Faʼ Ghaŋántɔ́b 10
10
Taʼ aŋgere nyóʼ mbəb yé pwó Kɔɔnɛyə
1Taʼ ŋɔŋ kɛ pɛ Sezare, tíí ye pé Kɔɔnɛyə, mbé ntsɛ́ssó mkpǐ káŋató wɛ́ pé kɛ fú ne «Ntsóʼ káŋató pɛ Italya» nɛ́. 2Njʉ́ a kɛ tséʼé pɔ́ɔ́ Mboʼmvé pwɛ ŋkɔŋɔ ndǎ ndáb yé náá, mbó ŋgyɛ́ meno pɛ́ a nyóʼó ŋgâ a kʉyě wé nɛ́, a yɔ́ɔ́ pǔpfób yé ŋgɛ́bɛ pǔ Yúda, mbó ntsɛ́ʼɛ́ Mboʼmvé ŋkɔŋɔ ŋkhoʼ náá. 3Taʼ zhyémve, ne ywɔ̌ náb yíkyéd ŋkhoʼ fwɔ̌nab kɛ́ʼɛ́, a tséʼé taʼ zhʉ́ywoʼ. Taʼ aŋgere Mboʼmvé shʉyí kúŋɔ́ ndáb ye, fú wé ŋgâ: «Kɔɔnɛyə!» 4Kɔɔnɛyə tiŋɛ́ wé ndzó míí mé, vod gbáá wé, a pód ŋgâ: «Ntsɛɛpɔŋ! A kɔ́?» Aŋgere pód ŋgâ: «Tséʼé wo, pwɛ pǔpfob wo síŋ Mboʼmvé nɛ́, mbɛ́ɛ́ no kəkwéʼe.» 5Ne ŋkhoʼyɔŋ, twɔ́ pɔŋ Zhópe, kɛ́ʼɛ́ ŋgâ pɔ́b zhyɛ́, cyó Símo wɛ́ pé fú wé ne Pětro nɛ́ kʉ́yó. 6A tsó nɛ́ yóʼó cyó Símo wɛ́ a taʼ ŋgaŋatɛŋɛ́ŋgɔb, ywoʼ ye pɛ ne gháánse nɛ́. 7Njʉ́ aŋgere wɛ́ a kɛ ké kɛ ŋǎ ŋǎ ne ntsóne no pwó Kɔɔnɛyə nɛ́, kɛ nʉyi nɛ́, a fú pɔŋ pépáá ndzɔ́ʼɔ́ ghaŋáfaʼ pé, pú taʼ káŋató wɛ́ a kɛ tíí ndzɔʼ ye mbəb Mboʼmvé kaʼatɛ, mbó ndzóʼó ntswee Kɔɔnɛyə féré zhyémve nɛ́. 8A sɔ́ŋɛ wɔ́b ne ŋkɔŋɔ meno pɛ́ a kɛ zɔŋɔ ŋgâ pɔ́b zé náá nɛ́, ntwɔ́ wɔ́b Zhópe.
Zhʉ́ywoʼ yɛ́ Pětro kɛ tsɛ́ʼɛ́ nɛ́
9Keemvé, njʉ́ pɔŋ pɛ́ Kɔɔnɛyə kɛ twɔ́ wɔ́b kɛ nyí kaʼatɛ tsé mbáŋa mbɛ́lʉ́ŋ nɛ́, Pětro pɛ ntsɔ̌ʼndáb, ntsɛ́ʼɛ́ Mboʼmvé, a kɛ ghɛmbɛ a pe ywɔ̌ ntʉ̌ŋménab kɛ́ʼɛ́. 10Ndzye zí wé, a zɔŋɔ ndzɔ̂ mɔ́b. Ŋkhoʼyɛ́ pé kɛ tsé nyí mɔ́b ne fɛ́ne pwó ye nɛ́, a ghəyí, njʉ́ taʼ no. 11A zhʉ́ pépéé ŋáʼ nsé wéé. Taʼ yɔ́b yɛ́ pé zé nɛ́ pó, yɔ́b njʉ́ cyó zhí mbziʼe ndzwé kəkwéʼe nɛ́, ŋgɛmbɛ pe gbaa ndúŋú tó pé pékwa, shʉyí ndzab á ndúŋú tsetsáʼ. 12Ŋkɔŋɔ mbziʼe mwɔ̂paʼ náá kɛ pɛ́ ndzóó. Pɛ́ pɔ́b tséʼé kpee meŋkwa nɛ́, pɛ́ pɔ́b ndɛ ndɛ̌yɛ̂ nɛ́, pwɛ pɛ́ pɔ́b ndɛ ndzyɛ̌ zyɛ̂ nɛ́. 13Taʼ ndzəb tsɔ́ pwó ye ŋgâ: «Pětro, nɔ́ʼ mpfód!» 14Pětro pód ŋgâ: «Ŋgaŋ, kɛ Ntsɛɛpɔŋ! ŋkyé ŋgâ féré ŋǎne máá syé, mə kǎ kɛ zɔ́ ywɔ̌ nsə, kii ŋgâ ywɔ̌ siŋɛ mbəb pó.» 15Ndzəb yéré ké mbó nsó mbɛ́rɛ́ yípáá ŋkʉ́rʉ́, ŋgâ: «Yɔ́b yɛ́ Mboʼmvé séd a khú ye yáŋme nɛ́, wo, wo kúʼɔ́ ne ntsóne ŋgâ a ywɔ̌ nzə pó!» 16Yéré no kɛ záʼ kɛ́ʼɛ́ kɛɛ yíkyéd. Fǐme nɛ́, yɔ́b yéré ŋáá ŋkɔ́ʼɔ́ pépéé.
17Pětro kɛ táʼa ne ŋkéʼne tsi no yɛ́ a kɛ zhʉ́ nɛ́ pwó tómbəb ye, mbé kúʼú pó. A kɛ ghɛmbɛ, pɔŋ pɛ́ Kɔɔnɛyə kɛ twɔ́ nɛ́, táʼ ndáb Símo kaʼatɛ. Kpaʼ ŋkhoʼ yéré yɛ́ Pětro kɛ kpáŋa tó ye nɛ́, pɔ́b tsɛ́ ntswěkaŋ. 18Pɔ́b fú ne tʉ̌ŋ ne ndzéne mbéyɛ́ a kpaʼ ndáb yɛ́ Símo wɛ́ pé kɛ fú wé né Pětro nɛ́, kɛ pɛ́ ndzóó nɛ́. 19No yɛ́ Pětro kɛ zhʉ́ nɛ́ kɛ ké fɛ̌ kpaŋató pwó yé. Ntsʉʼmbé, Zhʉye Mboʼmvé tsɔ́ pwó ye ŋgâ: «Pɔŋ pépáá penɔŋ, ntáʼa wo. 20Shʉ̌yi nɛ́ kpaʼ ŋkhoʼyɔŋ, puŋ pɔ́b yɔ́ɔ́ mɛndɔ́b, kii pó tsé kpáŋa cyó no, ŋkyé ŋgâ a twɔ́ mo ntwɔ́ wɔ́b.» 21Pětro shʉyí mbɛ́rɛ́ pɔŋ péré, ntsɔ́ ne pɔ́b ŋgâ: «Mə mbé nɔŋ nɛ́. A mo mbé ŋɔŋ wɛ́ pǔŋ taʼa wé nɛ́. Puŋ kʉ́yó nné no kɔ́?» 22Pɔ́b pód ŋgâ: «A twɔ́ Kɔɔnɛyə twɔ́ ywí. Kɔɔnɛyə wɛ́ a ntsɛ́ssó mkpǐ káŋató nɛ́, taʼ ŋɔŋ ŋgerɛ́ŋged, ntséʼé pɔ́ɔ́ Mboʼmvé, wɛ́ ŋkɔŋɔ pɛ Yúda náá tsɔ́ no súʼʉ́ ŋkyé wé nɛ́. Taʼ aŋgere yáŋme tsɔ́ pwó yé ŋgâ a fú wo ndáb yé, ne ndzóʼne pɛ meno pɛ́ wo tsɛ́ʼɛ́ ne ntsóne pwó yé nɛ́.» 23Néré, Pětro zhyɛ́ pɔ́b kúŋɔ́ ndáb, a ghəyɛ́ wɔ́b, pwɛ pɔ́b yáʼ.
Mvé kě, pwɛ pɔ́b ghú, pecyó pǔkristo ndzó mbɛ́lʉ́ŋ Zhópe tsyaŋa wɔ́b. 24Ne wiŋ nǐmwɔ́, á páŋá Sezare. Njʉ́ a kɛ ghɛmbɛ Kɔɔnɛyə pɛ́ yé tsé ndzwəʼɛ wɔ́b nɛ́, a kaʼ ndǎ ndáb ye pwɛ sɔ́ŋ pé pe nǔŋɔ tó ye. 25Ŋkhoʼyɛ́ Pětro kɛ ké mbáŋ nɛ́, Kɔɔnɛyə ghu pfúŋɔ́ ye, mvɔ́ ne kpee mé, fɛ́ ŋgúʼune pwó yé. 26Pětro tsɔ́ pwó yé ŋgâ: «Ŋǎ syé!» A ghɛ́bɛ́ wé, gbáá pwó yé, a ŋáá syé. A tsɔ́ pwó yé ŋgâ: «Mo yáá, mə ke mbɛ yáá pé ŋumesɔŋ!» 27Pú Kɔɔnɛyə nyí ntsɔ́, kúŋɔ́ ndáb, a zhʉ́ pɔŋ záá kaʼatɛ. 28Pětro nsó ŋgâ: «Puŋ zé ŋgâ a ndâ no kəpɔŋ pwó ŋǔ Yúda ne tə̌bne no, kii ne tsuŋúne no pú ŋushʉyɛ. Ntsʉ́ʼŋgɛmbɛ ne mo, Mboʼmvé ke kɛ zhyɛ́ zhyɛ́ mə ndzé ŋgâ a tsé mbé zɔŋɔ ŋgâ mə ndɔ́ɔ́ cyó ŋuməsɔŋ fú ne yɔ́b nzə kii ŋgâ ywɔ̌ siŋɛ mbəb pó. 29A zhyɛ́ yéré, ŋkhoʼyɛ́ wo fú ya nɛ́, mə ke kʉyǒ ne zyǎŋá mbəb. Ntsʉʼmbé, a ne ŋkhoʼyɔŋ, mə ndzɔŋɔ ndzɛ́ yɔ́b yɛ́ wo fú ya ndúŋú nɛ́.» 30Kɔɔnɛyə pɔ́rɔ́ pwó yé ŋgâ: «A ke mbɛ́ɛ́ ndaʼ zhyémve pékyéd njʉ́ mə kɛ tsé ntsɛ́ʼɛ́ Mboʼmvé ndáb mo, ne nab yíkyéd ne ŋkhoʼ fwɔ̌nab nɛ́. Ŋgɛ́ mvwɛ, taʼ ŋɔŋ ne ndzwé nyʉyíme tsɛ́ síŋ mo, 31ntsɔ́ ne mo ŋgâ: “Kɔɔnɛyə, Mboʼmvé zóʼ tséʼé wo. Ghɛ́bɛ́ pǔndzɔʼ yɛ́ wo ndɛ ŋgyɛ́ nɛ́ páŋa síŋ Mboʼmvé. 32Twɔ́ nɛ́ ŋɔŋ Zhópe, a fú Símo wɛ́ pe fú wé ne Pětro nɛ́, ŋgâ a kʉ́yó ghaŋ. A tsó pú Símo ŋgaŋatɛŋɛ́ŋgɔb, ne gháánse.” 33Mbe néré, mə ke ntwɔ́ pɔŋ kpaʼ Ŋkhoʼyéré ŋgâ pɔ́b kʉyó fú wo. Wo kiʼi mbó ntséʼé ndzɔʼ sʉ́ʼʉ ne ŋkʉyóne mbɛ́rɛ́ ywí. A ghɛmbɛ ne ŋkhoʼyɔŋ, psi kiʼi mbé nɔŋ, ŋkɔŋɔ ywí náá síŋ wo, ne ndzóʼne ŋkɔŋɔ meno pɛ́ Ntsɛɛpɔŋ twɔ́ wo ŋgâ wo tsɔ́ ne psi nɛ́.»
No yɛ́ Pětro kɛ tsɔ́ ywoʼ Kɔɔnɛyə nɛ́
34Néré, Pětro ŋáʼ ntswee yé ntsó ŋgâ: «Mə njʉ́ kpaʼ sísíŋ ŋgâ Mboʼmvé tsé mbé tɔ́ʼɔ ŋɔŋ pó. 35Mbó mbɛ ndzó ŋkɔŋɔ mvémvé náá, ntsye ŋɔŋ wɛ́ a tséʼé pɔ́ɔ́ Mboʼmvé mbó fáʼa no ŋgerɛ́ŋged nɛ́, Mboʼmvé ŋkʉ́yó ghəyɛ wé pfúŋɔ́ yé. 36Mboʼmvé kɛ twɔ́ nsó yé pé pwó pɔ́ŋ Issayɛ, Ŋkəŋ Sʉ́ʼʉ wɛ́ a fɛ́ mbúru nɛ́, ndzáʼá pwó Yěsô Kristo, ye wɛ́ a Ntsɛɛpɔŋ ŋkɔŋɔ pumésɔŋ náá nɛ́.
37Puŋ zé! No yéré kɛ zyě ŋkhóʼyɛ́ Zhâŋ kɛ ncʉ́rí kpênse nɛ́, a záʼá Galílya, mgbáʼ ndzó ŋkɔŋɔ pɛ́rɛ́ ŋgɔŋ Zhʉde náá. 38Yěsô wéré wɛ́, a kɛ pé Mɔ́ŋ ŋɔŋ Nǎzarɛd nɛ́, puŋ zɛ́ njʉ́, Mboʼmvé kɛ yúŋɔ́ wé ne Zhʉye Yáŋme pwɛ tʉ̌ŋ nɛ́. Néré, ŋkɔŋɔ ywoʼ pɛ́ a kɛ záʼa náá nɛ́, a pɛ yóʼó mbɛ́ɛ́ ŋgyɛ̌no sʉ́ʼʉ. Njʉ́ a kɛ pé pú Mboʼmvé nɛ́, a pɛ́rɛ́ ŋkɔŋɔ pɔŋ pɛ́ Sátaŋ kɛ sɛ́rɛ́ wɔ́b pɔ́b khú mkpaŋ pé náá nɛ́.
39Mbó ŋgɛ mbɛ ne psi, psi zhʉ́ ŋkɔŋɔ faʼ yé náá ndzó ŋgɔŋ pɛ́ Yúda, tsʉŋtsʉ́ŋ njʉ́ Yerʉ́salɛm nɛ́. Yé wɛ́ pé kɛ yɔɔ wé kpíí ndúŋú ŋgʉŋʉ, a pfó nɛ́. 40Ntsʉʼmbé, zhyémve pekyéd kuʼu, Mboʼmvé zhʉyɛ́ wé ne vó, mbó ŋgyɛ ŋgâ a nyóʼ mbəb ye 41mbé pɛ́ɛ́ pwó ŋkɔŋɔ pumésɔŋ náá pó. Ntsʉʼmbé mbɛ́ɛ́ ne psi, ghaŋákpééntáŋ pɛ́ Mboʼmvé kɛ pě ntsɔʼ nɛ́, psi pɛ́ psi yɛ́ pɔ́b kɛ zɔ̂ mbó nɔ̂, ŋkhoʼyɛ́ a kɛ zhʉyɛ́ ne vó nɛ́. 42A ghɛ́ kurɔ tó ye, ntsɔ́ ne psi ŋgâ psi cʉrí Ŋkəŋ Sʉ́ʼʉ pwó pumésɔŋ, ntsɔ́ né pɔ́b ŋgâ: “Yěsô, ŋɔŋ wɛ́ Mboʼmvé kɛ tsɔ́ʼ ŋgâ a sábafíʼ pɛ̌zhyaŋ pwɛ pɛ̌syé nɛ́.” 43Taʼ no yóʼó yɛ́ ŋkɔŋɔ ghaŋátsɔ́kpaŋató Mboʼmvé tsɔ́ náá ŋkyé wé nɛ́. No yéré pɛ́ɛ́ ŋgâ: “Á ne tíí ye, pe máʼ vɔ̌no ntsye ŋɔŋ wɛ́ a psyɛ́ wé nɛ́.”»
Zhʉye Yáŋme shʉyí mbəb pɔŋ pɛ́ pɔ́b kɛ pe pɛ Yúda nɛ́ pó
44Ŋkhoʼyɛ́ Pětro kɛ tsé ntsɔ́ meno péré néré nɛ́, Zhʉye Yáŋme shʉyí mbəb ŋkɔŋɔ pɔŋ pɛ́ pɔ́b kɛ tsé ndzóʼo nsó Mboʼmvé náá nɛ́. 45No ntsɛ́ɛ́ pǔkristo pɛ́ pɔ́b kɛ pé pɛ Yúda tsyáŋa Pětro nɛ́, pɔ́b pɛ́, pɔ́b pupsírime nɛ́, ŋkyé ŋgâ Zhʉye Yáŋme kɛ mgbaʼ nɛ́ ŋkhoʼyɔŋ ndzó ŋkɔŋɔ ywoʼ náá, kaʼatɛ mbáŋa mbəb pɔŋ pɛ́ pɔ́b kɛ pé pɛ Yúda nɛ́ pó. 46A kɛ pé néré, pɔ́b pó ndzóʼ pɔŋ péré pó tsɔ̌ pecyó pɛ nsó, mbó ndébɛ ghɛ́ɛ́ Mboʼmvé. Pětro pó ndɔ́ɔ́ nsó, ntsó ŋgâ: 47«Zhʉye Yáŋme shʉyí mbəb pɔŋ pɔ́ŋ njʉ́ piŋi nɛ́. Cyó ŋɔŋ pó mbé pɛ́ yóʼó wɛ́, tɛɛmbɛ a náŋá wɔ́b ne mkpêne nse nɛ́?» 48Pětro nsó ŋgâ pe fɛ́ kpênse ne pɔ́b ne tíí Yěsô Kristo. Néré, pɔ́b yɔ́ŋɔ́ pwó ye ŋgâ pwɛ pɔ́b pó tsó ŋkʉ́rʉ́ ne pɔ́ŋ zhyémve.
ទើបបានជ្រើសរើសហើយ៖
Faʼ Ghaŋántɔ́b 10: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 10
10
Taʼ aŋgere nyóʼ mbəb yé pwó Kɔɔnɛyə
1Taʼ ŋɔŋ kɛ pɛ Sezare, tíí ye pé Kɔɔnɛyə, mbé ntsɛ́ssó mkpǐ káŋató wɛ́ pé kɛ fú ne «Ntsóʼ káŋató pɛ Italya» nɛ́. 2Njʉ́ a kɛ tséʼé pɔ́ɔ́ Mboʼmvé pwɛ ŋkɔŋɔ ndǎ ndáb yé náá, mbó ŋgyɛ́ meno pɛ́ a nyóʼó ŋgâ a kʉyě wé nɛ́, a yɔ́ɔ́ pǔpfób yé ŋgɛ́bɛ pǔ Yúda, mbó ntsɛ́ʼɛ́ Mboʼmvé ŋkɔŋɔ ŋkhoʼ náá. 3Taʼ zhyémve, ne ywɔ̌ náb yíkyéd ŋkhoʼ fwɔ̌nab kɛ́ʼɛ́, a tséʼé taʼ zhʉ́ywoʼ. Taʼ aŋgere Mboʼmvé shʉyí kúŋɔ́ ndáb ye, fú wé ŋgâ: «Kɔɔnɛyə!» 4Kɔɔnɛyə tiŋɛ́ wé ndzó míí mé, vod gbáá wé, a pód ŋgâ: «Ntsɛɛpɔŋ! A kɔ́?» Aŋgere pód ŋgâ: «Tséʼé wo, pwɛ pǔpfob wo síŋ Mboʼmvé nɛ́, mbɛ́ɛ́ no kəkwéʼe.» 5Ne ŋkhoʼyɔŋ, twɔ́ pɔŋ Zhópe, kɛ́ʼɛ́ ŋgâ pɔ́b zhyɛ́, cyó Símo wɛ́ pé fú wé ne Pětro nɛ́ kʉ́yó. 6A tsó nɛ́ yóʼó cyó Símo wɛ́ a taʼ ŋgaŋatɛŋɛ́ŋgɔb, ywoʼ ye pɛ ne gháánse nɛ́. 7Njʉ́ aŋgere wɛ́ a kɛ ké kɛ ŋǎ ŋǎ ne ntsóne no pwó Kɔɔnɛyə nɛ́, kɛ nʉyi nɛ́, a fú pɔŋ pépáá ndzɔ́ʼɔ́ ghaŋáfaʼ pé, pú taʼ káŋató wɛ́ a kɛ tíí ndzɔʼ ye mbəb Mboʼmvé kaʼatɛ, mbó ndzóʼó ntswee Kɔɔnɛyə féré zhyémve nɛ́. 8A sɔ́ŋɛ wɔ́b ne ŋkɔŋɔ meno pɛ́ a kɛ zɔŋɔ ŋgâ pɔ́b zé náá nɛ́, ntwɔ́ wɔ́b Zhópe.
Zhʉ́ywoʼ yɛ́ Pětro kɛ tsɛ́ʼɛ́ nɛ́
9Keemvé, njʉ́ pɔŋ pɛ́ Kɔɔnɛyə kɛ twɔ́ wɔ́b kɛ nyí kaʼatɛ tsé mbáŋa mbɛ́lʉ́ŋ nɛ́, Pětro pɛ ntsɔ̌ʼndáb, ntsɛ́ʼɛ́ Mboʼmvé, a kɛ ghɛmbɛ a pe ywɔ̌ ntʉ̌ŋménab kɛ́ʼɛ́. 10Ndzye zí wé, a zɔŋɔ ndzɔ̂ mɔ́b. Ŋkhoʼyɛ́ pé kɛ tsé nyí mɔ́b ne fɛ́ne pwó ye nɛ́, a ghəyí, njʉ́ taʼ no. 11A zhʉ́ pépéé ŋáʼ nsé wéé. Taʼ yɔ́b yɛ́ pé zé nɛ́ pó, yɔ́b njʉ́ cyó zhí mbziʼe ndzwé kəkwéʼe nɛ́, ŋgɛmbɛ pe gbaa ndúŋú tó pé pékwa, shʉyí ndzab á ndúŋú tsetsáʼ. 12Ŋkɔŋɔ mbziʼe mwɔ̂paʼ náá kɛ pɛ́ ndzóó. Pɛ́ pɔ́b tséʼé kpee meŋkwa nɛ́, pɛ́ pɔ́b ndɛ ndɛ̌yɛ̂ nɛ́, pwɛ pɛ́ pɔ́b ndɛ ndzyɛ̌ zyɛ̂ nɛ́. 13Taʼ ndzəb tsɔ́ pwó ye ŋgâ: «Pětro, nɔ́ʼ mpfód!» 14Pětro pód ŋgâ: «Ŋgaŋ, kɛ Ntsɛɛpɔŋ! ŋkyé ŋgâ féré ŋǎne máá syé, mə kǎ kɛ zɔ́ ywɔ̌ nsə, kii ŋgâ ywɔ̌ siŋɛ mbəb pó.» 15Ndzəb yéré ké mbó nsó mbɛ́rɛ́ yípáá ŋkʉ́rʉ́, ŋgâ: «Yɔ́b yɛ́ Mboʼmvé séd a khú ye yáŋme nɛ́, wo, wo kúʼɔ́ ne ntsóne ŋgâ a ywɔ̌ nzə pó!» 16Yéré no kɛ záʼ kɛ́ʼɛ́ kɛɛ yíkyéd. Fǐme nɛ́, yɔ́b yéré ŋáá ŋkɔ́ʼɔ́ pépéé.
17Pětro kɛ táʼa ne ŋkéʼne tsi no yɛ́ a kɛ zhʉ́ nɛ́ pwó tómbəb ye, mbé kúʼú pó. A kɛ ghɛmbɛ, pɔŋ pɛ́ Kɔɔnɛyə kɛ twɔ́ nɛ́, táʼ ndáb Símo kaʼatɛ. Kpaʼ ŋkhoʼ yéré yɛ́ Pětro kɛ kpáŋa tó ye nɛ́, pɔ́b tsɛ́ ntswěkaŋ. 18Pɔ́b fú ne tʉ̌ŋ ne ndzéne mbéyɛ́ a kpaʼ ndáb yɛ́ Símo wɛ́ pé kɛ fú wé né Pětro nɛ́, kɛ pɛ́ ndzóó nɛ́. 19No yɛ́ Pětro kɛ zhʉ́ nɛ́ kɛ ké fɛ̌ kpaŋató pwó yé. Ntsʉʼmbé, Zhʉye Mboʼmvé tsɔ́ pwó ye ŋgâ: «Pɔŋ pépáá penɔŋ, ntáʼa wo. 20Shʉ̌yi nɛ́ kpaʼ ŋkhoʼyɔŋ, puŋ pɔ́b yɔ́ɔ́ mɛndɔ́b, kii pó tsé kpáŋa cyó no, ŋkyé ŋgâ a twɔ́ mo ntwɔ́ wɔ́b.» 21Pětro shʉyí mbɛ́rɛ́ pɔŋ péré, ntsɔ́ ne pɔ́b ŋgâ: «Mə mbé nɔŋ nɛ́. A mo mbé ŋɔŋ wɛ́ pǔŋ taʼa wé nɛ́. Puŋ kʉ́yó nné no kɔ́?» 22Pɔ́b pód ŋgâ: «A twɔ́ Kɔɔnɛyə twɔ́ ywí. Kɔɔnɛyə wɛ́ a ntsɛ́ssó mkpǐ káŋató nɛ́, taʼ ŋɔŋ ŋgerɛ́ŋged, ntséʼé pɔ́ɔ́ Mboʼmvé, wɛ́ ŋkɔŋɔ pɛ Yúda náá tsɔ́ no súʼʉ́ ŋkyé wé nɛ́. Taʼ aŋgere yáŋme tsɔ́ pwó yé ŋgâ a fú wo ndáb yé, ne ndzóʼne pɛ meno pɛ́ wo tsɛ́ʼɛ́ ne ntsóne pwó yé nɛ́.» 23Néré, Pětro zhyɛ́ pɔ́b kúŋɔ́ ndáb, a ghəyɛ́ wɔ́b, pwɛ pɔ́b yáʼ.
Mvé kě, pwɛ pɔ́b ghú, pecyó pǔkristo ndzó mbɛ́lʉ́ŋ Zhópe tsyaŋa wɔ́b. 24Ne wiŋ nǐmwɔ́, á páŋá Sezare. Njʉ́ a kɛ ghɛmbɛ Kɔɔnɛyə pɛ́ yé tsé ndzwəʼɛ wɔ́b nɛ́, a kaʼ ndǎ ndáb ye pwɛ sɔ́ŋ pé pe nǔŋɔ tó ye. 25Ŋkhoʼyɛ́ Pětro kɛ ké mbáŋ nɛ́, Kɔɔnɛyə ghu pfúŋɔ́ ye, mvɔ́ ne kpee mé, fɛ́ ŋgúʼune pwó yé. 26Pětro tsɔ́ pwó yé ŋgâ: «Ŋǎ syé!» A ghɛ́bɛ́ wé, gbáá pwó yé, a ŋáá syé. A tsɔ́ pwó yé ŋgâ: «Mo yáá, mə ke mbɛ yáá pé ŋumesɔŋ!» 27Pú Kɔɔnɛyə nyí ntsɔ́, kúŋɔ́ ndáb, a zhʉ́ pɔŋ záá kaʼatɛ. 28Pětro nsó ŋgâ: «Puŋ zé ŋgâ a ndâ no kəpɔŋ pwó ŋǔ Yúda ne tə̌bne no, kii ne tsuŋúne no pú ŋushʉyɛ. Ntsʉ́ʼŋgɛmbɛ ne mo, Mboʼmvé ke kɛ zhyɛ́ zhyɛ́ mə ndzé ŋgâ a tsé mbé zɔŋɔ ŋgâ mə ndɔ́ɔ́ cyó ŋuməsɔŋ fú ne yɔ́b nzə kii ŋgâ ywɔ̌ siŋɛ mbəb pó. 29A zhyɛ́ yéré, ŋkhoʼyɛ́ wo fú ya nɛ́, mə ke kʉyǒ ne zyǎŋá mbəb. Ntsʉʼmbé, a ne ŋkhoʼyɔŋ, mə ndzɔŋɔ ndzɛ́ yɔ́b yɛ́ wo fú ya ndúŋú nɛ́.» 30Kɔɔnɛyə pɔ́rɔ́ pwó yé ŋgâ: «A ke mbɛ́ɛ́ ndaʼ zhyémve pékyéd njʉ́ mə kɛ tsé ntsɛ́ʼɛ́ Mboʼmvé ndáb mo, ne nab yíkyéd ne ŋkhoʼ fwɔ̌nab nɛ́. Ŋgɛ́ mvwɛ, taʼ ŋɔŋ ne ndzwé nyʉyíme tsɛ́ síŋ mo, 31ntsɔ́ ne mo ŋgâ: “Kɔɔnɛyə, Mboʼmvé zóʼ tséʼé wo. Ghɛ́bɛ́ pǔndzɔʼ yɛ́ wo ndɛ ŋgyɛ́ nɛ́ páŋa síŋ Mboʼmvé. 32Twɔ́ nɛ́ ŋɔŋ Zhópe, a fú Símo wɛ́ pe fú wé ne Pětro nɛ́, ŋgâ a kʉ́yó ghaŋ. A tsó pú Símo ŋgaŋatɛŋɛ́ŋgɔb, ne gháánse.” 33Mbe néré, mə ke ntwɔ́ pɔŋ kpaʼ Ŋkhoʼyéré ŋgâ pɔ́b kʉyó fú wo. Wo kiʼi mbó ntséʼé ndzɔʼ sʉ́ʼʉ ne ŋkʉyóne mbɛ́rɛ́ ywí. A ghɛmbɛ ne ŋkhoʼyɔŋ, psi kiʼi mbé nɔŋ, ŋkɔŋɔ ywí náá síŋ wo, ne ndzóʼne ŋkɔŋɔ meno pɛ́ Ntsɛɛpɔŋ twɔ́ wo ŋgâ wo tsɔ́ ne psi nɛ́.»
No yɛ́ Pětro kɛ tsɔ́ ywoʼ Kɔɔnɛyə nɛ́
34Néré, Pětro ŋáʼ ntswee yé ntsó ŋgâ: «Mə njʉ́ kpaʼ sísíŋ ŋgâ Mboʼmvé tsé mbé tɔ́ʼɔ ŋɔŋ pó. 35Mbó mbɛ ndzó ŋkɔŋɔ mvémvé náá, ntsye ŋɔŋ wɛ́ a tséʼé pɔ́ɔ́ Mboʼmvé mbó fáʼa no ŋgerɛ́ŋged nɛ́, Mboʼmvé ŋkʉ́yó ghəyɛ wé pfúŋɔ́ yé. 36Mboʼmvé kɛ twɔ́ nsó yé pé pwó pɔ́ŋ Issayɛ, Ŋkəŋ Sʉ́ʼʉ wɛ́ a fɛ́ mbúru nɛ́, ndzáʼá pwó Yěsô Kristo, ye wɛ́ a Ntsɛɛpɔŋ ŋkɔŋɔ pumésɔŋ náá nɛ́.
37Puŋ zé! No yéré kɛ zyě ŋkhóʼyɛ́ Zhâŋ kɛ ncʉ́rí kpênse nɛ́, a záʼá Galílya, mgbáʼ ndzó ŋkɔŋɔ pɛ́rɛ́ ŋgɔŋ Zhʉde náá. 38Yěsô wéré wɛ́, a kɛ pé Mɔ́ŋ ŋɔŋ Nǎzarɛd nɛ́, puŋ zɛ́ njʉ́, Mboʼmvé kɛ yúŋɔ́ wé ne Zhʉye Yáŋme pwɛ tʉ̌ŋ nɛ́. Néré, ŋkɔŋɔ ywoʼ pɛ́ a kɛ záʼa náá nɛ́, a pɛ yóʼó mbɛ́ɛ́ ŋgyɛ̌no sʉ́ʼʉ. Njʉ́ a kɛ pé pú Mboʼmvé nɛ́, a pɛ́rɛ́ ŋkɔŋɔ pɔŋ pɛ́ Sátaŋ kɛ sɛ́rɛ́ wɔ́b pɔ́b khú mkpaŋ pé náá nɛ́.
39Mbó ŋgɛ mbɛ ne psi, psi zhʉ́ ŋkɔŋɔ faʼ yé náá ndzó ŋgɔŋ pɛ́ Yúda, tsʉŋtsʉ́ŋ njʉ́ Yerʉ́salɛm nɛ́. Yé wɛ́ pé kɛ yɔɔ wé kpíí ndúŋú ŋgʉŋʉ, a pfó nɛ́. 40Ntsʉʼmbé, zhyémve pekyéd kuʼu, Mboʼmvé zhʉyɛ́ wé ne vó, mbó ŋgyɛ ŋgâ a nyóʼ mbəb ye 41mbé pɛ́ɛ́ pwó ŋkɔŋɔ pumésɔŋ náá pó. Ntsʉʼmbé mbɛ́ɛ́ ne psi, ghaŋákpééntáŋ pɛ́ Mboʼmvé kɛ pě ntsɔʼ nɛ́, psi pɛ́ psi yɛ́ pɔ́b kɛ zɔ̂ mbó nɔ̂, ŋkhoʼyɛ́ a kɛ zhʉyɛ́ ne vó nɛ́. 42A ghɛ́ kurɔ tó ye, ntsɔ́ ne psi ŋgâ psi cʉrí Ŋkəŋ Sʉ́ʼʉ pwó pumésɔŋ, ntsɔ́ né pɔ́b ŋgâ: “Yěsô, ŋɔŋ wɛ́ Mboʼmvé kɛ tsɔ́ʼ ŋgâ a sábafíʼ pɛ̌zhyaŋ pwɛ pɛ̌syé nɛ́.” 43Taʼ no yóʼó yɛ́ ŋkɔŋɔ ghaŋátsɔ́kpaŋató Mboʼmvé tsɔ́ náá ŋkyé wé nɛ́. No yéré pɛ́ɛ́ ŋgâ: “Á ne tíí ye, pe máʼ vɔ̌no ntsye ŋɔŋ wɛ́ a psyɛ́ wé nɛ́.”»
Zhʉye Yáŋme shʉyí mbəb pɔŋ pɛ́ pɔ́b kɛ pe pɛ Yúda nɛ́ pó
44Ŋkhoʼyɛ́ Pětro kɛ tsé ntsɔ́ meno péré néré nɛ́, Zhʉye Yáŋme shʉyí mbəb ŋkɔŋɔ pɔŋ pɛ́ pɔ́b kɛ tsé ndzóʼo nsó Mboʼmvé náá nɛ́. 45No ntsɛ́ɛ́ pǔkristo pɛ́ pɔ́b kɛ pé pɛ Yúda tsyáŋa Pětro nɛ́, pɔ́b pɛ́, pɔ́b pupsírime nɛ́, ŋkyé ŋgâ Zhʉye Yáŋme kɛ mgbaʼ nɛ́ ŋkhoʼyɔŋ ndzó ŋkɔŋɔ ywoʼ náá, kaʼatɛ mbáŋa mbəb pɔŋ pɛ́ pɔ́b kɛ pé pɛ Yúda nɛ́ pó. 46A kɛ pé néré, pɔ́b pó ndzóʼ pɔŋ péré pó tsɔ̌ pecyó pɛ nsó, mbó ndébɛ ghɛ́ɛ́ Mboʼmvé. Pětro pó ndɔ́ɔ́ nsó, ntsó ŋgâ: 47«Zhʉye Yáŋme shʉyí mbəb pɔŋ pɔ́ŋ njʉ́ piŋi nɛ́. Cyó ŋɔŋ pó mbé pɛ́ yóʼó wɛ́, tɛɛmbɛ a náŋá wɔ́b ne mkpêne nse nɛ́?» 48Pětro nsó ŋgâ pe fɛ́ kpênse ne pɔ́b ne tíí Yěsô Kristo. Néré, pɔ́b yɔ́ŋɔ́ pwó ye ŋgâ pwɛ pɔ́b pó tsó ŋkʉ́rʉ́ ne pɔ́ŋ zhyémve.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល