Zhâŋ 19
19
1Néré, Piláto yɔ́ɔ́ Yěsô, ŋgyɛ́ pé gbíí wé ne gbâ. 2Pɛ káŋató yɔ́ɔ́ mézhyɛ yɛ́ pɔ́b kɛ tswɔ́ ne mɛ́kɔb nɛ́, sɔ́ tó yé, mbó gbéé taʼ ndzwé fóó yé psǐpsî mbəb yé. 3Pɔ́b suʼú mbəb yɔ́b fɛ́ pfuŋ yé, ŋgúŋú pfɔ yé, nsó ŋgâ: «Psi tsɛʼɛ nɔŋ, kɛ Fɔŋ pɛ Yúda!» Pɔ́b ndzyě gbîne pwó ndzó təŋé mé. 4Piláto twɔ́ mvé ŋkʉ́rʉ́, ntsɔ́ɔ́ pɛ ntsɛ́ssó pɛ Yúda ŋgâ: «Puŋ zhʉ́! Mə túbɔ́ wé fɛ́ ne puŋ. A zɔŋɔ ŋgâ puŋ zé ŋgâ mə njʉ́ cyó no yɛ́ a zhyɛ́, puŋ sɔ́bɔ wé nɛ́ pó.» 5Yěsô twɔ́ ne mézhyɛ yɛ́ pɔ́b kɛ tswɔ́ ne mɛ́kɔb nɛ́ tó yé, ne ndzwé fóó yé psǐpsî mbəb yé. Piláto tsɔ́ ne pɔ́b ŋgâ: «Ŋɔŋ wɛ́ pé nɛ́!» 6Ntsʉʼmbé, ŋkhoʼyɛ́ pɛ ntsɛ́ssó ghaŋáshʉ́ pwɛ pɔŋ pɔ́b kɛ zhʉ́ wé nɛ́, pɔ́b ghéʼ ne tʉ̌ŋ ŋgâ: «Kpii wé ndúŋú ŋgʉŋʉ! Kpii wé ndúŋú ŋgʉŋʉ!» Piláto tsɔ́ ne pɔ́b ŋgâ: «Puŋ yɔ́ɔ́ wé ne tómbəb yúŋ, kpii wé ndúŋú ŋgʉŋʉ. Ŋgɛ́mbɛ́ ne mo, mə njʉ́ cyó yɔ́b yɛ́ puŋ sɔ́bɔ́ wé ndúŋú nɛ́ pó.»
7Pɛ ntsɛ́ssó pɛ Yúda tsɔ́ pwó yé ŋgâ: «Piŋi tséʼé taʼ kaŋ. A ne kaŋ méré, a zɔŋɔ ŋgâ a pfó ŋkyé ŋgâ a nsó ŋgâ a Mɔ́ŋ Mboʼmvé!» 8Ŋkhoʼyɛ́ Piláto kɛ zóʼ wéré nsó nɛ́, a pó mbɔ́ɔ́ kaʼatɛ. 9A pódndzəb ndáb, ntsɔ́ pwó Yěsô ŋgâ: «Wo, wo twɔ́ pɛɛ?» Ntsʉʼmbé Yěsô pe pód no pwó yé pó. 10Piláto tsɔ́ pwó yé ŋgâ: «Wo kirɛ ne mo ŋgâ wo mbód no pó! Wo zé ŋgâ mə tséʼé tʉ̌ŋ ne ntěne wo ke mbǒ tséʼé tʉ̌ŋ ne ŋgyɛ̌ne pe kpǐ wo?» 11Ntsʉʼmbé Yěsô pɔ́rɔ́ pwó yé ŋgâ: «Tɛɛmbɛ wo pé tséʼé cyó tʉ̌ŋ mbəb mo, mbéyɛ́ a kɛ twɔ̌ pépéé nɛ́ pó. A zhyɛ́ yéré ŋɔŋ wɛ́ a fi ya pwó wo nɛ́, ŋkyɛ́ péʼ zááme ntsɛ́ɛ́ wo.» 12A kɛ pé néré, Piláto ke ntáʼá njʉ́ a ntéé wé nɛ́. Ntsʉʼmbé pɛ ntsɛ́ssó pɛ Yúda ndzyě ŋgéʼne, ntsɔ́ ŋgâ: «A pɛ́ɛ́ yɛ́ wo tee wé nɛ́, mbǒ wo ŋgaŋaŋkpee Káza pó! ŋkyé ŋgâ ŋɔŋ wɛ́ a fú mbəb yé ne fɔŋ nɛ́, ŋgaŋakəpeŋé Káza.»
13Ŋkhoʼyɛ́ a kɛ zóʼ nsó péré nɛ́, Piláto zhyɛ́ pé túbɔ Yěsô. A ghɔ́rɔ́ ndzó ywoʼɔ́ sábáfiʼ yɛ́, pe kɛ tɛ́ŋɛ́ ne pɛ ŋgoʼ nɛ́. Pe kɛ fú ywoʼ yéré ne nsó Ebərə ŋgâ Gabata. 14A kɛ pe zhyémve yɛ́ pe kɛ tsúŋɔ ndebéne Pasəka nɛ́, ne ywɔ̌ ntʉ̌ŋménab. Piláto ntsɔ́ pwó pɛ Yúda ŋgâ: «Fɔŋ wúŋ pe nɛ́!» 15Ntsʉʼmbé pɔ́b nsé tsé ŋgéʼé ŋgâ: «A pfɔ̂! A pfɔ̂! Zhyɛ́ pe kpíí wé ndúŋú ŋgʉŋʉ!» Piláto pó nsó ŋkʉ́rʉ́ ŋgâ: «Mə kpíí fɔŋ wúŋ ndúŋú ŋgʉŋʉ?» Pɛ ntsɛ́ssó ghaŋáshʉ́ pód ŋgâ: «Psi tséʼé cyó fɔŋ fáá Káza pó.» 16Njʉ́ a kɛ pe néré nɛ́, a fɛ́ Yěsô ŋgâ pé ghú kpíí wé ndúŋú ŋgʉŋʉ.
Pe kpíí Yěsô ndúŋú ŋgʉŋʉ
(Mat 27:32-44; Máá 15:21-32; Lúk 23:26-43)
Pe yɔ́ɔ́ Yěsô nɛ́, pwɛ pɔ́b ghú. 17Tómbəb yé ŋkyɛ́ ŋgʉŋʉ yé, ntwɔ́ núŋ ŋgú ndzó ywoʼ yɛ́ pe fú ne Ghə́ʼɛtó nɛ́, mbó fú ne nsó Ebərə ŋgâ Gɔləgɔ́ta. 18A ywoʼ yɛ́ nɛ́ pɔ́b kɛ kpii wé pwɛ pecyó pɔŋ pépáá pfúŋɔ́ yé nɛ́. Taʼ yé ne yɔŋ ndzaʼ, cyó ne yiŋ. Yěsô pɛ tsetsɛrɛ. 19Piláto ntso ŋgâ pe ŋwéʼe taʼ ŋwéʼe ndúŋú taafrəre, kpii ndúŋú ŋgʉŋʉ Yěsô ŋgâ: «Yěsô, ŋɔŋ Nǎzarɛd, fɔŋ pɛ Yúda.» 20Záá pɛ Yúda kɛ fú ŋwéʼe yéré, ŋkyé ŋgâ ywoʼ yɛ́ pe kɛ kpii Yěsô nɛ́, kɛ pɛ́ɛ́ pfúŋɔ́ mbɛ́lʉ́ŋ. Pé pó ŋwéʼe yéré ŋwéʼe ne nsó Ebərə, ne nsó pɛ Roma, ne nsó Gerɛʼ. 21Pecyó pɛ ntsɛ́ssó ghaŋáshʉ́ pɛ Yuda tsɔ́ pwó Piláto ŋgâ: «Wo ndɛ ŋwɛʼɛ ŋgâ: “Fɔŋ pɛ Yúda”, ntsʉʼmbé, ŋwɛʼɛ ŋgâ: “Ŋɔŋ wɔŋ kɛ fú mbəb yé ne fɔŋ pɛ Yúda”.» 22Piláto pód ŋgâ: «Yɔ́b yɛ́ mə ŋwéʼe nɛ́, mə kɛ ŋwéʼe.»
23Ŋkhoʼyɛ́ pɛ káŋató kɛ mee ne kpǐne Yěsô nɛ́, pɔ́b yɔ́ɔ́ ndzwé pe yé ŋgób ywoʼ yíkwa. Taʼ ŋɔŋ tsɛʼɛ taʼ yé. Ndzwé yé kəkwéʼe tsʉ́ʼ. Pe kɛ pe tɛ̂ pó, a kɛ pe taʼ ndzwé tswɔ́me, taʼ mbziʼe ndzyěne pfé. 24Pɛ káŋató tsɔ́ tsetsɛrɛ pɔ́b ŋgâ: «Piŋi ndɛ sɛ́ɛ́ sɛ́ɛ́. Piŋi pó máʼá pɛ́d, njʉ́ ŋɔŋ wɛ́ a ŋkú pwó yé nɛ́.» A kɛ pe kɛ́ʼɛ́ ŋgâ no yɛ́ a ŋwéʼéme ndzó Ŋwéʼe nɛ́, yúŋú. No yéré kɛ pɛ́ɛ́ ŋgâ: «Pɔ́b ghǒb ndzwé páá. Mbó ndɔ́ɔ́ ndzwé ya kəkwéʼe máʼ pɛ́d nuŋ.» Yekénɛ́ no yɛ́ pɛ káŋató kɛ zhyɛ́ nɛ́.
25Mɛ́ Yěsô pú mɔ́ŋmɛ́ yé, pú Malya ŋgʉyé kolopasə pwɛ Malya wɛ́ a kɛ twɔ́ Madala nɛ́, kɛ tsɛ́ pfúŋɔ́ ŋgʉŋʉ Yěsô. 26Ŋkhoʼyɛ́ a kɛ zhʉ́ mɛ́ yé pú meŋkho yé wɛ́ a kɛ kʉyě nɛ́ pfuŋ yé nɛ́, Yěsô ntsɔ́ pwó mɛ́ yé ŋgâ: «Mɛ́ ya, Mɔ́ŋ wo pé nɛ́.» 27A pó ntsɔ́ pwó meŋkho wéré ŋgâ: «Mɛ́ wo pe nɛ́.» Ndzyěne ŋkhoʼyéré, meŋkhó wéré yɔ́ɔ́ Malya, pú yé ghú ywoʼ yé.
(Mat 27:45-56; Máá 15:33-41; Lúk 23:44-49)
28A kɛ pénéré, a zé ŋgâ ŋkɔŋɔ no náá kɛ myé. Ŋgyɛ́ne ŋgâ tó Ŋwéʼe yúŋú, Yěsô nsó ŋgâ: «Ywʉ ya zwɔ́.» 29A kɛ ghɛ́ mbɛ taʼ káŋ pɛ yóʼó, yoʼcʉyǒme yuŋɔ ndzó. Pe yɔ́ɔ́ taʼ ntáápwó ghubi ŋkwód taʼ yɔ́b yɛ́ pe kɛ fû ne epɔ́nzhə nɛ́ ndúŋú, ntsóbɔ́ ndzɔ́ʼɔ́ tsiŋɛtsícʉyó yéré nɛ́, fɛ́ tswée yé. 30Ŋkhoʼyɛ́ Yěsô kɛ nzwəʼé yoʼcʉyǒme nɛ́, a nsó ŋgâ: «Tó ŋkɔŋɔ meno náá páŋ.» A tsúŋú tó yé, pfɔ̂.
Taʼ káŋató sɔ́b nségaŋ Yěsô
31A kɛ ghɛ́ mbɛ néré, á pe zhyémve Tsuŋɔ́ mbəb. Njʉ́ pɛ ntsɛ́ssó pɛ Yúda kɛ tsé mbé zɔŋɔ ŋgâ pfɔ́ ŋɔŋ cʉ́ʼɔ́ ndúŋú ŋgʉŋʉ zhyéze nɛ́ pó- zhyéze yéré kɛ pe taʼ zhyémve kəkwéʼe. Pɔ́b tsɔ́ pwó Piláto ŋgâ a ntə́ré kpee mɔ́b, ŋgyɛ́ pe shʉʼɛ́ wɔ́b ndúŋú ŋgʉŋʉ. 32Pɛ káŋató ghú, ntə́ré kpee sɔ́ ŋɔŋ pú zhʉbí yɛ́ pe kɛ ke kpii wɔ́b pfuŋ Yěsô nɛ́. 33Ŋgɛ́ mbáŋa mbəb Yěsô, njʉ́ ŋgâ a kɛ pfɔ̂. Pɔ́b pó mbé ntə́ré kpee mé pó. 34Ntsʉʼmbé taʼ káŋató sɔ́b nségaŋ yé ne kɔŋ yé. Kpaʼ ŋkhoʼyéré nse twɔ́ yóʼó pú nsə. 35Ŋɔŋ wɛ́ a kɛ zhʉ́ nɛ́, kpê ntáŋ ya. No yɛ́ a kɛ nsó nɛ́ tsyɛ́ ndúŋú no sísíŋ. Ŋɔŋ wéré zé ŋgâ a tsɔ́ɔ no sísíŋ, kɛ́ʼɛ́ ŋgâ puŋ yǎ ndúŋú tséʼé psyɛ́ndzɔʼ. 36Ŋkɔŋɔ meno péré kɛ páŋ náá kɛ́ʼɛ́ ŋgâ tó Ŋwéʼe yúŋú. No yéré pɛ́ɛ́ ŋgâ: «Mbɛ taʼ kpáŋ yé náʼá mbé ntə́réme pó.» 37Cyó ywoʼ Ŋwéʼe ke mbó mbé ŋgâ: «Pɔ́b náʼá njʉ́ ŋɔŋ wɛ́ pɔ́b kɛ tɔ́ɔ́ nségaŋ yé nɛ́.»
Pé cʉ́ Yěsô
(Mat 27:57-61; Máá 15:42-47; Lúk 23:50-56)
38Njʉ́ péré meno kɛ záʼ nɛ́, taʼ Yesə́b, ŋɔŋ Arimate pɛ́ yóʼó. A kɛ pé cyó meŋkho Yěsô. Ntsʉʼmbé a tsé mbɔ́ɔ́ pɛ ntsɛ́ssó pɛ Yúda kaʼatɛ ŋgibɛ yé zhibi. A póʼmbwó pwó Piláto ŋgâ a zhyɛ́ pe sʉ́ʼʉ pfɔ́ Yěsô fɛ́ pwó yé. Piláto psyɛ́. Yesə́b ghú shʉ́ʼí pfɔ̂ Yěsô. 39Nikodɛmə wɛ́ a kɛ ghú pfuŋ Yěsô taʼ netsúʼ nɛ́, ke mbó ŋkʉ́yó yé ne taʼ yɔ́b yɛ́ pe kɛ féré ne kpee ghaŋ yɛ́ pe fú ne mii nɛ́, pú cyó yɛ́ pe fú ne alohɛsə nɛ́. Mɔ́b féré péré kɛ pé ywɔ́ kílo ghúbmekyéd. 40Pɔ́b pépáá péré yɔ́ɔ́ pfɔ̂ Yěsô núʼɔ wé ne vód tswɔtwɔ́, mbwɛ̂ wé ndzó ndzwé, njʉ́ pɛ Yúda kɛ pɛ́rɛ́ ŋgʉ́ʼɔ́ pfɔ́ pǔ pɔ́b, ŋgyɛ́ nɛ́. 41Ywoʼ yɛ́ pe kɛ kpii Yěsô nɛ́, taʼ faʼ kɛ pɛ yóʼó. Mbɛ ndzó faʼ yéré, taʼ syé ffé pɛ yóʼó yɛ́ pe kǎ kɛ cʉ́ ŋɔŋ ndzó nɛ́ pó. 42Njʉ́ a kɛ pé zhyémve ndebéne pɛ Yúda yé Tsuŋɔ́ mbəb nɛ́, taŋa sye yéré pó mbé sáá nɛ́ pó, pɔ́b niŋɛ́ Yěsô ndzóó.
ទើបបានជ្រើសរើសហើយ៖
Zhâŋ 19: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 19
19
1Néré, Piláto yɔ́ɔ́ Yěsô, ŋgyɛ́ pé gbíí wé ne gbâ. 2Pɛ káŋató yɔ́ɔ́ mézhyɛ yɛ́ pɔ́b kɛ tswɔ́ ne mɛ́kɔb nɛ́, sɔ́ tó yé, mbó gbéé taʼ ndzwé fóó yé psǐpsî mbəb yé. 3Pɔ́b suʼú mbəb yɔ́b fɛ́ pfuŋ yé, ŋgúŋú pfɔ yé, nsó ŋgâ: «Psi tsɛʼɛ nɔŋ, kɛ Fɔŋ pɛ Yúda!» Pɔ́b ndzyě gbîne pwó ndzó təŋé mé. 4Piláto twɔ́ mvé ŋkʉ́rʉ́, ntsɔ́ɔ́ pɛ ntsɛ́ssó pɛ Yúda ŋgâ: «Puŋ zhʉ́! Mə túbɔ́ wé fɛ́ ne puŋ. A zɔŋɔ ŋgâ puŋ zé ŋgâ mə njʉ́ cyó no yɛ́ a zhyɛ́, puŋ sɔ́bɔ wé nɛ́ pó.» 5Yěsô twɔ́ ne mézhyɛ yɛ́ pɔ́b kɛ tswɔ́ ne mɛ́kɔb nɛ́ tó yé, ne ndzwé fóó yé psǐpsî mbəb yé. Piláto tsɔ́ ne pɔ́b ŋgâ: «Ŋɔŋ wɛ́ pé nɛ́!» 6Ntsʉʼmbé, ŋkhoʼyɛ́ pɛ ntsɛ́ssó ghaŋáshʉ́ pwɛ pɔŋ pɔ́b kɛ zhʉ́ wé nɛ́, pɔ́b ghéʼ ne tʉ̌ŋ ŋgâ: «Kpii wé ndúŋú ŋgʉŋʉ! Kpii wé ndúŋú ŋgʉŋʉ!» Piláto tsɔ́ ne pɔ́b ŋgâ: «Puŋ yɔ́ɔ́ wé ne tómbəb yúŋ, kpii wé ndúŋú ŋgʉŋʉ. Ŋgɛ́mbɛ́ ne mo, mə njʉ́ cyó yɔ́b yɛ́ puŋ sɔ́bɔ́ wé ndúŋú nɛ́ pó.»
7Pɛ ntsɛ́ssó pɛ Yúda tsɔ́ pwó yé ŋgâ: «Piŋi tséʼé taʼ kaŋ. A ne kaŋ méré, a zɔŋɔ ŋgâ a pfó ŋkyé ŋgâ a nsó ŋgâ a Mɔ́ŋ Mboʼmvé!» 8Ŋkhoʼyɛ́ Piláto kɛ zóʼ wéré nsó nɛ́, a pó mbɔ́ɔ́ kaʼatɛ. 9A pódndzəb ndáb, ntsɔ́ pwó Yěsô ŋgâ: «Wo, wo twɔ́ pɛɛ?» Ntsʉʼmbé Yěsô pe pód no pwó yé pó. 10Piláto tsɔ́ pwó yé ŋgâ: «Wo kirɛ ne mo ŋgâ wo mbód no pó! Wo zé ŋgâ mə tséʼé tʉ̌ŋ ne ntěne wo ke mbǒ tséʼé tʉ̌ŋ ne ŋgyɛ̌ne pe kpǐ wo?» 11Ntsʉʼmbé Yěsô pɔ́rɔ́ pwó yé ŋgâ: «Tɛɛmbɛ wo pé tséʼé cyó tʉ̌ŋ mbəb mo, mbéyɛ́ a kɛ twɔ̌ pépéé nɛ́ pó. A zhyɛ́ yéré ŋɔŋ wɛ́ a fi ya pwó wo nɛ́, ŋkyɛ́ péʼ zááme ntsɛ́ɛ́ wo.» 12A kɛ pé néré, Piláto ke ntáʼá njʉ́ a ntéé wé nɛ́. Ntsʉʼmbé pɛ ntsɛ́ssó pɛ Yúda ndzyě ŋgéʼne, ntsɔ́ ŋgâ: «A pɛ́ɛ́ yɛ́ wo tee wé nɛ́, mbǒ wo ŋgaŋaŋkpee Káza pó! ŋkyé ŋgâ ŋɔŋ wɛ́ a fú mbəb yé ne fɔŋ nɛ́, ŋgaŋakəpeŋé Káza.»
13Ŋkhoʼyɛ́ a kɛ zóʼ nsó péré nɛ́, Piláto zhyɛ́ pé túbɔ Yěsô. A ghɔ́rɔ́ ndzó ywoʼɔ́ sábáfiʼ yɛ́, pe kɛ tɛ́ŋɛ́ ne pɛ ŋgoʼ nɛ́. Pe kɛ fú ywoʼ yéré ne nsó Ebərə ŋgâ Gabata. 14A kɛ pe zhyémve yɛ́ pe kɛ tsúŋɔ ndebéne Pasəka nɛ́, ne ywɔ̌ ntʉ̌ŋménab. Piláto ntsɔ́ pwó pɛ Yúda ŋgâ: «Fɔŋ wúŋ pe nɛ́!» 15Ntsʉʼmbé pɔ́b nsé tsé ŋgéʼé ŋgâ: «A pfɔ̂! A pfɔ̂! Zhyɛ́ pe kpíí wé ndúŋú ŋgʉŋʉ!» Piláto pó nsó ŋkʉ́rʉ́ ŋgâ: «Mə kpíí fɔŋ wúŋ ndúŋú ŋgʉŋʉ?» Pɛ ntsɛ́ssó ghaŋáshʉ́ pód ŋgâ: «Psi tséʼé cyó fɔŋ fáá Káza pó.» 16Njʉ́ a kɛ pe néré nɛ́, a fɛ́ Yěsô ŋgâ pé ghú kpíí wé ndúŋú ŋgʉŋʉ.
Pe kpíí Yěsô ndúŋú ŋgʉŋʉ
(Mat 27:32-44; Máá 15:21-32; Lúk 23:26-43)
Pe yɔ́ɔ́ Yěsô nɛ́, pwɛ pɔ́b ghú. 17Tómbəb yé ŋkyɛ́ ŋgʉŋʉ yé, ntwɔ́ núŋ ŋgú ndzó ywoʼ yɛ́ pe fú ne Ghə́ʼɛtó nɛ́, mbó fú ne nsó Ebərə ŋgâ Gɔləgɔ́ta. 18A ywoʼ yɛ́ nɛ́ pɔ́b kɛ kpii wé pwɛ pecyó pɔŋ pépáá pfúŋɔ́ yé nɛ́. Taʼ yé ne yɔŋ ndzaʼ, cyó ne yiŋ. Yěsô pɛ tsetsɛrɛ. 19Piláto ntso ŋgâ pe ŋwéʼe taʼ ŋwéʼe ndúŋú taafrəre, kpii ndúŋú ŋgʉŋʉ Yěsô ŋgâ: «Yěsô, ŋɔŋ Nǎzarɛd, fɔŋ pɛ Yúda.» 20Záá pɛ Yúda kɛ fú ŋwéʼe yéré, ŋkyé ŋgâ ywoʼ yɛ́ pe kɛ kpii Yěsô nɛ́, kɛ pɛ́ɛ́ pfúŋɔ́ mbɛ́lʉ́ŋ. Pé pó ŋwéʼe yéré ŋwéʼe ne nsó Ebərə, ne nsó pɛ Roma, ne nsó Gerɛʼ. 21Pecyó pɛ ntsɛ́ssó ghaŋáshʉ́ pɛ Yuda tsɔ́ pwó Piláto ŋgâ: «Wo ndɛ ŋwɛʼɛ ŋgâ: “Fɔŋ pɛ Yúda”, ntsʉʼmbé, ŋwɛʼɛ ŋgâ: “Ŋɔŋ wɔŋ kɛ fú mbəb yé ne fɔŋ pɛ Yúda”.» 22Piláto pód ŋgâ: «Yɔ́b yɛ́ mə ŋwéʼe nɛ́, mə kɛ ŋwéʼe.»
23Ŋkhoʼyɛ́ pɛ káŋató kɛ mee ne kpǐne Yěsô nɛ́, pɔ́b yɔ́ɔ́ ndzwé pe yé ŋgób ywoʼ yíkwa. Taʼ ŋɔŋ tsɛʼɛ taʼ yé. Ndzwé yé kəkwéʼe tsʉ́ʼ. Pe kɛ pe tɛ̂ pó, a kɛ pe taʼ ndzwé tswɔ́me, taʼ mbziʼe ndzyěne pfé. 24Pɛ káŋató tsɔ́ tsetsɛrɛ pɔ́b ŋgâ: «Piŋi ndɛ sɛ́ɛ́ sɛ́ɛ́. Piŋi pó máʼá pɛ́d, njʉ́ ŋɔŋ wɛ́ a ŋkú pwó yé nɛ́.» A kɛ pe kɛ́ʼɛ́ ŋgâ no yɛ́ a ŋwéʼéme ndzó Ŋwéʼe nɛ́, yúŋú. No yéré kɛ pɛ́ɛ́ ŋgâ: «Pɔ́b ghǒb ndzwé páá. Mbó ndɔ́ɔ́ ndzwé ya kəkwéʼe máʼ pɛ́d nuŋ.» Yekénɛ́ no yɛ́ pɛ káŋató kɛ zhyɛ́ nɛ́.
25Mɛ́ Yěsô pú mɔ́ŋmɛ́ yé, pú Malya ŋgʉyé kolopasə pwɛ Malya wɛ́ a kɛ twɔ́ Madala nɛ́, kɛ tsɛ́ pfúŋɔ́ ŋgʉŋʉ Yěsô. 26Ŋkhoʼyɛ́ a kɛ zhʉ́ mɛ́ yé pú meŋkho yé wɛ́ a kɛ kʉyě nɛ́ pfuŋ yé nɛ́, Yěsô ntsɔ́ pwó mɛ́ yé ŋgâ: «Mɛ́ ya, Mɔ́ŋ wo pé nɛ́.» 27A pó ntsɔ́ pwó meŋkho wéré ŋgâ: «Mɛ́ wo pe nɛ́.» Ndzyěne ŋkhoʼyéré, meŋkhó wéré yɔ́ɔ́ Malya, pú yé ghú ywoʼ yé.
(Mat 27:45-56; Máá 15:33-41; Lúk 23:44-49)
28A kɛ pénéré, a zé ŋgâ ŋkɔŋɔ no náá kɛ myé. Ŋgyɛ́ne ŋgâ tó Ŋwéʼe yúŋú, Yěsô nsó ŋgâ: «Ywʉ ya zwɔ́.» 29A kɛ ghɛ́ mbɛ taʼ káŋ pɛ yóʼó, yoʼcʉyǒme yuŋɔ ndzó. Pe yɔ́ɔ́ taʼ ntáápwó ghubi ŋkwód taʼ yɔ́b yɛ́ pe kɛ fû ne epɔ́nzhə nɛ́ ndúŋú, ntsóbɔ́ ndzɔ́ʼɔ́ tsiŋɛtsícʉyó yéré nɛ́, fɛ́ tswée yé. 30Ŋkhoʼyɛ́ Yěsô kɛ nzwəʼé yoʼcʉyǒme nɛ́, a nsó ŋgâ: «Tó ŋkɔŋɔ meno náá páŋ.» A tsúŋú tó yé, pfɔ̂.
Taʼ káŋató sɔ́b nségaŋ Yěsô
31A kɛ ghɛ́ mbɛ néré, á pe zhyémve Tsuŋɔ́ mbəb. Njʉ́ pɛ ntsɛ́ssó pɛ Yúda kɛ tsé mbé zɔŋɔ ŋgâ pfɔ́ ŋɔŋ cʉ́ʼɔ́ ndúŋú ŋgʉŋʉ zhyéze nɛ́ pó- zhyéze yéré kɛ pe taʼ zhyémve kəkwéʼe. Pɔ́b tsɔ́ pwó Piláto ŋgâ a ntə́ré kpee mɔ́b, ŋgyɛ́ pe shʉʼɛ́ wɔ́b ndúŋú ŋgʉŋʉ. 32Pɛ káŋató ghú, ntə́ré kpee sɔ́ ŋɔŋ pú zhʉbí yɛ́ pe kɛ ke kpii wɔ́b pfuŋ Yěsô nɛ́. 33Ŋgɛ́ mbáŋa mbəb Yěsô, njʉ́ ŋgâ a kɛ pfɔ̂. Pɔ́b pó mbé ntə́ré kpee mé pó. 34Ntsʉʼmbé taʼ káŋató sɔ́b nségaŋ yé ne kɔŋ yé. Kpaʼ ŋkhoʼyéré nse twɔ́ yóʼó pú nsə. 35Ŋɔŋ wɛ́ a kɛ zhʉ́ nɛ́, kpê ntáŋ ya. No yɛ́ a kɛ nsó nɛ́ tsyɛ́ ndúŋú no sísíŋ. Ŋɔŋ wéré zé ŋgâ a tsɔ́ɔ no sísíŋ, kɛ́ʼɛ́ ŋgâ puŋ yǎ ndúŋú tséʼé psyɛ́ndzɔʼ. 36Ŋkɔŋɔ meno péré kɛ páŋ náá kɛ́ʼɛ́ ŋgâ tó Ŋwéʼe yúŋú. No yéré pɛ́ɛ́ ŋgâ: «Mbɛ taʼ kpáŋ yé náʼá mbé ntə́réme pó.» 37Cyó ywoʼ Ŋwéʼe ke mbó mbé ŋgâ: «Pɔ́b náʼá njʉ́ ŋɔŋ wɛ́ pɔ́b kɛ tɔ́ɔ́ nségaŋ yé nɛ́.»
Pé cʉ́ Yěsô
(Mat 27:57-61; Máá 15:42-47; Lúk 23:50-56)
38Njʉ́ péré meno kɛ záʼ nɛ́, taʼ Yesə́b, ŋɔŋ Arimate pɛ́ yóʼó. A kɛ pé cyó meŋkho Yěsô. Ntsʉʼmbé a tsé mbɔ́ɔ́ pɛ ntsɛ́ssó pɛ Yúda kaʼatɛ ŋgibɛ yé zhibi. A póʼmbwó pwó Piláto ŋgâ a zhyɛ́ pe sʉ́ʼʉ pfɔ́ Yěsô fɛ́ pwó yé. Piláto psyɛ́. Yesə́b ghú shʉ́ʼí pfɔ̂ Yěsô. 39Nikodɛmə wɛ́ a kɛ ghú pfuŋ Yěsô taʼ netsúʼ nɛ́, ke mbó ŋkʉ́yó yé ne taʼ yɔ́b yɛ́ pe kɛ féré ne kpee ghaŋ yɛ́ pe fú ne mii nɛ́, pú cyó yɛ́ pe fú ne alohɛsə nɛ́. Mɔ́b féré péré kɛ pé ywɔ́ kílo ghúbmekyéd. 40Pɔ́b pépáá péré yɔ́ɔ́ pfɔ̂ Yěsô núʼɔ wé ne vód tswɔtwɔ́, mbwɛ̂ wé ndzó ndzwé, njʉ́ pɛ Yúda kɛ pɛ́rɛ́ ŋgʉ́ʼɔ́ pfɔ́ pǔ pɔ́b, ŋgyɛ́ nɛ́. 41Ywoʼ yɛ́ pe kɛ kpii Yěsô nɛ́, taʼ faʼ kɛ pɛ yóʼó. Mbɛ ndzó faʼ yéré, taʼ syé ffé pɛ yóʼó yɛ́ pe kǎ kɛ cʉ́ ŋɔŋ ndzó nɛ́ pó. 42Njʉ́ a kɛ pé zhyémve ndebéne pɛ Yúda yé Tsuŋɔ́ mbəb nɛ́, taŋa sye yéré pó mbé sáá nɛ́ pó, pɔ́b niŋɛ́ Yěsô ndzóó.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល