Luka 24
24
Garaha tə Yesu əŋ faŋw tə hedi maməc iyi kəgizehe za əŋ wala iyi
(Matta 28:1-10; Markus 16:1-8; Yahwana 20:1-10)
1Abə dawaŋ tə pis kə yip, abə kafa vət tə luma gamtak, wala iyi sey, i nda abə mel liŋ məsəkəŋ mə njif səntaŋ i mə slaha wucum tə abə mbiŋ sey əŋ talaŋ jiɓ tə Yesu. 2I lim seh beler tə a meɗek jiɓ ta mə guduŋguli abə bəra. 3I təɗ əŋ jiɓ ta, ama i kəlim wucum tə Bay Bayta Yesu seh halla. 4Əŋ talaŋ tata a kəwuzlaɗ a məsəkəŋ mə ɗal ta seh, ehe, hedi iyi bək aka i gizeŋta wucum, tata abə rukut sə kweɗek iyi ndeɗndeɗ. 5Wala iyi ta i kələndəŋ za, i jʉk talaŋ əŋ teyek, ama hedi iyi ta i zlapaŋta, i zla: «Hi pələk hedi tə abə nje əŋ faŋw tə hedi maməc iyi seh, viŋgey? 6Mbə a nawa halla ba, kəgaraha ŋga cuza əŋ məc. Hi səŋ kenek a ma mbiŋ mə zlapaheni tə əŋ hayak tə Galili sey, 7a zla: “Sey i vəl Mbu tə Hedi za əŋ ndəra hedi mə ɗal hem iyi, i daru a mpay mazlaŋgal. Əŋ waŋ maakaɗ ta, a garaha ŋga za əŋ faŋw tə hedi maməc iyi.”» 8Abə dawaŋ ta, wala iyi ta i səŋ kenek a zlap Yesu mə zlapaŋta izey. 9Ɓa, i gar tata a meɗek jiɓ sey, i nda i gizeŋta məsəkəŋ mə ɗal tə a namba iyi ta fuk əŋ gula tə Yesu iyi wam a meɗek ntaɗ liŋ əŋ hedi dakayta iyi fuk. 10Wala iyi ta seh: ar Mariyama tə Magdala, Yawana liŋ Mariyama mama tə Yakuba abə wala dakayta tə abə tata iyi. I gizeŋta ma ta əŋ mələɓ iyi bahayim. 11Ama mələɓ tə Yesu iyi ta i wulək a talaŋ ma tə ndəra wala iyi i mə giz wa seh, ar ma haya, i kəkuw ma tə wala iyi ta halla. 12Abə mbiŋ ta fuk, Piyer, pərta! a gar, a hiy əŋ meɗek jiɓ ta. A gwar əŋ meɗek jiɓ, ɓa, a reɓ, a wuzeɗ nje əŋ ɗəməŋ, a lim seh, sey məsləga. Ɓa, a ziŋgehe ŋga əŋ wuta, talaŋ ŋga kəwuzlaɗ za məŋgəvday məsəkəŋ mə ɗal ta.
Yesu a gizeŋta wucum əŋ gula iyi bək a kataf tə Emmayus
(Markus 16:12-13)
13Əŋ waŋ ta mba, gula ŋga iyi bək i kənda tata əŋ wuta, i mə ɗafaŋ ma Emmayus. Wuta ta, a ɗal mbeh kwata kilewmetir wam a meɗek ntaɗ abə Urusalima. 14I kəzlap əŋ faŋw tata a talaŋ məsəkəŋ mə ɗal iyi ta fuk. 15Əŋ tata i kəzlap, i kəɗal yawa əŋ faŋw tata, Yesu abə talaŋ ŋga bahayim a gwaraha əŋ kelek tata, ɓa, i nda tata lalaŋ. 16I kəlimʉ, ama məsəkəŋ mə takta ley səŋgu seh aka. 17Yesu a ɗəpta, a zla: «Əŋ ndaha təheni wa seh, hi zlap seh a talaŋ mey?» Ɓa, i gar, i kəsəsəm halla. 18Hedi ntaɗ əŋ faŋw tata, miya ŋga Kəliyawpas, a ziŋgeŋ zlap, a zla: «Məsəkəŋ mə taŋ tə əŋ Urusalima tə əŋ waŋ iyi wa seh, hwa taataɗ mə tak zlim ma ta vaw?» 19Ɓa, a ɗəpta, a zla: «Mə ɗal seh, mey?» I ziŋgeŋ zlap, i zla: «Ma mə taŋ tə a talaŋ Yesu lə Nasaratu wa. Ar hedi mə giz ma abə miya tə Bizlaf səndawl. Mbiŋ abə fagay əŋ kəzəɗ ŋga iyi abə ley zlap ma səntaŋ a ma tə Bizlaf liŋ a ma tə hedi iyi fuk. 20Ama hedi səndawl iyi tə a talaŋ hedi mə ɗal kukus əŋ Bizlaf takwa iyi abə talaŋ habay takwa iyi, i vəlu əŋ ndəra bay tə Rawma, amba ley mbəzlaŋ ma, mbəzl ma kə ja, ɓa, i daru a mpay mazlaŋgal. 21Nini seh, nini kəwulək za, ar mbiŋ mə nda i reh Israyila iyi əŋ tuwah. Ama abə mbiŋ ta fuk, ehe, eci waŋ maakaɗ tə məsəkəŋ mə ɗal ta. 22Baha, wala dakayta iyi tə əŋ faŋw tini aka, i kəwuzlaɗanini talaŋ za mbeh səku məŋgəvday nakaha, i kənda za abə zlalay əŋ talaŋ jiɓ, 23i kəlimehe wucum tə Yesu ta halla. I ziŋgehe tata, i gizenini, i zla: Mələɓ tə Bizlaf iyi tə wuzlaf i kəgizeŋta wucum za, i zlapaŋta, i zla: “Yesu mbə abə nje.” 24Hedi dakayta iyi tə əŋ faŋw tini, i kənda za əŋ talaŋ jiɓ ta bahayim. I kəlimehe məsəkəŋ ta za mənaŋ wala iyi i mə giz ta. Ama mbiŋ seh, i kəlimza halla.»
25Abə dawaŋ ta izey, Yesu a zlapaŋta, a zla: «Haya, heni hedi mə səŋ məsəkəŋ iyi səku, nəf təheni iyi i kəkərəŋ ley kuw ma tə hedi mə giz ma abə miya tə Bizlaf iyi, i mə gizeheni zlezle. 26I zla seh, sey Almasihu a zləŋ takwaŋ mənaŋ wa za ndagwa, abə dawaŋ ta, a nda i nja əŋ bay ŋga seh, hi kəsəŋ səku vaw?» 27Ɓa, Yesu a gizeŋta ma tə əŋ Ɗerewel tə Bizlaf mə zlap tə a talaŋ ŋga, mar kəɗi a ɗerewel tə Musa, ha əŋ ɗerewel tə hedi mə giz ma abə miya tə Bizlaf iyi fuk.
28Əŋ tata mbeh kwata ley gwar əŋ wuta tata i mə mba i nda seh, Yesu a ɗal mənaŋ a mba i nda ŋga guduk. 29Ama i jaŋ ndəra ŋgas mbeh səku, i zla: «Nja abə nini a nawa məŋgəvday məcukahw kəɗal kwata, nja mbizek a nawa njaɗu.» Ɓa, a təɗ ley nja abə tata. 30A nja abə tata ley zəm wuda. A ɓət peŋ, a ɗalaŋ sʉse əŋ Bizlaf, a ŋgu, ɓa, a vəlaŋta. 31Abə dawaŋ ta, nje tata a rəz izey, i kəsəŋza za, ama mbehmbeh mba, a kuɗəp ŋga a ma tata. 32I zlap əŋ faŋw tata, i zla: «Səsəm əŋ nəf takwa aka mbeh səku, əŋ mbiŋ mə zlapanakwa tə a kataf, abə mbiŋ mə gizenakwa ma tə əŋ Ɗerewel tə Bizlaf wa səku vaw?»
33Mbehmbeh mba, i gar, i ziŋ tata əŋ Urusalima, i gwar, i lim gula tə Yesu iyi wam a meɗek ntaɗ sey, abə hedi tə abə tata iyi i mə kwesi. 34Tata fuk tata iyi i zlapaŋta əŋ gula sə bək iyi sey, i zla: «Məndiwiŋ, Bay Bayta, kəgaraha ŋga cuza əŋ faŋw tə hedi maməc iyi, kəgizeŋ wucum za əŋ Simaŋw bahayim.» 35Tata bahayim, i giz məsəkəŋ mə taŋ tə abə tata tə a kataf tə Emmayus, baha, i səŋgu əŋ mbiŋ a kəwuɗak peŋ.
Yesu a gizeŋta wucum əŋ gula ŋga iyi wam a meɗek ntaɗ
(Matta 28:16-20; Markus 16:14-18; Yahwana 20:19-23; Kəzəɗ tə Mələɓ iyi 1:6-8)
36Əŋ tata i kəzlap ndagwa seh, Yesu abə talaŋ ŋga, a gizehe wucum əŋ faŋw tata, a zlapaŋta, a zla: «Zahay mə nja abə heni.» 37Nəf tata kədəɗ za, i kələndəŋ za mbeh səku, i wulək seh i kəlim mimiɗ madawar za. 38Ama Yesu a zlapaŋta, a zla: «Talaŋ təheni a wuzlaɗ seh, məŋgəvday a mey? Heni abə wulək bək bək seh, məŋgəvday a mey? 39Hi gər ndəra na iyi abə ŋgas na iyi, ar sa məndiwiŋ. Hi tətəlaka, hi gəraka. Məŋgəvday mimiɗ madawar seh, mbiŋ abə zli tə wucum abə kirŋgisl mənaŋ heni mə gəraka wa seh halla.» 40Əŋ mbiŋ a kəzlapaŋta ma iyi ta wa seh, a gizeŋta ndəra ŋga iyi abə ŋgas ŋga iyi. 41Əŋ tata i mə səsəm abə har tata sə mbeh səku wa seh, i gula i kuw ma Yesu mə zlapaŋta wa səku ndagwa, ɓa, a ɗəpta, a zla: «Məsəkəŋ kə zəm a ndəra təheni a nawa aka vaw?» 42Ɓa, i vəlaŋ kəlif maməsaw mbizek. 43Ɓət, a ɓətu, ɓa, a zəmu a ma tata. 44Abə dawaŋ ta, a zlapaŋta, a zla: «Ehe, wawa ma sa zlapaheni sey, əŋ sa mbə abə heni, ma mawuzlel tə a talaŋ na tə əŋ ɗerewel tə ma majaw tə Musa, tə əŋ ɗerewel tə hedi mə giz ma abə miya tə Bizlaf iyi liŋ tə əŋ Jabura iyi, sey fuk i mə ɗal.» 45Ɓa, a rəzaŋta burŋguzl, amba i səŋ səntaŋ tə ma tə əŋ Ɗerewel tə Bizlaf. 46A zlapaŋta, a zla: «Ehe, mənaŋ wa, mə wuzleli tə əŋ Ɗerewel tə Bizlaf, a zla: “Sey Almasihu a nda i zləŋ takwaŋ, a məc əŋ waŋ maakaɗ ta, a garaha ŋga əŋ faŋw tə hedi maməc iyi, 47abə miya ŋga, i nda i gizeŋta ma ta əŋ hedi tə əŋ məŋhayak iyi fuk, a nda i mar kəɗi əŋ Urusalima, amba i mə buw nja tata, ɓa, Bizlaf a yakaŋta hem tata iyi.” 48Ar heni mə nda i gizeŋta məsəkəŋ heni mə gər iyi wa fuk əŋ hedi iyi. 49Sa seh, sa nda i ləɓaheni məsəkəŋ mənaŋ Baba na mə nda i vəlaheni sey. Ama heni seh, hi nja əŋ berne wa ndagwa ha əŋ pis heni mə lim fagay mandaha tə wuzlaf za#24:49 Kəzəɗ tə Mələɓ iyi 1:4-5..»
Yesu a nda ŋga əŋ wuzlaf
(Markus 16:19-20; Kəzəɗ tə Mələɓ iyi 1:9-11)
50Ɓa, Yesu a deɓ gula ŋga iyi guduk abə berne, mbehmbeh abə Baytaniya#24:50 Markus 11:1.. A namba, ɓa, a kaf ndəra əŋ wuzlaf, a pireŋta ma. 51Əŋ mbiŋ a kəpireŋta ma seh, a wuɗak ŋga abə tata, ɓa, Bizlaf a ɓətu əŋ wuzlaf#24:51 Kəzəɗ tə Mələɓ iyi 1:9.. 52Ama tata bahayim, i dar malakw a ma ŋga ley həmənu, ɓa, i ziŋgehe tata əŋ Urusalima abə səsəm mbeh səku. 53I mbə əŋ biŋ tə Bizlaf a pis ta a pis ta, i kəhəmən Bizlaf.
ទើបបានជ្រើសរើសហើយ៖
Luka 24: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 24
24
Garaha tə Yesu əŋ faŋw tə hedi maməc iyi kəgizehe za əŋ wala iyi
(Matta 28:1-10; Markus 16:1-8; Yahwana 20:1-10)
1Abə dawaŋ tə pis kə yip, abə kafa vət tə luma gamtak, wala iyi sey, i nda abə mel liŋ məsəkəŋ mə njif səntaŋ i mə slaha wucum tə abə mbiŋ sey əŋ talaŋ jiɓ tə Yesu. 2I lim seh beler tə a meɗek jiɓ ta mə guduŋguli abə bəra. 3I təɗ əŋ jiɓ ta, ama i kəlim wucum tə Bay Bayta Yesu seh halla. 4Əŋ talaŋ tata a kəwuzlaɗ a məsəkəŋ mə ɗal ta seh, ehe, hedi iyi bək aka i gizeŋta wucum, tata abə rukut sə kweɗek iyi ndeɗndeɗ. 5Wala iyi ta i kələndəŋ za, i jʉk talaŋ əŋ teyek, ama hedi iyi ta i zlapaŋta, i zla: «Hi pələk hedi tə abə nje əŋ faŋw tə hedi maməc iyi seh, viŋgey? 6Mbə a nawa halla ba, kəgaraha ŋga cuza əŋ məc. Hi səŋ kenek a ma mbiŋ mə zlapaheni tə əŋ hayak tə Galili sey, 7a zla: “Sey i vəl Mbu tə Hedi za əŋ ndəra hedi mə ɗal hem iyi, i daru a mpay mazlaŋgal. Əŋ waŋ maakaɗ ta, a garaha ŋga za əŋ faŋw tə hedi maməc iyi.”» 8Abə dawaŋ ta, wala iyi ta i səŋ kenek a zlap Yesu mə zlapaŋta izey. 9Ɓa, i gar tata a meɗek jiɓ sey, i nda i gizeŋta məsəkəŋ mə ɗal tə a namba iyi ta fuk əŋ gula tə Yesu iyi wam a meɗek ntaɗ liŋ əŋ hedi dakayta iyi fuk. 10Wala iyi ta seh: ar Mariyama tə Magdala, Yawana liŋ Mariyama mama tə Yakuba abə wala dakayta tə abə tata iyi. I gizeŋta ma ta əŋ mələɓ iyi bahayim. 11Ama mələɓ tə Yesu iyi ta i wulək a talaŋ ma tə ndəra wala iyi i mə giz wa seh, ar ma haya, i kəkuw ma tə wala iyi ta halla. 12Abə mbiŋ ta fuk, Piyer, pərta! a gar, a hiy əŋ meɗek jiɓ ta. A gwar əŋ meɗek jiɓ, ɓa, a reɓ, a wuzeɗ nje əŋ ɗəməŋ, a lim seh, sey məsləga. Ɓa, a ziŋgehe ŋga əŋ wuta, talaŋ ŋga kəwuzlaɗ za məŋgəvday məsəkəŋ mə ɗal ta.
Yesu a gizeŋta wucum əŋ gula iyi bək a kataf tə Emmayus
(Markus 16:12-13)
13Əŋ waŋ ta mba, gula ŋga iyi bək i kənda tata əŋ wuta, i mə ɗafaŋ ma Emmayus. Wuta ta, a ɗal mbeh kwata kilewmetir wam a meɗek ntaɗ abə Urusalima. 14I kəzlap əŋ faŋw tata a talaŋ məsəkəŋ mə ɗal iyi ta fuk. 15Əŋ tata i kəzlap, i kəɗal yawa əŋ faŋw tata, Yesu abə talaŋ ŋga bahayim a gwaraha əŋ kelek tata, ɓa, i nda tata lalaŋ. 16I kəlimʉ, ama məsəkəŋ mə takta ley səŋgu seh aka. 17Yesu a ɗəpta, a zla: «Əŋ ndaha təheni wa seh, hi zlap seh a talaŋ mey?» Ɓa, i gar, i kəsəsəm halla. 18Hedi ntaɗ əŋ faŋw tata, miya ŋga Kəliyawpas, a ziŋgeŋ zlap, a zla: «Məsəkəŋ mə taŋ tə əŋ Urusalima tə əŋ waŋ iyi wa seh, hwa taataɗ mə tak zlim ma ta vaw?» 19Ɓa, a ɗəpta, a zla: «Mə ɗal seh, mey?» I ziŋgeŋ zlap, i zla: «Ma mə taŋ tə a talaŋ Yesu lə Nasaratu wa. Ar hedi mə giz ma abə miya tə Bizlaf səndawl. Mbiŋ abə fagay əŋ kəzəɗ ŋga iyi abə ley zlap ma səntaŋ a ma tə Bizlaf liŋ a ma tə hedi iyi fuk. 20Ama hedi səndawl iyi tə a talaŋ hedi mə ɗal kukus əŋ Bizlaf takwa iyi abə talaŋ habay takwa iyi, i vəlu əŋ ndəra bay tə Rawma, amba ley mbəzlaŋ ma, mbəzl ma kə ja, ɓa, i daru a mpay mazlaŋgal. 21Nini seh, nini kəwulək za, ar mbiŋ mə nda i reh Israyila iyi əŋ tuwah. Ama abə mbiŋ ta fuk, ehe, eci waŋ maakaɗ tə məsəkəŋ mə ɗal ta. 22Baha, wala dakayta iyi tə əŋ faŋw tini aka, i kəwuzlaɗanini talaŋ za mbeh səku məŋgəvday nakaha, i kənda za abə zlalay əŋ talaŋ jiɓ, 23i kəlimehe wucum tə Yesu ta halla. I ziŋgehe tata, i gizenini, i zla: Mələɓ tə Bizlaf iyi tə wuzlaf i kəgizeŋta wucum za, i zlapaŋta, i zla: “Yesu mbə abə nje.” 24Hedi dakayta iyi tə əŋ faŋw tini, i kənda za əŋ talaŋ jiɓ ta bahayim. I kəlimehe məsəkəŋ ta za mənaŋ wala iyi i mə giz ta. Ama mbiŋ seh, i kəlimza halla.»
25Abə dawaŋ ta izey, Yesu a zlapaŋta, a zla: «Haya, heni hedi mə səŋ məsəkəŋ iyi səku, nəf təheni iyi i kəkərəŋ ley kuw ma tə hedi mə giz ma abə miya tə Bizlaf iyi, i mə gizeheni zlezle. 26I zla seh, sey Almasihu a zləŋ takwaŋ mənaŋ wa za ndagwa, abə dawaŋ ta, a nda i nja əŋ bay ŋga seh, hi kəsəŋ səku vaw?» 27Ɓa, Yesu a gizeŋta ma tə əŋ Ɗerewel tə Bizlaf mə zlap tə a talaŋ ŋga, mar kəɗi a ɗerewel tə Musa, ha əŋ ɗerewel tə hedi mə giz ma abə miya tə Bizlaf iyi fuk.
28Əŋ tata mbeh kwata ley gwar əŋ wuta tata i mə mba i nda seh, Yesu a ɗal mənaŋ a mba i nda ŋga guduk. 29Ama i jaŋ ndəra ŋgas mbeh səku, i zla: «Nja abə nini a nawa məŋgəvday məcukahw kəɗal kwata, nja mbizek a nawa njaɗu.» Ɓa, a təɗ ley nja abə tata. 30A nja abə tata ley zəm wuda. A ɓət peŋ, a ɗalaŋ sʉse əŋ Bizlaf, a ŋgu, ɓa, a vəlaŋta. 31Abə dawaŋ ta, nje tata a rəz izey, i kəsəŋza za, ama mbehmbeh mba, a kuɗəp ŋga a ma tata. 32I zlap əŋ faŋw tata, i zla: «Səsəm əŋ nəf takwa aka mbeh səku, əŋ mbiŋ mə zlapanakwa tə a kataf, abə mbiŋ mə gizenakwa ma tə əŋ Ɗerewel tə Bizlaf wa səku vaw?»
33Mbehmbeh mba, i gar, i ziŋ tata əŋ Urusalima, i gwar, i lim gula tə Yesu iyi wam a meɗek ntaɗ sey, abə hedi tə abə tata iyi i mə kwesi. 34Tata fuk tata iyi i zlapaŋta əŋ gula sə bək iyi sey, i zla: «Məndiwiŋ, Bay Bayta, kəgaraha ŋga cuza əŋ faŋw tə hedi maməc iyi, kəgizeŋ wucum za əŋ Simaŋw bahayim.» 35Tata bahayim, i giz məsəkəŋ mə taŋ tə abə tata tə a kataf tə Emmayus, baha, i səŋgu əŋ mbiŋ a kəwuɗak peŋ.
Yesu a gizeŋta wucum əŋ gula ŋga iyi wam a meɗek ntaɗ
(Matta 28:16-20; Markus 16:14-18; Yahwana 20:19-23; Kəzəɗ tə Mələɓ iyi 1:6-8)
36Əŋ tata i kəzlap ndagwa seh, Yesu abə talaŋ ŋga, a gizehe wucum əŋ faŋw tata, a zlapaŋta, a zla: «Zahay mə nja abə heni.» 37Nəf tata kədəɗ za, i kələndəŋ za mbeh səku, i wulək seh i kəlim mimiɗ madawar za. 38Ama Yesu a zlapaŋta, a zla: «Talaŋ təheni a wuzlaɗ seh, məŋgəvday a mey? Heni abə wulək bək bək seh, məŋgəvday a mey? 39Hi gər ndəra na iyi abə ŋgas na iyi, ar sa məndiwiŋ. Hi tətəlaka, hi gəraka. Məŋgəvday mimiɗ madawar seh, mbiŋ abə zli tə wucum abə kirŋgisl mənaŋ heni mə gəraka wa seh halla.» 40Əŋ mbiŋ a kəzlapaŋta ma iyi ta wa seh, a gizeŋta ndəra ŋga iyi abə ŋgas ŋga iyi. 41Əŋ tata i mə səsəm abə har tata sə mbeh səku wa seh, i gula i kuw ma Yesu mə zlapaŋta wa səku ndagwa, ɓa, a ɗəpta, a zla: «Məsəkəŋ kə zəm a ndəra təheni a nawa aka vaw?» 42Ɓa, i vəlaŋ kəlif maməsaw mbizek. 43Ɓət, a ɓətu, ɓa, a zəmu a ma tata. 44Abə dawaŋ ta, a zlapaŋta, a zla: «Ehe, wawa ma sa zlapaheni sey, əŋ sa mbə abə heni, ma mawuzlel tə a talaŋ na tə əŋ ɗerewel tə ma majaw tə Musa, tə əŋ ɗerewel tə hedi mə giz ma abə miya tə Bizlaf iyi liŋ tə əŋ Jabura iyi, sey fuk i mə ɗal.» 45Ɓa, a rəzaŋta burŋguzl, amba i səŋ səntaŋ tə ma tə əŋ Ɗerewel tə Bizlaf. 46A zlapaŋta, a zla: «Ehe, mənaŋ wa, mə wuzleli tə əŋ Ɗerewel tə Bizlaf, a zla: “Sey Almasihu a nda i zləŋ takwaŋ, a məc əŋ waŋ maakaɗ ta, a garaha ŋga əŋ faŋw tə hedi maməc iyi, 47abə miya ŋga, i nda i gizeŋta ma ta əŋ hedi tə əŋ məŋhayak iyi fuk, a nda i mar kəɗi əŋ Urusalima, amba i mə buw nja tata, ɓa, Bizlaf a yakaŋta hem tata iyi.” 48Ar heni mə nda i gizeŋta məsəkəŋ heni mə gər iyi wa fuk əŋ hedi iyi. 49Sa seh, sa nda i ləɓaheni məsəkəŋ mənaŋ Baba na mə nda i vəlaheni sey. Ama heni seh, hi nja əŋ berne wa ndagwa ha əŋ pis heni mə lim fagay mandaha tə wuzlaf za#24:49 Kəzəɗ tə Mələɓ iyi 1:4-5..»
Yesu a nda ŋga əŋ wuzlaf
(Markus 16:19-20; Kəzəɗ tə Mələɓ iyi 1:9-11)
50Ɓa, Yesu a deɓ gula ŋga iyi guduk abə berne, mbehmbeh abə Baytaniya#24:50 Markus 11:1.. A namba, ɓa, a kaf ndəra əŋ wuzlaf, a pireŋta ma. 51Əŋ mbiŋ a kəpireŋta ma seh, a wuɗak ŋga abə tata, ɓa, Bizlaf a ɓətu əŋ wuzlaf#24:51 Kəzəɗ tə Mələɓ iyi 1:9.. 52Ama tata bahayim, i dar malakw a ma ŋga ley həmənu, ɓa, i ziŋgehe tata əŋ Urusalima abə səsəm mbeh səku. 53I mbə əŋ biŋ tə Bizlaf a pis ta a pis ta, i kəhəmən Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល