Kəzəɗ tə Mələɓ iyi 4
4
Piyer abə Yahwana i mbə a ma tə hedi səndawl mə ɗal yawa kə mbəzl ma iyi
1Əŋ Piyer abə Yahwana i kəzlapaŋta əŋ hedi iyi ndagwa seh, hedi mə ɗal kukus əŋ Bizlaf iyi abə hedi səndawl tə hedi iyi i mə jəɗ biŋ tə Bizlaf liŋ lə Saduki iyi i gwaraha əŋ kelek tata. 2Nəf tata kədəm za mbeh səku əŋ tata i mə lim mələɓ iyi sey, i kəsərək hedi iyi. I gizeŋta əŋ hedi iyi əŋ Bizlaf mə garaha Yesu əŋ faŋw tə hedi maməc iyi, hedi maməc iyi bahayim i gula i garaha əŋ faŋw tə hedi maməc iyi. 3I məlta, i pekta əŋ daŋgay ha abə kafa, məŋgəvday məcukahw kəɗal kwata. 4Ama əŋ faŋw tə hedi iyi i mə zlim zlap tə ndəra mələɓ iyi ta seh, hedi iyi mbeh səku i kəkuw ma tə Bizlaf za, ha hedi makuw ma iyi ta i fəfəlaha a ɗal mbeh kwata gabal juɓum.
5Garaha kafa ta, talaŋ habay iyi, hedi mə ɗal yawa iyi abə metir tə ma majaw iyi i kwas əŋ Urusalima. 6A namba, Anas, hedi səndawl tə a talaŋ hedi mə ɗal kukus əŋ Bizlaf, Kayafas, Yahwana abə Alekzandəre liŋ hedi dakayta iyi fuk tə ge hedi səndawl tə a talaŋ hedi iyi i mə ɗal kukus əŋ Bizlaf. 7I gar mələɓ iyi ta a ma tata, i ɗəpta, i zla: «Abə mazla vitikey, aka səku abə miya vitey hi ɗal məsəkəŋ iyi ta wa?» 8Abə dawaŋ ta izey, Piyer, mə gweɗi abə Mimiɗ sə Kweɗek, a ziŋgeŋta zlap, a zla: «Waa hedi səndawl iyi tə a talaŋ hedi iyi abə hedi mə ɗal yawa iyi, 9i kəɗəpanini eci a talaŋ məsəkəŋ səntaŋ nini mə ɗalaŋ əŋ hedi mahuluɓ wa, i ɗəpanini seh, hedi mahuluɓ ta a mar ley mbəl seh viŋgey? 10Ləlaw diya, heni fuk abə hedi tə Israyila iyi, hi səŋ ka: əŋgah hedi ta wa a ndaha, a gar a ma təheni mbiŋ ndaŋwndaŋw seh, ar abə mazla tə miya tə Yesu Almasihu lə Nasaratu, hedi heni mə daru a mpay mazlaŋgal wa, ama Bizlaf kəgarahaw za əŋ faŋw tə hedi maməc iyi. 11Yesu seh:
“ar nvəŋ heni, hedi mə ləm ge iyi i mə nahaw,
ama kəmbaɗ za əŋ nvəŋ tə təŋkumare#4:11 Jabura 118:22..”»
12«Reh seh, a ndəra ŋga taataɗ, məŋgəvday hedi par əŋ məŋhayak Bizlaf mə vəlaŋ mazla amba nakwa iyi lim reh abə mbiŋ seh halla ba səlak.» 13Hedi mə ɗal yawa tə əŋ lay kə mbəzl ma iyi i kəhar za mbeh səku, məŋgəvday i gər Piyer abə Yahwana i kələndəŋ halla səlak, i gərta ar hedi sə ndʉlndʉl iyi səku, tata hedi mə tak ŋgəz iyi. I kəsəŋ kenek za əŋ tata, tata seh, ar hedi mə pik tə abə Yesu iyi. 14Ama i lim hedi mambəl sey mə geri a kelek tata, hedi mə ɗal yawa iyi tə əŋ lay kə mbəzl ma i gula i zlap səku ba. 15Abə dawaŋ ta izey, i vəl kataf ley təɗaha Piyer abə Yahwana əŋ lay kə ɗal yawa kə mbəzl ma a palah, ɓa, i mar ley ɗal yawa əŋ faŋw tata. 16I zlap: «Nakwa iyi nda i ɗalaŋta əŋ hedi iyi wa seh viŋgey? Hedi tə Urusalima iyi fuk i kəsəŋ tata i kəɗal məsəkəŋ mə har hedi iyi za. Nakwa gula i zlap ma madawar a məsəkəŋ tata i mə ɗal səku ba. 17Ama ma ta, a mba i kʉkweɗ əŋ faŋw tə hedi iyi səku, sey nakwa iyi takta, nakwa iyi zləŋgaŋta takwaŋ, amba i mba i giz miya tə Yesu əŋ kwa viyey səku.» 18Ɓa, i ɗafaŋta ma baha. I takta abə fagay, i mba i giz, aka səku i mba i sərək miya tə Yesu əŋ hedi iyi səku ba. 19Ama Piyer abə Yahwana i ziŋgeŋta zlap, i zla: «Heni abə talaŋ təheni, hi gər ma ta, ma sə delele a ma tə Bizlaf seh mey: ley waŋgaheni talaŋ vaw, aka səku ley waŋgaŋ talaŋ əŋ Bizlaf vaw? 20Nini seh, nini gula i yak ley zlap a talaŋ məsəkəŋ nini mə gər abə nini mə lim seh halla.» 21Hedi mə ɗal yawa iyi tə əŋ lay kə mbəzl ma, i zləŋgaŋta takwaŋ baha, ɓa, i yakta. I kəlim wereh ley tawta seh halla, məŋgəvday hedi iyi fuk i kəhəmən Bizlaf a məsəkəŋ i mə ɗal ta. 22Hedi mambəl tə abə mazla wa sey, va ŋga day ndəra nfaɗ.
Ɗal mbuh tə hedi makuw ma iyi
23Əŋ tata i mə yakahata yak seh, Piyer abə Yahwana i nda tata əŋ kelek maday tata iyi. I gizeŋta məsəkəŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa iyi i mə zlap. 24Əŋ maday tata iyi i mə zlim ma ta seh, hedi makuw ma iyi i ɗalaŋ mbuh əŋ Bizlaf abə nəf ntaɗ, i zla: «Waa Bay Bayta Bizlaf, ar hwa mə ləm lay tə wuzlaf abə lay tə teyek, talafay abə məsəkəŋ tə ɗəməŋ iyi fuk. 25Ar hwa mə vəlaŋ Mimiɗ sə Kweɗek əŋ Dawuda dide tə dide tini, hedi təkwa mə ɗal kəzəɗ, amba a zlap:
“Hedi iyi i kəɗal pakwam, ama ar məŋgəvday a mey?
I kəɗal wulək ley ɗal məsəkəŋ, ama haya!
26Bay tə əŋ hayak iyi i kəsla wucum ley ɗal vərum,
talaŋ habay iyi i kəjam za#4:26 Jabura 2:1-2. a Bay Bayta Bizlaf
liŋ a talaŋ Almasihu ŋga.”»
27«Ar mənaŋ mba məndiwiŋ, Hirudus abə Pawntiyus Pilatu i kəjam za əŋ berne ta, abə talaŋ habay tə hedi madaway iyi liŋ hedi tə əŋ Israyila iyi fuk a talaŋ hedi təkwa Yesu, hwa mə may ley ɗal kəzəɗ#4:27 Luka 23:7-11; Matta 27:1-2; Esaya 61:1; Luka 4:18.. 28I kəɗal məsəkəŋ hwa mə mba za abə mazla təkwa, abə mba təkwa mar zlezle. 29Mənjawa, waa Bay Bayta gər tuwah tata abə dak wucum, vəlaŋta mazla əŋ gula təkwa iyi ley giz ma təkwa abə ləndəŋ səku. 30Giz fagay təkwa amba hedi mə dal iyi i mə mbəl, ɗal mazla iyi abə məsəkəŋ mə har hedi iyi abə miya tə hedi mə ɗal kəzəɗ təkwa Yesu, mbiŋ hedi sə kweɗek.» 31Əŋ tata i kəcukwaɗ za ley ɗal mbuh seh, lay tata i mə jam talaŋ tə a namba wa, kəhuɓəl za. Tata fuk Mimiɗ sə Kweɗek kəgwaɗta za, i kəgiz ma tə Bizlaf abə ləndəŋ səku.
Hedi makuw ma iyi i kəɓiz məsəkəŋ tata iyi əŋ faŋw tata
32Hedi makuw ma iyi mbeh səku i kəjam talaŋ lawlaw, abə nəf ntaɗ, abə burŋguzl ntaɗ. Kwa hedi ntaɗ əŋ faŋw tata mə zlap: «Məsəkəŋ na iyi wa seh, ar tə tana taataɗ seh halla», ama i kəjam məsəkəŋ tata iyi fuk a lay ntaɗ. 33Ar abə fagay səndawl, mələɓ iyi i kəɗal sedewe a talaŋ garaha tə Bay Bayta Yesu əŋ faŋw tə hedi maməc iyi. Bizlaf a kəɗiyaŋta ndəra bay za mbeh səku a talaŋ. 34Hedi məstakwaŋ əŋ faŋw tata seh halla. Hedi tə abə lay iyi, aka səku tə abə ge iyi i mə berta, i daha dala tə məsəkəŋ tata i mə berehew iyi ta, 35i vəlaŋta əŋ mələɓ iyi, ar tata i mə nda i ɓizeŋta əŋ kwa viyey fuk tiɗe abə ley hwasaŋgu. 36Hedi məzəwindi aka, miya ŋga Yusufa, hedi tə əŋ ntaŋw tə Lewi iyi, a mbuwaha əŋ Kiprus. Mələɓ iyi i ɗiyaŋ miya Barnabas, mənaŋ zlap ta: «hedi mə vəlaŋta fagay əŋ hedi iyi». 37Mbiŋ bahayim kəber lay ŋga za, kədaha dala ta za, kəvəlaŋta za əŋ mələɓ iyi.
ទើបបានជ្រើសរើសហើយ៖
Kəzəɗ tə Mələɓ iyi 4: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 4
4
Piyer abə Yahwana i mbə a ma tə hedi səndawl mə ɗal yawa kə mbəzl ma iyi
1Əŋ Piyer abə Yahwana i kəzlapaŋta əŋ hedi iyi ndagwa seh, hedi mə ɗal kukus əŋ Bizlaf iyi abə hedi səndawl tə hedi iyi i mə jəɗ biŋ tə Bizlaf liŋ lə Saduki iyi i gwaraha əŋ kelek tata. 2Nəf tata kədəm za mbeh səku əŋ tata i mə lim mələɓ iyi sey, i kəsərək hedi iyi. I gizeŋta əŋ hedi iyi əŋ Bizlaf mə garaha Yesu əŋ faŋw tə hedi maməc iyi, hedi maməc iyi bahayim i gula i garaha əŋ faŋw tə hedi maməc iyi. 3I məlta, i pekta əŋ daŋgay ha abə kafa, məŋgəvday məcukahw kəɗal kwata. 4Ama əŋ faŋw tə hedi iyi i mə zlim zlap tə ndəra mələɓ iyi ta seh, hedi iyi mbeh səku i kəkuw ma tə Bizlaf za, ha hedi makuw ma iyi ta i fəfəlaha a ɗal mbeh kwata gabal juɓum.
5Garaha kafa ta, talaŋ habay iyi, hedi mə ɗal yawa iyi abə metir tə ma majaw iyi i kwas əŋ Urusalima. 6A namba, Anas, hedi səndawl tə a talaŋ hedi mə ɗal kukus əŋ Bizlaf, Kayafas, Yahwana abə Alekzandəre liŋ hedi dakayta iyi fuk tə ge hedi səndawl tə a talaŋ hedi iyi i mə ɗal kukus əŋ Bizlaf. 7I gar mələɓ iyi ta a ma tata, i ɗəpta, i zla: «Abə mazla vitikey, aka səku abə miya vitey hi ɗal məsəkəŋ iyi ta wa?» 8Abə dawaŋ ta izey, Piyer, mə gweɗi abə Mimiɗ sə Kweɗek, a ziŋgeŋta zlap, a zla: «Waa hedi səndawl iyi tə a talaŋ hedi iyi abə hedi mə ɗal yawa iyi, 9i kəɗəpanini eci a talaŋ məsəkəŋ səntaŋ nini mə ɗalaŋ əŋ hedi mahuluɓ wa, i ɗəpanini seh, hedi mahuluɓ ta a mar ley mbəl seh viŋgey? 10Ləlaw diya, heni fuk abə hedi tə Israyila iyi, hi səŋ ka: əŋgah hedi ta wa a ndaha, a gar a ma təheni mbiŋ ndaŋwndaŋw seh, ar abə mazla tə miya tə Yesu Almasihu lə Nasaratu, hedi heni mə daru a mpay mazlaŋgal wa, ama Bizlaf kəgarahaw za əŋ faŋw tə hedi maməc iyi. 11Yesu seh:
“ar nvəŋ heni, hedi mə ləm ge iyi i mə nahaw,
ama kəmbaɗ za əŋ nvəŋ tə təŋkumare#4:11 Jabura 118:22..”»
12«Reh seh, a ndəra ŋga taataɗ, məŋgəvday hedi par əŋ məŋhayak Bizlaf mə vəlaŋ mazla amba nakwa iyi lim reh abə mbiŋ seh halla ba səlak.» 13Hedi mə ɗal yawa tə əŋ lay kə mbəzl ma iyi i kəhar za mbeh səku, məŋgəvday i gər Piyer abə Yahwana i kələndəŋ halla səlak, i gərta ar hedi sə ndʉlndʉl iyi səku, tata hedi mə tak ŋgəz iyi. I kəsəŋ kenek za əŋ tata, tata seh, ar hedi mə pik tə abə Yesu iyi. 14Ama i lim hedi mambəl sey mə geri a kelek tata, hedi mə ɗal yawa iyi tə əŋ lay kə mbəzl ma i gula i zlap səku ba. 15Abə dawaŋ ta izey, i vəl kataf ley təɗaha Piyer abə Yahwana əŋ lay kə ɗal yawa kə mbəzl ma a palah, ɓa, i mar ley ɗal yawa əŋ faŋw tata. 16I zlap: «Nakwa iyi nda i ɗalaŋta əŋ hedi iyi wa seh viŋgey? Hedi tə Urusalima iyi fuk i kəsəŋ tata i kəɗal məsəkəŋ mə har hedi iyi za. Nakwa gula i zlap ma madawar a məsəkəŋ tata i mə ɗal səku ba. 17Ama ma ta, a mba i kʉkweɗ əŋ faŋw tə hedi iyi səku, sey nakwa iyi takta, nakwa iyi zləŋgaŋta takwaŋ, amba i mba i giz miya tə Yesu əŋ kwa viyey səku.» 18Ɓa, i ɗafaŋta ma baha. I takta abə fagay, i mba i giz, aka səku i mba i sərək miya tə Yesu əŋ hedi iyi səku ba. 19Ama Piyer abə Yahwana i ziŋgeŋta zlap, i zla: «Heni abə talaŋ təheni, hi gər ma ta, ma sə delele a ma tə Bizlaf seh mey: ley waŋgaheni talaŋ vaw, aka səku ley waŋgaŋ talaŋ əŋ Bizlaf vaw? 20Nini seh, nini gula i yak ley zlap a talaŋ məsəkəŋ nini mə gər abə nini mə lim seh halla.» 21Hedi mə ɗal yawa iyi tə əŋ lay kə mbəzl ma, i zləŋgaŋta takwaŋ baha, ɓa, i yakta. I kəlim wereh ley tawta seh halla, məŋgəvday hedi iyi fuk i kəhəmən Bizlaf a məsəkəŋ i mə ɗal ta. 22Hedi mambəl tə abə mazla wa sey, va ŋga day ndəra nfaɗ.
Ɗal mbuh tə hedi makuw ma iyi
23Əŋ tata i mə yakahata yak seh, Piyer abə Yahwana i nda tata əŋ kelek maday tata iyi. I gizeŋta məsəkəŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa iyi i mə zlap. 24Əŋ maday tata iyi i mə zlim ma ta seh, hedi makuw ma iyi i ɗalaŋ mbuh əŋ Bizlaf abə nəf ntaɗ, i zla: «Waa Bay Bayta Bizlaf, ar hwa mə ləm lay tə wuzlaf abə lay tə teyek, talafay abə məsəkəŋ tə ɗəməŋ iyi fuk. 25Ar hwa mə vəlaŋ Mimiɗ sə Kweɗek əŋ Dawuda dide tə dide tini, hedi təkwa mə ɗal kəzəɗ, amba a zlap:
“Hedi iyi i kəɗal pakwam, ama ar məŋgəvday a mey?
I kəɗal wulək ley ɗal məsəkəŋ, ama haya!
26Bay tə əŋ hayak iyi i kəsla wucum ley ɗal vərum,
talaŋ habay iyi i kəjam za#4:26 Jabura 2:1-2. a Bay Bayta Bizlaf
liŋ a talaŋ Almasihu ŋga.”»
27«Ar mənaŋ mba məndiwiŋ, Hirudus abə Pawntiyus Pilatu i kəjam za əŋ berne ta, abə talaŋ habay tə hedi madaway iyi liŋ hedi tə əŋ Israyila iyi fuk a talaŋ hedi təkwa Yesu, hwa mə may ley ɗal kəzəɗ#4:27 Luka 23:7-11; Matta 27:1-2; Esaya 61:1; Luka 4:18.. 28I kəɗal məsəkəŋ hwa mə mba za abə mazla təkwa, abə mba təkwa mar zlezle. 29Mənjawa, waa Bay Bayta gər tuwah tata abə dak wucum, vəlaŋta mazla əŋ gula təkwa iyi ley giz ma təkwa abə ləndəŋ səku. 30Giz fagay təkwa amba hedi mə dal iyi i mə mbəl, ɗal mazla iyi abə məsəkəŋ mə har hedi iyi abə miya tə hedi mə ɗal kəzəɗ təkwa Yesu, mbiŋ hedi sə kweɗek.» 31Əŋ tata i kəcukwaɗ za ley ɗal mbuh seh, lay tata i mə jam talaŋ tə a namba wa, kəhuɓəl za. Tata fuk Mimiɗ sə Kweɗek kəgwaɗta za, i kəgiz ma tə Bizlaf abə ləndəŋ səku.
Hedi makuw ma iyi i kəɓiz məsəkəŋ tata iyi əŋ faŋw tata
32Hedi makuw ma iyi mbeh səku i kəjam talaŋ lawlaw, abə nəf ntaɗ, abə burŋguzl ntaɗ. Kwa hedi ntaɗ əŋ faŋw tata mə zlap: «Məsəkəŋ na iyi wa seh, ar tə tana taataɗ seh halla», ama i kəjam məsəkəŋ tata iyi fuk a lay ntaɗ. 33Ar abə fagay səndawl, mələɓ iyi i kəɗal sedewe a talaŋ garaha tə Bay Bayta Yesu əŋ faŋw tə hedi maməc iyi. Bizlaf a kəɗiyaŋta ndəra bay za mbeh səku a talaŋ. 34Hedi məstakwaŋ əŋ faŋw tata seh halla. Hedi tə abə lay iyi, aka səku tə abə ge iyi i mə berta, i daha dala tə məsəkəŋ tata i mə berehew iyi ta, 35i vəlaŋta əŋ mələɓ iyi, ar tata i mə nda i ɓizeŋta əŋ kwa viyey fuk tiɗe abə ley hwasaŋgu. 36Hedi məzəwindi aka, miya ŋga Yusufa, hedi tə əŋ ntaŋw tə Lewi iyi, a mbuwaha əŋ Kiprus. Mələɓ iyi i ɗiyaŋ miya Barnabas, mənaŋ zlap ta: «hedi mə vəlaŋta fagay əŋ hedi iyi». 37Mbiŋ bahayim kəber lay ŋga za, kədaha dala ta za, kəvəlaŋta za əŋ mələɓ iyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល