Markus 6
6
Hedi tə Nasaratu iyi i ŋgəm ley kuw ma tə Yesu səku
(Matta 13:53-58; Luka 4:16-30)
1Yesu a yak lay ta mba, a nda əŋ Nasaratu, berne mbiŋ mə gəlaha tə ɗəməŋ, ɓa, gula ŋga iyi i ziberʉ. 2Əŋ pis kə yip, Yesu a mar ley sərək hedi iyi əŋ biŋ kə ɗal mbuh əŋ Bizlaf. Hedi mə teh zləm iyi mbeh səku i kəhar za, ɓa, i zlap, i zla: «A limehe ma iyi ta wa seh, a tikey? Mə vəlaŋ burŋguzl ley səŋ məsəkəŋ iyi wa seh viyey? Mə vəlaŋ mazla ley ɗal məsəkəŋ iyi wa seh viyey? 3Mbiŋ seh, ar hedi mə zla mpay səku vaw? Ar mbu tə Mariyama#6:3 Yahwana 6:42., zliŋgeŋ tə Yakuba, tə Yawses, tə Yahuda liŋ tə Simaŋw səku vaw? Zliŋgeŋ hazləma hazləma iyi bahayim i mbə abə nakwa a nawa səku vaw?» Məŋgəvday a ɗek, i ŋgəm ley kuwza səku. 4Abə dawaŋ ta, Yesu a zlapaŋta, a zla: «Hedi iyi i kəkuwaŋ ma tə hedi mə giz ma abə miya tə Bizlaf kwa a tikey fuk, ama əŋ hayak ŋga, əŋ faŋw tə vəŋ ŋga iyi, əŋ faŋw tə hedi tə ge tata iyi seh, i kuwaŋ ma səku#6:4 Luka 4:24; Yahwana 4:44..» 5Yesu a gula i ɗal mazla a namba kwa ntaɗ səku ba, sey mbiŋ mə ɗiyaŋta ndəra a talaŋ hedi mə dal iyi kʉsit nawa, a mbəlta. 6Kəhar za məŋgəvday kuw ma tata halla.
Yesu a ləɓ gula ŋga iyi wam a meɗek bək
(Matta 10:5-15; Luka 9:1-6)
Ɓa, a pik a wuta sə mbehmbeh iyi tə əŋ hayak ta fuk, a kəsərək hedi iyi. 7Yesu a ɗafaŋta ma əŋ gula ŋga iyi wam a meɗek bək, a vəlaŋta mazla ley gam mimiɗ tə abə ndəra dəlay iyi, ɓa, a ləɓta bək bək. 8A kəɗalaŋta yawa iyi, a zla: «Hi nda, hi mba i ɓət kwa məsəkəŋ a ndəra səku, kwa məsəkəŋ kə zəm səku, kwa gabal kə ɓah məsəkəŋ səku, kwa dala əŋ jiba səku, sey zlambay dap. 9Hi ɗiy kərap əŋ ŋgas, ama hi mba i ɓət rukut bək səku.»
10A ŋgəzta baha, a zla: «Əŋgah əŋ lay məzəwindi, i kəkuwaheni za seh, hi nja a namba ha əŋ pis heni mə nda i garaha təheni. 11Əŋgah a lay məzəwindi i kəkuwaheni halla, aka səku i kəzlimeheni ma halla, ley gar təheni tə a lay ta mba seh, hi mbic luguda tə a ŋgas təheni iyi#6:11 Matta 10:14., ɓa, ley gizeŋta məsəkəŋ tata i mə ɗal wa ləlaw səku.» 12I nda izey, i gizeŋta ma tə Bizlaf əŋ hedi iyi, i zla: «Hi buw nja təheni, hi yak ley ɗal məsəkəŋ madawar iyi.» 13I kəgam mimiɗ madawar iyi mbeh səku za, i kəseɗeŋta mel za a hedi mə dal iyi mbeh səku#6:13 Yakuba 5:14., i kəmbəlta za.
Məc tə Yahwana mə ɗal batem
(Matta 14:1-12; Luka 9:7-9)
14Bay Hirudus a zlim labara tə a talaŋ Yesu, məŋgəvday hedi iyi fuk i kəzlap miya ŋga kwa a tikey. Hedi məzəwindi iyi i kəzlap, i zla: «Yahwana mə ɗal batem kəgaraha za mar tə əŋ faŋw tə hedi maməc iyi. Ehe, məŋgəvday a ɗek, mbiŋ abə fagay ley ɗal mazla iyi.» 15Hedi dakayta iyi, i zla: «Ar Eliya.» Hedi dakayta iyi bahayim, i zla: «Ar hedi mə giz ma abə miya tə Bizlaf mənaŋ hedi ntaɗ tə hedi mə giz ma abə miya tə Bizlaf iyi zlezle.» 16Əŋ Hirudus mə zlim ma iyi ta wa seh, a zla: «Ar Yahwana mə ɗal batem sa mə rəslaŋ talaŋ ŋga sey, ama kəgaraha ŋga za əŋ faŋw tə hedi maməc iyi.»
17Ar mbiŋ, Hirudus abə talaŋ ŋga kəzlapaŋta za əŋ hedi iyi ley məl Yahwana, i nahaw əŋ daŋgay mə jewi. A ɗalu məŋgəvday Hirudiya, wala tə zliŋgeŋ Filip, Hirudus ta kəɓətza za əŋ wala ŋga. 18Yahwana kəzlapaŋ za əŋ Hirudus ta, a zla: «Ləlaw səku əŋ hwa ley ɓət wala tə zliŋgeh.» 19Məŋgəvday a ɗek, Hirudiya a kəmba i gər Yahwana a nje səku, a mba i ju, ama a gula səku, 20məŋgəvday Hirudus kələndəŋ Yahwana za, a kəsəŋ mbiŋ seh, ar hedi sə delele, a kəɗal mba tə Bizlaf, Bizlaf a kəjəɗu lawlaw. Ama əŋ mbiŋ mə teheŋ zləm seh, talaŋ ŋga kəŋga za mbeh səku, abə mbiŋ ta fuk, Hirudus ta kəmba za ley teheŋ zləm dap. 21Mənaŋ wa, kataf səntaŋ kəlimeŋ za əŋ Hirudiya əŋ waŋ kə səŋ kenek tə ley mbuwaha tə Hirudus. Hirudus kəɗal zəm za mbeh səku əŋ səndawl ŋga iyi, əŋ talaŋ habay tə sewje iyi abə əŋ talaŋ habay iyi tə əŋ hayak tə Galili. 22Hazləma tə Hirudiya a təɗ əŋ lay kə zlay, ɓa, a zlay. Zlay ta, kəŋgəmaŋ za əŋ Hirudus abə hedi ŋga maɗaf ma iyi. Abə dawaŋ ta izey, Bay a zlapaŋ əŋ hazləma dalay ta, a zla: «Ɗəpaka məsəkəŋ hwa mə mba, sa vəlah məsəkəŋ ta za.» 23Ɓa, a meɗeŋgu mənaŋ wa, a zla: «Məsəkəŋ hwa mə ɗəpaka fuk, sa vəlah za, kwa ley wuɗak hayak na bək, sa wuɗak za.» 24Hazləma sey, a təɗaha ŋga, a zlapaŋ əŋ mama ŋga, a zla: «Sa nda i ɗəp seh mey?» Mama ŋga a ziŋgeŋ zlap, a zla: «Talaŋ tə Yahwana mə ɗal batem.» 25Mbehmbeh mba, hazləma ta, a ziŋgehe əŋ kelek bay, a zlapaŋgu, a zla: «Sa mba seh hwa vəlaka talaŋ tə Yahwana mə ɗal batem mbehmbeh wa a paranti.» 26Bay ta, kəsəsəm halla, ama a gula i buw wulək ŋga ta səku ba, məŋgəvday meɗ iyi mbiŋ mə meɗ a ma tə hedi ŋga maɗaf ma iyi. 27Mbehmbeh mba, bay ta a ləɓ sewje ŋga ley dahaŋ talaŋ tə Yahwana mə ɗal batem ta. Sewje a nda əŋ daŋgay, a rəslaha talaŋ tə Yahwana. 28A daha talaŋ sey a paranti, a vəlaŋgu əŋ hazləma dalay sey, hazləma dalay ta a vəlaŋgu əŋ mama ŋga. 29Əŋ gula tə Yahwana iyi i mə zlim ma iyi ta seh i ndaha, i ɓət məce ta, i pəsu əŋ jiɓ.
Yesu a vəlaŋta məsəkəŋ kə zəm əŋ hedi iyi gabal juɓum
(Matta 14:13-21; Luka 9:10-17; Yahwana 6:1-14)
30Mələɓ iyi sey i ziŋgehe, i kwas a kelek Yesu, ɓa, i gizeŋ məsəkəŋ tata i mə ɗalahaw abə məsəkəŋ tata i mə sərəkaŋta əŋ hedi iyi fuk. 31A zlapaŋta, a zla: «Hi ndaha abə sa əŋ lay hedi iyi a namba halla ley yip mbizek taataɗ takwa.» Məŋgəvday hedi iyi mbeh səku i kəndaha, i kəziŋ, Yesu abə gula ŋga iyi i kəlim kataf kwa ley zəm wuda halla. 32I təɗ tata əŋ kambuwal, i nda tata əŋ lay hedi iyi a namba halla, tata taataɗ tata. 33Ama hedi iyi mbeh səku i kəlimta za i kənda tata, i kəsəŋ lay tata i mə nda. Ɓa, i hiy abə ŋgas əŋ wuta sə mbehmbeh iyi fuk, i gwar məpər a Yesu abə gula ŋga iyi.
34Əŋ Yesu mə bəreŋgehe tə əŋ kambuwal seh, a lim hedi makwas iyi ta mbeh səku. Nje həhər a ɗalaŋgu a hedi iyi ta, məŋgəvday a gər hedi iyi ta mənaŋ ntek mə tak njʉwiŋ iyi, ɓa, a mar ley sərəkaŋta məsəkəŋ iyi mbeh səku. 35Əŋ mbeh kwata pis ley ndəv, gula ŋga iyi i kərəɗaha əŋ kelek ŋga, i zlapaŋgu, i zla: «Pis mbeh kwata ley ndəv, lay wa ar damu. 36Zlapaŋta əŋ hedi iyi wa, i mə nda tata əŋ wuta iyi abə wuta tə abə bəra iyi amba i mə səkəmaha məsəkəŋ kə zəm.» 37Ama Yesu a ziŋgeŋta zlap, a zla: «Heni abə talaŋ təheni, hi vəlaŋta məsəkəŋ kə zəm.» I ɗəpu, i zla: «Hwa mba nini nda i səkəmaha peŋ tə sulay temere bək, ɓa, nini vəlaŋta ley zəm vaw?» 38Yesu a ɗəpta, a zla: «Heni abə peŋ veney? Hi nda i gərahaw.» I kəgərahaw kwata, i zlapaŋgu, i zla: «Nini abə peŋ juɓum liŋ abə kəlif bək.»
39Abə dawaŋ ta, Yesu a zlapaŋta əŋ gula ŋga iyi ley nja hedi iyi fuk njakw njakw a ŋgusawf sə ndeɓek. 40Hedi iyi i nja njakw njakw temere temere, ndəra juɓum ndəra juɓum. 41Yesu a ɓət peŋ sə juɓum abə kəlif sə bək iyi sey, a kaf nje əŋ wuzlaf, a ɗalaŋ sʉse əŋ Bizlaf. Abə dawaŋ ta, a ŋga peŋ iyi ta, a vəlaŋta əŋ gula ŋga iyi amba ley ɓizekeŋta əŋ hedi iyi. Mənaŋ mba bahayim, a wuɗakaŋta kəlif sə bək iyi sey əŋ hedi iyi fuk. 42Tata fuk i kəzəm ha i gwaɗ. 43Abə dawaŋ ta, gula ŋga iyi i cakal peŋ abə kəlif mayak iyi ta kəgwaɗ gadakar wam a meɗek bək. 44Hedi iyi i mə zəm peŋ iyi ta, muwul iyi a ɗal gabal juɓum.
Yesu a nda abə ŋgas a talaŋ yim
(Matta 14:22-33; Yahwana 6:15-21)
45Mbehmbeh mba, abə dawaŋ ta, Yesu a takaŋta wula əŋ gula ŋga iyi ley tap əŋ kambuwal amba ley taŋ kəɗi əŋ kəv məzəwindi tə lakwat məpər a mbiŋ, kəɗi əŋ berne tə Baytisayda, əŋ mbiŋ a kəzlapaŋta əŋ hedi makwas iyi ley ziŋta əŋ wuta. 46Abə dawaŋ ta, kəmbəzlaŋta ma kwata seh, ɓa, a nda ŋga əŋ wuzum ley ɗalaŋ mbuh əŋ Bizlaf. 47Əŋ məcukahw kwata, kambuwal bahayim mbə əŋ dəməs tə gaw tə yim, Yesu mbə taataɗ ŋga a teyek. 48A gər gula ŋga iyi i kəzləŋ takwaŋ ley taŋ gaw abə kambuwal, məŋgəvday mimiɗ a kəja əŋ talaŋ tata. Abə dawaŋ tə lay kədaŋgaha kwata seh, a nda kəɗi əŋ kelek tata abə ŋgas a talaŋ yim, mənaŋ a kəmba i taŋta. 49I gəru a kənda a talaŋ gaw tə yim abə ŋgas, i wulək seh ar məŋyim, ɓa, i ja varay. 50Mənaŋ wa, tata fuk i kəlimʉ, i kələndəŋ za mbeh səku. Ama mbehmbeh mba, a zlapaŋta, a zla: «Hi səɓ nəf, ar sa, hi mba i ləndəŋ səku.» 51A tap əŋ kelek tata əŋ kambuwal, mimiɗ a dak. Gula ŋga iyi i kəhar za mbeh səku. 52Mənaŋ wa, i kəsəŋ mazla tə a talaŋ peŋ iyi sey halla, məŋgəvday nəf tata tawytawy.
Yesu a mbəl hedi mə dal iyi əŋ hayak tə Genesaret
(Matta 14:34-36)
53Abə dawaŋ tə Yesu abə gula ŋga iyi i kətaŋgaha lakwat kwata seh, i gwar əŋ hayak tə Genesaret, ɓa, i dar kambuwal tata a bəra zəzay. 54I bəreŋgehe tata əŋ kambuwal, mbehmbeh mba, hedi iyi i səŋ Yesu. 55Hedi iyi i hiy kwa kəɗi əŋ hayak vitikey fuk, i mar ley dahaŋ hedi mə dal iyi a ɓəɓele, əŋ tata i mə zlimʉ, i zla: «Yesu mbə a nawa!» 56Kwa a tikey əŋ lay Yesu mə nda, a wuta iyi, əŋ berne iyi, hedi iyi i kədaha hedi tata mə dal iyi a lay tə hedi makwas iyi i rəku amba hedi mə dal iyi i mə ges ndəra kwa a meɗek tə rukut ŋga dap. Hedi mə geseŋ ndəra iyi fuk, i kəmbəl za.
ទើបបានជ្រើសរើសហើយ៖
Markus 6: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Markus 6
6
Hedi tə Nasaratu iyi i ŋgəm ley kuw ma tə Yesu səku
(Matta 13:53-58; Luka 4:16-30)
1Yesu a yak lay ta mba, a nda əŋ Nasaratu, berne mbiŋ mə gəlaha tə ɗəməŋ, ɓa, gula ŋga iyi i ziberʉ. 2Əŋ pis kə yip, Yesu a mar ley sərək hedi iyi əŋ biŋ kə ɗal mbuh əŋ Bizlaf. Hedi mə teh zləm iyi mbeh səku i kəhar za, ɓa, i zlap, i zla: «A limehe ma iyi ta wa seh, a tikey? Mə vəlaŋ burŋguzl ley səŋ məsəkəŋ iyi wa seh viyey? Mə vəlaŋ mazla ley ɗal məsəkəŋ iyi wa seh viyey? 3Mbiŋ seh, ar hedi mə zla mpay səku vaw? Ar mbu tə Mariyama#6:3 Yahwana 6:42., zliŋgeŋ tə Yakuba, tə Yawses, tə Yahuda liŋ tə Simaŋw səku vaw? Zliŋgeŋ hazləma hazləma iyi bahayim i mbə abə nakwa a nawa səku vaw?» Məŋgəvday a ɗek, i ŋgəm ley kuwza səku. 4Abə dawaŋ ta, Yesu a zlapaŋta, a zla: «Hedi iyi i kəkuwaŋ ma tə hedi mə giz ma abə miya tə Bizlaf kwa a tikey fuk, ama əŋ hayak ŋga, əŋ faŋw tə vəŋ ŋga iyi, əŋ faŋw tə hedi tə ge tata iyi seh, i kuwaŋ ma səku#6:4 Luka 4:24; Yahwana 4:44..» 5Yesu a gula i ɗal mazla a namba kwa ntaɗ səku ba, sey mbiŋ mə ɗiyaŋta ndəra a talaŋ hedi mə dal iyi kʉsit nawa, a mbəlta. 6Kəhar za məŋgəvday kuw ma tata halla.
Yesu a ləɓ gula ŋga iyi wam a meɗek bək
(Matta 10:5-15; Luka 9:1-6)
Ɓa, a pik a wuta sə mbehmbeh iyi tə əŋ hayak ta fuk, a kəsərək hedi iyi. 7Yesu a ɗafaŋta ma əŋ gula ŋga iyi wam a meɗek bək, a vəlaŋta mazla ley gam mimiɗ tə abə ndəra dəlay iyi, ɓa, a ləɓta bək bək. 8A kəɗalaŋta yawa iyi, a zla: «Hi nda, hi mba i ɓət kwa məsəkəŋ a ndəra səku, kwa məsəkəŋ kə zəm səku, kwa gabal kə ɓah məsəkəŋ səku, kwa dala əŋ jiba səku, sey zlambay dap. 9Hi ɗiy kərap əŋ ŋgas, ama hi mba i ɓət rukut bək səku.»
10A ŋgəzta baha, a zla: «Əŋgah əŋ lay məzəwindi, i kəkuwaheni za seh, hi nja a namba ha əŋ pis heni mə nda i garaha təheni. 11Əŋgah a lay məzəwindi i kəkuwaheni halla, aka səku i kəzlimeheni ma halla, ley gar təheni tə a lay ta mba seh, hi mbic luguda tə a ŋgas təheni iyi#6:11 Matta 10:14., ɓa, ley gizeŋta məsəkəŋ tata i mə ɗal wa ləlaw səku.» 12I nda izey, i gizeŋta ma tə Bizlaf əŋ hedi iyi, i zla: «Hi buw nja təheni, hi yak ley ɗal məsəkəŋ madawar iyi.» 13I kəgam mimiɗ madawar iyi mbeh səku za, i kəseɗeŋta mel za a hedi mə dal iyi mbeh səku#6:13 Yakuba 5:14., i kəmbəlta za.
Məc tə Yahwana mə ɗal batem
(Matta 14:1-12; Luka 9:7-9)
14Bay Hirudus a zlim labara tə a talaŋ Yesu, məŋgəvday hedi iyi fuk i kəzlap miya ŋga kwa a tikey. Hedi məzəwindi iyi i kəzlap, i zla: «Yahwana mə ɗal batem kəgaraha za mar tə əŋ faŋw tə hedi maməc iyi. Ehe, məŋgəvday a ɗek, mbiŋ abə fagay ley ɗal mazla iyi.» 15Hedi dakayta iyi, i zla: «Ar Eliya.» Hedi dakayta iyi bahayim, i zla: «Ar hedi mə giz ma abə miya tə Bizlaf mənaŋ hedi ntaɗ tə hedi mə giz ma abə miya tə Bizlaf iyi zlezle.» 16Əŋ Hirudus mə zlim ma iyi ta wa seh, a zla: «Ar Yahwana mə ɗal batem sa mə rəslaŋ talaŋ ŋga sey, ama kəgaraha ŋga za əŋ faŋw tə hedi maməc iyi.»
17Ar mbiŋ, Hirudus abə talaŋ ŋga kəzlapaŋta za əŋ hedi iyi ley məl Yahwana, i nahaw əŋ daŋgay mə jewi. A ɗalu məŋgəvday Hirudiya, wala tə zliŋgeŋ Filip, Hirudus ta kəɓətza za əŋ wala ŋga. 18Yahwana kəzlapaŋ za əŋ Hirudus ta, a zla: «Ləlaw səku əŋ hwa ley ɓət wala tə zliŋgeh.» 19Məŋgəvday a ɗek, Hirudiya a kəmba i gər Yahwana a nje səku, a mba i ju, ama a gula səku, 20məŋgəvday Hirudus kələndəŋ Yahwana za, a kəsəŋ mbiŋ seh, ar hedi sə delele, a kəɗal mba tə Bizlaf, Bizlaf a kəjəɗu lawlaw. Ama əŋ mbiŋ mə teheŋ zləm seh, talaŋ ŋga kəŋga za mbeh səku, abə mbiŋ ta fuk, Hirudus ta kəmba za ley teheŋ zləm dap. 21Mənaŋ wa, kataf səntaŋ kəlimeŋ za əŋ Hirudiya əŋ waŋ kə səŋ kenek tə ley mbuwaha tə Hirudus. Hirudus kəɗal zəm za mbeh səku əŋ səndawl ŋga iyi, əŋ talaŋ habay tə sewje iyi abə əŋ talaŋ habay iyi tə əŋ hayak tə Galili. 22Hazləma tə Hirudiya a təɗ əŋ lay kə zlay, ɓa, a zlay. Zlay ta, kəŋgəmaŋ za əŋ Hirudus abə hedi ŋga maɗaf ma iyi. Abə dawaŋ ta izey, Bay a zlapaŋ əŋ hazləma dalay ta, a zla: «Ɗəpaka məsəkəŋ hwa mə mba, sa vəlah məsəkəŋ ta za.» 23Ɓa, a meɗeŋgu mənaŋ wa, a zla: «Məsəkəŋ hwa mə ɗəpaka fuk, sa vəlah za, kwa ley wuɗak hayak na bək, sa wuɗak za.» 24Hazləma sey, a təɗaha ŋga, a zlapaŋ əŋ mama ŋga, a zla: «Sa nda i ɗəp seh mey?» Mama ŋga a ziŋgeŋ zlap, a zla: «Talaŋ tə Yahwana mə ɗal batem.» 25Mbehmbeh mba, hazləma ta, a ziŋgehe əŋ kelek bay, a zlapaŋgu, a zla: «Sa mba seh hwa vəlaka talaŋ tə Yahwana mə ɗal batem mbehmbeh wa a paranti.» 26Bay ta, kəsəsəm halla, ama a gula i buw wulək ŋga ta səku ba, məŋgəvday meɗ iyi mbiŋ mə meɗ a ma tə hedi ŋga maɗaf ma iyi. 27Mbehmbeh mba, bay ta a ləɓ sewje ŋga ley dahaŋ talaŋ tə Yahwana mə ɗal batem ta. Sewje a nda əŋ daŋgay, a rəslaha talaŋ tə Yahwana. 28A daha talaŋ sey a paranti, a vəlaŋgu əŋ hazləma dalay sey, hazləma dalay ta a vəlaŋgu əŋ mama ŋga. 29Əŋ gula tə Yahwana iyi i mə zlim ma iyi ta seh i ndaha, i ɓət məce ta, i pəsu əŋ jiɓ.
Yesu a vəlaŋta məsəkəŋ kə zəm əŋ hedi iyi gabal juɓum
(Matta 14:13-21; Luka 9:10-17; Yahwana 6:1-14)
30Mələɓ iyi sey i ziŋgehe, i kwas a kelek Yesu, ɓa, i gizeŋ məsəkəŋ tata i mə ɗalahaw abə məsəkəŋ tata i mə sərəkaŋta əŋ hedi iyi fuk. 31A zlapaŋta, a zla: «Hi ndaha abə sa əŋ lay hedi iyi a namba halla ley yip mbizek taataɗ takwa.» Məŋgəvday hedi iyi mbeh səku i kəndaha, i kəziŋ, Yesu abə gula ŋga iyi i kəlim kataf kwa ley zəm wuda halla. 32I təɗ tata əŋ kambuwal, i nda tata əŋ lay hedi iyi a namba halla, tata taataɗ tata. 33Ama hedi iyi mbeh səku i kəlimta za i kənda tata, i kəsəŋ lay tata i mə nda. Ɓa, i hiy abə ŋgas əŋ wuta sə mbehmbeh iyi fuk, i gwar məpər a Yesu abə gula ŋga iyi.
34Əŋ Yesu mə bəreŋgehe tə əŋ kambuwal seh, a lim hedi makwas iyi ta mbeh səku. Nje həhər a ɗalaŋgu a hedi iyi ta, məŋgəvday a gər hedi iyi ta mənaŋ ntek mə tak njʉwiŋ iyi, ɓa, a mar ley sərəkaŋta məsəkəŋ iyi mbeh səku. 35Əŋ mbeh kwata pis ley ndəv, gula ŋga iyi i kərəɗaha əŋ kelek ŋga, i zlapaŋgu, i zla: «Pis mbeh kwata ley ndəv, lay wa ar damu. 36Zlapaŋta əŋ hedi iyi wa, i mə nda tata əŋ wuta iyi abə wuta tə abə bəra iyi amba i mə səkəmaha məsəkəŋ kə zəm.» 37Ama Yesu a ziŋgeŋta zlap, a zla: «Heni abə talaŋ təheni, hi vəlaŋta məsəkəŋ kə zəm.» I ɗəpu, i zla: «Hwa mba nini nda i səkəmaha peŋ tə sulay temere bək, ɓa, nini vəlaŋta ley zəm vaw?» 38Yesu a ɗəpta, a zla: «Heni abə peŋ veney? Hi nda i gərahaw.» I kəgərahaw kwata, i zlapaŋgu, i zla: «Nini abə peŋ juɓum liŋ abə kəlif bək.»
39Abə dawaŋ ta, Yesu a zlapaŋta əŋ gula ŋga iyi ley nja hedi iyi fuk njakw njakw a ŋgusawf sə ndeɓek. 40Hedi iyi i nja njakw njakw temere temere, ndəra juɓum ndəra juɓum. 41Yesu a ɓət peŋ sə juɓum abə kəlif sə bək iyi sey, a kaf nje əŋ wuzlaf, a ɗalaŋ sʉse əŋ Bizlaf. Abə dawaŋ ta, a ŋga peŋ iyi ta, a vəlaŋta əŋ gula ŋga iyi amba ley ɓizekeŋta əŋ hedi iyi. Mənaŋ mba bahayim, a wuɗakaŋta kəlif sə bək iyi sey əŋ hedi iyi fuk. 42Tata fuk i kəzəm ha i gwaɗ. 43Abə dawaŋ ta, gula ŋga iyi i cakal peŋ abə kəlif mayak iyi ta kəgwaɗ gadakar wam a meɗek bək. 44Hedi iyi i mə zəm peŋ iyi ta, muwul iyi a ɗal gabal juɓum.
Yesu a nda abə ŋgas a talaŋ yim
(Matta 14:22-33; Yahwana 6:15-21)
45Mbehmbeh mba, abə dawaŋ ta, Yesu a takaŋta wula əŋ gula ŋga iyi ley tap əŋ kambuwal amba ley taŋ kəɗi əŋ kəv məzəwindi tə lakwat məpər a mbiŋ, kəɗi əŋ berne tə Baytisayda, əŋ mbiŋ a kəzlapaŋta əŋ hedi makwas iyi ley ziŋta əŋ wuta. 46Abə dawaŋ ta, kəmbəzlaŋta ma kwata seh, ɓa, a nda ŋga əŋ wuzum ley ɗalaŋ mbuh əŋ Bizlaf. 47Əŋ məcukahw kwata, kambuwal bahayim mbə əŋ dəməs tə gaw tə yim, Yesu mbə taataɗ ŋga a teyek. 48A gər gula ŋga iyi i kəzləŋ takwaŋ ley taŋ gaw abə kambuwal, məŋgəvday mimiɗ a kəja əŋ talaŋ tata. Abə dawaŋ tə lay kədaŋgaha kwata seh, a nda kəɗi əŋ kelek tata abə ŋgas a talaŋ yim, mənaŋ a kəmba i taŋta. 49I gəru a kənda a talaŋ gaw tə yim abə ŋgas, i wulək seh ar məŋyim, ɓa, i ja varay. 50Mənaŋ wa, tata fuk i kəlimʉ, i kələndəŋ za mbeh səku. Ama mbehmbeh mba, a zlapaŋta, a zla: «Hi səɓ nəf, ar sa, hi mba i ləndəŋ səku.» 51A tap əŋ kelek tata əŋ kambuwal, mimiɗ a dak. Gula ŋga iyi i kəhar za mbeh səku. 52Mənaŋ wa, i kəsəŋ mazla tə a talaŋ peŋ iyi sey halla, məŋgəvday nəf tata tawytawy.
Yesu a mbəl hedi mə dal iyi əŋ hayak tə Genesaret
(Matta 14:34-36)
53Abə dawaŋ tə Yesu abə gula ŋga iyi i kətaŋgaha lakwat kwata seh, i gwar əŋ hayak tə Genesaret, ɓa, i dar kambuwal tata a bəra zəzay. 54I bəreŋgehe tata əŋ kambuwal, mbehmbeh mba, hedi iyi i səŋ Yesu. 55Hedi iyi i hiy kwa kəɗi əŋ hayak vitikey fuk, i mar ley dahaŋ hedi mə dal iyi a ɓəɓele, əŋ tata i mə zlimʉ, i zla: «Yesu mbə a nawa!» 56Kwa a tikey əŋ lay Yesu mə nda, a wuta iyi, əŋ berne iyi, hedi iyi i kədaha hedi tata mə dal iyi a lay tə hedi makwas iyi i rəku amba hedi mə dal iyi i mə ges ndəra kwa a meɗek tə rukut ŋga dap. Hedi mə geseŋ ndəra iyi fuk, i kəmbəl za.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល