Matta 15
15
Kukus tə dide iyi
(Markus 7:1-23)
1Farisa iyi abə metir tə ma majaw iyi i ndaha mar tə əŋ Urusalima əŋ kelek Yesu, i ɗəpu, i zla: 2«Gula təkwa iyi i kəziber kukus tə dide tə dide takwa iyi səku seh, a mey? Məŋgəvday i kəbaŋ ndəra tata iyi ley zəm wuda mənaŋ kukus mə mba səku#15:2 Luka 11:38..» 3Yesu a ziŋgeŋta zlap, a zla: «Heni seh, heni kəwaŋgaŋ talaŋ əŋ ma matak tə Bizlaf səku, məŋgəvday kukus təheni iyi wa seh a mey? 4Bizlaf kəzlap za, a zla: “Waŋgaŋta talaŋ əŋ baba abə mama təkwa, hedi mə zlap ma madawar a talaŋ baba ŋga, aka səku a talaŋ mama ŋga seh, sey i ju.” 5Ama heni seh, heni kəzlapaŋta əŋ hedi iyi, hi zla: “Hwa abə kataf ley zlapaŋ əŋ baba təkwa, aka səku, əŋ mama təkwa: Məsəkəŋ sa mə mba i vəlah ley tərah wa seh, sa kəvəlaŋgu cuza əŋ Bizlaf.” 6Mənaŋ mba seh, hedi ta a waŋgaŋ talaŋ əŋ baba ŋga halla ba. Mənaŋ mba seh, heni kəgay ma tə Bizlaf abə ley ziber kukus təheni iyi. 7Heni, hedi mə zlap ganaɗ sə bək bək iyi! Esaya abə kataf məndiwiŋ, əŋ mbiŋ mə zlap mənaŋ hedi mə giz ma abə miya tə Bizlaf a talaŋ təheni,
8Bizlaf, a zla: “Hedi iyi wa, i kəwaŋgaka talaŋ abə ma haya,
ama nəf tata guduk abə sa.
9I kədaraka malakw tə haya,
məŋgəvday sərək tata iyi wa seh, ar ma majaw tə hedi iyi#15:9 Esaya 29:13..”»
Məsəkəŋ mə mbaɗ hedi əŋ madawar
(Markus 7:14-23)
10Ɓa, Yesu a ɗafaŋta ma əŋ hedi makwas iyi, a zlapaŋta, a zla: «Hi teh zləm, hi zlim zlap wa lawlaw: 11Ar məsəkəŋ mə təɗ əŋ pakwam tə hedi, mə mbaɗza əŋ hedi tə abə ndəra dəlay səku, ama məsəkəŋ mə təɗaha tə pakwam ŋga, məsəkəŋ ta, mə mbaɗza əŋ hedi tə abə ndəra dəlay.»
12Əŋ hala ta mba izey, gula tə Yesu iyi i kərəɗaha əŋ kelek ŋga, i zlapaŋgu, i zla: «Hwa kəsəŋ ma hwa mə zlap wa, əŋ Farisa iyi seh, kəmbaɗ za əŋ micimbiɗim əŋ hedi iyi seh halla vaw?» 13A ziŋgeŋta zlap, a zla: «Kwa mpay maŋgəɓ vitikey Baba na tə wuzlaf mə ŋgəɓu səku seh, i dəɗza za. 14Hi yakta, ar hedi wuluf iyi i mə ŋgasl hedi wuluf iyi. Əŋgah hedi wuluf, a kəŋgasl hedi wuluf seh, i ndəv tata bək tata iyi za əŋ jiɓ.»
15Piyer a zlapaŋgu, a zla: «Gizenini ma marərək wa.» 16Yesu a zlap, a zla: «Ha mənjawa, heni bahayim heni kəzlim məsəkəŋ səku vaw? 17Məsəkəŋ mə təɗ əŋ pakwam hedi fuk, a kənda əŋ dəməs ŋga, ɓa, a təɗaha ŋga a palah seh, heni kəsəŋ səku vaw? 18Ama zlap mə təɗaha tə pakwam seh, a təɗaha mar tə əŋ nəf, ar məsəkəŋ mba, mə mbaɗ hedi ta əŋ hedi tə abə ndəra dəlay. 19Məŋgəvday əŋ nəf tə hedi, wulək madawar iyi i kətəɗaha, i kəgaɗu ley ɗal ndene, ley ɓət wucum sifteleh a palah, ley nja əŋ nja tə barlaw, ley hil, ley bərəsl ma a talaŋ hedi liŋ ley zlap ma madawar a talaŋ hedi iyi. 20Ar ntaŋw tə məsəkəŋ iyi ta wa mə mbaɗ hedi əŋ hedi tə abə ndəra dəlay. Ama ley zəm wuda ndəra mə tak baŋ seh, a mbaɗ hedi əŋ hedi tə abə ndəra dəlay seh halla.»
Kuw ma tə wala lə Kanana
(Markus 7:24-30)
21Ɓa, Yesu a gar ŋga a namba, a nda əŋ hayak tə Tirʉs abə tə Sidaŋw. 22Wala lə Kanana aka, mə nji əŋ hayak ta, a ndaha əŋ kelek Yesu, a ɗalaŋ mbuh abə ja varay, a zla: «Waa Bay Bayta, Mbu tə Dawuda, səŋgaka nje həhər! Hazləma na abə mulula əŋ talaŋ, a kəzləŋgaŋ takwaŋ mbeh səku.» 23Ama Yesu kəziŋgeŋ zlap halla. Gula ŋga iyi i kərəɗaha əŋ kelek ŋga, i zlapaŋgu, i zla: «Gamu, məŋgəvday a kəziberenakwa abə ja varay.» 24Yesu a ziŋgeŋ zlap, a zla: «Bizlaf a ləɓaka seh, kəɗi əŋ kelek hedi tə Israyila iyi dap, tata mənaŋ ntek makuɗəp iyi.»
25Ama wala sey a ndaha, a dar malakw a ma ŋga, ɓa, a zlap, a zla: «Waa Bay Bayta, təraka!» 26Yesu a ziŋgeŋ zlap, a zla: «Ləlaw səku ley ɓət wuda tə wuziyi ley kapaŋta əŋ haza iyi.» 27Wala ta, a zla: «Məndiwiŋ, waa Bay Bayta, abə mbiŋ ta fuk, kwa wuziyi haza iyi bahayim i kəzəm wuda mapəpəs tə ndəra bay tata iyi a lay kə zəm wuda tata.» 28Abə dawaŋ ta izey, Yesu a zlapaŋgu, a zla: «Hwa, wala, kuw ma təkwa bayta, məsəkəŋ ta mə ɗalah mənaŋ hwa mə mba.» Hazləma ŋga sey, kəmbəl za mbehmbeh mba.
Yesu kəmbəl hedi mə dal iyi mbeh səku
29Yesu a gar a namba, a nda ŋga kəɗi meɗek gaw tə Galili. A tap əŋ wuzum, ɓa, a nja a namba. 30Hedi iyi mbeh səku i ndaha əŋ kelek ŋga, i daha hedi sə gəlvaɗah iyi, hedi wuluf iyi, hedi mahuluɓ iyi, ɓəɓa iyi liŋ hedi mə dal iyi par par. I ɗiyta a ma tə Yesu, ɓa, a mbəlta. 31Hedi makwas iyi i kəhar za mbeh səku əŋ tata i mə gər ɓəɓa iyi i kəzlap, hedi mahuluɓ iyi i kəmbəl za, hedi sə gəlvaɗah iyi i kənda abə ŋgas tata iyi, hedi wuluf iyi i kəlim nje. I kəhəmən Bizlaf tə Israyila.
Yesu a vəlaŋta məsəkəŋ kə zəm əŋ hedi iyi gabal nfaɗ
(Markus 8:1-10)
32Yesu a ɗafaŋta ma əŋ gula ŋga iyi, a zlapaŋta, a zla: «Nje həhər a kəɗalaka a hedi iyi wa, məŋgəvday mar waŋ maakaɗ i mbə abə sa, məsəkəŋ kə zəm a ndəra tata aka səku ba. Sa kəmba i yakta ley nda əŋ wuta abə mətis səku, məŋgəvday i nda i ndəv əŋ kataf.» 33Gula ŋga iyi i zlapaŋgu, i zla: «Nakwa iyi nda i limehe məsəkəŋ kə zəm əŋ təp damu ha nakwa iyi vəlaŋta əŋ hedi makwas sə mbeh səku iyi mənaŋ wa seh a tikey?» 34Yesu a ɗəpta, a zla: «Peŋ a ndəra təheni seh veney?» I ziŋgeŋ zlap, i zla: «Peŋ dʉsəlʉɗ abə kəlif mekedek mekedek iyi kʉsit nawa.» 35Ɓa, a zlapaŋta əŋ hedi makwas iyi i mə nja a teyek. 36A ɓət peŋ dʉsəlʉɗ abə kəlif iyi sey, a ɗalaŋ sʉse əŋ Bizlaf, a ŋgata, a vəlaŋta əŋ gula ŋga iyi, ɓa, tata bahayim i ɓizekeŋta əŋ hedi makwas iyi. 37Tata fuk i zəm ha i gwaɗ. Gula ŋga iyi i kəcakal mayak ta gadakar dʉsəlʉɗ magwaɗ. 38Hedi mə zəm iyi ta tata gabal nfaɗ, wala iyi abə wuziyi mə tak ŋgəɗ. 39Abə dawaŋ ta, Yesu kəzlapaŋta kwata əŋ hedi makwas iyi ley nda əŋ wuta seh, a tap əŋ kambuwal, a nda ŋga əŋ hayak tə Magadaŋ.
ទើបបានជ្រើសរើសហើយ៖
Matta 15: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matta 15
15
Kukus tə dide iyi
(Markus 7:1-23)
1Farisa iyi abə metir tə ma majaw iyi i ndaha mar tə əŋ Urusalima əŋ kelek Yesu, i ɗəpu, i zla: 2«Gula təkwa iyi i kəziber kukus tə dide tə dide takwa iyi səku seh, a mey? Məŋgəvday i kəbaŋ ndəra tata iyi ley zəm wuda mənaŋ kukus mə mba səku#15:2 Luka 11:38..» 3Yesu a ziŋgeŋta zlap, a zla: «Heni seh, heni kəwaŋgaŋ talaŋ əŋ ma matak tə Bizlaf səku, məŋgəvday kukus təheni iyi wa seh a mey? 4Bizlaf kəzlap za, a zla: “Waŋgaŋta talaŋ əŋ baba abə mama təkwa, hedi mə zlap ma madawar a talaŋ baba ŋga, aka səku a talaŋ mama ŋga seh, sey i ju.” 5Ama heni seh, heni kəzlapaŋta əŋ hedi iyi, hi zla: “Hwa abə kataf ley zlapaŋ əŋ baba təkwa, aka səku, əŋ mama təkwa: Məsəkəŋ sa mə mba i vəlah ley tərah wa seh, sa kəvəlaŋgu cuza əŋ Bizlaf.” 6Mənaŋ mba seh, hedi ta a waŋgaŋ talaŋ əŋ baba ŋga halla ba. Mənaŋ mba seh, heni kəgay ma tə Bizlaf abə ley ziber kukus təheni iyi. 7Heni, hedi mə zlap ganaɗ sə bək bək iyi! Esaya abə kataf məndiwiŋ, əŋ mbiŋ mə zlap mənaŋ hedi mə giz ma abə miya tə Bizlaf a talaŋ təheni,
8Bizlaf, a zla: “Hedi iyi wa, i kəwaŋgaka talaŋ abə ma haya,
ama nəf tata guduk abə sa.
9I kədaraka malakw tə haya,
məŋgəvday sərək tata iyi wa seh, ar ma majaw tə hedi iyi#15:9 Esaya 29:13..”»
Məsəkəŋ mə mbaɗ hedi əŋ madawar
(Markus 7:14-23)
10Ɓa, Yesu a ɗafaŋta ma əŋ hedi makwas iyi, a zlapaŋta, a zla: «Hi teh zləm, hi zlim zlap wa lawlaw: 11Ar məsəkəŋ mə təɗ əŋ pakwam tə hedi, mə mbaɗza əŋ hedi tə abə ndəra dəlay səku, ama məsəkəŋ mə təɗaha tə pakwam ŋga, məsəkəŋ ta, mə mbaɗza əŋ hedi tə abə ndəra dəlay.»
12Əŋ hala ta mba izey, gula tə Yesu iyi i kərəɗaha əŋ kelek ŋga, i zlapaŋgu, i zla: «Hwa kəsəŋ ma hwa mə zlap wa, əŋ Farisa iyi seh, kəmbaɗ za əŋ micimbiɗim əŋ hedi iyi seh halla vaw?» 13A ziŋgeŋta zlap, a zla: «Kwa mpay maŋgəɓ vitikey Baba na tə wuzlaf mə ŋgəɓu səku seh, i dəɗza za. 14Hi yakta, ar hedi wuluf iyi i mə ŋgasl hedi wuluf iyi. Əŋgah hedi wuluf, a kəŋgasl hedi wuluf seh, i ndəv tata bək tata iyi za əŋ jiɓ.»
15Piyer a zlapaŋgu, a zla: «Gizenini ma marərək wa.» 16Yesu a zlap, a zla: «Ha mənjawa, heni bahayim heni kəzlim məsəkəŋ səku vaw? 17Məsəkəŋ mə təɗ əŋ pakwam hedi fuk, a kənda əŋ dəməs ŋga, ɓa, a təɗaha ŋga a palah seh, heni kəsəŋ səku vaw? 18Ama zlap mə təɗaha tə pakwam seh, a təɗaha mar tə əŋ nəf, ar məsəkəŋ mba, mə mbaɗ hedi ta əŋ hedi tə abə ndəra dəlay. 19Məŋgəvday əŋ nəf tə hedi, wulək madawar iyi i kətəɗaha, i kəgaɗu ley ɗal ndene, ley ɓət wucum sifteleh a palah, ley nja əŋ nja tə barlaw, ley hil, ley bərəsl ma a talaŋ hedi liŋ ley zlap ma madawar a talaŋ hedi iyi. 20Ar ntaŋw tə məsəkəŋ iyi ta wa mə mbaɗ hedi əŋ hedi tə abə ndəra dəlay. Ama ley zəm wuda ndəra mə tak baŋ seh, a mbaɗ hedi əŋ hedi tə abə ndəra dəlay seh halla.»
Kuw ma tə wala lə Kanana
(Markus 7:24-30)
21Ɓa, Yesu a gar ŋga a namba, a nda əŋ hayak tə Tirʉs abə tə Sidaŋw. 22Wala lə Kanana aka, mə nji əŋ hayak ta, a ndaha əŋ kelek Yesu, a ɗalaŋ mbuh abə ja varay, a zla: «Waa Bay Bayta, Mbu tə Dawuda, səŋgaka nje həhər! Hazləma na abə mulula əŋ talaŋ, a kəzləŋgaŋ takwaŋ mbeh səku.» 23Ama Yesu kəziŋgeŋ zlap halla. Gula ŋga iyi i kərəɗaha əŋ kelek ŋga, i zlapaŋgu, i zla: «Gamu, məŋgəvday a kəziberenakwa abə ja varay.» 24Yesu a ziŋgeŋ zlap, a zla: «Bizlaf a ləɓaka seh, kəɗi əŋ kelek hedi tə Israyila iyi dap, tata mənaŋ ntek makuɗəp iyi.»
25Ama wala sey a ndaha, a dar malakw a ma ŋga, ɓa, a zlap, a zla: «Waa Bay Bayta, təraka!» 26Yesu a ziŋgeŋ zlap, a zla: «Ləlaw səku ley ɓət wuda tə wuziyi ley kapaŋta əŋ haza iyi.» 27Wala ta, a zla: «Məndiwiŋ, waa Bay Bayta, abə mbiŋ ta fuk, kwa wuziyi haza iyi bahayim i kəzəm wuda mapəpəs tə ndəra bay tata iyi a lay kə zəm wuda tata.» 28Abə dawaŋ ta izey, Yesu a zlapaŋgu, a zla: «Hwa, wala, kuw ma təkwa bayta, məsəkəŋ ta mə ɗalah mənaŋ hwa mə mba.» Hazləma ŋga sey, kəmbəl za mbehmbeh mba.
Yesu kəmbəl hedi mə dal iyi mbeh səku
29Yesu a gar a namba, a nda ŋga kəɗi meɗek gaw tə Galili. A tap əŋ wuzum, ɓa, a nja a namba. 30Hedi iyi mbeh səku i ndaha əŋ kelek ŋga, i daha hedi sə gəlvaɗah iyi, hedi wuluf iyi, hedi mahuluɓ iyi, ɓəɓa iyi liŋ hedi mə dal iyi par par. I ɗiyta a ma tə Yesu, ɓa, a mbəlta. 31Hedi makwas iyi i kəhar za mbeh səku əŋ tata i mə gər ɓəɓa iyi i kəzlap, hedi mahuluɓ iyi i kəmbəl za, hedi sə gəlvaɗah iyi i kənda abə ŋgas tata iyi, hedi wuluf iyi i kəlim nje. I kəhəmən Bizlaf tə Israyila.
Yesu a vəlaŋta məsəkəŋ kə zəm əŋ hedi iyi gabal nfaɗ
(Markus 8:1-10)
32Yesu a ɗafaŋta ma əŋ gula ŋga iyi, a zlapaŋta, a zla: «Nje həhər a kəɗalaka a hedi iyi wa, məŋgəvday mar waŋ maakaɗ i mbə abə sa, məsəkəŋ kə zəm a ndəra tata aka səku ba. Sa kəmba i yakta ley nda əŋ wuta abə mətis səku, məŋgəvday i nda i ndəv əŋ kataf.» 33Gula ŋga iyi i zlapaŋgu, i zla: «Nakwa iyi nda i limehe məsəkəŋ kə zəm əŋ təp damu ha nakwa iyi vəlaŋta əŋ hedi makwas sə mbeh səku iyi mənaŋ wa seh a tikey?» 34Yesu a ɗəpta, a zla: «Peŋ a ndəra təheni seh veney?» I ziŋgeŋ zlap, i zla: «Peŋ dʉsəlʉɗ abə kəlif mekedek mekedek iyi kʉsit nawa.» 35Ɓa, a zlapaŋta əŋ hedi makwas iyi i mə nja a teyek. 36A ɓət peŋ dʉsəlʉɗ abə kəlif iyi sey, a ɗalaŋ sʉse əŋ Bizlaf, a ŋgata, a vəlaŋta əŋ gula ŋga iyi, ɓa, tata bahayim i ɓizekeŋta əŋ hedi makwas iyi. 37Tata fuk i zəm ha i gwaɗ. Gula ŋga iyi i kəcakal mayak ta gadakar dʉsəlʉɗ magwaɗ. 38Hedi mə zəm iyi ta tata gabal nfaɗ, wala iyi abə wuziyi mə tak ŋgəɗ. 39Abə dawaŋ ta, Yesu kəzlapaŋta kwata əŋ hedi makwas iyi ley nda əŋ wuta seh, a tap əŋ kambuwal, a nda ŋga əŋ hayak tə Magadaŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល