Luka 8
8
Wala mə laha Yesu iyi
1Abə dawaŋ ta, Yesu, ɓa, a nda əŋ berne iyi abə əŋ wuta iyi ley giz Labara Səntaŋ Lawayaŋ tə Bay tə Bizlaf. Gula ŋga iyi wam a meɗek bək, i mbə abə mbiŋ, 2abə wala merehehe iyi tə ndəra mimiɗ madawar iyi liŋ mambəl tə əŋ məc iyi, ar seh: Mariyama, i mə ɗafaŋ ma Mariyama tə Magdala, mimiɗ madawar iyi dʉsəlʉɗ i mə təɗaha tə əŋ talaŋ ŋga sey, 3Yawana, wala tə Cuja, hedi mə jəɗ məsəkəŋ tə bay Hirudus, Suzana abə wala dakayta iyi mbeh səku mə vəl məsəkəŋ tata iyi ley tər Yesu abə gula ŋga iyi.
Ma marərək abə hedi mə zlək
(Matta 13:1-9; Markus 4:1-9)
4Hedi iyi mbeh səku i ndaha mar tə əŋ berne iyi par par i kwas a kelek Yesu. Ɓa, a zlapaŋta abə ma marərək wa, a zla: 5«Hedi mə zlək aka, a nda əŋ lay ley kʉyaha siŋ ŋga. Əŋ mbiŋ a kəkʉy siŋ sey, siŋ məzəwindi iyi i nah a meɗek kataf, hedi iyi i dak ŋgas a tata, vigem iyi miɗ miɗ i miɗta fuk. 6Siŋ məzəwindi iyi i nah əŋ lay nvəŋ iyi. I dəvaha, ama i naw tata viyu, məŋgəvday ləleŋ ɓəraŋ a lay ta. 7Baha, siŋ məzəwindi iyi i nah əŋ walaŋ tə digeɗ iyi. I dəvaha a lay ta, digeɗ iyi i kəŋgəcta. 8Ama siŋ məzəwindi iyi i nah əŋ lay hayak səntaŋ. I dəvaha, i gəl, i mbuw wuziyi temere temere.» Yesu a zlapaŋta abə fagay, a zla: «Hedi abə zləm ley zlim, mə zlimʉ!»
Yesu a zlap abə ma marərək seh, məŋgəvday a mey?
(Matta 13:10-17; Markus 4:10-12)
9Gula tə Yesu iyi i ɗəpu, i zla: «Ma marərək ta seh, a mba i zlap seh, viŋgey?» 10A ziŋgeŋta zlap, a zla: «Bizlaf kəvəlaheni kataf za ley səŋ məsəkəŋ maɓah iyi ta talaŋ ma tə Bay tə Bizlaf. Ama hedi dakayta iyi seh, sey abə ma marərək iyi. Məŋgəvday a ɗek,
“I kəgər nje, ama i kəlim nje səku.
I kəteh zləm, ama i kəzlim zləm səku#8:10 Esaya 6:9; Matta 13:11..”»
Yesu a giz ma marərək a talaŋ hedi mə zlək
(Matta 13:18-23; Markus 4:13-20)
11«Ehe, sa kəgizeheni səntaŋ tə ma marərək ta: Siŋ seh, ar ma tə Bizlaf. 12Hedi dakayta iyi seh, ar mənaŋ siŋ mə nah tə meɗek kataf. Ar hedi mə zlim ma tə Bizlaf iyi, abə dawaŋ ta, Iblisa a ndaha, a ɓət ma tə əŋ nəf tata, məŋgəvday ta i kuw ma, i reh. 13Hedi dakayta iyi seh, ar mənaŋ siŋ tə əŋ lay nvəŋ iyi. I zlim ma tə Bizlaf, i kuwu abə səsəm. Ama a kwar zem səku, i kuw ma ta tə waŋ mbizek, ama əŋ pis məsəkəŋ madawar mə limta seh, i yak ma ta. 14Siŋ mə nah tə əŋ walaŋ tə digeɗ iyi seh, ar hedi mə zlim ma tə Bizlaf iyi. Ama wulək tə a talaŋ məsəkəŋ par par iyi, ley lim məsəkəŋ liŋ ley nja səntaŋ tə əŋ məŋhayak seh, i kəŋgəc zlap mə nda i gəl tə əŋ tata, a gula i mbuw wuziyi ha ley səɓ səku. 15Siŋ makʉy tə əŋ lay səntaŋ seh, ar mənaŋ hedi iyi i mə zlim ma tə Bizlaf, i kuwu abə nəf tata səntaŋ, i məlu lawlaw, a mbuw wuziyi mbeh səku, məŋgəvday səɓ nəf tata.»
Ma marərək abə lalam
(Markus 4:21-25)
16«Hedi mə nda i bas lalam amba ley jəɓu abə gəduda, aka səku ley ɗiyu a gədaŋ kwambum seh halla. Ama i ɗiyu a lay kə ɗiy lalam, amba hedi mə təɗ əŋ namba iyi fuk i gər lay mawaɗ.#8:16 Matta 5:15; Luka 11:33. 17Məŋgəvday məsəkəŋ maɓah iyi fuk i təɗaha za a palah, məsəkəŋ hedi iyi i mə səŋ səku, i səŋta za, i təɗahata za a lay mawaɗ. 18Hi sla wucum a talaŋ nja təheni ley zlim məsəkəŋ. Məŋgəvday hedi mba abə məsəkəŋ, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za.»
Zliŋgeŋ tə Yesu iyi abə mama tata
(Matta 12:46-50; Markus 3:31-35)
19Mama tə Yesu abə zliŋgeŋ iyi, i kəndaha za ley pələku, ama i gula i gwar ha əŋ kelek ŋga səku, məŋgəvday hedi iyi mbeh səku. 20Hedi iyi i zlapaŋ əŋ Yesu, i zla: «Mama təkwa abə zliŋgeh iyi i mbə a palah, i kəmba i gərah.» 21Ama Yesu a ziŋgeŋta zlap, a zla: «Mama na abə zliŋmana iyi seh, ar hedi mə zlim ma tə Bizlaf iyi, mə ɗal kəzəɗ tə abə mbiŋ.»
Yesu a gar bərgədəŋ
(Matta 8:23-27; Markus 4:35-41)
22A pis məzəwindi aka, Yesu a tap əŋ kambuwal abə gula ŋga iyi, a zlapaŋta, a zla: «Mazukwa i taŋ kəɗi əŋ kəv məzəwindi tə gaw.» Ɓa, i nda. 23Əŋ tata i kətaŋ abə kambuwal seh, Yesu waŋ a waŋ ŋga. Bərgədəŋ a kəɗal a talaŋ yim, yim a kəgwaɗ kambuwal, i mbeh kwata ley kuɗəp.
24Ɓa, gula ŋga iyi i kərəɗaha mbehmbeh əŋ kelek ŋga, fəɗah, i fəɗahaw, i zlapaŋgu, i zla: «Bay səndawl, Bay səndawl, nakwa iyi kənda i məc!» Yesu a garaha, a bəbəc bərgədəŋ liŋ yim sey, i bes tata. Bes səndawl kəɗal za. 25Ɓa, a zlapaŋta, a zla: «Kuw ma təheni sey, cu əŋ vey?» Ama i kələndəŋ za, i kəhar za, i zlap əŋ faŋw tata, i zla: «Wa hedi vitikey? A zlapaŋta kwa əŋ bərgədəŋ abə yim, i kəkuwaŋ ma wa?»
Yesu a mbəl hedi tə abə mimiɗ madawar iyi tə əŋ talaŋ
(Matta 8:28-34; Markus 5:1-20)
26Yesu abə gula ŋga iyi i gwar əŋ hayak tə Geraseni iyi kəɗi əŋ kəv məzəwindi tə gaw, dəre abə Galili. 27Əŋ Yesu a kətəɗaha əŋ kambuwal seh, hedi par aka əŋ berne ta a ndaha ley gbamaŋ talaŋ. Hedi ta abə mimiɗ madawar iyi əŋ talaŋ. Mar zlezle a kəndək rukut a wucum səku, a kənja a ge səku, sey a talaŋ jiɓ iyi. 28Əŋ mbiŋ mə lim Yesu seh, a ja varay, a ndəv əŋ gədaŋ ŋgas ŋga, ɓa, a zlap abə fagay, a zla: «Hwa mba tə a sa mey? Yesu, Mbu tə Bizlaf tə wuzlaf, sa kəɗalah mbuh, hwa mba i zləŋgaka takwaŋ səku!» 29A zlap mənaŋ wa seh, məŋgəvday Yesu a kəzlapaŋ əŋ mimiɗ tə abə ndəra dəlay ley təɗaha ŋga za əŋ hedi ta. Məŋgəvday hwayhway a kəɗalaŋ mənaŋ mba seh, i kəjawaŋ ŋgas abə ndəra ŋga iyi abə calalu iyi amba i jəɗu, ama a kəmətaɗ calalu iyi ta. Mimiɗ madawar ta, a kədeɓʉ əŋ damu. 30Yesu a ɗəpu, a zla: «Miya təkwa seh, mey?» A ziŋgeŋ zlap, a zla: «Mbeh Səku.» A zlap mənaŋ wa seh, məŋgəvday mimiɗ madawar iyi mbeh səku i kətəɗ za əŋ talaŋ ŋga. 31Mimiɗ madawar iyi sey i mar ley ɗalaŋ mbuh əŋ Yesu, amba mə mba i gamta əŋ jiɓ sə seleleŋ səku.
32A namba, ŋgaɓa səndawl tə gəldam iyi aka, i kəjaŋ a wuzum. Mimiɗ madawar iyi ta i ɗalaŋ mbuh əŋ Yesu ley vəlaŋta kataf amba i mə təɗ əŋ gəldam iyi ta. Yesu a vəlaŋta kataf. 33Ɓa, mimiɗ madawar iyi ta i təɗaha tata əŋ talaŋ tə hedi ta, i təɗ əŋ talaŋ tə gəldam iyi. Mbehmbeh mba, i hiy tata abə fagay əŋ heleleŋ, i ndəv tata sərik əŋ gaw, i məc tata fuk a namba.
34Əŋ njʉwiŋ tə gəldam iyi i mə lim məsəkəŋ mə ɗal ta, i hiy tata ley gizehe labara ta əŋ berne abə wuta mekedek iyi. 35Hedi iyi i ndaha ley gər məsəkəŋ mə ɗal tə a namba ta. I gwaraha əŋ kelek Yesu, i lim hedi Yesu mə gamaŋ mimiɗ madawar iyi tə əŋ talaŋ ŋga sey, mə nji a kelek Yesu. Mənjawa, mbə abə rukut a wucum, a kəsəŋ burŋguzl izey. Hedi iyi ta i kələndəŋ za. 36Hedi iyi i mə lim məsəkəŋ mə ɗal iyi ta i gizeŋta əŋ hedi məzəwindi iyi əŋ hedi tə abə mimiɗ tə abə ndəra dəlay iyi sə mbeh səku tə əŋ talaŋ mə mbəl wa. 37Abə dawaŋ ta izey, hedi tə əŋ hayak tə Geraseni iyi fuk i ɗalaŋ mbuh əŋ Yesu mə təɗ ŋga za əŋ hayak tata, məŋgəvday i kələndəŋ za mbeh səku. Yesu a tap əŋ kambuwal, a nda ŋga. 38Hedi, mimiɗ madawar iyi i mə təɗaha tə əŋ talaŋ ŋga sey, a ɗalaŋ mbuh əŋ Yesu amba mə kuw ley nja abə mbiŋ. Ama Yesu a ziŋgu, a zlapaŋgu, a zla: 39«Nda əŋ ge təkwa, gizeŋta əŋ hedi iyi, məsəkəŋ Bizlaf mə ɗalah fuk!» Ɓa, hedi ta a nda ŋga, a gizeŋta əŋ hedi tə əŋ berne iyi ta fuk məsəkəŋ Yesu mə ɗalaŋgu.
Yesu a mbəl hazləma tə Jayrus liŋ wala mə ges ndəra a rukut ŋga
(Matta 9:18-26; Markus 5:21-43)
40Əŋ Yesu mə ziŋgehe, hedi iyi mbeh səku i kuwu abə səsəm, məŋgəvday tata fuk i kəgəbaru. 41Abə dawaŋ ta izey, hedi, i mə ɗafaŋ ma Jayrus, ar hedi ntaɗ tə əŋ faŋw tə talaŋ habay iyi tə əŋ biŋ kə ɗal mbuh əŋ Bizlaf, a ndaha əŋ kelek Yesu. A ndəv a ma ŋga, a jaŋ ndəra ley nda əŋ ge ŋga, 42məŋgəvday mbiŋ abə hazləma ŋga ntaɗ dap, va ŋga a ɗal mbeh kwata wam a meɗek bək, mbeh kwata ley məc. Əŋ Yesu a kənda əŋ namba, hedi iyi i kəŋgəcu. 43Wala məzəwindi a namba aka əŋ faŋw tə hedi iyi ta kəɗal va wam a meɗek bək məmbəz a kəhiyaha a dəməs. Kəcukwaɗ məsəkəŋ tə gədaŋ ndəra ŋga fuk əŋ hedi mə vəl mənjivek iyi, ama hedi mə gula i mbəlza əŋ məc ŋga ta seh halla. 44A kərəɗaha əŋ kelek Yesu kəɗi dawaŋ, ɓa, a ges a meɗek tə rukut ŋga. Mbehmbeh mba, məmbəz ŋga mə hiyaha sey, a gar. 45Yesu a ɗəp hedi iyi, a zla: «Mə geseke wa seh, viyey?» Kwa viyey fuk, i zlap, «Ar sa səku», «Ar sa səku». Ɓa, Piyer a zlapaŋgu, a zla: «Bay na, hedi makwas iyi wa fuk i kətuləkah kwata, i kəŋgəcah kwa kəɗi vitikey fuk. Hwa zlap mə geseke seh, viyey, seh viŋgeh?» 46Ama Yesu a ziŋgeŋta zlap, a zla: «Hedi kəges za abə sa, məŋgəvday sa kəsəŋ za, məndiwiŋ, fagay kətəɗaha za əŋ wucum na.» 47Əŋ wala ta mə gər a gula i ɓah talaŋ ŋga səku ba seh, ɓa, a ndaha əŋ kelek Yesu, a kənəna məŋgəvday kələndəŋ za. A ndəv əŋ gədaŋ ŋgas ŋga iyi, ɓa, a giz a ma tə hedi iyi fuk, məŋgəvday a mey a ges a rukut tə Yesu, baha, a gizeŋta Yesu a mbəlu mbehmbeh mba seh, viŋgey. 48Abə dawaŋ ta, Yesu a zlapaŋgu, a zla: «Hazləma na, kuw ma təkwa kəreheh za, nda abə zahay.»
49Əŋ Yesu a kəzlap ndagwa seh, hedi a ndaha a ge Jayrus, talaŋ habay tə əŋ biŋ kə ɗal mbuh əŋ Bizlaf, a zlapaŋgu, a zla: «Hazləma təkwa kəməc cuza, hwa mba i təɓəlaha metir səku ba.» 50Ama Yesu a zlim ma ta, a zlapaŋ əŋ Jayrus, a zla: «Hwa mba i ləndəŋ səku, kuw ma abə nəf təkwa ntaɗ dap, hazləma təkwa a mbəl za.» 51Əŋ Yesu mə gwar əŋ ge ta seh, a vəl kataf əŋ kwa viyey ley təɗ abə mbiŋ səku, sey əŋ Piyer, Yahwana, Yakuba liŋ baba tə hazləma abə mama ŋga dap. 52Hedi iyi fuk i kəhaŋ, i kəja varay məŋgəvday hazləma ta. Abə dawaŋ ta izey, Yesu a zlapaŋta, a zla: «Hi mba i haŋ səku. Hazləma ta kəməc halla, a kəwaŋ.» 53Hedi iyi i ɓasaŋ a talaŋ məŋgəvday i kəsəŋ hazləma ta kəməc cuza. 54Ama Yesu a məl ndəra tə hazləma ta, a ɗafaŋ ma abə fagay, a zla: «Mbu, garaha!» 55Nəp ŋga ziŋ a ziŋgehe a lay ta, ɓa, a gar ŋga mbehmbeh mba. Yesu a zlapaŋta, a zla: «Hi vəlaŋ məsəkəŋ kə zəm.» 56Baba ŋga iyi i kəhar za mbeh səku, ama Yesu a ŋgəzta, a zla: «Hi mba i giz məsəkəŋ mə ɗal wa əŋ kwa viyey səku.»
ទើបបានជ្រើសរើសហើយ៖
Luka 8: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 8
8
Wala mə laha Yesu iyi
1Abə dawaŋ ta, Yesu, ɓa, a nda əŋ berne iyi abə əŋ wuta iyi ley giz Labara Səntaŋ Lawayaŋ tə Bay tə Bizlaf. Gula ŋga iyi wam a meɗek bək, i mbə abə mbiŋ, 2abə wala merehehe iyi tə ndəra mimiɗ madawar iyi liŋ mambəl tə əŋ məc iyi, ar seh: Mariyama, i mə ɗafaŋ ma Mariyama tə Magdala, mimiɗ madawar iyi dʉsəlʉɗ i mə təɗaha tə əŋ talaŋ ŋga sey, 3Yawana, wala tə Cuja, hedi mə jəɗ məsəkəŋ tə bay Hirudus, Suzana abə wala dakayta iyi mbeh səku mə vəl məsəkəŋ tata iyi ley tər Yesu abə gula ŋga iyi.
Ma marərək abə hedi mə zlək
(Matta 13:1-9; Markus 4:1-9)
4Hedi iyi mbeh səku i ndaha mar tə əŋ berne iyi par par i kwas a kelek Yesu. Ɓa, a zlapaŋta abə ma marərək wa, a zla: 5«Hedi mə zlək aka, a nda əŋ lay ley kʉyaha siŋ ŋga. Əŋ mbiŋ a kəkʉy siŋ sey, siŋ məzəwindi iyi i nah a meɗek kataf, hedi iyi i dak ŋgas a tata, vigem iyi miɗ miɗ i miɗta fuk. 6Siŋ məzəwindi iyi i nah əŋ lay nvəŋ iyi. I dəvaha, ama i naw tata viyu, məŋgəvday ləleŋ ɓəraŋ a lay ta. 7Baha, siŋ məzəwindi iyi i nah əŋ walaŋ tə digeɗ iyi. I dəvaha a lay ta, digeɗ iyi i kəŋgəcta. 8Ama siŋ məzəwindi iyi i nah əŋ lay hayak səntaŋ. I dəvaha, i gəl, i mbuw wuziyi temere temere.» Yesu a zlapaŋta abə fagay, a zla: «Hedi abə zləm ley zlim, mə zlimʉ!»
Yesu a zlap abə ma marərək seh, məŋgəvday a mey?
(Matta 13:10-17; Markus 4:10-12)
9Gula tə Yesu iyi i ɗəpu, i zla: «Ma marərək ta seh, a mba i zlap seh, viŋgey?» 10A ziŋgeŋta zlap, a zla: «Bizlaf kəvəlaheni kataf za ley səŋ məsəkəŋ maɓah iyi ta talaŋ ma tə Bay tə Bizlaf. Ama hedi dakayta iyi seh, sey abə ma marərək iyi. Məŋgəvday a ɗek,
“I kəgər nje, ama i kəlim nje səku.
I kəteh zləm, ama i kəzlim zləm səku#8:10 Esaya 6:9; Matta 13:11..”»
Yesu a giz ma marərək a talaŋ hedi mə zlək
(Matta 13:18-23; Markus 4:13-20)
11«Ehe, sa kəgizeheni səntaŋ tə ma marərək ta: Siŋ seh, ar ma tə Bizlaf. 12Hedi dakayta iyi seh, ar mənaŋ siŋ mə nah tə meɗek kataf. Ar hedi mə zlim ma tə Bizlaf iyi, abə dawaŋ ta, Iblisa a ndaha, a ɓət ma tə əŋ nəf tata, məŋgəvday ta i kuw ma, i reh. 13Hedi dakayta iyi seh, ar mənaŋ siŋ tə əŋ lay nvəŋ iyi. I zlim ma tə Bizlaf, i kuwu abə səsəm. Ama a kwar zem səku, i kuw ma ta tə waŋ mbizek, ama əŋ pis məsəkəŋ madawar mə limta seh, i yak ma ta. 14Siŋ mə nah tə əŋ walaŋ tə digeɗ iyi seh, ar hedi mə zlim ma tə Bizlaf iyi. Ama wulək tə a talaŋ məsəkəŋ par par iyi, ley lim məsəkəŋ liŋ ley nja səntaŋ tə əŋ məŋhayak seh, i kəŋgəc zlap mə nda i gəl tə əŋ tata, a gula i mbuw wuziyi ha ley səɓ səku. 15Siŋ makʉy tə əŋ lay səntaŋ seh, ar mənaŋ hedi iyi i mə zlim ma tə Bizlaf, i kuwu abə nəf tata səntaŋ, i məlu lawlaw, a mbuw wuziyi mbeh səku, məŋgəvday səɓ nəf tata.»
Ma marərək abə lalam
(Markus 4:21-25)
16«Hedi mə nda i bas lalam amba ley jəɓu abə gəduda, aka səku ley ɗiyu a gədaŋ kwambum seh halla. Ama i ɗiyu a lay kə ɗiy lalam, amba hedi mə təɗ əŋ namba iyi fuk i gər lay mawaɗ.#8:16 Matta 5:15; Luka 11:33. 17Məŋgəvday məsəkəŋ maɓah iyi fuk i təɗaha za a palah, məsəkəŋ hedi iyi i mə səŋ səku, i səŋta za, i təɗahata za a lay mawaɗ. 18Hi sla wucum a talaŋ nja təheni ley zlim məsəkəŋ. Məŋgəvday hedi mba abə məsəkəŋ, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za.»
Zliŋgeŋ tə Yesu iyi abə mama tata
(Matta 12:46-50; Markus 3:31-35)
19Mama tə Yesu abə zliŋgeŋ iyi, i kəndaha za ley pələku, ama i gula i gwar ha əŋ kelek ŋga səku, məŋgəvday hedi iyi mbeh səku. 20Hedi iyi i zlapaŋ əŋ Yesu, i zla: «Mama təkwa abə zliŋgeh iyi i mbə a palah, i kəmba i gərah.» 21Ama Yesu a ziŋgeŋta zlap, a zla: «Mama na abə zliŋmana iyi seh, ar hedi mə zlim ma tə Bizlaf iyi, mə ɗal kəzəɗ tə abə mbiŋ.»
Yesu a gar bərgədəŋ
(Matta 8:23-27; Markus 4:35-41)
22A pis məzəwindi aka, Yesu a tap əŋ kambuwal abə gula ŋga iyi, a zlapaŋta, a zla: «Mazukwa i taŋ kəɗi əŋ kəv məzəwindi tə gaw.» Ɓa, i nda. 23Əŋ tata i kətaŋ abə kambuwal seh, Yesu waŋ a waŋ ŋga. Bərgədəŋ a kəɗal a talaŋ yim, yim a kəgwaɗ kambuwal, i mbeh kwata ley kuɗəp.
24Ɓa, gula ŋga iyi i kərəɗaha mbehmbeh əŋ kelek ŋga, fəɗah, i fəɗahaw, i zlapaŋgu, i zla: «Bay səndawl, Bay səndawl, nakwa iyi kənda i məc!» Yesu a garaha, a bəbəc bərgədəŋ liŋ yim sey, i bes tata. Bes səndawl kəɗal za. 25Ɓa, a zlapaŋta, a zla: «Kuw ma təheni sey, cu əŋ vey?» Ama i kələndəŋ za, i kəhar za, i zlap əŋ faŋw tata, i zla: «Wa hedi vitikey? A zlapaŋta kwa əŋ bərgədəŋ abə yim, i kəkuwaŋ ma wa?»
Yesu a mbəl hedi tə abə mimiɗ madawar iyi tə əŋ talaŋ
(Matta 8:28-34; Markus 5:1-20)
26Yesu abə gula ŋga iyi i gwar əŋ hayak tə Geraseni iyi kəɗi əŋ kəv məzəwindi tə gaw, dəre abə Galili. 27Əŋ Yesu a kətəɗaha əŋ kambuwal seh, hedi par aka əŋ berne ta a ndaha ley gbamaŋ talaŋ. Hedi ta abə mimiɗ madawar iyi əŋ talaŋ. Mar zlezle a kəndək rukut a wucum səku, a kənja a ge səku, sey a talaŋ jiɓ iyi. 28Əŋ mbiŋ mə lim Yesu seh, a ja varay, a ndəv əŋ gədaŋ ŋgas ŋga, ɓa, a zlap abə fagay, a zla: «Hwa mba tə a sa mey? Yesu, Mbu tə Bizlaf tə wuzlaf, sa kəɗalah mbuh, hwa mba i zləŋgaka takwaŋ səku!» 29A zlap mənaŋ wa seh, məŋgəvday Yesu a kəzlapaŋ əŋ mimiɗ tə abə ndəra dəlay ley təɗaha ŋga za əŋ hedi ta. Məŋgəvday hwayhway a kəɗalaŋ mənaŋ mba seh, i kəjawaŋ ŋgas abə ndəra ŋga iyi abə calalu iyi amba i jəɗu, ama a kəmətaɗ calalu iyi ta. Mimiɗ madawar ta, a kədeɓʉ əŋ damu. 30Yesu a ɗəpu, a zla: «Miya təkwa seh, mey?» A ziŋgeŋ zlap, a zla: «Mbeh Səku.» A zlap mənaŋ wa seh, məŋgəvday mimiɗ madawar iyi mbeh səku i kətəɗ za əŋ talaŋ ŋga. 31Mimiɗ madawar iyi sey i mar ley ɗalaŋ mbuh əŋ Yesu, amba mə mba i gamta əŋ jiɓ sə seleleŋ səku.
32A namba, ŋgaɓa səndawl tə gəldam iyi aka, i kəjaŋ a wuzum. Mimiɗ madawar iyi ta i ɗalaŋ mbuh əŋ Yesu ley vəlaŋta kataf amba i mə təɗ əŋ gəldam iyi ta. Yesu a vəlaŋta kataf. 33Ɓa, mimiɗ madawar iyi ta i təɗaha tata əŋ talaŋ tə hedi ta, i təɗ əŋ talaŋ tə gəldam iyi. Mbehmbeh mba, i hiy tata abə fagay əŋ heleleŋ, i ndəv tata sərik əŋ gaw, i məc tata fuk a namba.
34Əŋ njʉwiŋ tə gəldam iyi i mə lim məsəkəŋ mə ɗal ta, i hiy tata ley gizehe labara ta əŋ berne abə wuta mekedek iyi. 35Hedi iyi i ndaha ley gər məsəkəŋ mə ɗal tə a namba ta. I gwaraha əŋ kelek Yesu, i lim hedi Yesu mə gamaŋ mimiɗ madawar iyi tə əŋ talaŋ ŋga sey, mə nji a kelek Yesu. Mənjawa, mbə abə rukut a wucum, a kəsəŋ burŋguzl izey. Hedi iyi ta i kələndəŋ za. 36Hedi iyi i mə lim məsəkəŋ mə ɗal iyi ta i gizeŋta əŋ hedi məzəwindi iyi əŋ hedi tə abə mimiɗ tə abə ndəra dəlay iyi sə mbeh səku tə əŋ talaŋ mə mbəl wa. 37Abə dawaŋ ta izey, hedi tə əŋ hayak tə Geraseni iyi fuk i ɗalaŋ mbuh əŋ Yesu mə təɗ ŋga za əŋ hayak tata, məŋgəvday i kələndəŋ za mbeh səku. Yesu a tap əŋ kambuwal, a nda ŋga. 38Hedi, mimiɗ madawar iyi i mə təɗaha tə əŋ talaŋ ŋga sey, a ɗalaŋ mbuh əŋ Yesu amba mə kuw ley nja abə mbiŋ. Ama Yesu a ziŋgu, a zlapaŋgu, a zla: 39«Nda əŋ ge təkwa, gizeŋta əŋ hedi iyi, məsəkəŋ Bizlaf mə ɗalah fuk!» Ɓa, hedi ta a nda ŋga, a gizeŋta əŋ hedi tə əŋ berne iyi ta fuk məsəkəŋ Yesu mə ɗalaŋgu.
Yesu a mbəl hazləma tə Jayrus liŋ wala mə ges ndəra a rukut ŋga
(Matta 9:18-26; Markus 5:21-43)
40Əŋ Yesu mə ziŋgehe, hedi iyi mbeh səku i kuwu abə səsəm, məŋgəvday tata fuk i kəgəbaru. 41Abə dawaŋ ta izey, hedi, i mə ɗafaŋ ma Jayrus, ar hedi ntaɗ tə əŋ faŋw tə talaŋ habay iyi tə əŋ biŋ kə ɗal mbuh əŋ Bizlaf, a ndaha əŋ kelek Yesu. A ndəv a ma ŋga, a jaŋ ndəra ley nda əŋ ge ŋga, 42məŋgəvday mbiŋ abə hazləma ŋga ntaɗ dap, va ŋga a ɗal mbeh kwata wam a meɗek bək, mbeh kwata ley məc. Əŋ Yesu a kənda əŋ namba, hedi iyi i kəŋgəcu. 43Wala məzəwindi a namba aka əŋ faŋw tə hedi iyi ta kəɗal va wam a meɗek bək məmbəz a kəhiyaha a dəməs. Kəcukwaɗ məsəkəŋ tə gədaŋ ndəra ŋga fuk əŋ hedi mə vəl mənjivek iyi, ama hedi mə gula i mbəlza əŋ məc ŋga ta seh halla. 44A kərəɗaha əŋ kelek Yesu kəɗi dawaŋ, ɓa, a ges a meɗek tə rukut ŋga. Mbehmbeh mba, məmbəz ŋga mə hiyaha sey, a gar. 45Yesu a ɗəp hedi iyi, a zla: «Mə geseke wa seh, viyey?» Kwa viyey fuk, i zlap, «Ar sa səku», «Ar sa səku». Ɓa, Piyer a zlapaŋgu, a zla: «Bay na, hedi makwas iyi wa fuk i kətuləkah kwata, i kəŋgəcah kwa kəɗi vitikey fuk. Hwa zlap mə geseke seh, viyey, seh viŋgeh?» 46Ama Yesu a ziŋgeŋta zlap, a zla: «Hedi kəges za abə sa, məŋgəvday sa kəsəŋ za, məndiwiŋ, fagay kətəɗaha za əŋ wucum na.» 47Əŋ wala ta mə gər a gula i ɓah talaŋ ŋga səku ba seh, ɓa, a ndaha əŋ kelek Yesu, a kənəna məŋgəvday kələndəŋ za. A ndəv əŋ gədaŋ ŋgas ŋga iyi, ɓa, a giz a ma tə hedi iyi fuk, məŋgəvday a mey a ges a rukut tə Yesu, baha, a gizeŋta Yesu a mbəlu mbehmbeh mba seh, viŋgey. 48Abə dawaŋ ta, Yesu a zlapaŋgu, a zla: «Hazləma na, kuw ma təkwa kəreheh za, nda abə zahay.»
49Əŋ Yesu a kəzlap ndagwa seh, hedi a ndaha a ge Jayrus, talaŋ habay tə əŋ biŋ kə ɗal mbuh əŋ Bizlaf, a zlapaŋgu, a zla: «Hazləma təkwa kəməc cuza, hwa mba i təɓəlaha metir səku ba.» 50Ama Yesu a zlim ma ta, a zlapaŋ əŋ Jayrus, a zla: «Hwa mba i ləndəŋ səku, kuw ma abə nəf təkwa ntaɗ dap, hazləma təkwa a mbəl za.» 51Əŋ Yesu mə gwar əŋ ge ta seh, a vəl kataf əŋ kwa viyey ley təɗ abə mbiŋ səku, sey əŋ Piyer, Yahwana, Yakuba liŋ baba tə hazləma abə mama ŋga dap. 52Hedi iyi fuk i kəhaŋ, i kəja varay məŋgəvday hazləma ta. Abə dawaŋ ta izey, Yesu a zlapaŋta, a zla: «Hi mba i haŋ səku. Hazləma ta kəməc halla, a kəwaŋ.» 53Hedi iyi i ɓasaŋ a talaŋ məŋgəvday i kəsəŋ hazləma ta kəməc cuza. 54Ama Yesu a məl ndəra tə hazləma ta, a ɗafaŋ ma abə fagay, a zla: «Mbu, garaha!» 55Nəp ŋga ziŋ a ziŋgehe a lay ta, ɓa, a gar ŋga mbehmbeh mba. Yesu a zlapaŋta, a zla: «Hi vəlaŋ məsəkəŋ kə zəm.» 56Baba ŋga iyi i kəhar za mbeh səku, ama Yesu a ŋgəzta, a zla: «Hi mba i giz məsəkəŋ mə ɗal wa əŋ kwa viyey səku.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល