Matta 26
26
Hedi səndawl iyi i ɗal yawa ley məl Yesu
(Markus 14:1-2; Luka 22:1-2; Yahwana 11:45-53)
1Əŋ Yesu kəcukwaɗ sərək iyi wa fuk kwata seh, a zlapaŋta əŋ gula ŋga iyi, a zla: 2«Heni kəsəŋ, mayak waŋ bək amba gugway tə Paska a ɗal. I vəl Mbu tə Hedi za amba ley daru a mpay mazlaŋgal.»
3Əŋ hala ta mba izey, hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahada iyi i kwas a palah ge tə Kayafas, hedi səndawl tə hedi mə ɗal kukus əŋ Bizlaf iyi. 4I kəzlap əŋ faŋw tata ley məl Yesu abə wereh, amba ley ju. 5I zlap, i zla: «Nakwa iyi mba i məlu abə pis tə gugway səku, məŋgəvday hedi iyi i nda i mbuw ma.»
Wala a mbaɗ ɓurdi a talaŋ tə Yesu
(Markus 14:3-9; Yahwana 12:1-8)
6Əŋ Yesu mbə əŋ Baytaniya, a ge Simaŋw, hedi kwalkwala. 7Wala, a kərəɗaha əŋ kelek ŋga abə ŋgəfa tə albatər, mə gweɗi haf abə ɓurdi, mə səkəm səku. A mbaɗaŋ ɓurdi ta a talaŋ tə Yesu, əŋ mbiŋ a kəzəm wuda. 8Əŋ gula ŋga iyi i mə gər məsəkəŋ ta seh, nəf tata iyi i dəm, i zlap, i zla: «A gayu mənaŋ wa seh, imey? 9I gula i ber ɓurdi ta dala mbeh səku. Ɓa, i vəlaŋta dala ta əŋ hedi məstakwaŋ iyi.»
10Yesu a kəsəŋ wulək tata za, ɓa, a zlapaŋta, a zla: «Hi ŋgaŋ talaŋ əŋ wala wa seh, a mey? Kəzəɗ mbiŋ mə ɗalak wa səntaŋ. 11Məŋgəvday hedi məstakwaŋ iyi seh i nda i nja abə heni hwayhway, ama sa seh, sa kənda i nja abə heni hwayhway seh halla. 12A mbaɗ ɓurdi wa a wucum na seh, amba ley ɗiyaka wucum na ley nda əŋ jiɓ. 13Sa kəzlapaheni məndiwiŋ: Kwa a tikey a tikey əŋ lay, i kəgiz Labara Səntaŋ Lawayaŋ əŋ məŋhayak fuk seh, i giz məsəkəŋ wala wa mə ɗal wa za, hedi iyi i nda i səŋ kenek a wala ta.»
Yahuda a pələk kataf ley ber Yesu əŋ ndəra hedi səndawl iyi tə a talaŋ hedi iyi i mə ɗal kukus əŋ Bizlaf
(Markus 14:10-11; Luka 22:3-6)
14Abə dawaŋ ta izey, hedi ntaɗ tə əŋ faŋw tə gula iyi wam a meɗek bək, i mə ɗafaŋ ma Yahuda Iskariyawt, a nda əŋ kelek hedi səndawl iyi tə a talaŋ hedi iyi i mə ɗal kukus əŋ Bizlaf. 15Ɓa, a zlapaŋta, a zla: «Əŋgah sa kədaheni Yesu za seh, hi nda i vəlaka seh mey?» Ɓa, i ŋgəɗ dala tə malaway iyi ndəra maakaɗ, i vəlaŋgu. 16Mar tə pis mba, Yahuda a pələk kataf amba a vəlaŋta Yesu.
Gula tə Yesu iyi i da wuda tə gugway tə Paska
(Markus 14:12-16; Luka 22:7-13)
17Əŋ pis titʉz tə gugway tə peŋ mə tak is ɗəməŋ seh, gula iyi i kərəɗaha əŋ kelek Yesu, i ɗəpu, i zla: «Hwa mba nini nda i da wuda tə gugway tə Paska seh, a tikey?» 18Yesu a ziŋgeŋta zlap, a zla: «Hi nda əŋ berne əŋ kelek hedi aka, hi zlapaŋgu: “Metir, a zla: Waŋ na kəgwaraha kwata, ar a ge təkwa sa nda i ɗal gugway tə Paska abə gula na iyi.”» 19Gula iyi sey, i ɗal mənaŋ Yesu mə zlapaŋta. Ɓa, i da wuda tə gugway tə Paska.
Yesu a zəm wuda tə gugway tə Paska abə gula ŋga iyi
(Markus 14:17-26; Luka 22:14-23; Yahwana 13:21-30; 1 Kwarintʉ iyi 11:23-25)
20Əŋ məcukahw kwata seh, Yesu a nja ley zəm wuda abə gula ŋga iyi wam a meɗek bək. 21Əŋ tata i kəzəm wuda, Yesu a zlapaŋta, a zla: «Sa kəzlapaheni məndiwiŋ: Hedi ntaɗ əŋ faŋw təheni a bereke za.» 22Ma ta, kəjaŋta wucum za mbeh səku, tata fuk i ɗəp Yesu ntaɗ ntaɗ, i zla: «Bay Bayta, ar sa vaw, ar sa vaw?» 23Yesu a ziŋgeŋta zlap, a zla: «Ar hedi ndəra tini mə jam tə əŋ kwaɗum bək ta wa, ar mbiŋ mə nda i bereke. 24Məndiwiŋ, Mbu tə Hedi a məc za mənaŋ ma mawuzlel tə əŋ Ɗerewel tə Bizlaf mə zlap tə a talaŋ ŋga. Ama tuwah a ndaha za a talaŋ hedi mə nda i ber Mbu tə Hedi, gelɓe əŋ hedi ta kəmbuwaha halla pay day.» 25Yahuda, hedi mə nda i berʉ, a ɗəpu bahayim, a zla: «Metir, ar sa vaw?» Yesu a ziŋgeŋ zlap, a zla: «Ar mənaŋ hwa mə zlap mba.»
Wuda tə Bay Bayta
(Markus 14:22-26; Luka 22:15-20; 1 Kwarintʉ iyi 11:23-25)
26Əŋ tata i kəzəm wuda, Yesu a ɓət peŋ, a ɗalaŋ sʉse əŋ Bizlaf, a ŋgu, a vəlaŋta əŋ gula ŋga iyi, a zlapaŋta, a zla: «Hi ɓətu, hi zəmu, wawa, ar wucum na.» 27Ɓa, a ɓət kwaɗum tə abə mavu, abə dawaŋ ta, a ɗalaŋ sʉse əŋ Bizlaf, a vəlaŋta, a zla: «Hi su heni fuk, 28məŋgəvday wawa, ar məmbəz na, məmbəz kə jaw ma tə Bizlaf, mambaɗaha məŋgəvday hedi iyi mbeh səku, ley baŋ hem iyi. 29Sa kəzlapaheni, mar tə eci sa kənda i sa mavu wa abə heni halla ba, ha əŋ pis sa mə nda i sa mavu lawayaŋ baha abə heni əŋ Bay tə Baba na.» 30Abə dawaŋ ta, i ja dərif tə gugway tə əŋ Jabura. Ɓa i nda tata əŋ wuzum tə Jaytun iyi.
Yesu abə Piyer
(Markus 14:27-31; Luka 22:31-34; Yahwana 13:36-38)
31Abə dawaŋ ta izey, Yesu a zlapaŋta əŋ gula ŋga iyi, a zla: «Əŋ njaɗu wa heni fuk, hi yakaka za. Məŋgəvday ma mawuzlel tə əŋ Ɗerewel tə Bizlaf mə zlap, a zla: “Sa ja njʉwiŋ za, ŋgaɓa tə ntek iyi bahayim i wʉweɗ tata za.” 32Ama əŋgah sa kəgaraha na za əŋ faŋw tə hedi maməc iyi seh, sa nda za məpər a heni əŋ Galili.» 33Piyer a ɓət zlap, a zla: «Kwa hedi dakayta iyi fuk, i kəyakah za, sa seh, sa kənda i yakah halla səlak.» 34Yesu a ziŋgeŋ zlap, a zla: «Sa kəzlapah məndiwiŋ: əŋ njaɗu tə eci wa, ha gwamzakw a nda i ja wula seh, hwa ja ma za əŋ ŋgas maakaɗ, hwa kəsəŋgaka səku.» 35Piyer zlapaŋgu, a zla: «Kwa əŋgah ley məc seh, namu i məc bək ta, sa kənda i zlap sa kəsəŋgah səku səlak seh halla.» Gula ŋga dakayta iyi fuk, i zlap mənaŋ mba bahayim.
Yesu a ɗal mbuh a Gecemane
(Markus 14:32-42; Luka 22:39-46)
36Yesu a gwaraha abə gula ŋga iyi əŋ lay aka, i mə ɗafaŋ ma Gecemane, ɓa, a zlapaŋta, a zla: «Hi nja a lay wa, sa mba i nda i ɗalaha mbuh a macu.» 37Ɓa, a ŋgasl Piyer abə wuziyi tə Zebede iyi bək. Wucum ŋga a mar ley məc, ɓa, ləndəŋ a ju. 38Abə dawaŋ ta izey, a zlapaŋta, a zla: «Wucum na mə məc wa, a kəmba i jaka. Hi nja a nawa abə sa, hi mba i waŋ səku.» 39A nda guduk mbizek, a nah abə dəməs manuk duc əŋ teyek, a ɗal mbuh mənaŋ wa, a zla: «Baba na, əŋgah a lim za seh, kərəɗ tuwah wa guduk abə sa. Kwa mənaŋ mba day seh, hwa mba i ɗal mənaŋ sa mə mba səku, ama mənaŋ hwa mə mba.»
40Ɓa, a ziŋgehe əŋ kelek gula ŋga sə maakaɗ iyi sey, a limta i kəwaŋ. A zlapaŋ əŋ Piyer, a zla: «Heni gula i ɓat abə sa kwa tə ler ntaɗ səku vaw? 41Hi mba i waŋ səku, hi ɗal mbuh məŋgəvday hi mba i təɗ əŋ təl kə bim səku. Wulək tə hedi a kəmba i ɗal məsəkəŋ səntaŋ, ama wucum ŋga hulawf.»
42A ziŋ əŋ ŋgas bək baha, a ɗal mbuh mənaŋ wa, a zla: «Baba na, əŋgah tuwah ta a lim ley gaɗ guduk səku seh, sey sa su, mba təkwa mə ɗal.»
43A ziŋ baha əŋ kelek gula ŋga iyi sey, a limta i kəwaŋ. I gula i nja abə nje səku. 44Yesu a yakta, a kərəɗ ŋga guduk baha. A ɗal mbuh əŋ ŋgas maakaɗ abə ley zlap ma mənaŋ nakaha iyi sey. 45Ɓa, a ziŋgehe əŋ kelek gula iyi, a zlapaŋta, a zla: «Heni kəwaŋ, hi kəyip dap vaw? Mənjawa, waŋ ta kəhwasaha za, i ber Mbu tə Hedi za əŋ ndəra hedi mə ɗal hem iyi. 46Hi garaha, mazukwa za, ehe, hedi mə nda i bereke əŋ ndəra hedi mə ɗal hem iyi mbə a nawa.»
Məl tə Yesu
(Markus 14:43-50; Luka 22:47-53; Yahwana 18:3-12)
47Əŋ Yesu kəcukwaɗ zlap ŋga halla ndagwa seh, Yahuda, hedi ntaɗ tə əŋ faŋw tə gula iyi wam a meɗek bək, a gwaraha abə hedi iyi mbeh səku, i mbə abə masalam iyi liŋ abə zlambay iyi a ndəra. Ar hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi i mə ləɓahata. 48Yahuda, hedi mə nda i ber Yesu, kəgizeŋta məsəkəŋ tata mə nda i ɗal za mar tə a kataf, a zla: «Hedi, sa mə nda i ɗal mbele tə abə mbiŋ məl wucum wa, ar mbiŋ, hi məlu.» 49Mbehmbeh mba, Yahuda, a kərəɗaha əŋ kelek Yesu, a zlapaŋgu, a zla: «Mbele, Rabbi!» Ɓa, a ɗalaŋ mbele abə məl wucum. 50Yesu a ziŋgeŋ zlap, a zla: «Maday na, məsəkəŋ hwa mə ndaha ley ɗal wa, ɗalu viyu.» Abə dawaŋ ta izey, hedi dakayta iyi i kərəɗaha, i ndaha a talaŋ Yesu, ɓa, i məlu. 51Hedi ntaɗ əŋ faŋw tə hedi tə abə Yesu iyi, a təɗaha masalam ŋga, a bəl hedi mə ɗal kəzəɗ tə hedi səndawl tə a talaŋ hedi iyi i mə ɗal kukus əŋ Bizlaf, mbaŋ! a rəslaŋ zləm. 52Yesu a zlapaŋgu, a zla: «Ndək masalam təkwa ka əŋ ge ta, məŋgəvday hedi mə jəm tə abə masalam iyi fuk, ar masalam mə nda i jata. 53Hwa kəsəŋ sa gula i ɗəp mətər a ndəra Baba na, mbehmbeh wa, a ləɓaka mələɓ iyi mbeh səku day wam a meɗek bək za seh halla vaw? 54Ama, əŋgah mənaŋ wa seh, ma mawuzlel tə əŋ Ɗerewel tə Bizlaf a nda i ɗal məndiwiŋ seh, viŋgey? Məŋgəvday ma ta, a kəzlap sey məsəkəŋ ta mə taŋ mənaŋ wa.»
55Ɓa, Yesu a zlapaŋta əŋ hedi makwas iyi, a zla: «Heni ndaha ley məlaka abə masalam iyi liŋ zlambay iyi mənaŋ sa məhil seh, məŋgəvday a mey? Əŋ waŋ iyi fuk, sa mə nji əŋ biŋ tə Bizlaf ley sərək hedi iyi, ama heni kəməlaka halla. 56Ama məsəkəŋ iyi ta fuk i mə ɗal za, amba zlap tə hedi mə giz ma abə miya tə Bizlaf iyi tə əŋ Ɗerewel tə Bizlaf mə ɗal.» Abə dawaŋ tə zlap ta, gula iyi fuk i yaku, i hiy tata.
Yesu mbə a ma tə hedi səndawl mə ɗal yawa kə mbəzl ma iyi
(Markus 14:53-65; Luka 22:54-55, 63-71; Yahwana 18:13-14, 19-24)
57Hedi mə məl Yesu iyi sey, i deɓʉ əŋ ge Kayafas, hedi səndawl tə a talaŋ hedi iyi i mə ɗal kukus əŋ Bizlaf. Metir tə ma majaw iyi abə hedi mə ɗal yawa tə Yahuda iyi i mə kwesi a namba. 58Piyer a kəziber Yesu abə guduk ta, ha a gwar a palah ge tə hedi səndawl tə a talaŋ hedi iyi i mə ɗal kukus əŋ Bizlaf. Əŋ mbiŋ mə təɗ əŋ ge seh, ɓa, a nja a palah abə hedi mə ɗal kəzəɗ tə ge iyi ta amba ley gər məsəkəŋ mə nda i taŋ tə a namba.
59Hedi səndawl iyi tə a talaŋ hedi iyi i mə ɗal kukus əŋ Bizlaf abə hedi səndawl mə ɗal yawa kə mbəzl ma iyi fuk i kəpələk sedewe tə zlap madawar a talaŋ Yesu amba ley mbəzlaŋ ma kə ja. 60Hedi mə ɗal sedewe tə abə bərəsl ma iyi tə a talaŋ Yesu i kəndaha za mbeh səku, ama i kəlim məsəkəŋ səntaŋ halla#26:60 Jabura 27:12; 35:11.. Əŋ cukwaɗ ta seh, hedi iyi bək i ndaha, 61i zla: «Hedi ta kəzlap za, a zla: “Sa gula i hurum biŋ tə Bizlaf, ɓa, sa ləmu əŋ waŋ maakaɗ#26:61 Yahwana 2:19..”» 62Hedi səndawl tə a talaŋ hedi mə ɗal kukus əŋ Bizlaf a gar, a zlapaŋ əŋ Yesu, a zla: «Hwa ziŋgeŋta zlap kwa kʉsit əŋ hedi iyi tə a talaŋ təkwa wa səku dap vaw?» 63Ama Yesu mə nji tete. Hedi səndawl tə a talaŋ hedi iyi i mə ɗal kukus əŋ Bizlaf a zlapaŋgu, a zla: «Abə miya tə Bizlaf tə abə nje, sa kəɗəpah amba hwa gizeheni abə meɗ: Hwa Almasihu, Mbu tə Bizlaf vaw?» 64Yesu a ziŋgeŋ zlap, a zla: «Ar mənaŋ hwa mə zlap mba. Ama sa kəzlapaheni, mar mənjawa, heni nda i lim Mbu tə Hedi mə nji əŋ ndəra zəma tə Bizlaf tə abə fagay. Baha, hi limza za a kəndaha a talaŋ gazlavay tə wuzlaf#26:64 Jabura 110:1; Daniyel 7:13..» 65Əŋ hala ta mba, hedi səndawl tə a talaŋ hedi iyi i mə ɗal kukus əŋ Bizlaf a ŋgwahak rukut ŋga iyi, a ja varay, a zla: «Kəra Bizlaf za! Nakwa iyi kənda i pələk sedewe par halla ba, heni kəzlim mbiŋ mə ra Bizlaf za. 66Hi wulək seh viŋgey?» I ziŋgeŋ zlap, i zla: «Mbiŋ kəɗal hem za, tiɗe ley ja.» 67Abə dawaŋ ta izey, i pireŋ mesleɓ a nje, i duku abə ndəra, hedi dakayta iyi i vəlaŋ matapaŋ ndəra əŋ bəra zləm, 68i zlap, i zla: «Əŋgah hwa Almasihu seh, gizeheni, mə tawah wa seh viyey?»
Piyer a zlap seh a kəsəŋ Yesu səku
(Markus 14:66-72; Luka 22:56-62; Yahwana 18:15-18, 25-27)
69Piyer mə nji a palah ge. Hazləma mə ɗal kəzəɗ tə a namba, a kərəɗaha əŋ kelek ŋga, a zlapaŋgu, a zla: «Hwa bahayim, hwa mbə abə Yesu lə Galili.» 70Ama Piyer a ja ma, a ma tə hedi iyi fuk, a zla: «Sa kəsəŋ ma hwa mə mba i zlap wa səku.»
71Ɓa, a nda kəɗi medigiɗ. Hazləma mə ɗal kəzəɗ par baha, a limʉ, ɓa, a zlapaŋta əŋ hedi tə a namba iyi, a zla: «Hedi wa, mbə abə Yesu lə Nasaratu.» 72Piyer a ja ma baha, a zla: «Sa meɗ, sa kəsəŋ hedi ta səku.»
73Nja mbizek abə dawaŋ ta, hedi magar tə a namba iyi i kərəɗaha əŋ kelek Piyer, ɓa, i zlapaŋgu, i zla: «Məndiwiŋ, hwa seh, hedi ntaɗ tə əŋ faŋw tata, məŋgəvday wula təkwa hwa mə zlap wa, a kəgiz hayak hwa mə ndaha.» 74Abə dawaŋ ta izey, Piyer a ja varay, a zla: «Bizlaf mə zləŋgaka takwaŋ, əŋgah sa bərəsl ma. Sa kəmeɗ məndiwiŋ, sa kəsəŋ hedi wa səku!» Mbehmbeh mba, ɓa, gwamzakw a ja wula. 75Piyer a səŋ kenek a ma Yesu mə zlapaŋgu sey, a zla: «Ha gwamzakw a nda i ja wula seh, hwa ja ma za əŋ ŋgas maakaɗ, hwa kəsəŋgaka səku.» A təɗaha ŋga a palah, ɓa, a haŋ mbeh səku.
ទើបបានជ្រើសរើសហើយ៖
Matta 26: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matta 26
26
Hedi səndawl iyi i ɗal yawa ley məl Yesu
(Markus 14:1-2; Luka 22:1-2; Yahwana 11:45-53)
1Əŋ Yesu kəcukwaɗ sərək iyi wa fuk kwata seh, a zlapaŋta əŋ gula ŋga iyi, a zla: 2«Heni kəsəŋ, mayak waŋ bək amba gugway tə Paska a ɗal. I vəl Mbu tə Hedi za amba ley daru a mpay mazlaŋgal.»
3Əŋ hala ta mba izey, hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahada iyi i kwas a palah ge tə Kayafas, hedi səndawl tə hedi mə ɗal kukus əŋ Bizlaf iyi. 4I kəzlap əŋ faŋw tata ley məl Yesu abə wereh, amba ley ju. 5I zlap, i zla: «Nakwa iyi mba i məlu abə pis tə gugway səku, məŋgəvday hedi iyi i nda i mbuw ma.»
Wala a mbaɗ ɓurdi a talaŋ tə Yesu
(Markus 14:3-9; Yahwana 12:1-8)
6Əŋ Yesu mbə əŋ Baytaniya, a ge Simaŋw, hedi kwalkwala. 7Wala, a kərəɗaha əŋ kelek ŋga abə ŋgəfa tə albatər, mə gweɗi haf abə ɓurdi, mə səkəm səku. A mbaɗaŋ ɓurdi ta a talaŋ tə Yesu, əŋ mbiŋ a kəzəm wuda. 8Əŋ gula ŋga iyi i mə gər məsəkəŋ ta seh, nəf tata iyi i dəm, i zlap, i zla: «A gayu mənaŋ wa seh, imey? 9I gula i ber ɓurdi ta dala mbeh səku. Ɓa, i vəlaŋta dala ta əŋ hedi məstakwaŋ iyi.»
10Yesu a kəsəŋ wulək tata za, ɓa, a zlapaŋta, a zla: «Hi ŋgaŋ talaŋ əŋ wala wa seh, a mey? Kəzəɗ mbiŋ mə ɗalak wa səntaŋ. 11Məŋgəvday hedi məstakwaŋ iyi seh i nda i nja abə heni hwayhway, ama sa seh, sa kənda i nja abə heni hwayhway seh halla. 12A mbaɗ ɓurdi wa a wucum na seh, amba ley ɗiyaka wucum na ley nda əŋ jiɓ. 13Sa kəzlapaheni məndiwiŋ: Kwa a tikey a tikey əŋ lay, i kəgiz Labara Səntaŋ Lawayaŋ əŋ məŋhayak fuk seh, i giz məsəkəŋ wala wa mə ɗal wa za, hedi iyi i nda i səŋ kenek a wala ta.»
Yahuda a pələk kataf ley ber Yesu əŋ ndəra hedi səndawl iyi tə a talaŋ hedi iyi i mə ɗal kukus əŋ Bizlaf
(Markus 14:10-11; Luka 22:3-6)
14Abə dawaŋ ta izey, hedi ntaɗ tə əŋ faŋw tə gula iyi wam a meɗek bək, i mə ɗafaŋ ma Yahuda Iskariyawt, a nda əŋ kelek hedi səndawl iyi tə a talaŋ hedi iyi i mə ɗal kukus əŋ Bizlaf. 15Ɓa, a zlapaŋta, a zla: «Əŋgah sa kədaheni Yesu za seh, hi nda i vəlaka seh mey?» Ɓa, i ŋgəɗ dala tə malaway iyi ndəra maakaɗ, i vəlaŋgu. 16Mar tə pis mba, Yahuda a pələk kataf amba a vəlaŋta Yesu.
Gula tə Yesu iyi i da wuda tə gugway tə Paska
(Markus 14:12-16; Luka 22:7-13)
17Əŋ pis titʉz tə gugway tə peŋ mə tak is ɗəməŋ seh, gula iyi i kərəɗaha əŋ kelek Yesu, i ɗəpu, i zla: «Hwa mba nini nda i da wuda tə gugway tə Paska seh, a tikey?» 18Yesu a ziŋgeŋta zlap, a zla: «Hi nda əŋ berne əŋ kelek hedi aka, hi zlapaŋgu: “Metir, a zla: Waŋ na kəgwaraha kwata, ar a ge təkwa sa nda i ɗal gugway tə Paska abə gula na iyi.”» 19Gula iyi sey, i ɗal mənaŋ Yesu mə zlapaŋta. Ɓa, i da wuda tə gugway tə Paska.
Yesu a zəm wuda tə gugway tə Paska abə gula ŋga iyi
(Markus 14:17-26; Luka 22:14-23; Yahwana 13:21-30; 1 Kwarintʉ iyi 11:23-25)
20Əŋ məcukahw kwata seh, Yesu a nja ley zəm wuda abə gula ŋga iyi wam a meɗek bək. 21Əŋ tata i kəzəm wuda, Yesu a zlapaŋta, a zla: «Sa kəzlapaheni məndiwiŋ: Hedi ntaɗ əŋ faŋw təheni a bereke za.» 22Ma ta, kəjaŋta wucum za mbeh səku, tata fuk i ɗəp Yesu ntaɗ ntaɗ, i zla: «Bay Bayta, ar sa vaw, ar sa vaw?» 23Yesu a ziŋgeŋta zlap, a zla: «Ar hedi ndəra tini mə jam tə əŋ kwaɗum bək ta wa, ar mbiŋ mə nda i bereke. 24Məndiwiŋ, Mbu tə Hedi a məc za mənaŋ ma mawuzlel tə əŋ Ɗerewel tə Bizlaf mə zlap tə a talaŋ ŋga. Ama tuwah a ndaha za a talaŋ hedi mə nda i ber Mbu tə Hedi, gelɓe əŋ hedi ta kəmbuwaha halla pay day.» 25Yahuda, hedi mə nda i berʉ, a ɗəpu bahayim, a zla: «Metir, ar sa vaw?» Yesu a ziŋgeŋ zlap, a zla: «Ar mənaŋ hwa mə zlap mba.»
Wuda tə Bay Bayta
(Markus 14:22-26; Luka 22:15-20; 1 Kwarintʉ iyi 11:23-25)
26Əŋ tata i kəzəm wuda, Yesu a ɓət peŋ, a ɗalaŋ sʉse əŋ Bizlaf, a ŋgu, a vəlaŋta əŋ gula ŋga iyi, a zlapaŋta, a zla: «Hi ɓətu, hi zəmu, wawa, ar wucum na.» 27Ɓa, a ɓət kwaɗum tə abə mavu, abə dawaŋ ta, a ɗalaŋ sʉse əŋ Bizlaf, a vəlaŋta, a zla: «Hi su heni fuk, 28məŋgəvday wawa, ar məmbəz na, məmbəz kə jaw ma tə Bizlaf, mambaɗaha məŋgəvday hedi iyi mbeh səku, ley baŋ hem iyi. 29Sa kəzlapaheni, mar tə eci sa kənda i sa mavu wa abə heni halla ba, ha əŋ pis sa mə nda i sa mavu lawayaŋ baha abə heni əŋ Bay tə Baba na.» 30Abə dawaŋ ta, i ja dərif tə gugway tə əŋ Jabura. Ɓa i nda tata əŋ wuzum tə Jaytun iyi.
Yesu abə Piyer
(Markus 14:27-31; Luka 22:31-34; Yahwana 13:36-38)
31Abə dawaŋ ta izey, Yesu a zlapaŋta əŋ gula ŋga iyi, a zla: «Əŋ njaɗu wa heni fuk, hi yakaka za. Məŋgəvday ma mawuzlel tə əŋ Ɗerewel tə Bizlaf mə zlap, a zla: “Sa ja njʉwiŋ za, ŋgaɓa tə ntek iyi bahayim i wʉweɗ tata za.” 32Ama əŋgah sa kəgaraha na za əŋ faŋw tə hedi maməc iyi seh, sa nda za məpər a heni əŋ Galili.» 33Piyer a ɓət zlap, a zla: «Kwa hedi dakayta iyi fuk, i kəyakah za, sa seh, sa kənda i yakah halla səlak.» 34Yesu a ziŋgeŋ zlap, a zla: «Sa kəzlapah məndiwiŋ: əŋ njaɗu tə eci wa, ha gwamzakw a nda i ja wula seh, hwa ja ma za əŋ ŋgas maakaɗ, hwa kəsəŋgaka səku.» 35Piyer zlapaŋgu, a zla: «Kwa əŋgah ley məc seh, namu i məc bək ta, sa kənda i zlap sa kəsəŋgah səku səlak seh halla.» Gula ŋga dakayta iyi fuk, i zlap mənaŋ mba bahayim.
Yesu a ɗal mbuh a Gecemane
(Markus 14:32-42; Luka 22:39-46)
36Yesu a gwaraha abə gula ŋga iyi əŋ lay aka, i mə ɗafaŋ ma Gecemane, ɓa, a zlapaŋta, a zla: «Hi nja a lay wa, sa mba i nda i ɗalaha mbuh a macu.» 37Ɓa, a ŋgasl Piyer abə wuziyi tə Zebede iyi bək. Wucum ŋga a mar ley məc, ɓa, ləndəŋ a ju. 38Abə dawaŋ ta izey, a zlapaŋta, a zla: «Wucum na mə məc wa, a kəmba i jaka. Hi nja a nawa abə sa, hi mba i waŋ səku.» 39A nda guduk mbizek, a nah abə dəməs manuk duc əŋ teyek, a ɗal mbuh mənaŋ wa, a zla: «Baba na, əŋgah a lim za seh, kərəɗ tuwah wa guduk abə sa. Kwa mənaŋ mba day seh, hwa mba i ɗal mənaŋ sa mə mba səku, ama mənaŋ hwa mə mba.»
40Ɓa, a ziŋgehe əŋ kelek gula ŋga sə maakaɗ iyi sey, a limta i kəwaŋ. A zlapaŋ əŋ Piyer, a zla: «Heni gula i ɓat abə sa kwa tə ler ntaɗ səku vaw? 41Hi mba i waŋ səku, hi ɗal mbuh məŋgəvday hi mba i təɗ əŋ təl kə bim səku. Wulək tə hedi a kəmba i ɗal məsəkəŋ səntaŋ, ama wucum ŋga hulawf.»
42A ziŋ əŋ ŋgas bək baha, a ɗal mbuh mənaŋ wa, a zla: «Baba na, əŋgah tuwah ta a lim ley gaɗ guduk səku seh, sey sa su, mba təkwa mə ɗal.»
43A ziŋ baha əŋ kelek gula ŋga iyi sey, a limta i kəwaŋ. I gula i nja abə nje səku. 44Yesu a yakta, a kərəɗ ŋga guduk baha. A ɗal mbuh əŋ ŋgas maakaɗ abə ley zlap ma mənaŋ nakaha iyi sey. 45Ɓa, a ziŋgehe əŋ kelek gula iyi, a zlapaŋta, a zla: «Heni kəwaŋ, hi kəyip dap vaw? Mənjawa, waŋ ta kəhwasaha za, i ber Mbu tə Hedi za əŋ ndəra hedi mə ɗal hem iyi. 46Hi garaha, mazukwa za, ehe, hedi mə nda i bereke əŋ ndəra hedi mə ɗal hem iyi mbə a nawa.»
Məl tə Yesu
(Markus 14:43-50; Luka 22:47-53; Yahwana 18:3-12)
47Əŋ Yesu kəcukwaɗ zlap ŋga halla ndagwa seh, Yahuda, hedi ntaɗ tə əŋ faŋw tə gula iyi wam a meɗek bək, a gwaraha abə hedi iyi mbeh səku, i mbə abə masalam iyi liŋ abə zlambay iyi a ndəra. Ar hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi i mə ləɓahata. 48Yahuda, hedi mə nda i ber Yesu, kəgizeŋta məsəkəŋ tata mə nda i ɗal za mar tə a kataf, a zla: «Hedi, sa mə nda i ɗal mbele tə abə mbiŋ məl wucum wa, ar mbiŋ, hi məlu.» 49Mbehmbeh mba, Yahuda, a kərəɗaha əŋ kelek Yesu, a zlapaŋgu, a zla: «Mbele, Rabbi!» Ɓa, a ɗalaŋ mbele abə məl wucum. 50Yesu a ziŋgeŋ zlap, a zla: «Maday na, məsəkəŋ hwa mə ndaha ley ɗal wa, ɗalu viyu.» Abə dawaŋ ta izey, hedi dakayta iyi i kərəɗaha, i ndaha a talaŋ Yesu, ɓa, i məlu. 51Hedi ntaɗ əŋ faŋw tə hedi tə abə Yesu iyi, a təɗaha masalam ŋga, a bəl hedi mə ɗal kəzəɗ tə hedi səndawl tə a talaŋ hedi iyi i mə ɗal kukus əŋ Bizlaf, mbaŋ! a rəslaŋ zləm. 52Yesu a zlapaŋgu, a zla: «Ndək masalam təkwa ka əŋ ge ta, məŋgəvday hedi mə jəm tə abə masalam iyi fuk, ar masalam mə nda i jata. 53Hwa kəsəŋ sa gula i ɗəp mətər a ndəra Baba na, mbehmbeh wa, a ləɓaka mələɓ iyi mbeh səku day wam a meɗek bək za seh halla vaw? 54Ama, əŋgah mənaŋ wa seh, ma mawuzlel tə əŋ Ɗerewel tə Bizlaf a nda i ɗal məndiwiŋ seh, viŋgey? Məŋgəvday ma ta, a kəzlap sey məsəkəŋ ta mə taŋ mənaŋ wa.»
55Ɓa, Yesu a zlapaŋta əŋ hedi makwas iyi, a zla: «Heni ndaha ley məlaka abə masalam iyi liŋ zlambay iyi mənaŋ sa məhil seh, məŋgəvday a mey? Əŋ waŋ iyi fuk, sa mə nji əŋ biŋ tə Bizlaf ley sərək hedi iyi, ama heni kəməlaka halla. 56Ama məsəkəŋ iyi ta fuk i mə ɗal za, amba zlap tə hedi mə giz ma abə miya tə Bizlaf iyi tə əŋ Ɗerewel tə Bizlaf mə ɗal.» Abə dawaŋ tə zlap ta, gula iyi fuk i yaku, i hiy tata.
Yesu mbə a ma tə hedi səndawl mə ɗal yawa kə mbəzl ma iyi
(Markus 14:53-65; Luka 22:54-55, 63-71; Yahwana 18:13-14, 19-24)
57Hedi mə məl Yesu iyi sey, i deɓʉ əŋ ge Kayafas, hedi səndawl tə a talaŋ hedi iyi i mə ɗal kukus əŋ Bizlaf. Metir tə ma majaw iyi abə hedi mə ɗal yawa tə Yahuda iyi i mə kwesi a namba. 58Piyer a kəziber Yesu abə guduk ta, ha a gwar a palah ge tə hedi səndawl tə a talaŋ hedi iyi i mə ɗal kukus əŋ Bizlaf. Əŋ mbiŋ mə təɗ əŋ ge seh, ɓa, a nja a palah abə hedi mə ɗal kəzəɗ tə ge iyi ta amba ley gər məsəkəŋ mə nda i taŋ tə a namba.
59Hedi səndawl iyi tə a talaŋ hedi iyi i mə ɗal kukus əŋ Bizlaf abə hedi səndawl mə ɗal yawa kə mbəzl ma iyi fuk i kəpələk sedewe tə zlap madawar a talaŋ Yesu amba ley mbəzlaŋ ma kə ja. 60Hedi mə ɗal sedewe tə abə bərəsl ma iyi tə a talaŋ Yesu i kəndaha za mbeh səku, ama i kəlim məsəkəŋ səntaŋ halla#26:60 Jabura 27:12; 35:11.. Əŋ cukwaɗ ta seh, hedi iyi bək i ndaha, 61i zla: «Hedi ta kəzlap za, a zla: “Sa gula i hurum biŋ tə Bizlaf, ɓa, sa ləmu əŋ waŋ maakaɗ#26:61 Yahwana 2:19..”» 62Hedi səndawl tə a talaŋ hedi mə ɗal kukus əŋ Bizlaf a gar, a zlapaŋ əŋ Yesu, a zla: «Hwa ziŋgeŋta zlap kwa kʉsit əŋ hedi iyi tə a talaŋ təkwa wa səku dap vaw?» 63Ama Yesu mə nji tete. Hedi səndawl tə a talaŋ hedi iyi i mə ɗal kukus əŋ Bizlaf a zlapaŋgu, a zla: «Abə miya tə Bizlaf tə abə nje, sa kəɗəpah amba hwa gizeheni abə meɗ: Hwa Almasihu, Mbu tə Bizlaf vaw?» 64Yesu a ziŋgeŋ zlap, a zla: «Ar mənaŋ hwa mə zlap mba. Ama sa kəzlapaheni, mar mənjawa, heni nda i lim Mbu tə Hedi mə nji əŋ ndəra zəma tə Bizlaf tə abə fagay. Baha, hi limza za a kəndaha a talaŋ gazlavay tə wuzlaf#26:64 Jabura 110:1; Daniyel 7:13..» 65Əŋ hala ta mba, hedi səndawl tə a talaŋ hedi iyi i mə ɗal kukus əŋ Bizlaf a ŋgwahak rukut ŋga iyi, a ja varay, a zla: «Kəra Bizlaf za! Nakwa iyi kənda i pələk sedewe par halla ba, heni kəzlim mbiŋ mə ra Bizlaf za. 66Hi wulək seh viŋgey?» I ziŋgeŋ zlap, i zla: «Mbiŋ kəɗal hem za, tiɗe ley ja.» 67Abə dawaŋ ta izey, i pireŋ mesleɓ a nje, i duku abə ndəra, hedi dakayta iyi i vəlaŋ matapaŋ ndəra əŋ bəra zləm, 68i zlap, i zla: «Əŋgah hwa Almasihu seh, gizeheni, mə tawah wa seh viyey?»
Piyer a zlap seh a kəsəŋ Yesu səku
(Markus 14:66-72; Luka 22:56-62; Yahwana 18:15-18, 25-27)
69Piyer mə nji a palah ge. Hazləma mə ɗal kəzəɗ tə a namba, a kərəɗaha əŋ kelek ŋga, a zlapaŋgu, a zla: «Hwa bahayim, hwa mbə abə Yesu lə Galili.» 70Ama Piyer a ja ma, a ma tə hedi iyi fuk, a zla: «Sa kəsəŋ ma hwa mə mba i zlap wa səku.»
71Ɓa, a nda kəɗi medigiɗ. Hazləma mə ɗal kəzəɗ par baha, a limʉ, ɓa, a zlapaŋta əŋ hedi tə a namba iyi, a zla: «Hedi wa, mbə abə Yesu lə Nasaratu.» 72Piyer a ja ma baha, a zla: «Sa meɗ, sa kəsəŋ hedi ta səku.»
73Nja mbizek abə dawaŋ ta, hedi magar tə a namba iyi i kərəɗaha əŋ kelek Piyer, ɓa, i zlapaŋgu, i zla: «Məndiwiŋ, hwa seh, hedi ntaɗ tə əŋ faŋw tata, məŋgəvday wula təkwa hwa mə zlap wa, a kəgiz hayak hwa mə ndaha.» 74Abə dawaŋ ta izey, Piyer a ja varay, a zla: «Bizlaf mə zləŋgaka takwaŋ, əŋgah sa bərəsl ma. Sa kəmeɗ məndiwiŋ, sa kəsəŋ hedi wa səku!» Mbehmbeh mba, ɓa, gwamzakw a ja wula. 75Piyer a səŋ kenek a ma Yesu mə zlapaŋgu sey, a zla: «Ha gwamzakw a nda i ja wula seh, hwa ja ma za əŋ ŋgas maakaɗ, hwa kəsəŋgaka səku.» A təɗaha ŋga a palah, ɓa, a haŋ mbeh səku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល