Markus 4
4
Ma marərək abə hedi mə zlək
(Matta 13:1-9; Luka 8:4-8)
1Yesu a mar ley sərək hedi iyi a meɗek gaw tə Galili baha. Hedi iyi mbeh səku i kəkwas za a kelek ŋga. Məŋgəvday a ɗek, a tap əŋ kambuwal, a nja. Kambuwal mbə əŋ yim, hedi makwas iyi bahayim i mbə a meɗek gaw. 2Kəsərəkaŋta məsəkəŋ iyi mbeh səku abə ma marərək. Əŋ sərək ŋga ta, a zlapaŋta, a zla: 3«Hi teh zləm! Ehe, hedi mə zlək aka, a nda i zləkaha. 4Əŋ mbiŋ a kəzlək seh, siŋ məzəwindi iyi i nah a meɗek kataf. Vigem iyi i ndaha, i miɗta fuk. 5Siŋ məzəwindi iyi bahayim i nah əŋ nvəŋ iyi əŋ lay hayak ɓəraŋ. Mbehmbeh mba, i dəvaha viyu məŋgəvday hayak ɓəraŋ. 6Ama əŋ pis mə kafaha seh, pis ta, a var siŋ mə dəvaha ta, i hwal tata, məŋgəvday i kəkwar zem iyi guduk halla. 7Siŋ dakayta iyi bahayim i nah əŋ walaŋ tə digeɗ iyi. Digeɗ iyi i gəl, i ŋgəcu, i kəmbuw wuziyi halla. 8Siŋ dakayta iyi baha i nah əŋ lay səntaŋ, i dəvaha, i gəl, i təɗaha semer, i mbuw, i na: a ntaɗ a ɗal ndəra maakaɗ, məzəwindi ndəra ŋkuh, məzəwindi temere.» 9Ɓa, Yesu a zlapaŋta baha, a zla: «Hedi abə zləm ley zlim, mə zlimʉ!»
Yesu a zlap abə ma marərək seh, məŋgəvday a mey?
(Matta 13:10-17; Luka 8:9-10)
10Əŋ Yesu mbə guduk abə hedi makwas iyi seh, hedi manja tə a kelek ŋga iyi abə gula ŋga iyi wam a meɗek bək, i ɗəpu a talaŋ ma marərək sey. 11A ziŋgeŋta zlap, a zla: «Heni seh, Bizlaf kəgizeheni ma maɓah tə Bay ŋga za. Ama əŋ hedi dakayta iyi seh, sey abə ma marərək iyi. 12Mənaŋ wa,
“I kəgər nje lawlaw, ama i kəlim nje səku.
I kəteh zləm, ama i kəzlim zləm səku.
Amba i ziŋgehe əŋ kelek Bizlaf, Bizlaf bahayim a nda i baŋgaŋta hem tata.”»
Yesu a giz ma marərək a talaŋ hedi mə zlək
(Matta 13:18-23; Luka 8:11-15)
13Abə dawaŋ ta, Yesu a zlapaŋta, a zla: «Hi kəsəŋ ma marərək ta wa səku vaw? Mənaŋ mba seh, hi nda i səŋ ma marərək dakayta iyi fuk seh viŋgey? 14Hedi mə zlək seh, a kəzlək ma tə Bizlaf. 15Ehe, hedi dakayta iyi seh mənaŋ siŋ mə nah tə meɗek kataf, əŋ tata i mə zlim ma tə Bizlaf seh, Sayɗanu a ndaha mbehmbeh mba, a ɓət ma mazlək tə əŋ nəf tata. 16Mənaŋ mba baha, hedi dakayta iyi mənaŋ siŋ mə nah tə əŋ walaŋ tə nvəŋ iyi, əŋ tata i mə zlim ma tə Bizlaf seh, i kuwu mbehmbeh mba abə səsəm. 17Ama a ɗal zem əŋ nəf tata səku, i kuw ma ta tə waŋ mbizek. Abə dawaŋ ta, tuwah, aka səku təl ma mə limta məŋgəvday ma tə Bizlaf seh, mbehmbeh mba, i yak kuw ma. 18Hedi dakayta iyi seh, mənaŋ siŋ mə nah tə əŋ walaŋ tə digeɗ iyi. I zlim ma tə Bizlaf, 19ama wulək tə əŋ məŋhayak, abə məsəkəŋ mə ŋgasl hedi iyi ley lim məsəkəŋ abə kataf madawar liŋ mba məsəkəŋ iyi par par i kətəɗaŋta əŋ nəf tata, i kəŋgəc ma tə Bizlaf, a mbuw wuziyi səku. 20Hedi dakayta iyi bahayim mənaŋ siŋ mə nah tə əŋ lay səntaŋ. I zlim ma tə Bizlaf, i kuwu, a mbuw wuziyi mbeh səku, dakayta iyi a ɗal ndəra maakaɗ, dakayta iyi bahayim a ɗal ndəra ŋkuh, dakayta iyi temere.»
Ma marərək abə lalam
(Luka 8:16-18)
21Yesu a zlapaŋta baha, a zla: «Hedi a bas lalam za ley ɗiyu a gədaŋ bekwete, aka səku a gədaŋ kwambum vaw? Naa, a nda i ɗiyu a lay kə ɗiy lalam ta səku vaw#4:21 Matta 5:15; Luka 11:33.? 22Məŋgəvday məsəkəŋ maɓah iyi fuk i təɗaha za a palah, məsəkəŋ hedi iyi i mə səŋ səku fuk, i təɗahata za a lay mawaɗ. 23Əŋgah hedi abə zləm ley zlim, mə zlimʉ!» 24Yesu a zlapaŋta baha, a zla: «Hi sla wucum a ma heni mə zlim. Məsəkəŋ kə sla məsəkəŋ heni mə ɓət ley sla məsəkəŋ tə abə mbiŋ mba, i nda i slaheni məsəkəŋ abə mbiŋ bahayim, a fəfəlaheniza za a talaŋ tə təheni baha. 25Məŋgəvday hedi abə məsəkəŋ, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za.»
Ma marərək abə siŋ mə dəvaha taataɗ ŋga
26Yesu a zlap baha, a zla: «Bay tə Bizlaf seh, mənaŋ hedi mə zlək siŋ əŋ lay ŋga. 27Abə dawaŋ ta, a nda ŋga, a waŋ, a fəɗaha əŋ njaɗu abə pis fuk, əŋ hala ta mba siŋ a kədəvaha, a kəgəl, mbiŋ bahayim a kəsəŋ a gəl seh viŋgey səku. 28Siŋ ta, a dəvaha taataɗ ŋga, ar hayak mə vəlaŋ fagay, mar a kədəvaha, ɓa, a gəl, a ɗal ŋkem, a daha talaŋ, a mbuw wuziyi. 29Ama əŋgah ndəri ta kəsəɓ cuza seh, hedi ta a mar ley ɗal kəzəɗ abə heje, məŋgəvday hala kə cakalaha ndəri kəhwasaha za.»
Ma marərək abə mbu tə veŋcehew
(Matta 13:31-32, 34; Luka 13:18-19)
30Yesu a zlap baha, a zla: «Nakwa iyi nda i sla Bay tə Bizlaf wa seh abə mey? Aka səku, abə ma marərək vitikey nakwa iyi nda i giz ma ta? 31Ar mənaŋ mbu tə veŋcehew. Əŋ hedi mə zləku əŋ lay ŋga, mbiŋ pay kʉsit a siŋ iyi tə əŋ məŋhayak fuk. 32Ama əŋgah i kəzləku za, a dəvaha, a gəl pay day a wuri iyi fuk. A ja ma ndəra səndawl səndawl, ha vigem iyi i gula i ɗiy ge tata iyi əŋ ŋgiseŋ ta.»
33Yesu a gizeŋta ma tə Bizlaf əŋ hedi iyi abə ma marərək mənaŋ wa seh, ar mənaŋ hedi ŋga mə teh zləm iyi i mə gula i zlimʉ. 34A zlapaŋta seh, sey abə ma marərək. Ama əŋ mbiŋ taataɗ ŋga abə gula ŋga iyi seh, a pəlaŋta ma ta lawlaw.
Yesu a gar bərgədəŋ
(Matta 8:23-27; Luka 8:22-25)
35Əŋ pis ta mba, məcukahw kəɗal kwata, Yesu a zlapaŋta əŋ gula ŋga iyi, a zla: «Mazukwa i taŋ kəɗi əŋ kəv məzəwindi tə gaw.» 36I yak hedi makwas iyi. Gula ŋga iyi i taŋ, Yesu abə kambuwal mbiŋ mə nji tə ɗəməŋ. Kambuwal məzəwindi iyi bahayim i mbə a kelek ŋga. 37Bərgədəŋ a mar ley bəbir, a kəcawasl yim əŋ kambuwal ha yim ta a kənda i gwaɗ kambuwal kwata. 38Yesu mbə ha a dawaŋ, a kəwaŋ, talaŋ ŋga mbə a məsəkəŋ kə ɗiy talaŋ. Gula ŋga iyi i fəɗahaw, i zlapaŋgu, i zla: «Metir, nakwa iyi nda i məc, a təkwa kəgwarah halla dap vaw?» 39Əŋ mbiŋ mə garaha seh, a bəbəc bərgədəŋ ta, ɓa, a zlapaŋ əŋ yim, a zla: «Bes, nja ka tete!» Mimiɗ tite! a bes ŋga, bes səndawl kəɗal za. 40Ɓa, Yesu a zlapaŋta, a zla: «Heni ləndəŋ seh, məŋgəvday a mey? Ha mənjawa, heni abə kuw ma halla baha dap vaw?» 41Ama i kələndəŋ mbeh səku, i zlap əŋ faŋw tata, i zla: «Hedi wa, ar seh viyey? Kwa mimiɗ abə yim i kəkuwaŋ ma wa?»
ទើបបានជ្រើសរើសហើយ៖
Markus 4: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Markus 4
4
Ma marərək abə hedi mə zlək
(Matta 13:1-9; Luka 8:4-8)
1Yesu a mar ley sərək hedi iyi a meɗek gaw tə Galili baha. Hedi iyi mbeh səku i kəkwas za a kelek ŋga. Məŋgəvday a ɗek, a tap əŋ kambuwal, a nja. Kambuwal mbə əŋ yim, hedi makwas iyi bahayim i mbə a meɗek gaw. 2Kəsərəkaŋta məsəkəŋ iyi mbeh səku abə ma marərək. Əŋ sərək ŋga ta, a zlapaŋta, a zla: 3«Hi teh zləm! Ehe, hedi mə zlək aka, a nda i zləkaha. 4Əŋ mbiŋ a kəzlək seh, siŋ məzəwindi iyi i nah a meɗek kataf. Vigem iyi i ndaha, i miɗta fuk. 5Siŋ məzəwindi iyi bahayim i nah əŋ nvəŋ iyi əŋ lay hayak ɓəraŋ. Mbehmbeh mba, i dəvaha viyu məŋgəvday hayak ɓəraŋ. 6Ama əŋ pis mə kafaha seh, pis ta, a var siŋ mə dəvaha ta, i hwal tata, məŋgəvday i kəkwar zem iyi guduk halla. 7Siŋ dakayta iyi bahayim i nah əŋ walaŋ tə digeɗ iyi. Digeɗ iyi i gəl, i ŋgəcu, i kəmbuw wuziyi halla. 8Siŋ dakayta iyi baha i nah əŋ lay səntaŋ, i dəvaha, i gəl, i təɗaha semer, i mbuw, i na: a ntaɗ a ɗal ndəra maakaɗ, məzəwindi ndəra ŋkuh, məzəwindi temere.» 9Ɓa, Yesu a zlapaŋta baha, a zla: «Hedi abə zləm ley zlim, mə zlimʉ!»
Yesu a zlap abə ma marərək seh, məŋgəvday a mey?
(Matta 13:10-17; Luka 8:9-10)
10Əŋ Yesu mbə guduk abə hedi makwas iyi seh, hedi manja tə a kelek ŋga iyi abə gula ŋga iyi wam a meɗek bək, i ɗəpu a talaŋ ma marərək sey. 11A ziŋgeŋta zlap, a zla: «Heni seh, Bizlaf kəgizeheni ma maɓah tə Bay ŋga za. Ama əŋ hedi dakayta iyi seh, sey abə ma marərək iyi. 12Mənaŋ wa,
“I kəgər nje lawlaw, ama i kəlim nje səku.
I kəteh zləm, ama i kəzlim zləm səku.
Amba i ziŋgehe əŋ kelek Bizlaf, Bizlaf bahayim a nda i baŋgaŋta hem tata.”»
Yesu a giz ma marərək a talaŋ hedi mə zlək
(Matta 13:18-23; Luka 8:11-15)
13Abə dawaŋ ta, Yesu a zlapaŋta, a zla: «Hi kəsəŋ ma marərək ta wa səku vaw? Mənaŋ mba seh, hi nda i səŋ ma marərək dakayta iyi fuk seh viŋgey? 14Hedi mə zlək seh, a kəzlək ma tə Bizlaf. 15Ehe, hedi dakayta iyi seh mənaŋ siŋ mə nah tə meɗek kataf, əŋ tata i mə zlim ma tə Bizlaf seh, Sayɗanu a ndaha mbehmbeh mba, a ɓət ma mazlək tə əŋ nəf tata. 16Mənaŋ mba baha, hedi dakayta iyi mənaŋ siŋ mə nah tə əŋ walaŋ tə nvəŋ iyi, əŋ tata i mə zlim ma tə Bizlaf seh, i kuwu mbehmbeh mba abə səsəm. 17Ama a ɗal zem əŋ nəf tata səku, i kuw ma ta tə waŋ mbizek. Abə dawaŋ ta, tuwah, aka səku təl ma mə limta məŋgəvday ma tə Bizlaf seh, mbehmbeh mba, i yak kuw ma. 18Hedi dakayta iyi seh, mənaŋ siŋ mə nah tə əŋ walaŋ tə digeɗ iyi. I zlim ma tə Bizlaf, 19ama wulək tə əŋ məŋhayak, abə məsəkəŋ mə ŋgasl hedi iyi ley lim məsəkəŋ abə kataf madawar liŋ mba məsəkəŋ iyi par par i kətəɗaŋta əŋ nəf tata, i kəŋgəc ma tə Bizlaf, a mbuw wuziyi səku. 20Hedi dakayta iyi bahayim mənaŋ siŋ mə nah tə əŋ lay səntaŋ. I zlim ma tə Bizlaf, i kuwu, a mbuw wuziyi mbeh səku, dakayta iyi a ɗal ndəra maakaɗ, dakayta iyi bahayim a ɗal ndəra ŋkuh, dakayta iyi temere.»
Ma marərək abə lalam
(Luka 8:16-18)
21Yesu a zlapaŋta baha, a zla: «Hedi a bas lalam za ley ɗiyu a gədaŋ bekwete, aka səku a gədaŋ kwambum vaw? Naa, a nda i ɗiyu a lay kə ɗiy lalam ta səku vaw#4:21 Matta 5:15; Luka 11:33.? 22Məŋgəvday məsəkəŋ maɓah iyi fuk i təɗaha za a palah, məsəkəŋ hedi iyi i mə səŋ səku fuk, i təɗahata za a lay mawaɗ. 23Əŋgah hedi abə zləm ley zlim, mə zlimʉ!» 24Yesu a zlapaŋta baha, a zla: «Hi sla wucum a ma heni mə zlim. Məsəkəŋ kə sla məsəkəŋ heni mə ɓət ley sla məsəkəŋ tə abə mbiŋ mba, i nda i slaheni məsəkəŋ abə mbiŋ bahayim, a fəfəlaheniza za a talaŋ tə təheni baha. 25Məŋgəvday hedi abə məsəkəŋ, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za.»
Ma marərək abə siŋ mə dəvaha taataɗ ŋga
26Yesu a zlap baha, a zla: «Bay tə Bizlaf seh, mənaŋ hedi mə zlək siŋ əŋ lay ŋga. 27Abə dawaŋ ta, a nda ŋga, a waŋ, a fəɗaha əŋ njaɗu abə pis fuk, əŋ hala ta mba siŋ a kədəvaha, a kəgəl, mbiŋ bahayim a kəsəŋ a gəl seh viŋgey səku. 28Siŋ ta, a dəvaha taataɗ ŋga, ar hayak mə vəlaŋ fagay, mar a kədəvaha, ɓa, a gəl, a ɗal ŋkem, a daha talaŋ, a mbuw wuziyi. 29Ama əŋgah ndəri ta kəsəɓ cuza seh, hedi ta a mar ley ɗal kəzəɗ abə heje, məŋgəvday hala kə cakalaha ndəri kəhwasaha za.»
Ma marərək abə mbu tə veŋcehew
(Matta 13:31-32, 34; Luka 13:18-19)
30Yesu a zlap baha, a zla: «Nakwa iyi nda i sla Bay tə Bizlaf wa seh abə mey? Aka səku, abə ma marərək vitikey nakwa iyi nda i giz ma ta? 31Ar mənaŋ mbu tə veŋcehew. Əŋ hedi mə zləku əŋ lay ŋga, mbiŋ pay kʉsit a siŋ iyi tə əŋ məŋhayak fuk. 32Ama əŋgah i kəzləku za, a dəvaha, a gəl pay day a wuri iyi fuk. A ja ma ndəra səndawl səndawl, ha vigem iyi i gula i ɗiy ge tata iyi əŋ ŋgiseŋ ta.»
33Yesu a gizeŋta ma tə Bizlaf əŋ hedi iyi abə ma marərək mənaŋ wa seh, ar mənaŋ hedi ŋga mə teh zləm iyi i mə gula i zlimʉ. 34A zlapaŋta seh, sey abə ma marərək. Ama əŋ mbiŋ taataɗ ŋga abə gula ŋga iyi seh, a pəlaŋta ma ta lawlaw.
Yesu a gar bərgədəŋ
(Matta 8:23-27; Luka 8:22-25)
35Əŋ pis ta mba, məcukahw kəɗal kwata, Yesu a zlapaŋta əŋ gula ŋga iyi, a zla: «Mazukwa i taŋ kəɗi əŋ kəv məzəwindi tə gaw.» 36I yak hedi makwas iyi. Gula ŋga iyi i taŋ, Yesu abə kambuwal mbiŋ mə nji tə ɗəməŋ. Kambuwal məzəwindi iyi bahayim i mbə a kelek ŋga. 37Bərgədəŋ a mar ley bəbir, a kəcawasl yim əŋ kambuwal ha yim ta a kənda i gwaɗ kambuwal kwata. 38Yesu mbə ha a dawaŋ, a kəwaŋ, talaŋ ŋga mbə a məsəkəŋ kə ɗiy talaŋ. Gula ŋga iyi i fəɗahaw, i zlapaŋgu, i zla: «Metir, nakwa iyi nda i məc, a təkwa kəgwarah halla dap vaw?» 39Əŋ mbiŋ mə garaha seh, a bəbəc bərgədəŋ ta, ɓa, a zlapaŋ əŋ yim, a zla: «Bes, nja ka tete!» Mimiɗ tite! a bes ŋga, bes səndawl kəɗal za. 40Ɓa, Yesu a zlapaŋta, a zla: «Heni ləndəŋ seh, məŋgəvday a mey? Ha mənjawa, heni abə kuw ma halla baha dap vaw?» 41Ama i kələndəŋ mbeh səku, i zlap əŋ faŋw tata, i zla: «Hedi wa, ar seh viyey? Kwa mimiɗ abə yim i kəkuwaŋ ma wa?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល