Yahwana 18
18
Məl tə Yesu
(Matta 26:47-56; Markus 14:43-50; Luka 22:47-53)
1Abə dawaŋ tə Yesu kəcukwaɗ i zlap kwata seh, ɓa, a nda ŋga abə gula ŋga iyi kəɗi əŋ kəv məzəwindi tə lakwat tə Kedəraŋw. Jerne əŋ lay ta aka, ɓa, a təɗ abə gula ŋga iyi əŋ ɗəməŋ. 2Yahuda, hedi mə nda i ber Yesu, a kəsəŋ lay ta bahayim, məŋgəvday Yesu abə gula ŋga iyi hwayhway i kəjam a namba. 3Yahuda a deɓ dəl tə sewje iyi liŋ hedi mə jəɗ biŋ tə Bizlaf iyi. I ndaha abə miya tə hedi səndawl iyi tə a talaŋ hedi iyi i mə ɗal kukus əŋ Bizlaf liŋ Farisa iyi. I gwaraha əŋ jerne abə tawstəlam, lalam liŋ kəlemser. 4Əŋ Yesu mə səŋ məsəkəŋ mə nda i ɗalaŋgu fuk seh, ɓa, a kərəɗaha əŋ kelek tata, a ɗəpta, a zla: «Heni pələk seh viyey?» 5I ziŋgeŋ zlap, i zla: «Nini kəpələk Yesu lə Nasaratu.» A zlapaŋta, a zla: «Ar sa.» Yahuda, hedi mə berʉ, mə geri a namba abə tata bahayim. 6Əŋ Yesu mə zlapaŋta: «Ar sa» wa seh, i ziŋ abə dawaŋ abə dawaŋ, ɓa, i ndəv əŋ teyek. 7Yesu a ɗəpta baha, a zla: «Heni pələk seh viyey?» I zlapaŋgu, i zla: «Yesu lə Nasaratu.» 8Yesu a ziŋgeŋta zlap, a zla: «Sa kəzlapaheni, ar sa. Əŋgah heni pələk sa seh, hi yak hedi iyi wa, i mə nda tata.» 9Mənaŋ wa izey, ar seh amba zlap Yesu mə giz wa mə ɗal: «Baba, sa kəkuɗəp hedi kwa ntaɗ əŋ faŋw tə hedi iyi hwa mə vəlaku wa seh halla.» 10Abə dawaŋ ta, Simaŋw Piyer abə masalam, a dəɗahaw əŋ ge ta, a bəl gula tə hedi səndawl tə a talaŋ hedi iyi i mə ɗal kukus əŋ Bizlaf əŋ zləm tə ndəra zəma ha a rəsl, gula ta, miya ŋga Malkus. 11Ama Yesu a zlapaŋ əŋ Piyer, a zla: «Ndək masalam təkwa ka əŋ ge ta. Hwa wulək seh sa zləŋ takwaŋ tə tuwah Baba na mə vəlaku wa seh halla vaw#18:11 Matta 26:39; Markus 14:36; Luka 22:42.?»
12Abə dawaŋ ta izey, sewje iyi mbeh səku abə səndawl tata, hedi səndawl tə Yahuda iyi liŋ hedi mə jəɗ biŋ tə Bizlaf iyi i məl Yesu, i jawu.
13Titʉz i deɓʉ əŋ ge Anas#18:13 Luka 3:2.. Anas ta seh, ar səkulah tə Kayafas, hedi səndawl tə a talaŋ hedi iyi i mə ɗal kukus əŋ Bizlaf a va ta mba. 14Ar Kayafas ta mə ɗalaŋta yawa əŋ hedi səndawl tə Yahuda iyi, a zla: «Gelɓe hedi ntaɗ mə məc məŋgəvday hedi iyi fuk.»
Piyer a ja ma, a zla mbiŋ gula tə Yesu səku
(Matta 26:69-70; Markus 14:66-68; Luka 22:55-57)
15Simaŋw Piyer abə gula məzəwindi i kəziber Yesu. Gula ta, kətəɗ za abə Yesu ha a palah ge tə hedi səndawl tə a talaŋ hedi iyi i mə ɗal kukus əŋ Bizlaf, məŋgəvday hedi səndawl tə a talaŋ hedi iyi i mə ɗal kukus əŋ Bizlaf a kəsəŋgu. 16Ama Piyer mə geri a palah, mbehmbeh abə medigiɗ. Abə dawaŋ ta izey, gula tə hedi səndawl tə a talaŋ hedi iyi i mə ɗal kukus əŋ Bizlaf mə səŋgu sey, a təɗaha a palah, a zlapaŋ əŋ wala mə jəɗ medigiɗ. Ɓa, a təɗaha Piyer əŋ ge. 17Wala mə jəɗ medigiɗ ta, a ɗəp Piyer: «Na hwa bahayim hwa gula tə hedi wa?» Piyer a ziŋgeŋ zlap, a zla: «Ar sa səku.» 18Mimiɗ a kəmaɗ, məŋgəvday a ɗek, hedi mə ɗal kəzəɗ iyi abə hedi mə jəɗ biŋ tə Bizlaf iyi i mə geri a meɗek kahaw tə ŋguvaŋw tata i mə basu ley sit. Piyer mə geri a namba abə tata, a kəsit kahaw bahayim.
Hedi səndawl tə a talaŋ hedi iyi i mə ɗal kukus əŋ Bizlaf a ɗəp Yesu
(Matta 26:59-66; Markus 14:55-64; Luka 22:66-71)
19Hedi səndawl tə a talaŋ hedi iyi i mə ɗal kukus əŋ Bizlaf a ɗəp Yesu a talaŋ gula ŋga iyi abə a sərək ŋga iyi. 20Yesu a ziŋgeŋ zlap, a zla: «Sa kəzlap abə ɓah halla a ma tə hedi iyi fuk. Sa kəsərək hwayhway əŋ biŋ iyi kə ɗal mbuh əŋ Bizlaf iyi abə əŋ biŋ tə Bizlaf, əŋ lay Yahuda iyi i mə jam talaŋ. Sa kəzlap kwa mey abə ɓah seh halla. 21Hwa ɗəpaka seh, məŋgəvday a mey? Ɗəp hedi mə zlim ma na iyi, a ma sa mə zlapaŋta. Tata i kəsəŋ ma sa mə gizeŋta.» 22Əŋ Yesu mə zlap mənaŋ wa, hedi ntaɗ tə əŋ faŋw tə hedi mə jəɗ magar tə a namba iyi a vəlaŋ maraw, a zla: «Hwa ziŋgeŋ zlap mənaŋ wa əŋ hedi səndawl tə a talaŋ hedi iyi i mə ɗal kukus əŋ Bizlaf vaw?» 23Yesu a ziŋgeŋ zlap, a zla: «Əŋgah sa kəzlap ma madawar za seh, gizʉ. Ama əŋgah ma sa mə zlap wa abə kataf ta seh, hwa tawaka wa seh məŋgəvday a mey?» 24Abə dawaŋ ta izey, Anas a zlapaŋta əŋ hedi iyi sey ley deɓʉ əŋ kelek Kayafas, hedi səndawl tə a talaŋ hedi iyi i mə ɗal kukus əŋ Bizlaf. Yesu ta, mə jewi dap.
Piyer a zla a kəsəŋ Yesu səku
(Matta 26:71-75; Markus 14:69-72; Luka 22:58-62)
25Əŋ mbamba, Simaŋw Piyer mbə a namba, a kəsit kahaw. Abə dawaŋ ta, i zlapaŋgu, i zla: «Na hwa hedi ntaɗ tə əŋ faŋw tə gula tə hedi ta wa bahayim?» Ama Piyer a ziŋgeŋ zlap, a zla: «Ar sa səku.» 26Hedi ntaɗ əŋ faŋw tə hedi mə ɗal kəzəɗ tə hedi səndawl tə a talaŋ hedi iyi i mə ɗal kukus əŋ Bizlaf, ar vəŋ tə hedi Piyer mə bəlaŋ zləm sey, a zlapaŋgu, a zla: «Sa kəlimeh əŋ jerne abə mbiŋ seh halla vaw?» 27Ama Piyer a ja ma baha. Mbehmbeh mba, gwamzakw a ja wula.
Yesu mbə a ma tə Pilatu
(Matta 27:1-2, 11-14; Markus 15:1-5; Luka 23:1-5)
28Ar abə kafa ta vət, sewje iyi i təɗaha Yesu a ge Kayafas, i deɓʉ əŋ lay kə mbəzl ma tə guverner tə Rawma. Hedi mə daha Yesu iyi i kətəɗ əŋ lay kə mbəzl ma seh halla, məŋgəvday i kəmba i ɗal ndəra dəlay səku, amba i lim ley zəm wuda tə Paska. 29Məŋgəvday a ɗek, guverner Pilatu a təɗaha a ge, a nda i limeŋta kesek, a ɗəpta, a zla: «Heni daha hedi wa seh, a hem vitikey?» 30Səndawl tə Yahuda iyi i ziŋgeŋ zlap: «Əŋgah hedi ta kəɗal məsəkəŋ madawar halla seh, nini dahaw əŋ kelek təkwa seh halla.» 31Pilatu a zlapaŋta baha, a zla: «Heni ɓətu, heni abə talaŋ təheni, ɓa, hi mbəzlaŋ ma mənaŋ ma majaw təheni mə zlap.» Hedi səndawl tə Yahuda iyi sey i ziŋgeŋ zlap, i zla: «Nini abə kataf ley mbəzl ma kə ja hedi seh halla.»
32Məsəkəŋ ta, kəɗal za mənaŋ wa, amba zlap Yesu mə zlap wa ley giz kəɗi a məc vitikey mbiŋ mə nda i məc a ɗal. 33Pilatu a təɗ əŋ ge ŋga baha, a ɗafaŋ ma əŋ Yesu, a ɗəpu: «Hwa bay tə Yahuda iyi vaw?» 34Yesu a ziŋgeŋ zlap, a zla: «Hwa zlap mənaŋ wa seh məŋgəvday wulək təkwa vaw, aka səku hedi dakayta iyi i mə zlapah a talaŋ na vaw?» 35Pilatu a ziŋgeŋ zlap, a zla: «Sa seh, sa lə Yahudiya vaw? Hedi təkwa iyi abə hedi səndawl iyi tə a talaŋ hedi iyi i mə ɗal kukus əŋ Bizlaf i mə vəlah əŋ ndəra na. Hwa ɗal seh mey?» 36Yesu a ziŋgeŋ zlap, a zla: «Bay na seh, ar bay tə əŋ məŋhayak wa səku. Əŋgah bay na ar bay tə məŋhayak wa seh, gula na iyi i ndaha za ley jəm, amba i mba i vəlaka əŋ ndəra hedi səndawl tə Yahuda iyi səku. Ama məndiwiŋ, bay na seh, ar bay tə əŋ məŋhayak wa səku.» 37Pilatu a ɗəpu, a zla: «Hwa seh, hwa bay izey vaw?» Yesu a ziŋgeŋ zlap, a zla: «Ar hwa mə zlap, sa bay. Sa mbuwaha, sa ndaha əŋ məŋhayak wa, məŋgəvday ley ɗal sedewe a zlap məndiwiŋ. Kwa viyey hedi tə zlap məndiwiŋ seh, a kəteh zləm a ma sa mə zlap.» 38Pilatu a ɗəpu, a zla: «Zlap məndiwiŋ seh mey?»
I mbəzlaŋ ma a Yesu, mbəzl ma kə ja
(Matta 27:15-31; Markus 15:6-20; Luka 23:13-25)
Əŋ Pilatu kəzlap kwata mənaŋ wa seh, a ndaha a palah əŋ kelek hedi səndawl tə Yahuda iyi, a zlapaŋta, a zla: «Sa seh, sa kəlim kwa zlap madawar ntaɗ ley pek hedi ta wa seh halla. 39Ama mənaŋ vah hwayhway əŋ gugway tə Paska fuk, sa kəyakaheni hedi ntaɗ tə əŋ daŋgay heni mə mba. Heni mba sa yakaheni bay tə Yahuda iyi wa vaw?» 40Ama i ja varay baha, i zla: «Ar mbiŋ səku, nini mba hwa yakanini Barabbas!» Ama Barabbas ta seh, ar hedi mə la məsəkəŋ tə hedi iyi.
ទើបបានជ្រើសរើសហើយ៖
Yahwana 18: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 18
18
Məl tə Yesu
(Matta 26:47-56; Markus 14:43-50; Luka 22:47-53)
1Abə dawaŋ tə Yesu kəcukwaɗ i zlap kwata seh, ɓa, a nda ŋga abə gula ŋga iyi kəɗi əŋ kəv məzəwindi tə lakwat tə Kedəraŋw. Jerne əŋ lay ta aka, ɓa, a təɗ abə gula ŋga iyi əŋ ɗəməŋ. 2Yahuda, hedi mə nda i ber Yesu, a kəsəŋ lay ta bahayim, məŋgəvday Yesu abə gula ŋga iyi hwayhway i kəjam a namba. 3Yahuda a deɓ dəl tə sewje iyi liŋ hedi mə jəɗ biŋ tə Bizlaf iyi. I ndaha abə miya tə hedi səndawl iyi tə a talaŋ hedi iyi i mə ɗal kukus əŋ Bizlaf liŋ Farisa iyi. I gwaraha əŋ jerne abə tawstəlam, lalam liŋ kəlemser. 4Əŋ Yesu mə səŋ məsəkəŋ mə nda i ɗalaŋgu fuk seh, ɓa, a kərəɗaha əŋ kelek tata, a ɗəpta, a zla: «Heni pələk seh viyey?» 5I ziŋgeŋ zlap, i zla: «Nini kəpələk Yesu lə Nasaratu.» A zlapaŋta, a zla: «Ar sa.» Yahuda, hedi mə berʉ, mə geri a namba abə tata bahayim. 6Əŋ Yesu mə zlapaŋta: «Ar sa» wa seh, i ziŋ abə dawaŋ abə dawaŋ, ɓa, i ndəv əŋ teyek. 7Yesu a ɗəpta baha, a zla: «Heni pələk seh viyey?» I zlapaŋgu, i zla: «Yesu lə Nasaratu.» 8Yesu a ziŋgeŋta zlap, a zla: «Sa kəzlapaheni, ar sa. Əŋgah heni pələk sa seh, hi yak hedi iyi wa, i mə nda tata.» 9Mənaŋ wa izey, ar seh amba zlap Yesu mə giz wa mə ɗal: «Baba, sa kəkuɗəp hedi kwa ntaɗ əŋ faŋw tə hedi iyi hwa mə vəlaku wa seh halla.» 10Abə dawaŋ ta, Simaŋw Piyer abə masalam, a dəɗahaw əŋ ge ta, a bəl gula tə hedi səndawl tə a talaŋ hedi iyi i mə ɗal kukus əŋ Bizlaf əŋ zləm tə ndəra zəma ha a rəsl, gula ta, miya ŋga Malkus. 11Ama Yesu a zlapaŋ əŋ Piyer, a zla: «Ndək masalam təkwa ka əŋ ge ta. Hwa wulək seh sa zləŋ takwaŋ tə tuwah Baba na mə vəlaku wa seh halla vaw#18:11 Matta 26:39; Markus 14:36; Luka 22:42.?»
12Abə dawaŋ ta izey, sewje iyi mbeh səku abə səndawl tata, hedi səndawl tə Yahuda iyi liŋ hedi mə jəɗ biŋ tə Bizlaf iyi i məl Yesu, i jawu.
13Titʉz i deɓʉ əŋ ge Anas#18:13 Luka 3:2.. Anas ta seh, ar səkulah tə Kayafas, hedi səndawl tə a talaŋ hedi iyi i mə ɗal kukus əŋ Bizlaf a va ta mba. 14Ar Kayafas ta mə ɗalaŋta yawa əŋ hedi səndawl tə Yahuda iyi, a zla: «Gelɓe hedi ntaɗ mə məc məŋgəvday hedi iyi fuk.»
Piyer a ja ma, a zla mbiŋ gula tə Yesu səku
(Matta 26:69-70; Markus 14:66-68; Luka 22:55-57)
15Simaŋw Piyer abə gula məzəwindi i kəziber Yesu. Gula ta, kətəɗ za abə Yesu ha a palah ge tə hedi səndawl tə a talaŋ hedi iyi i mə ɗal kukus əŋ Bizlaf, məŋgəvday hedi səndawl tə a talaŋ hedi iyi i mə ɗal kukus əŋ Bizlaf a kəsəŋgu. 16Ama Piyer mə geri a palah, mbehmbeh abə medigiɗ. Abə dawaŋ ta izey, gula tə hedi səndawl tə a talaŋ hedi iyi i mə ɗal kukus əŋ Bizlaf mə səŋgu sey, a təɗaha a palah, a zlapaŋ əŋ wala mə jəɗ medigiɗ. Ɓa, a təɗaha Piyer əŋ ge. 17Wala mə jəɗ medigiɗ ta, a ɗəp Piyer: «Na hwa bahayim hwa gula tə hedi wa?» Piyer a ziŋgeŋ zlap, a zla: «Ar sa səku.» 18Mimiɗ a kəmaɗ, məŋgəvday a ɗek, hedi mə ɗal kəzəɗ iyi abə hedi mə jəɗ biŋ tə Bizlaf iyi i mə geri a meɗek kahaw tə ŋguvaŋw tata i mə basu ley sit. Piyer mə geri a namba abə tata, a kəsit kahaw bahayim.
Hedi səndawl tə a talaŋ hedi iyi i mə ɗal kukus əŋ Bizlaf a ɗəp Yesu
(Matta 26:59-66; Markus 14:55-64; Luka 22:66-71)
19Hedi səndawl tə a talaŋ hedi iyi i mə ɗal kukus əŋ Bizlaf a ɗəp Yesu a talaŋ gula ŋga iyi abə a sərək ŋga iyi. 20Yesu a ziŋgeŋ zlap, a zla: «Sa kəzlap abə ɓah halla a ma tə hedi iyi fuk. Sa kəsərək hwayhway əŋ biŋ iyi kə ɗal mbuh əŋ Bizlaf iyi abə əŋ biŋ tə Bizlaf, əŋ lay Yahuda iyi i mə jam talaŋ. Sa kəzlap kwa mey abə ɓah seh halla. 21Hwa ɗəpaka seh, məŋgəvday a mey? Ɗəp hedi mə zlim ma na iyi, a ma sa mə zlapaŋta. Tata i kəsəŋ ma sa mə gizeŋta.» 22Əŋ Yesu mə zlap mənaŋ wa, hedi ntaɗ tə əŋ faŋw tə hedi mə jəɗ magar tə a namba iyi a vəlaŋ maraw, a zla: «Hwa ziŋgeŋ zlap mənaŋ wa əŋ hedi səndawl tə a talaŋ hedi iyi i mə ɗal kukus əŋ Bizlaf vaw?» 23Yesu a ziŋgeŋ zlap, a zla: «Əŋgah sa kəzlap ma madawar za seh, gizʉ. Ama əŋgah ma sa mə zlap wa abə kataf ta seh, hwa tawaka wa seh məŋgəvday a mey?» 24Abə dawaŋ ta izey, Anas a zlapaŋta əŋ hedi iyi sey ley deɓʉ əŋ kelek Kayafas, hedi səndawl tə a talaŋ hedi iyi i mə ɗal kukus əŋ Bizlaf. Yesu ta, mə jewi dap.
Piyer a zla a kəsəŋ Yesu səku
(Matta 26:71-75; Markus 14:69-72; Luka 22:58-62)
25Əŋ mbamba, Simaŋw Piyer mbə a namba, a kəsit kahaw. Abə dawaŋ ta, i zlapaŋgu, i zla: «Na hwa hedi ntaɗ tə əŋ faŋw tə gula tə hedi ta wa bahayim?» Ama Piyer a ziŋgeŋ zlap, a zla: «Ar sa səku.» 26Hedi ntaɗ əŋ faŋw tə hedi mə ɗal kəzəɗ tə hedi səndawl tə a talaŋ hedi iyi i mə ɗal kukus əŋ Bizlaf, ar vəŋ tə hedi Piyer mə bəlaŋ zləm sey, a zlapaŋgu, a zla: «Sa kəlimeh əŋ jerne abə mbiŋ seh halla vaw?» 27Ama Piyer a ja ma baha. Mbehmbeh mba, gwamzakw a ja wula.
Yesu mbə a ma tə Pilatu
(Matta 27:1-2, 11-14; Markus 15:1-5; Luka 23:1-5)
28Ar abə kafa ta vət, sewje iyi i təɗaha Yesu a ge Kayafas, i deɓʉ əŋ lay kə mbəzl ma tə guverner tə Rawma. Hedi mə daha Yesu iyi i kətəɗ əŋ lay kə mbəzl ma seh halla, məŋgəvday i kəmba i ɗal ndəra dəlay səku, amba i lim ley zəm wuda tə Paska. 29Məŋgəvday a ɗek, guverner Pilatu a təɗaha a ge, a nda i limeŋta kesek, a ɗəpta, a zla: «Heni daha hedi wa seh, a hem vitikey?» 30Səndawl tə Yahuda iyi i ziŋgeŋ zlap: «Əŋgah hedi ta kəɗal məsəkəŋ madawar halla seh, nini dahaw əŋ kelek təkwa seh halla.» 31Pilatu a zlapaŋta baha, a zla: «Heni ɓətu, heni abə talaŋ təheni, ɓa, hi mbəzlaŋ ma mənaŋ ma majaw təheni mə zlap.» Hedi səndawl tə Yahuda iyi sey i ziŋgeŋ zlap, i zla: «Nini abə kataf ley mbəzl ma kə ja hedi seh halla.»
32Məsəkəŋ ta, kəɗal za mənaŋ wa, amba zlap Yesu mə zlap wa ley giz kəɗi a məc vitikey mbiŋ mə nda i məc a ɗal. 33Pilatu a təɗ əŋ ge ŋga baha, a ɗafaŋ ma əŋ Yesu, a ɗəpu: «Hwa bay tə Yahuda iyi vaw?» 34Yesu a ziŋgeŋ zlap, a zla: «Hwa zlap mənaŋ wa seh məŋgəvday wulək təkwa vaw, aka səku hedi dakayta iyi i mə zlapah a talaŋ na vaw?» 35Pilatu a ziŋgeŋ zlap, a zla: «Sa seh, sa lə Yahudiya vaw? Hedi təkwa iyi abə hedi səndawl iyi tə a talaŋ hedi iyi i mə ɗal kukus əŋ Bizlaf i mə vəlah əŋ ndəra na. Hwa ɗal seh mey?» 36Yesu a ziŋgeŋ zlap, a zla: «Bay na seh, ar bay tə əŋ məŋhayak wa səku. Əŋgah bay na ar bay tə məŋhayak wa seh, gula na iyi i ndaha za ley jəm, amba i mba i vəlaka əŋ ndəra hedi səndawl tə Yahuda iyi səku. Ama məndiwiŋ, bay na seh, ar bay tə əŋ məŋhayak wa səku.» 37Pilatu a ɗəpu, a zla: «Hwa seh, hwa bay izey vaw?» Yesu a ziŋgeŋ zlap, a zla: «Ar hwa mə zlap, sa bay. Sa mbuwaha, sa ndaha əŋ məŋhayak wa, məŋgəvday ley ɗal sedewe a zlap məndiwiŋ. Kwa viyey hedi tə zlap məndiwiŋ seh, a kəteh zləm a ma sa mə zlap.» 38Pilatu a ɗəpu, a zla: «Zlap məndiwiŋ seh mey?»
I mbəzlaŋ ma a Yesu, mbəzl ma kə ja
(Matta 27:15-31; Markus 15:6-20; Luka 23:13-25)
Əŋ Pilatu kəzlap kwata mənaŋ wa seh, a ndaha a palah əŋ kelek hedi səndawl tə Yahuda iyi, a zlapaŋta, a zla: «Sa seh, sa kəlim kwa zlap madawar ntaɗ ley pek hedi ta wa seh halla. 39Ama mənaŋ vah hwayhway əŋ gugway tə Paska fuk, sa kəyakaheni hedi ntaɗ tə əŋ daŋgay heni mə mba. Heni mba sa yakaheni bay tə Yahuda iyi wa vaw?» 40Ama i ja varay baha, i zla: «Ar mbiŋ səku, nini mba hwa yakanini Barabbas!» Ama Barabbas ta seh, ar hedi mə la məsəkəŋ tə hedi iyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល