Rawma iyi 5
5
Ley nja əŋ zahay abə Bizlaf
1Mənaŋ wa, Bizlaf kəɗiyanakwa za əŋ hedi sə delele iyi kəɗi əŋ kuw ma, mənjawa, nakwa iyi mə nji əŋ zahay abə mbiŋ kəɗi əŋ Bay Bayta takwa Yesu Almasihu. 2Kəɗi əŋ Yesu, nakwa iyi kəlim səntaŋ tə Bizlaf kəɗi əŋ kuw ma, abə səntaŋ ta, nakwa mə nji lawlaw. Nakwa iyi ɗiy səsəm takwa mbeh səku əŋ wulək kə lim məsəkəŋ əŋ ɓiz nakwa mə nda i lim əŋ səndawl tə Bizlaf. 3Təday ta seh, nakwa iyi kəsəsəm kwa əŋ tuwah takwa iyi, məŋgəvday nakwa iyi kəsəŋ tuwah seh, a kədaha səɓ nəf. 4Səɓ nəf seh, a kəvəl fagay ley gar əŋ təl ma iyi, vəl fagay bahayim, a kədaha wulək kə lim məsəkəŋ. 5Wulək kə lim məsəkəŋ ta seh, a kəbimenakwa səku, məŋgəvday Bizlaf kəɗiy mba wucum ŋga za əŋ nəf takwa iyi kəɗi əŋ Mimiɗ sə Kweɗek mbiŋ mə vəlanakwa.
6Mənaŋ wa, əŋ hala nakwa mə nji mə tak fagay ndagwa seh, Almasihu kəməc za məŋgəvday hedi mə ɗal hem iyi əŋ hala Bizlaf mə gar waŋ ta. 7Tuwah aka əŋ hedi, ɓa, a kuw ley məc a lay tə hedi sə delele. Kəganah, hedi a səɓ nəf za ley məc a lay tə hedi səntaŋ kəvah. 8Ama Bizlaf kəgizenakwa za, ar mənaŋ viŋgey mbiŋ mə mbalanakwa: Almasihu kəməc za məŋgəvday nakwa, əŋ hala nakwa hedi mə ɗal hem iyi ndagwa. 9Kəɗi a mbiŋ mə vəl talaŋ ŋga ley məc wa seh, mənjawa, nakwa kəmbaɗ za əŋ hedi sə delele iyi. Ar məndiwiŋ, nakwa iyi reh za kəɗi a mbiŋ a zəm nəf tə Bizlaf. 10Nakwa mə nji zlezle məsəgər tə Bizlaf iyi, ama kəzlaranakwa ndəra za abə mbiŋ kəɗi əŋ məc tə Mbu ŋgaŋ. Təday ta seh, mənjawa nakwa kəzlar ndəra za abə mbiŋ, nakwa iyi lim reh za kəɗi əŋ mədəŋcur tə Mbu ŋgaŋ. 11Mə day wawa baha, nakwa iyi kəɗiy səsəm takwa a Bizlaf kəɗi a Bay Bayta takwa Yesu Almasihu, məŋgəvday a ɗek, mənjawa, nakwa kəzlar ndəra kwata abə Bizlaf.
Adamu abə Almasihu
12Hem kətəɗaha za əŋ məŋhayak məŋgəvday hedi ntaɗ, i mə ɗafaŋ ma Adamu. Hem ta seh, kədaha məc za. Mənaŋ wa, məc ta, kəgwaraha za a hedi iyi fuk, məŋgəvday hedi iyi fuk i kəɗal hem za. 13Mar Bizlaf kəgizeŋ ma majaw əŋ Musa halla ndagwa seh, hem mbə əŋ məŋhayak, ama, əŋ mbamba seh, ma majaw halla ndagwa, Bizlaf kəgər nje a hem tə hedi iyi seh halla. 14Ama ɗəba, mar tə əŋ va tə Adamu ha əŋ va tə Musa, məc a kəɗal fagay ŋga a talaŋ hedi iyi, kwa a talaŋ hedi mə tak ɗal hem iyi mənaŋ Adamu, hedi mə waŋgaŋ talaŋ əŋ zlap tə Bizlaf səku.
Adamu ta seh, ar meɗele tə hedi mə nda i ndaha. 15Ama, hem tə Adamu seh par par abə məsəkəŋ kə vəl haya tə ndəra Bizlaf. Məndiwiŋ ta seh, hedi iyi mbeh səku i kəməc za məŋgəvday hem tə hedi sə ntaɗ wa. Ama səntaŋ tə Bizlaf pay səndawl mbeh səku, vəl ŋga bahayim ləlaw diya mbeh səku baha. Vəl ta seh, Bizlaf kəvəlaŋta za haya əŋ hedi iyi mbeh səku məŋgəvday hedi ntaɗ, Yesu Almasihu. 16Vəl tə Bizlaf seh, a kəmbuwaha məsəkəŋ par pay day a hem tə hedi sə ntaɗ wa. Mbəzl ma mandaha kəɗi a hem tə hedi sə ntaɗ wa sey, kəpek hedi iyi fuk, ama vəl tə haya mavəl abə dawaŋ tə hem tə hedi sə mbeh səku iyi wa, kəmbaɗ hedi iyi za fuk əŋ hedi sə delele iyi. 17Məndiwiŋ ta seh, məc kəɗal fagay ŋga za kəɗi a hem tə hedi sə ntaɗ wa, məŋgəvday hedi sə ntaɗ ta wa mə ɗal hem. Ama, kəɗi a hedi sə ntaɗ, Yesu Almasihu, nakwa iyi lim məsəkəŋ iyi za mbeh səku: hedi mə nda i lim səntaŋ tə Bizlaf sə mbeh səku iyi abə vəl tə zlap sə delele iyi, hedi iyi ta i lim mədəŋcur za, i nda i zəm bay məŋgəvday Almasihu.
18Mənaŋ wa, hem tə hedi sə ntaɗ, Adamu wa, kəpek hedi iyi za fuk. Mənaŋ mba baha, kəzəɗ sə delele tə hedi sə ntaɗ Yesu Almasihu, kəvəlaŋta kataf za əŋ hedi iyi fuk ley mbaɗ əŋ hedi sə delele iyi abə ley lim mədəŋcur. 19Kəɗi a waŋ talaŋ səku tə hedi sə ntaɗ wa, hedi iyi mbeh səku i kəndəv za əŋ hem. Mənaŋ mba bahayim, kəɗi a waŋ talaŋ tə hedi sə ntaɗ wa, hedi iyi mbeh səku i kəmbaɗ za əŋ hedi sə delele iyi.
20Ma majaw kətəɗaha za, hem iyi i kəfəfəl a ma a ma. Ama əŋ lay hem a kəfəfəl a ma a ma seh, səntaŋ tə Bizlaf pay fəfəl a ma a ma baha. 21Mənaŋ hem mə ɗal fagay ŋga tə məc a talaŋ hedi iyi wa seh, mənaŋ mba bahayim, səntaŋ tə Bizlaf mə ɗal fagay ŋga əŋ kəzəɗ sə delele iyi fuk ley deɓenakwa ley lim mədəŋcur mə cukwaɗ səku kəɗi a Yesu Almasihu Bay Bayta takwa.
ទើបបានជ្រើសរើសហើយ៖
Rawma iyi 5: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Rawma iyi 5
5
Ley nja əŋ zahay abə Bizlaf
1Mənaŋ wa, Bizlaf kəɗiyanakwa za əŋ hedi sə delele iyi kəɗi əŋ kuw ma, mənjawa, nakwa iyi mə nji əŋ zahay abə mbiŋ kəɗi əŋ Bay Bayta takwa Yesu Almasihu. 2Kəɗi əŋ Yesu, nakwa iyi kəlim səntaŋ tə Bizlaf kəɗi əŋ kuw ma, abə səntaŋ ta, nakwa mə nji lawlaw. Nakwa iyi ɗiy səsəm takwa mbeh səku əŋ wulək kə lim məsəkəŋ əŋ ɓiz nakwa mə nda i lim əŋ səndawl tə Bizlaf. 3Təday ta seh, nakwa iyi kəsəsəm kwa əŋ tuwah takwa iyi, məŋgəvday nakwa iyi kəsəŋ tuwah seh, a kədaha səɓ nəf. 4Səɓ nəf seh, a kəvəl fagay ley gar əŋ təl ma iyi, vəl fagay bahayim, a kədaha wulək kə lim məsəkəŋ. 5Wulək kə lim məsəkəŋ ta seh, a kəbimenakwa səku, məŋgəvday Bizlaf kəɗiy mba wucum ŋga za əŋ nəf takwa iyi kəɗi əŋ Mimiɗ sə Kweɗek mbiŋ mə vəlanakwa.
6Mənaŋ wa, əŋ hala nakwa mə nji mə tak fagay ndagwa seh, Almasihu kəməc za məŋgəvday hedi mə ɗal hem iyi əŋ hala Bizlaf mə gar waŋ ta. 7Tuwah aka əŋ hedi, ɓa, a kuw ley məc a lay tə hedi sə delele. Kəganah, hedi a səɓ nəf za ley məc a lay tə hedi səntaŋ kəvah. 8Ama Bizlaf kəgizenakwa za, ar mənaŋ viŋgey mbiŋ mə mbalanakwa: Almasihu kəməc za məŋgəvday nakwa, əŋ hala nakwa hedi mə ɗal hem iyi ndagwa. 9Kəɗi a mbiŋ mə vəl talaŋ ŋga ley məc wa seh, mənjawa, nakwa kəmbaɗ za əŋ hedi sə delele iyi. Ar məndiwiŋ, nakwa iyi reh za kəɗi a mbiŋ a zəm nəf tə Bizlaf. 10Nakwa mə nji zlezle məsəgər tə Bizlaf iyi, ama kəzlaranakwa ndəra za abə mbiŋ kəɗi əŋ məc tə Mbu ŋgaŋ. Təday ta seh, mənjawa nakwa kəzlar ndəra za abə mbiŋ, nakwa iyi lim reh za kəɗi əŋ mədəŋcur tə Mbu ŋgaŋ. 11Mə day wawa baha, nakwa iyi kəɗiy səsəm takwa a Bizlaf kəɗi a Bay Bayta takwa Yesu Almasihu, məŋgəvday a ɗek, mənjawa, nakwa kəzlar ndəra kwata abə Bizlaf.
Adamu abə Almasihu
12Hem kətəɗaha za əŋ məŋhayak məŋgəvday hedi ntaɗ, i mə ɗafaŋ ma Adamu. Hem ta seh, kədaha məc za. Mənaŋ wa, məc ta, kəgwaraha za a hedi iyi fuk, məŋgəvday hedi iyi fuk i kəɗal hem za. 13Mar Bizlaf kəgizeŋ ma majaw əŋ Musa halla ndagwa seh, hem mbə əŋ məŋhayak, ama, əŋ mbamba seh, ma majaw halla ndagwa, Bizlaf kəgər nje a hem tə hedi iyi seh halla. 14Ama ɗəba, mar tə əŋ va tə Adamu ha əŋ va tə Musa, məc a kəɗal fagay ŋga a talaŋ hedi iyi, kwa a talaŋ hedi mə tak ɗal hem iyi mənaŋ Adamu, hedi mə waŋgaŋ talaŋ əŋ zlap tə Bizlaf səku.
Adamu ta seh, ar meɗele tə hedi mə nda i ndaha. 15Ama, hem tə Adamu seh par par abə məsəkəŋ kə vəl haya tə ndəra Bizlaf. Məndiwiŋ ta seh, hedi iyi mbeh səku i kəməc za məŋgəvday hem tə hedi sə ntaɗ wa. Ama səntaŋ tə Bizlaf pay səndawl mbeh səku, vəl ŋga bahayim ləlaw diya mbeh səku baha. Vəl ta seh, Bizlaf kəvəlaŋta za haya əŋ hedi iyi mbeh səku məŋgəvday hedi ntaɗ, Yesu Almasihu. 16Vəl tə Bizlaf seh, a kəmbuwaha məsəkəŋ par pay day a hem tə hedi sə ntaɗ wa. Mbəzl ma mandaha kəɗi a hem tə hedi sə ntaɗ wa sey, kəpek hedi iyi fuk, ama vəl tə haya mavəl abə dawaŋ tə hem tə hedi sə mbeh səku iyi wa, kəmbaɗ hedi iyi za fuk əŋ hedi sə delele iyi. 17Məndiwiŋ ta seh, məc kəɗal fagay ŋga za kəɗi a hem tə hedi sə ntaɗ wa, məŋgəvday hedi sə ntaɗ ta wa mə ɗal hem. Ama, kəɗi a hedi sə ntaɗ, Yesu Almasihu, nakwa iyi lim məsəkəŋ iyi za mbeh səku: hedi mə nda i lim səntaŋ tə Bizlaf sə mbeh səku iyi abə vəl tə zlap sə delele iyi, hedi iyi ta i lim mədəŋcur za, i nda i zəm bay məŋgəvday Almasihu.
18Mənaŋ wa, hem tə hedi sə ntaɗ, Adamu wa, kəpek hedi iyi za fuk. Mənaŋ mba baha, kəzəɗ sə delele tə hedi sə ntaɗ Yesu Almasihu, kəvəlaŋta kataf za əŋ hedi iyi fuk ley mbaɗ əŋ hedi sə delele iyi abə ley lim mədəŋcur. 19Kəɗi a waŋ talaŋ səku tə hedi sə ntaɗ wa, hedi iyi mbeh səku i kəndəv za əŋ hem. Mənaŋ mba bahayim, kəɗi a waŋ talaŋ tə hedi sə ntaɗ wa, hedi iyi mbeh səku i kəmbaɗ za əŋ hedi sə delele iyi.
20Ma majaw kətəɗaha za, hem iyi i kəfəfəl a ma a ma. Ama əŋ lay hem a kəfəfəl a ma a ma seh, səntaŋ tə Bizlaf pay fəfəl a ma a ma baha. 21Mənaŋ hem mə ɗal fagay ŋga tə məc a talaŋ hedi iyi wa seh, mənaŋ mba bahayim, səntaŋ tə Bizlaf mə ɗal fagay ŋga əŋ kəzəɗ sə delele iyi fuk ley deɓenakwa ley lim mədəŋcur mə cukwaɗ səku kəɗi a Yesu Almasihu Bay Bayta takwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល