Luka 19
19
Yesu abə Jakayus
1Yesu a təɗ əŋ Yerikwa, a taŋ kəɗi əŋ dəməs ge tə berne. 2A namba hedi məzəwindi aka, miya ŋga Jakayus. Ar hedi səndawl tə hedi mə cakal budu iyi, mbiŋ hedi tə abə məsəkəŋ mbeh səku. 3A kəpələk ley gər Yesu seh, ar viyey, ama a gula i gəru səku, məŋgəvday hedi makwas iyi, baha, məŋgəvday mbiŋ seh, hedi gəl sə duk. 4A hiy a ma, a tap əŋ givde amba ley gər Yesu mə nda i taŋ kəɗi əŋ mba. 5Əŋ Yesu mə gwar a lay ta seh, a gər nje əŋ wuzlaf, a zlapaŋgu, a zla: «Jakayus, bəreŋgehe viyu, məŋgəvday eci wa seh, sey sa waŋ a ge təkwa.» 6Jakayus a vaz ley bəreŋgehe, a kuwu abə səsəm. 7Əŋ hedi iyi i mə gəru mənaŋ wa seh, i guŋgur ma#19:7 Guŋgur ma: gər baha əŋ Luka 15:2. a talaŋ Yesu, i zla: «A nda i waŋgaha a ge hedi mə ɗal hem!» 8Ama Jakayus, a gar a ma tə Bay Bayta, a zlapaŋgu, a zla: «Bay Bayta, sa nda i wuɗak məsəkəŋ na iyi dəl bək, sa nda i vəl məzəwindi əŋ hedi məstakwaŋ iyi. Əŋgah sa kəɓət məsəkəŋ tə hedi za abə kataf ta səku, sa ziŋgeŋza za ŋgas nfaɗ.» 9Yesu a zlapaŋgu, a zla: «Reh kətəɗaha za əŋ ge wa eci, məŋgəvday mbiŋ bahayim, ar mambuwaha tə əŋ ntaŋw tə Ibrahima. 10Məŋgəvday Mbu tə Hedi a ndaha seh ley pələk abə ley reh hedi makuɗəp iyi.»
Ma marərək a talaŋ dala tə malaway mawaɗ
(Matta 25:14-30)
11Hedi iyi i kəzlim ma tə Yesu. Ɓa, a zlapaŋta abə ma marərək baha, məŋgəvday mbiŋ mbeh kwata ley gwar əŋ Urusalima, hedi iyi cek seh Bay tə Bizlaf a nda i gwaraha mbehmbeh mba. 12Ehe, ma mbiŋ mə zlap, a zla: «Hedi məzəwindi aka, əŋ ntaŋw tə bay, a nda əŋ hayak sə guduk amba i ɗiyu əŋ bay, abə dawaŋ ta, a ziŋgehe ŋga. 13A ɗafaŋta ma əŋ hedi iyi wam, əŋ faŋw tə hedi mə ɗal kəzəɗ ŋga iyi, a ɓizekeŋta dala tə malaway mawaɗ wam, a zlapaŋta, a zla: “Hi ber məsəkəŋ abə mbiŋ ha əŋ sa mə nda i ziŋgehe.” 14Ama hedi tə əŋ hayak ŋga iyi i kəmbaza səku, i kələɓ hedi iyi za abə dawaŋ ŋga, amba ley zlap mənaŋ wa, i zla: “Nini kəmba hedi ta a ɗal bay a talaŋ tini səku.” 15Abə mbiŋ ta fuk, i vəlaŋ bay za, ɓa, a ziŋgehe ŋga əŋ hayak ŋga, a ɗafaŋta ma əŋ gula ŋga iyi mbiŋ mə vəlaŋta dala sey, amba ley səŋ dala mafəfəl tə a talaŋ ta, a ndəra kwa viyey fuk. 16Gula titʉz a ndaha, a zlapaŋgu, a zla: “Bay na, dala tə malaway mawaɗ təkwa sey, kəfəfəlaha wam za a talaŋ ta.” 17Bay, a zlapaŋgu, a zla: “Ləlaw diya, hwa gula səntaŋ, hwa kəɗal kəzəɗ səntaŋ za abə məsəkəŋ mekedek, məŋgəvday a ɗek, sa kəɗiyah miya guverner a talaŋ berne iyi wam.” 18Gula məbək ta a ndaha, a zlapaŋgu, a zla: “Bay na, dala tə malaway təkwa sey, kəfəfəlaha juɓum za a talaŋ ta.” 19Bay, a ziŋgeŋ zlap, a zla: “Hwa bahayim, sa kəɗiyah miya guverner a talaŋ berne iyi juɓum.” 20Gula məzəwindi, a ndaha, a zlapaŋgu, a zla: “Bay na, ehe, dala tə malaway mawaɗ təkwa sey, sa kəɓah za ka əŋ məsəra rukut, 21məŋgəvday sa kələndəŋ za abə hwa, hwa hedi sə lem: hwa kəɓət məsəkəŋ əŋ lay hwa mə ɗiy səku, hwa kəbəl məsəkəŋ əŋ lay hwa mə zlək səku.” 22Bay, a ziŋgeŋ zlap, a zla: “Gula madawar, məŋgəvday ma təkwa hwa mə zlap wa, sa mbəzlah ma za. Hwa kəsəŋ sa seh, sa hedi sə lem, sa kəɓət məsəkəŋ əŋ lay sa mə ɗiy səku, sa kəbəl məsəkəŋ əŋ lay sa mə zlək səku. 23Əŋgah mənaŋ mba seh, məŋgəvday a mey, hwa ɗiyakza ka əŋ bank səku vaw? Əŋ ziŋgehe na, sa ɓətahaw abə fəfəl səku vaw?” 24Ɓa, a zlapaŋta əŋ hedi tə a namba iyi, a zla: “Hi kuw dala tə ndəra ŋga mba za, hi vəlaŋ əŋ hedi tə abə dala tə malaway mawaɗ sə wam sey.” 25I zlapaŋgu, i zla: “Bay Bayta, mbiŋ abə dala tə malaway ŋga mawaɗ wam səku vah!” 26A ziŋgeŋta zlap, a zla: “Sa kəzlapaheni, əŋ hedi tə abə məsəkəŋ seh, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za. 27Əŋ məsəgər na iyi i mə mba sa ɗal bay a talaŋ tata səku wa seh, hi dahata əŋ nawa, ɓa, hi jata a ma na.”»
Yesu a gwaraha əŋ Urusalima
(Matta 21:1-11; Markus 11:1-11; Yahwana 12:12-19)
28Abə dawaŋ tə zlap iyi wa, Yesu a nda a ma tə hedi iyi ley tap əŋ Urusalima. 29Əŋ mbiŋ kəgwaraha kwata mbehmbeh abə Baytifaji liŋ abə Baytaniya, a kelek wuzum i mə ɗafaŋ ma wuzum tə Jaytun iyi, a ləɓ gula ŋga iyi bək, 30a zlapaŋta, a zla: «Hi nda əŋ wuta tə a ma təheni cuwa. Əŋ heni kətəɗ əŋ wuta ta seh, hi lim mbu zaŋgwa za mə jewi, hedi kəter ley nja a ɗek halla. Hi pəlahaw, hi dahakza. 31Əŋgah hedi a ɗəpaheni: “Hi pəlu seh imey?” Seh, hi ziŋgeŋ zlap: “Ar Bay Bayta, mə mbalu.”» 32Mələɓ iyi sey, i nda i lim məsəkəŋ iyi ta mənaŋ Yesu mə zlapaŋta. 33Əŋ tata i kəpəl zaŋgwa sey, hedi tə mbu zaŋgwa iyi ta i ɗəpta, i zla: «Hi pəl mbu zaŋgwa ta seh imey?» 34I ziŋgeŋta zlap, i zla: «Ar Bay Bayta, mə mbalu.» 35I daha zaŋgwa sey əŋ Yesu, ɓa, i ndəɗ rukut iyi a zaŋgwa ta, i tap Yesu a ɗek. 36Əŋ Yesu a kəmar ley nda, hedi iyi i kəndəɗ rukut iyi a kataf. 37Kəgwar kwata əŋ Urusalima mbehmbeh abə məsur tə wuzum tə Jaytun iyi seh, gula ŋga makwas iyi fuk, i mbə əŋ səsəm səndawl, i mar ley həmən Bizlaf abə fagay, məŋgəvday a mazla tata i mə lim iyi wa fuk. 38I zlap, i zla:
«Bizlaf mə ɗiy ndəra bay ŋga a hedi mə ndaha tə abə miya tə Bay Bayta!
Zahay a wuzlaf, həmən əŋ Bizlaf tə wuzlaf#19:38 2:14; Jabura 118:26.!»
39Farisa dakayta iyi tə əŋ faŋw tə hedi makwas iyi i zlapaŋ əŋ Yesu, i zla: «Metir, zlapaŋta əŋ gula təkwa iyi i mə bes.» 40Yesu a ziŋgeŋta zlap, a zla: «Sa kəzlapaheni, əŋgah tata i kəbes za seh, kwa nvəŋ iyi i ja varay za.»
Yesu a haŋ məŋgəvday hedi tə Urusalima iyi
41Əŋ Yesu kəgwaraha kwata mbehmbeh abə berne ta, a gəru, ɓa, a haŋ məŋgəvday berne ta. 42A zla: «Əŋgah heni bahayim, heni hedi tə Urusalima iyi, heni kəsəŋ za, eci wa, heni nda i lim zahay seh, viŋgey! Ama mənjawa məsəkəŋ ta mə ɓehi a nje təheni. 43Ayaw, heni seh, waŋ ta a ndaha za, məsəgər təheni iyi i ndaha za ley tuləkaheni abə məsəkəŋ kə ɗal vərəm iyi. I tʉskʉleheni za, i ŋgəcaheni za kwa kəɗi əŋ kəv vitikey fuk. 44I nda i dənah berne təheni fuk, heni abə wuziyi təheni iyi. I yak nvəŋ a talaŋ nvəŋ halla, məŋgəvday heni kəsəŋ pis Bizlaf kəndaha za ley təraheni seh halla.»
Yesu mbə əŋ biŋ tə Bizlaf
(Matta 21:12-17; Markus 11:15-19; Yahwana 2:13-22)
45Yesu a təɗ əŋ biŋ tə Bizlaf, ɓa, a mar ley gam hedi mə ber məsəkəŋ iyi. 46A zlapaŋta, a zla: «Ma mawuzlel tə əŋ Ɗerewel tə Bizlaf, a zla: “Biŋ na seh, ar biŋ kə ɗal mbuh.” Ama heni seh, hi kəmbaɗu za əŋ mbudum tə hedi mə la məsəkəŋ tə hedi iyi#19:46 Esaya 56:7; Yeremiya 7:11..»
47A pis ta a pis ta, a kəsərəkta əŋ biŋ tə Bizlaf. Hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi liŋ hedi səndawl tə a talaŋ hedi iyi i kəpələk ley ju. 48Ama i kəsəŋ i nda i ɗal ley məlu seh, viŋgey səku, məŋgəvday hedi iyi fuk i kəteheŋ zlim lawlaw.
ទើបបានជ្រើសរើសហើយ៖
Luka 19: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 19
19
Yesu abə Jakayus
1Yesu a təɗ əŋ Yerikwa, a taŋ kəɗi əŋ dəməs ge tə berne. 2A namba hedi məzəwindi aka, miya ŋga Jakayus. Ar hedi səndawl tə hedi mə cakal budu iyi, mbiŋ hedi tə abə məsəkəŋ mbeh səku. 3A kəpələk ley gər Yesu seh, ar viyey, ama a gula i gəru səku, məŋgəvday hedi makwas iyi, baha, məŋgəvday mbiŋ seh, hedi gəl sə duk. 4A hiy a ma, a tap əŋ givde amba ley gər Yesu mə nda i taŋ kəɗi əŋ mba. 5Əŋ Yesu mə gwar a lay ta seh, a gər nje əŋ wuzlaf, a zlapaŋgu, a zla: «Jakayus, bəreŋgehe viyu, məŋgəvday eci wa seh, sey sa waŋ a ge təkwa.» 6Jakayus a vaz ley bəreŋgehe, a kuwu abə səsəm. 7Əŋ hedi iyi i mə gəru mənaŋ wa seh, i guŋgur ma#19:7 Guŋgur ma: gər baha əŋ Luka 15:2. a talaŋ Yesu, i zla: «A nda i waŋgaha a ge hedi mə ɗal hem!» 8Ama Jakayus, a gar a ma tə Bay Bayta, a zlapaŋgu, a zla: «Bay Bayta, sa nda i wuɗak məsəkəŋ na iyi dəl bək, sa nda i vəl məzəwindi əŋ hedi məstakwaŋ iyi. Əŋgah sa kəɓət məsəkəŋ tə hedi za abə kataf ta səku, sa ziŋgeŋza za ŋgas nfaɗ.» 9Yesu a zlapaŋgu, a zla: «Reh kətəɗaha za əŋ ge wa eci, məŋgəvday mbiŋ bahayim, ar mambuwaha tə əŋ ntaŋw tə Ibrahima. 10Məŋgəvday Mbu tə Hedi a ndaha seh ley pələk abə ley reh hedi makuɗəp iyi.»
Ma marərək a talaŋ dala tə malaway mawaɗ
(Matta 25:14-30)
11Hedi iyi i kəzlim ma tə Yesu. Ɓa, a zlapaŋta abə ma marərək baha, məŋgəvday mbiŋ mbeh kwata ley gwar əŋ Urusalima, hedi iyi cek seh Bay tə Bizlaf a nda i gwaraha mbehmbeh mba. 12Ehe, ma mbiŋ mə zlap, a zla: «Hedi məzəwindi aka, əŋ ntaŋw tə bay, a nda əŋ hayak sə guduk amba i ɗiyu əŋ bay, abə dawaŋ ta, a ziŋgehe ŋga. 13A ɗafaŋta ma əŋ hedi iyi wam, əŋ faŋw tə hedi mə ɗal kəzəɗ ŋga iyi, a ɓizekeŋta dala tə malaway mawaɗ wam, a zlapaŋta, a zla: “Hi ber məsəkəŋ abə mbiŋ ha əŋ sa mə nda i ziŋgehe.” 14Ama hedi tə əŋ hayak ŋga iyi i kəmbaza səku, i kələɓ hedi iyi za abə dawaŋ ŋga, amba ley zlap mənaŋ wa, i zla: “Nini kəmba hedi ta a ɗal bay a talaŋ tini səku.” 15Abə mbiŋ ta fuk, i vəlaŋ bay za, ɓa, a ziŋgehe ŋga əŋ hayak ŋga, a ɗafaŋta ma əŋ gula ŋga iyi mbiŋ mə vəlaŋta dala sey, amba ley səŋ dala mafəfəl tə a talaŋ ta, a ndəra kwa viyey fuk. 16Gula titʉz a ndaha, a zlapaŋgu, a zla: “Bay na, dala tə malaway mawaɗ təkwa sey, kəfəfəlaha wam za a talaŋ ta.” 17Bay, a zlapaŋgu, a zla: “Ləlaw diya, hwa gula səntaŋ, hwa kəɗal kəzəɗ səntaŋ za abə məsəkəŋ mekedek, məŋgəvday a ɗek, sa kəɗiyah miya guverner a talaŋ berne iyi wam.” 18Gula məbək ta a ndaha, a zlapaŋgu, a zla: “Bay na, dala tə malaway təkwa sey, kəfəfəlaha juɓum za a talaŋ ta.” 19Bay, a ziŋgeŋ zlap, a zla: “Hwa bahayim, sa kəɗiyah miya guverner a talaŋ berne iyi juɓum.” 20Gula məzəwindi, a ndaha, a zlapaŋgu, a zla: “Bay na, ehe, dala tə malaway mawaɗ təkwa sey, sa kəɓah za ka əŋ məsəra rukut, 21məŋgəvday sa kələndəŋ za abə hwa, hwa hedi sə lem: hwa kəɓət məsəkəŋ əŋ lay hwa mə ɗiy səku, hwa kəbəl məsəkəŋ əŋ lay hwa mə zlək səku.” 22Bay, a ziŋgeŋ zlap, a zla: “Gula madawar, məŋgəvday ma təkwa hwa mə zlap wa, sa mbəzlah ma za. Hwa kəsəŋ sa seh, sa hedi sə lem, sa kəɓət məsəkəŋ əŋ lay sa mə ɗiy səku, sa kəbəl məsəkəŋ əŋ lay sa mə zlək səku. 23Əŋgah mənaŋ mba seh, məŋgəvday a mey, hwa ɗiyakza ka əŋ bank səku vaw? Əŋ ziŋgehe na, sa ɓətahaw abə fəfəl səku vaw?” 24Ɓa, a zlapaŋta əŋ hedi tə a namba iyi, a zla: “Hi kuw dala tə ndəra ŋga mba za, hi vəlaŋ əŋ hedi tə abə dala tə malaway mawaɗ sə wam sey.” 25I zlapaŋgu, i zla: “Bay Bayta, mbiŋ abə dala tə malaway ŋga mawaɗ wam səku vah!” 26A ziŋgeŋta zlap, a zla: “Sa kəzlapaheni, əŋ hedi tə abə məsəkəŋ seh, i vəlaŋ za baha. Ama hedi məsəkəŋ ŋga halla seh, i kuwaŋ sə betem ŋga mba za. 27Əŋ məsəgər na iyi i mə mba sa ɗal bay a talaŋ tata səku wa seh, hi dahata əŋ nawa, ɓa, hi jata a ma na.”»
Yesu a gwaraha əŋ Urusalima
(Matta 21:1-11; Markus 11:1-11; Yahwana 12:12-19)
28Abə dawaŋ tə zlap iyi wa, Yesu a nda a ma tə hedi iyi ley tap əŋ Urusalima. 29Əŋ mbiŋ kəgwaraha kwata mbehmbeh abə Baytifaji liŋ abə Baytaniya, a kelek wuzum i mə ɗafaŋ ma wuzum tə Jaytun iyi, a ləɓ gula ŋga iyi bək, 30a zlapaŋta, a zla: «Hi nda əŋ wuta tə a ma təheni cuwa. Əŋ heni kətəɗ əŋ wuta ta seh, hi lim mbu zaŋgwa za mə jewi, hedi kəter ley nja a ɗek halla. Hi pəlahaw, hi dahakza. 31Əŋgah hedi a ɗəpaheni: “Hi pəlu seh imey?” Seh, hi ziŋgeŋ zlap: “Ar Bay Bayta, mə mbalu.”» 32Mələɓ iyi sey, i nda i lim məsəkəŋ iyi ta mənaŋ Yesu mə zlapaŋta. 33Əŋ tata i kəpəl zaŋgwa sey, hedi tə mbu zaŋgwa iyi ta i ɗəpta, i zla: «Hi pəl mbu zaŋgwa ta seh imey?» 34I ziŋgeŋta zlap, i zla: «Ar Bay Bayta, mə mbalu.» 35I daha zaŋgwa sey əŋ Yesu, ɓa, i ndəɗ rukut iyi a zaŋgwa ta, i tap Yesu a ɗek. 36Əŋ Yesu a kəmar ley nda, hedi iyi i kəndəɗ rukut iyi a kataf. 37Kəgwar kwata əŋ Urusalima mbehmbeh abə məsur tə wuzum tə Jaytun iyi seh, gula ŋga makwas iyi fuk, i mbə əŋ səsəm səndawl, i mar ley həmən Bizlaf abə fagay, məŋgəvday a mazla tata i mə lim iyi wa fuk. 38I zlap, i zla:
«Bizlaf mə ɗiy ndəra bay ŋga a hedi mə ndaha tə abə miya tə Bay Bayta!
Zahay a wuzlaf, həmən əŋ Bizlaf tə wuzlaf#19:38 2:14; Jabura 118:26.!»
39Farisa dakayta iyi tə əŋ faŋw tə hedi makwas iyi i zlapaŋ əŋ Yesu, i zla: «Metir, zlapaŋta əŋ gula təkwa iyi i mə bes.» 40Yesu a ziŋgeŋta zlap, a zla: «Sa kəzlapaheni, əŋgah tata i kəbes za seh, kwa nvəŋ iyi i ja varay za.»
Yesu a haŋ məŋgəvday hedi tə Urusalima iyi
41Əŋ Yesu kəgwaraha kwata mbehmbeh abə berne ta, a gəru, ɓa, a haŋ məŋgəvday berne ta. 42A zla: «Əŋgah heni bahayim, heni hedi tə Urusalima iyi, heni kəsəŋ za, eci wa, heni nda i lim zahay seh, viŋgey! Ama mənjawa məsəkəŋ ta mə ɓehi a nje təheni. 43Ayaw, heni seh, waŋ ta a ndaha za, məsəgər təheni iyi i ndaha za ley tuləkaheni abə məsəkəŋ kə ɗal vərəm iyi. I tʉskʉleheni za, i ŋgəcaheni za kwa kəɗi əŋ kəv vitikey fuk. 44I nda i dənah berne təheni fuk, heni abə wuziyi təheni iyi. I yak nvəŋ a talaŋ nvəŋ halla, məŋgəvday heni kəsəŋ pis Bizlaf kəndaha za ley təraheni seh halla.»
Yesu mbə əŋ biŋ tə Bizlaf
(Matta 21:12-17; Markus 11:15-19; Yahwana 2:13-22)
45Yesu a təɗ əŋ biŋ tə Bizlaf, ɓa, a mar ley gam hedi mə ber məsəkəŋ iyi. 46A zlapaŋta, a zla: «Ma mawuzlel tə əŋ Ɗerewel tə Bizlaf, a zla: “Biŋ na seh, ar biŋ kə ɗal mbuh.” Ama heni seh, hi kəmbaɗu za əŋ mbudum tə hedi mə la məsəkəŋ tə hedi iyi#19:46 Esaya 56:7; Yeremiya 7:11..»
47A pis ta a pis ta, a kəsərəkta əŋ biŋ tə Bizlaf. Hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi liŋ hedi səndawl tə a talaŋ hedi iyi i kəpələk ley ju. 48Ama i kəsəŋ i nda i ɗal ley məlu seh, viŋgey səku, məŋgəvday hedi iyi fuk i kəteheŋ zlim lawlaw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល