Lúkaasə 4
4
Sátaŋ, ŋgaŋakepeŋé, kpɛ́ʼɛ́ Yěsô
(Mat 4:1-11; Máá 1:12-13)
1Zhʉye Yáŋme yuŋɔ Yěsô, a ŋǎ nse Zhuudɛŋ. Zhʉye Yáŋme yéré tyáŋa wé ghúŋkwéʼé, 2nné zhyémvé mve ghúbmekwa. A kɛ pó zó yɔ́b ne ndɔŋɔ zhyémvé mve péré pó, Mbénére ndzyě zí wé. Sátaŋ, ŋgaŋákepəŋé, kpɛ́ʼɛ́ wé. 3Sátaŋ ntsɔ́ pwó yé ŋgâ: «Á pɛ́ɛ́ yɛ́ wo Mɔ́ŋ Mboʼmvé nɛ́, wo tsɔ́ ŋgɔʼ yɔŋ ŋgâ sed ntsʉʼ mbré.» 4Yěsô pɔ́rɔ́ pwó yé ŋgâ: «A ŋwéʼéme ndzó ŋwéʼe Mboʼmvé ŋgâ: “a ke mbé zhyɛ́ ndaʼ mbé ŋgâ ŋɔŋ tsó mvé pó”.» 5Sátaŋ kʉ́rɔ́ wé fɛ́ kpaʼ nsó. Fǐme nɛ́, a nyoʼ ŋkɔŋɔ ŋgɔŋ ndúŋú tsé tsáʼ náá pwó yé. 6Ntsɔ́ pwó yé ŋgâ: «Mə fɛ́ ŋkɔŋɔ tʉ̌ŋ méré náá pwó wo, pwɛ ghɛ́ɛ́ wɛ́ ndzó ŋkɔŋɔ ŋgɔŋ péré náá nɛ́. Ŋkyé ŋgâ pe kɛ fɛ́ ne mo, mə mbó fɛ́ pwó ŋɔŋ wɛ́ mə kʉ́yé nɛ́. 7Á pɛ́ɛ́ yɛ́ wo təd kwéʼe mo síŋ mo ŋguʼu ya nɛ́, mbǒ ŋkɔŋɔ mɔ́b péré náá mbɛ pwó wo!» 8Yěsô pɔ́rɔ́ pwó yé ŋgâ: «Á ŋwéʼéme ŋgâ: “Wo ké ŋguʼɔ ndaʼ Ntsɛɛpɔŋ Mboʼmvé wo, wo ké faʼa ndaʼ pwó yé.”» 9Sátaŋ ké mbó tyáŋa wé Yerʉ́salɛm, ntíí wé ntsɔ̌ʼndámboʼmvé, ntsɔ́ pwó yé ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo nee ncʉ́ syé, 10ŋkyé ŋgâ a ŋwéʼéme ŋgâ:
“Mboʼmvé ntsɔ́ pwó pɛ aŋgere pé ŋgâ pɔ́b psyéb wo.
11Ŋkʉ́rʉ́, pɔ́b pó ŋkyɛ́ wo ndzó mbwó mɔ́b
Yânéré ŋgâ wo ndɛ ntɔ́ kpee yo ndúŋú ŋgɔʼ.”»
12Yěsô pɔ́rɔ́ pwó yé ŋgâ: «Á ké mbé ŋwéʼéme ŋgâ: “Wo ndɛ mwɔ́ Ntsɛ́ɛ́pɔŋ Mboʼmvé wo”.» 13Ŋkhoʼyɛ́ Sátaŋ kɛ mwɔ́ Yěsô ne ŋkɔŋɔ mbziʼe kpeʼe náá nɛ́, a ŋǎ pfúŋɔ́ yé, ndzwəʼɛ Mɔ́ŋ saŋ.
Yěsô ndzyě faʼ yé Galílya
(Mat 4:12-17; Máá 1:14-15)
14Njʉ́ tʉ̌ŋ Zhʉye Yáŋme kɛ pɛ́ mbəb yé nɛ́, a pod ndzəb Galílya. Tíí yé ghɛ́ɛ́, gbáʼ ndzó ŋkɔŋɔ pɛ́rɛ́ ŋgɔŋ yéré náá. 15Á fɛ́ ntʉ́ʉ́ ndzó pɛ ndántéré pɛ Yuda, ŋkɔŋɔ pɔŋ náá kuʼɔ ŋkwɔ yé.
Pe kiri nsó Yěsô Nǎzarɛd
(Mat 13:54-58; Máá 6:1-6)
16Yěsô ghú Nǎzarɛd, ndzó ywoʼ yɛ́ a kɛ ghóʼ nɛ́, ŋkúŋɔ ndántéré pɛ Yuda zhyéze yɔ́b njʉ́ a kɛ pě ŋgyɛ́ nɛ́. Ŋǎ syé ne fûne ŋwéʼe Mboʼmvé. 17Pé fɛ́ póʼŋweʼe ŋgaŋatsɔ́kpaŋató Mboʼmvé Ezaya pwó yé. Á kee, njʉ́ ywoʼ yɛ́ pé kɛ ŋwéʼe ŋgâ:
18«Zhʉye Ntsɛɛpɔŋ mbəb mo,
ŋkyé ŋgâ a tsɔʼ ya
Ne ncʉríne no sʉ́ʼʉ pwó mbɔ́ŋmbɔŋ.
Á twɔ́ ya ne ncʉríne ywʉŋíne pwó ghaŋátsáŋ,
Mbó fɛ́ zhʉ́ ywoʼ pwó pɛ ffǒme,
Ne núʼune pɔŋ pɛ́ pe ferɛ wɔ́b nɛ́, ywʉŋíme,
19Ne ncʉríne ŋgǒʼmvé yɛ́ Ntsɛɛpɔŋ ndɔ́ɔ́ pɔŋ ne púpfob yé nɛ́!»
20Á kyéd póʼŋweʼe, nuʼɔ pwó Ŋgaŋafaʼ ndántéré pɛ Yuda, ŋgɔ́rɔ́ syé. Ŋkɔŋɔ míí náá, séd ntúŋɔ mbəb yé. 21Néré, a ndzyě ne ntsóne ne pɔ́b ŋgâ: «Ndzebé wɔŋ, tó ŋwéʼe yɔŋ yuŋɔ ne puŋ wɛ́ puŋ zóʼ nɛ́!» 22Ŋkɔŋɔ pɔŋ náá fɛ́ ŋgúʼune pwó yé. No tsɛ́ɛ́ wɔ́b, ŋkyé nsó sʉ́ʼʉ pɛ́ a kɛ twɔ́ tswée yé nɛ́. Néré, pɔ́b ntsɔ́ ŋgâ: «Éee...Yɔŋ Mɔ́ŋ Yesə́b pɔɔ?» 23Néré, Yěsô pó mbɔ́rɔ́ ne pɔ́b ŋgâ: «Mə ndzé ŋgâ puŋ ntsɔ́ kəʼɛnsó yɔŋ ne mo: “Ndɔŋta, pɛ́d mbəb wo, ne tómbəb wo”! Psi zóʼ ŋkɔŋɔ meno pɛ́ a záʼá Kapɛɛnawum nɛ́. Zhyɛ́ nɛ́ ndzó ŋgɔŋ wo wɔŋ ntsʉ́ŋtsʉ́ŋ néré!» 24A ké mbó mvíí ŋgâ: «Ɔ́ŋɔ́! Kpaʼ sísíŋ, fwo ndɛ mbé zî ndáb pó.
25Kpaʼ sísíŋ, mə ntʉ́ʉ́ tó yuŋ nɛ́:
Ŋkhoʼyɛ́ Elya ŋgaŋátsɔ́ kpáŋa tó Mboʼmvé kɛ pé nɛ́, pfʉ́ʉ́ pfʉ́ʉ́ pěŋgyé gháʼmbwo ndzó ŋgɔŋ Issayɛ.
Mbuŋ tsó kii ywó ne ŋgǒʼmvé yíkyéd ne pénab péntóó,
Ndzyê gháʼmbwó ndzó ndzyě ŋgɔŋ náá.
26Ntsʉʼmbé Mboʼmvé pé twɔ́ Elya pfúŋɔ́ cyó pfʉ́ʉ́ məŋgʉ́yé wéré pó.
Á kɛ pó twɔ́ wé pé yóʼó pfʉ́ʉ́ məŋgʉ́yé wɛ́ a kɛ pɛ ndzó mbɛ́lʉ́ŋ Sarɛta, ndzó pɛ́rɛ́ ŋgɔŋ Sidɔŋ nɛ́.
27Ŋkhoʼyɛ́ Elize, ŋgaŋatsɔ́kpaŋató Mboʼmvé mbé nɛ́, ghaŋákəkóó kɛ záá ŋgɔŋ Issayɛ.
Mbɛnéré, cyó ŋɔŋ pé tséʼé fwôghɔŋ,
Fáá Naamaŋ, ŋɔŋ Siri pó.»
28Ŋgyé ŋkɔŋɔ pɔŋ pɛ́ pɔ́b kɛ pɛ ndántéré pɛ Yuda náá nɛ́ zuʼu ŋgyé kaʼatɛ njʉ́ pɔ́b kɛ zóʼ wéré nsó nɛ́. 29Pɔ́b ŋǎ náá ndzú Yěsô mbɛ́lʉ́ŋ pɔ́b. Ndɔ́ɔ́ wé pú pɔ́b kɔʼɔ ndúŋú ŋkə́ŋ yɛ́ pé kɛ ŋkwód mbɛ́lʉ́ŋ yɔ́b ndúŋú nɛ́, ne nurune wé máʼá ndzó sə́b yɛ́ a kɛ pɛ yóʼó nɛ́. 30Ntsʉʼmbé Yěsô zaʼa tsé tsɛrɛ pɔ́b, ŋgú yé.
Yěsô pɛ́d ŋgaŋághɔŋ ndzó mbɛ́lʉ́ŋ Kapɛɛnawum
(Mat 7:28-29; Máá 1:21-28)
31Á kɛ pé taʼ zhyéze pɛ Yuda, Yěsô pfiŋɛ ndzó mbɛ́lʉ́ŋ Kapɛɛnawum, yɛ́ ndzó pɛ́rɛ́ ŋgɔŋ Galílya nɛ́, fɛ́ ntʉ́ʉ́ pwó pɔŋ. 32Mbziʼe yɛ́ a kɛ fɛ́ yé ntʉ́ʉ́ nɛ́ ntsɛ́ɛ́ wɔ́b. Ŋkyé ŋgâ nsó yé kɛ tséʼé tʉ̌ŋ Mboʼmvé. 33Taʼ ŋɔŋ kɛ pɛ ndántéré pɛ Yuda yéré, zhʉye kəpɔŋ pɛ mbəb yé. Ŋɔŋ wéré ghéʼe ne tʉ̌ŋ ŋgâ: 34«Wéé! Wo kɛ́ɛ́ kɔ́ ne psi, Yěsô Mɔ́ŋ ŋɔŋ Nǎzarɛd. Wo kʉ́yó saŋa ywí saŋa? Mə ndzé ŋɔŋ wɛ́, wo nɛ́: wo ŋɔŋ yáŋme wɛ́ Mboʼmvé twɔ́ nɛ́!» 35Yěsô míí wé, ntsɔ́ pwó yé ŋgâ: «Zhírɛ́! Twɔ́ mbəb ŋɔŋ wekénɛ́.» Zhʉye kəpɔŋ máʼ wé syé tsé tsɛrɛ pɔ́b, twɔ́ kii níŋi cyó yɔ́ʼɔ́ mbəb yé. 36No ntsɛ́ɛ́ ŋkɔŋɔ wɔ́b náá, pɔ́b psirɛ́ mbəb yɔ́b ŋgâ: «Yɔŋ yɛ́rɛ́ mbziʼe nsó kaʼa? Sáʼá pɛ zhʉye kəpɔŋ ne tʉ̌ŋ pwɛ kɔbɔndzɔʼ pɔ́b ké twɔ́ néré!» 37Néré, no yɛ́ Yěsô kɛ zhyɛ́ nɛ́ gbáʼ ŋkɔŋɔ pɛ́rɛ́ ŋgɔŋ yéré náá.
Yěsô pɛ́d ghaŋághɔŋ
(Mat 8:14-17; Máá 1:29-34)
38Yěsô twɔ́ ndántéré pɛ Yuda, ŋgú ndáb Símo. Fóó ntʉ̌ŋme pɛ mbəb mvɔ́b yé. Pe póʼmbwó pwó Yěsô ŋgâ a ghɛbɛ wé. 39Á suʼú mbəb yé mbɛ́rɛ́ wé, ntsúŋú mbəb yé, míí ghɔŋɔfóó ŋgâ: «Twɔ́!» Á ké twɔ́ néré. Ŋkhoʼyéré mvɔ́b Símo ŋǎ syé ndzyě ne fǎʼne ne pɔ́b. 40Ŋkhoʼ ntswɛ́ɛ́ménab, ŋkɔŋɔ pɔŋ pɛ́ pɔ́b kɛ tséʼé ŋkɔŋɔ mbziʼe ghaŋághɔŋ náá nɛ́, yɔ́ɔ́ wɔ́b kʉ́yó ne wɔ́b pfúŋɔ́ Yěsô, a zaba mbwó mé mbəb mbɛ wɔ́, a ké tsɛʼɛ fwôghɔŋ pe néré. 41Pɛ zhʉye kəpɔŋ twɔ́ mbəb pɔŋ zááme ŋgeʼe ntsɔ́ ŋgâ: «Wo Mɔ́ŋ Mboʼmvé!» Néré, a míí wɔ́b, mbé psyɛ́ ŋgâ pɔ́b nsó no pó. Ŋkyé ŋgâ pɔ́b kɛ zé ŋgâ a Yěsô mbé Kristo.
Yěsô ŋǎ Kapɛɛnawum
(Máá 1:35-39; Mat 4:23)
42Ŋkhoʼyɛ́ mvé kɛ kee nɛ́, Yěsô twɔ́, mbaʼ. Mvúʼ pɔŋ kɛ́rɛ́ ntaʼa wé. Ŋgɛ mvwɛ ntsérɛ́ wé, mbé tsé psyɛ́ ŋgâ a ŋǎ pfúŋɔ́ pɔ́b pó. 43Ntsʉʼmbé Yěsô ntsɔ́ ne pɔ́b ŋgâ: «Á zɔŋɔ ŋgâ mə ŋgú cʉrí Nofɔŋ Mboʼmvé yé sʉ́ʼʉ ndzó pecyó mbɛ́lʉ́ŋ. Ŋkyé ŋgâ a no yɛ́ Mboʼmvé twɔ́ ya ndúŋú nɛ́.» 44Néré á ŋǎ ŋgú ndzó pɛ́rɛ́ ŋgɔŋ Zhʉde, ntsɔ́ nsó Mboʼmvé ndzó pɛ ndántéré pɛ Yuda.
ទើបបានជ្រើសរើសហើយ៖
Lúkaasə 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 4
4
Sátaŋ, ŋgaŋakepeŋé, kpɛ́ʼɛ́ Yěsô
(Mat 4:1-11; Máá 1:12-13)
1Zhʉye Yáŋme yuŋɔ Yěsô, a ŋǎ nse Zhuudɛŋ. Zhʉye Yáŋme yéré tyáŋa wé ghúŋkwéʼé, 2nné zhyémvé mve ghúbmekwa. A kɛ pó zó yɔ́b ne ndɔŋɔ zhyémvé mve péré pó, Mbénére ndzyě zí wé. Sátaŋ, ŋgaŋákepəŋé, kpɛ́ʼɛ́ wé. 3Sátaŋ ntsɔ́ pwó yé ŋgâ: «Á pɛ́ɛ́ yɛ́ wo Mɔ́ŋ Mboʼmvé nɛ́, wo tsɔ́ ŋgɔʼ yɔŋ ŋgâ sed ntsʉʼ mbré.» 4Yěsô pɔ́rɔ́ pwó yé ŋgâ: «A ŋwéʼéme ndzó ŋwéʼe Mboʼmvé ŋgâ: “a ke mbé zhyɛ́ ndaʼ mbé ŋgâ ŋɔŋ tsó mvé pó”.» 5Sátaŋ kʉ́rɔ́ wé fɛ́ kpaʼ nsó. Fǐme nɛ́, a nyoʼ ŋkɔŋɔ ŋgɔŋ ndúŋú tsé tsáʼ náá pwó yé. 6Ntsɔ́ pwó yé ŋgâ: «Mə fɛ́ ŋkɔŋɔ tʉ̌ŋ méré náá pwó wo, pwɛ ghɛ́ɛ́ wɛ́ ndzó ŋkɔŋɔ ŋgɔŋ péré náá nɛ́. Ŋkyé ŋgâ pe kɛ fɛ́ ne mo, mə mbó fɛ́ pwó ŋɔŋ wɛ́ mə kʉ́yé nɛ́. 7Á pɛ́ɛ́ yɛ́ wo təd kwéʼe mo síŋ mo ŋguʼu ya nɛ́, mbǒ ŋkɔŋɔ mɔ́b péré náá mbɛ pwó wo!» 8Yěsô pɔ́rɔ́ pwó yé ŋgâ: «Á ŋwéʼéme ŋgâ: “Wo ké ŋguʼɔ ndaʼ Ntsɛɛpɔŋ Mboʼmvé wo, wo ké faʼa ndaʼ pwó yé.”» 9Sátaŋ ké mbó tyáŋa wé Yerʉ́salɛm, ntíí wé ntsɔ̌ʼndámboʼmvé, ntsɔ́ pwó yé ŋgâ: «A pɛ́ɛ́ yɛ́ wo Mɔ́ŋ Mboʼmvé nɛ́, wo nee ncʉ́ syé, 10ŋkyé ŋgâ a ŋwéʼéme ŋgâ:
“Mboʼmvé ntsɔ́ pwó pɛ aŋgere pé ŋgâ pɔ́b psyéb wo.
11Ŋkʉ́rʉ́, pɔ́b pó ŋkyɛ́ wo ndzó mbwó mɔ́b
Yânéré ŋgâ wo ndɛ ntɔ́ kpee yo ndúŋú ŋgɔʼ.”»
12Yěsô pɔ́rɔ́ pwó yé ŋgâ: «Á ké mbé ŋwéʼéme ŋgâ: “Wo ndɛ mwɔ́ Ntsɛ́ɛ́pɔŋ Mboʼmvé wo”.» 13Ŋkhoʼyɛ́ Sátaŋ kɛ mwɔ́ Yěsô ne ŋkɔŋɔ mbziʼe kpeʼe náá nɛ́, a ŋǎ pfúŋɔ́ yé, ndzwəʼɛ Mɔ́ŋ saŋ.
Yěsô ndzyě faʼ yé Galílya
(Mat 4:12-17; Máá 1:14-15)
14Njʉ́ tʉ̌ŋ Zhʉye Yáŋme kɛ pɛ́ mbəb yé nɛ́, a pod ndzəb Galílya. Tíí yé ghɛ́ɛ́, gbáʼ ndzó ŋkɔŋɔ pɛ́rɛ́ ŋgɔŋ yéré náá. 15Á fɛ́ ntʉ́ʉ́ ndzó pɛ ndántéré pɛ Yuda, ŋkɔŋɔ pɔŋ náá kuʼɔ ŋkwɔ yé.
Pe kiri nsó Yěsô Nǎzarɛd
(Mat 13:54-58; Máá 6:1-6)
16Yěsô ghú Nǎzarɛd, ndzó ywoʼ yɛ́ a kɛ ghóʼ nɛ́, ŋkúŋɔ ndántéré pɛ Yuda zhyéze yɔ́b njʉ́ a kɛ pě ŋgyɛ́ nɛ́. Ŋǎ syé ne fûne ŋwéʼe Mboʼmvé. 17Pé fɛ́ póʼŋweʼe ŋgaŋatsɔ́kpaŋató Mboʼmvé Ezaya pwó yé. Á kee, njʉ́ ywoʼ yɛ́ pé kɛ ŋwéʼe ŋgâ:
18«Zhʉye Ntsɛɛpɔŋ mbəb mo,
ŋkyé ŋgâ a tsɔʼ ya
Ne ncʉríne no sʉ́ʼʉ pwó mbɔ́ŋmbɔŋ.
Á twɔ́ ya ne ncʉríne ywʉŋíne pwó ghaŋátsáŋ,
Mbó fɛ́ zhʉ́ ywoʼ pwó pɛ ffǒme,
Ne núʼune pɔŋ pɛ́ pe ferɛ wɔ́b nɛ́, ywʉŋíme,
19Ne ncʉríne ŋgǒʼmvé yɛ́ Ntsɛɛpɔŋ ndɔ́ɔ́ pɔŋ ne púpfob yé nɛ́!»
20Á kyéd póʼŋweʼe, nuʼɔ pwó Ŋgaŋafaʼ ndántéré pɛ Yuda, ŋgɔ́rɔ́ syé. Ŋkɔŋɔ míí náá, séd ntúŋɔ mbəb yé. 21Néré, a ndzyě ne ntsóne ne pɔ́b ŋgâ: «Ndzebé wɔŋ, tó ŋwéʼe yɔŋ yuŋɔ ne puŋ wɛ́ puŋ zóʼ nɛ́!» 22Ŋkɔŋɔ pɔŋ náá fɛ́ ŋgúʼune pwó yé. No tsɛ́ɛ́ wɔ́b, ŋkyé nsó sʉ́ʼʉ pɛ́ a kɛ twɔ́ tswée yé nɛ́. Néré, pɔ́b ntsɔ́ ŋgâ: «Éee...Yɔŋ Mɔ́ŋ Yesə́b pɔɔ?» 23Néré, Yěsô pó mbɔ́rɔ́ ne pɔ́b ŋgâ: «Mə ndzé ŋgâ puŋ ntsɔ́ kəʼɛnsó yɔŋ ne mo: “Ndɔŋta, pɛ́d mbəb wo, ne tómbəb wo”! Psi zóʼ ŋkɔŋɔ meno pɛ́ a záʼá Kapɛɛnawum nɛ́. Zhyɛ́ nɛ́ ndzó ŋgɔŋ wo wɔŋ ntsʉ́ŋtsʉ́ŋ néré!» 24A ké mbó mvíí ŋgâ: «Ɔ́ŋɔ́! Kpaʼ sísíŋ, fwo ndɛ mbé zî ndáb pó.
25Kpaʼ sísíŋ, mə ntʉ́ʉ́ tó yuŋ nɛ́:
Ŋkhoʼyɛ́ Elya ŋgaŋátsɔ́ kpáŋa tó Mboʼmvé kɛ pé nɛ́, pfʉ́ʉ́ pfʉ́ʉ́ pěŋgyé gháʼmbwo ndzó ŋgɔŋ Issayɛ.
Mbuŋ tsó kii ywó ne ŋgǒʼmvé yíkyéd ne pénab péntóó,
Ndzyê gháʼmbwó ndzó ndzyě ŋgɔŋ náá.
26Ntsʉʼmbé Mboʼmvé pé twɔ́ Elya pfúŋɔ́ cyó pfʉ́ʉ́ məŋgʉ́yé wéré pó.
Á kɛ pó twɔ́ wé pé yóʼó pfʉ́ʉ́ məŋgʉ́yé wɛ́ a kɛ pɛ ndzó mbɛ́lʉ́ŋ Sarɛta, ndzó pɛ́rɛ́ ŋgɔŋ Sidɔŋ nɛ́.
27Ŋkhoʼyɛ́ Elize, ŋgaŋatsɔ́kpaŋató Mboʼmvé mbé nɛ́, ghaŋákəkóó kɛ záá ŋgɔŋ Issayɛ.
Mbɛnéré, cyó ŋɔŋ pé tséʼé fwôghɔŋ,
Fáá Naamaŋ, ŋɔŋ Siri pó.»
28Ŋgyé ŋkɔŋɔ pɔŋ pɛ́ pɔ́b kɛ pɛ ndántéré pɛ Yuda náá nɛ́ zuʼu ŋgyé kaʼatɛ njʉ́ pɔ́b kɛ zóʼ wéré nsó nɛ́. 29Pɔ́b ŋǎ náá ndzú Yěsô mbɛ́lʉ́ŋ pɔ́b. Ndɔ́ɔ́ wé pú pɔ́b kɔʼɔ ndúŋú ŋkə́ŋ yɛ́ pé kɛ ŋkwód mbɛ́lʉ́ŋ yɔ́b ndúŋú nɛ́, ne nurune wé máʼá ndzó sə́b yɛ́ a kɛ pɛ yóʼó nɛ́. 30Ntsʉʼmbé Yěsô zaʼa tsé tsɛrɛ pɔ́b, ŋgú yé.
Yěsô pɛ́d ŋgaŋághɔŋ ndzó mbɛ́lʉ́ŋ Kapɛɛnawum
(Mat 7:28-29; Máá 1:21-28)
31Á kɛ pé taʼ zhyéze pɛ Yuda, Yěsô pfiŋɛ ndzó mbɛ́lʉ́ŋ Kapɛɛnawum, yɛ́ ndzó pɛ́rɛ́ ŋgɔŋ Galílya nɛ́, fɛ́ ntʉ́ʉ́ pwó pɔŋ. 32Mbziʼe yɛ́ a kɛ fɛ́ yé ntʉ́ʉ́ nɛ́ ntsɛ́ɛ́ wɔ́b. Ŋkyé ŋgâ nsó yé kɛ tséʼé tʉ̌ŋ Mboʼmvé. 33Taʼ ŋɔŋ kɛ pɛ ndántéré pɛ Yuda yéré, zhʉye kəpɔŋ pɛ mbəb yé. Ŋɔŋ wéré ghéʼe ne tʉ̌ŋ ŋgâ: 34«Wéé! Wo kɛ́ɛ́ kɔ́ ne psi, Yěsô Mɔ́ŋ ŋɔŋ Nǎzarɛd. Wo kʉ́yó saŋa ywí saŋa? Mə ndzé ŋɔŋ wɛ́, wo nɛ́: wo ŋɔŋ yáŋme wɛ́ Mboʼmvé twɔ́ nɛ́!» 35Yěsô míí wé, ntsɔ́ pwó yé ŋgâ: «Zhírɛ́! Twɔ́ mbəb ŋɔŋ wekénɛ́.» Zhʉye kəpɔŋ máʼ wé syé tsé tsɛrɛ pɔ́b, twɔ́ kii níŋi cyó yɔ́ʼɔ́ mbəb yé. 36No ntsɛ́ɛ́ ŋkɔŋɔ wɔ́b náá, pɔ́b psirɛ́ mbəb yɔ́b ŋgâ: «Yɔŋ yɛ́rɛ́ mbziʼe nsó kaʼa? Sáʼá pɛ zhʉye kəpɔŋ ne tʉ̌ŋ pwɛ kɔbɔndzɔʼ pɔ́b ké twɔ́ néré!» 37Néré, no yɛ́ Yěsô kɛ zhyɛ́ nɛ́ gbáʼ ŋkɔŋɔ pɛ́rɛ́ ŋgɔŋ yéré náá.
Yěsô pɛ́d ghaŋághɔŋ
(Mat 8:14-17; Máá 1:29-34)
38Yěsô twɔ́ ndántéré pɛ Yuda, ŋgú ndáb Símo. Fóó ntʉ̌ŋme pɛ mbəb mvɔ́b yé. Pe póʼmbwó pwó Yěsô ŋgâ a ghɛbɛ wé. 39Á suʼú mbəb yé mbɛ́rɛ́ wé, ntsúŋú mbəb yé, míí ghɔŋɔfóó ŋgâ: «Twɔ́!» Á ké twɔ́ néré. Ŋkhoʼyéré mvɔ́b Símo ŋǎ syé ndzyě ne fǎʼne ne pɔ́b. 40Ŋkhoʼ ntswɛ́ɛ́ménab, ŋkɔŋɔ pɔŋ pɛ́ pɔ́b kɛ tséʼé ŋkɔŋɔ mbziʼe ghaŋághɔŋ náá nɛ́, yɔ́ɔ́ wɔ́b kʉ́yó ne wɔ́b pfúŋɔ́ Yěsô, a zaba mbwó mé mbəb mbɛ wɔ́, a ké tsɛʼɛ fwôghɔŋ pe néré. 41Pɛ zhʉye kəpɔŋ twɔ́ mbəb pɔŋ zááme ŋgeʼe ntsɔ́ ŋgâ: «Wo Mɔ́ŋ Mboʼmvé!» Néré, a míí wɔ́b, mbé psyɛ́ ŋgâ pɔ́b nsó no pó. Ŋkyé ŋgâ pɔ́b kɛ zé ŋgâ a Yěsô mbé Kristo.
Yěsô ŋǎ Kapɛɛnawum
(Máá 1:35-39; Mat 4:23)
42Ŋkhoʼyɛ́ mvé kɛ kee nɛ́, Yěsô twɔ́, mbaʼ. Mvúʼ pɔŋ kɛ́rɛ́ ntaʼa wé. Ŋgɛ mvwɛ ntsérɛ́ wé, mbé tsé psyɛ́ ŋgâ a ŋǎ pfúŋɔ́ pɔ́b pó. 43Ntsʉʼmbé Yěsô ntsɔ́ ne pɔ́b ŋgâ: «Á zɔŋɔ ŋgâ mə ŋgú cʉrí Nofɔŋ Mboʼmvé yé sʉ́ʼʉ ndzó pecyó mbɛ́lʉ́ŋ. Ŋkyé ŋgâ a no yɛ́ Mboʼmvé twɔ́ ya ndúŋú nɛ́.» 44Néré á ŋǎ ŋgú ndzó pɛ́rɛ́ ŋgɔŋ Zhʉde, ntsɔ́ nsó Mboʼmvé ndzó pɛ ndántéré pɛ Yuda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល