Lúkaasə 7:7-9

Á zhyɛ́ yéré ndzɔʼ ya sáʼ ya mə mbé mwɔ́ kúʼɔ́ ne suʼúne mbəb ya mbɛ́rɛ́ wo pó. Ntsʉʼmbé ké ntsɔ́ ndaʼ taʼ ndíí nsó, mkpaŋ ya fwó. A ne mo, mə ndzóʼ ntswee ntsɛ́ssó ya, mbó tséʼé pɛ káŋató pɛ́ mə sáʼá nɛ́. Mə mbé tɛ ntsɔ́ taʼ yé ŋgâ: “Ghu!” A ké ŋgú néré. Ntsɔ́ cyó ŋgâ: “ŋkʉ́yó!” A ké kʉ́yó néré. Ntsɔ́ mkpaŋ ya ŋgâ: “Ŋgyɛ́ yɔŋ!” A ké ŋgyɛ́ néré.» Ŋkhoʼyɛ́ Yěsô kɛ zóʼ nsó wéré nɛ́, a ghóʼ ntsɛ́ssó pɛ káŋató wéré. Séd mbəb yé ntsɔ́ pwó pɔŋ pɛ́ pɔ́b kɛ zɔŋɔ wé nɛ́ ŋgâ: «Mə sə́ŋɛ wúŋ, mbɛ ndzɔ́ʼɔ́ ŋkɔŋɔ pɔŋ Issayɛ náá, mə kâ kɛ zhʉ́ psyɛ́ndzɔʼ kəkwéʼe njʉ́ yɔŋ nɛ́ pó.»