Matʉyo 12
12
A tséʼé Yěsô tséʼé zhyéze pɛ Yúda
(Máá 2:23-28; Lúk 6:1-5)
1A kɛ pé taʼ zhyéze pɛ Yúda ndzɔ́ʼɔ́ zhyémve péré, Yěsô tsé ndzáʼa ndzó pɛ faʼ bele. Ndzye zí ŋgíŋgye pé. Pɔ́b káb tsoʼ pé ndzóó mpfód. 2A njʉ́ pɛ Farízya kɛ zhʉ́ néré nɛ́, pɔ́b ntsɔ́ pwó ye ŋgâ: «Ntíŋí yɔ́b yɛ́ ŋgíŋgye pó zhyɛ́ zhyéze nɛ́, kaŋ miŋi psyɛ́ pó!» 3A pɔ́rɔ ne pɔ́b ŋgâ: «Puŋ kɛ pé fú no yɛ́ fɔŋ Ndavíd kɛ zhyɛ́, ŋkhoʼyɛ́ ndzye kɛ zí wé pwɛ pɛkpee pé nɛ́ pɔɔ? 4Mbziʼe yɛ́ a kɛ ŋkúŋɔ́ ndámboʼmvé pwɛ pɛkpee pé pfód mbré shʉ́ nɛ́. Ntsʉʼŋgɛmbɛ a pé mbré yɛ́ cyó ŋɔŋ, mbɛ yé, kii pɛkpee pé ntsɛ́ʼɛ́ ne pfôdne fáá ndaʼ pɛ ghaŋáshʉ́ nɛ́ pó! 5Kii puŋ kɛ pé fú ndzó ŋweʼe kaŋ Mǔsê ŋgâ zhyéze, pɛ ghaŋáshʉ́ ke fáʼa faʼ yɔ́b Ndámboʼmvé, mbɛ́ njʉ́ pɔ́b ghúʼú zhyéze nɛ́ po. Ntsʉʼŋgɛmbɛ néré, pɔ́b pé vǒ kaŋ pó! 6Kpaʼ sísíŋ, mə sə́ŋɛ́ wúŋ ŋgâ ŋɔŋ ghaŋ ntsɛ́ɛ́ Ndámboʼmvé. 7A ghɛmbɛ puŋ zóʼ ŋkee tsi ntsó wɔŋ wɛ́ a tsɔ́ ŋgâ: “A tsaaghəghəŋ mbé yɔ́b yɛ́ mə ndzɔŋɔ nɛ́, mə ndzɔŋɔ pɛ mwɔ̌shʉ́ pó”, mbǒ puŋ tsé mbé fúŋɔ́ pɔŋ pɔŋ pɛ́ pɔ́b vɔ́ no nɛ́ pó! 8ŋkyé ŋgâ a tséʼé Mɔ́ŋ ŋɔŋ ntséʼé zhyéze.»
Yěsô pɛ́d taʼ pfɔ́pwó zhyéze pɛ Yúda
(Máá 3:1-6; Lúk 6:6-11)
9Yěsô ŋǎ yóʼó, ŋgú ŋkúŋɔ́ ndántéré pɔ́b. 10Ŋgɛmbɛ taʼ ŋumbzí pɛ yóʼó, taʼ pwó yé pe pfóme. Pɛ Farízya pfirɛ Yěsô ŋgâ: «A tsyɛ́ ŋgâ pe pɛ́d ghɔŋ zhyéze?» Pɔ́b kɛ táʼá ŋkɔʼyɛɛ ne sɔ́bne wé. 11Ntsʉʼmbé a ntsɔ́ ne pɔ́b ŋgâ: «A wɔ́ ndzɔ́ʼɔ́ puŋ wɛ́ a ke ntsɛ́ʼɛ́ ndaʼ taʼ mɔ́ŋvó yimɔʼɔ. A vɔ̌ ndzó píí zhyéze, a tee kii ghú, túbɔ́ wé, ŋkhú níŋi nɛ́? 12Ntsʉ́ʼŋgɛmbɛ ŋumesɔŋ ntsɛ́ɛ́ mɔ́ŋvó! Néré, á tsyɛ́ nɛ́ ŋgâ pe zhyɛ́ no sʉ́ʼʉ zhyéze!» 13Á ntsó nɛ́ pwó ŋɔŋ wéré ŋgâ: «Sǐ pwó wo!» A sí, pwó yé fwó kaʼatɛ mbɛ́ njʉ́ cyó nɛ́. 14Ŋkhoyɛ́ pɛ Farízya kɛ twɔ́ nɛ́, pɔ́b téré, kpáŋá njʉ́ pɔ́b ŋgyɛ́ a pfó nɛ́.
Yěsô ŋgaŋafaʼ Mboʼmve
15Ŋkhoʼyɛ́ Yěsô kɛ zóʼ no yéré nɛ́, a ŋáá yé yóʼó. Záá pɔŋ zɔŋɔ wé, a pɛ́d ghɔŋ ŋkɔŋɔ wɔ́b náá. 16Yěsô sú ntəŋé mɔ́b ne pʉ̌ŋgye, ntsɔ́ ne pɔ́b ŋgâ kii pɔ́b ndɛ ŋgyɛ́ pɔŋ zɛ́ wé, 17kɛ́ʼɛ́ ŋgâ tó no yɛ́ ŋgaŋatsɔ́kpaŋató Mboʼmvé Ezaya kɛ ntsó nɛ́, yúŋú. No yéré kɛ́ pɛ́ɛ́ ŋgâ:
18«Yɔŋɔ ŋgaŋafaʼ ya wɛ́ mə ntsɔ́ʼ nɛ́,
Wɛ́ mə kʉ́yé kaʼatɛ nɛ́, mbó ntsɔ́ʼ wé pe ne nkʉyěne máá nɛ́,
Mə náʼá niŋɛ Zhʉye ya mbəb yé,
A náʼ ncʉ́rɛ ŋgerɛ́ŋged pwó mvémvé.
19A náʼ ntáʼ fiʼ pó, a náʼ ŋgéʼ pó,
Pe náʼ ndzóʼ ndzəb yé tétáá pó.
20A náʼ ntʉ́ŋ mbeʼe ŋwɔ́me pó,
A náʼ mbóó mɔ́ɔ́ ndúŋú yɔ́b yɛ́ a kɛ zhʉʼɛ nɛ́ pó.
Kaʼatɛ mbáŋ zhyémve yɛ́ a tyáŋa ŋgerɛ́ŋged, a mâʼ ntsɛ́ɛ́ ntsɔ̂ nɛ́.
21Mvémvé náʼ ndâ ndúŋú tíí yé, shʉ́rɛ no sʉ́ʼʉ yɛ́ a tsé ŋkʉ́yó nɛ́.»
Yěsô yɔɔ tʉ̌ŋ pɛ́ɛ́ ndzú zhʉye kəpɔŋ nʉŋ?
(Máá 3:22-30; Lúk 11:14-23; 12:10)
22Néré, pé yɔ́ɔ́ taʼ ŋɔŋ wɛ́ zhʉye kəpɔŋ kɛ pɛ́ mbəb yé, a ffô, mbó móʼ nɛ́ ŋkʉ́yó níŋ yé pfúŋɔ́ Yěsô. A pɛ́rɛ́ wé, kaʼatɛ a ntsó no mbó njʉ́ ywoʼ. 23No ntsɛ́ɛ́ ŋkɔŋɔ pɔŋ náá, pɔ́b tsɔ́ ŋgâ: «Tɛ ŋɔŋ wɔŋ Mɔ́ŋ fɔŋ Ndavíd pɔɔ?» 24Ntsʉʼmbé, njʉ́ pɛ Farízya kɛ zóʼ yéré no nɛ́, pɔ́b ntsó ŋgâ: «Ŋɔŋ wékénɛ́ ke ndzú zhʉye kəpɔŋ pé ne Bɛɛzebʉlə, fɔŋ pɛ zhʉye kəpɔŋ.»
25Ŋkhoʼyɛ́ a kɛ zhʉ́ mbziʼe yɛ́ pɔ́b kɛ zhyɛ́ nɛ́, a tsɔ́ ne pɔ́b ŋgâ: «A pɛ́ɛ́ yɛ́ pɔ́ŋ taʼ ŋgɔŋ tsé máʼá ntsɔ̂ tsetsɛrɛ pɔ́b nɛ́, mbǒ ŋgɔŋ wéré mbwó. Cyó mbɛ́lʉ́ŋ kii cyó ndǎ yɛ́ pɔ́ŋ pe tsé máʼá ntsɔ tsetsɛrɛ pɔ́b nɛ́ náʼá ntsó pó. 26A pɛ́ɛ́ yɛ́ nɛ́ Sátaŋ tsé ndzú Sátaŋ nɛ́, mbǒ a sáŋá tómbəb yé. Néré ŋgɔŋ yé ntsóó mbziʼeníŋ? 27A pɛ́ɛ́ yɛ́ a fɛ́ Bɛɛzebʉlə fɛ́ tʉ̌ŋ ne mo ne ndzǔne zhʉye kəpɔŋ núŋ nɛ́, mbǒ ŋgíŋgye púŋ zû yɔ́b zhʉye kəpɔŋ pé ne kɔ́? A náʼá ke mbɛ́ pɔ́b nɛ́ mbɛ ghaŋásábáfiʼ púŋ. 28Ntsʉʼmbé, a pɛ́ɛ́yɛ́ mə ndzú zhʉye kəpɔŋ pé ne Zhʉye Mboʼmvé nɛ́, mbǒ Nofɔŋ Mboʼmve kʉ́yó nɛ́ kaʼatɛ mbɛ́rɛ́ wúŋ! 29Kii ŋgâ, tɛɛmbɛ ŋɔŋ zhyɛ́ níŋ kúŋɔ́ ndáb ŋɔŋ wɛ́ a tséʼé tʉ̌ŋ nɛ́, mvú mɔ́b pé kii pee ŋkwód wé? A pɛ́ɛ́ yɛ́ a kwɔ́rɔ́ wé nɛ́, mbǒ a ntsáʼá ŋkɔŋɔ ndáb yé náá. 30Ŋɔŋ wɛ́ psi yé tə́b kpee nsěnyi nɛ́ pó, á ŋgaŋakəpeŋé ya. Ŋɔŋ wɛ́ a ghebe ya ne ntéréne pɔŋ nɛ́ pó, sáŋa wɔ́b saŋá.
31A zhyɛ́ yéré mə səŋɛ wúŋ ŋgâ, kəpɔŋ kii ntóne Mboʼmve pɛ́ɛ́ níŋ, mbǒ Mboʼmve ŋkʉ́yó ke máʼá ŋkɔŋɔ náá máʼ. Ntsʉʼmbé, a pɛ́ɛ́ yɛ́ ŋɔŋ tó Zhʉye Yáŋme nɛ́, mbǒ pe ŋkʉ́yó máʼ yéré vɔ̌no ndɔ́ɔ́ wé pó. 32Mbó Mbéyɛ́ ŋɔŋ ntsɔ́ɔ́ kəpɔŋ ŋkyé Mɔ́ŋ ŋɔŋ nɛ́, mbǒ pe ŋkʉ́yó máʼá vɔ̌no yé ndɔ́ɔ́ wé. Ntsʉʼmbé a ntsɔ́ɔ́ kəpɔŋ ŋkyé Zhʉye Yáŋme, mbǒ pe ŋkʉ́yó máʼ yéré vɔ̌no ndzó mvé yɔŋ kii ndzó mvé yɛ́ a tsé ŋkʉ́yó nɛ́, ndɔ́ɔ́ wé pó.»
Pé zi ntsó pé ne ntáá mé
(Mat 7:16-17; Lúk 6:44-45)
33Yěsô pó ntsó ŋkʉ́rʉ́ ŋgâ: «A pɛ́ɛ́ yɛ́ tsí ntsó sʉ́ʼʉ nɛ́, mbǒ ntáá mé ke mbɛ́ɛ́ sʉ́ʼʉ. A pɛ́ɛ́ yɛ́ ghɔŋ ndúŋú tsí ntsó nɛ́, mbǒ ntáá mé ke mbɛ́ɛ́ mé ghɔŋ. Ŋkyé ŋgâ pé zi ntsó pé ne ntáá mé. 34Ndǎ ŋkɔ́b! Tɛɛmbɛ puŋ zhyɛ́ níŋ ntsɔ́ meno sʉ́ʼʉ ntsʉʼŋgɛ mbɛ tséʼé ndzɔʼ kəpɔŋ? ŋkyé ŋgâ yɔ́b yɛ́ a twɔ́ tswee ŋɔŋ nɛ́, a yɔ́b yɛ́ a yuŋɔ́ ndzó ndzɔʼ yé kaʼatɛ mbê nɛ́. 35Ŋɔŋ sʉ́ʼʉ ké ntubɔ́ mɔ́b sʉ́ʼʉ ndzɔ́ʼɔ́ foʼ yé yé sʉ́ʼʉ. Ŋɔŋ kəpɔŋ ké ntubɔ́ mɔ́b kəpɔŋ ndzɔ́ʼɔ́ foʼ yé yé kəpɔŋ. 36Mə ntsɔ́ nɛ́ ne puŋ ŋgâ, a náʼá mbɛ́ zhyémvé sábáfiʼ, pɔŋ nsó ŋkyé ŋkɔŋɔ pɛ nsó ndzəndzoʼ pɛ́ a kɛ twɔ́ tswee pɔ́b nɛ́ náá. 37Ŋkyé ŋgâ a náʼá kpéé nsó wo kpéé wo. Pe ké mbó ndáá ndúŋú nsó wo fiʼɛ́ wo, fûŋ wo.»
Kiŋi no yɛ́ a kɛ záʼ mbəb Ywǎnisə nɛ́
(Mat 16:1-4; Máá 8:11-12; Lúk 11:16; 11:29-32)
38A kɛ pe néré pecyó ghaŋákeʼekaŋ pwɛ pɛ Farízya yɔ́ɔ́ ntsó, ntsó ŋgâ: «Kéʼeyáŋ, psi zɔŋɔ ŋgâ wo zhyɛ́ taʼ shʉrɛ́ no psi zhʉ́. A pe taʼ kiŋi yɛ́ a nyóʼ ŋgâ a twɔ́ Mboʼmve ntwɔ́ wo nɛ́.» 39Yěsô pɔrɔ́ ne pɔ́b ŋgâ: «Kɛ́rɛmvé kəpɔŋ pwɛ ghaŋáŋgɔ́b mbəb Mboʼmve pfirɛ taʼ kiŋi! Pɔ́b tsʉ́ʼ ŋgɛ náʼá mbé zhʉ́ taʼ kiŋi fáá yé Ywǎnisə, ŋgaŋatsɔ́kpaŋató Mboʼmvé pó. 40Ŋkyé ŋgâ njʉ́ Ywǎnisə kɛ pɛ́ pfɔ̂ nânse ne zhyémve pekyéd ne netsúʼ yíkyéd nɛ́, a ke mbɛ njʉ́ pe náʼá ncʉ́ Mɔ́ŋ ŋɔŋ, a tsó ndzɔ́ʼɔ́ tsetsáʼ ne zhyémve pekyéd ne netsúʼ yíkyéd nɛ́. 41Zhyémve yɛ́ Mboʼmve ŋkʉ́yó sábáfiʼ mvémvé nɛ́, a ŋǎ mbéŋgɔŋ Ninivə fíʼ ŋkerɛ́mvé yɔŋ, fûŋ. Ŋkyé ŋgâ pɔ́b kɛ zoʼ ncʉ́ri Ywǎnisə, séd mbziʼe yɔ́b. Ntsʉʼŋgɛ mbɛ ŋɔŋ pɛ ghaŋ ntsɛ́ɛ́ Ywǎnisə! 42Zhyémve yɛ́ Mboʼmve ŋkʉ́yó sábáfiʼ mvémvé nɛ́, a ŋǎ fɔŋ Məŋgʉ́yé ŋgɔŋ Sába, fiʼɛ ŋkerɛ́mvé yɔŋ, fúŋɔ́, ŋkyé ŋgâ, a kɛ twɔ́ taŋasesɛ ne ndzóʼne ntsó zɛ́no tswee fɔŋ Salomɔŋ. Ntsʉ́ʼŋgɛ́mbɛ ŋɔŋ pɛ ghaŋ ntsɛ́ɛ́ fɔŋ Salomɔŋ!»
Zhʉye kəpɔŋ pód ndzəb
(Lúk 11:24-26)
43Yěsô pó ntsó ŋgâ: «Ŋkhoʼyɛ́ taʼ zhʉye kəpɔŋ twɔ́ mbəb ŋɔŋ nɛ́, a kérɛ ŋgʉ́ ndzó pɛ kɔ́ɔ́zəbé, ntaʼa ywoʼ yɛ́ a nuŋɔ tó yé nɛ́, ntsʉʼmbé tsé njʉ́ pó. 44Néré, a ntsɔ́ pwó tómbəb ye ŋgâ: “Mə mbɔ́rɔ́ ndzəb ndáb mo, ndzó ywoʼ yɛ́ mə ŋǎ nɛ́.” A pé tɛ́ mbáŋá njʉ́ ywoʼ pé zhʉyóme, ntsuŋúme, mbó pé ghə̌ʼme pó. 45Néré, á ŋgú, ndɔ́ɔ́ zhʉye kəpɔŋ pesambáá pɛ́ pɔ́b pʉ́ʉ́ ntsɛ́ɛ́ wé nɛ́. Pɔ́b ŋkú, shʉʼɛ́ mbəb ŋɔŋ wéré, tsómvé yé pó mbʉ́ʉ́ ntsɛ́ɛ́ njʉ́ a kɛ pě mbé nɛ́. A ke mbé no yɛ́ nɛ́ a náʼá kúŋɔ́ Kɛ́rɛmvé kəpɔŋ yɔŋ nɛ́.»
Kpaʼ ndǎ Yěsô
(Máá 3:31-35; Lúk 8:19-21)
46Njʉ́ a kɛ tsɔ́ pwó pɔŋ kɛ́ʼɛ́ nɛ́, mɛ́ yé pwɛ pɔ́ŋmɛ́ pé kʉ́yó ntsɛ́ mvé, ntáʼá ne ntsóne no pwó ye.
[ 47Cyó ŋɔŋ ntsɔ́ pwó ye ŋgâ: «Zhʉ́ njʉ́! Mɛ́ yo pwɛ pɔ́ŋmɛ́ pó mvé nɛ́. Pɔ́b tsé ntáʼá wo ne ntsóne no pwó wo!»]
48Yěsô pɔrɔ́ pwó ŋɔŋ wɛ́ a kɛ ŋǎ ne ntsóne néré nɛ́ ŋgâ: «A wɔ́ mbé mɛ́ ya? A wɔ́ mbé pɔ́ŋmɛ́ páá?» 49A nyóʼ ŋgíŋgye pe ntsó ŋgâ: «Mɛ́ ya pwɛ pɔ́ŋmɛ́ páá pé nɔŋ. 50Tsye ŋɔŋ wɛ́ a zhyɛ́ no yɛ́ Tɛd ya wɛ́ a pépéé nɛ́ zɔŋɔ nɛ́, mbǒ a ye mbé mɔ́ŋmɛ́ ya wé ŋumbzí, a ye mbé mɔ́ŋmɛ́ ya wé Məŋgʉ́yé, a ye mbé mɛ́ ya.»
ទើបបានជ្រើសរើសហើយ៖
Matʉyo 12: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matʉyo 12
12
A tséʼé Yěsô tséʼé zhyéze pɛ Yúda
(Máá 2:23-28; Lúk 6:1-5)
1A kɛ pé taʼ zhyéze pɛ Yúda ndzɔ́ʼɔ́ zhyémve péré, Yěsô tsé ndzáʼa ndzó pɛ faʼ bele. Ndzye zí ŋgíŋgye pé. Pɔ́b káb tsoʼ pé ndzóó mpfód. 2A njʉ́ pɛ Farízya kɛ zhʉ́ néré nɛ́, pɔ́b ntsɔ́ pwó ye ŋgâ: «Ntíŋí yɔ́b yɛ́ ŋgíŋgye pó zhyɛ́ zhyéze nɛ́, kaŋ miŋi psyɛ́ pó!» 3A pɔ́rɔ ne pɔ́b ŋgâ: «Puŋ kɛ pé fú no yɛ́ fɔŋ Ndavíd kɛ zhyɛ́, ŋkhoʼyɛ́ ndzye kɛ zí wé pwɛ pɛkpee pé nɛ́ pɔɔ? 4Mbziʼe yɛ́ a kɛ ŋkúŋɔ́ ndámboʼmvé pwɛ pɛkpee pé pfód mbré shʉ́ nɛ́. Ntsʉʼŋgɛmbɛ a pé mbré yɛ́ cyó ŋɔŋ, mbɛ yé, kii pɛkpee pé ntsɛ́ʼɛ́ ne pfôdne fáá ndaʼ pɛ ghaŋáshʉ́ nɛ́ pó! 5Kii puŋ kɛ pé fú ndzó ŋweʼe kaŋ Mǔsê ŋgâ zhyéze, pɛ ghaŋáshʉ́ ke fáʼa faʼ yɔ́b Ndámboʼmvé, mbɛ́ njʉ́ pɔ́b ghúʼú zhyéze nɛ́ po. Ntsʉʼŋgɛmbɛ néré, pɔ́b pé vǒ kaŋ pó! 6Kpaʼ sísíŋ, mə sə́ŋɛ́ wúŋ ŋgâ ŋɔŋ ghaŋ ntsɛ́ɛ́ Ndámboʼmvé. 7A ghɛmbɛ puŋ zóʼ ŋkee tsi ntsó wɔŋ wɛ́ a tsɔ́ ŋgâ: “A tsaaghəghəŋ mbé yɔ́b yɛ́ mə ndzɔŋɔ nɛ́, mə ndzɔŋɔ pɛ mwɔ̌shʉ́ pó”, mbǒ puŋ tsé mbé fúŋɔ́ pɔŋ pɔŋ pɛ́ pɔ́b vɔ́ no nɛ́ pó! 8ŋkyé ŋgâ a tséʼé Mɔ́ŋ ŋɔŋ ntséʼé zhyéze.»
Yěsô pɛ́d taʼ pfɔ́pwó zhyéze pɛ Yúda
(Máá 3:1-6; Lúk 6:6-11)
9Yěsô ŋǎ yóʼó, ŋgú ŋkúŋɔ́ ndántéré pɔ́b. 10Ŋgɛmbɛ taʼ ŋumbzí pɛ yóʼó, taʼ pwó yé pe pfóme. Pɛ Farízya pfirɛ Yěsô ŋgâ: «A tsyɛ́ ŋgâ pe pɛ́d ghɔŋ zhyéze?» Pɔ́b kɛ táʼá ŋkɔʼyɛɛ ne sɔ́bne wé. 11Ntsʉʼmbé a ntsɔ́ ne pɔ́b ŋgâ: «A wɔ́ ndzɔ́ʼɔ́ puŋ wɛ́ a ke ntsɛ́ʼɛ́ ndaʼ taʼ mɔ́ŋvó yimɔʼɔ. A vɔ̌ ndzó píí zhyéze, a tee kii ghú, túbɔ́ wé, ŋkhú níŋi nɛ́? 12Ntsʉ́ʼŋgɛmbɛ ŋumesɔŋ ntsɛ́ɛ́ mɔ́ŋvó! Néré, á tsyɛ́ nɛ́ ŋgâ pe zhyɛ́ no sʉ́ʼʉ zhyéze!» 13Á ntsó nɛ́ pwó ŋɔŋ wéré ŋgâ: «Sǐ pwó wo!» A sí, pwó yé fwó kaʼatɛ mbɛ́ njʉ́ cyó nɛ́. 14Ŋkhoyɛ́ pɛ Farízya kɛ twɔ́ nɛ́, pɔ́b téré, kpáŋá njʉ́ pɔ́b ŋgyɛ́ a pfó nɛ́.
Yěsô ŋgaŋafaʼ Mboʼmve
15Ŋkhoʼyɛ́ Yěsô kɛ zóʼ no yéré nɛ́, a ŋáá yé yóʼó. Záá pɔŋ zɔŋɔ wé, a pɛ́d ghɔŋ ŋkɔŋɔ wɔ́b náá. 16Yěsô sú ntəŋé mɔ́b ne pʉ̌ŋgye, ntsɔ́ ne pɔ́b ŋgâ kii pɔ́b ndɛ ŋgyɛ́ pɔŋ zɛ́ wé, 17kɛ́ʼɛ́ ŋgâ tó no yɛ́ ŋgaŋatsɔ́kpaŋató Mboʼmvé Ezaya kɛ ntsó nɛ́, yúŋú. No yéré kɛ́ pɛ́ɛ́ ŋgâ:
18«Yɔŋɔ ŋgaŋafaʼ ya wɛ́ mə ntsɔ́ʼ nɛ́,
Wɛ́ mə kʉ́yé kaʼatɛ nɛ́, mbó ntsɔ́ʼ wé pe ne nkʉyěne máá nɛ́,
Mə náʼá niŋɛ Zhʉye ya mbəb yé,
A náʼ ncʉ́rɛ ŋgerɛ́ŋged pwó mvémvé.
19A náʼ ntáʼ fiʼ pó, a náʼ ŋgéʼ pó,
Pe náʼ ndzóʼ ndzəb yé tétáá pó.
20A náʼ ntʉ́ŋ mbeʼe ŋwɔ́me pó,
A náʼ mbóó mɔ́ɔ́ ndúŋú yɔ́b yɛ́ a kɛ zhʉʼɛ nɛ́ pó.
Kaʼatɛ mbáŋ zhyémve yɛ́ a tyáŋa ŋgerɛ́ŋged, a mâʼ ntsɛ́ɛ́ ntsɔ̂ nɛ́.
21Mvémvé náʼ ndâ ndúŋú tíí yé, shʉ́rɛ no sʉ́ʼʉ yɛ́ a tsé ŋkʉ́yó nɛ́.»
Yěsô yɔɔ tʉ̌ŋ pɛ́ɛ́ ndzú zhʉye kəpɔŋ nʉŋ?
(Máá 3:22-30; Lúk 11:14-23; 12:10)
22Néré, pé yɔ́ɔ́ taʼ ŋɔŋ wɛ́ zhʉye kəpɔŋ kɛ pɛ́ mbəb yé, a ffô, mbó móʼ nɛ́ ŋkʉ́yó níŋ yé pfúŋɔ́ Yěsô. A pɛ́rɛ́ wé, kaʼatɛ a ntsó no mbó njʉ́ ywoʼ. 23No ntsɛ́ɛ́ ŋkɔŋɔ pɔŋ náá, pɔ́b tsɔ́ ŋgâ: «Tɛ ŋɔŋ wɔŋ Mɔ́ŋ fɔŋ Ndavíd pɔɔ?» 24Ntsʉʼmbé, njʉ́ pɛ Farízya kɛ zóʼ yéré no nɛ́, pɔ́b ntsó ŋgâ: «Ŋɔŋ wékénɛ́ ke ndzú zhʉye kəpɔŋ pé ne Bɛɛzebʉlə, fɔŋ pɛ zhʉye kəpɔŋ.»
25Ŋkhoʼyɛ́ a kɛ zhʉ́ mbziʼe yɛ́ pɔ́b kɛ zhyɛ́ nɛ́, a tsɔ́ ne pɔ́b ŋgâ: «A pɛ́ɛ́ yɛ́ pɔ́ŋ taʼ ŋgɔŋ tsé máʼá ntsɔ̂ tsetsɛrɛ pɔ́b nɛ́, mbǒ ŋgɔŋ wéré mbwó. Cyó mbɛ́lʉ́ŋ kii cyó ndǎ yɛ́ pɔ́ŋ pe tsé máʼá ntsɔ tsetsɛrɛ pɔ́b nɛ́ náʼá ntsó pó. 26A pɛ́ɛ́ yɛ́ nɛ́ Sátaŋ tsé ndzú Sátaŋ nɛ́, mbǒ a sáŋá tómbəb yé. Néré ŋgɔŋ yé ntsóó mbziʼeníŋ? 27A pɛ́ɛ́ yɛ́ a fɛ́ Bɛɛzebʉlə fɛ́ tʉ̌ŋ ne mo ne ndzǔne zhʉye kəpɔŋ núŋ nɛ́, mbǒ ŋgíŋgye púŋ zû yɔ́b zhʉye kəpɔŋ pé ne kɔ́? A náʼá ke mbɛ́ pɔ́b nɛ́ mbɛ ghaŋásábáfiʼ púŋ. 28Ntsʉʼmbé, a pɛ́ɛ́yɛ́ mə ndzú zhʉye kəpɔŋ pé ne Zhʉye Mboʼmvé nɛ́, mbǒ Nofɔŋ Mboʼmve kʉ́yó nɛ́ kaʼatɛ mbɛ́rɛ́ wúŋ! 29Kii ŋgâ, tɛɛmbɛ ŋɔŋ zhyɛ́ níŋ kúŋɔ́ ndáb ŋɔŋ wɛ́ a tséʼé tʉ̌ŋ nɛ́, mvú mɔ́b pé kii pee ŋkwód wé? A pɛ́ɛ́ yɛ́ a kwɔ́rɔ́ wé nɛ́, mbǒ a ntsáʼá ŋkɔŋɔ ndáb yé náá. 30Ŋɔŋ wɛ́ psi yé tə́b kpee nsěnyi nɛ́ pó, á ŋgaŋakəpeŋé ya. Ŋɔŋ wɛ́ a ghebe ya ne ntéréne pɔŋ nɛ́ pó, sáŋa wɔ́b saŋá.
31A zhyɛ́ yéré mə səŋɛ wúŋ ŋgâ, kəpɔŋ kii ntóne Mboʼmve pɛ́ɛ́ níŋ, mbǒ Mboʼmve ŋkʉ́yó ke máʼá ŋkɔŋɔ náá máʼ. Ntsʉʼmbé, a pɛ́ɛ́ yɛ́ ŋɔŋ tó Zhʉye Yáŋme nɛ́, mbǒ pe ŋkʉ́yó máʼ yéré vɔ̌no ndɔ́ɔ́ wé pó. 32Mbó Mbéyɛ́ ŋɔŋ ntsɔ́ɔ́ kəpɔŋ ŋkyé Mɔ́ŋ ŋɔŋ nɛ́, mbǒ pe ŋkʉ́yó máʼá vɔ̌no yé ndɔ́ɔ́ wé. Ntsʉʼmbé a ntsɔ́ɔ́ kəpɔŋ ŋkyé Zhʉye Yáŋme, mbǒ pe ŋkʉ́yó máʼ yéré vɔ̌no ndzó mvé yɔŋ kii ndzó mvé yɛ́ a tsé ŋkʉ́yó nɛ́, ndɔ́ɔ́ wé pó.»
Pé zi ntsó pé ne ntáá mé
(Mat 7:16-17; Lúk 6:44-45)
33Yěsô pó ntsó ŋkʉ́rʉ́ ŋgâ: «A pɛ́ɛ́ yɛ́ tsí ntsó sʉ́ʼʉ nɛ́, mbǒ ntáá mé ke mbɛ́ɛ́ sʉ́ʼʉ. A pɛ́ɛ́ yɛ́ ghɔŋ ndúŋú tsí ntsó nɛ́, mbǒ ntáá mé ke mbɛ́ɛ́ mé ghɔŋ. Ŋkyé ŋgâ pé zi ntsó pé ne ntáá mé. 34Ndǎ ŋkɔ́b! Tɛɛmbɛ puŋ zhyɛ́ níŋ ntsɔ́ meno sʉ́ʼʉ ntsʉʼŋgɛ mbɛ tséʼé ndzɔʼ kəpɔŋ? ŋkyé ŋgâ yɔ́b yɛ́ a twɔ́ tswee ŋɔŋ nɛ́, a yɔ́b yɛ́ a yuŋɔ́ ndzó ndzɔʼ yé kaʼatɛ mbê nɛ́. 35Ŋɔŋ sʉ́ʼʉ ké ntubɔ́ mɔ́b sʉ́ʼʉ ndzɔ́ʼɔ́ foʼ yé yé sʉ́ʼʉ. Ŋɔŋ kəpɔŋ ké ntubɔ́ mɔ́b kəpɔŋ ndzɔ́ʼɔ́ foʼ yé yé kəpɔŋ. 36Mə ntsɔ́ nɛ́ ne puŋ ŋgâ, a náʼá mbɛ́ zhyémvé sábáfiʼ, pɔŋ nsó ŋkyé ŋkɔŋɔ pɛ nsó ndzəndzoʼ pɛ́ a kɛ twɔ́ tswee pɔ́b nɛ́ náá. 37Ŋkyé ŋgâ a náʼá kpéé nsó wo kpéé wo. Pe ké mbó ndáá ndúŋú nsó wo fiʼɛ́ wo, fûŋ wo.»
Kiŋi no yɛ́ a kɛ záʼ mbəb Ywǎnisə nɛ́
(Mat 16:1-4; Máá 8:11-12; Lúk 11:16; 11:29-32)
38A kɛ pe néré pecyó ghaŋákeʼekaŋ pwɛ pɛ Farízya yɔ́ɔ́ ntsó, ntsó ŋgâ: «Kéʼeyáŋ, psi zɔŋɔ ŋgâ wo zhyɛ́ taʼ shʉrɛ́ no psi zhʉ́. A pe taʼ kiŋi yɛ́ a nyóʼ ŋgâ a twɔ́ Mboʼmve ntwɔ́ wo nɛ́.» 39Yěsô pɔrɔ́ ne pɔ́b ŋgâ: «Kɛ́rɛmvé kəpɔŋ pwɛ ghaŋáŋgɔ́b mbəb Mboʼmve pfirɛ taʼ kiŋi! Pɔ́b tsʉ́ʼ ŋgɛ náʼá mbé zhʉ́ taʼ kiŋi fáá yé Ywǎnisə, ŋgaŋatsɔ́kpaŋató Mboʼmvé pó. 40Ŋkyé ŋgâ njʉ́ Ywǎnisə kɛ pɛ́ pfɔ̂ nânse ne zhyémve pekyéd ne netsúʼ yíkyéd nɛ́, a ke mbɛ njʉ́ pe náʼá ncʉ́ Mɔ́ŋ ŋɔŋ, a tsó ndzɔ́ʼɔ́ tsetsáʼ ne zhyémve pekyéd ne netsúʼ yíkyéd nɛ́. 41Zhyémve yɛ́ Mboʼmve ŋkʉ́yó sábáfiʼ mvémvé nɛ́, a ŋǎ mbéŋgɔŋ Ninivə fíʼ ŋkerɛ́mvé yɔŋ, fûŋ. Ŋkyé ŋgâ pɔ́b kɛ zoʼ ncʉ́ri Ywǎnisə, séd mbziʼe yɔ́b. Ntsʉʼŋgɛ mbɛ ŋɔŋ pɛ ghaŋ ntsɛ́ɛ́ Ywǎnisə! 42Zhyémve yɛ́ Mboʼmve ŋkʉ́yó sábáfiʼ mvémvé nɛ́, a ŋǎ fɔŋ Məŋgʉ́yé ŋgɔŋ Sába, fiʼɛ ŋkerɛ́mvé yɔŋ, fúŋɔ́, ŋkyé ŋgâ, a kɛ twɔ́ taŋasesɛ ne ndzóʼne ntsó zɛ́no tswee fɔŋ Salomɔŋ. Ntsʉ́ʼŋgɛ́mbɛ ŋɔŋ pɛ ghaŋ ntsɛ́ɛ́ fɔŋ Salomɔŋ!»
Zhʉye kəpɔŋ pód ndzəb
(Lúk 11:24-26)
43Yěsô pó ntsó ŋgâ: «Ŋkhoʼyɛ́ taʼ zhʉye kəpɔŋ twɔ́ mbəb ŋɔŋ nɛ́, a kérɛ ŋgʉ́ ndzó pɛ kɔ́ɔ́zəbé, ntaʼa ywoʼ yɛ́ a nuŋɔ tó yé nɛ́, ntsʉʼmbé tsé njʉ́ pó. 44Néré, a ntsɔ́ pwó tómbəb ye ŋgâ: “Mə mbɔ́rɔ́ ndzəb ndáb mo, ndzó ywoʼ yɛ́ mə ŋǎ nɛ́.” A pé tɛ́ mbáŋá njʉ́ ywoʼ pé zhʉyóme, ntsuŋúme, mbó pé ghə̌ʼme pó. 45Néré, á ŋgú, ndɔ́ɔ́ zhʉye kəpɔŋ pesambáá pɛ́ pɔ́b pʉ́ʉ́ ntsɛ́ɛ́ wé nɛ́. Pɔ́b ŋkú, shʉʼɛ́ mbəb ŋɔŋ wéré, tsómvé yé pó mbʉ́ʉ́ ntsɛ́ɛ́ njʉ́ a kɛ pě mbé nɛ́. A ke mbé no yɛ́ nɛ́ a náʼá kúŋɔ́ Kɛ́rɛmvé kəpɔŋ yɔŋ nɛ́.»
Kpaʼ ndǎ Yěsô
(Máá 3:31-35; Lúk 8:19-21)
46Njʉ́ a kɛ tsɔ́ pwó pɔŋ kɛ́ʼɛ́ nɛ́, mɛ́ yé pwɛ pɔ́ŋmɛ́ pé kʉ́yó ntsɛ́ mvé, ntáʼá ne ntsóne no pwó ye.
[ 47Cyó ŋɔŋ ntsɔ́ pwó ye ŋgâ: «Zhʉ́ njʉ́! Mɛ́ yo pwɛ pɔ́ŋmɛ́ pó mvé nɛ́. Pɔ́b tsé ntáʼá wo ne ntsóne no pwó wo!»]
48Yěsô pɔrɔ́ pwó ŋɔŋ wɛ́ a kɛ ŋǎ ne ntsóne néré nɛ́ ŋgâ: «A wɔ́ mbé mɛ́ ya? A wɔ́ mbé pɔ́ŋmɛ́ páá?» 49A nyóʼ ŋgíŋgye pe ntsó ŋgâ: «Mɛ́ ya pwɛ pɔ́ŋmɛ́ páá pé nɔŋ. 50Tsye ŋɔŋ wɛ́ a zhyɛ́ no yɛ́ Tɛd ya wɛ́ a pépéé nɛ́ zɔŋɔ nɛ́, mbǒ a ye mbé mɔ́ŋmɛ́ ya wé ŋumbzí, a ye mbé mɔ́ŋmɛ́ ya wé Məŋgʉ́yé, a ye mbé mɛ́ ya.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល