Galato Tónsó ŋweʼe pwó pɛ Galato
Tónsó ŋweʼe pwó pɛ Galato
A zyáŋa ne ŋkěne pɛ zûŋzǔŋ kpíí pó. A zyáŋa ne kúŋne ndúŋú meno ffé ne kaŋ ffé pó, kii pó maʼ mbzítíí ndúŋú pɛ zûŋzǔŋ meno pɛ́, pe kɛ zhyɛ́ nɛ́ pó. A zyaŋa ne ndzwə́ʼene ŋgʉyíne mɛ́ Kristo fɛ́ ne piŋi nɛ́, kii tsé kpáŋa pɛ zûŋ meno pɛ́, ŋɔŋ kɛ pě ŋgyɛ́ nɛ́, swɔ́ pó. Yekénɛ́ no yɛ́ nɛ́ pǔkristo Galasi kɛ pɛ ndzóʼó, ŋkhoʼyɛ́ Pɔ́lə kɛ ŋwɛ́ʼɛ ŋweʼe yɔŋ fɛ́ ne pɔ́b nɛ́. Pɔ́lə kɛ tsʉʼ ŋgɛ fɔ́rɔ ndáméted yɔŋ, tsé ŋgɔ́ŋɔ kaʼatɛ. Yéré nyóʼó nɛ́ ŋgâ, tɛɛmbɛ ghɔŋ pe kírɛ njʉ́ tɛɛmbɛ piŋi fáʼa pwó Mboʼmvé nɛ́ pó. Ŋkhoʼyɛ́ pé fú ŋweʼe yɔŋ nɛ́, pé tséʼé pɛ kǔntsɔ̂ ne ntsóne ŋgâ, ŋgerɛ́ŋged ndzɔ́ʼɔ́ ŋkəŋ sʉ́ʼʉ́, mbó tsé ntʉ̌ŋme síŋ pɔŋ pɛ́ pɔ́b zɔŋɔ mvíí kii ŋgâ túbɔ́ yɔ́b ndúŋú ŋgerɛ́ŋged wéré yɛ́, a ne no Mboʼmvé nɛ́.
A kɛ ŋwéʼé wɔ̂ ŋwéʼé ŋweʼe yɔŋ pwó pɛ Galato?
A kɛ ŋweʼé Pɔ́lə ŋgaŋantɔ́b Yěsô Kristo ŋwéʼé ŋweʼe yɔŋ pwó pɛ Galato. A kɛ ŋwɛʼɛ ne ywɔ̌ ŋgǒʼmvé ghúbmekwa ne yipfuʼɔ kɛ́ʼɛ́, ŋkhoʼyɛ́ a kɛ ghɛmbɛ a kɛ kɛrɛ ndzó mbɛ́lʉ́ŋ Antyoshə nɛ́.
A kɛ ŋwɛ́ʼɛ́ pwó wɔ̂? A kɛ ŋwéʼé ŋkyé kɔ́?
A kɛ pe pǔkristo Galasi mbé sɔ́ pɔŋ pɛ́ a kɛ ŋwéʼé ŋweʼe yɔŋ fɛ́ ne pɔ́b nɛ́. Záá wɔ́b kɛ pe pé puyúda pó. Ntsʉʼmbé pɔŋ ndii puyúda kɛ pɛ tsetsɛrɛ pɔ́b. Pɔ́lə kɛ ŋwɛʼɛ yɔŋ ŋweʼe ne pɔ́b kɛ́ʼɛ́, ŋkyé ŋgâ ŋkhoʼyɛ a kɛ záʼ fód ndáméted yéré nɛ́, pecyó pɔŋ kɛ mwɔ́ ntsó ŋgâ Pɔlə ŋgaŋantɔ́b pó, ntʉ́ʉ́ yɛ́ a fɛ́ ne pɔ́b nɛ́ a ŋgerɛ́ŋged pó. Pɔ́b kɛ pó cʉrí cyó ŋkəŋ sʉ́ʼʉ ndúŋ, a pe pé wɛ́ Pɔ́lə kɛ ncʉrɛ́ ne pɔ́b nɛ́ pó.
Pɔlə kɛ ŋwɛʼɛ nɛ́ kɛ́ʼɛ́, pe ne ntsóne ne pɔ́b ŋgâ ŋukristo ffé tsɛʼɛ ne nyǐne njʉ́ kaŋ pɛ Yúda tsɔ́ nɛ́ ŋkɔ́ŋ, mbɔ́rɔ́ tsɛ́ʼɛ́ ndzǔne pó. A tsɔ pwó pǔkristo ŋgâ pɔ́b tséʼé psyɛ́ndzɔʼ mbó zé ŋgâ Kristo túbɔ́ wɔ́b ndábtsáŋ.
Pé tsɔ̂ ŋgâ kɔ́ ndzó ŋweʼe yɔŋ?
Ŋweʼe yɔŋ pwó pɛ Galato mbɛɛ njʉ́ pɛ kaŋ pɛ́ a nyóʼó njʉ́ pǔkristo tséʼé ŋgʉŋíne nɛ́, ŋkyé ŋgâ Pɔ́lə keʼe ndzó ŋweʼe yɔŋ, mbziʼe njʉ́ Kristo kɛ túbɔ́ pupe ndábtsáŋ nɛ́. A tsɔ ŋgâ kaŋ pwɛ tʉ̌ŋ mɛ́ kəpɔŋ fɛ́ nɛ́, pó mbé tsé kwɔ́rɔ pǔkristo ŋkʉ́rʉ́ pó. Néré, pɔ́b pé yʉŋíme ne ŋgúʼune Mboʼmvé wíŋi. Néré a ke ŋgyɛ foʼndzəndzoʼ Mboʼmvé ŋgâ mbɛ́ wɔ̂ tsɛʼɛ ndzǔne, ndǎ ndúŋú psyɛ́ndzɔʼ mbəb Yěsô Kristo, a pó mbé zhyɛ́ no yɛ́ pe nyí njʉ́ kaŋ tsɔ́ nɛ́ pó. Néré kɛ́ʼɛ́, ŋɔŋ wɛ́ a zɔŋɔ tsɛʼɛ ndǎ psyɛ́ndzɔʼ sʉ́ʼʉ nɛ́, a tee pɛ zûŋ nuŋú péré pwɛ meno a pě ŋgyɛ̂ nɛ́. Ŋgɛ́ mbɛ ne cyó ndzáʼá yé, a zɔŋɔ ŋgâ pǔkristo ghebe pɔ́ŋmɛ́ ŋkyɛ́ peʼ yɔ́b, mbó tséʼé pǔpfób.
Pé tsuŋu ŋweʼe yɔŋ pé níŋ?
Yɔŋ Pé nɛ́ njʉ́ pé tsuŋú ŋweʼe yɔŋ nɛ́:
Pɔlə ndǎ ŋgaŋantɔ́b, no yɛ́ a tsɔ nɛ́ ké mbó mbé no sísíŋ: 1:1-10
A kɛ tsɔ́ʼ Mboʼmvé tsɔ́ʼɔ́ Pɔ́lə ŋgâ a pé ŋgaŋantɔ́b: 1:11-24
Ndáá yɔ́b yɛ́ Ŋkəŋ sʉ́ʼʉ wéré kɛ ghaŋá syé ntsó nɛ́ kɛ pɛɛ ŋgâ kɔ́: 2:1-21
A ndaʼ psyɛ́ndzɔʼ mbé yɔ́b yɛ́ tɛɛmbɛ a zhyɛ́ ŋgâ ŋɔŋ tséʼé ndzǔne nɛ́: 3:1–4:31
Pɔ́ŋmɛ́, piŋi kʉyě mbəb yiŋi, mbó tee ŋgâ Zhʉye Yáŋme séd tsómvé yiŋi: 5:1–6:10
Tsómvé ffé yɛ́ Kristo fɛ́ nɛ́: 6:11-18.
ទើបបានជ្រើសរើសហើយ៖
Galato Tónsó ŋweʼe pwó pɛ Galato: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Galato Tónsó ŋweʼe pwó pɛ Galato
Tónsó ŋweʼe pwó pɛ Galato
A zyáŋa ne ŋkěne pɛ zûŋzǔŋ kpíí pó. A zyáŋa ne kúŋne ndúŋú meno ffé ne kaŋ ffé pó, kii pó maʼ mbzítíí ndúŋú pɛ zûŋzǔŋ meno pɛ́, pe kɛ zhyɛ́ nɛ́ pó. A zyaŋa ne ndzwə́ʼene ŋgʉyíne mɛ́ Kristo fɛ́ ne piŋi nɛ́, kii tsé kpáŋa pɛ zûŋ meno pɛ́, ŋɔŋ kɛ pě ŋgyɛ́ nɛ́, swɔ́ pó. Yekénɛ́ no yɛ́ nɛ́ pǔkristo Galasi kɛ pɛ ndzóʼó, ŋkhoʼyɛ́ Pɔ́lə kɛ ŋwɛ́ʼɛ ŋweʼe yɔŋ fɛ́ ne pɔ́b nɛ́. Pɔ́lə kɛ tsʉʼ ŋgɛ fɔ́rɔ ndáméted yɔŋ, tsé ŋgɔ́ŋɔ kaʼatɛ. Yéré nyóʼó nɛ́ ŋgâ, tɛɛmbɛ ghɔŋ pe kírɛ njʉ́ tɛɛmbɛ piŋi fáʼa pwó Mboʼmvé nɛ́ pó. Ŋkhoʼyɛ́ pé fú ŋweʼe yɔŋ nɛ́, pé tséʼé pɛ kǔntsɔ̂ ne ntsóne ŋgâ, ŋgerɛ́ŋged ndzɔ́ʼɔ́ ŋkəŋ sʉ́ʼʉ́, mbó tsé ntʉ̌ŋme síŋ pɔŋ pɛ́ pɔ́b zɔŋɔ mvíí kii ŋgâ túbɔ́ yɔ́b ndúŋú ŋgerɛ́ŋged wéré yɛ́, a ne no Mboʼmvé nɛ́.
A kɛ ŋwéʼé wɔ̂ ŋwéʼé ŋweʼe yɔŋ pwó pɛ Galato?
A kɛ ŋweʼé Pɔ́lə ŋgaŋantɔ́b Yěsô Kristo ŋwéʼé ŋweʼe yɔŋ pwó pɛ Galato. A kɛ ŋwɛʼɛ ne ywɔ̌ ŋgǒʼmvé ghúbmekwa ne yipfuʼɔ kɛ́ʼɛ́, ŋkhoʼyɛ́ a kɛ ghɛmbɛ a kɛ kɛrɛ ndzó mbɛ́lʉ́ŋ Antyoshə nɛ́.
A kɛ ŋwɛ́ʼɛ́ pwó wɔ̂? A kɛ ŋwéʼé ŋkyé kɔ́?
A kɛ pe pǔkristo Galasi mbé sɔ́ pɔŋ pɛ́ a kɛ ŋwéʼé ŋweʼe yɔŋ fɛ́ ne pɔ́b nɛ́. Záá wɔ́b kɛ pe pé puyúda pó. Ntsʉʼmbé pɔŋ ndii puyúda kɛ pɛ tsetsɛrɛ pɔ́b. Pɔ́lə kɛ ŋwɛʼɛ yɔŋ ŋweʼe ne pɔ́b kɛ́ʼɛ́, ŋkyé ŋgâ ŋkhoʼyɛ a kɛ záʼ fód ndáméted yéré nɛ́, pecyó pɔŋ kɛ mwɔ́ ntsó ŋgâ Pɔlə ŋgaŋantɔ́b pó, ntʉ́ʉ́ yɛ́ a fɛ́ ne pɔ́b nɛ́ a ŋgerɛ́ŋged pó. Pɔ́b kɛ pó cʉrí cyó ŋkəŋ sʉ́ʼʉ ndúŋ, a pe pé wɛ́ Pɔ́lə kɛ ncʉrɛ́ ne pɔ́b nɛ́ pó.
Pɔlə kɛ ŋwɛʼɛ nɛ́ kɛ́ʼɛ́, pe ne ntsóne ne pɔ́b ŋgâ ŋukristo ffé tsɛʼɛ ne nyǐne njʉ́ kaŋ pɛ Yúda tsɔ́ nɛ́ ŋkɔ́ŋ, mbɔ́rɔ́ tsɛ́ʼɛ́ ndzǔne pó. A tsɔ pwó pǔkristo ŋgâ pɔ́b tséʼé psyɛ́ndzɔʼ mbó zé ŋgâ Kristo túbɔ́ wɔ́b ndábtsáŋ.
Pé tsɔ̂ ŋgâ kɔ́ ndzó ŋweʼe yɔŋ?
Ŋweʼe yɔŋ pwó pɛ Galato mbɛɛ njʉ́ pɛ kaŋ pɛ́ a nyóʼó njʉ́ pǔkristo tséʼé ŋgʉŋíne nɛ́, ŋkyé ŋgâ Pɔ́lə keʼe ndzó ŋweʼe yɔŋ, mbziʼe njʉ́ Kristo kɛ túbɔ́ pupe ndábtsáŋ nɛ́. A tsɔ ŋgâ kaŋ pwɛ tʉ̌ŋ mɛ́ kəpɔŋ fɛ́ nɛ́, pó mbé tsé kwɔ́rɔ pǔkristo ŋkʉ́rʉ́ pó. Néré, pɔ́b pé yʉŋíme ne ŋgúʼune Mboʼmvé wíŋi. Néré a ke ŋgyɛ foʼndzəndzoʼ Mboʼmvé ŋgâ mbɛ́ wɔ̂ tsɛʼɛ ndzǔne, ndǎ ndúŋú psyɛ́ndzɔʼ mbəb Yěsô Kristo, a pó mbé zhyɛ́ no yɛ́ pe nyí njʉ́ kaŋ tsɔ́ nɛ́ pó. Néré kɛ́ʼɛ́, ŋɔŋ wɛ́ a zɔŋɔ tsɛʼɛ ndǎ psyɛ́ndzɔʼ sʉ́ʼʉ nɛ́, a tee pɛ zûŋ nuŋú péré pwɛ meno a pě ŋgyɛ̂ nɛ́. Ŋgɛ́ mbɛ ne cyó ndzáʼá yé, a zɔŋɔ ŋgâ pǔkristo ghebe pɔ́ŋmɛ́ ŋkyɛ́ peʼ yɔ́b, mbó tséʼé pǔpfób.
Pé tsuŋu ŋweʼe yɔŋ pé níŋ?
Yɔŋ Pé nɛ́ njʉ́ pé tsuŋú ŋweʼe yɔŋ nɛ́:
Pɔlə ndǎ ŋgaŋantɔ́b, no yɛ́ a tsɔ nɛ́ ké mbó mbé no sísíŋ: 1:1-10
A kɛ tsɔ́ʼ Mboʼmvé tsɔ́ʼɔ́ Pɔ́lə ŋgâ a pé ŋgaŋantɔ́b: 1:11-24
Ndáá yɔ́b yɛ́ Ŋkəŋ sʉ́ʼʉ wéré kɛ ghaŋá syé ntsó nɛ́ kɛ pɛɛ ŋgâ kɔ́: 2:1-21
A ndaʼ psyɛ́ndzɔʼ mbé yɔ́b yɛ́ tɛɛmbɛ a zhyɛ́ ŋgâ ŋɔŋ tséʼé ndzǔne nɛ́: 3:1–4:31
Pɔ́ŋmɛ́, piŋi kʉyě mbəb yiŋi, mbó tee ŋgâ Zhʉye Yáŋme séd tsómvé yiŋi: 5:1–6:10
Tsómvé ffé yɛ́ Kristo fɛ́ nɛ́: 6:11-18.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល