Yahwana 21
21
Yesu a gizeŋta wucum əŋ gula ŋga iyi a meɗek gaw tə Tiberiyas
1Nja mbizek abə dawaŋ ta, Yesu a gizeŋta wucum əŋ gula ŋga iyi baha a meɗek gaw tə Tiberiyas. Ehe, a gizeŋta wucum seh mənaŋ wa: 2Simaŋw Piyer, Tawmas, i mə ɗafaŋ ma «Musa», Natanayel, hedi tə əŋ Kana əŋ hayak tə Galili, wuziyi tə Zebede iyi liŋ abə gula tə Yesu dakayta iyi bək, i mbə a lay ta. 3Simaŋw Piyer, a zlapaŋta, a zla: «Sa nda za i məlaha kəlif.» I zlapaŋgu, i zla: «Nini bahayim, nini nda za abə hwa.» I nda tata, ɓa, i təɗ əŋ kambuwal. Ama əŋ njaɗu tə mba fuk i kəməl kəlif kwa ntaɗ halla. 4Əŋ lay mbeh kwata ley daŋ, Yesu a gar a meɗek talafay, ama gula iyi i kəsəŋza ar mbiŋ seh halla. 5Yesu a zlapaŋta, a zla: «Wuziyi na iyi, heni kəlim məsəkəŋ za ley zəm vaw?» I ziŋgeŋ zlap, i zla: «Halla.» 6A zlapaŋta, a zla: «Hi kap kʉse kəɗi əŋ kəv tə kambuwal tə ndəra zəma, heni limehe za.» I kap kʉse, i kəməlaha kəlif iyi mbeh səku ha i gula i ŋgaslaha kʉse ta əŋ yim səku ba#21:6 Luka 5:4-7.. 7Əŋ hala gula Yesu mə mbaza mbeh səku sey, a zlapaŋ əŋ Simaŋw Piyer, a zla: «Ar Bay Bayta!» Əŋ Simaŋw Piyer mə zlim ar Bay Bayta seh, a ndək rukut ŋga, məŋgəvday kəcakw rukut ta za, a mbir əŋ yim. 8Gula dakayta iyi i ziŋgehe abə kambuwal, i kəŋgaslaha kʉse tə abə kəlif magwaɗ tə ɗəməŋ sey, tata guduk abə bəra zəzay halla, a ɗal mbeh kwata metir temere. 9Əŋ tata i mə bəreŋgehe əŋ teyek seh, a namba, i lim nva kahaw abə kəlif mə ɗiyi a ɗek liŋ peŋ. 10Yesu a zlapaŋta, a zla: «Heni daha kəlif kʉsit əŋ heni mə məlahaw mənjawa.» 11Simaŋw Piyer a tap əŋ kambuwal baha, ɓa, a ŋgaslaha kʉse magwaɗ tə abə kəlif səndawl səndawl iyi ha əŋ teyek, kəlif tə ɗəməŋ fuk ta temere abə ndəra juɓum a meɗek maakaɗ. Kwa əŋ kəlif iyi ta mbeh səku mənaŋ wa seh, kʉse kəŋgwahak halla. 12Yesu a zlapaŋta, a zla: «Hi ndaha ley zəm məsəkəŋ.» Kwa hedi ntaɗ əŋ faŋw tə gula ŋga iyi, mə wulək ley ɗəpu: «Hwa seh, hwa viyey?» Seh halla. Məŋgəvday i kəsəŋgu, ar Bay Bayta. 13Abə dawaŋ ta, Yesu a kərəɗaha əŋ kelek tata, a ɓət peŋ, a vəlaŋta əŋ gula ŋga iyi. A vəlaŋta kəlif baha. 14Yesu a gizeŋta wucum əŋ gula ŋga iyi mənaŋ wa əŋ ŋgas maakaɗ, əŋ mbiŋ kəgaraha ŋga cuza əŋ faŋw tə hedi maməc iyi.
Yesu a vəlaŋ kəzəɗ əŋ Piyer
15Abə dawaŋ tə i kəzəm wuda kwata, Yesu a ɗəp Simaŋw Piyer, a zla: «Simaŋw, mbu tə Yahwana, hwa kəmbalaka day hedi iyi wa vaw?» A ziŋgeŋ zlap, a zla: «Ayaw, Bay Bayta, hwa kəsəŋ sa kəmbalah.» Yesu a zlapaŋgu, a zla: «Jaŋ mbu hentek na iyi.» 16A ɗəpu əŋ ŋgas bək, a zla: «Simaŋw, mbu tə Yahwana, hwa kəmbalaka vaw?» A ziŋgeŋ zlap, a zla: «Ayaw, Bay Bayta, hwa kəsəŋ sa kəmbalah.» Yesu a zlapaŋgu, a zla: «Jaŋgaka ntek na iyi.» 17Yesu a ɗəpu əŋ ŋgas maakaɗ ta, a zla: «Simaŋw, mbu tə Yahwana, hwa kəmbalaka vaw?» Talaŋ tə Piyer kəwuzlaɗ za əŋ Yesu mə ɗəpu əŋ ŋgas maakaɗ wa, a zla: «Hwa kəmbalaka vaw?» A ziŋgeŋ zlap, a zla: «Bay Bayta, hwa kəsəŋ məsəkəŋ iyi fuk. Hwa kəsəŋ lawlaw sa kəmbalah.» Yesu a zlapaŋgu, a zla: «Jaŋgaka ntek na iyi. 18Ayaw, sa kəzlapah məndiwiŋ, əŋ zlezle hwa mbə əŋ gula təkwa seh, hwa talaŋ təkwa hwa kəjaw gaŋ təkwa, hwa kənda a lay hwa mə mba i nda fuk. Ama əŋgah hwa kəɗal məsəra za, hwa vəl ndəra za əŋ hedi, mbiŋ bahayim, a jawah gaŋ təkwa za, a deɓeh za əŋ lay hwa mə mba i nda səku.» 19Abə zlap iyi wa, Yesu a mba i giz ntaŋw tə məc Piyer mə nda i məc, ley giz səndawl tə Bizlaf kəɗi məc ta. Ɓa, Yesu a zlapaŋgu, a zla: «Ziberekʉ.»
Yesu abə gula mbiŋ mə mbaza mbeh səku
20Piyer a buw nje, a lim gula Yesu mə mbaza mbeh səku, a kəzibereheta kəɗi əŋ dawaŋ. Ar mbiŋ mə gesi tə abə Yesu əŋ tata i kəzəm wuda sey, kəɗəpza za, a zla: «Bay Bayta, mə nda i bereh seh, viyey?» 21Əŋ Piyer mə gəru seh, a zlapaŋ əŋ Yesu, a zla: «Bay Bayta, hedi wa bahayim, mə nda i limeŋ seh mey?» 22Yesu a ziŋgeŋ zlap, a zla: «Əŋgah sa kəmba, a nja za abə nje ha əŋ sa mə nda i ziŋgehe, ma təkwa a ɗəməŋ seh mey? Hwa seh, ziberekʉ!» 23Mar tə pis mba, ma ta kəkʉkweɗ za əŋ faŋw tə hedi makuw ma iyi, i kəzlap gula ta wa a məc halla. Yesu kəzlapaŋ əŋ Piyer, a zla: «Gula wa, a məc halla», seh halla. Ama a zlapaŋ seh: «Əŋgah sa kəmba seh, a nja za ha əŋ sa mə nda i ziŋgehe, ma təkwa a ɗəməŋ seh mey?»
24Ar gula ta wa mbiŋ abə talaŋ ŋga mə ɗal sedewe a talaŋ labara iyi ta wa ar mbiŋ mə wuzlelta bahayim, nini kəsəŋ sedewe ŋga ta seh, ar məndiwiŋ.
25Yesu kəɗal məsəkəŋ iyi par za mbeh səku baha. Əŋgah i wuzlelta ntaɗ ntaɗ fuk seh, sa wulək seh məŋhayak fuk a gula i məl ɗerewel iyi, i mə wuzlelta wa seh halla.
ទើបបានជ្រើសរើសហើយ៖
Yahwana 21: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 21
21
Yesu a gizeŋta wucum əŋ gula ŋga iyi a meɗek gaw tə Tiberiyas
1Nja mbizek abə dawaŋ ta, Yesu a gizeŋta wucum əŋ gula ŋga iyi baha a meɗek gaw tə Tiberiyas. Ehe, a gizeŋta wucum seh mənaŋ wa: 2Simaŋw Piyer, Tawmas, i mə ɗafaŋ ma «Musa», Natanayel, hedi tə əŋ Kana əŋ hayak tə Galili, wuziyi tə Zebede iyi liŋ abə gula tə Yesu dakayta iyi bək, i mbə a lay ta. 3Simaŋw Piyer, a zlapaŋta, a zla: «Sa nda za i məlaha kəlif.» I zlapaŋgu, i zla: «Nini bahayim, nini nda za abə hwa.» I nda tata, ɓa, i təɗ əŋ kambuwal. Ama əŋ njaɗu tə mba fuk i kəməl kəlif kwa ntaɗ halla. 4Əŋ lay mbeh kwata ley daŋ, Yesu a gar a meɗek talafay, ama gula iyi i kəsəŋza ar mbiŋ seh halla. 5Yesu a zlapaŋta, a zla: «Wuziyi na iyi, heni kəlim məsəkəŋ za ley zəm vaw?» I ziŋgeŋ zlap, i zla: «Halla.» 6A zlapaŋta, a zla: «Hi kap kʉse kəɗi əŋ kəv tə kambuwal tə ndəra zəma, heni limehe za.» I kap kʉse, i kəməlaha kəlif iyi mbeh səku ha i gula i ŋgaslaha kʉse ta əŋ yim səku ba#21:6 Luka 5:4-7.. 7Əŋ hala gula Yesu mə mbaza mbeh səku sey, a zlapaŋ əŋ Simaŋw Piyer, a zla: «Ar Bay Bayta!» Əŋ Simaŋw Piyer mə zlim ar Bay Bayta seh, a ndək rukut ŋga, məŋgəvday kəcakw rukut ta za, a mbir əŋ yim. 8Gula dakayta iyi i ziŋgehe abə kambuwal, i kəŋgaslaha kʉse tə abə kəlif magwaɗ tə ɗəməŋ sey, tata guduk abə bəra zəzay halla, a ɗal mbeh kwata metir temere. 9Əŋ tata i mə bəreŋgehe əŋ teyek seh, a namba, i lim nva kahaw abə kəlif mə ɗiyi a ɗek liŋ peŋ. 10Yesu a zlapaŋta, a zla: «Heni daha kəlif kʉsit əŋ heni mə məlahaw mənjawa.» 11Simaŋw Piyer a tap əŋ kambuwal baha, ɓa, a ŋgaslaha kʉse magwaɗ tə abə kəlif səndawl səndawl iyi ha əŋ teyek, kəlif tə ɗəməŋ fuk ta temere abə ndəra juɓum a meɗek maakaɗ. Kwa əŋ kəlif iyi ta mbeh səku mənaŋ wa seh, kʉse kəŋgwahak halla. 12Yesu a zlapaŋta, a zla: «Hi ndaha ley zəm məsəkəŋ.» Kwa hedi ntaɗ əŋ faŋw tə gula ŋga iyi, mə wulək ley ɗəpu: «Hwa seh, hwa viyey?» Seh halla. Məŋgəvday i kəsəŋgu, ar Bay Bayta. 13Abə dawaŋ ta, Yesu a kərəɗaha əŋ kelek tata, a ɓət peŋ, a vəlaŋta əŋ gula ŋga iyi. A vəlaŋta kəlif baha. 14Yesu a gizeŋta wucum əŋ gula ŋga iyi mənaŋ wa əŋ ŋgas maakaɗ, əŋ mbiŋ kəgaraha ŋga cuza əŋ faŋw tə hedi maməc iyi.
Yesu a vəlaŋ kəzəɗ əŋ Piyer
15Abə dawaŋ tə i kəzəm wuda kwata, Yesu a ɗəp Simaŋw Piyer, a zla: «Simaŋw, mbu tə Yahwana, hwa kəmbalaka day hedi iyi wa vaw?» A ziŋgeŋ zlap, a zla: «Ayaw, Bay Bayta, hwa kəsəŋ sa kəmbalah.» Yesu a zlapaŋgu, a zla: «Jaŋ mbu hentek na iyi.» 16A ɗəpu əŋ ŋgas bək, a zla: «Simaŋw, mbu tə Yahwana, hwa kəmbalaka vaw?» A ziŋgeŋ zlap, a zla: «Ayaw, Bay Bayta, hwa kəsəŋ sa kəmbalah.» Yesu a zlapaŋgu, a zla: «Jaŋgaka ntek na iyi.» 17Yesu a ɗəpu əŋ ŋgas maakaɗ ta, a zla: «Simaŋw, mbu tə Yahwana, hwa kəmbalaka vaw?» Talaŋ tə Piyer kəwuzlaɗ za əŋ Yesu mə ɗəpu əŋ ŋgas maakaɗ wa, a zla: «Hwa kəmbalaka vaw?» A ziŋgeŋ zlap, a zla: «Bay Bayta, hwa kəsəŋ məsəkəŋ iyi fuk. Hwa kəsəŋ lawlaw sa kəmbalah.» Yesu a zlapaŋgu, a zla: «Jaŋgaka ntek na iyi. 18Ayaw, sa kəzlapah məndiwiŋ, əŋ zlezle hwa mbə əŋ gula təkwa seh, hwa talaŋ təkwa hwa kəjaw gaŋ təkwa, hwa kənda a lay hwa mə mba i nda fuk. Ama əŋgah hwa kəɗal məsəra za, hwa vəl ndəra za əŋ hedi, mbiŋ bahayim, a jawah gaŋ təkwa za, a deɓeh za əŋ lay hwa mə mba i nda səku.» 19Abə zlap iyi wa, Yesu a mba i giz ntaŋw tə məc Piyer mə nda i məc, ley giz səndawl tə Bizlaf kəɗi məc ta. Ɓa, Yesu a zlapaŋgu, a zla: «Ziberekʉ.»
Yesu abə gula mbiŋ mə mbaza mbeh səku
20Piyer a buw nje, a lim gula Yesu mə mbaza mbeh səku, a kəzibereheta kəɗi əŋ dawaŋ. Ar mbiŋ mə gesi tə abə Yesu əŋ tata i kəzəm wuda sey, kəɗəpza za, a zla: «Bay Bayta, mə nda i bereh seh, viyey?» 21Əŋ Piyer mə gəru seh, a zlapaŋ əŋ Yesu, a zla: «Bay Bayta, hedi wa bahayim, mə nda i limeŋ seh mey?» 22Yesu a ziŋgeŋ zlap, a zla: «Əŋgah sa kəmba, a nja za abə nje ha əŋ sa mə nda i ziŋgehe, ma təkwa a ɗəməŋ seh mey? Hwa seh, ziberekʉ!» 23Mar tə pis mba, ma ta kəkʉkweɗ za əŋ faŋw tə hedi makuw ma iyi, i kəzlap gula ta wa a məc halla. Yesu kəzlapaŋ əŋ Piyer, a zla: «Gula wa, a məc halla», seh halla. Ama a zlapaŋ seh: «Əŋgah sa kəmba seh, a nja za ha əŋ sa mə nda i ziŋgehe, ma təkwa a ɗəməŋ seh mey?»
24Ar gula ta wa mbiŋ abə talaŋ ŋga mə ɗal sedewe a talaŋ labara iyi ta wa ar mbiŋ mə wuzlelta bahayim, nini kəsəŋ sedewe ŋga ta seh, ar məndiwiŋ.
25Yesu kəɗal məsəkəŋ iyi par za mbeh səku baha. Əŋgah i wuzlelta ntaɗ ntaɗ fuk seh, sa wulək seh məŋhayak fuk a gula i məl ɗerewel iyi, i mə wuzlelta wa seh halla.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល