Yahwana 9
9
Yesu a rəzaŋ nje tə hedi wuluf mar tə əŋ mbuwaha ŋga
1Əŋ Yesu a kətaŋ seh, a lim hedi wuluf mar tə əŋ mbuwaha ŋga. 2Gula ŋga iyi i ɗəpu, i zla: «Rabbi, hedi wa, a mbuwaha wuluf seh məŋgəvday a mey? Ar məŋgəvday hem ŋga vaw, aka səku məŋgəvday hem tə baba ŋga iyi vaw?» 3Yesu a ziŋgeŋta zlap, a zla: «Ar məŋgəvday hem ŋga səku, baha, məŋgəvday hem tə baba ŋga iyi səku bahayim. Ama a ɗal mənaŋ wa seh, amba Bizlaf a giz kəzəɗ ŋga kəɗi a mbiŋ. 4Əŋ pis mbə aka ndagwa, sey nakwa iyi ɗal kəzəɗ tə hedi mə ləɓaka. Njaɗu mbeh kwata, əŋ hala ta mba, hedi a gula i ɗal kəzəɗ səku ba. 5Əŋ sa mbə əŋ məŋhayak seh, sa lay mawaɗ tə əŋ məŋhayak.» 6Abə dawaŋ tə zlap iyi wa, Yesu a pir mesleɓ əŋ teyek, a ŋgaɗ dəris kʉsit abə mbiŋ, a mbaslu a nje tə hedi wuluf ta. 7Ɓa, a zlapaŋgu, a zla: «Nda i baŋgaha nje əŋ tarakw tə Silawam.» Silawam, mənaŋ zlap ta seh, «mələɓ». Hedi wuluf ta a nda əŋ namba, a baŋ nje. Əŋ mbiŋ, a kəziŋgehe ŋga seh, a kəlim nje izey. 8Məslige ŋga iyi abə hedi iyi i mə limza hwayhway a kərək sey, i ɗəp, i zla: «Wawa seh, ar hedi manja a kərək sey səku vaw?» 9Hedi məzəwindi iyi i zlap, i zla: «Ar mbiŋ.» Hedi məzəwindi iyi bahayim, i zla: «Ar mbiŋ səku, ar meɗele ŋga.» Ama mbiŋ abə talaŋ ŋga, a zlap, a zla: «Ar sa ta, məndiwiŋ.» 10I ɗəpu, i zla: «Ayaw, nje təkwa a rəz seh viŋgey?» 11A ziŋgeŋta zlap, a zla: «Hedi miya ŋga Yesu, a ŋgaɗ dəris kʉsit, a mbaslu a nje na, a zlapaka, a zla: “Nda i baŋgaha nje əŋ tarakw tə Silawam.” Sa nda əŋ namba, sa kəbaŋ nje kwata, ɓa, sa lim nje.» 12I zlapaŋgu, i zla: «Hedi ta mbə a tikey?» A ziŋgeŋta zlap, a zla: «Sa kəsəŋ səku.»
13I deɓ hedi nje marəz ta əŋ kelek Farisa iyi. 14Əŋ Yesu mə ŋgaɗ dəris, əŋ mbiŋ mə rəzaŋ nje tə hedi ta seh, ar əŋ pis kə yip. 15Məŋgəvday a ɗek, Farisa iyi bahayim i ɗəp hedi nje marəz ta, i zla: «Hwa mar ley lim nje mənjawa seh viŋgey?» A gizeŋta, a zla: «A mbaslaka dəris kʉsit a nje na, sa baŋ nje, ɓa, mənjawa sa kəlim nje.» 16Farisa məzəwindi iyi, i zla: «Hedi mə ɗal məsəkəŋ mənaŋ wa, a ndaha a kelek Bizlaf səku, məŋgəvday a kəsla wucum abə pis kə yip səku.» Ama hedi məzəwindi iyi, i zla: «Hedi mə ɗal hem seh, a gula i ɗal mazla iyi mənaŋ wa za vaw?» Mənaŋ wa, i kəwuɗak za əŋ faŋw tata. 17Abə dawaŋ ta izey, Farisa iyi i ɗəp hedi nje marəz sey baha, i zla: «Hwa abə talaŋ təkwa bahayim, hwa nda i zlap a hedi mə rəzah nje ta wa seh viŋgey?» A ziŋgeŋta zlap, a zla: «Ar hedi mə giz ma abə miya tə Bizlaf.»
18Ama hedi səndawl tə Yahuda iyi i kəmba i kuw hedi ta wa ar wuluf, mənjawa nje ŋga kərəz za a kəlim nje seh, i kəmba i kuw səku. Məŋgəvday a ɗek, i ɗafaŋta ma əŋ baba ŋga iyi, 19i ɗəpta, i zla: «Wawa seh, ar mbu təheni məndiwiŋ vaw? Heni kəsəŋ a mbuwaha wuluf vaw? Kaa, mənjawa a kəlim nje wa seh viŋgey?» 20Baba ŋga iyi i ziŋgeŋta zlap, i zla: «Nini səŋ seh, ar mbu təheni, a mbuwaha wuluf. 21Ama nini kəsəŋ nje ŋga a rəz seh viŋgey səku, nini kəsəŋ hedi mə rəzaŋ nje wa səku bahayim. Hi ɗəpu, mbiŋ kəgəl cuza, mə ziŋgeheni zlap ta, mbiŋ abə talaŋ ŋga.» 22Baba ŋga iyi i zlap mənaŋ mba seh, məŋgəvday i kələndəŋ abə hedi səndawl tə Yahuda iyi. Məŋgəvday hedi səndawl tə Yahuda iyi i kəjaw ma za, i zla: «Kwa viyey mə zlap Yesu, ar Almasihu seh, nini gamahaw za əŋ biŋ kə ɗal mbuh əŋ Bizlaf.» 23Məŋgəvday a ɗek, baba ŋga iyi i zlap, i zla: «Kəgəl cuza, hi ɗəpu.»
24Farisa iyi i ɗafaŋ ma əŋ hedi nje ŋga marəz sey baha, ɓa, i zlapaŋgu, i zla: «Gizʉ məndiwiŋ a ma tə Bizlaf. Nini seh, nini kəsəŋ hedi ta, ar hedi mə ɗal hem.» 25A ziŋgeŋta zlap, a zla: «Ar hedi mə ɗal hem, aka səku hedi mə ɗal hem səku seh, sa kəsəŋ səku. Ama məsəkəŋ ntaɗ sa mə səŋ seh, sa wuluf, mənjawa sa kəlim nje.» 26I ɗəpu baha, i zla: «A ɗalah seh mey? A rəzah nje ta seh viŋgey?» 27A ziŋgeŋta zlap, a zla: «Sa kəzlapaheni ma ta za, ama heni kəzlimeke ma halla. Hi mba i zlim sa gizeheni baha wa seh, məŋgəvday a mey? Aka səku heni bahayim, hi mba i mbaɗ əŋ gula ŋga iyi vaw?» 28I mar ley ru, i zla: «Ar hwa, gula ŋga, nini seh, nini gula tə Musa iyi. 29Nini kəsəŋ Bizlaf kəzlapaŋ za əŋ Musa, ama mbiŋ seh, nini kəsəŋ a təɗaha a tikey səku!» 30A ziŋgeŋta zlap, a zla: «Ehe, məsəkəŋ mə har hedi: heni kəsəŋ hedi ta a ndaha a tikey səku, ɗəba, kərəzaka nje na za. 31Nakwa iyi səŋ seh, Bizlaf a kəteheŋta zləm əŋ hedi mə ɗal hem iyi səku, ama a kəteheŋta zləm əŋ hedi mə waŋgaŋ talaŋ iyi abə əŋ hedi mə ɗal kəzəɗ mənaŋ mbiŋ mə mba iyi. 32Mar əŋ mar tə məŋhayak, hedi mə ter ley zlim hedi kərəz nje tə hedi wuluf mar tə əŋ mbuwaha ŋga za seh halla. 33Əŋgah hedi ta a ndaha mar tə a kelek Bizlaf səku seh, a gula i ɗal kwa mey seh halla.» 34I zlapaŋgu, i zla: «Hwa mbə əŋ hem hwayhway mar tə əŋ mbuwaha təkwa, hwa mba i sərəkanini vaw?» Ɓa, i kapahaw əŋ palah.
35Yesu a zlim i kəgamahaza cuza seh, ɓa, a nda əŋ kelek ŋga, a ɗəpu, a zla: «Hwa kəkuw ma tə Mbu tə Hedi vaw?» 36A ziŋgeŋ zlap, a zla: «Bay Bayta, Mbu tə Hedi seh, ar viyey? Gizekʉ amba sa kuwaŋ ma.» 37Yesu a zlapaŋgu, a zla: «Hwa kəlimʉ, ar hedi mə zlapah mənjawa.» 38Hedi ta a zlap, a zla: «Bay Bayta, sa kəkuw ma.» Ɓa, a dar malakw a ma tə Yesu. 39Abə dawaŋ ta izey, Yesu a zlap, a zla: «Sa ndaha əŋ məŋhayak wa amba mbəzl ma mə ɗal: wuluf iyi i mə gər nje, hedi mə gər nje iyi i mə mbaɗ tata əŋ wuluf iyi.» 40Farisa dakayta tə a kelek ŋga iyi i zlim ma ta seh, i ɗəpu, i zla: «Nini bahayim, nini wuluf iyi vaw?» 41Yesu a ziŋgeŋta zlap, a zla: «Əŋgah heni wuluf iyi seh, heni abə hem halla. Ama mənjawa, heni kəzlap: “Nini kəgər nje”, məŋgəvday a ɗek, hem təheni mə nji.»
ទើបបានជ្រើសរើសហើយ៖
Yahwana 9: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 9
9
Yesu a rəzaŋ nje tə hedi wuluf mar tə əŋ mbuwaha ŋga
1Əŋ Yesu a kətaŋ seh, a lim hedi wuluf mar tə əŋ mbuwaha ŋga. 2Gula ŋga iyi i ɗəpu, i zla: «Rabbi, hedi wa, a mbuwaha wuluf seh məŋgəvday a mey? Ar məŋgəvday hem ŋga vaw, aka səku məŋgəvday hem tə baba ŋga iyi vaw?» 3Yesu a ziŋgeŋta zlap, a zla: «Ar məŋgəvday hem ŋga səku, baha, məŋgəvday hem tə baba ŋga iyi səku bahayim. Ama a ɗal mənaŋ wa seh, amba Bizlaf a giz kəzəɗ ŋga kəɗi a mbiŋ. 4Əŋ pis mbə aka ndagwa, sey nakwa iyi ɗal kəzəɗ tə hedi mə ləɓaka. Njaɗu mbeh kwata, əŋ hala ta mba, hedi a gula i ɗal kəzəɗ səku ba. 5Əŋ sa mbə əŋ məŋhayak seh, sa lay mawaɗ tə əŋ məŋhayak.» 6Abə dawaŋ tə zlap iyi wa, Yesu a pir mesleɓ əŋ teyek, a ŋgaɗ dəris kʉsit abə mbiŋ, a mbaslu a nje tə hedi wuluf ta. 7Ɓa, a zlapaŋgu, a zla: «Nda i baŋgaha nje əŋ tarakw tə Silawam.» Silawam, mənaŋ zlap ta seh, «mələɓ». Hedi wuluf ta a nda əŋ namba, a baŋ nje. Əŋ mbiŋ, a kəziŋgehe ŋga seh, a kəlim nje izey. 8Məslige ŋga iyi abə hedi iyi i mə limza hwayhway a kərək sey, i ɗəp, i zla: «Wawa seh, ar hedi manja a kərək sey səku vaw?» 9Hedi məzəwindi iyi i zlap, i zla: «Ar mbiŋ.» Hedi məzəwindi iyi bahayim, i zla: «Ar mbiŋ səku, ar meɗele ŋga.» Ama mbiŋ abə talaŋ ŋga, a zlap, a zla: «Ar sa ta, məndiwiŋ.» 10I ɗəpu, i zla: «Ayaw, nje təkwa a rəz seh viŋgey?» 11A ziŋgeŋta zlap, a zla: «Hedi miya ŋga Yesu, a ŋgaɗ dəris kʉsit, a mbaslu a nje na, a zlapaka, a zla: “Nda i baŋgaha nje əŋ tarakw tə Silawam.” Sa nda əŋ namba, sa kəbaŋ nje kwata, ɓa, sa lim nje.» 12I zlapaŋgu, i zla: «Hedi ta mbə a tikey?» A ziŋgeŋta zlap, a zla: «Sa kəsəŋ səku.»
13I deɓ hedi nje marəz ta əŋ kelek Farisa iyi. 14Əŋ Yesu mə ŋgaɗ dəris, əŋ mbiŋ mə rəzaŋ nje tə hedi ta seh, ar əŋ pis kə yip. 15Məŋgəvday a ɗek, Farisa iyi bahayim i ɗəp hedi nje marəz ta, i zla: «Hwa mar ley lim nje mənjawa seh viŋgey?» A gizeŋta, a zla: «A mbaslaka dəris kʉsit a nje na, sa baŋ nje, ɓa, mənjawa sa kəlim nje.» 16Farisa məzəwindi iyi, i zla: «Hedi mə ɗal məsəkəŋ mənaŋ wa, a ndaha a kelek Bizlaf səku, məŋgəvday a kəsla wucum abə pis kə yip səku.» Ama hedi məzəwindi iyi, i zla: «Hedi mə ɗal hem seh, a gula i ɗal mazla iyi mənaŋ wa za vaw?» Mənaŋ wa, i kəwuɗak za əŋ faŋw tata. 17Abə dawaŋ ta izey, Farisa iyi i ɗəp hedi nje marəz sey baha, i zla: «Hwa abə talaŋ təkwa bahayim, hwa nda i zlap a hedi mə rəzah nje ta wa seh viŋgey?» A ziŋgeŋta zlap, a zla: «Ar hedi mə giz ma abə miya tə Bizlaf.»
18Ama hedi səndawl tə Yahuda iyi i kəmba i kuw hedi ta wa ar wuluf, mənjawa nje ŋga kərəz za a kəlim nje seh, i kəmba i kuw səku. Məŋgəvday a ɗek, i ɗafaŋta ma əŋ baba ŋga iyi, 19i ɗəpta, i zla: «Wawa seh, ar mbu təheni məndiwiŋ vaw? Heni kəsəŋ a mbuwaha wuluf vaw? Kaa, mənjawa a kəlim nje wa seh viŋgey?» 20Baba ŋga iyi i ziŋgeŋta zlap, i zla: «Nini səŋ seh, ar mbu təheni, a mbuwaha wuluf. 21Ama nini kəsəŋ nje ŋga a rəz seh viŋgey səku, nini kəsəŋ hedi mə rəzaŋ nje wa səku bahayim. Hi ɗəpu, mbiŋ kəgəl cuza, mə ziŋgeheni zlap ta, mbiŋ abə talaŋ ŋga.» 22Baba ŋga iyi i zlap mənaŋ mba seh, məŋgəvday i kələndəŋ abə hedi səndawl tə Yahuda iyi. Məŋgəvday hedi səndawl tə Yahuda iyi i kəjaw ma za, i zla: «Kwa viyey mə zlap Yesu, ar Almasihu seh, nini gamahaw za əŋ biŋ kə ɗal mbuh əŋ Bizlaf.» 23Məŋgəvday a ɗek, baba ŋga iyi i zlap, i zla: «Kəgəl cuza, hi ɗəpu.»
24Farisa iyi i ɗafaŋ ma əŋ hedi nje ŋga marəz sey baha, ɓa, i zlapaŋgu, i zla: «Gizʉ məndiwiŋ a ma tə Bizlaf. Nini seh, nini kəsəŋ hedi ta, ar hedi mə ɗal hem.» 25A ziŋgeŋta zlap, a zla: «Ar hedi mə ɗal hem, aka səku hedi mə ɗal hem səku seh, sa kəsəŋ səku. Ama məsəkəŋ ntaɗ sa mə səŋ seh, sa wuluf, mənjawa sa kəlim nje.» 26I ɗəpu baha, i zla: «A ɗalah seh mey? A rəzah nje ta seh viŋgey?» 27A ziŋgeŋta zlap, a zla: «Sa kəzlapaheni ma ta za, ama heni kəzlimeke ma halla. Hi mba i zlim sa gizeheni baha wa seh, məŋgəvday a mey? Aka səku heni bahayim, hi mba i mbaɗ əŋ gula ŋga iyi vaw?» 28I mar ley ru, i zla: «Ar hwa, gula ŋga, nini seh, nini gula tə Musa iyi. 29Nini kəsəŋ Bizlaf kəzlapaŋ za əŋ Musa, ama mbiŋ seh, nini kəsəŋ a təɗaha a tikey səku!» 30A ziŋgeŋta zlap, a zla: «Ehe, məsəkəŋ mə har hedi: heni kəsəŋ hedi ta a ndaha a tikey səku, ɗəba, kərəzaka nje na za. 31Nakwa iyi səŋ seh, Bizlaf a kəteheŋta zləm əŋ hedi mə ɗal hem iyi səku, ama a kəteheŋta zləm əŋ hedi mə waŋgaŋ talaŋ iyi abə əŋ hedi mə ɗal kəzəɗ mənaŋ mbiŋ mə mba iyi. 32Mar əŋ mar tə məŋhayak, hedi mə ter ley zlim hedi kərəz nje tə hedi wuluf mar tə əŋ mbuwaha ŋga za seh halla. 33Əŋgah hedi ta a ndaha mar tə a kelek Bizlaf səku seh, a gula i ɗal kwa mey seh halla.» 34I zlapaŋgu, i zla: «Hwa mbə əŋ hem hwayhway mar tə əŋ mbuwaha təkwa, hwa mba i sərəkanini vaw?» Ɓa, i kapahaw əŋ palah.
35Yesu a zlim i kəgamahaza cuza seh, ɓa, a nda əŋ kelek ŋga, a ɗəpu, a zla: «Hwa kəkuw ma tə Mbu tə Hedi vaw?» 36A ziŋgeŋ zlap, a zla: «Bay Bayta, Mbu tə Hedi seh, ar viyey? Gizekʉ amba sa kuwaŋ ma.» 37Yesu a zlapaŋgu, a zla: «Hwa kəlimʉ, ar hedi mə zlapah mənjawa.» 38Hedi ta a zlap, a zla: «Bay Bayta, sa kəkuw ma.» Ɓa, a dar malakw a ma tə Yesu. 39Abə dawaŋ ta izey, Yesu a zlap, a zla: «Sa ndaha əŋ məŋhayak wa amba mbəzl ma mə ɗal: wuluf iyi i mə gər nje, hedi mə gər nje iyi i mə mbaɗ tata əŋ wuluf iyi.» 40Farisa dakayta tə a kelek ŋga iyi i zlim ma ta seh, i ɗəpu, i zla: «Nini bahayim, nini wuluf iyi vaw?» 41Yesu a ziŋgeŋta zlap, a zla: «Əŋgah heni wuluf iyi seh, heni abə hem halla. Ama mənjawa, heni kəzlap: “Nini kəgər nje”, məŋgəvday a ɗek, hem təheni mə nji.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល