɛ́, pɔ́b pfii yɔ́b a ghɛ́ɛ́, mbó ntɛ̌ ndzwé pɔ́b, saŋ ye sâ. 6Pɔ́b kʉyě ne ndɔ̌ne sɔ́ ywoʼ ndzó pɛ ywoʼ ndebéne, pwɛ pɛ ndántéré kaʼatɛ, 7kʉ́yé ŋgâ pé pwó siŋ pɔ́b ntsɛ́ʼɛ́ wɔ́b tétáá mbó kʉ́yé ndzóʼne ŋgâ pɔŋ fú wɔ́b ne “Kéʼeyáŋ” kaʼatɛ. 8Ŋgɛmbɛ ne puŋ, puŋ ndɛ ŋgyɛ́ pe fú wúŋ ne “Kéʼeyáŋ”, ŋkyé ŋgâ puŋ tséʼé ndaʼ taʼ Kéʼeyáŋ, ŋkɔŋɔ wuŋ náá pó mbé pɔ́ŋmɛ́. 9Puŋ ndɛ fú ŋɔŋ ndúŋ tsetsáʼ ne “Tɛd” wúŋ, ŋkyé ŋgâ puŋ tséʼé ndaʼ taʼ Tɛd, a pɛ́ pépéé. 10Puŋ ndɛ mbó ŋgyɛ́ pe fú wúŋ ne pɛ “Kéʼeyáŋ kəkwéʼe”, ŋkyé ŋgâ puŋ ke ntsɛ́ʼɛ́ ndaʼ taʼ Kéʼeyáŋ kəkwéʼe, a pé Kristo. 11Ŋɔŋ wɛ́ a tsɛ̂ wúŋ náá nɛ́, a zɔŋɔ ŋgâ a pɛ́ɛ́ ŋgaŋafaʼ wúŋ. 12Ntsye ŋɔŋ wɛ́ a ŋkʉ́yó ŋkʉrɔ́ mbəb ye nɛ́, Mboʼmve náʼá ŋkɔɔ wé. Ntsye ŋɔŋ wɛ́ a ŋkʉ́yó ŋkɔɔ mbəb ye fɛ́ syé nɛ́, Mboʼmve náʼá ŋkʉrɔ́ wé.
13Ndɔŋ tó puŋ pɛ Farízya pwɛ pɛ ghaŋákeʼekaŋ, puŋ pɛ pépwɔmíí, puŋ pɛ́ puŋ naŋa mɛndɔ́b Nofɔŋ Mboʼmvé pwó pɔŋ nɛ́, kii ghɛ̌ ŋkuŋɔ́ yúŋ, ké mbó mbé tee pɔŋ pɛ́ pɔ́b zɔŋɔ ŋkúŋɔ́ nɛ́, ŋkúŋ pó. [14Ndɔŋ tó puŋ pɛ Farízya pwɛ pɛ ghaŋákeʼekaŋ, ŋkyé ŋgâ puŋ gbáá pɛ pfʉ́ʉ́ pěŋgyé kpee ŋkɔŋɔ mɔ́b pɔ́b náá. Ŋkʉ́rʉ́, puŋ pó ntsɛ́ʼɛ́ Mboʼmvé ŋkyaŋa ndúŋú kɛ́ʼɛ́ ŋgâ pe zhʉ́ wúŋ. Mboʼmvé ŋkʉ́yó mbɔ́rɔsé wúŋ kaʼatɛ ntsɛ́ɛ́ pecyó pɔŋ.] 15Ndɔŋ tó puŋ, pɛ ghaŋákeʼekaŋ pwɛ pɛ Farízya, puŋ pɛ pépwɔmíí, puŋ pɛ́, puŋ nyi ŋgɔŋ ŋgɔŋ ndúŋú tsetsáʼ, kaʼatɛ siʼá pɛ lepaanse, kii kúʼɔ́ ne ŋgyɛ́ne mbɛ ndaʼ taʼ ŋɔŋ wɛ́ a ŋuyúda nɛ́ po, nyí ndúŋú kaŋ Mǔsê nɛ́. Ŋkhoʼyɛ́ a pó mbzyɛ́ ŋgâ a nyí ndúŋú nɛ́, puŋ zhyɛ́ a tsʉ́ʼ ŋɔŋ wɛ́ a náʼá kpíí ndzɔ́ʼɔ́ mɔ́ɔ́ kaʼatɛ ntsɛɛ wúŋ, ŋkɛɛ yípáá nɛ́! 16Ndɔŋ tó puŋ, puŋ pɛ́ puŋ ffǒme ndzɔŋɔ ntyáŋá pɔŋ nɛ́, puŋ pɛ́ puŋ tsɔ́ ŋgâ: “A pɛ́ɛ́ yɛ́ ŋɔŋ sə́b ne tíí Ndámboʼmvé nɛ́, mbǒ yéré tséʼé ghebe pó. Ntsʉʼmbé mbéyɛ́ ŋɔŋ sə́b ne tʉŋɔ́paŋ yɛ́ a ndzó ndámboʼmvé nɛ́, mbǒ yéré gbaa wé” nɛ́. 17Pɛ ghəghəŋ mbó mbé pɛ ffǒme njʉ́ puŋ nɛ́! A ntsɛ́ɛ́ yɛ́rɛ́ ntsɛ́ɛ́ cyó, tʉŋɔ́paŋ kii ndámboʼmvé yɛ́ a zhyɛ́ ntʉŋɔpaŋ yéré khú ye kiʼíme nɛ́? 18Puŋ ntsɔ́ ŋkʉ́rʉ́ ŋgâ: “Mbéyɛ́ ŋɔŋ sə́b ne ywoʼɔ́shʉ́ nɛ́, mbǒ yéré tséʼé ghebe pó, ntsʉʼmbé mbéyɛ́ ŋɔŋ sə́b ne ywɔ́shʉ́ yɛ́ ndúŋú ywoʼɔ́shʉ́ nɛ́, mbǒ yéré gbaa wé.” 19Pɛ ffǒme njʉ́ puŋ nɛ́! A ntsɛ́ɛ́ yɛ́rɛ́ ntsɛ́ɛ́ cyó, ywɔ́shʉ́ kii ywoʼɔ́shʉ́ yɛ́ a zhyɛ́ ywoʼɔ́shʉ́ yéré khú ye kiʼíme nɛ́? 20Ɔ́ŋɔ́, ŋɔŋ wɛ́ a sə́b ne tíí ywoʼɔ́shʉ́ nɛ́, sɔbɔ ne tíí ywoʼɔ́shʉ́ yéré pwɛ ŋkɔŋɔ yɔ́b yɛ́ a ndúŋú náá nɛ́. 21Ŋɔŋ wɛ́ a sə́b ne tíí ndámboʼmvé nɛ́, sɔbɔ ne tíí ndámboʼmvé yéré mbɛ ne tíí Mboʼmvé wɛ́ a tsó yóʼó nɛ́. 22Ŋɔŋ wɛ́ a sə́b ne tíí pépéé nɛ́, sɔbɔ ne ywʉ fɔŋ Mboʼmvé mbɛ ne tíí Mboʼmvé wɛ́ a ghɔ́rɔ́ ndzó nɛ́. 23Ndɔŋ tó puŋ, pɛ ghaŋákeʼekaŋ pwɛ pɛ Farízya, pǔŋ pɛ pépwɔmíí, puŋ yɔ́ɔ́ taʼ yé ndúŋú vwɔ́ mɔ́b faʼ tsiŋɛ fɛ́ pwó Mboʼmvé. Ŋgɛmbɛ́, puŋ pó gbáŋa no yɛ́ a tséʼé ghebe ndzó kaŋ Mǔsê kaʼatɛ ŋgaʼ nɛ́. Meno péré pe, ŋgerɛ́ŋged, tsaaghəghəŋ pwɛ mbéne ŋgerɛ́ŋged. A yɔŋ mbé yɛ́ puŋ ŋgɛ̌ ŋgyɛ́ nɛ́, kii pó gbáŋ yiŋ. 24Puŋ, pɛ ffǒme pɛ puŋ tyáŋa pɔŋ nɛ́, puŋ yee tsʉtsʉʼ ndzɔ́ʼɔ́ yoʼ mbó mɛ́ mbúŋ! 25Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ kʉyě sǒne mbəb ndɔ́ŋ pwɛ pfuŋ káŋ ŋgâ a fʉ́ʉ́, ntsʉʼŋgɛ mbɛ mwɔ̌ghaŋághaŋ pwɛ ndzye meno puŋ pe kəpɔŋ yúŋɔ́ ndzó. 26Ŋu Farízya, ffǒme njʉ́ wo nɛ́! Péé sǒ zyé ndɔ́ŋ ŋkɔ́ŋ, kɛ́ʼɛ́ ŋgâ a ghɛ́ ndaŋa, mbəb yé ke mbó ndáŋa yé. 27Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ fwɛ̌ pɛ́ sye pɛ, pe péd ne péd fəfod nɛ́. Pe tiŋɛ́ mvé, a pǔ kaʼatɛ! Ntsʉʼ ŋgɛ́mbɛ́ ndzó zyé, kpáŋ pfɔ̂pɔŋ pwɛ mwɔ̌yúbme yuŋɔ́ ndzó. 28Puŋ zhyɛ̂ pwó pɔŋ pé njʉ́ kii puŋ pɛ́ɛ́ ŋgerɛ́ŋged nɛ́, tsʉ́ʼŋgɛmbɛ ŋgɔ́b pwɛ kəpɔŋ yuŋɔ ndzó ndzɔʼ yuŋ. 29Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ pɛ́ puŋ kworɔ sye ghaŋátsɔ́kpaŋató Mboʼmvé, mbó niŋɛ mesəb ndúŋú sye puŋgerɛ́ŋged siŋ Mboʼmvé nɛ́, 30mbó ntsɔ́ ŋgâ: “A kɛ ghɛmbɛ psi tsó ŋkhoʼyɛ́ tɛd tɛd psi kɛ pé nɛ́, mbǒ psi kɛ pé tsyɛŋəŋ yɔ́b, pɔ́b pfed nsə ghaŋátsɔ́kpaŋató Mboʼmvé pó.” 31Néré kɛ́ʼɛ́, puŋ tswə̂ mbáŋ nɛ́ pé ne kweʼé múŋ, ŋkyé ŋgâ puŋ psyɛ nɛ́ ŋgâ puŋ pɔ́ŋ pɔŋ pɛ́, pɔ́b kɛ nɔ́ʼ ghaŋátsɔ́kpaŋató Mboʼmvé nɛ́! 32A pe nɛ́! Puŋ méé faʼ yɛ́ nɛ́ tɛd tɛd puŋ kɛ zyé nɛ́. 33Pɛ nɔ́, ndǎ ŋkɔ́b njʉ́ puŋ nɛ́, puŋ náʼá ŋgyɛ́ níŋ khí ŋgəʼo píí mɔ́ɔ́? 34A zhyɛ́ yéré, mo, Mboʼmvé, mə ntwɔ́ ghaŋátsɔ́kpaŋató, pɛ ghaŋázé pwɛ ghaŋákeʼekaŋ pfúŋɔ́ puŋ. Puŋ nɔ́ʼɔ́ wɔ́b kpǐ ndúŋú ŋgʉŋʉ, gbíí wɔ́b ndzó pɛ ndántéré, mbó ŋkəbɔ wɔ́b ndzó pɛ mbɛ́lʉ́ŋ. 35Kɛ́ʼɛ́ ŋgâ ŋkɔŋɔ ntsye pɔŋ ŋgerɛ́ŋged pɛ́ puŋ kɛ nɔ́ʼ náá ndúŋú tsetsáʼ ndzyěne ndúŋú nsə Abɛl, ŋɔŋ ŋgerɛ́ŋged kaʼatɛ mbáŋa ndúŋú nsə Sakalya, Mɔ́ŋ Baraki wɛ́ puŋ kɛ nɔ́ʼ wé tsetsɛrɛ ywoʼɔ́shʉ́ pú ywoʼɔ́ze ndámboʼmvé nɛ́. Nsə méré náá, náʼá ŋkhú tó puŋ. 36Ɔ́ŋɔ́ mə səŋɛ wúŋ ŋgâ Mboʼmve ŋkʉ́yó mvirɛ Kɛ́rɛmvé yɔŋ núŋ.»
Yěsô ŋkhó ŋkyé mbɛ́lʉ́ŋ Yerʉ́salɛm
(Lúk 13:34-35)
37«Pɔŋ Yerʉ́salɛm! Pɔŋ Yerʉ́salɛm! Puŋ ndɛ ntswɔ́ ghaŋátsɔ́kpaŋató Mboʼmvé pwɛ pɔŋ pɛ Mboʼmve twɔ́ ne puŋ nɛ́, pé ne pɛ ŋgɔʼ, nɔʼɔ! Á kɛ zhyɛ́ kɔ́, mə ntaʼa ndzáʼ yé kɛɛ zááme ne ŋkúbune wúŋ njʉ́ mɛ́ ŋgúb ntsó ŋgɛ ŋkúbɔ pɔ́ŋ pé nɛ́, puŋ kirɛ? 38Puŋ zé ŋgâ Mboʼmvé ntéé ndáb yuŋ yéré ne puŋ kii ŋɔŋ ndzó. 39Ŋkyé ŋgâ mə sə́ŋɛ́ wúŋ, ndzyěne ŋkhoʼyɔŋ puŋ náʼá mbó zhʉ́ ya pó kaʼatɛ mbáŋ zhyé yɛ́ puŋ náʼá ntsɔ́ ŋgâ: “Mbúru pɛ́ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́!”»
ទើបបានជ្រើសរើសហើយ៖
Matʉyo 23: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matʉyo 23
23
Puŋ ndɛ ŋgyɛ́ njʉ́ pɛ Farízya pwɛ ghaŋákeʼekaŋ nɛ́
(Máá 12:38-40; Lúk 20:45-47; 11:39-52)
1A kɛ pé néré, Yěsô tsɔ́ pwó pɔŋ pwɛ ŋgíŋgye pé ŋgâ: 2«Ghaŋákeʼekaŋ pwɛ pɛ Farízya pe nɛ́ pe njʉ́ Mǔsê nɛ́, ŋkeʼe kaŋ. 3Puŋ tɔ̌ʼ kpee múŋ mbó ŋgyɛ ŋkɔŋɔ meno pɛ nɛ́, tɛɛmbɛ pɔ́b ntsɔ́ ne puŋ nɛ́, ntsʉʼmbé kii puŋ ndɛ fuʼ ŋgyɛ́ no yɔ́b nɛ́. Ŋkyé ŋgâ pɔ́b tsɔ́ mbé zhyɛ́ néré pó. 4Pɔ́b kwɔrɔ peʼ tédme ntǐ tó pɔŋ, kii tɛɛmbɛ pɔ́b mwɔ́ ŋgébɛ wɔ́b! 5Ŋkɔŋɔ yɔ́b no náá, pɔ́b ke ŋgyɛ ŋgâ pumésɔŋ zhʉ́ wɔ́b. Ywoʼndzwé yɛ́ pé kwɔrɔ ndúŋú záŋ ne ŋweʼe kaŋ ndúŋú nɛ́, pɔ́b pfii yɔ́b a ghɛ́ɛ́, mbó ntɛ̌ ndzwé pɔ́b, saŋ ye sâ. 6Pɔ́b kʉyě ne ndɔ̌ne sɔ́ ywoʼ ndzó pɛ ywoʼ ndebéne, pwɛ pɛ ndántéré kaʼatɛ, 7kʉ́yé ŋgâ pé pwó siŋ pɔ́b ntsɛ́ʼɛ́ wɔ́b tétáá mbó kʉ́yé ndzóʼne ŋgâ pɔŋ fú wɔ́b ne “Kéʼeyáŋ” kaʼatɛ. 8Ŋgɛmbɛ ne puŋ, puŋ ndɛ ŋgyɛ́ pe fú wúŋ ne “Kéʼeyáŋ”, ŋkyé ŋgâ puŋ tséʼé ndaʼ taʼ Kéʼeyáŋ, ŋkɔŋɔ wuŋ náá pó mbé pɔ́ŋmɛ́. 9Puŋ ndɛ fú ŋɔŋ ndúŋ tsetsáʼ ne “Tɛd” wúŋ, ŋkyé ŋgâ puŋ tséʼé ndaʼ taʼ Tɛd, a pɛ́ pépéé. 10Puŋ ndɛ mbó ŋgyɛ́ pe fú wúŋ ne pɛ “Kéʼeyáŋ kəkwéʼe”, ŋkyé ŋgâ puŋ ke ntsɛ́ʼɛ́ ndaʼ taʼ Kéʼeyáŋ kəkwéʼe, a pé Kristo. 11Ŋɔŋ wɛ́ a tsɛ̂ wúŋ náá nɛ́, a zɔŋɔ ŋgâ a pɛ́ɛ́ ŋgaŋafaʼ wúŋ. 12Ntsye ŋɔŋ wɛ́ a ŋkʉ́yó ŋkʉrɔ́ mbəb ye nɛ́, Mboʼmve náʼá ŋkɔɔ wé. Ntsye ŋɔŋ wɛ́ a ŋkʉ́yó ŋkɔɔ mbəb ye fɛ́ syé nɛ́, Mboʼmve náʼá ŋkʉrɔ́ wé.
13Ndɔŋ tó puŋ pɛ Farízya pwɛ pɛ ghaŋákeʼekaŋ, puŋ pɛ pépwɔmíí, puŋ pɛ́ puŋ naŋa mɛndɔ́b Nofɔŋ Mboʼmvé pwó pɔŋ nɛ́, kii ghɛ̌ ŋkuŋɔ́ yúŋ, ké mbó mbé tee pɔŋ pɛ́ pɔ́b zɔŋɔ ŋkúŋɔ́ nɛ́, ŋkúŋ pó. [14Ndɔŋ tó puŋ pɛ Farízya pwɛ pɛ ghaŋákeʼekaŋ, ŋkyé ŋgâ puŋ gbáá pɛ pfʉ́ʉ́ pěŋgyé kpee ŋkɔŋɔ mɔ́b pɔ́b náá. Ŋkʉ́rʉ́, puŋ pó ntsɛ́ʼɛ́ Mboʼmvé ŋkyaŋa ndúŋú kɛ́ʼɛ́ ŋgâ pe zhʉ́ wúŋ. Mboʼmvé ŋkʉ́yó mbɔ́rɔsé wúŋ kaʼatɛ ntsɛ́ɛ́ pecyó pɔŋ.] 15Ndɔŋ tó puŋ, pɛ ghaŋákeʼekaŋ pwɛ pɛ Farízya, puŋ pɛ pépwɔmíí, puŋ pɛ́, puŋ nyi ŋgɔŋ ŋgɔŋ ndúŋú tsetsáʼ, kaʼatɛ siʼá pɛ lepaanse, kii kúʼɔ́ ne ŋgyɛ́ne mbɛ ndaʼ taʼ ŋɔŋ wɛ́ a ŋuyúda nɛ́ po, nyí ndúŋú kaŋ Mǔsê nɛ́. Ŋkhoʼyɛ́ a pó mbzyɛ́ ŋgâ a nyí ndúŋú nɛ́, puŋ zhyɛ́ a tsʉ́ʼ ŋɔŋ wɛ́ a náʼá kpíí ndzɔ́ʼɔ́ mɔ́ɔ́ kaʼatɛ ntsɛɛ wúŋ, ŋkɛɛ yípáá nɛ́! 16Ndɔŋ tó puŋ, puŋ pɛ́ puŋ ffǒme ndzɔŋɔ ntyáŋá pɔŋ nɛ́, puŋ pɛ́ puŋ tsɔ́ ŋgâ: “A pɛ́ɛ́ yɛ́ ŋɔŋ sə́b ne tíí Ndámboʼmvé nɛ́, mbǒ yéré tséʼé ghebe pó. Ntsʉʼmbé mbéyɛ́ ŋɔŋ sə́b ne tʉŋɔ́paŋ yɛ́ a ndzó ndámboʼmvé nɛ́, mbǒ yéré gbaa wé” nɛ́. 17Pɛ ghəghəŋ mbó mbé pɛ ffǒme njʉ́ puŋ nɛ́! A ntsɛ́ɛ́ yɛ́rɛ́ ntsɛ́ɛ́ cyó, tʉŋɔ́paŋ kii ndámboʼmvé yɛ́ a zhyɛ́ ntʉŋɔpaŋ yéré khú ye kiʼíme nɛ́? 18Puŋ ntsɔ́ ŋkʉ́rʉ́ ŋgâ: “Mbéyɛ́ ŋɔŋ sə́b ne ywoʼɔ́shʉ́ nɛ́, mbǒ yéré tséʼé ghebe pó, ntsʉʼmbé mbéyɛ́ ŋɔŋ sə́b ne ywɔ́shʉ́ yɛ́ ndúŋú ywoʼɔ́shʉ́ nɛ́, mbǒ yéré gbaa wé.” 19Pɛ ffǒme njʉ́ puŋ nɛ́! A ntsɛ́ɛ́ yɛ́rɛ́ ntsɛ́ɛ́ cyó, ywɔ́shʉ́ kii ywoʼɔ́shʉ́ yɛ́ a zhyɛ́ ywoʼɔ́shʉ́ yéré khú ye kiʼíme nɛ́? 20Ɔ́ŋɔ́, ŋɔŋ wɛ́ a sə́b ne tíí ywoʼɔ́shʉ́ nɛ́, sɔbɔ ne tíí ywoʼɔ́shʉ́ yéré pwɛ ŋkɔŋɔ yɔ́b yɛ́ a ndúŋú náá nɛ́. 21Ŋɔŋ wɛ́ a sə́b ne tíí ndámboʼmvé nɛ́, sɔbɔ ne tíí ndámboʼmvé yéré mbɛ ne tíí Mboʼmvé wɛ́ a tsó yóʼó nɛ́. 22Ŋɔŋ wɛ́ a sə́b ne tíí pépéé nɛ́, sɔbɔ ne ywʉ fɔŋ Mboʼmvé mbɛ ne tíí Mboʼmvé wɛ́ a ghɔ́rɔ́ ndzó nɛ́. 23Ndɔŋ tó puŋ, pɛ ghaŋákeʼekaŋ pwɛ pɛ Farízya, pǔŋ pɛ pépwɔmíí, puŋ yɔ́ɔ́ taʼ yé ndúŋú vwɔ́ mɔ́b faʼ tsiŋɛ fɛ́ pwó Mboʼmvé. Ŋgɛmbɛ́, puŋ pó gbáŋa no yɛ́ a tséʼé ghebe ndzó kaŋ Mǔsê kaʼatɛ ŋgaʼ nɛ́. Meno péré pe, ŋgerɛ́ŋged, tsaaghəghəŋ pwɛ mbéne ŋgerɛ́ŋged. A yɔŋ mbé yɛ́ puŋ ŋgɛ̌ ŋgyɛ́ nɛ́, kii pó gbáŋ yiŋ. 24Puŋ, pɛ ffǒme pɛ puŋ tyáŋa pɔŋ nɛ́, puŋ yee tsʉtsʉʼ ndzɔ́ʼɔ́ yoʼ mbó mɛ́ mbúŋ! 25Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ kʉyě sǒne mbəb ndɔ́ŋ pwɛ pfuŋ káŋ ŋgâ a fʉ́ʉ́, ntsʉʼŋgɛ mbɛ mwɔ̌ghaŋághaŋ pwɛ ndzye meno puŋ pe kəpɔŋ yúŋɔ́ ndzó. 26Ŋu Farízya, ffǒme njʉ́ wo nɛ́! Péé sǒ zyé ndɔ́ŋ ŋkɔ́ŋ, kɛ́ʼɛ́ ŋgâ a ghɛ́ ndaŋa, mbəb yé ke mbó ndáŋa yé. 27Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ fwɛ̌ pɛ́ sye pɛ, pe péd ne péd fəfod nɛ́. Pe tiŋɛ́ mvé, a pǔ kaʼatɛ! Ntsʉʼ ŋgɛ́mbɛ́ ndzó zyé, kpáŋ pfɔ̂pɔŋ pwɛ mwɔ̌yúbme yuŋɔ́ ndzó. 28Puŋ zhyɛ̂ pwó pɔŋ pé njʉ́ kii puŋ pɛ́ɛ́ ŋgerɛ́ŋged nɛ́, tsʉ́ʼŋgɛmbɛ ŋgɔ́b pwɛ kəpɔŋ yuŋɔ ndzó ndzɔʼ yuŋ. 29Ndɔŋ tó puŋ, ghaŋákeʼekaŋ pwɛ pɛ Farízya, pɛ pépwɔmíí. Puŋ pɛ́ puŋ kworɔ sye ghaŋátsɔ́kpaŋató Mboʼmvé, mbó niŋɛ mesəb ndúŋú sye puŋgerɛ́ŋged siŋ Mboʼmvé nɛ́, 30mbó ntsɔ́ ŋgâ: “A kɛ ghɛmbɛ psi tsó ŋkhoʼyɛ́ tɛd tɛd psi kɛ pé nɛ́, mbǒ psi kɛ pé tsyɛŋəŋ yɔ́b, pɔ́b pfed nsə ghaŋátsɔ́kpaŋató Mboʼmvé pó.” 31Néré kɛ́ʼɛ́, puŋ tswə̂ mbáŋ nɛ́ pé ne kweʼé múŋ, ŋkyé ŋgâ puŋ psyɛ nɛ́ ŋgâ puŋ pɔ́ŋ pɔŋ pɛ́, pɔ́b kɛ nɔ́ʼ ghaŋátsɔ́kpaŋató Mboʼmvé nɛ́! 32A pe nɛ́! Puŋ méé faʼ yɛ́ nɛ́ tɛd tɛd puŋ kɛ zyé nɛ́. 33Pɛ nɔ́, ndǎ ŋkɔ́b njʉ́ puŋ nɛ́, puŋ náʼá ŋgyɛ́ níŋ khí ŋgəʼo píí mɔ́ɔ́? 34A zhyɛ́ yéré, mo, Mboʼmvé, mə ntwɔ́ ghaŋátsɔ́kpaŋató, pɛ ghaŋázé pwɛ ghaŋákeʼekaŋ pfúŋɔ́ puŋ. Puŋ nɔ́ʼɔ́ wɔ́b kpǐ ndúŋú ŋgʉŋʉ, gbíí wɔ́b ndzó pɛ ndántéré, mbó ŋkəbɔ wɔ́b ndzó pɛ mbɛ́lʉ́ŋ. 35Kɛ́ʼɛ́ ŋgâ ŋkɔŋɔ ntsye pɔŋ ŋgerɛ́ŋged pɛ́ puŋ kɛ nɔ́ʼ náá ndúŋú tsetsáʼ ndzyěne ndúŋú nsə Abɛl, ŋɔŋ ŋgerɛ́ŋged kaʼatɛ mbáŋa ndúŋú nsə Sakalya, Mɔ́ŋ Baraki wɛ́ puŋ kɛ nɔ́ʼ wé tsetsɛrɛ ywoʼɔ́shʉ́ pú ywoʼɔ́ze ndámboʼmvé nɛ́. Nsə méré náá, náʼá ŋkhú tó puŋ. 36Ɔ́ŋɔ́ mə səŋɛ wúŋ ŋgâ Mboʼmve ŋkʉ́yó mvirɛ Kɛ́rɛmvé yɔŋ núŋ.»
Yěsô ŋkhó ŋkyé mbɛ́lʉ́ŋ Yerʉ́salɛm
(Lúk 13:34-35)
37«Pɔŋ Yerʉ́salɛm! Pɔŋ Yerʉ́salɛm! Puŋ ndɛ ntswɔ́ ghaŋátsɔ́kpaŋató Mboʼmvé pwɛ pɔŋ pɛ Mboʼmve twɔ́ ne puŋ nɛ́, pé ne pɛ ŋgɔʼ, nɔʼɔ! Á kɛ zhyɛ́ kɔ́, mə ntaʼa ndzáʼ yé kɛɛ zááme ne ŋkúbune wúŋ njʉ́ mɛ́ ŋgúb ntsó ŋgɛ ŋkúbɔ pɔ́ŋ pé nɛ́, puŋ kirɛ? 38Puŋ zé ŋgâ Mboʼmvé ntéé ndáb yuŋ yéré ne puŋ kii ŋɔŋ ndzó. 39Ŋkyé ŋgâ mə sə́ŋɛ́ wúŋ, ndzyěne ŋkhoʼyɔŋ puŋ náʼá mbó zhʉ́ ya pó kaʼatɛ mbáŋ zhyé yɛ́ puŋ náʼá ntsɔ́ ŋgâ: “Mbúru pɛ́ pwó ŋɔŋ wɛ́ a kʉ́yó ne tíí Ntsɛɛpɔŋ nɛ́!”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល