1 Korɛŋto 11
11
1Puŋ yɛ́ɛ́ kpee ya, njʉ́ ŋ ŋkɔʼɔtómbəb ya, mə ndéé ya kpee Kristo nɛ́.
Ŋumbzí pú Məŋgʉyé siŋ Ntsɛɛpɔŋ
2Mə ŋgóʼó wúŋ nɛ́ ŋkyé ŋgâ puŋ tsé kpáŋa ya ne ŋkɔŋɔ khoʼ náá nɛ́, mbó ntíí kpee yuŋ ndúŋú ŋkɔŋɔ ntʉ́ʉ́ pɛ́ mə kɛ tsɔ́ ne puŋ náá nɛ́. 3Ntsʉʼmbé, mə zɔŋɔ ŋgâ puŋ zɛ́ yɔŋ no: a ntséʼé Kristo tséʼé ŋkɔŋɔ mbzíŋi náá, a ntséʼé ŋumbzí ntséʼé məŋgʉ́yé, a pó tséʼé Mboʼmvé ntsɛ́ʼɛ́ Kristo. 4Ŋkɔŋɔ ntsye ŋumbzí wɛ́ a ntsɛ́ʼɛ́ Mboʼmvé, kii ŋgâ ntsɔ́ kpaŋató Mboʼmvé ne cyoʼ tó ye nɛ́, waŋá ntsɛ́ssó ye. 5Ntsʉʼmbé ŋkɔŋɔ məŋgʉ́yé wɛ́ a ntsɛ́ʼɛ́ Mboʼmvé, kii ntsɔ́ kpaŋató Mboʼmvé ne tó ye wéé nɛ́ waŋá ntsɛ́ssó ye. Ŋkyé ŋgâ a pe néré a pɛɛ njʉ́ a k wɔ̂ tó ye k wɔ̂ nɛ́. 6A pɛ́ɛ́ yɛ́ məŋgʉyé ŋkwód tó yé nɛ́ pó, a kwɔ́! Ntsʉʼmbé a pɛ́ɛ yɛ́ ntsêne nwɔ̌tó me, kii ŋgâ ŋkwɔ̂ne fɛ́ɛ́ pfɔshʉŋ pwó ye nɛ́, a kwód tó yé. 7Mbɛ ne ŋumbzí, a tsé mbé zɔŋɔ ŋgâ a kwód tó ye pó. Mboʼmvé kɛ pwɔ̂ wé, a fwɛ́ɛ́ pe ye, a pó mbɛɛ ghɛ́ɛ́ ye. Ntsʉʼmbé məŋgʉ́yé pɛ ye pe ghɛ́ɛ́ ŋumbzí. 8Ŋkyé ŋgâ Mboʼmvé kɛ pe túbú yɔ́b pé mbəb məŋgʉ́yé mbwɔ̂ ŋumbzí núŋ pó, ntsʉʼmbé a kɛ túbɔ mbəb ŋumbzí, mbwɔ̂ məŋgʉ́yé núŋ. 9Mboʼmvé pó mbé pwɔ ŋumbzí ŋkyé məŋgʉ́yé pó, ntsʉʼmbé mbwɔ̂ məŋgʉ́yé ŋkyé ŋumbzí. 10A zhyɛ́ yéré nɛ́ ŋgâ, məŋgʉ́yé níŋ ɛ taʼ kiŋi ndúŋú tó ye, kɛ́ʼɛ́ ne nyǒʼne ŋgâ a zóʼo pwó ŋɔŋ, ŋkʉ́rʉ́ ŋkyé pɛ aŋgere.
11Ntsʉʼŋgɛmbɛ ne piŋi pɛ́, piŋɛ Ntsɛɛpɔŋ tə̌b khú taʼ ye nɛ́, a zɔŋɔ ŋgâ piŋi zé ŋgâ, ŋúmbzi yóʼó kii məŋgʉ́yé pó, kii məŋgʉ́yé pó mbɛ́ yóʼó kii ŋumbzí pó. 12Ŋkyé ŋgâ, Mboʼmvé kɛ túbú yɔ́b pe mbəb ŋumbzí mbwɔ̂ məŋgʉ́yé núŋ, a pó mvɛ́ məŋgʉ́yé mvɛ́ ŋumbzí, ŋkɔŋɔ yɔ́b náá pó kpaʼ náá ntwɔ̌ pwó Mboʼmvé. 13Puŋ tiŋí ne tómbəb yuŋ njʉ́ ŋgâ: a kɛ́ʼɛ́ tsyɛ́ ŋgâ məŋgʉ́yé ntsɛ́ʼɛ́ Mboʼmvé kii kwód tó ye? 14Kpaʼ sísíŋ, puŋ tsé mbé njʉ́ yuŋ ŋgâ a pɛɛ pfɔshʉŋ pwó ŋumbzí ne ntséʼene nwɔ̌tó sǎme pɔɔ? Piŋi tiŋɛ̂ mbziʼe yɛ́ Mboʼmvé kɛ tíí meno nɛ́, a ke ntʉ́ʉ́ tó yiŋi pe néré. 15Ntsʉʼgɛmbɛ pwó məŋgʉ́yé, a pɛɛ taʼ ghɛ́ɛ́, ŋkyé ŋgâ Mboʼmvé kɛ fɛ nwɔ̌tó pwó ye pe njʉ́ kúrɔ́tó ye nɛ́. 16Mbó mbéyɛ́ ŋɔŋ nzɔŋɔ tsɛ́ʼɛ́ kesed ndúŋú nɛ́, mbǒ psi tsɛ́ʼɛ́ zhí ye ke nɛ́ mbziʼe pó, mbɛ pɛ yáʼméted Mboʼmvé.
Ntɛd yɛ́ Ntsɛɛpɔŋ kɛ nuŋu nɛ́
17Piŋi tee no nuŋu kɛ́ʼɛ́. Mə tsɛ́ʼɛ́ ne ŋgǒʼne wúŋ pó, ŋkyé ŋgâ, ŋkhoʼyɛ́ puŋ téré nɛ́, ne yɛ́ meno puŋ ŋgɛ ŋgúú ne ssó nɛ́, á pó ŋkúŋɔ psyé páb puŋ. 18Mə ŋgɛ ndzye sə́ŋɛ́ wuŋ ŋgâ, pe sɔ́ŋɔ́ ya ŋgâ, ŋkhoʼyɛ́ puŋ tɛ́rɛ ndáméted nɛ́, saŋáywoʼ gháʼmbwó tsetsɛrɛ puŋ. Mə mbó njʉ́ ya ŋgâ, tɛɛmbɛ a naʼ mbé no sísíŋ. 19A zɔŋɔ mbɛ ŋgâ saŋaywoʼ pɛ́ tsetsɛrɛ puŋ, kɛ́ʼɛ́ ŋgâ pe zhʉ́ pɔŋ pɛ́, pe mbzyɛ́ nsó wɔ́b nɛ́. 20Ntsʉʼmbé ŋkhoʼyɛ́ nɛ́ puŋ pé tɛ téré nɛ́, a pó pɛɛ ne ndɔ̌ne ntɛ́d Ntsɛɛpɔŋ pó. 21Ŋkyé ŋgâ, a pe tɛ mbé ŋkhoʼ yɔ́ɔ́ ntɛ́d, Mbɛwɔ̂ ke ŋgú zǎŋazâŋa ndɔ́ɔ́ pe mɔ́b pɛ́ a kʉyo nuŋ nɛ́. Cyó ŋɔŋ ghɛ́ mbɛ́ɛ́ ye ghaŋ, cyó ŋɔŋ pɛ ghiŋ, ndzye nɔ́ʼɔ́ wé nɔ́ʼ. 22Puŋ kɛ́ʼɛ́ mbé tséʼé pɛ ywoʼ yuŋ ne ndzóne yóʼó, mbó nɔ́ pɔɔ? Kii puŋ coʼo ndáméted Mboʼmvé coʼó? Kii puŋ zɔŋɔ máʼa pfɔshʉŋ tó pɔŋ pɛ́ pɔ́b tséʼé yɔ́b nɛ́ pɔo? Puŋ zɔŋɔ ŋgâ mə tsɔ́ ŋgâ kɔ́ ne puŋ? Puŋ zɔŋɔ ŋgâ mə ghóʼó wuŋ ghóʼ? Ŋgáŋ! tɛɛmbɛ mə mbé ghóʼo wuŋ ndúŋú yékénɛ́ no pó.
23Yɔŋɔ no yɛ́ nɛ́ Ntsɛɛpɔŋ kɛ nyóʼó ne mo nɛ́, mə mbó ŋgyɛ puŋ zé nɛ́: netsúʼ wɛ́ pe kɛ ghɛ̂ fi Ntsɛɛpɔŋ Yěsô nɛ́, a yɔɔ mbré, 24fɛ́ ŋgúʼune pwó Mboʼmvé, mboʼ nsó ŋgâ: «Yɔŋ mbəb ya yɛ́ mə fɛ́ ŋkyé wúŋ nɛ́, puŋ ke ŋgyɛ́ néré, ndâ ndúŋú mkpaŋ ya.» 25Ŋkhoʼyɛ́ pɔ́b kɛ mee zɔ̂ mɔ́b nɛ́, a yɔ́ɔ́ ndɔŋ ké mbó nsó ŋgâ: «Yɔŋ ndɔ́ŋ, a kaŋ ffé yɛ́ a mbɛ tsetsɛrɛ Mboʼmvé pwɛ pupe nɛ́. A zhyɛ́ nsə máá mɛ́ a mvɛ́rɛ́ nɛ́, puŋ ke ŋgyɛ néré ŋkɔŋɔ ŋkhoʼyɛ́ puŋ nɔ́ wé náá nɛ́, ndâ ndúŋú mkpaŋ ya.» 26ŋkyé ŋgâ ŋkɔŋɔ ŋkhoʼyɛ́ puŋ pé tɛ pfɔ́rɔ́ mbré yɔŋ, mbó nɔ́ ndɔ́ŋ yɔŋ nɛ́, mbǒ puŋ cʉ́rɛ vó Ntsɛɛpɔŋ, kaʼatɛ mbáŋa ne ŋkhoʼyɛ́ a ŋkʉyo nɛ́. 27A zhyɛ́ yéré nɛ́, tsyé ŋɔŋ wɛ́ a ŋkʉyo pfɔ́rɔ́ mbré kii ŋgâ nɔ́ ndɔ́ŋ Ntsɛɛpɔŋ kii kuʼu nɛ́, mbǒ a kɛ pɛɛ mvɔ̌no mbəb Ntsɛɛpɔŋ pwɛ nsə mé. 28Néré kɛ́ʼɛ́ Mbɛwɔ̂ kpáŋa tó ye ŋkɔ́ŋ, mbɔ́rɔ́ pfɔ́rɔ́ mbré yɔŋ kii ŋgâ nɔ́ yɔŋ ndɔ́ŋ. 29Ŋkyé ŋgâ ŋɔŋ wɛ́ a pfód mbré mbó nɔ́ ndɔ́ŋ yɔŋ kii kpeʼé ŋgâ a mbəb Ntsɛɛpɔŋ nɛ́, mbǒ a sû ndɔŋ fɛ mbəb ye. 30Yekénɛ́ yɔ́b yɛ́ nɛ́ a zhyɛ́, pɛ ghɔŋ pɛ tsetsɛrɛ puŋ, pwɛ pɛ yɔ́ʼ nɛ́, pecyó záá pɔŋ pó pfó nɛ́. 31A pɛ́ɛ́ yɛ́ piŋi kpeʼé mbəb yiŋi ne tómbəb yiŋí nɛ́, mbǒ Mboʼmvé náʼá mbó fiʼɛ wíŋi pó. 32Ntsʉʼmbé Ntsɛɛpɔŋ fiʼɛ wíŋi, pe ne sǐne wíŋi, kɛ́ʼɛ́ ŋgâ a ndɛ naʼ mbó fiʼɛ́ wíŋi mvémvé, fúŋɔ́ wíŋi pɔ́b. 33Néré kɛ́ʼɛ́ kɛ pɔ́ŋmɛ́ páá, ŋkhoʼyɛ́ nɛ́ puŋ tɛ́rɛ ne ndɔ̌ne ntɛ́d nɛ́, ŋɔŋ ndzwəʼɛ mɔ́ŋmɛ́ yé. 34A pɛ́ɛ́ yɛ́ ndzye mbəb ŋɔŋ nɛ́, a pě ndzó mɔ́b ywoʼ ye ŋkɔŋɔ, yânéré kɛ́ʼɛ́ ŋgâ puŋ ndɛ sú ndɔŋ fɛ mbəb puŋ, ŋkhoʼyɛ́ puŋ téré nɛ́. Ŋgɛmbɛ ne pfuʼɔ pɛ meno, mə ŋkʉ́yó tsúŋɔ́ ŋkhoʼyɛ́ mə náʼá ŋkʉ́yó nɛ́.
ទើបបានជ្រើសរើសហើយ៖
1 Korɛŋto 11: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Korɛŋto 11
11
1Puŋ yɛ́ɛ́ kpee ya, njʉ́ ŋ ŋkɔʼɔtómbəb ya, mə ndéé ya kpee Kristo nɛ́.
Ŋumbzí pú Məŋgʉyé siŋ Ntsɛɛpɔŋ
2Mə ŋgóʼó wúŋ nɛ́ ŋkyé ŋgâ puŋ tsé kpáŋa ya ne ŋkɔŋɔ khoʼ náá nɛ́, mbó ntíí kpee yuŋ ndúŋú ŋkɔŋɔ ntʉ́ʉ́ pɛ́ mə kɛ tsɔ́ ne puŋ náá nɛ́. 3Ntsʉʼmbé, mə zɔŋɔ ŋgâ puŋ zɛ́ yɔŋ no: a ntséʼé Kristo tséʼé ŋkɔŋɔ mbzíŋi náá, a ntséʼé ŋumbzí ntséʼé məŋgʉ́yé, a pó tséʼé Mboʼmvé ntsɛ́ʼɛ́ Kristo. 4Ŋkɔŋɔ ntsye ŋumbzí wɛ́ a ntsɛ́ʼɛ́ Mboʼmvé, kii ŋgâ ntsɔ́ kpaŋató Mboʼmvé ne cyoʼ tó ye nɛ́, waŋá ntsɛ́ssó ye. 5Ntsʉʼmbé ŋkɔŋɔ məŋgʉ́yé wɛ́ a ntsɛ́ʼɛ́ Mboʼmvé, kii ntsɔ́ kpaŋató Mboʼmvé ne tó ye wéé nɛ́ waŋá ntsɛ́ssó ye. Ŋkyé ŋgâ a pe néré a pɛɛ njʉ́ a k wɔ̂ tó ye k wɔ̂ nɛ́. 6A pɛ́ɛ́ yɛ́ məŋgʉyé ŋkwód tó yé nɛ́ pó, a kwɔ́! Ntsʉʼmbé a pɛ́ɛ yɛ́ ntsêne nwɔ̌tó me, kii ŋgâ ŋkwɔ̂ne fɛ́ɛ́ pfɔshʉŋ pwó ye nɛ́, a kwód tó yé. 7Mbɛ ne ŋumbzí, a tsé mbé zɔŋɔ ŋgâ a kwód tó ye pó. Mboʼmvé kɛ pwɔ̂ wé, a fwɛ́ɛ́ pe ye, a pó mbɛɛ ghɛ́ɛ́ ye. Ntsʉʼmbé məŋgʉ́yé pɛ ye pe ghɛ́ɛ́ ŋumbzí. 8Ŋkyé ŋgâ Mboʼmvé kɛ pe túbú yɔ́b pé mbəb məŋgʉ́yé mbwɔ̂ ŋumbzí núŋ pó, ntsʉʼmbé a kɛ túbɔ mbəb ŋumbzí, mbwɔ̂ məŋgʉ́yé núŋ. 9Mboʼmvé pó mbé pwɔ ŋumbzí ŋkyé məŋgʉ́yé pó, ntsʉʼmbé mbwɔ̂ məŋgʉ́yé ŋkyé ŋumbzí. 10A zhyɛ́ yéré nɛ́ ŋgâ, məŋgʉ́yé níŋ ɛ taʼ kiŋi ndúŋú tó ye, kɛ́ʼɛ́ ne nyǒʼne ŋgâ a zóʼo pwó ŋɔŋ, ŋkʉ́rʉ́ ŋkyé pɛ aŋgere.
11Ntsʉʼŋgɛmbɛ ne piŋi pɛ́, piŋɛ Ntsɛɛpɔŋ tə̌b khú taʼ ye nɛ́, a zɔŋɔ ŋgâ piŋi zé ŋgâ, ŋúmbzi yóʼó kii məŋgʉ́yé pó, kii məŋgʉ́yé pó mbɛ́ yóʼó kii ŋumbzí pó. 12Ŋkyé ŋgâ, Mboʼmvé kɛ túbú yɔ́b pe mbəb ŋumbzí mbwɔ̂ məŋgʉ́yé núŋ, a pó mvɛ́ məŋgʉ́yé mvɛ́ ŋumbzí, ŋkɔŋɔ yɔ́b náá pó kpaʼ náá ntwɔ̌ pwó Mboʼmvé. 13Puŋ tiŋí ne tómbəb yuŋ njʉ́ ŋgâ: a kɛ́ʼɛ́ tsyɛ́ ŋgâ məŋgʉ́yé ntsɛ́ʼɛ́ Mboʼmvé kii kwód tó ye? 14Kpaʼ sísíŋ, puŋ tsé mbé njʉ́ yuŋ ŋgâ a pɛɛ pfɔshʉŋ pwó ŋumbzí ne ntséʼene nwɔ̌tó sǎme pɔɔ? Piŋi tiŋɛ̂ mbziʼe yɛ́ Mboʼmvé kɛ tíí meno nɛ́, a ke ntʉ́ʉ́ tó yiŋi pe néré. 15Ntsʉʼgɛmbɛ pwó məŋgʉ́yé, a pɛɛ taʼ ghɛ́ɛ́, ŋkyé ŋgâ Mboʼmvé kɛ fɛ nwɔ̌tó pwó ye pe njʉ́ kúrɔ́tó ye nɛ́. 16Mbó mbéyɛ́ ŋɔŋ nzɔŋɔ tsɛ́ʼɛ́ kesed ndúŋú nɛ́, mbǒ psi tsɛ́ʼɛ́ zhí ye ke nɛ́ mbziʼe pó, mbɛ pɛ yáʼméted Mboʼmvé.
Ntɛd yɛ́ Ntsɛɛpɔŋ kɛ nuŋu nɛ́
17Piŋi tee no nuŋu kɛ́ʼɛ́. Mə tsɛ́ʼɛ́ ne ŋgǒʼne wúŋ pó, ŋkyé ŋgâ, ŋkhoʼyɛ́ puŋ téré nɛ́, ne yɛ́ meno puŋ ŋgɛ ŋgúú ne ssó nɛ́, á pó ŋkúŋɔ psyé páb puŋ. 18Mə ŋgɛ ndzye sə́ŋɛ́ wuŋ ŋgâ, pe sɔ́ŋɔ́ ya ŋgâ, ŋkhoʼyɛ́ puŋ tɛ́rɛ ndáméted nɛ́, saŋáywoʼ gháʼmbwó tsetsɛrɛ puŋ. Mə mbó njʉ́ ya ŋgâ, tɛɛmbɛ a naʼ mbé no sísíŋ. 19A zɔŋɔ mbɛ ŋgâ saŋaywoʼ pɛ́ tsetsɛrɛ puŋ, kɛ́ʼɛ́ ŋgâ pe zhʉ́ pɔŋ pɛ́, pe mbzyɛ́ nsó wɔ́b nɛ́. 20Ntsʉʼmbé ŋkhoʼyɛ́ nɛ́ puŋ pé tɛ téré nɛ́, a pó pɛɛ ne ndɔ̌ne ntɛ́d Ntsɛɛpɔŋ pó. 21Ŋkyé ŋgâ, a pe tɛ mbé ŋkhoʼ yɔ́ɔ́ ntɛ́d, Mbɛwɔ̂ ke ŋgú zǎŋazâŋa ndɔ́ɔ́ pe mɔ́b pɛ́ a kʉyo nuŋ nɛ́. Cyó ŋɔŋ ghɛ́ mbɛ́ɛ́ ye ghaŋ, cyó ŋɔŋ pɛ ghiŋ, ndzye nɔ́ʼɔ́ wé nɔ́ʼ. 22Puŋ kɛ́ʼɛ́ mbé tséʼé pɛ ywoʼ yuŋ ne ndzóne yóʼó, mbó nɔ́ pɔɔ? Kii puŋ coʼo ndáméted Mboʼmvé coʼó? Kii puŋ zɔŋɔ máʼa pfɔshʉŋ tó pɔŋ pɛ́ pɔ́b tséʼé yɔ́b nɛ́ pɔo? Puŋ zɔŋɔ ŋgâ mə tsɔ́ ŋgâ kɔ́ ne puŋ? Puŋ zɔŋɔ ŋgâ mə ghóʼó wuŋ ghóʼ? Ŋgáŋ! tɛɛmbɛ mə mbé ghóʼo wuŋ ndúŋú yékénɛ́ no pó.
23Yɔŋɔ no yɛ́ nɛ́ Ntsɛɛpɔŋ kɛ nyóʼó ne mo nɛ́, mə mbó ŋgyɛ puŋ zé nɛ́: netsúʼ wɛ́ pe kɛ ghɛ̂ fi Ntsɛɛpɔŋ Yěsô nɛ́, a yɔɔ mbré, 24fɛ́ ŋgúʼune pwó Mboʼmvé, mboʼ nsó ŋgâ: «Yɔŋ mbəb ya yɛ́ mə fɛ́ ŋkyé wúŋ nɛ́, puŋ ke ŋgyɛ́ néré, ndâ ndúŋú mkpaŋ ya.» 25Ŋkhoʼyɛ́ pɔ́b kɛ mee zɔ̂ mɔ́b nɛ́, a yɔ́ɔ́ ndɔŋ ké mbó nsó ŋgâ: «Yɔŋ ndɔ́ŋ, a kaŋ ffé yɛ́ a mbɛ tsetsɛrɛ Mboʼmvé pwɛ pupe nɛ́. A zhyɛ́ nsə máá mɛ́ a mvɛ́rɛ́ nɛ́, puŋ ke ŋgyɛ néré ŋkɔŋɔ ŋkhoʼyɛ́ puŋ nɔ́ wé náá nɛ́, ndâ ndúŋú mkpaŋ ya.» 26ŋkyé ŋgâ ŋkɔŋɔ ŋkhoʼyɛ́ puŋ pé tɛ pfɔ́rɔ́ mbré yɔŋ, mbó nɔ́ ndɔ́ŋ yɔŋ nɛ́, mbǒ puŋ cʉ́rɛ vó Ntsɛɛpɔŋ, kaʼatɛ mbáŋa ne ŋkhoʼyɛ́ a ŋkʉyo nɛ́. 27A zhyɛ́ yéré nɛ́, tsyé ŋɔŋ wɛ́ a ŋkʉyo pfɔ́rɔ́ mbré kii ŋgâ nɔ́ ndɔ́ŋ Ntsɛɛpɔŋ kii kuʼu nɛ́, mbǒ a kɛ pɛɛ mvɔ̌no mbəb Ntsɛɛpɔŋ pwɛ nsə mé. 28Néré kɛ́ʼɛ́ Mbɛwɔ̂ kpáŋa tó ye ŋkɔ́ŋ, mbɔ́rɔ́ pfɔ́rɔ́ mbré yɔŋ kii ŋgâ nɔ́ yɔŋ ndɔ́ŋ. 29Ŋkyé ŋgâ ŋɔŋ wɛ́ a pfód mbré mbó nɔ́ ndɔ́ŋ yɔŋ kii kpeʼé ŋgâ a mbəb Ntsɛɛpɔŋ nɛ́, mbǒ a sû ndɔŋ fɛ mbəb ye. 30Yekénɛ́ yɔ́b yɛ́ nɛ́ a zhyɛ́, pɛ ghɔŋ pɛ tsetsɛrɛ puŋ, pwɛ pɛ yɔ́ʼ nɛ́, pecyó záá pɔŋ pó pfó nɛ́. 31A pɛ́ɛ́ yɛ́ piŋi kpeʼé mbəb yiŋi ne tómbəb yiŋí nɛ́, mbǒ Mboʼmvé náʼá mbó fiʼɛ wíŋi pó. 32Ntsʉʼmbé Ntsɛɛpɔŋ fiʼɛ wíŋi, pe ne sǐne wíŋi, kɛ́ʼɛ́ ŋgâ a ndɛ naʼ mbó fiʼɛ́ wíŋi mvémvé, fúŋɔ́ wíŋi pɔ́b. 33Néré kɛ́ʼɛ́ kɛ pɔ́ŋmɛ́ páá, ŋkhoʼyɛ́ nɛ́ puŋ tɛ́rɛ ne ndɔ̌ne ntɛ́d nɛ́, ŋɔŋ ndzwəʼɛ mɔ́ŋmɛ́ yé. 34A pɛ́ɛ́ yɛ́ ndzye mbəb ŋɔŋ nɛ́, a pě ndzó mɔ́b ywoʼ ye ŋkɔŋɔ, yânéré kɛ́ʼɛ́ ŋgâ puŋ ndɛ sú ndɔŋ fɛ mbəb puŋ, ŋkhoʼyɛ́ puŋ téré nɛ́. Ŋgɛmbɛ ne pfuʼɔ pɛ meno, mə ŋkʉ́yó tsúŋɔ́ ŋkhoʼyɛ́ mə náʼá ŋkʉ́yó nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល