Matʉyo 14
14
Zhâŋ ŋgaŋafɛ́ kpênse pfó
(Máá 6:14-29; Lúk 9:7-9; 3:19-20)
1A kɛ pɛ́ ne yéré ŋkhoʼmvé, fɔŋ Erodə wɛ́ a kɛ sáʼá pɛ́rɛ́ ŋgɔŋ Galílya nɛ́, zóʼ meno pɛ́ Yěsô kɛ zhyɛ́ náá nɛ́. 2A tsɔ́ pwó ndǎ pupé ŋgâ: «Ŋɔŋ wɔŋ Zhâŋ ŋgaŋafɛ́ kpênse! A yé! A zhʉyɛ́ ne vó! A zhyɛ́ yéré a tséʼé tʉ̌ŋ ŋgyɛ́ meno shʉyédme pe ké nɛ́.» 3A kɛ ghɛmbɛ fɔŋ Erodə zhyɛ́ pe gbáá Zhâŋ, ŋkúrɔ́ wé ne ntsáŋ, máʼá ndátsáŋ ŋkyé Erodyadə, ŋgʉyé Filipo. Filipo wéré pé mɔ́ŋmɛ́ Erodə. 4Ŋkyé ŋgâ Zhâŋ kɛ tsɔ́ pwó fɔŋ Erodə ŋgâ: «A zyé mbé tsyɛ́ ŋgâ wo yɔ́ɔ́ wé ne ŋgʉyé wo pó.» 5Tsʉ́ʼmbɛ njʉ́ fɔŋ Erodə kɛ tsé ntaʼa ne nɔ̌ʼne Zhâŋ nɛ́, a tsé mbɔ́ɔ́ míí pɔŋ. Ŋkyé ŋgâ pɔŋ kɛ yɔ́ɔ́ Zhâŋ pe njʉ́ taʼ ŋgaŋatsɔ́kpaŋató Mboʼmvé nɛ́. 6A náʼá mbé taʼ zhyémve, fɔŋ Erodə tsé ŋgyɛ́ taʼ ndébene ne zhyémve yɛ́ pe kɛ pfɛ́ wé nɛ́. Mɔ́ŋ Erodyadə wé Məŋgʉ́yé nyʉyi ndzúʼ síŋ pɛ ghəŋ, a pú fɔŋ Erodə. 7A səb ŋgâ: «Ŋkɔŋɔ yɔ́b yɛ́ wo mbzirɛ́ ne mo náá nɛ́, mə fɛ́ pwó wo.» 8Mɛ́ yé tsiŋɛ wé, a tsɔ́ pwó ye ŋgâ: «Fɛ́ɛ́ tó Zhâŋ ŋgaŋafɛ́ kpênse ndzó taʼ káŋ ne mo ghaŋ!» 9Fɔŋ ntsuŋi. Ntsʉʼmbé, njʉ́ a kɛ ghɛ́ mbɛ a sə́bɔ́ pwó yé síŋ pɛ ghəŋ nɛ́, a ntsó ŋgâ pe fɛ́ pwó ye. 10Á twɔ́ pɔŋ ŋgâ pe ghú ndátsáŋ ntséé tó Zhâŋ. 11Pe kʉ́yó ne tó yé yéré ndzó taʼ káŋ, fɛ́ pwó Mɔ́ŋ Məŋgʉ́yé, a ghú nuŋ fɛ́ pwó mɛ́ yé. 12Ŋgíŋgye Zhâŋ ghú ndɔ́ɔ́ kendiŋ mbəb ye ncʉ́, ŋgú səŋɛ Yěsô.
Yěsô zhʉyí ŋkáb ŋɔŋ yítaŋ
(Máá 6:30-44; Lúk 9:10-17; Zhâ 6:1-15)
13Ŋkhoʼyɛ́ Yěsô kɛ zóʼ wéré ŋkəŋ nɛ́, a ŋǎ ŋkɔ́ʼɔ́ ndzó páŋ, ŋgú ndzó taʼ ywoʼɔ mbaʼá. Kɛrɛ́ pɔŋ zóʼ, ntwɔ́ ndzó mbɛ́lʉ́ŋ pɔ́b, ndzɔŋɔ wé ne kpee. 14A ghɛ́ shʉ̌yí ndzó páŋ, njʉ́ kɛrɛ́ pɔŋ. Ghəghəŋ yɔ́b gbáá wé, a pɛ́d ghaŋáyɔ́ʼɔ́ pɛ́ pɔ́b kɛ pɛ ndzɔ́ʼɔ́ pɔ́b nɛ́. 15Ŋkhoʼfwɔ̌nab kuʼu, ŋgíŋgye Yěsô suʼú mbəb yɔ́b mbɛ́rɛ́ wé, ntsɔ́ pwó yé ŋgâ: «Piŋi pɛ́ɛ́ fób ghaŋ, zaʼmvé pó tsé ŋgyɛ́. Zhyɛ́ pɔ́b pód ndzəb ndzó pɛ yáʼ ndzúŋ mwɔ̌zó.» 16Ntsʉʼmbé Yěsô pɔ́rɔ́ ne pɔ́b ŋgâ: «Pɔ́b tsɛ́ʼɛ́ ne ŋgǔne pó. Tómbəb yúŋ, puŋ fɛ́ mɔ́b pɔ́b zó.» 17Néré, pɔ́b pɔ́rɔ́ pwó ye ŋgâ: «Psi ké ntsɛ́ʼɛ́ ndaʼ ntʉ́ʼ mbré yítaŋ ne ndíí ssó yípáá ghaŋ.» 18Yěsô ntsó ŋgâ: «Puŋ kʉ́yó fɛ́ ne mo ghaŋ.» 19Néré, Yěsô nyáŋá ŋgâ pɔŋ ghɔ́rɔ ndúŋú gháŋ. A yɔ́ɔ́ ntʉ́ʼ mbré yítaŋ pú ndíí ssó yípáá yɛ́, mbuʼú míí mé ndii pépéé, Níŋí mbúru ndúŋú, mbóʼ mbré fɛ́ pwó ŋgíŋgye pé ŋgâ pɔ́b ghɔ́bɔ́ pwó pɔŋ. 20Ŋkɔŋɔ wɔ́b náá pfód, ndzód. Tsiʼɛ́ pé ntsʉ́ʼ ndúŋɔ ndzó ntsɔ̌b kékáʼá yípáá. 21Pɔŋ pɛ́ pɔ́b kɛ pfód nɛ́ kɛ pé ywɔ́ ŋkab mbziŋi yítaŋ, kii sí pěŋgyé pwɛ pɛ Mɔ́ŋ.
Yěsô nyi ndúŋú nse
(Máá 6:45-52; Zhâ 6:16-21)
22Njʉ́ yéré no kɛ ke ndzáʼ néré nɛ́, Yěsô ghɛ́ nuʼɔ pɔŋ, ndzíʼɛ ŋgíŋgye pé ŋgâ pɔ́b kɔ́ʼɔ́ ndzó páŋ, kpɛ́ɛ́ ssó ndzwəʼɛ́ wé ne yiŋ gháá nse. 23Ŋkhoʼyɛ́ a kɛ nuʼɔ pɔŋ nɛ́, a kɔ́ʼɔ́ ndúŋú ŋkə́ŋ ne ntséʼéne Mboʼmvé kɛ́ʼɛ́ ndzó ywoʼɔ́mbáʼá. Ŋkhoʼ fwɔ̌nab kúʼu, Yěsô pɛ yóʼó ne ndúŋ yé. 24A kɛ ghɛmbɛ taŋa páŋ kɛ saa ne pɔŋ metáá kpíí pfúŋɔ́ tsetsáʼ. Fəfod séd mbɛ́ nse, metswə́ʼé tsé nyʉ́ páŋ. 25Ŋkhoʼ keemvé tsé ŋkúʼɔ, Yěsô nyi ndúŋú kɔbɔnse nse, ŋkʉ́yó pfúŋɔ́ pɔ́b. 26Ŋgíŋgye pé zhʉ́ njʉ́ a kɛ nyǐ ndúŋú kɔbɔnse nɛ́, tó yɔ́b váʼ, pɔ́ɔ́ gbáá wɔ́b, pɔ́b ghéʼ, ntsɔ́ ŋgâ: «A taʼ pfósyé!» 27Kpaʼ ŋkhoʼyéré, Yěsô níŋí ndzɔʼ yɔ́b, ntsó ŋgâ: «Kii ndzɔʼ yuŋ ndɛ ntéŋe, puŋ ndɛ mbɔ́ɔ́, a mo!» 28Pětro tsɔ́ pwó Yěsô ŋgâ: «Ntsɛɛpɔŋ, a pɛ́ɛ́ yɛ́ a wo sísíŋ nɛ́, wo ntsó ŋgâ mə nyí ndúŋú kɔbɔnse ŋkʉ́yó pfuŋ wo.» 29Yěsô tsɔ́ pwó ŋgâ: «Kʉ́yó!» Pětro shʉyí ndzó páŋ, nyi ndúŋú kɔbɔnse ŋgú pfuŋ yé. 30Ntsʉʼmbé, njʉ́ a kɛ zhʉ́ fəfod nɛ́, a pɔ́ɔ́, ndzye ne nɔ̂ne nse. A ghéʼ ŋgâ: «Ntsɛɛpɔŋ, kpee ya!» 31Kpaʼ ŋkhoʼyéré, Yěsô tsyaŋa pwó ye gbáá wé, ntsɔ́ pwó ye ŋgâ: «Psyɛ́ndzɔʼ wo khóó kaʼa pe níŋ? A zhyɛ́ kɔ́ wo zɛ́ɛ́?» 32Ŋkhoʼyɛ́ pɔ́b kɛ ŋkúŋɔ́ ndzó páŋ nɛ́, fəfod tsébé. 33Pɔŋ pɛ́ pɔ́b kɛ pɛ́ ndzó páŋ nɛ́, fěd kweʼé mɔ́b síŋ Yěsô, ntsɔ́ pwó ye ŋgâ: «Kpaʼ sísíŋ, wo Mɔ́ŋ Mboʼmvé!»
Yěsô pɛ́d ghaŋághɔŋ Zhenezarɛd
(Máá 6:53-56)
34Njʉ́ pɔ́b kɛ siʼá nse kaʼatɛ mbáŋa ne yiŋ ndzáʼa, a Zhenezarɛd nɛ́, pɔ́b tsyɛ́ páŋ yóʼó. 35Ghaŋáywoʼ péré zí wé, ŋgyɛ́ ŋkɔŋɔ yéré pɛ́rɛ́ ŋgɔŋ náá zé, ndɔ́ɔ́ ŋkɔŋɔ pɛ ghaŋághɔŋ náá ŋkʉ́yó núŋ pfuŋ ye. 36Pe kʉ́yó mbóʼmbwó pwó ye ŋgâ a ntee wɔ́b pɔ́b ke ŋkɛbɛ ndaʼ sáŋ ndzwé yé. Ŋkɔŋɔ pɔŋ pɛ́ pɔ́b kɛ kɛ́bɛ́ wé náá nɛ́, ke ntséʼé ndzǔne pé néré.
ទើបបានជ្រើសរើសហើយ៖
Matʉyo 14: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matʉyo 14
14
Zhâŋ ŋgaŋafɛ́ kpênse pfó
(Máá 6:14-29; Lúk 9:7-9; 3:19-20)
1A kɛ pɛ́ ne yéré ŋkhoʼmvé, fɔŋ Erodə wɛ́ a kɛ sáʼá pɛ́rɛ́ ŋgɔŋ Galílya nɛ́, zóʼ meno pɛ́ Yěsô kɛ zhyɛ́ náá nɛ́. 2A tsɔ́ pwó ndǎ pupé ŋgâ: «Ŋɔŋ wɔŋ Zhâŋ ŋgaŋafɛ́ kpênse! A yé! A zhʉyɛ́ ne vó! A zhyɛ́ yéré a tséʼé tʉ̌ŋ ŋgyɛ́ meno shʉyédme pe ké nɛ́.» 3A kɛ ghɛmbɛ fɔŋ Erodə zhyɛ́ pe gbáá Zhâŋ, ŋkúrɔ́ wé ne ntsáŋ, máʼá ndátsáŋ ŋkyé Erodyadə, ŋgʉyé Filipo. Filipo wéré pé mɔ́ŋmɛ́ Erodə. 4Ŋkyé ŋgâ Zhâŋ kɛ tsɔ́ pwó fɔŋ Erodə ŋgâ: «A zyé mbé tsyɛ́ ŋgâ wo yɔ́ɔ́ wé ne ŋgʉyé wo pó.» 5Tsʉ́ʼmbɛ njʉ́ fɔŋ Erodə kɛ tsé ntaʼa ne nɔ̌ʼne Zhâŋ nɛ́, a tsé mbɔ́ɔ́ míí pɔŋ. Ŋkyé ŋgâ pɔŋ kɛ yɔ́ɔ́ Zhâŋ pe njʉ́ taʼ ŋgaŋatsɔ́kpaŋató Mboʼmvé nɛ́. 6A náʼá mbé taʼ zhyémve, fɔŋ Erodə tsé ŋgyɛ́ taʼ ndébene ne zhyémve yɛ́ pe kɛ pfɛ́ wé nɛ́. Mɔ́ŋ Erodyadə wé Məŋgʉ́yé nyʉyi ndzúʼ síŋ pɛ ghəŋ, a pú fɔŋ Erodə. 7A səb ŋgâ: «Ŋkɔŋɔ yɔ́b yɛ́ wo mbzirɛ́ ne mo náá nɛ́, mə fɛ́ pwó wo.» 8Mɛ́ yé tsiŋɛ wé, a tsɔ́ pwó ye ŋgâ: «Fɛ́ɛ́ tó Zhâŋ ŋgaŋafɛ́ kpênse ndzó taʼ káŋ ne mo ghaŋ!» 9Fɔŋ ntsuŋi. Ntsʉʼmbé, njʉ́ a kɛ ghɛ́ mbɛ a sə́bɔ́ pwó yé síŋ pɛ ghəŋ nɛ́, a ntsó ŋgâ pe fɛ́ pwó ye. 10Á twɔ́ pɔŋ ŋgâ pe ghú ndátsáŋ ntséé tó Zhâŋ. 11Pe kʉ́yó ne tó yé yéré ndzó taʼ káŋ, fɛ́ pwó Mɔ́ŋ Məŋgʉ́yé, a ghú nuŋ fɛ́ pwó mɛ́ yé. 12Ŋgíŋgye Zhâŋ ghú ndɔ́ɔ́ kendiŋ mbəb ye ncʉ́, ŋgú səŋɛ Yěsô.
Yěsô zhʉyí ŋkáb ŋɔŋ yítaŋ
(Máá 6:30-44; Lúk 9:10-17; Zhâ 6:1-15)
13Ŋkhoʼyɛ́ Yěsô kɛ zóʼ wéré ŋkəŋ nɛ́, a ŋǎ ŋkɔ́ʼɔ́ ndzó páŋ, ŋgú ndzó taʼ ywoʼɔ mbaʼá. Kɛrɛ́ pɔŋ zóʼ, ntwɔ́ ndzó mbɛ́lʉ́ŋ pɔ́b, ndzɔŋɔ wé ne kpee. 14A ghɛ́ shʉ̌yí ndzó páŋ, njʉ́ kɛrɛ́ pɔŋ. Ghəghəŋ yɔ́b gbáá wé, a pɛ́d ghaŋáyɔ́ʼɔ́ pɛ́ pɔ́b kɛ pɛ ndzɔ́ʼɔ́ pɔ́b nɛ́. 15Ŋkhoʼfwɔ̌nab kuʼu, ŋgíŋgye Yěsô suʼú mbəb yɔ́b mbɛ́rɛ́ wé, ntsɔ́ pwó yé ŋgâ: «Piŋi pɛ́ɛ́ fób ghaŋ, zaʼmvé pó tsé ŋgyɛ́. Zhyɛ́ pɔ́b pód ndzəb ndzó pɛ yáʼ ndzúŋ mwɔ̌zó.» 16Ntsʉʼmbé Yěsô pɔ́rɔ́ ne pɔ́b ŋgâ: «Pɔ́b tsɛ́ʼɛ́ ne ŋgǔne pó. Tómbəb yúŋ, puŋ fɛ́ mɔ́b pɔ́b zó.» 17Néré, pɔ́b pɔ́rɔ́ pwó ye ŋgâ: «Psi ké ntsɛ́ʼɛ́ ndaʼ ntʉ́ʼ mbré yítaŋ ne ndíí ssó yípáá ghaŋ.» 18Yěsô ntsó ŋgâ: «Puŋ kʉ́yó fɛ́ ne mo ghaŋ.» 19Néré, Yěsô nyáŋá ŋgâ pɔŋ ghɔ́rɔ ndúŋú gháŋ. A yɔ́ɔ́ ntʉ́ʼ mbré yítaŋ pú ndíí ssó yípáá yɛ́, mbuʼú míí mé ndii pépéé, Níŋí mbúru ndúŋú, mbóʼ mbré fɛ́ pwó ŋgíŋgye pé ŋgâ pɔ́b ghɔ́bɔ́ pwó pɔŋ. 20Ŋkɔŋɔ wɔ́b náá pfód, ndzód. Tsiʼɛ́ pé ntsʉ́ʼ ndúŋɔ ndzó ntsɔ̌b kékáʼá yípáá. 21Pɔŋ pɛ́ pɔ́b kɛ pfód nɛ́ kɛ pé ywɔ́ ŋkab mbziŋi yítaŋ, kii sí pěŋgyé pwɛ pɛ Mɔ́ŋ.
Yěsô nyi ndúŋú nse
(Máá 6:45-52; Zhâ 6:16-21)
22Njʉ́ yéré no kɛ ke ndzáʼ néré nɛ́, Yěsô ghɛ́ nuʼɔ pɔŋ, ndzíʼɛ ŋgíŋgye pé ŋgâ pɔ́b kɔ́ʼɔ́ ndzó páŋ, kpɛ́ɛ́ ssó ndzwəʼɛ́ wé ne yiŋ gháá nse. 23Ŋkhoʼyɛ́ a kɛ nuʼɔ pɔŋ nɛ́, a kɔ́ʼɔ́ ndúŋú ŋkə́ŋ ne ntséʼéne Mboʼmvé kɛ́ʼɛ́ ndzó ywoʼɔ́mbáʼá. Ŋkhoʼ fwɔ̌nab kúʼu, Yěsô pɛ yóʼó ne ndúŋ yé. 24A kɛ ghɛmbɛ taŋa páŋ kɛ saa ne pɔŋ metáá kpíí pfúŋɔ́ tsetsáʼ. Fəfod séd mbɛ́ nse, metswə́ʼé tsé nyʉ́ páŋ. 25Ŋkhoʼ keemvé tsé ŋkúʼɔ, Yěsô nyi ndúŋú kɔbɔnse nse, ŋkʉ́yó pfúŋɔ́ pɔ́b. 26Ŋgíŋgye pé zhʉ́ njʉ́ a kɛ nyǐ ndúŋú kɔbɔnse nɛ́, tó yɔ́b váʼ, pɔ́ɔ́ gbáá wɔ́b, pɔ́b ghéʼ, ntsɔ́ ŋgâ: «A taʼ pfósyé!» 27Kpaʼ ŋkhoʼyéré, Yěsô níŋí ndzɔʼ yɔ́b, ntsó ŋgâ: «Kii ndzɔʼ yuŋ ndɛ ntéŋe, puŋ ndɛ mbɔ́ɔ́, a mo!» 28Pětro tsɔ́ pwó Yěsô ŋgâ: «Ntsɛɛpɔŋ, a pɛ́ɛ́ yɛ́ a wo sísíŋ nɛ́, wo ntsó ŋgâ mə nyí ndúŋú kɔbɔnse ŋkʉ́yó pfuŋ wo.» 29Yěsô tsɔ́ pwó ŋgâ: «Kʉ́yó!» Pětro shʉyí ndzó páŋ, nyi ndúŋú kɔbɔnse ŋgú pfuŋ yé. 30Ntsʉʼmbé, njʉ́ a kɛ zhʉ́ fəfod nɛ́, a pɔ́ɔ́, ndzye ne nɔ̂ne nse. A ghéʼ ŋgâ: «Ntsɛɛpɔŋ, kpee ya!» 31Kpaʼ ŋkhoʼyéré, Yěsô tsyaŋa pwó ye gbáá wé, ntsɔ́ pwó ye ŋgâ: «Psyɛ́ndzɔʼ wo khóó kaʼa pe níŋ? A zhyɛ́ kɔ́ wo zɛ́ɛ́?» 32Ŋkhoʼyɛ́ pɔ́b kɛ ŋkúŋɔ́ ndzó páŋ nɛ́, fəfod tsébé. 33Pɔŋ pɛ́ pɔ́b kɛ pɛ́ ndzó páŋ nɛ́, fěd kweʼé mɔ́b síŋ Yěsô, ntsɔ́ pwó ye ŋgâ: «Kpaʼ sísíŋ, wo Mɔ́ŋ Mboʼmvé!»
Yěsô pɛ́d ghaŋághɔŋ Zhenezarɛd
(Máá 6:53-56)
34Njʉ́ pɔ́b kɛ siʼá nse kaʼatɛ mbáŋa ne yiŋ ndzáʼa, a Zhenezarɛd nɛ́, pɔ́b tsyɛ́ páŋ yóʼó. 35Ghaŋáywoʼ péré zí wé, ŋgyɛ́ ŋkɔŋɔ yéré pɛ́rɛ́ ŋgɔŋ náá zé, ndɔ́ɔ́ ŋkɔŋɔ pɛ ghaŋághɔŋ náá ŋkʉ́yó núŋ pfuŋ ye. 36Pe kʉ́yó mbóʼmbwó pwó ye ŋgâ a ntee wɔ́b pɔ́b ke ŋkɛbɛ ndaʼ sáŋ ndzwé yé. Ŋkɔŋɔ pɔŋ pɛ́ pɔ́b kɛ kɛ́bɛ́ wé náá nɛ́, ke ntséʼé ndzǔne pé néré.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល