1 Korɛŋto 15
15
No yɛ́ pɛ ghaŋántɔ́b cʉ́rɛ nɛ́
1Pɔ́ŋmɛ́ páá, mə fú tó yúŋ nɛ́ ne Ŋkəŋ Sʉ́ʼʉ yɛ́ mə kɛ cʉ́rɛ ne puŋ, puŋ zóʼ mbó ntsɛ́ ndúŋú kaʼatɛ mbáŋa ndzebé nɛ́. 2Mbó mbé Ŋkəŋ Sʉ́ʼʉ yɛ́, puŋ ndáá ndúŋú ntsɛ́ʼɛ́ ndzǔne, Mbéyɛ́ puŋ tsɛ́ ndúŋú njʉ́ mə kɛ tsɔ́ ne puŋ nɛ́. Mbé pé néré pó, mbǒ psyɛ́ndzɔʼ yúŋ kɛ pɛ́ɛ́ ndzəndzoʼ. 3Sɔ́ no yɛ́ mə kɛ zhyɛ́ nɛ́, kɛ pɛ̌ nyǒʼne wúŋ ne meno pɛ́, pe kɛ nyóʼó ya ywoʼ nuŋ nɛ́. No yéré pɛɛ ŋgâ: Kristo kɛ pfó ŋkyé meno kəpɔŋ piŋi, njʉ́ Ŋweʼe Yáŋme tsɔ́ nɛ́. 4A ke mbó sɔ́ŋɔ́ wíŋi ŋgâ pé kɛ cʉ́ wé, mbɛ́rɛ́ zhyémve yíkyéd, a zhʉyɛ́ ne vó, njʉ́ Ŋweʼe Yáŋme tsɔ́ nɛ́. 5A kɛ nyóʼ mbəb ye pwó Kefasə, ké mbó nyóʼó pwó ntsɔ̌b ŋgíŋgye pépáá.
6A kɛ ké mbó, nyóʼ mbəb ye ŋkʉ́rʉ́ pwó kpǐ pɔ́ŋmɛ́ petáŋ, taʼ kɛɛ. Mbɛ njʉ́ pecyó kɛ pfo nɛ́, záá wɔ́b kɛ kɛrɛ́ yóʼó. 7A kɛ nyóʼ mbəb ye pwó Zhakə, ké mbó nyóʼó pwó ŋkɔŋɔ ghaŋántɔ́b náá. 8Ŋgɛ mee, a nyóʼ mbəb ye ne mo, mo wɛ́ mə mbɛ́ɛ́ njʉ́, ŋɔŋ wɛ́ pe pfɛ́ wé kii ŋkhoʼ kúʼu nɛ́. 9Ŋkyé ŋgâ, mə mbɛ́ɛ́ kpaʼ mɔ́ŋtiʼa ŋɔŋ ndzɔ́ʼɔ́ ghaŋántɔ́b, mo wɛ́ a tsyɛ́ ŋgâ tɛɛmbɛ pe fú ya ne ŋgaŋantɔ́b nɛ́ pó. Ŋkyé ŋgâ mə kɛ záá pǔkristo ne ŋgəʼo. 10Ntsʉʼmbé, a zhyɛ́ foʼ ndzəndzoʼ Mboʼmvé mə mbé yɔ́b yɛ́, mə ghu nɛ́. Foʼndzəndzoʼ ye yéré, kɛ pé pɛ́ mbəb mo pé ndzəndzoʼ pó. A kɛ po ŋgyɛ́ mə faʼ ntsɛ́ɛ́ ŋkɔŋɔ wɔ́b náá: ntsʉʼmbé, a pe fáʼa mo pó, a fáʼa foʼndzəndzoʼ Mboʼmvé yɛ́ a kɛ pɛ mbəb mo, nɛ́. 11Néré kɛ́ʼɛ́, kii a ncʉrɛ mo, kii a ncʉrɛ pɔ́b, mbǒ yekénɛ́ no yɛ́ nɛ́ psi ncʉrɛ nɛ́, mbó mbé no yɛ́ nɛ́, puŋ kɛ psyɛ́ nɛ́.
Ntʉ́ʉ́ ndúŋú njʉyɛ́ne ne vó
12A pɛ́ɛ́ yɛ́ psi ncʉrɛ ŋgâ Kristo zhʉyɛ́ ne vó nɛ́, a pó ŋgyɛ́ kɔ pecyó pɔŋ ndzɔ́ʼɔ́ puŋ tsɔ ŋgâ njʉyɛ́ne ne vó yóʼó pɔɔ? 13A pɛ́ɛ́ yɛ́ pɔŋ tsé mbé zhʉyɛ́ ne vó nɛ́ pó, mbǒ ŋ ŋkɔʼɔtómbəb Kristo kɛ ké mbe zhʉyɛ́ ne vó pó. 14Mbó Mbéyɛ́ Kristo kɛ pe zhʉyɛ́ ne vó nɛ́ pó, mbǒ meno pɛ́ psi cʉ́rɛ nɛ́, pɛ́ɛ́ faʼa nuru, psyɛ́ndzɔʼ yuŋ pó mbɛɛ ndzəndzoʼ. 15A pɛɛ yɛ́ a sísíŋ ŋgâ pe zhʉyɛ́ ne vó nɛ́ pó, mbǒ kpê ntáŋ Mboʼmvé yɛ psi kpê nɛ́, pɛɛ yé mbwɔ̂. Ŋkyé ŋgâ psi tsɔ̌ mbwɔ̂ ŋgâ, Mboʼmvé zhʉyɛ́ Kristo ne vó, tsʉ́ʼŋgɛmbɛ a pe zhʉyɛ́ wé pó. 16A pɛ́ɛ́ yɛ́ pɔŋ tsé mbé zhʉyɛ́ ne vó nɛ́ pó, mbǒ Kristo kɛ ké mbé zhʉyɛ́ ne vó pó. 17Mbó Mbéyɛ́ Kristo kɛ pe zhʉyɛ́ ne vó nɛ́ pó, mbǒ psyɛ́ndzɔʼ yúŋ pɛɛ ndzəndzoʼ, puŋ ké mbó kɛ kɛrɛ́ ndzɔ́ʼɔ́ kəpɔŋ puŋ. 18A pɛ́ɛ́ pe néré, mbǒ pɔŋ pɛ́ pɔ́b ghɛ̂ mpfɔ́, tséʼé psyɛ́ndzɔʼ mbəb Kristo nɛ́ pwópwó. 19A pɛ́ɛ́ yɛ́ piŋi tíí ndzɔʼ yiŋi mbəb Kristo, ke mbɛ́ɛ́ ndúŋú ndaʼ tsómvé yɔŋ nɛ́, mbǒ piŋi ndáá ghaŋáŋgəʼó ndzɔ́ʼɔ́ ŋkɔŋɔ pumésɔŋ náá.
20Ntsʉʼmbé, Kristo kɛ zhʉyɛ́ ne vó, mbé sɔ́ ŋɔŋ ndzɔ́ʼɔ́ pɔŋ pɛ́ pɔ́b kɛ pfó nɛ́. 21Ndaʼ ŋgâ njʉ́ vó kɛ záʼá mbəb taʼ ŋɔŋ mbé nɛ́, njʉyɛ́ne ne vó ké mbó ndzáʼa mbəb taʼ ŋɔŋ mbɛ́. 22Njʉ́ ŋkɔŋɔ pɔŋ náá yǎ mbəb Ádam pfɔ́ nɛ́, ŋkɔŋɔ pɔŋ náá ke náʼá ndǎ mbəb Kristo, ntsɛ́ʼɛ́ tsómvé. 23Ntsʉʼmbé, mbɛwɔ̂ náʼa ké tsɛ́ʼɛ́ yé ywoʼɔ́ ntsɛ́: Kristo pě mbé sɔ́ ye, zhʉbí pé pɔŋ pɛ́ pɔ́b pǔkristo ŋkhoʼyɛ́ a náʼá mbɔ́rɔ́ ŋkʉ́yó nɛ́. 24Néré, ŋkhoʼyɛ́ a núʼú Nofɔŋ ye pwó Mboʼmvé, ye wɛ́ a Tɛd nɛ́. Ŋgɛmbɛ a kɛ ŋwʉʼi ŋkɔŋɔ tʉ́ŋ sáʼne, ŋkɔŋɔ tʉ̌ŋ pwɛ ŋkɔŋɔ pɔŋ pɛ́ pɔ́b tséʼé meno péré náá nɛ́, tó pɛ meno páŋ. 25Ŋkyé ŋgâ a zɔŋɔ ŋgâ no fɔŋ ye kyáŋá kaʼatɛ Mboʼmvé zhyɛ́ ŋkɔŋɔ ghaŋákepeŋe pé náá, tsʉʼ ywoʼɔ́tíí kpee mé. 26Njʉyǐndzʉ ŋgaŋakəpeŋe wɛ́ pé kʉ́yó mbóó nɛ́, a vó, 27Ŋkyé ŋgâ a fɛ́ ŋkɔŋɔ mɔ́b náá tsi kpee mé.
Ntsʉʼmbé ŋkhoʼyɛ́ a ŋkʉ́yó tsɔ́ ŋgâ: «Ŋkɔŋɔ yɔ́b náá fɛ́ mbəb ye syé nɛ́», a yáŋ ŋgâ, ŋɔŋ wɛ́ a zhyɛ́ ŋgâ ŋkɔŋɔ yɔ́b náá pɛ́ tsi kpee mé nɛ́, ndzóʼó pó. 28Ŋkhoʼyɛ́ Mboʼmvé ŋkʉ́yó ŋgyɛ ŋkɔŋɔ yɔ́b náá fɛ́ mbəb ye syé nɛ́, Mɔ́ŋ Mboʼmvé ne tómbəb ye, ké mbó fɛ́ ye mbəb syé síŋ ŋɔŋ wɛ́ a zhyɛ́ ŋgâ ŋkɔŋɔ yɔ́b náá pɛ tsi kpee mé nɛ́, kɛ́ʼɛ́ ŋgâ Mboʼmvé pé fɔŋ ndúŋú ŋkɔŋɔ no náá.
29A ghɛmbɛ a pé pɛ́ɛ́ néré pó, mbǒ pɔŋ pɛ́ pɔ́b kpênse ne tíí pfɔ̂ pɔŋ nɛ́, táʼa kɔ́? Ɔ́ŋɔ́, piŋi psyɛ́ ŋgâ pɔŋ tsé mbé zhʉyɛ́ ne vó pó, tɛ pɔ́b kpênse ne tíí yɔ́b pé ne kɔ́? 30Ŋgɛ khú ne piŋi, a zhyɛ́ kɔ́ ŋkɔŋɔ ŋkhoʼ náá piŋi ke mbɛ tswee vó? 31Pɔ́ŋmɛ́ páá, ŋkɔŋɔ zhyémve náá, vó ke mwɔ̌ ya mwɔ̂. Mə sə́ŋɛ́ wúŋ nɛ́ kɛ́ʼɛ́, ŋkyé ŋgâ puŋ pɔŋ pɛ́ mə tiʼɛ nuŋ ne tíí Ntsɛɛpɔŋ wíŋi Yěsô Kristo nɛ́. 32Psyɛ nǎkaʼ kɛ maʼántsɔ ndzó mbɛ́lʉ́ŋ Éfɛ̂zə. A kɛ ghɛmbɛ a pɛɛ kpaŋató pumésɔŋ, mbǒ yéré ghebe ya pe ne kɔ́? A pɛ́ɛ́ yɛ́ pɔŋ ŋkʉ́yó njʉyɛ́ ne vó nɛ́ pó, piŋi zó mbó nɔ́, ŋkyé ŋgâ nǐmwɔ́ piŋi pfó, njʉ́ pe tsɔ́ nɛ́. 33Puŋ ndɛ shʉyɛ́ mbəb yúŋ: kpěsɔ́ŋ kəpɔŋ ndɛ mbúbɔ́ mbziʼe sʉ́ʼʉ nɛ́. 34Puŋ tee mɛndɔ́b kəpɔŋ wekénɛ́ mbódndzəb, njʉ́ a nzɔŋɔ nɛ́! Puŋ ndɛ mbó ŋgyɛ́ no kəpɔŋ, ŋkyé ŋgâ pecyó pɔ́ŋ ndzɔ́ʼɔ́ puŋ tséʼé zɛ́no Mboʼmvé pó. Mə ntsɔ́ kɛ́ʼɛ́ pé ne mǎʼne pfɔ́shʉ́ŋ tó puŋ.
Pɔŋ pɛ́ pɔ́b náʼa njʉyɛ́ ne vó nɛ́ náʼá mbɛɛ níŋ
35Ŋkhoʼcyó, cyó ŋɔŋ ŋkʉ́yó mvirɛ ŋgâ: «Tɛ pé ŋkʉ́yó njʉyɛ́ ne vó pe mbziʼe níŋ? Pɔŋ náʼá njʉyɛ́ ne yɛ́rɛ́ mbziʼe mbəb?» 36Ghəghəŋ njʉ́ ye nɛ́! Yɔ́b yɛ́ wo pfé nɛ́, mbɔŋ mbé pfó pó, a pé sáʼ ntsómvé pó.
37Yɔ́b yɛ́ wo pfé nɛ́ ke mbɛɛ ndaʼ ndíí yɔ́b, tɛɛmbɛ a pe ndíí ŋgəsáŋ kii ŋgâ ndii yɔ́b ndúŋ. Wo pfɛ̂ tsi ŋgə̌saŋ ŋgâ a pó sáʼá pó. 38Néré, Mboʼmvé zhyɛ́ ndii yɔ́b yéré sáʼ, mbé tsi yɔ́b yɛ́ a kʉyě nɛ́. Tsi yɔ́b yɛ́ a sáʼá nɛ́, kembɛ́ ndii yɔ́b yɛ́ wo pfɛ́ nɛ́.
39Cyó taʼ mbəb fwɛ́ɛ́ pú cyó pó. Mbəb pumésɔŋ kembɛ́ mbziʼe ndúŋ, ne ye mwɔ̌paʼ, ne ye péshʉŋ, kii ne ye pɛ ssó. 40Pecyó mɔ́b yóʼó, ntsó yɔ́b pe pépéé, pecyó tsó ndúŋú tsetsáʼ, pɔ́b pe tséʼé taʼ mbziʼe pó. 41Ménab ke ntɛ̌ ye mbziʼe. Ménab ntsúʼ ke ntɛ̌ yé mbziʼe. Pɛ saŋ ke nyʉ́yi yɔb mbziʼe. Mbɛ ndzɔ́ʼɔ́ pɛ saŋ, mbɛ yɛ́rɛ́ ndii ke nyʉ́yi ye zhí.
42A ke mbé nɛ́ njʉ́ njʉyɛ́ne ne vó ghu nɛ́. Pé pé tɛ cʉ́ ŋɔŋ a yúb, ŋkhoʼyɛ́ a pe tɛ njʉyɛ nɛ́, tɛɛmbɛ a pó mbé yúb ŋkʉ́rʉ́ pó. 43Pé ghɛ́ cʉ́ wé nyáŋa nyáŋá. Ŋkhoʼyɛ́ a pó njʉyɛ́ ne vó nɛ́, a pó cʉ́ʼɔ́ ywɔ̌ ghúʼúme, pé ghɛ̂ cʉ́ wé, a pɛ́ɛ́ tséŋeme. Ŋkhoʼyɛ́ a zhʉyɛ́ nɛ́, tʉ̌ŋ gháʼmbwó me. 44Pé ghɛ̂ cʉ́ wé, mbəb ye pɛɛ njʉ ye naakaʼ nɛ́. Ŋkhoʼyɛ́ a zhʉyɛ́ nɛ́, mbəb pɛɛ yɛ́, Zhʉye Mboʼmvé ndzóó nɛ́. A pɛ́ɛ́ yɛ́ mbəb yóʼó njʉ́ yé naakaʼ nɛ́, mbǒ cyó mbəb kembɛ́ yóʼó, a pé Zhʉye Mboʼmvé ndzóó. 45Sɔ́ ŋumesoŋ wɛ́ tíí kɛ pe Ádam nɛ́, kɛ pe taʼ naakaʼ wɛ́ Mboʼmvé kɛ fɛ́ tsómvé pwó ye nɛ́. Njʉyǐndzʉ Ádam pé taʼ ŋɔŋ wɛ́ Zhʉye Mboʼmvé kɛ pɛ mbəb ye, a fɛ́ tsómvé. 46A yɔ́b njʉ́ mbəb ŋumesɔŋ nɛ́ mbé sɔ́ yɔ́b, a ŋɔŋ wɛ́ Zhʉye Mboʼmvé tsó ndzóó nɛ́, mbé sɔ́ yɔ́b pó, yéré ŋkʉ́yó ndzəb. 47Sɔ́ ŋɔŋ kɛ ghɛ̂ mbɛ, pe yɔ̌ tsetsáʼ mbwɔ̂ wé núŋ. A ke njʉyí ye pe tsetsáʼ. Zhʉbɛ́ ŋɔŋ yípáá ghɛmbɛ, ntwɔ́ ye pe pépéé. 48Pɔŋ pɛ́ pɔ́b tsó ndúŋú tsetsáʼ nɛ́ kembé nɛ́ pe njʉ́, ŋɔŋ wɛ́ pe pwɔ̂ wé pe ne tsetsáʼ nɛ́. Pɔŋ pɛ pɔ́b tsó pépéé nɛ́, kembé nɛ́ pe njʉ́ ŋɔŋ wɛ́ a twɔ́ pépéé nɛ́.
49Ntsʉ́ŋtsʉ́ŋ njʉ́ piŋi kɛ pě fwɛ́ɛ́ ŋɔŋ wɛ́ pe kɛ pwɔ̂ wé, pe ne tsetsáʼ nɛ́, piŋi ké ŋkʉ́yó yiŋi ghɛmbɛ́ fwɛ́ɛ́ ŋɔŋ wɛ́ a twɔ́ pépéé nɛ́. 50Pɔ́ŋmɛ́ páá, yɔŋɔ no yɛ́ mə nzɔŋɔ ntsɔ́ nɛ́. Tɛɛmbɛ yɔ́b yɛ́ a ye ndzab mbəb kii ye nsə nɛ́, pe kʉ́yó ŋkuŋɔ́ ne Nofɔŋ Mboʼmvé pó. Yɔ́b yɛ́ a yúbɔ nɛ́ ghɛ́ mbé tób ywoʼ pú yɛ́ a naʼ ndúb nɛ́, pó.
51Mə ŋgyɛ́ puŋ zé taʼ no ywʉ̌me. Piŋi ŋkʉ́yó pfo náá pó. Ntsʉʼmbé ŋkɔŋɔ wíŋi náá, piŋi ŋkʉ́yó sɛ́rɛ, mbɛ mbziʼe ndúŋ. 52A ne mɔ́ŋtiʼa ŋkhoʼ, pé ghɛ́ mvuwɛ́, njʉyǐnjʉyî ntaŋ tú. Ŋkyé ŋgâ ntaŋ náʼá tú, pɔŋ zhʉyɛ́ ne vó mbó mbé pe yɔ́b yúbme ŋkʉ́rʉ́ pó. Ŋgɛmbɛ ne piŋi, piŋi sɛrɛ yiŋi séd. 53A zɔŋɔ ŋgâ mbəb yiŋi yɔŋ yɛ́ tɛɛmbɛ a yúb nɛ́, séd ntsʉ́ʼ yɛ́ tɛɛmbɛ a pe yúb nɛ́ pó. A nzɔŋɔ ŋgâ mbəb yiŋi yɔŋ yɛ́ tɛɛmbɛ a pfó nɛ́, séd tsʉ́ʼ yɛ́ tɛɛmbɛ a pé pfo nɛ́ pó.
54Ŋkhoʼyɛ́ yɔ́b yɔŋ yɛ́ tɛɛmbɛ a yúb nɛ́, náʼá tsʉ́ʼɔ yɛ́ tɛɛmbɛ a pe yúb nɛ́ pó, yɔ́b yɔŋ yɛ́ tɛɛmbɛ a pfó nɛ́, tsʉ́ʼ yɛ́ tɛɛmbɛ a pó mbé pfó nɛ́ pó, tó nsó Mboʼmvé yɔŋ yúŋú: «Pe maʼ tsɛ́ɛ́ vó. Pe mɛ́ wé taʼ kɛɛ.» 55«Vó! Mǎʼne tsɛ̌ yɛ́ wo kɛ tséʼé nɛ́ yɛ? Khǔntsɔ mó mɛ́ wo kɛ tséʼé nɛ́ yɛ?» 56A kəpɔŋ mbé khǔntsɔ vó, a po fɛ́ kaŋ fɛ tʉ̌ŋ pwó kəpɔŋ.
57Piŋi fɛ́ ŋgúʼune pwó Mboʼmvé, ye wɛ́ a yǎ mbəb Yěsô Kristo Ntsɛɛpɔŋ wíŋi ŋgyɛ́, piŋi maʼ ntsɛɛ vó nɛ́. 58Kɛ́ʼɛ́ kɛ pɔ́ŋmɛ́ páá pɛ́ mə kʉ́yé nɛ́, kii ndzɔʼ yuŋ ndɛ nteŋe, kii ndzɔʼ yuŋ ndɛ mvód, puŋ ke sáʼá tʉ̌ŋ faʼa faʼ Ntsɛɛpɔŋ ghú nuŋ ne ssó. Tsé ndzɛ ŋgâ ŋgəʼo yéré ŋkʉ́yó ndzaʼ ndzəndzoʼ siŋi Ntsɛɛpɔŋ pó.
ទើបបានជ្រើសរើសហើយ៖
1 Korɛŋto 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 15
15
No yɛ́ pɛ ghaŋántɔ́b cʉ́rɛ nɛ́
1Pɔ́ŋmɛ́ páá, mə fú tó yúŋ nɛ́ ne Ŋkəŋ Sʉ́ʼʉ yɛ́ mə kɛ cʉ́rɛ ne puŋ, puŋ zóʼ mbó ntsɛ́ ndúŋú kaʼatɛ mbáŋa ndzebé nɛ́. 2Mbó mbé Ŋkəŋ Sʉ́ʼʉ yɛ́, puŋ ndáá ndúŋú ntsɛ́ʼɛ́ ndzǔne, Mbéyɛ́ puŋ tsɛ́ ndúŋú njʉ́ mə kɛ tsɔ́ ne puŋ nɛ́. Mbé pé néré pó, mbǒ psyɛ́ndzɔʼ yúŋ kɛ pɛ́ɛ́ ndzəndzoʼ. 3Sɔ́ no yɛ́ mə kɛ zhyɛ́ nɛ́, kɛ pɛ̌ nyǒʼne wúŋ ne meno pɛ́, pe kɛ nyóʼó ya ywoʼ nuŋ nɛ́. No yéré pɛɛ ŋgâ: Kristo kɛ pfó ŋkyé meno kəpɔŋ piŋi, njʉ́ Ŋweʼe Yáŋme tsɔ́ nɛ́. 4A ke mbó sɔ́ŋɔ́ wíŋi ŋgâ pé kɛ cʉ́ wé, mbɛ́rɛ́ zhyémve yíkyéd, a zhʉyɛ́ ne vó, njʉ́ Ŋweʼe Yáŋme tsɔ́ nɛ́. 5A kɛ nyóʼ mbəb ye pwó Kefasə, ké mbó nyóʼó pwó ntsɔ̌b ŋgíŋgye pépáá.
6A kɛ ké mbó, nyóʼ mbəb ye ŋkʉ́rʉ́ pwó kpǐ pɔ́ŋmɛ́ petáŋ, taʼ kɛɛ. Mbɛ njʉ́ pecyó kɛ pfo nɛ́, záá wɔ́b kɛ kɛrɛ́ yóʼó. 7A kɛ nyóʼ mbəb ye pwó Zhakə, ké mbó nyóʼó pwó ŋkɔŋɔ ghaŋántɔ́b náá. 8Ŋgɛ mee, a nyóʼ mbəb ye ne mo, mo wɛ́ mə mbɛ́ɛ́ njʉ́, ŋɔŋ wɛ́ pe pfɛ́ wé kii ŋkhoʼ kúʼu nɛ́. 9Ŋkyé ŋgâ, mə mbɛ́ɛ́ kpaʼ mɔ́ŋtiʼa ŋɔŋ ndzɔ́ʼɔ́ ghaŋántɔ́b, mo wɛ́ a tsyɛ́ ŋgâ tɛɛmbɛ pe fú ya ne ŋgaŋantɔ́b nɛ́ pó. Ŋkyé ŋgâ mə kɛ záá pǔkristo ne ŋgəʼo. 10Ntsʉʼmbé, a zhyɛ́ foʼ ndzəndzoʼ Mboʼmvé mə mbé yɔ́b yɛ́, mə ghu nɛ́. Foʼndzəndzoʼ ye yéré, kɛ pé pɛ́ mbəb mo pé ndzəndzoʼ pó. A kɛ po ŋgyɛ́ mə faʼ ntsɛ́ɛ́ ŋkɔŋɔ wɔ́b náá: ntsʉʼmbé, a pe fáʼa mo pó, a fáʼa foʼndzəndzoʼ Mboʼmvé yɛ́ a kɛ pɛ mbəb mo, nɛ́. 11Néré kɛ́ʼɛ́, kii a ncʉrɛ mo, kii a ncʉrɛ pɔ́b, mbǒ yekénɛ́ no yɛ́ nɛ́ psi ncʉrɛ nɛ́, mbó mbé no yɛ́ nɛ́, puŋ kɛ psyɛ́ nɛ́.
Ntʉ́ʉ́ ndúŋú njʉyɛ́ne ne vó
12A pɛ́ɛ́ yɛ́ psi ncʉrɛ ŋgâ Kristo zhʉyɛ́ ne vó nɛ́, a pó ŋgyɛ́ kɔ pecyó pɔŋ ndzɔ́ʼɔ́ puŋ tsɔ ŋgâ njʉyɛ́ne ne vó yóʼó pɔɔ? 13A pɛ́ɛ́ yɛ́ pɔŋ tsé mbé zhʉyɛ́ ne vó nɛ́ pó, mbǒ ŋ ŋkɔʼɔtómbəb Kristo kɛ ké mbe zhʉyɛ́ ne vó pó. 14Mbó Mbéyɛ́ Kristo kɛ pe zhʉyɛ́ ne vó nɛ́ pó, mbǒ meno pɛ́ psi cʉ́rɛ nɛ́, pɛ́ɛ́ faʼa nuru, psyɛ́ndzɔʼ yuŋ pó mbɛɛ ndzəndzoʼ. 15A pɛɛ yɛ́ a sísíŋ ŋgâ pe zhʉyɛ́ ne vó nɛ́ pó, mbǒ kpê ntáŋ Mboʼmvé yɛ psi kpê nɛ́, pɛɛ yé mbwɔ̂. Ŋkyé ŋgâ psi tsɔ̌ mbwɔ̂ ŋgâ, Mboʼmvé zhʉyɛ́ Kristo ne vó, tsʉ́ʼŋgɛmbɛ a pe zhʉyɛ́ wé pó. 16A pɛ́ɛ́ yɛ́ pɔŋ tsé mbé zhʉyɛ́ ne vó nɛ́ pó, mbǒ Kristo kɛ ké mbé zhʉyɛ́ ne vó pó. 17Mbó Mbéyɛ́ Kristo kɛ pe zhʉyɛ́ ne vó nɛ́ pó, mbǒ psyɛ́ndzɔʼ yúŋ pɛɛ ndzəndzoʼ, puŋ ké mbó kɛ kɛrɛ́ ndzɔ́ʼɔ́ kəpɔŋ puŋ. 18A pɛ́ɛ́ pe néré, mbǒ pɔŋ pɛ́ pɔ́b ghɛ̂ mpfɔ́, tséʼé psyɛ́ndzɔʼ mbəb Kristo nɛ́ pwópwó. 19A pɛ́ɛ́ yɛ́ piŋi tíí ndzɔʼ yiŋi mbəb Kristo, ke mbɛ́ɛ́ ndúŋú ndaʼ tsómvé yɔŋ nɛ́, mbǒ piŋi ndáá ghaŋáŋgəʼó ndzɔ́ʼɔ́ ŋkɔŋɔ pumésɔŋ náá.
20Ntsʉʼmbé, Kristo kɛ zhʉyɛ́ ne vó, mbé sɔ́ ŋɔŋ ndzɔ́ʼɔ́ pɔŋ pɛ́ pɔ́b kɛ pfó nɛ́. 21Ndaʼ ŋgâ njʉ́ vó kɛ záʼá mbəb taʼ ŋɔŋ mbé nɛ́, njʉyɛ́ne ne vó ké mbó ndzáʼa mbəb taʼ ŋɔŋ mbɛ́. 22Njʉ́ ŋkɔŋɔ pɔŋ náá yǎ mbəb Ádam pfɔ́ nɛ́, ŋkɔŋɔ pɔŋ náá ke náʼá ndǎ mbəb Kristo, ntsɛ́ʼɛ́ tsómvé. 23Ntsʉʼmbé, mbɛwɔ̂ náʼa ké tsɛ́ʼɛ́ yé ywoʼɔ́ ntsɛ́: Kristo pě mbé sɔ́ ye, zhʉbí pé pɔŋ pɛ́ pɔ́b pǔkristo ŋkhoʼyɛ́ a náʼá mbɔ́rɔ́ ŋkʉ́yó nɛ́. 24Néré, ŋkhoʼyɛ́ a núʼú Nofɔŋ ye pwó Mboʼmvé, ye wɛ́ a Tɛd nɛ́. Ŋgɛmbɛ a kɛ ŋwʉʼi ŋkɔŋɔ tʉ́ŋ sáʼne, ŋkɔŋɔ tʉ̌ŋ pwɛ ŋkɔŋɔ pɔŋ pɛ́ pɔ́b tséʼé meno péré náá nɛ́, tó pɛ meno páŋ. 25Ŋkyé ŋgâ a zɔŋɔ ŋgâ no fɔŋ ye kyáŋá kaʼatɛ Mboʼmvé zhyɛ́ ŋkɔŋɔ ghaŋákepeŋe pé náá, tsʉʼ ywoʼɔ́tíí kpee mé. 26Njʉyǐndzʉ ŋgaŋakəpeŋe wɛ́ pé kʉ́yó mbóó nɛ́, a vó, 27Ŋkyé ŋgâ a fɛ́ ŋkɔŋɔ mɔ́b náá tsi kpee mé.
Ntsʉʼmbé ŋkhoʼyɛ́ a ŋkʉ́yó tsɔ́ ŋgâ: «Ŋkɔŋɔ yɔ́b náá fɛ́ mbəb ye syé nɛ́», a yáŋ ŋgâ, ŋɔŋ wɛ́ a zhyɛ́ ŋgâ ŋkɔŋɔ yɔ́b náá pɛ́ tsi kpee mé nɛ́, ndzóʼó pó. 28Ŋkhoʼyɛ́ Mboʼmvé ŋkʉ́yó ŋgyɛ ŋkɔŋɔ yɔ́b náá fɛ́ mbəb ye syé nɛ́, Mɔ́ŋ Mboʼmvé ne tómbəb ye, ké mbó fɛ́ ye mbəb syé síŋ ŋɔŋ wɛ́ a zhyɛ́ ŋgâ ŋkɔŋɔ yɔ́b náá pɛ tsi kpee mé nɛ́, kɛ́ʼɛ́ ŋgâ Mboʼmvé pé fɔŋ ndúŋú ŋkɔŋɔ no náá.
29A ghɛmbɛ a pé pɛ́ɛ́ néré pó, mbǒ pɔŋ pɛ́ pɔ́b kpênse ne tíí pfɔ̂ pɔŋ nɛ́, táʼa kɔ́? Ɔ́ŋɔ́, piŋi psyɛ́ ŋgâ pɔŋ tsé mbé zhʉyɛ́ ne vó pó, tɛ pɔ́b kpênse ne tíí yɔ́b pé ne kɔ́? 30Ŋgɛ khú ne piŋi, a zhyɛ́ kɔ́ ŋkɔŋɔ ŋkhoʼ náá piŋi ke mbɛ tswee vó? 31Pɔ́ŋmɛ́ páá, ŋkɔŋɔ zhyémve náá, vó ke mwɔ̌ ya mwɔ̂. Mə sə́ŋɛ́ wúŋ nɛ́ kɛ́ʼɛ́, ŋkyé ŋgâ puŋ pɔŋ pɛ́ mə tiʼɛ nuŋ ne tíí Ntsɛɛpɔŋ wíŋi Yěsô Kristo nɛ́. 32Psyɛ nǎkaʼ kɛ maʼántsɔ ndzó mbɛ́lʉ́ŋ Éfɛ̂zə. A kɛ ghɛmbɛ a pɛɛ kpaŋató pumésɔŋ, mbǒ yéré ghebe ya pe ne kɔ́? A pɛ́ɛ́ yɛ́ pɔŋ ŋkʉ́yó njʉyɛ́ ne vó nɛ́ pó, piŋi zó mbó nɔ́, ŋkyé ŋgâ nǐmwɔ́ piŋi pfó, njʉ́ pe tsɔ́ nɛ́. 33Puŋ ndɛ shʉyɛ́ mbəb yúŋ: kpěsɔ́ŋ kəpɔŋ ndɛ mbúbɔ́ mbziʼe sʉ́ʼʉ nɛ́. 34Puŋ tee mɛndɔ́b kəpɔŋ wekénɛ́ mbódndzəb, njʉ́ a nzɔŋɔ nɛ́! Puŋ ndɛ mbó ŋgyɛ́ no kəpɔŋ, ŋkyé ŋgâ pecyó pɔ́ŋ ndzɔ́ʼɔ́ puŋ tséʼé zɛ́no Mboʼmvé pó. Mə ntsɔ́ kɛ́ʼɛ́ pé ne mǎʼne pfɔ́shʉ́ŋ tó puŋ.
Pɔŋ pɛ́ pɔ́b náʼa njʉyɛ́ ne vó nɛ́ náʼá mbɛɛ níŋ
35Ŋkhoʼcyó, cyó ŋɔŋ ŋkʉ́yó mvirɛ ŋgâ: «Tɛ pé ŋkʉ́yó njʉyɛ́ ne vó pe mbziʼe níŋ? Pɔŋ náʼá njʉyɛ́ ne yɛ́rɛ́ mbziʼe mbəb?» 36Ghəghəŋ njʉ́ ye nɛ́! Yɔ́b yɛ́ wo pfé nɛ́, mbɔŋ mbé pfó pó, a pé sáʼ ntsómvé pó.
37Yɔ́b yɛ́ wo pfé nɛ́ ke mbɛɛ ndaʼ ndíí yɔ́b, tɛɛmbɛ a pe ndíí ŋgəsáŋ kii ŋgâ ndii yɔ́b ndúŋ. Wo pfɛ̂ tsi ŋgə̌saŋ ŋgâ a pó sáʼá pó. 38Néré, Mboʼmvé zhyɛ́ ndii yɔ́b yéré sáʼ, mbé tsi yɔ́b yɛ́ a kʉyě nɛ́. Tsi yɔ́b yɛ́ a sáʼá nɛ́, kembɛ́ ndii yɔ́b yɛ́ wo pfɛ́ nɛ́.
39Cyó taʼ mbəb fwɛ́ɛ́ pú cyó pó. Mbəb pumésɔŋ kembɛ́ mbziʼe ndúŋ, ne ye mwɔ̌paʼ, ne ye péshʉŋ, kii ne ye pɛ ssó. 40Pecyó mɔ́b yóʼó, ntsó yɔ́b pe pépéé, pecyó tsó ndúŋú tsetsáʼ, pɔ́b pe tséʼé taʼ mbziʼe pó. 41Ménab ke ntɛ̌ ye mbziʼe. Ménab ntsúʼ ke ntɛ̌ yé mbziʼe. Pɛ saŋ ke nyʉ́yi yɔb mbziʼe. Mbɛ ndzɔ́ʼɔ́ pɛ saŋ, mbɛ yɛ́rɛ́ ndii ke nyʉ́yi ye zhí.
42A ke mbé nɛ́ njʉ́ njʉyɛ́ne ne vó ghu nɛ́. Pé pé tɛ cʉ́ ŋɔŋ a yúb, ŋkhoʼyɛ́ a pe tɛ njʉyɛ nɛ́, tɛɛmbɛ a pó mbé yúb ŋkʉ́rʉ́ pó. 43Pé ghɛ́ cʉ́ wé nyáŋa nyáŋá. Ŋkhoʼyɛ́ a pó njʉyɛ́ ne vó nɛ́, a pó cʉ́ʼɔ́ ywɔ̌ ghúʼúme, pé ghɛ̂ cʉ́ wé, a pɛ́ɛ́ tséŋeme. Ŋkhoʼyɛ́ a zhʉyɛ́ nɛ́, tʉ̌ŋ gháʼmbwó me. 44Pé ghɛ̂ cʉ́ wé, mbəb ye pɛɛ njʉ ye naakaʼ nɛ́. Ŋkhoʼyɛ́ a zhʉyɛ́ nɛ́, mbəb pɛɛ yɛ́, Zhʉye Mboʼmvé ndzóó nɛ́. A pɛ́ɛ́ yɛ́ mbəb yóʼó njʉ́ yé naakaʼ nɛ́, mbǒ cyó mbəb kembɛ́ yóʼó, a pé Zhʉye Mboʼmvé ndzóó. 45Sɔ́ ŋumesoŋ wɛ́ tíí kɛ pe Ádam nɛ́, kɛ pe taʼ naakaʼ wɛ́ Mboʼmvé kɛ fɛ́ tsómvé pwó ye nɛ́. Njʉyǐndzʉ Ádam pé taʼ ŋɔŋ wɛ́ Zhʉye Mboʼmvé kɛ pɛ mbəb ye, a fɛ́ tsómvé. 46A yɔ́b njʉ́ mbəb ŋumesɔŋ nɛ́ mbé sɔ́ yɔ́b, a ŋɔŋ wɛ́ Zhʉye Mboʼmvé tsó ndzóó nɛ́, mbé sɔ́ yɔ́b pó, yéré ŋkʉ́yó ndzəb. 47Sɔ́ ŋɔŋ kɛ ghɛ̂ mbɛ, pe yɔ̌ tsetsáʼ mbwɔ̂ wé núŋ. A ke njʉyí ye pe tsetsáʼ. Zhʉbɛ́ ŋɔŋ yípáá ghɛmbɛ, ntwɔ́ ye pe pépéé. 48Pɔŋ pɛ́ pɔ́b tsó ndúŋú tsetsáʼ nɛ́ kembé nɛ́ pe njʉ́, ŋɔŋ wɛ́ pe pwɔ̂ wé pe ne tsetsáʼ nɛ́. Pɔŋ pɛ pɔ́b tsó pépéé nɛ́, kembé nɛ́ pe njʉ́ ŋɔŋ wɛ́ a twɔ́ pépéé nɛ́.
49Ntsʉ́ŋtsʉ́ŋ njʉ́ piŋi kɛ pě fwɛ́ɛ́ ŋɔŋ wɛ́ pe kɛ pwɔ̂ wé, pe ne tsetsáʼ nɛ́, piŋi ké ŋkʉ́yó yiŋi ghɛmbɛ́ fwɛ́ɛ́ ŋɔŋ wɛ́ a twɔ́ pépéé nɛ́. 50Pɔ́ŋmɛ́ páá, yɔŋɔ no yɛ́ mə nzɔŋɔ ntsɔ́ nɛ́. Tɛɛmbɛ yɔ́b yɛ́ a ye ndzab mbəb kii ye nsə nɛ́, pe kʉ́yó ŋkuŋɔ́ ne Nofɔŋ Mboʼmvé pó. Yɔ́b yɛ́ a yúbɔ nɛ́ ghɛ́ mbé tób ywoʼ pú yɛ́ a naʼ ndúb nɛ́, pó.
51Mə ŋgyɛ́ puŋ zé taʼ no ywʉ̌me. Piŋi ŋkʉ́yó pfo náá pó. Ntsʉʼmbé ŋkɔŋɔ wíŋi náá, piŋi ŋkʉ́yó sɛ́rɛ, mbɛ mbziʼe ndúŋ. 52A ne mɔ́ŋtiʼa ŋkhoʼ, pé ghɛ́ mvuwɛ́, njʉyǐnjʉyî ntaŋ tú. Ŋkyé ŋgâ ntaŋ náʼá tú, pɔŋ zhʉyɛ́ ne vó mbó mbé pe yɔ́b yúbme ŋkʉ́rʉ́ pó. Ŋgɛmbɛ ne piŋi, piŋi sɛrɛ yiŋi séd. 53A zɔŋɔ ŋgâ mbəb yiŋi yɔŋ yɛ́ tɛɛmbɛ a yúb nɛ́, séd ntsʉ́ʼ yɛ́ tɛɛmbɛ a pe yúb nɛ́ pó. A nzɔŋɔ ŋgâ mbəb yiŋi yɔŋ yɛ́ tɛɛmbɛ a pfó nɛ́, séd tsʉ́ʼ yɛ́ tɛɛmbɛ a pé pfo nɛ́ pó.
54Ŋkhoʼyɛ́ yɔ́b yɔŋ yɛ́ tɛɛmbɛ a yúb nɛ́, náʼá tsʉ́ʼɔ yɛ́ tɛɛmbɛ a pe yúb nɛ́ pó, yɔ́b yɔŋ yɛ́ tɛɛmbɛ a pfó nɛ́, tsʉ́ʼ yɛ́ tɛɛmbɛ a pó mbé pfó nɛ́ pó, tó nsó Mboʼmvé yɔŋ yúŋú: «Pe maʼ tsɛ́ɛ́ vó. Pe mɛ́ wé taʼ kɛɛ.» 55«Vó! Mǎʼne tsɛ̌ yɛ́ wo kɛ tséʼé nɛ́ yɛ? Khǔntsɔ mó mɛ́ wo kɛ tséʼé nɛ́ yɛ?» 56A kəpɔŋ mbé khǔntsɔ vó, a po fɛ́ kaŋ fɛ tʉ̌ŋ pwó kəpɔŋ.
57Piŋi fɛ́ ŋgúʼune pwó Mboʼmvé, ye wɛ́ a yǎ mbəb Yěsô Kristo Ntsɛɛpɔŋ wíŋi ŋgyɛ́, piŋi maʼ ntsɛɛ vó nɛ́. 58Kɛ́ʼɛ́ kɛ pɔ́ŋmɛ́ páá pɛ́ mə kʉ́yé nɛ́, kii ndzɔʼ yuŋ ndɛ nteŋe, kii ndzɔʼ yuŋ ndɛ mvód, puŋ ke sáʼá tʉ̌ŋ faʼa faʼ Ntsɛɛpɔŋ ghú nuŋ ne ssó. Tsé ndzɛ ŋgâ ŋgəʼo yéré ŋkʉ́yó ndzaʼ ndzəndzoʼ siŋi Ntsɛɛpɔŋ pó.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល