Faʼ Ghaŋántɔ́b 12
12
Pe nɔ́ʼɔ́ Zhakə, mbó gbáá pětro máʼá ndátsáŋ
1A kɛ pɛ ne yéré ŋkhoʼmvé, fɔŋ Erodə syɛ́ ndzáá pecyó pǔkristo záá ne ŋgəʼo. 2A zhyɛ́ pe sɔ́bɔ́ Zhakə mɔ́ŋmɛ́ Zhâŋ ne memíí, a pfó. 3Ŋkhoʼyɛ́ a kɛ zhʉ́ ŋgâ ndzɔʼ pɛ Yúda kɛ yáŋa ndúŋú nɛ́, a zhyɛ́ pe gbáá cyó ŋɔŋ ŋkʉ́rʉ́, ŋɔŋ wéré pé Pětro. A kɛ pe zhyémve mbré kii mvuʼ. 4Njʉ́ pe kɛ gbáá wé nɛ́, a zhyɛ́ pe máʼá wé ndátsáŋ. A tsɔ́ pwó tsoʼ mɛdzɔŋ káŋató yíkwa yɛ́ pɔ́b kɛ pe pɛ pekwa nɛ́, ŋgâ pɔ́b tsé mvibɛ wé. Kɛ́ʼɛ́, a kpáŋa ŋgâ a ŋgyɛ́ pe fiʼɛ́ wé tétáá ŋkhoʼyɛ́ ndebéne Pasəka pɛ Yúda kɛ ghɛ̌ ndzáʼa nɛ́. 5Ntsʉ́ʼmbɛ njʉ́ Pětro kɛ pɛ́ ndátsáŋ nɛ́, pǔkristo ke ntsɛ́ʼɛ́ Mboʼmvé kii káŋ ŋkyé wé.
6Netsʉ́ʼ wɛ́ mvé kɛ ghɛ́ ŋkee fɔŋ Erodə fiʼɛ́ wé tétáá nɛ́, Pětro nû cʉ̌me ne tsáŋ yípáá tsetsɛrɛ káŋató pépáá tsé ŋgyé. Ghaŋápsibɛvǎ pó ntsɛ́ ntswěndáb. 7A ghɛ mvwɛ̂, taʼ aŋgere Ntsɛɛpɔŋ moo ntsɛ́ ndáb, ŋkɔŋɔ ywoʼ náá syɛ ndáŋa yáŋá. Aŋgere kébe nséŋgáŋ yé, njʉ́ʉ́ wé, ntsɔ́ pwó ye ŋgâ «Ŋáá syé zǎŋazâŋa!» Pɛ tsáŋ kéʼ náá ndzó mbwó mé. 8Aŋgere pó ntsɔ́ pwó ye ŋgâ: «Ŋkwód ŋkandáá yo, mbó ŋkwód kpii tɔ́kpee mó.» Pětro ke ŋgyɛ̌ néré. Aŋgere ké mbó ntsó ŋgâ: «Gbéé ndzwé yo yé fóó, ntsʉʼɔ ndzəb mo!» 9Pětro twɔ́ ndzəb yé. A kɛ pé tsé ndzɛ́ ŋgâ no yɛ́ aŋgere zhyɛ́ nɛ́, sísíŋ pó. A kɛ kpáŋa ye pe ŋgâ a zhyé ndzəb. 10Pɔ́b záʼ sɔ́ ywóʼ yɛ́ pe kɛ psibɛ vǎ yóʼó nɛ́, ndzaʼ zhʉbɛ́ yípáá, mbáŋa ndúŋú ntswěndáb wɛ́ a kɛ pe ne tʉ́ŋɔ́, pé záʼa ndzóó, ntwɔ́ mvé nɛ́. A ke ntsɔ́ʼɔ́ ne ndúŋ yé síŋ pɔ́b. Ŋkhoʼyɛ́ pɔ́b kɛ páŋa mvé nɛ́, pɔ́b ghú kaʼatɛ mbáŋa tó mɛndɔ́b, Pětro ghɛ mvwɛ́ aŋgere nyʉyí. 11Mii mé yáŋ, a nsó ŋgâ: «Mə ndzóʼ nɛ́ ŋkhoʼyɔŋ. A sísíŋ, Ntsɛɛpɔŋ twɔ́ aŋgere ye, a kpéé ya ndzó mbwó fɔŋ Erodə pwɛ ŋkɔŋɔ kpaŋató kəpɔŋ pɛ́, Yúda kɛ ntséʼé ŋkyé ya náá nɛ́.» 12Tó yé yáŋ, a ghú ndáb Malya, mɛ́ Zhâŋ wɛ́ pe kɛ fú wé ne Máákuusə nɛ́. A kɛ ghɛmbɛ pɔŋ zááme tɛ́rɛ yóʼó tsé ntsɛ́ʼɛ́ Mboʼmvé. 13Ŋkhoʼyɛ́ a kɛ kɔ́b ntswěkaŋ nɛ́, taʼ ŋgaŋafaʼ Mɔ́ŋ məŋgʉ́yé wɛ́ tíí kɛ pe Rodɛ nɛ́, kʉ́yó mbód. 14A zí ndzəb Pětro, ndebéne gháʼmbwo mé, ntsʉʼmbé a pe tsɔʼ ntswěkaŋ pó. Mbó ndɔ́ɔ́ ndéé, ŋgǔ nsó ŋgâ a Pětro nɛ́ ntswěkaŋ. 15Pé pɔ́rɔ́ pwó yé ŋgâ: «Wo kɛ pɛ́ɛ́!» Ntsʉʼmbé, a pe tsó fwóme pó. Pɔ́b pɔ́rɔ́ pwó ye ŋgâ: «Mbǒ a zyéé yé nɛ́!» 16Ntsʉʼmbé, Pětro ke kɔbɔ ntswěkaŋ kɔ́b. Pɔ́b ghɛ́ mê, ntsɔʼ, njʉ́ ŋgâ a kpaʼ yé sísíŋ, no ntsɛ́ɛ́ wɔ́b. 17A máʼ pwó yé ne pɔ́b ŋgâ pɔ́b móʼ ntwsee wɔ́b. A sí ne pɔ́b mbziʼe njʉ́ Ntsɛɛpɔŋ kɛ zhyɛ́ a twɔ́ ndátsáŋ nɛ́. A ghɛ́ kurɔ tó nsó yé, ntsɔ́ ne pɔ́b ŋgâ: «Puŋ ghú ŋgyɛ́ Zhakə pwɛ pɔ́ŋmɛ́ piŋi zé.» A ŋâ ŋkhoʼyɔŋ yóʼó, ndɔ́ɔ́ mɛndɔ́b ne ŋgúne ndzó cyó ywoʼ.
18Ŋkhoʼyɛ́ mvé kɛ kee nɛ́, pɛ káŋató tsé gbíí mbəb yɔ́b, ntsɔ́ ŋgâ: «A kɛ́ʼɛ́ ŋkúŋ kɔ́ ŋkúŋɔ́ Pětro?» 19Fɔŋ Erodə zhyɛ́ pe táʼá wé, ntsʉʼmbé, mbé zhʉ́ wé pó. Á zhyɛ́ pé tsú ghaŋápsibɛ vǎ kpaʼ sʉ́ʼʉ, mbó nsó ŋgâ pe kʉ́yó ne wɔ́b síŋ yé. Néré, fɔŋ Erodə ŋáá Zhʉde mviŋɛ́ Sezare, tsó yóʼó ne pɔ́ŋ zhyémve.
Fɔŋ Erodə pfó
20Fɔŋ Erodə pwɛ ghaŋá Tii ne Sidɔŋ kɛ tséʼé taʼ saʼá ntʉ̌ŋme, ŋgíyé mé tsé ndzuʼɔ wé ndúŋú kaʼatɛ. Pɔ́b tséʼé taʼ ntswee ne ŋgúne njʉ́ wé. Néré, pɔ́b ghú njʉ́ Belasətʉsə, pwɛ pɔ́b nsó ŋgâ a ghɛ́bɛ́ wɔ́b. Belasətʉsə wéré kɛ pé tsʉʼfɔŋ kəkwéʼe wɛ́ a kɛ tiŋɛ́ zyéndáb fɔŋ nɛ́. Pɔ́b gháá a ntsɔ̌ fɔŋ, pwɛ pɔ́b ghɔ́rɔ́ syé ntsuŋu. Pɔ́b kɛ táʼ ŋkɔŋɔ ndzaʼye Yekénɛ́ náá kɛ́ʼɛ́ ŋkyé ŋgâ, mwɔ̌ pɔ́b kɛ twɔ̌ ŋgɔŋ fɔŋ Erodə. 21Zhyémvé yɛ́ pɔ́b kɛ tíí nɛ́ kuʼu. Fɔŋ Erodə gbéé ndzwé péfɔŋ, ŋgɔrɔ́ záŋ, ndzyě ne sáʼne yáʼ, 22pɔŋ kɛ ghóʼo wé ntsɔ́ ŋgâ: «Yɔŋ gháŋ mbɛ́ɛ́ ndzəb taʼ Mboʼmvé, a ndzəb ŋumesɔŋ ŋkʉ́rʉ́ pó!» 23Pe ghɛ́ mvuwɛ, taʼ aŋgere Ntsɛɛpɔŋ gbíí fɔŋ Erodə, njʉ́ a kɛ pé fɛ́ ŋgúʼune pwó Mboʼmvé nɛ́ pó. Pɛ sɔɔ pfob yé sɔ́bɔ́ wé, a pfó.
24A kɛ pe néré, nsó Mboʼmvé ke mêmě mgbáʼá ywoʼ, ŋgú ne ssó. 25Ŋgɛ́ ŋkhú ne Baanabasə pú Sɔlə, pɔ́b mê faʼ yɔ́b Yerʉ́salɛm ŋgú yɔ́b, ŋgɛmbɛ ndɔ́ɔ́ Zhâŋ wɛ́ pe kɛ fú ne Máákuusə nɛ́, pú pɔ́b ghú.
ទើបបានជ្រើសរើសហើយ៖
Faʼ Ghaŋántɔ́b 12: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 12
12
Pe nɔ́ʼɔ́ Zhakə, mbó gbáá pětro máʼá ndátsáŋ
1A kɛ pɛ ne yéré ŋkhoʼmvé, fɔŋ Erodə syɛ́ ndzáá pecyó pǔkristo záá ne ŋgəʼo. 2A zhyɛ́ pe sɔ́bɔ́ Zhakə mɔ́ŋmɛ́ Zhâŋ ne memíí, a pfó. 3Ŋkhoʼyɛ́ a kɛ zhʉ́ ŋgâ ndzɔʼ pɛ Yúda kɛ yáŋa ndúŋú nɛ́, a zhyɛ́ pe gbáá cyó ŋɔŋ ŋkʉ́rʉ́, ŋɔŋ wéré pé Pětro. A kɛ pe zhyémve mbré kii mvuʼ. 4Njʉ́ pe kɛ gbáá wé nɛ́, a zhyɛ́ pe máʼá wé ndátsáŋ. A tsɔ́ pwó tsoʼ mɛdzɔŋ káŋató yíkwa yɛ́ pɔ́b kɛ pe pɛ pekwa nɛ́, ŋgâ pɔ́b tsé mvibɛ wé. Kɛ́ʼɛ́, a kpáŋa ŋgâ a ŋgyɛ́ pe fiʼɛ́ wé tétáá ŋkhoʼyɛ́ ndebéne Pasəka pɛ Yúda kɛ ghɛ̌ ndzáʼa nɛ́. 5Ntsʉ́ʼmbɛ njʉ́ Pětro kɛ pɛ́ ndátsáŋ nɛ́, pǔkristo ke ntsɛ́ʼɛ́ Mboʼmvé kii káŋ ŋkyé wé.
6Netsʉ́ʼ wɛ́ mvé kɛ ghɛ́ ŋkee fɔŋ Erodə fiʼɛ́ wé tétáá nɛ́, Pětro nû cʉ̌me ne tsáŋ yípáá tsetsɛrɛ káŋató pépáá tsé ŋgyé. Ghaŋápsibɛvǎ pó ntsɛ́ ntswěndáb. 7A ghɛ mvwɛ̂, taʼ aŋgere Ntsɛɛpɔŋ moo ntsɛ́ ndáb, ŋkɔŋɔ ywoʼ náá syɛ ndáŋa yáŋá. Aŋgere kébe nséŋgáŋ yé, njʉ́ʉ́ wé, ntsɔ́ pwó ye ŋgâ «Ŋáá syé zǎŋazâŋa!» Pɛ tsáŋ kéʼ náá ndzó mbwó mé. 8Aŋgere pó ntsɔ́ pwó ye ŋgâ: «Ŋkwód ŋkandáá yo, mbó ŋkwód kpii tɔ́kpee mó.» Pětro ke ŋgyɛ̌ néré. Aŋgere ké mbó ntsó ŋgâ: «Gbéé ndzwé yo yé fóó, ntsʉʼɔ ndzəb mo!» 9Pětro twɔ́ ndzəb yé. A kɛ pé tsé ndzɛ́ ŋgâ no yɛ́ aŋgere zhyɛ́ nɛ́, sísíŋ pó. A kɛ kpáŋa ye pe ŋgâ a zhyé ndzəb. 10Pɔ́b záʼ sɔ́ ywóʼ yɛ́ pe kɛ psibɛ vǎ yóʼó nɛ́, ndzaʼ zhʉbɛ́ yípáá, mbáŋa ndúŋú ntswěndáb wɛ́ a kɛ pe ne tʉ́ŋɔ́, pé záʼa ndzóó, ntwɔ́ mvé nɛ́. A ke ntsɔ́ʼɔ́ ne ndúŋ yé síŋ pɔ́b. Ŋkhoʼyɛ́ pɔ́b kɛ páŋa mvé nɛ́, pɔ́b ghú kaʼatɛ mbáŋa tó mɛndɔ́b, Pětro ghɛ mvwɛ́ aŋgere nyʉyí. 11Mii mé yáŋ, a nsó ŋgâ: «Mə ndzóʼ nɛ́ ŋkhoʼyɔŋ. A sísíŋ, Ntsɛɛpɔŋ twɔ́ aŋgere ye, a kpéé ya ndzó mbwó fɔŋ Erodə pwɛ ŋkɔŋɔ kpaŋató kəpɔŋ pɛ́, Yúda kɛ ntséʼé ŋkyé ya náá nɛ́.» 12Tó yé yáŋ, a ghú ndáb Malya, mɛ́ Zhâŋ wɛ́ pe kɛ fú wé ne Máákuusə nɛ́. A kɛ ghɛmbɛ pɔŋ zááme tɛ́rɛ yóʼó tsé ntsɛ́ʼɛ́ Mboʼmvé. 13Ŋkhoʼyɛ́ a kɛ kɔ́b ntswěkaŋ nɛ́, taʼ ŋgaŋafaʼ Mɔ́ŋ məŋgʉ́yé wɛ́ tíí kɛ pe Rodɛ nɛ́, kʉ́yó mbód. 14A zí ndzəb Pětro, ndebéne gháʼmbwo mé, ntsʉʼmbé a pe tsɔʼ ntswěkaŋ pó. Mbó ndɔ́ɔ́ ndéé, ŋgǔ nsó ŋgâ a Pětro nɛ́ ntswěkaŋ. 15Pé pɔ́rɔ́ pwó yé ŋgâ: «Wo kɛ pɛ́ɛ́!» Ntsʉʼmbé, a pe tsó fwóme pó. Pɔ́b pɔ́rɔ́ pwó ye ŋgâ: «Mbǒ a zyéé yé nɛ́!» 16Ntsʉʼmbé, Pětro ke kɔbɔ ntswěkaŋ kɔ́b. Pɔ́b ghɛ́ mê, ntsɔʼ, njʉ́ ŋgâ a kpaʼ yé sísíŋ, no ntsɛ́ɛ́ wɔ́b. 17A máʼ pwó yé ne pɔ́b ŋgâ pɔ́b móʼ ntwsee wɔ́b. A sí ne pɔ́b mbziʼe njʉ́ Ntsɛɛpɔŋ kɛ zhyɛ́ a twɔ́ ndátsáŋ nɛ́. A ghɛ́ kurɔ tó nsó yé, ntsɔ́ ne pɔ́b ŋgâ: «Puŋ ghú ŋgyɛ́ Zhakə pwɛ pɔ́ŋmɛ́ piŋi zé.» A ŋâ ŋkhoʼyɔŋ yóʼó, ndɔ́ɔ́ mɛndɔ́b ne ŋgúne ndzó cyó ywoʼ.
18Ŋkhoʼyɛ́ mvé kɛ kee nɛ́, pɛ káŋató tsé gbíí mbəb yɔ́b, ntsɔ́ ŋgâ: «A kɛ́ʼɛ́ ŋkúŋ kɔ́ ŋkúŋɔ́ Pětro?» 19Fɔŋ Erodə zhyɛ́ pe táʼá wé, ntsʉʼmbé, mbé zhʉ́ wé pó. Á zhyɛ́ pé tsú ghaŋápsibɛ vǎ kpaʼ sʉ́ʼʉ, mbó nsó ŋgâ pe kʉ́yó ne wɔ́b síŋ yé. Néré, fɔŋ Erodə ŋáá Zhʉde mviŋɛ́ Sezare, tsó yóʼó ne pɔ́ŋ zhyémve.
Fɔŋ Erodə pfó
20Fɔŋ Erodə pwɛ ghaŋá Tii ne Sidɔŋ kɛ tséʼé taʼ saʼá ntʉ̌ŋme, ŋgíyé mé tsé ndzuʼɔ wé ndúŋú kaʼatɛ. Pɔ́b tséʼé taʼ ntswee ne ŋgúne njʉ́ wé. Néré, pɔ́b ghú njʉ́ Belasətʉsə, pwɛ pɔ́b nsó ŋgâ a ghɛ́bɛ́ wɔ́b. Belasətʉsə wéré kɛ pé tsʉʼfɔŋ kəkwéʼe wɛ́ a kɛ tiŋɛ́ zyéndáb fɔŋ nɛ́. Pɔ́b gháá a ntsɔ̌ fɔŋ, pwɛ pɔ́b ghɔ́rɔ́ syé ntsuŋu. Pɔ́b kɛ táʼ ŋkɔŋɔ ndzaʼye Yekénɛ́ náá kɛ́ʼɛ́ ŋkyé ŋgâ, mwɔ̌ pɔ́b kɛ twɔ̌ ŋgɔŋ fɔŋ Erodə. 21Zhyémvé yɛ́ pɔ́b kɛ tíí nɛ́ kuʼu. Fɔŋ Erodə gbéé ndzwé péfɔŋ, ŋgɔrɔ́ záŋ, ndzyě ne sáʼne yáʼ, 22pɔŋ kɛ ghóʼo wé ntsɔ́ ŋgâ: «Yɔŋ gháŋ mbɛ́ɛ́ ndzəb taʼ Mboʼmvé, a ndzəb ŋumesɔŋ ŋkʉ́rʉ́ pó!» 23Pe ghɛ́ mvuwɛ, taʼ aŋgere Ntsɛɛpɔŋ gbíí fɔŋ Erodə, njʉ́ a kɛ pé fɛ́ ŋgúʼune pwó Mboʼmvé nɛ́ pó. Pɛ sɔɔ pfob yé sɔ́bɔ́ wé, a pfó.
24A kɛ pe néré, nsó Mboʼmvé ke mêmě mgbáʼá ywoʼ, ŋgú ne ssó. 25Ŋgɛ́ ŋkhú ne Baanabasə pú Sɔlə, pɔ́b mê faʼ yɔ́b Yerʉ́salɛm ŋgú yɔ́b, ŋgɛmbɛ ndɔ́ɔ́ Zhâŋ wɛ́ pe kɛ fú ne Máákuusə nɛ́, pú pɔ́b ghú.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល