Lúkaasə 2
2
Mvěne Yěsô
1A kɛ pɛ ne yéré ŋkhoʼmvé, fɔŋ pɛ Roma wɛ́ tíí kɛ pé Ogʉs nɛ́, fɛ́ cʉrí ŋgâ pé sí ŋkɔŋɔ pɔŋ náá ndúŋú tsetsaʼ. 2Yéré sɔ́ kɛɛ sí pɔŋ kɛ ghɛ́ ndzáʼá, a pé Kirinʉ́sə mbé ntsɛ́ssó pɛ ŋgɔ́bmenaʼ ndzó pɛ́rɛ́ ŋgɔŋ Sirya. 3Mbɛwɔ̂ kɛ ghɛ́ ŋgú ndzó mbɛ́lʉ́ŋ yɛ́ sáʼásyé yɔ́b yóʼó nɛ́, ŋwɛʼɛ tíí. 4Yesə́b ŋáá ndzó mbɛ́lʉ́ŋ Nǎzarɛd yɛ́ a ndzó pɛ́rɛ́ ŋgɔŋ Galílya nɛ́, kɔ́ʼɔ́ pɛ́rɛ́ ŋgɔŋ Zhʉde ne ŋgǔne Bételɛhɛm, mbɛ́lʉ́ŋ fɔŋ Ndavíd, ŋkyé ŋgâ a kɛ pé ŋɔŋ ne ndǎ ndáb Ndavíd. 5Kɛ́ʼɛ́ pú Malya, ŋgʉyé wɛ́ a kɛ pé sǔme nɛ́, ghú ne ŋwéʼéne tíí yɔ́b.
6Ŋkhoʼyɛ́ pɔ́b kɛ pɛ Bételɛhɛm nɛ́, ŋkhoʼ p ffé Malya ŋkuʼu. 7Á p ffé Mɔ́ŋ ŋgɔŋ yé, a pé Mɔ́ŋ ŋumbzí. A pwɛ wé ndzó ndzwé núŋɔ́ wé ndzó kékɔŋ pɛ nab, ŋkyé ŋgâ yɔ́b ywoʼ kɛ pɛ́ tóndáb pɛ ghəŋ pó.
Aŋgere pó Mɔ́ŋ pwó pɛ mvyébmvə́
8Á kɛ pɛ ndzó yéré pɛ́rɛ́ ŋgɔŋ, pɛ mvyébmvə́ pɛ yóʼó ndaʼa vǎ ndúŋú mwɔ̂paʼ pɔ́b. 9Pɔ́b ghɛ́ mvwɛ́, aŋgere Ntsɛɛpɔŋ tsɛ́ síŋ pɔ́b, ghɛ́ɛ́ Ntsɛɛpɔŋ nyʉ́yí nyʉ́yí ndzó ŋkɔŋɔ ywoʼ yɛ́ pɔ́b kɛ pe náá nɛ́, vod kəkwéʼe ŋgbáá wɔ́b. 10Aŋgere ntsɔ́ ne pɔ́b ŋgâ: «Puŋ ndɛ mbɔ́ɔ́ ŋkyé ŋgâ mə tséʼé taʼ ŋkəŋ sʉ́ʼʉ ne mǎʼne ne puŋ. Yɛ́ a ndɛ fɛ́ ndebéne kəkwéʼe pwó ŋkɔŋɔ pumésɔŋ náá nɛ́. 11Ndzebé, ndzó mbɛ́lʉ́ŋ fɔŋ Ndavíd, pé pfɛ́ taʼ Mkpěpɔŋ ne puŋ, wɛ́ a Kristo mbó mbé Ntsɛɛpɔŋ nɛ́. 12Mə fɛ́ taʼ kiŋi yɛ́ puŋ ndáá ndúŋú ndzɛ́ wé nɛ́: puŋ njʉ́ taʼ Mɔ́ŋ mbɔ́d pwɛ́me ndzó ndzwé pe núŋɔ́ wé ndzó kékɔŋ pɛ nab.» 13Fǐme nɛ́, kɛrɛ aŋgere twɔ́ pépéé mbɛ́rɛ́ wɛ́ a kɛ pɛ syé nɛ́, pú pɔ́b ghuʼɔ Mboʼmvé nzɔbɔnse ntsɔ́ ŋgâ:
14«Ŋgúʼune pɛ kpaʼ pépéé pwó Mboʼmvé,
Mbúru pó mbɛ ndúŋú tsetsáʼ pwó pɔŋ pɛ Mboʼmvé kʉyě wɔ́b nɛ́.»
Pɛ mvyébmvə́ ghu Bételɛhɛm
15Ŋkhoʼyɛ́ pɛ aŋgere kɛ ŋáá kɔ́ʼɔ́ pépéé nɛ́, mví yé mvé ntsɔ́ tsetsɛrɛ pɔ́b ŋgâ: «Piŋi ghu kaʼatɛ mbáŋá Bételɛhɛm, zhʉ́ no yɛ́ a záʼ yóʼó nɛ́, no yɛ́ Ntsɛɛpɔŋ zhyɛ́ ŋgâ piŋi zé nɛ́.» 16Pɔ́b nyi nzaŋ mbáŋá yóʼó, zhʉ́ Malya ne Yesə́b, Mɔ́ŋ mbɔ́d nu ndzó kékɔŋ pɛ nab. 17Ŋkhoʼyɛ́ pɔ́b kɛ zhʉ́ wé nɛ́, pɔ́b ncʉ́rí no yɛ́ pé kɛ ntsɔ́ ne pɔ́b ŋkyé wéré Mɔ́ŋ nɛ́. 18No yɛ́ pɛ mvíyébvó kɛ ntsɔ́ nɛ́, kɛ vaʼ tó ŋkɔŋɔ pɔŋ pɛ́ pɔ́b kɛ zóʼ náá nɛ́. 19Malya zóʼ ŋkɔŋɔ meno péré náá ŋgʉʼʉ ndzó ndzɔʼ yé, mkpáŋa tó ndúŋú. 20Ŋkɔŋɔ meno pɛ́, pɛ mvíyéb mvé kɛ zhʉ́ mbó ndzóʼ nɛ́, ké mbwɔ́ ne ntswee pɛ aŋgere. Pɔ́b pod ndzəb ŋguʼɔ Mboʼmvé mbó ndzɔ́bɔnse.
Malya pú Yesə́b nyoʼ Yěsô Ndáb Mboʼmvé
21Ŋkhoʼyɛ́ Mɔ́ŋ kɛ tséʼé zhyémvé mve péfwɔ̂ nɛ́, pé teŋé ywoʼ yé, ntswɛ́ tíí ne Yěsô, njʉ́ aŋgere kɛ fɛ́ ŋkɔ́ŋ, ménab pɔ́rɔ́ nzíʼá Malya nɛ́. 22Njʉ́ zhyémvé sǒne Malya pú Yesə́b kɛ kúʼɔ́ njʉ́ kaŋ Mǔsê kɛ ntsɔ́ nɛ́, pɔ́b yɔ̌ Mɔ́ŋ kɔʼ níŋi Yerʉ́salɛm ne nyoʼne wé pwó Ntsɛɛpɔŋ. 23Yɔŋ njʉ́ a ŋwéʼéme ndzó kaŋ Ntsɛɛpɔŋ nɛ́: «Ŋkɔŋɔ pɔ́ŋ ŋgɔŋ mbzíŋi náá, pé fɛ́ ne shʉ́ pwó Mboʼmvé.» 24Pɔ́b kɛ ghɛ́ mbó mbɛ́rɛ́ fɔŋzɔ́tsaʼ pépáá ndúŋú ne shʉ́, kii ŋgâ pɔŋ tə́b pépáá, njʉ́ kaŋ Ntsɛɛpɔŋ ntsɔ́ nɛ́.
Simeyɔŋ ghuʼɔ Mboʼmvé ŋkyé Yěsô
25Cyó ŋɔŋ kɛ pɛ́ Yerʉ́salɛm tíí pé Simeyɔŋ, mbé ŋɔŋ ŋgerɛ́ŋged, mbó tséʼé pɔ́ɔ́ Mboʼmvé. Zhʉye Yáŋme kɛ pɛ́ mbəb yé, a ndzwəʼɛ ŋɔŋ wɛ́ kɛ ghɛ́ fɛ́ tsúbɔndzɔʼ pwó pɔ́ŋ Issayɛ nɛ́. 26Zhʉye yáŋme kɛ nsó pwó yé ŋgâ a kʉ́yó pfɔ̂ kii zhʉ́ Kristo wɛ́ Ntsɛɛpɔŋ kʉ́yó twɔ́ nɛ́ pó. 27A kɛ pé zhyémvé mve yéré, Zhʉye Yáŋme tsiŋɛ wé fɛ́ Ndámboʼmvé. Ŋkhoʼyɛ́ Yesə́b pú Malya kɛ ŋǎ syé ne ŋgyɛ̌ne no yɛ́ kaŋ kɛ ntsɔ́ mbəb Yěsô nɛ́, 28Simeyɔŋ kpê wé, ŋguʼɔ Mboʼmvé, nsó ŋgâ:
29«A pɛ́ɛ́ mbɛ ŋkhoʼyɔŋ, kɛ Ntsɛɛpɔŋ, tɛɛmbɛ wo ntee Ŋgaŋafaʼ wo a ghú ne mbúru,
Njʉ́ wo kɛ nsó nɛ́.
30Ŋkyé ŋgâ míí máá zhʉ́ ndzǔne yɛ́ wo ntsuŋu nɛ́.
31Ndzǔne yɛ́ wo kɛ tsuŋɔ pwó ŋkɔŋɔ pumésɔŋ náá nɛ́,
32Ŋkaʼmɔ́ɔ́ yɛ́ kʉ́yó ŋgyɛ́ pɔŋ pɛ́ pɔ́b pɛ Yúda nɛ́ pó, zɛ́ wo,
A kʉ́yó mbɛ ghɛ́ɛ́ Issayɛ pɔ́ŋ pwó wo.»
33Meno pɛ́ Yesə́b pú Malya kɛ zóʼ ŋkyé Mɔ́ŋ nɛ́, tsɛ́ɛ́ wɔ́b kaʼatɛ. 34Simeyɔŋ níŋi mbúru mbəb pɔ́b, ntsɔ́ pwó Malya ŋgâ: «Mɔ́ŋ wɔŋ, pɔ́ŋ Issayɛ zááme kʉ́yó ntɛ́ɛ́ ndúŋú tó yé mbwó kii ŋgâ ndzú, a kiŋi yɛ́ záá pɔ́ŋ kʉ́yó mbzyɛ́ nɛ́ pó. 35Kɛ́ʼɛ́ ŋgâ, kpáŋa tó pɛ́ pɔŋ ywʉ̌ ndzó ndzɔʼ yɔ́b nɛ́, kee tétáá. Ŋgɛ ŋkhu ne wo Malya, ŋgəʼo kʉ́yó nyʉʼɛ́ ndzɔʼ wo njʉ́ táá ŋgɔʼ mbáŋ nɛ́.»
Ana ghuʼɔ Mboʼmvé ŋkyé Yěsô
36Taʼ ŋgaŋatsɔ́kpaŋató Mboʼmvé wé məŋgʉ́yé kɛ ké ghɛmbɛ yé yóʼó tíí yé pé Ana, Mɔ́ŋ Fanúwé ndzó ndǎ ndáb Azɛɛ. Á kɛ tséʼé ŋgǒʼmvé zááme. Pú ndwɔ́ yé kɛ tsó ne ŋgǒʼmvé yísambáá, a pfɔ̂. 37Á kɛ tsó pfʉ́ʉ́ kaʼatɛ tséʼé ŋgǒʼmvé ghúbmefwɔ ne yíkwa, ké ntsǒ Ndámboʼmvé faʼa pwó yé, ne tsúʼ pwɛ ne nwɔ̌nsó, ndzɛ́ nse mbó ntsɛʼɛ Mboʼmvé. 38Ŋkhoʼyéré, a páŋ, ŋguʼɔ Mboʼmvé ŋkyé Yěsô, mbó ncʉ́rɛ no yé pwó ŋkɔŋɔ pɔŋ pɛ́ pɔ́b kɛ pé ndzwəʼɛ ŋgâ pe túbú Yerʉ́salɛm ndzɔ́ʼɔ́ mkpaŋ nɛ́.
Malya pú Yesə́b pod ndzəb Nǎzarɛd pwɛ Yěsô
39Ŋkhoʼyɛ́ Yesə́b pú Malya kɛ mě ŋkɔŋɔ ntsuŋɔ no njʉ́ kaŋ Ntsɛɛpɔŋ zɔŋɔ nɛ́, pɔ́b pod ndzəb pɛ́rɛ́ ŋgɔŋ pɔ́b Galílya, ndzó mbɛ́lʉ́ŋ Nǎzarɛd. 40Mɔ́ŋ kɛ ghóʼó, tʉ̌ŋ kʉ́yó mbəb yé, zɛ́ no yé yuŋɔ, Mboʼmvé pó fɛ́ foʼndzəndzoʼ pwó yé.
Yěsô ghú Ndáb Mboʼmvé ne ntsɔ̌b ŋgǒʼmvé yípáá
41Yesə́b pú Malya kɛ ghú Yerʉ́salɛm ŋkɔŋɔ ŋgoʼ náá ne ndebéne Pasəka pɛ Yuda. 42Ŋkhoʼyɛ́ Yěsô kɛ tséʼé ntsɔ̌b ŋgǒʼmvé yípáá nɛ́, pɔ́b yɔ́ɔ́ wé pwɛ pɔ́b kɔ́ʼɔ́ Ndáb Mboʼmvé njʉ́ núŋú yɔ́b mbé nɛ́. 43Ŋkhoʼyɛ́ ndebéne kɛ myé nɛ́, tɛd pé ghɛ́ mbɔ́rɔ́ mbó zé ŋgâ Yěsô ntsʉʼɔ Yerʉ́salɛm pó. 44Njʉ́ pɔ́b kɛ kpáŋa ŋgâ Mɔ́ŋ pɛ́ɛ́ pwɛ pɛkpee pɔ́b nɛ́, pɔ́b nyí ne taʼ zhyémvé mve ŋkɔ́ŋ, mbɔ́rɔ́ ndzyě ne ntaʼne wé tsetsɛrɛ pɔŋmɛ pe pwɛ pesɔŋ. 45Ntsʉʼmbé, pɔ́b pó zhʉ́ wé pó, mbód ndzəb nyí ntaʼa wé tɛ mbáŋá Yerʉ́salɛm. 46Ŋkhoʼyɛ́ pɔ́b kɛ taʼ wé ne zhyémvé pékyéd nɛ́, pɔ́b zhʉ́ wé Ndámboʼmvé, a ghɔ́rɔ́ tsetsɛrɛ pɛ Kéʼeyáŋ ndzóʼó mbó mvirɛ meno ne pɔ́b. 47Mbziʼe yɛ́ a kɛ ntsɔ́ no, mbó mbɔ́rɔ́ ne zé nɛ́, kɛ tsɛ́ɛ́ ŋkɔŋɔ pɔŋ pɛ́ pɔ́b kɛ zóʼó nɛ́ kaʼatɛ. 48Ŋkhoʼyɛ́ tɛd pé kɛ zhʉ́ wé nɛ́, a tsɛ́ɛ́ wɔ́b kaʼatɛ, mɛ́ yé ntsɔ́ pwó yé ŋgâ: «Mɔ́ŋ ya, wo zhyɛ́ ne psi kɛ́ʼɛ́ ŋkyé kɔ́? Náá zhʉ́! Psi tɛd wo taʼ wo kaʼatɛ mbɔ́ɔ́!» 49Á pɔ́rɔ́ ne pɔ́b ŋgâ: «Puŋ taʼ ya pé ne kɔ́? Puŋ zé ŋgâ a zɔŋɔ ŋgâ mə ndzóʼ meno Tɛd ya ŋkhoʼyɔŋ pɔɔ?» 50Ntsʉʼmbé, pɔ́b pó zóʼ no yɛ́ a kɛ zɔŋɔ ntsɔ́ nɛ́ pó. 51Néré, pwɛ Yěsô pódndzəb Nǎzarɛd. Mɛ́ yé ywʉ́ʼʉ́ ŋkɔŋɔ meno péré náá ndzó ndzɔʼ yé. Mɔ́ŋ zóʼó wɔ́b kaʼatɛ. 52Yěsô ghóʼó, zé yé pfî pú nsó yé, a tséʼé foʼndzəndzoʼ síŋ Mboʼmvé pwɛ pumésɔŋ.
ទើបបានជ្រើសរើសហើយ៖
Lúkaasə 2: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 2
2
Mvěne Yěsô
1A kɛ pɛ ne yéré ŋkhoʼmvé, fɔŋ pɛ Roma wɛ́ tíí kɛ pé Ogʉs nɛ́, fɛ́ cʉrí ŋgâ pé sí ŋkɔŋɔ pɔŋ náá ndúŋú tsetsaʼ. 2Yéré sɔ́ kɛɛ sí pɔŋ kɛ ghɛ́ ndzáʼá, a pé Kirinʉ́sə mbé ntsɛ́ssó pɛ ŋgɔ́bmenaʼ ndzó pɛ́rɛ́ ŋgɔŋ Sirya. 3Mbɛwɔ̂ kɛ ghɛ́ ŋgú ndzó mbɛ́lʉ́ŋ yɛ́ sáʼásyé yɔ́b yóʼó nɛ́, ŋwɛʼɛ tíí. 4Yesə́b ŋáá ndzó mbɛ́lʉ́ŋ Nǎzarɛd yɛ́ a ndzó pɛ́rɛ́ ŋgɔŋ Galílya nɛ́, kɔ́ʼɔ́ pɛ́rɛ́ ŋgɔŋ Zhʉde ne ŋgǔne Bételɛhɛm, mbɛ́lʉ́ŋ fɔŋ Ndavíd, ŋkyé ŋgâ a kɛ pé ŋɔŋ ne ndǎ ndáb Ndavíd. 5Kɛ́ʼɛ́ pú Malya, ŋgʉyé wɛ́ a kɛ pé sǔme nɛ́, ghú ne ŋwéʼéne tíí yɔ́b.
6Ŋkhoʼyɛ́ pɔ́b kɛ pɛ Bételɛhɛm nɛ́, ŋkhoʼ p ffé Malya ŋkuʼu. 7Á p ffé Mɔ́ŋ ŋgɔŋ yé, a pé Mɔ́ŋ ŋumbzí. A pwɛ wé ndzó ndzwé núŋɔ́ wé ndzó kékɔŋ pɛ nab, ŋkyé ŋgâ yɔ́b ywoʼ kɛ pɛ́ tóndáb pɛ ghəŋ pó.
Aŋgere pó Mɔ́ŋ pwó pɛ mvyébmvə́
8Á kɛ pɛ ndzó yéré pɛ́rɛ́ ŋgɔŋ, pɛ mvyébmvə́ pɛ yóʼó ndaʼa vǎ ndúŋú mwɔ̂paʼ pɔ́b. 9Pɔ́b ghɛ́ mvwɛ́, aŋgere Ntsɛɛpɔŋ tsɛ́ síŋ pɔ́b, ghɛ́ɛ́ Ntsɛɛpɔŋ nyʉ́yí nyʉ́yí ndzó ŋkɔŋɔ ywoʼ yɛ́ pɔ́b kɛ pe náá nɛ́, vod kəkwéʼe ŋgbáá wɔ́b. 10Aŋgere ntsɔ́ ne pɔ́b ŋgâ: «Puŋ ndɛ mbɔ́ɔ́ ŋkyé ŋgâ mə tséʼé taʼ ŋkəŋ sʉ́ʼʉ ne mǎʼne ne puŋ. Yɛ́ a ndɛ fɛ́ ndebéne kəkwéʼe pwó ŋkɔŋɔ pumésɔŋ náá nɛ́. 11Ndzebé, ndzó mbɛ́lʉ́ŋ fɔŋ Ndavíd, pé pfɛ́ taʼ Mkpěpɔŋ ne puŋ, wɛ́ a Kristo mbó mbé Ntsɛɛpɔŋ nɛ́. 12Mə fɛ́ taʼ kiŋi yɛ́ puŋ ndáá ndúŋú ndzɛ́ wé nɛ́: puŋ njʉ́ taʼ Mɔ́ŋ mbɔ́d pwɛ́me ndzó ndzwé pe núŋɔ́ wé ndzó kékɔŋ pɛ nab.» 13Fǐme nɛ́, kɛrɛ aŋgere twɔ́ pépéé mbɛ́rɛ́ wɛ́ a kɛ pɛ syé nɛ́, pú pɔ́b ghuʼɔ Mboʼmvé nzɔbɔnse ntsɔ́ ŋgâ:
14«Ŋgúʼune pɛ kpaʼ pépéé pwó Mboʼmvé,
Mbúru pó mbɛ ndúŋú tsetsáʼ pwó pɔŋ pɛ Mboʼmvé kʉyě wɔ́b nɛ́.»
Pɛ mvyébmvə́ ghu Bételɛhɛm
15Ŋkhoʼyɛ́ pɛ aŋgere kɛ ŋáá kɔ́ʼɔ́ pépéé nɛ́, mví yé mvé ntsɔ́ tsetsɛrɛ pɔ́b ŋgâ: «Piŋi ghu kaʼatɛ mbáŋá Bételɛhɛm, zhʉ́ no yɛ́ a záʼ yóʼó nɛ́, no yɛ́ Ntsɛɛpɔŋ zhyɛ́ ŋgâ piŋi zé nɛ́.» 16Pɔ́b nyi nzaŋ mbáŋá yóʼó, zhʉ́ Malya ne Yesə́b, Mɔ́ŋ mbɔ́d nu ndzó kékɔŋ pɛ nab. 17Ŋkhoʼyɛ́ pɔ́b kɛ zhʉ́ wé nɛ́, pɔ́b ncʉ́rí no yɛ́ pé kɛ ntsɔ́ ne pɔ́b ŋkyé wéré Mɔ́ŋ nɛ́. 18No yɛ́ pɛ mvíyébvó kɛ ntsɔ́ nɛ́, kɛ vaʼ tó ŋkɔŋɔ pɔŋ pɛ́ pɔ́b kɛ zóʼ náá nɛ́. 19Malya zóʼ ŋkɔŋɔ meno péré náá ŋgʉʼʉ ndzó ndzɔʼ yé, mkpáŋa tó ndúŋú. 20Ŋkɔŋɔ meno pɛ́, pɛ mvíyéb mvé kɛ zhʉ́ mbó ndzóʼ nɛ́, ké mbwɔ́ ne ntswee pɛ aŋgere. Pɔ́b pod ndzəb ŋguʼɔ Mboʼmvé mbó ndzɔ́bɔnse.
Malya pú Yesə́b nyoʼ Yěsô Ndáb Mboʼmvé
21Ŋkhoʼyɛ́ Mɔ́ŋ kɛ tséʼé zhyémvé mve péfwɔ̂ nɛ́, pé teŋé ywoʼ yé, ntswɛ́ tíí ne Yěsô, njʉ́ aŋgere kɛ fɛ́ ŋkɔ́ŋ, ménab pɔ́rɔ́ nzíʼá Malya nɛ́. 22Njʉ́ zhyémvé sǒne Malya pú Yesə́b kɛ kúʼɔ́ njʉ́ kaŋ Mǔsê kɛ ntsɔ́ nɛ́, pɔ́b yɔ̌ Mɔ́ŋ kɔʼ níŋi Yerʉ́salɛm ne nyoʼne wé pwó Ntsɛɛpɔŋ. 23Yɔŋ njʉ́ a ŋwéʼéme ndzó kaŋ Ntsɛɛpɔŋ nɛ́: «Ŋkɔŋɔ pɔ́ŋ ŋgɔŋ mbzíŋi náá, pé fɛ́ ne shʉ́ pwó Mboʼmvé.» 24Pɔ́b kɛ ghɛ́ mbó mbɛ́rɛ́ fɔŋzɔ́tsaʼ pépáá ndúŋú ne shʉ́, kii ŋgâ pɔŋ tə́b pépáá, njʉ́ kaŋ Ntsɛɛpɔŋ ntsɔ́ nɛ́.
Simeyɔŋ ghuʼɔ Mboʼmvé ŋkyé Yěsô
25Cyó ŋɔŋ kɛ pɛ́ Yerʉ́salɛm tíí pé Simeyɔŋ, mbé ŋɔŋ ŋgerɛ́ŋged, mbó tséʼé pɔ́ɔ́ Mboʼmvé. Zhʉye Yáŋme kɛ pɛ́ mbəb yé, a ndzwəʼɛ ŋɔŋ wɛ́ kɛ ghɛ́ fɛ́ tsúbɔndzɔʼ pwó pɔ́ŋ Issayɛ nɛ́. 26Zhʉye yáŋme kɛ nsó pwó yé ŋgâ a kʉ́yó pfɔ̂ kii zhʉ́ Kristo wɛ́ Ntsɛɛpɔŋ kʉ́yó twɔ́ nɛ́ pó. 27A kɛ pé zhyémvé mve yéré, Zhʉye Yáŋme tsiŋɛ wé fɛ́ Ndámboʼmvé. Ŋkhoʼyɛ́ Yesə́b pú Malya kɛ ŋǎ syé ne ŋgyɛ̌ne no yɛ́ kaŋ kɛ ntsɔ́ mbəb Yěsô nɛ́, 28Simeyɔŋ kpê wé, ŋguʼɔ Mboʼmvé, nsó ŋgâ:
29«A pɛ́ɛ́ mbɛ ŋkhoʼyɔŋ, kɛ Ntsɛɛpɔŋ, tɛɛmbɛ wo ntee Ŋgaŋafaʼ wo a ghú ne mbúru,
Njʉ́ wo kɛ nsó nɛ́.
30Ŋkyé ŋgâ míí máá zhʉ́ ndzǔne yɛ́ wo ntsuŋu nɛ́.
31Ndzǔne yɛ́ wo kɛ tsuŋɔ pwó ŋkɔŋɔ pumésɔŋ náá nɛ́,
32Ŋkaʼmɔ́ɔ́ yɛ́ kʉ́yó ŋgyɛ́ pɔŋ pɛ́ pɔ́b pɛ Yúda nɛ́ pó, zɛ́ wo,
A kʉ́yó mbɛ ghɛ́ɛ́ Issayɛ pɔ́ŋ pwó wo.»
33Meno pɛ́ Yesə́b pú Malya kɛ zóʼ ŋkyé Mɔ́ŋ nɛ́, tsɛ́ɛ́ wɔ́b kaʼatɛ. 34Simeyɔŋ níŋi mbúru mbəb pɔ́b, ntsɔ́ pwó Malya ŋgâ: «Mɔ́ŋ wɔŋ, pɔ́ŋ Issayɛ zááme kʉ́yó ntɛ́ɛ́ ndúŋú tó yé mbwó kii ŋgâ ndzú, a kiŋi yɛ́ záá pɔ́ŋ kʉ́yó mbzyɛ́ nɛ́ pó. 35Kɛ́ʼɛ́ ŋgâ, kpáŋa tó pɛ́ pɔŋ ywʉ̌ ndzó ndzɔʼ yɔ́b nɛ́, kee tétáá. Ŋgɛ ŋkhu ne wo Malya, ŋgəʼo kʉ́yó nyʉʼɛ́ ndzɔʼ wo njʉ́ táá ŋgɔʼ mbáŋ nɛ́.»
Ana ghuʼɔ Mboʼmvé ŋkyé Yěsô
36Taʼ ŋgaŋatsɔ́kpaŋató Mboʼmvé wé məŋgʉ́yé kɛ ké ghɛmbɛ yé yóʼó tíí yé pé Ana, Mɔ́ŋ Fanúwé ndzó ndǎ ndáb Azɛɛ. Á kɛ tséʼé ŋgǒʼmvé zááme. Pú ndwɔ́ yé kɛ tsó ne ŋgǒʼmvé yísambáá, a pfɔ̂. 37Á kɛ tsó pfʉ́ʉ́ kaʼatɛ tséʼé ŋgǒʼmvé ghúbmefwɔ ne yíkwa, ké ntsǒ Ndámboʼmvé faʼa pwó yé, ne tsúʼ pwɛ ne nwɔ̌nsó, ndzɛ́ nse mbó ntsɛʼɛ Mboʼmvé. 38Ŋkhoʼyéré, a páŋ, ŋguʼɔ Mboʼmvé ŋkyé Yěsô, mbó ncʉ́rɛ no yé pwó ŋkɔŋɔ pɔŋ pɛ́ pɔ́b kɛ pé ndzwəʼɛ ŋgâ pe túbú Yerʉ́salɛm ndzɔ́ʼɔ́ mkpaŋ nɛ́.
Malya pú Yesə́b pod ndzəb Nǎzarɛd pwɛ Yěsô
39Ŋkhoʼyɛ́ Yesə́b pú Malya kɛ mě ŋkɔŋɔ ntsuŋɔ no njʉ́ kaŋ Ntsɛɛpɔŋ zɔŋɔ nɛ́, pɔ́b pod ndzəb pɛ́rɛ́ ŋgɔŋ pɔ́b Galílya, ndzó mbɛ́lʉ́ŋ Nǎzarɛd. 40Mɔ́ŋ kɛ ghóʼó, tʉ̌ŋ kʉ́yó mbəb yé, zɛ́ no yé yuŋɔ, Mboʼmvé pó fɛ́ foʼndzəndzoʼ pwó yé.
Yěsô ghú Ndáb Mboʼmvé ne ntsɔ̌b ŋgǒʼmvé yípáá
41Yesə́b pú Malya kɛ ghú Yerʉ́salɛm ŋkɔŋɔ ŋgoʼ náá ne ndebéne Pasəka pɛ Yuda. 42Ŋkhoʼyɛ́ Yěsô kɛ tséʼé ntsɔ̌b ŋgǒʼmvé yípáá nɛ́, pɔ́b yɔ́ɔ́ wé pwɛ pɔ́b kɔ́ʼɔ́ Ndáb Mboʼmvé njʉ́ núŋú yɔ́b mbé nɛ́. 43Ŋkhoʼyɛ́ ndebéne kɛ myé nɛ́, tɛd pé ghɛ́ mbɔ́rɔ́ mbó zé ŋgâ Yěsô ntsʉʼɔ Yerʉ́salɛm pó. 44Njʉ́ pɔ́b kɛ kpáŋa ŋgâ Mɔ́ŋ pɛ́ɛ́ pwɛ pɛkpee pɔ́b nɛ́, pɔ́b nyí ne taʼ zhyémvé mve ŋkɔ́ŋ, mbɔ́rɔ́ ndzyě ne ntaʼne wé tsetsɛrɛ pɔŋmɛ pe pwɛ pesɔŋ. 45Ntsʉʼmbé, pɔ́b pó zhʉ́ wé pó, mbód ndzəb nyí ntaʼa wé tɛ mbáŋá Yerʉ́salɛm. 46Ŋkhoʼyɛ́ pɔ́b kɛ taʼ wé ne zhyémvé pékyéd nɛ́, pɔ́b zhʉ́ wé Ndámboʼmvé, a ghɔ́rɔ́ tsetsɛrɛ pɛ Kéʼeyáŋ ndzóʼó mbó mvirɛ meno ne pɔ́b. 47Mbziʼe yɛ́ a kɛ ntsɔ́ no, mbó mbɔ́rɔ́ ne zé nɛ́, kɛ tsɛ́ɛ́ ŋkɔŋɔ pɔŋ pɛ́ pɔ́b kɛ zóʼó nɛ́ kaʼatɛ. 48Ŋkhoʼyɛ́ tɛd pé kɛ zhʉ́ wé nɛ́, a tsɛ́ɛ́ wɔ́b kaʼatɛ, mɛ́ yé ntsɔ́ pwó yé ŋgâ: «Mɔ́ŋ ya, wo zhyɛ́ ne psi kɛ́ʼɛ́ ŋkyé kɔ́? Náá zhʉ́! Psi tɛd wo taʼ wo kaʼatɛ mbɔ́ɔ́!» 49Á pɔ́rɔ́ ne pɔ́b ŋgâ: «Puŋ taʼ ya pé ne kɔ́? Puŋ zé ŋgâ a zɔŋɔ ŋgâ mə ndzóʼ meno Tɛd ya ŋkhoʼyɔŋ pɔɔ?» 50Ntsʉʼmbé, pɔ́b pó zóʼ no yɛ́ a kɛ zɔŋɔ ntsɔ́ nɛ́ pó. 51Néré, pwɛ Yěsô pódndzəb Nǎzarɛd. Mɛ́ yé ywʉ́ʼʉ́ ŋkɔŋɔ meno péré náá ndzó ndzɔʼ yé. Mɔ́ŋ zóʼó wɔ́b kaʼatɛ. 52Yěsô ghóʼó, zé yé pfî pú nsó yé, a tséʼé foʼndzəndzoʼ síŋ Mboʼmvé pwɛ pumésɔŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល